ཙེར་བཏུལ་མའི་ན་བཟའ་གསོལ་ཏེ་བླ་གཡེའི་སྒོའི་གཡས་གཡོན་གྱི་ཐོག་འོག་ཏུ་བཞུགས་སུ་གསོལ་བ་རྣམས་ཀྱི་སྨོན་ལམ་གསུང་རྩོམ་འདི་ལྟ་སྟེ། ལྷ་རིགས་འ་ཞའི་དགེ་སློང་བྱང་ཆུབ་སེམས། །གསང་སྔགས་ཀུན་འཛིན་མགོན་པོ་བསོད་ནམས་ཀྱིས། །སྔོན་བྱོན་མཁས་གྲུབ་རྣམས་ཀྱི་རྗེས་ཞུགས་ནས། །རྒྱལ་བའི་བསྟན་ལ་ཡུན་རིང་རྒྱས་ཕྱིར་དང་། །མཐའ་ཡས་འགྲོ་ལ་ཕན…

བརྟེན་པ་ལྷའི་ཚོགས་ཆུ་དང་འོ་མ་བཞིན་རོ་གཅིག་ཏུ་མཛད་པས་ཕྱོགས་ཀུན་བཀྲ་ཤིས་དང་བདེ་ལེགས་ཀྱིས་ཁྱབ་པར་གྱུར། བྲིས་པས་གཙོས་བཟོ་བོའི་ཚོགས་ཡོན་རྫོངས་སུ་གསེར་གོས་དར་ཇ་རས་གཡུ་བྱུ་རུ་སྤོས་ཤེལ་གོ་ཁྲབ་ཁྲོ་ཟངས་རྟ་དྲེལ་ཕོ་མོའི་གོས་སྣ་སྣམ་ཕྲུག་སོགས་ཀྱི་རྙེད་པས་བློའི་རེ་བ་ཡོངས་སུ་བཀང་སྟེ་ཚིམ་པར་མཛད། ཟླ་བ་དེ་ཀའི་ཚེས་ཉི་ཤ…

བོ་རྡོ་རྗེ་འཆང་དང་ཞལ་གཉིས་པ་རྗེ་བཙུན་ས་སྐྱ་པ་ཡབ་སྲས་ལ་བཀའ་བབས་པ་ཚོགས་བཤད་དང་སློབ་བཤད་གཉིས་ལས་རྗེས་འབྲངས་མཁས་གྲུབ་ཕལ་ཆེར་ལ་མ་གྲགས་པ་རིན་ཅེན་སྒང་པ་གདུང་བརྒྱུད་སྒོས་ཀྱི་ཟབ་ཆོས་ལྟ་བུ་གསང་ཆེན་སློབ་བཤད་ཀྱི་ཉམས་འཁྲིད་ཟབ་མོ་དབང་བྱིན་རླབས་རྒྱབ་བརྟེན་ལུང་དང་བཅས་པ་མཐའ་དག་ཟླ་བ་ཕྱེད་བཞི་ལྷག་ཙམ་གྱི་བར་གནང་རྗེས་དག…

ཅི་རིགས་གསན། ཚོགས་ལ་བཀའ་གདམས་ཀྱི་ཆོས་སྐོར་འགའ་ཞིག་གནང་སྐབས་མེ་ཏོག་སེར་པོ་དང་དམར་པོ་ལག་པས་ཟིན་ལ་ཁད་པའི་ཆར་བབས། སྒོ་ཁང་དུ་ཁྲ་འབྲུག་ཆོས་སྐྱོང་གི་རྟེན་གཏོར་ཡོད་པ་ལྷ་མིའི་བར་དུ་སེལ་ཅུང་ཟད་བྱུང་བ་། རྡོ་རྗེ་འཆང་དབང་ཕྱུག་རབ་བརྟན་གྱི་རྟེན་ཁྲ་འབྲུག་རྒྱལ་ཁང་རང་དུ་སྐྱེལ་བ་མཛད་པ་རྗེ་འདི་ལ་ཆོས་སྐྱོང་གིས་སྔར་ལྟར་ད…

