འདུལ་བར་ཉིན་གཅིག་འཇོག་པའི་སྒྲིགས་གནང་བས་བསྟན་པའི་རྒྱུན་ལ་ཆེས་ཕན་པར་བྱུང་། སླར་སེར་འབྲས་ཀྱི་གྲྭ་ཚང་གཞན་རྣམས་ཀྱིས་ཀྱང་དེ་ལ་དཔེ་བྱས་ནས་བཙུགས་སོ། །ཁྱོད་སྔོན་རྒྱུད་རྒྱལ་ཚུལ་ལ་སྦྱངས་པའི་མཐུས། །ཚེ་འདིར་མ་བསླབས་ཕུལ་བྱུང་མཁྱེན་གྱུར་ན། །མཁས་པའི་སྐྱེ་བར་གྲགས་པ་ཕལ་ཆེར་རྣམས། གང་དང་མི་མཚུངས་ཅི་ཡིས་ཉེས་གྱུར་ཏམ། །བ…

འདུལ་བའི་དང་ཚུགས་གྲུབ་མཐའ་གཞན་ལས་ཁྱད་ཞུགས་པའི་དབང་གིས་རྡུལ་ཁྲོད་ཀྱི་ནོར་བུ་བཞིན་དུ་སྒྱུར་བར་བྱེད་ནའང་། རྗེ་འདི་ཉིད་ཀྱི་ཐུགས་ལ། རྒྱ་གར་གྱི་སློབ་དཔོན་སངས་རྒྱས་ཡེ་ཤེས་ཞབས་ཀྱིས། དེ་ཁོ་ན་ཉིད་སྟོན་པའི་སློབ་དཔོན་བྱི་བའི་ཤམ་ཐབས་ཅན་ཡོད་པའི་བརྡ་བྱུང་བ་ལྟར་བཙལ་བས། དགེ་སྦྱོང་ཆོས་གོས་ཀྱིས་ཐོད་བྱས་ནས་ཞིང་རྨོད་ཅིང…

དང་རྗེ་འབྲི་ཁུང་གཉིས་ནས་བརྒྱུད་པའི་ཆོས་བཀའ་མཐའ་ཡས་པ་གསན། ཕྱིས་ཀྱང་རྒྱལ་བ་ཀུན་གྱི་མཐུ་སྟོབས་ཀྱི་དབང་ཕྱུག་ཡིན་ཞེས་བསྔགས་བརྗོད་མང་དུ་གནང་། གཞན་ཡང་གུང་རུ་དབྱངས་དཔོན་པ་དཔལ་ལྡན་གྲགས་ཞེས། བདག་པོ་ཡབ་སྲས། ཆོས་རྗེ་དྭངས་མ་བ། ཡུག་ནས་སོགས་བླ་མ་མང་དུ་བསྟེན་ནས། ཆོས་ཚིགས་བཅད་རེའི་ཕྱིར་དཀའ་བ་མང་དུ་སྤྱད་པའི་གསང་སྔགས་…

གནང་། འདོད་ཆོས་ཅི་རིགས་ཀྱི་སྙན་གསན་ཕུལ་བས། །ཐུགས་དགྱེས་དགྱེས་དང་བཅས་ཞལ་བཞེས་མཛད་ཀྱང་། བྱང་འགྲུལ་ཚན་ཆེན་སླེབ་པ་དང་འགྲིག །ཐམས་ཅད་མཁྱེན་པ་འབྲས་སྤུངས་སུ་ཕེབས། ཁོང་དཔོན་སློབ་ཀྱང་འབྲས་སྤུངས་ནས་རྫོང་བརྡ་བྱེད་ཅེས་འཕྲལ་འབྱོན་དགོས་བྱུང་བས་དེ་རེས་འགྱངས་སོ། །བཤེས་གཉེན་བསྟེན་ལ་བརྩོན་པའི་མཛད་པ་ལ། །སྐབས་འགར་རྟེན་འ…

