ཆེན་ཆོས་ཀྱི་རྒྱལ་པོ་ཐུབ་བསྟན་སྤྱི་དང་བྱེ་བྲག་རང་བསྟན་ཁའུ་བྲག་རྫོང་པའི་རིང་ལུགས་འཛིན་པར་སྤྲུལ་པའི་ཟློས་གར་བསྟན་པ་འདྲ་ཕེབས་པ་རྡོ་རྗེའི་གསུང་བླ་ན་མེད་པར་གོ །གཞན་དུ་བསམ་གྱིས་མི་ཁྱབ་པའི་རྟོགས་པ་བརྗོད་པའི་རྔོ་མ་ཐོགས་ནའང་སྙིགས་དུས་ཀྱི་གདུལ་བྱ་སྨིན་པ་གསུམ་ཤས་ཆུང་། སྒྲིབ་པ་གསུམ་གྱི་བག་ཆགས་ཆེས་ཆེར་བདེ་བའི་གང་…

དུས་སྒྲོན་བསྐལ་དུ་བཤད་པས་བསྐལ་པ་བཟང་པོ་འདི་ལ་སངས་རྒྱས་སྟོང་འབྱུང་བར་གསུངས་པའིའོ་སྐོལ་གྱི་སྟོན་པ་ཤཱཀྱ་སེང་གེའི་ལུང་རྟོགས་ཀྱི་བསྟན་པ་ཡུལ་དབུས་འགྱུར་འཆང་དུ་དར་རྒྱས་སུ་གྱུར་པ་ནས་ཡུན་རིང་ཞིག་ནས་བོད་དུ་དམ་པའི་ཆོས་འབྱུང་བར་ལྷ་མོ་དྲི་མ་མེད་པས་ཞུས་པའི་མདོ་ལས། ང་ཡོངས་སུ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་གདོ…

དམ་པ་འདིའི་རིགས་ནི། བོད་རྒྱལ་པོའི་དབོན་དུ་གྱུར་པའི་འ་ཞ་ཞེས་བྱ་ཞིང་དེའང་ཟུར་མཁར་བློ་གྲོས་རྒྱལ་པོའི་ཤེས་བྱ་སྤྱིའི་ཁོག་དབུག་གཏན་པ་མེད་པའི་མཆོད་སྦྱིན་གྱི་སྒོ་འཕར་ཡངས་པོར་བོན་གྱི་གཏམ་རྒྱུད་དྲངས་པར། གྲི་གུམ་བཙན་པོའི་དུས་དམག་དྲངས་ནས་ཁ་ཆེའི་ཡུལ་བཅོམས་པའི་ཚེ་ཡུལ་བྱེ་བྲག་པ་པུཎྜ་སུར་བྲག་ཉུང་མ་ལྟར་གཤོག་པར་བྱེད་…

ལྡེའུ་བཙན་གྱི་སྐབས། རྗེ་སྲོག་པོ་ཁྱུང་བཞི་ལྷ་ཇོ་བོ་ལྕམ་དང་ལྔ། འབངས་ར་ཀློག་ཅན་དང་དྲུག །སེ་འ་ཞ་གཉིས་དང་བཅས་པ་རྣམས། ཆད་པ་མདོ་ཁམས་སྒང་ནས་ཆད། ཆགས་པ་གཡས་རུ་ཤངས་སུ་ཆགས་ཤེས་པ་རྣམས་གུངས་བསྒྲིགས་ན་གང་ཟག་རང་མཚན་པ་ཞིག་ལ་བཀར་ནས་རྒྱ་གར་ཕྱོགས་ན་ཡོད་ཚུལ་ཁུངས་དག་པར་མི་སེམས་ཏེ་བོན་དང་མུ་སྟེགས་མི་གཅིག་པས་ལོ་རྒྱུས་དེ་འད…

མ་སངས་སྤུན་དགུ། རྒྱན་ཕྲན་ཉི་ཤུ་རྩ་ལྔ། བཅུ་གཉིས། སིལ་མ་བཞི་བཅུས་རིམ་གྱིས་དབང་བྱས་པར་བཤད་པ་ཀུན་མཁྱེན་མཁྱེན་བརྩེའི་དབང་ཕྱུག་གི་རྣམ་ཐར་དུ་མིའུ་གདུང་དྲུག་གི་ནང་ཚན་དུ་གསུངས་པ་གོང་དུ་དངོས་མིང་ངོས་མ་འཕྲོད་ཀྱང་ཞྭ་དམར་ཐམས་ཅད་མཁྱེན་པ་བཞི་པས་མཛད་པའི་ཁྲུས་ཁང་ལོ་ཙཱ་བ་བསོད་ནམས་རྒྱ་མཚོའི་རྣམ་ཐར་དུ། ཕྱིའི་རུས་ཆེན་ལྡ…

ནང་ན་དགྲ་བོའི་སྙིང་ཁྲག་བླུག་པ་མི་རྩིབ་ཀྱིས་ཐུར་མ་བྱས་ཏེ་གསོལ་བ་མངོན་སུམ་དུ་བསྟན་ནས་རྗེས་སུ་བཟུང་བར་གསོལ་བ་བཏབ་པས། ཁྱོད་ཀྱི་མི་བརྒྱུད་དང་ཆོས་བརྒྱུད་བཅས་པའི་སྲུང་མ་ངས་བྱ། ཁྱོད་ཁམས་ན་ཟླ་བ་གཅིག་ལ་འཁོར་བར་གྱིས་ཞེས་གསུང་གི་གནང་བ་ཐོབ་པས་འ་ཞ་མཐུ་ཆེ་བར་གྲགས་ཤིང་མགོན་པོ་འདི་ཉིད་རྩིས་མགོན་ཡིན་པར་སེམས། ཁམས་སུ་བ…

པའི་འཇའ་ས་ལ་གསེར་གྱི་ཐམ་ཀ །ཤེལ་གྱི་ཉིན་ཤན། དངུལ་གྱི་སྒོར་མོ་ལུང་དང་བཅས་ལས་ཀ་གནང་བས་གནས་གསར་སྟོང་དཔོན་དུ་གྲགས། རྒྱལ་པོ། སྔགས་འཆང་། གེ་སར་གྱི་ཡོན་ཏན་ཚང་བའི་མི་བདག་རིམ་བྱོན་ལས་སྟོང་དཔོན་ཀུན་དགའ་རྡོ་རྗེའི་སྲས་ནང་སོ་ཆོས་ཀྱི་རྒྱལ་པོའི་ཁབ་ཏུ་སྙན་བརྒྱུད་ཀྱི་མངའ་བདག་འཇམ་དབྱངས་ཆོས་རྗེའི་ལྕམ་རྡོ་རྗེ་རྣལ་འབྱོར་…

རིགས་པས་རྒོལ་བ་ཐམས་ཅད་ཞུམ་པར་ནུས་པའི་གནས་གསར་ཆོས་མཛད་ཅེས་སྙན་པའི་སྒྲ་བོ་ཆེ་ཀུན་ཏུ་བསྒྲགས། སྒྲོལ་དཀར་གྱི་སྤྲུལ་པར་རྒྱལ་དབང་པདྨའི་ལུང་གིས་ཟིན་པའི་ལྕམ་བགྲེས་པ་ཁྲོམ་གེ་སར་རྒྱལ་པོའི་མག་པའི་བརྒྱུད་པ་ཤར་ཁ་རྒྱལ་རྩེ་བའི་ཁབ་ཏུ་བྱོན་ནས་སྔ་འགྱུར་གྱི་རྒྱུད་འབུམ་བཞེང་བ་དང་བཀའ་གཏེར་བསྟན་པའི་སྦྱིན་བདག་ཟླ་མེད་དུ་མཛད…