གཏན་གླིང་གི་སྤྱིལ་པོར་སྲི་ཞུའི་ཆེད་དུ་སྤྱན་དྲངས་པའི་ཕེབས་ཞོར་ཚེ་ཆུང་འབུམ་པ་མཇལ་བ་གནང་དུས་ཚེ་ཆུ་ཆེར་བབས་པ་ཟླ་བ་བརྒྱད་པ་ཡིན་པས་དེ་དུས་ཡོང་བའི་སྐབས་མིན་རུང་བྱུང་བར་ཡ་མཚན་དུ་འཛིན། མེ་བྱ་གཙང་ཕྱོགས་སུ་ཆིབས་ཁ་བསྒྱུར་ཏེ་གདན་ས་ཆེན་པོ་དཔལ་ལྡན་ས་སྐྱར་ཕེབས། སྔགས་འཆང་བླ་མ་སེམས་དཔའ་ཆེན་པོའི་ཞབས་རྡུལ་དབུ་གཙུག་ཏུ་བ…

ན་ནི་ང་ཡང་ད་ག་བགྱིད་དེ་མིན་ངེད་རང་གཉིས་ལྷན་དུ་འགྲོ་བ་ཡིན་ཕེབས་པའི་གནས་ཚུལ་རྗེ་བླ་མ་འབྲས་སྤུངས་སུ་ཕེབས་དུས་གསུང་འཕྲོས་གནང་འདུག་ཅིང་ས་ཕག་ཧོར་ཟླ་དགུ་པའི་ཚེས་བཅུ་བཞི་ལ་དམ་པ་འདི་དང་བཅུ་གཉིས་པའི་ཚེས་བཅོ་བརྒྱད་ལ་བདག་ཆེན་རིན་པོ་ཆེ་མེ་ཏོག་འཐོར་བ་ལ་དཔགས་ན་བླ་མ་རྣམ་གཉིས་སྤྲུལ་གཞི་གཅིག་ལས་བསྟན་འགྲོའི་ཆེད་དུ་སྤྲ…

འདིའི་བདག་རྐྱེན་ལས་བྱུང་བར་སེམས་སོ། །ཟུར་ཐམས་ཅད་མཁྱེན་པ་ཧོར་ཟླ་བདུན་པའི་ཉེར་ལྔ་ལ་པདྨ་འོད་ཀྱི་ཞིང་ཁམས་སུ་སྐུའི་བཀོད་པ་བསྡུས་པའི་ཐུགས་དམ་འདོགས་བཅས་འབུལ་བ་དང་རྟེན་བཞེངས་ཀྱི་གཟུངས་བཞུགས་རབ་གནས་ལ་ཕེབས་དགོས་པའི་སྙན་གསན་ཕུལ་ཞིང་ཞལ་གྱིས་འཆེས་ནའང་ས་སྐྱོང་བསོད་ནམས་རབ་བརྟན་གྱིས་བྱུང་ན་དགེ་ལུགས་པ་ཞིག་རབ་དེ་མིན་…

པ་གནང་བ་དགེ་སློང་གི་བསམ་པར་ངན་སེམས་དེ་མཁྱེན་སོང་སྙམ་པའི་བློ་འཇིགས་ཞུམ་པ་བྱུང་སྐད། མར་ལམ་རྒྱལ་གྲུབ་གླིང་འོག་གི་འོབས་རགས་བསམ་གྲུབ་སྒངས་བའི་བུ་མོ་འཇིག་རྟེན་ཕ་རོལ་ཏུ་འགྲོ་བ་ཉེ་བར་བྱིན་རླབས་གནང་བས་ནད་གདོན་ལས་གྲོལ་ཏེ་གཞི་མེད་གྱུར་པའི་མིང་ཤི་ལྷོགས་སུ་འདོགས་པར་མཛད་དོ། །བདག་རྒྱུད་ཐ་རེངས་ཞིང་སར་བློ་སྦྱོང་དང་།…