སྦྱིན་སྲེག་ཞིག་གི་སར། རྟ་ཚག་རྗེ་དྲུང་ཆེད་གཉེར་གྱིས་འབོད་པ་གནང་། ཁོང་གིས་ཕྱག་ལེན་ལ་མ་བལྟས་པར་མནལ་བས། རྗེ་ཉིད་ཐུགས་རྒྱལ་བཞེངས་ཏེ། ང་སྦྱིན་སྲེག་མགོ་མ་ཐོན་པར་ཁྱེད་བོས་པ་མིན། ཁྱེད་རང་ལ་རྗེས་སུ་ཕན་དུ་རེ་བ་ཡིན་ཞེས་བཀའ་བཀྱོན་གསུང་། དེ་ཙམ་གྱིས་ཀྱང་གཟུར་གནས་ཀྱི་སློབ་མའི་རིགས་ལ་མི་དགེ་བའི་རྟོག་པ་བྱུང་རེས་ཀྱིས་…

མང་དུ་སླེབ་ཅིང་། རྨ་ཆེན་སྤོང་རའི་འགུལ་གྱི་ཁྲབ་ཅེས་བྱ་བའི་ས་ནས་དཔལ་རྡོ་རྗེ་འཇིགས་བྱེད་ཀྱི་རྣལ་འབྱོར་པ་དགེ་སློང་ཤཱཀྱ་རྒྱལ་མཚན་གྱིས་དབུས་སུ་འོང་བ་ལ་བར་ཆད་མེད་པར་འགྲུབ་པའི་དོན་དུ་ཟླ་བ་གསུམ་མཚམས་བཅད་དེ་ལྷ་ལ་གསོལ་བ་བཏབ་པས། མཚམས་འགྲོལ་ཁར་ད་ཆ་མྱུར་དུ་འགྲུལ་ཚན་མང་བར་འགྱོགས། ཁྱོད་བར་ཆད་མེད་པར་བྱམས་ཆེན་ཆོས་རྗེ…

རྗེའི་མཐུས། ལུགས་གཉིས་ཀའི་གདུལ་བྱ་འཕྲིན་ལས་ས་འུར་ལ་སོང་། སྐབས་ཤིག་སྟོད་རྒྱུད་པ་དང་ལྷན་དུ་ལྷ་སར་འཛོམ་པར། འདི་ཕྱི་གཉིས་ཀའི་སྐྱབས་གནས་ཞུ་བའི་ཕྱིར་དུ་ཕོགས་ཇ་ཚུལ་འབུལ་ནོད་སོགས་བྱས་པ་བཟང་བར་བྱུང་བས། འགའ་ཞིག་མདོ་ལས་སྔགས་སྡེ་རྐྱེན་སེལ་ཡར་འདྲེན་གང་ལ་ཡང་། འཇིག་རྟེན་པ་རྣམས་མོས་པར་བྱེད་ནའང་། ད་རེས་རྒྱུད་པ་དང་བྱ…

བསམ་གློག་འཁྱུག་ཚེ། །རྣམ་མང་བདོག་པའི་གྲུ་ཆར་འབེབས་མི་འབེབས། སྐྱེ་དགུའི་ནམ་མཁར་རང་དབང་ཇི་ལྟར་ཡོད། །ཆོས་ཚུགས་པའི་སྐབས་དང་། གཞན་དུ་ཡང་ཕྱོགས་མཐའི་དགེ་བཤེས་དུ་མ་སྐུ་གཞོགས་སུ་འདུས་ཏེ་དཀའ་གནད་ཀྱི་དོགས་གཅོད་དྲི་ལན་མཐའ་དཔྱོད་སོགས་གནང་ཚེ། སྐུ་ཚེ་ཧྲིལ་པོར། རྒྱ་གར་གྱི་རྒྱན་དྲུག་མཆོག་གཉིས་རྗེས་འབྲང་བཅས་པ་དང་། བོད…

འདི་མཁྱེན་ཅེས་བྱ་བ་མ་གཏོགས་མི་འབྱུང་པས། ཤེས་བྱ་ཐམས་ཅད་མཁྱེན་པ་ཞེས་བྱ་བའི་སྒྲ་བཤད་ནི་བླ་མ་འདི་ཉིད་ལ་ཚང་བར་མངོན་ནོ། །ཨེ་ནས་སྲིད་སྒྲུབ་གཉིས་པ་འདྲ་བའི་བོན་རྩིས་པ་སློབ་དཔོན་ནོར་བུ་དང་གཉལ་པ་སྔགས་འཆང་བ་གཉིས་སྐུ་གཞོགས་སུ་བསྡད་ནས། རྩིས་དང་ཡི་གེའི་སྐོར་སོགས་ཞལ་བཀོད་གནང་སྟེ། དབྱངས་གསལ་ཀླག་ཐབས་ཀྱི་རིའུ་མིག །རྡོ…

ཞུས་ནས་རེ་ཞིག་པཎ་ཆེན་དང་རྒྱལ་པོ་མཇལ་བའི་གེགས་བྱས། ལོ་ཙཱ་བ་བཞིན་གནགས་སུ་བཅུག་པས། དེ་དུས་གནོད་པ་བྱས་པའི་འཕྲོ་ལུས་པའི་ལྷག་ལ་སྤྱོད་ཕྱིར་སྐྱེ་བ་བླངས་པར་གདོན་མི་ཟའོ། །སྤྲིན་བྲལ་འབྲས་ལྡན་དུས་ཀྱི་ལྷ་ལམ་ངོས། །རྟ་བདུན་དབང་པོའི་དཀྱིལ་འཁོར་ཤར་བ་དེས། །ཨུཏྤལ་ནགས་ཀླུང་རྒྱས་པར་བྱེད་པ་ལ། །དཔག་ཚད་དུ་མས་འགྱངས་པར་བལྟོས…

མཛེས་དང་། ལ་ལ་ནི་འཇིག་རྟེན་མི་མཁྱེན་པ་ལ་མཛད་དགོས་པར་ཉེ་བའི་མནད་མནད་ཀྱི་སྒོ་ནས་གསོལ་བ་བཏབ། རྟ་ལོའི་བར་འཆད་ཉན་གྱི་འཕྲོ་སྐྱོང་གནང་དགོས་བྱུང་། མེ་སྦྲུལ་མཇུག་ཏུ་ཁར་ཁ་ཚེ་ཁུར་དཔོན་པོ་སོགས་དམག་དང་འགྲུལ་པ་གཏོས་ཤིན་ཏུ་ཆེ་བ་སླེབ། དེ་སྐབས་འཇིག་རྟེན་གྲགས་པའི་རྗེས་སུ་འབྲང་བ་མང་པོ་ཞིག་སྡེ་གཟར་གྱི་འདོད་པ་མངོན་དུ་གྱ…

རྗེ་འདི་པས་ཆོས་མཐུན་གྱི་བཀའ་ཕེབས་པར། སྤྲེ་རྒན་རྣམས་ཀྱིས་མི་བཟུང་ནས། །མཇུག་མ་མེད་ཅེས་བཞད་གད་བྱེད། །ཅེས་པ་ལྟར། ཐམས་ཅད་ཀྱི་བློ་ལ་མ་བབས་པའི་གྲོས་པའི་དཀྱིལ་ནས་སྐྱར་ཕུད་ལ་བཏང་བས་འཆད་ཉན་འཇོག་རྩིས་ཀྱིས་སྐུ་ཆས་རྣམས་འགའ་རུ་ཁང་དུ་བསྐྱལ། སྐུ་དངོས་བླ་བྲང་ནས་ཕེབས་མ་གྲུབ་གོང་དུ། ལྷ་སའི་གཡུལ་འཁྲུག་སྐབས་ཚང་མས་མ་བཞག་…

འགྲུས་ཟེར་བ་ཞིག་གིས་མི་སྣ་ལ་སྐད་ཆ་བཤད་པས་སྐུ་ཆས་རྣམས་ཤོར་རོ། །བླང་དོར་འབྱེད་ལ་མ་རིག་སྒྲིབ་གཡོགས་ཀྱིས། །བདེ་བའི་ཆེད་དུ་སྡུག་བསྔལ་རྒྱུ་སྒྲུབ་པའི། །འཁྲུལ་པའི་སྐྱེ་བོས་བསྒྲུབ་པའི་མདུན་མ་ནི། །བྱིས་པ་འཇའ་ཚོན་འཛིན་དང་ཁྱད་པར་ཅི། །མཁྲིས་ནད་ཅན་དག་གངས་རི་གསེར་མདོག་ཏུ། །སྣང་ལྟར་ལེགས་པར་བསླབས་ཀྱང་ལོག་པར་མཐོང་། །…

གིས་སྦགས་པ་སོགས་ཤིན་ཏུ་མ་རུངས་པར་གྱུར་འདུག་པས། ཐུགས་བེད་སྤྱོད་ཐུབ་ཙམ་ཡན་ཆད་གླེགས་བམ་དུ་མཛད། དེ་ཕྱིན་ཚ་ཁང་སོགས་འོ་མི་བརྒྱལ་བའི་སར་བཞུགས་སུ་བཅུག །ཟླ་ཤས་ར་མ་རྩེར་ཞབས་ཏོག་ཞུས་ནས་བཞུགས། ཡེར་པར་སྐུ་ཆས་འདྲེན་པར་ཉང་བྲན་བློན་པོ་པའི་གཡག་མང་པོ་ཡོད་པ་མ་བྱུང་ཟེར་གཞིས་ཀ་སྣེའུར་བཏུགས་ནས་མི་སྣ་ཕབ། རྗེ་ཉིད་ཐུགས་རྒྱལ…

རྒྱ་བོད་འཁྲུགས་པས། རྒྱལ་ལྷ་ཁང་དང་རྭ་སྒྲེང་ལ་བརླིང་ལོག་བྱུང་། དེ་ལ་བརྟེན་ནས་དགེ་བཤེས་བྲག་དཀར་བས་ཕ་བོང་ཁར་འདུས་སྡེ་བཙུགས་པས། ལོ་མང་པོའི་བར་དུ་བསྟན་པ་དང་སེམས་ཅན་གྱི་བདེ་སྐྱིད་ཤིན་ཏུ་ཆེ། གདན་རབས་བདུན་ཙམ་ནས་ཅུང་ཟད་འགྲིབས་པ་ལ་བརྟེན། ཧོར་དམག་བོད་དུ་ལྷགས། སླར་ས་སྐྱ་པས་རྒྱ་ནག་པོའི་བླ་མ་བྱས་ནས་ཡར་ཕེབས་དུས་ཕ་བ…

བསིལ་ལྡན་རྒྱལ་པོར་ཤར་བ་སྲོང་བཙན་རྗེ། །སྒྲུབ་པའི་བསྟི་གནས་བྱང་ཆུབ་ཤིང་གི་ཁྲོད། །བོད་འབངས་ཕན་དང་བདེ་བའི་རྩ་ལག་མཆོག །གཞན་ཕན་ཁུར་འཁྱེར་སེམས་ཀྱི་མདོག་ལྔ་པས། ཁྱབ་བདག་འཁོར་ལོའི་དབང་ཕྱུག་ཉིན་མོར་བྱེད། །དབེན་གནས་འཆི་བ་མེད་པའི་ལམ་ཡངས་པོར། །དྲངས་ཚེ་གངས་ཅན་བདེ་བའི་པདྨོ་འཛུམ། །དེར་ཡང་ཐུགས་དམ་སྤྲོས་བཅས་ཀྱི་རིམ་པ་…

རྩེར་དྲངས་པའི་ཞུགས་འབུལ་ལ་ཕེབས། རྒྱལ་བ་ཙོང་ཁ་པའི་ཕྱག་དྲིལ། ནཱ་རོའི་ཁྲུས་བུམ་གྱིས་སྣ་དྲངས་པའི་འབུལ་ནོད་རྒྱ་ཆེར་བྱུང་། དགུང་ལོ་རེ་གