པའི་དབང་། ཕྱག་རྡོར་འཁོར་ཆེན་གྱི་དབང་། ཚེ་དཔག་མེད་ལྷ་དགུའི་དབང་། དབྱངས་ཅན་མ་དཀར་མོའི་རྗེས་གནང་རྣམས་གསན། དེ་ནས་ཕུན་ཚོགས་དགེ་བཅུའི་ཡོན་ཏན་གཅིག་ཏུ་འདུ་བའི་ཡུལ་གྲུར། སྡེ་སྲིད་རིན་པོ་ཆེ་དྲུང་ཆེན་ཏའི་སྭི་ཏུས་ཕྱག་བདར་ཏེ་འདེབས་པར་མཛད་པའི་ཆོས་གྲྭ་ཆེན་པོ་དཔལ་གྱི་རྩེས་ཐང་ཞེས་རིས་སུ་མ་ཆད་པའི་རིགས་པ་སྨྲ་བ་མཐའ་ཀླས…

གཞོན་ནུ་ཆོས་དཔལ་བཟང་པོ་མདོ་སྔགས་ཀྱི་གསན་རྒྱ་ཤིན་ཏུ་ཆེ་བའི་གྲགས་པ་ལ་བརྟེན། བྲག་དགོན་དུ་ཕེབས། སྤྱན་སྔ་རིན་པོ་ཆེའི་དྲུང་དུ་དཔལ་སྣར་ཐང་བའི་མངོན་རྟོགས་བརྒྱ་རྩ། རྡོ་རྗེ་འཕྲེང་བ་དང་། ཀྲི་ཡས་མུཉྪ་ཟུང་དུ་འཇུག་པ་ཞེ་ལྔ་མའི་དབང་། གྲི་གུག་ལྕམ་དྲལ་གྱི་རྗེས་གནང་སྙིང་ཞུགས་དང་སྦྲགས་པ། རྣམ་འཇོམས། བདེ་མཆོག་དཀར་པོ། །རྟ…

དུམ་པའི་ལུང་སོགས་དབང་ལུང་མན་ངག་གི་རིགས་མཐའ་ཡས་པ་གསན། སྤྱན་སྔ་འདི་ཉིད་ཆོས་ཀྱི་གན་མཛོད་ལྟ་བུ་ཡིན་པར་འདུག་ཅེས་ཕྱིས་ཀྱང་བསྔགས་བརྗོད་མང་དུ་གནང་། ལན་གཅིག་སྤྱན་སྔ་ལ་སྐྱེ་བརྟག་ཞུས་པས། ལྷ་མོ་ཤྲ་ཝ་ཎའི་སྒོ་ནས་རྨི་ལམ་བསྒུགས་གསུངས་པ་བཞིན་གནང་བས། སྲོད་ཀྱི་མནལ་ལམ་དུ་བུད་མེད་ཅིག་བྱུང་ནས་ཁྱོད་ལ་ལོ་བདུན་ཚེ་ལས་མེད་ཟེར…

ལྷ་བཞི་དྲིལ་སྒྲུབ་དང་བླ་མགོན་དབྱེར་མེད་ཀྱི་ཁྲིད། དམིགས་བརྩེ་མའི་ཁྲིད། ལྟུང་བཤགས་ཀྱི་ཁྲིད། འཕོ་ཁྲིད། གཤེད་དམར་ལྷ་བཅུ་གསུམ་གྱི་དབང་། ཟ་མ་ཏོག་གི་ལུང་ཁྲིད། བཅུ་གཅིག་ཞལ་ལྷ་ལྔ་དང་དོན་ཞགས་ལྷ་ལྔའི་དབང་། ཞལ་ཀླུ་སྒྲུབ་རྩ་མགོན་གྱི་རྗེས་གནང་། ཞལ་བྲམ་གཟུགས་ཀྱི་བླ་མའི་རྣལ་འབྱོར། མགོན་པོ་དང་རྣམ་སྲས་ཀྱི་རྒྱས་པ་དང་ད…