པས་ཉམས་གོང་འཕེལ་གྱི་རྟོགས་པ་ཀློང་དུ་གྱུར། ཐོས་གྲོལ་དང་གཅོད་ཡུལ་སོགས་ལ་བརྟེན་ནས་སྒྱུ་ལུས་རྨི་ལམ་ལ་རང་དབང་ཐོབ་པས་ལྕང་ལོ་ཅན་གྱིས་མཚོན་དག་པའི་ཞིང་ཕུལ། གམ་པ་རྫོང་དུ་ཕྱག་རྡོར་གྱི་བསྙེན་པའི་ཚེ་ཐུན་འཚམས་སུ་མར་མེ་ཤི་ཞིང་ཐུན་དངོས་ལ་རང་འབར་དུ་འགྲོ་བ། བྱང་ཆུབ་ཀྱི་སེམས་བཅོས་མིན་དུ་འཁྲུངས་ཤིང་ཀླུ་འབུམ་གཉན་ཁྲིའི་ག…

པས་མཐའ་བརྟེན་པ་ཀུན་རྗེས་སུ་འཛིན་པའི་ཞལ་བཞེས་ཞུས། རྡོ་རྗེ་འཆང་ཚར་པ་ཆོས་རྗེ་དང་ངོར་ཆེན་སངས་རྒྱས་སེང་གེ་ལ་ཟབ་རྒྱས་ཀྱི་ཆོས་མང་དུ་གསན། སྲས་གཉིས་ལ་སྲིད་ཀྱི་བྱ་བ་མ་ལུས་པ་གཏད་དེ་བསྐྱེད་རྫོགས་ཀྱི་རྣལ་འབྱོར་བསྙེན་སྒྲུབ་བསྐང་བ་མདོས་གཏོར་སོགས་ཐུགས་དམ་གྱིས་ཉིན་མཚན་དུས་འདའ། དེ་དག་གི་ཚེ་རྡོ་རྗེ་ཆོས་སྐྱོང་ཞལ་གཟིགས་…

རེ་ལྟོས་ཞུས་པས་སྐྱབས་འཇུག་ཤིན་ཏུ་རྒྱས་པ་དང་ཁྱད་པར་རྡོ་རིང་རིན་པོ་ཆེར་གསོལ་འདེབས་ཤུགས་དྲག་གནང་བས་མནལ་ལམ་དུ་རྡོ་རིང་པ་ཆེན་པོས་ཁོང་པ་ལས་ཀྱི་རྣམ་སྨིན་གྱི་འཕྲོ་ཞིག་གིས་རྒྱ་ནག་གི་མཐའ་འཁོབ་ཏུ་རུ་དྲ་མོའི་མངལ་དུ་ཟླ་བ་དྲུག་གནས་དགོས་པ་ཆོས་སྐྱོང་གིས་མ་དེ་བསྒྲལ་ནས་ལྕང་ལོ་ཅན་དུ་སྐྱེ་ནའང་ཆོས་རྗེ་པས་འབད་རྩོལ་མཛད་ན་…

པོ་ལ་ཐུགས་སྒྲུབ་དྲག་པོ་རྩལ་གྱི་ཆོས་སྐོར་གསན་པ་གཙོ་བོར་གྱུར་པའི་བདེ་མཆོག །གཤེད་དམར། ཕུར་པ། སྒྲོལ་དཀར་སོགས་ཡི་དམ་གྱི་ལྷ་རྣམས་ཀྱི་བསྙེན་སྒྲུབ་དང་མཁའ་འགྲོ་ལྔའི་མཆོད་གཏོར་གྱིས་མཚོན་ཐུགས་དམ་ཤིན་ཏུ་སྨིན། སྐུ་ཚེའི་སྨད་ལ་ཚར་ཆེན་གྱི་དྲུང་དུ་རབ་ཏུ་བྱུང་ཞིང་དགུང་ལོ་དོན་གཉིས་པའི་ཚེ་ཚར་ཆེན་རྡོ་རྗེ་འཆང་སྤྱན་དྲངས་པ…

པའི་ངང་ཚུལ་ལས་འདས་པ་དེ་བསུས་པ་ལ་མཆེད་ཁ་ཡར་འཁྲུངས་པའི་དང་པོ་ཞབས་དྲུང་བསྟན་པའི་དྲུང་ངམ་བསོད་ནམས་རབ་བརྟན་དུ་གྲགས་པ། དེ་འོག་ཆོས་ཀྱི་རྒྱལ་མཚན། དེ་འོག་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །ཆུང་བ་ནོར་བུ་བཟང་པོ་རྣམས་ལས་གཅེན་དང་གཅུང་རྣམས་ནི་སྒྱུ་རྩལ་དྲུག་ཅུ་རྩ་བཞིས་གཙོས་ལུགས་དང་འབྲེལ་བའི་ཡོན་ཏན་གྱི་མཐུ་ཕུལ་ད…

གདོང་ངར་ཆེ་བ་གེ་སར་རིགས། །རླུང་གིས་མཐོན་པོར་བཏེག་པའི་འདབ་ཆགས་སྒྲོ། །འགྲོ་མངས་རལ་པའི་རྩེ་མོར་སྟེས་དབང་ལས། །གཡེངས་མིན་ཁུངས་འབྲེལ་ལུས་ཕྲའི་འགྲམ་ཆང་གིས། །དཔྱོད་ལྡན་བློ་ཡི་བ་ཀུ་ལ་དེ་བཞད། །རྡུལ་མང་ཕང་པར་ཉལ་བའི་ཁྲི་སྟན་སྟེང་། །ཆེན་པོར་བཀུར་བར་མི་བསྙེངས་བྱང་ཚན་ལ། །གཞོམ་པས་ཨིནྡྲ་བྷཱུ་ཏི་རྣ་རྒྱན་གྱིས། །ལྗོངས་…

དག་དང་མ་དག་སྐྱེ་བ་འགའ་ཡི་མཐར། །ཆོས་དབང་གསུང་སྤྲུལ་པདྨ་དབང་ཆེན་ཞེས། །མཁས་གྲུབ་དམ་པར་གྱུར་ལ་གསོལ་བ་འདེབས། །རྫོགས་ཆེན་རྣལ་འབྱོར་འོད་གསལ་རང་གྲོལ་དང་། །བཀའ་བརྒྱད་བཀའ་བབས་རྡོར་འཆང་བསོད་ནམས་བཟང་། །འཇམ་དབྱངས་སྒེག་པ་བསོད་ནམས་གྲུབ་ལ་སོགས། །དག་པའི་སྐྱེ་བར་གྱུར་ལ་གསོལ་བ་འདེབས། །རྒྱལ་བས་ལུང་བསྟན་ཟབ་གཏེར་བསྟན་པའི…

རྒྱ་མཚོ་ཕལ་ཆེར་བྲན་དུ་འཁོལ། །འཕྲིན་ལས་ཐོགས་མེད་སྒྲུབ་ལ་གསོལ་བ་འདེབས། །འདི་ནས་འཕོ་ཚེ་བྱང་ཕྱོགས་ལྕང་ལོ་ཅན། །ཞིང་དེར་ཕ་རྒན་དྲུང་དུ་ཐོག་མར་འགྲོ། །དེ་ནས་ཨྱོན་ཟངས་མདོག་དཔལ་རིའི་རྩེར། །སྐྱེ་བའི་རྟེན་འབྲེལ་བསྒྲིག་ལ་གསོལ་བ་འདེབས། །དེ་ལྟར་ཁྱེད་ལ་གུས་པས་གསོལ་བ་འདེབས་ན། །དུས་འདི་ནས་བཟུང་ཚེ་རབས་ཐམས་ཅད་དུ། །ནམ་ཡང…

སྲས་ཟབ་གཏེར་ཆོས་ཀྱི་བང་མཛོད་འགྲོ་མགོན་ནམ་མཁའ་དཔལ་ལྡན་ཞེས་བླ་མའི་བཀའ་བབས་ཤིང་ཐུགས་རྗེ་ཆེན་པོ་དངོས་སུ་འགྲུབ་པ། གཏེར་ཁ་འོག་མ་གུ་རུ་རིན་པོ་ཆེ་ཆོས་ཀྱི་དབང་ཕྱུག་གི་གདུང་ལས་བླ་རྫོགས་ཐུགས་གསུམ་གྱི་བཀའ་བབས་པ་རྒྱལ་སྲས་པདྨ་དབང་ཆེན། བདུད་འཇོམས་སྐྱེ་བ་རིགས་འཛིན་ཆེན་པོ་རྒོད་ཀྱི་ལྡེམ་ཕྲུས་རྗེས་སུ་བཟུང་ཞིང་སངས་རྒྱས…

གྲོལ་བསོད་ནམས་གྲུབ་པ། སྲས་པདྨ་དབང་ཆེན་གྱི་ཡང་སྲིད་གཏེར་ཆེན་ཆོས་ཀྱི་རྒྱལ་པོ་རཏྣ་གླིང་པའམ་གཏེར་གནས་དང་ལུང་བསྟན་གྱི་དབང་གིས་འགྲོ་འདུལ་གླིང་པ་དང་ཞིག་པོ་གླིང་པ་སྟེ་གཏེར་སྟོན་གཅིག་ལ་གླིང་པ་གསུམ་དུ་གྲགས་ཤིང་གཏེར་ཁ་ཉེར་བརྒྱད་ཞལ་ཕྱེ་ནས་སྔ་འགྱུར་བསྟན་པའི་སྲོག་འཐུད་པར་མཛད་པ་པོ། ཆོས་ཀྱི་རྒྱལ་པོའི་རྣམ་པར་སྤྲུལ་པ…

དང་རྡོ་རྗེ་གདན་པ་གཉིས་ཞལ་སྤྲོད་དུ་བཞུགས་སར་བྱོན་པ་ན་རྡོ་རིང་རིན་པོ་ཆེས་ཆོས་རྗེ་པ་ཁ་སང་ནས་གར་བྱོན་གསུངས་པ་ཇོ་ནང་འཇམ་སྒེག་ཅེས་པར་ཆོས་ཤོད་ཀྱི་བསྡད་ཞུས་པའི་ཚེ་རྡོ་རྗེ་གདན་པས་རྫུན་མ་གསུང་གནས་གསར་ཆོས་རྗེ་ཡིན་གནང་བའི་ལན་རྡོ་རྗེ་རིང་པས་གཉིས་ཀ་མེད་ཁོང་ཡར་ཀླུངས་པའི་དུས་སུ་འཇམ་སྒེག་ད་ལྟ་གནས་གསར་ཆོས་རྗེ་ཡིན། ཞེ…

འདི་བཞིན་ཡིན་ནམ་སྙམ། ཞལ་གཟིགས་སོགས་ངོ་མཚར་བའི་མཛད་པ་རྣམས་ནི་ཚིག་གཅིག་ཙམ་ཡང་རླུང་ཕྱོགས་སུ་མ་གྲགས་པར་བསྙེལ་ཐོ་ཕྱག་བྲིས་མ་ཞིག་སྣང་བའི་ཁ་ཡིག་ཏུ། སྤྲང་བཙུན་འཁྱམས་པོའི་གསང་བའི་གཏམ་འདི་དག །ཇི་སྲིད་འཚོ་ཡི་བར་དུ་ཁ་ཐམ་རྒྱ། །སྙིང་ནས་དད་ལྡན་རེ་རེ་ཙམ་ལ་བསྟན། །དེས་ཀྱང་སྙིང་གི་དཀྱིལ་དུ་ཨ་ཐམ་རྒྱ། །བླ་མ་སངས་རྒྱས་དངོ…