སྙན་བརྒྱུད་པི་ཝཾ་བརྡུངས། །ཚུལ་འདིའི་ཆེད་དུ་དགོངས་རྩེ་ཉེར་གཏོད་པ། །མ་འོངས་བརྩེ་ཆེན་བླ་མའི་ཁྱད་པར་གྱི། །ཟབ་དོན་བཀའ་བབས་ཆུ་བོ་མི་ནུབ་པའི། །དྲི་བྲལ་ཡེ་ཤེས་གཟིགས་པར་ད་གདོད་ཁུམས། །ལེགས་ལྡན་དགྲ་སྲོག་ལ་རྔམ་ཁུས་སྒྲ་དང་། །ལྷན་ཅིག་དམར་ཆེན་ཨརྒྷཾ་ཆལ་ཆིལ་འཛག །རབ་སྨིན་འབྲས་བུ་ཁུར་དུ་དུད་པའི་ཚེ། །འཛད་མེད་བདུད་རྩིའི…

པའི་གླིང་ཆེན་པོར་ཕེབས་ནས་ས་ཁྱི་མ་རྫོགས་པར་སྟན་ཆགས། དེ་ཡང་རྣམ་ཐར་གྱི་ས་བོན་ལ་ལོ་ཚིགས་ཞིབ་ཆ་ཡོད་མེད་སྣ་ཚོགས་དང་ཡོད་པ་ལའང་སྣང་ལ་མ་ངེས་ཀྱི་དཔྱད་མི་བཟོད་པ་འགའ་མཐོང་ནའང་བླ་མ་རགས་རིམ་གོང་སྨོས་ལྟར་ཡིན་ལ། ཞིབ་ཏུ་མ་འཚལ་བར་ཕྱོགས་གཅིག་ཏུ་བསྡོམས་པར་རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ་བཀྲ་ཤིས་གྲགས་པ་རྒྱལ་…

རྣམ་ཐར་དུ་གསལ་བ་ལྟར། བླ་མ་དང་ཆོས་ཀྱི་ཆེ་བ་འདོན་སླད་དུ་སྲི་ཞུ་ཁོ་ན་མཛད་ཅིང་ཆོས་གསན་པ་ཚོར་ཡང་ཐོས་ལོ་བྱུང་ལོའི་མིང་ཙམ་ལ་མི་འཆེལ་བར་རྒྱ་བོད་ཀྱི་གྲུབ་མཐའ་སོ་སོའི་བཞེད་ཚུལ་གྱི་ཕྱག་ལེན་དང་བཤད་ཐབས་མཐའ་དག་ཡོང་རྒྱུ་བ་དང་ཤེས་རྒྱུ་བའི་ཟག་ཟོག་སྦུབ་ལྡིར་གྱི་རྫོང་གོག་ཡེ་མི་འཛིན་པར་མཁྱེན་དཔྱོད་རྣམ་པར་དག་པས་དཔྱད་བཟོ…

ཨེ་ཝཾ་མཁན་ཆེན་དཔལ་གླིང་པ་བསོད་ནམས་རྒྱལ་མཚན། བྱེ་རྫིང་ཚོགས་མཁན་པོ་སངས་རྒྱས་དཔལ་བཟང་། གསུང་སྤྲུལ་ཚུལ་ཁྲིམས་རྡོ་རྗེ། བང་རི་གཏེར་སྟོན་ཧཱུཾ་ནག་མེ་འབར། སྐྱེད་ཚལ་གོང་མཁན་པོ་བྱམས་པ་ངག་དབང་བསྟན་འཛིན། སྐྱེད་ཚལ་འོག་མཁན་པོ་ངག་དབང་བསྟན་པ། དར་རྒྱས་ཆོས་སྡིངས་པ་རིགས་འཛིན་འཕྲིན་ལས་ལྷུན་གྲུབ། དེ་སྲས་སྤྲུལ་སྐུ་གཏེར་སྟ…

དུ་གཉེར་བ་རྣམས་ལ་དམར་འཁྲིད་བཤད་བཀའ་ཕྱག་ལེན་གང་ལའང་བློར་མ་ཆུད་བར་དུ་སྐྱོ་ངལ་མེད་པར་ཡང་ཡང་བསྐྱར་ནས་ཅི་ཆུད་མཛད། དམ་པ་འདིའི་ཡོན་ཏན་གྱི་ཁྱད་པར་ནི་སྐུ་མཐོང་ན་མི་མཐུན་པ་མེད་པའི་མཛེས་ཤིང་བརྗིད་ཆགས་པ་གཞན་སྣང་ཟིལ་གྱིས་གནོན་ཅིང་གང་ཟག་གཅིག་ལའང་མཐོང་ཚུལ་མ་ངེས་པ་སྣ་ཚོགས་སུ་ཤར་བ་མཐོང་བ་ཙམ་གྱིས་ཉོན་མོངས་པ་དང་སྡུག་བ…

རེ་བའི་གུས་པ་སྐྱེས་པས་འབྲེལ་ཚད་དོན་ལྡན་གྱི་སྒོ་ནས་ཐར་པའི་ལམ་དུ་འདྲེན། རང་བཞིན་གྱི་གསུང་གླེང་རྣམས་ཀྱང་བསྟན་པ་འཛིན་པའི་བཤེས་གཉེན། གྲྭ་པ་ཆོས་བྱེད་ཀྱི་རིགས་སུ་མ་ཟད་སྡེ་དཔོན་སྦྱིན་བདག་ཐ་ན་སྐྱེས་པ་བུད་མེད་རང་བཞིན་པ་ཚུན་ལ་ཡང་སོ་སོའི་བློ་དང་འཚམ་པའི་ངོས་དགེ་བ་ལ་བཀྲི་བའི་ཐབས་མིན་པ། དམག །ཚོང་། གཤགས། གྲུབ་མཐའ་ས…

བས་གང་འདུག་བཀོད་པར། ཚེས་བཅུ་བཞི་ལ་བདེ་མཆོག་ནག་པོ་པའི་སྟ་གོན་ཚུགས་སྒྲུབ་ཅིང་མཆོད་པ་ཐེངས་གཅིག་དང་གཞན་སྒྲུབ་མཆོད་བདག་འཇུག་བཅས་པར་རྡུལ་ཚོན་སྟེང་ནས་ཚར་བཅུ་གསུམ་དབང་ཚར་གཉིས་ཡིད་ཆེས་པར་སོང་། ཚུགས་པའི་ནུབ་ཞལ་བཞི་པ་ལི་མའི་སྐུ་དང་། གྲོལ་བའི་ནུབ་ས་ཆེན། སེམས་དཔའ་ཆེན་པོ། ཞ་ལུ་བ། བུདྡྷ་བྷ་དྲ་སོགས་ཀྱི་བྲིས་སྐུ་དང་…

བ་དང་། ཡིད་ཀྱིས་ནས་བུར་ཐུད་སོགས་ཕུལ་བ་དང་། བླ་མ་རིན་པོ་ཆེའི་ཐུགས་དམ་ཞལ་སྔོ་སྐྱ་དང་། དེ་རྗེས་མགྲིན་སྙིང་སྒྲུབ་དུས་མཐེབ་ཚིགས་ཙམ་བདུན། གཞི་ནས་ཙམ་ལ་གཡུང་རྒྱལ་སྔོ་སྐྱ་ནས་ཙམ་གསལ་བ་མི་རྟོག་ཏིང་འཛིན་ལ་གནས་ནས། ར་ཏྲི་ཏ་ཧཱུཾ་ཕཊ། ཌོམྦྷི་ནི་ཧཱུཾ་ཕཊ་སོགས་དང་། གདོང་བརྙན་ཅན་ནག་པོ་བདག་ཆེན་ཐུགས་དམ་དང་། རྡོ་རྗེ་གདན་པའ…

ཁུལ་གྱི་བྱང་ཤིང་། དཀར་ཐལ་སྲབ་མོ་ཡོད་པ་ལ་ཡིག་འཕྲེང་བཞི་བྲིས་པ་རྟེན་ཁེབས་ཀྱིས་གྲིལ་བ་ཞིག་བྱུང་། དེའི་སང་ཟབ་བརྒྱའི་པོ་ཏི་དྭགས་པོ་ནས་འབྱོར་ཡང་ལན་གཅིག་གཏོར་བསྔོས་ཀྱི་སྐབས་ཆོས་སྐྱོང་ཐམས་ཅད་ཟང་ངེ་དང་ཟིང་ངེ་ཉམས་སྣང་དུ་བྱུང་། ཆོས་རྗེ་ཚར་པ་ཞ་ཐུལ་སེར་པོ་བཞེས་པ་ཞིག་ཀྱང་བྱུང་། གཏེར་སྒོ་གཏེར་རྟགས་ཁ་བྱང་བཏབ་འདུག་བ…

ཁྲོམ་སྒྲགས་མཛད་པར་ཡ་ཤིན་ཏུ་ང་བའི་གླེང་བརྗོད་དང་དེ་དང་མཐུན་པར་བཀའ་དམ་པར་མཆིས། ཐུགས་ཕྲ་རགས་ཀྱི་བསྐྱེད་རིམ་ལ་བརྟན་པ་ཐོབ་ཅིང་རྫོགས་རིམ་གྱི་ལམ་བཟང་པོའི་གྲུབ་མཐའ་སྙོགས་པ་རྣལ་འབྱོར་དབང་ཕྱུག་དང་ལོ་ཆེན་འབྲོག་མི་ལྟ་བུའི་བསམ་གྱིས་མི་ཁྱབ་པའི་གནས་རྣམས་བརྗོད་པའི་ཡུལ་ལས་འདས་མོད་མདོ་རྒྱུད་ཀྱི་ཆོས་ཚུལ་གང་ལའང་ཚེགས་ཆུ…

གི་བུ་གཅིག་པུ་ལྟར་རྗེས་སུ་བརྩེ་ཞིང་སྐུ་ལ་བསྡོ་བའི་དགྲ་བོར་ཆོས་སྐྱོང་གིས་འཕྲིན་ལས་རང་ཤུགས་ཀྱིས་བསྒྲུབས་ན་མིན་པ་འཁོན་འཛིན་དང་ལས་སྦྱོར་དམིགས་སུ་ཕུག་པ་མི་གནང་བར་ཐེག་པ་ཆེན་པོའི་བློ་སྦྱོང་བ་འབའ་ཞིག་གིས་ལྟས་ངན་གཡང་དུ་ལེན། སྐྱེ་བ་དང་འཇུག་པ་ལ་དབང་ཐོབ་པས་བྱང་གཙང་རོང་གསུམ། གྲ་དོལ་ཡར་ཤར་ནུབ་ནས་རྒྱལ་ནད་སྨྱོ་འབོག…

དམིགས་བསལ་གྱི་གལ་ཆེན་བྱུང་ཟེར་བ་ཚོ་དང་མི་འདྲ་བའི་ཐོག་མར་ཇི་ཙམ་བཅད་པ་ནས་བཟུང་གྲོལ་བའི་དུས་ལ་མ་སླེབ་ཀྱི་བར་དུ་དམ་བཅའ་ལས་མི་གཡེལ་བ་ལྷུར་མཛད། ཐུགས་བྲེལ་དང་སྐུ་བསྙུན་པ་གང་གིའང་རྗེས་སུ་མི་འགྲོ་བར་བསྐྱེད་རྫོགས་ཀྱི་རྣལ་འབྱོར་ཐེག་པ་ཆེན་པོའི་བློ་སྦྱོང་སོགས་ཀྱི་སྤྲོས་མེད་དང་ཆོ་ག །ལྗགས་བཟླས། གཏོར་ཆོག །དུས་གཏོར་…