དེ་གས་ཀྱི་དོགས། །བཤེས་གཉེན་མང་བསྟེན་བརྩོན་པའི་ལྗོན་ཤིང་ལ། །མི་ཕྱེད་དད་པའི་མེ་ཏོག་ཅི་ཡང་གཡོ། །ཡོན་ཏན་འབྲས་བུ་གཡུར་དུ་ཟ་བ་ཡི། །ཚུལ་དེ་དཔྱོད་ལྡན་དགྱེས་པའི་ཡུལ་ཞིག་ལགས། །སྐབས་ཤིག་སྟོད་ལུང་ཕྱོགས་སུ་ཕེབས་པས། ལམ་ཁར་སྡེ་པ་སྣང་རྩེ་ནས་ཁྲོམ་དབང་ཞིག་མཛད་ཀྱི་འདུག་པས། ཁྲོམ་གྱི་མཐའ་གཅིག་ཏུ་བཞུགས་ནས་གསན་ཀྱང་། གསུང་…

རྒྱ་མཚོས་མཁན་པོ་དང་ཆོས་རྗེ་རིན་པོ་ཆེ་དགེ་འདུན་རྒྱལ་མཚན་གྱིས་སློབ་དཔོན་མཛད། དད་པའི་དགེ་འདུན་བཅུ་ཚོགས་ཚང་བའི་དབུས་སུ་ཡོངས་སུ་རྫོགས་པ་དགེ་སློང་གི་དངོས་པོ་མནོས། མཚན་དཔལ་འབྱོར་ལྷུན་གྲུབ་ཏུ་གསོལ། འདུལ་བའི་བསླབ་བྱ་ཆེན་མོ་དང་། འདུལ་བའི་གླེང་འབུམ་སོགས་གྱི་བཤད་ལུང་གསན་ནོ། །མཁས་མཆོག་འཆི་མེད་ལམ་གྱི་འཕང་པ་ནས། །ར…

སྔགས་འཛིན་པ་མཐའ་དག་གི་གཙུག་ན་མངོན་པར་མཐོ་བ་སྨད་རྒྱུད་མཁས་འདུས་གྲྭ་ཚང་དུ་ཕེབས། འཆད་ཉན་ལས་ཐོག་ཏུ་མཁས་ཤིང་གྲུབ་པའི་དབང་ཕྱུག་ཆེན་པོ་རྣམ་རྒྱལ་དཔལ་བཟང་བཞུགས་འདུག་པ་ལ། རྡོ་རྗེ་འཆང་དངོས་ཀྱི་ཐུགས་དང་བར་བཅས་ཏེ་གུས་པས་བསྟེན་ནས། ཤིང་ལུག་ལོར་འདུས་པའི་བསྐྱེད་རྫོགས་ཀྱི་ཊཱི་ཀའི་བསྐྱར་ལུང་། རིམ་ལྔ་གསལ་སྒྲོན། བསྐྱེད་…

དྲོད་མ་ཡལ་ཞེས་སྤྲོ་བ་ཡང་ཡང་བསྐྱེད་པ་གནང་གསུང་ངོ་། །གསང་ཆེན་ཐེག་པ་མཆོག་གི་གྲུ་རྫིངས་ལ། །བརྟེན་ནས་སྐུ་གསུམ་གླིང་དུ་རབ་བགྲོད་པའི། །རིན་ཆེན་སྐྱེས་བུའི་མཛད་པས་འཕགས་ཡུལ་གྱི། །གྲུབ་ཆེན་བརྒྱད་ཅུའི་རྣམ་ཐར་གཅིག་ཏུ་བསྡུས། །ཆགས་བྲལ་ངུར་སྨྲིག་འཛིན་པའི་ཞིང་ས་ལ། །འདོད་ཡོན་ལམ་དུ་སྤྱོད་པའི་དབྱར་སྐྱེས་འབྲས། །བདེ་ཆེན་…

སེལ། རྟེན་བཞི་གནད་གསུམ། མཁའ་འགྲོ་དབང་སྡུད། མགོན་པོ་གནད་དབབ། དྲུག་ཅུ་པའི་སྒོར། མགོན་པོའི་རྒྱུད་ལེའུ་བརྒྱད་པ། ཆོས་རྒྱལ་གྱི་སྒྲུབ་ཐབས་རྒྱ་གཞུང་སོགས་དམ་པའི་ཆོས་ཀྱི་བགོ་སྐལ་མཐའ་ཡས་པ་ལེན་པ་གནང་། ཚལ་གྱི་རྒྱུད་ཁང་གི་ཁང་ལས་དང་ལོགས་བྲིས་སྐབས་ས་མིན་དང་མཐིང་སྤང་གཞན་སུས་ཀྱང་མ་རྙེད་པར་རྗེ་རྣམ་རྒྱལ་དཔལ་བཟང་ཉིད་ཀྱི…

འགྱུར་བཞིའི་རྗེས་གནང་། ཆོས་རྒྱལ་ནང་སྒྲུབ་དང་། ཞང་བློན་གྱི་རྗེས་གནང་། ལྷ་མོའི་ཐུན་མོང་མ་ཡིན་པའི་བཀའ་བསྒོ་བ། མགོན་པོ་ཕྱག་དྲུག་པའི་ལས་གསུམ་རྣམ་གཞག །གཏོར་མའི་རྣམ་བཤད་རྟེན་བཞི་གནད་གསུམ། སྔགས་དོན། བསད་པ་དྲུག་གི་ཡིག་ཆུང་། ཞལ་ཀླུ་སྒྲུབ་ཀྱི་རྒྱ་གཞུང་། གཉན་ལོའི་བསྐང་ཐུང་། བསྙེན་སྔགས། ལྷ་མོའི་ལས་གསུམ་རྣམ་གཞག །…

བརྟེན། ཐུགས་རུས་བསྐྱེད་ནས་ཆོས་ཐུན་གཅིག་ཀྱང་མ་ཆག་པར་མཛད། དེ་ཡང་སྒོམ་པ་ཡོན་ཏན་འབར་གྲང་གཞིའི་ནད་ཀྱིས་ན་བར་རྣལ་འབྱོར་པས་གསུངས་པའི་དོན་ལྟ་བུ་ཐུགས་ལ་ཤར་བར་ངེས་ཤིང་། ལྷག་ཏུ་རྒྱལ་བ་ཙོང་ཁ་པའི་གསུང་རབ་ཀྱི་དཀའ་གནད་ལ་དོན་གཉེར་མཐའ་ཡས་གནང་བའི་སྟབས། སྐུ་ན་མཐོན་པོར་ཕེབས་ཀྱང་བསྙེལ་གསོའི་ཚུལ་སྟོན་པ་གནང་། ལར་ཆོས་ཕྱིར་…

རྒྱས་རྩེར་ཕེབས་པས། ཞབས་དྲུང་གཞུང་ངག་དབང་བསོད་ནམས་གྲགས་པ་འཇིག་རྟེན་དགའ་བའི་རྒྱན་གྱིས་བདག་རྐྱེན་ཚང་མ་མཆིས་པ་གནང་། གསུང་ལས། ཡོན་བདག་རབ་འབྱམས་པ་ཁྱེད་གསང་སྔགས་སྔ་འགྱུར་གྱི་སྐོར་ལ་དོན་གཉེར་ཆེ་བ་ཡོད་འདུག་པ། དེས་ན་ཞབས་དྲུང་བདག་པོ་རིན་པོ་ཆེ་དེ་རིང་འདིར་ཕེབས་རྒྱུ་ཡིན་པས། ཁྱེད་རང་ཡང་ཞག་ཤས་འདི་ཁར་སྡོད་ལ། འདོད་ཆ…

པ་རྣམས་བརྩོན་པས་བསྒྲུབས། ལན་བུག་ཨ་མི་ཞེས་དཀར་ཆས་འཛིན་པའི་བླ་མ་ལོ་བརྒྱ་དང་ཉི་ཤུ་ཙམ་ལོན་པ། གྲོངས་དུས་ཀྱང་སྙུང་གཞི་སོགས་ཡེ་མེད་པར་སྲས་ཀྱིས་ཐུགས་ཅུང་ཟད་དཀྲུགས་པར་བརྟེན། ཡི་དམ་ཆོས་སྲུང་རྣམས་ལ་ད་ང་མི་སྡོད་ཐོང་ཞིག་གསུང་བའི་མུས་ལ་གཤེགས་པའི་ནུས་ལྡན་དེ་ཉིད་ཀྱི་དྲུང་དུ། གུ་རུ་ཞི་བ། ཚེ་དབང་། རྟ་མཆོག་རོལ་པ། ཕྱག་…

འོན་ཀྱང་སྡེབ་སྦྱོར་གྱི་ཛྭ་ཏིའི་སྐོར་ནས་གནང་འཕྲོ་ལུས། སླར་འཕྲོ་མུས་ཀྱི་གསོལ་བ་འདེབས་མི་ཞིག་བྱུང་ན་ཕྱིས་སྐོར་གྱི་བསྟན་བཅོས་ཤིག་ལ་ལེགས་པ་ཞིག་འོང་ཚོད་དུ་འདུག་ཀྱང་། དུས་དབང་གིས་སྐྱེ་བོ་ཕལ་ཆེར་ཇའི་གར་སླ་དང་རྩམ་པའི་མང་ཉུང་མ་གཏོགས། ལེགས་བཤད་དོན་དུ་གཉེར་བ་ཆེས་ཉུང་བས་བསྐུལ་བ་པོ་ཞིག་མ་བྱུང་བར་འདུག །སྐབས་ཤིག་ཉང…

ལྷ་བཞིའི་རྗེས་གནང་། སློབ་དཔོན་བྱམས་པ་བརྟན་པ་ལ་ཚིག་གསལ་གྱི་སྟོང་ཐུན། འདུལ་བའི་གཞི་སྟོད། རྟ་མགྲིན་གསང་སྒྲུབ་ཀྱི་རྗེས་གནང་། གཞན་ཡང་ལྕིལ་པོ་རབ་འབྱམས་པ་ངག་དབང་ཆོས་གྲགས་སོགས་བཀའ་འབྲེལ་གསན་པའི་བླ་མ་གྲངས་ཀྱིས་མི་ལང་། མདོར་ན་བསྡུས་ཚད་ནས་བཟུང་ཐུགས་གཉེར་མཛད་དུས་ཀྱི་རྣམ་པ་ཐམས་ཅད་ལ། སློབ་གཉེར་འདི་བྱས་པ་ལ་བརྟེན་ན…

ཆོས་ཚུལ་ཕ་མཐའ་ཁྱོད་བློས་ཉུལ་བའི་ཚེ། །ལྷ་ལམ་སྐྱེངས་ཏེ་ཆུ་འཛིན་སྟུག་པོའི་གོས། །སྒྲིབ་གཡོགས་ཚུལ་གྱིས་གྱོན་ལ་རིངས་པ་བཞིན། །དེ་ནས་དགུང་ལོ་ཞེ་གཅིག་པ་འཕར་བ་ཞེས་པ་ལྕགས་མོ་གླང་གི་ལོ་ལ་གངས་རིའི་ལྗོངས་ཀྱི་རིགས་པ་སྨྲ་བ་མཐའ་དག་གི་འབྱུང་གནས་དཔལ་གསང་ཕུ་ནེའུ་ཐོག་གི་གྲྭ་ཚང་ཉི་མ་ཐང་གི་འཆད་ཉན་དུ་ཕེབས། ལོ་ལྔའི་བར་དུ་འཆ…

བྱུང་བས། དུས་མཆོད་ཀྱི་ཐོག་ནས། བྱེས་མཁས་མང་གྲྭ་ཚང་གི་ཆོས་ཀྱི་ཁྲིར་ཕེབས་སོ། །རྙེད་བཀུར་གོ་ས་འདོད་པའི་སྐྱེ་བོ་ལ། །དགུན་གྱི་འབྲུག་སྒྲ་ཇི་བཞིན་སྙིང་པོས་དབེན། །རྣམ་གཡེང་སྤོང་བར་བཞེད་པའི་སེམས་དཔལ་ལ། །འཕྲིན་ལས་དབྱར་གྱི་སྤྲིན་བཞིན་ལང་ལོང་གཡོ། །བློ་གསལ་རྒྱ་མཚོའི་བསྟི་གནས་གསང་ཕུ་དེར། །གནས་ལྔ་རིག་པའི་ང་རོ་ཆེར་བ…

གཞོན་ཞིང་གསན་རྒྱ་ཆེ་བ་ཡོད་པས་བཀའ་ཆོས་གསན་པ་ལེགས་གསུང་བ་སོགས་རྟེན་འབྲེལ་རང་འགྲིག་ཏུ་གྱུར་ནས། སྐྱིད་ཤོད་འབྲས་སྤུངས་ཀྱི་གཟིམས་ཆུང་ཉིད་འོད་དུ་རྗེ་ཡོན་ཏན་རྒྱ་མཚོ་དང་། སེར་འབྲས་ཀྱིས་མཚོན་རང་ཕྱོགས་ཀྱི་སློབ་དཔོན་ཆོས་འཆད་སོགས་མཁས་མང་འདུས་པ་ལ་རྡོ་རྗེ་འཕྲེང་བས་གཙོས་པའི་ཆོས་ཀྱི་འཁོར་ལོ་མཐའ་ཡས་པ་བསྐོར་བ་གནང་སྐབས…

པས་གང་གི་ཐུགས། །འདོད་དགུར་མཆོད་ལ་ལྷན་སྐྱེས་དགའ་བས་རོལ། །ཞེས་སྙན་ངག་དམ་པ་ཡིག་ཆུང་དུ་འབུལ་བ་གནང་བས། སྡེ་པས་མ་དགོངས་པར་སྐུ་མདུན་བྱང་མ་ནས་ལ་བསྟན་པས་འབྲུ་གཞན་དུ་རྒྱབ་ནས་ཡིག་ཆུང་དེ་མེད་པར་མཛད། རྗེས་སུ་མཇལ་དུས་ཁྱེད་རྫི་ཆུང་བ། དེ་འདྲ་སྡེ་པར་ཕུལ་ནས་ཁོང་ས་བདག་མིན་པ་འདུག་པ་ཨེ་ཡིན་གསུང་། ཡིག་ཆུང་གི་དོན་ནི། རྒྱ་…

པས། ཞལ་སྔ་ནས་བྱེས་པའི་དེ་ཐུགས་བདེན་ཞེས་སླར་སྒྲུབ་བྱེད་མང་པོ་གསུང་ཞེས་གནང་། རྒྱུད་གསང་བ་སྙིང་པོ་འདི་སྔར་བཤད་སྲོལ་ཆེས་དར་ཡང་ཕྱིས་སྐོར་རིམ་གྱིས་ནུབ་པའི་ཤུགས་ཀྱིས། བྱང་བདག་པོ་རིན་པོ་ཆེས་ཆོས་རྗེ་ཀརྨ་གུ་རུ་ལ་གསང་སྙིང་གི་བཤད་རྒྱུན་ཡོང་མེད་དྲི་བ་གནང་བར་མེད་ཞུས་པས། ཁྱེད་རྣམས་གདུང་རུས་སོགས་གང་ས་ནས་ཨེ་ཡོད་བསམས…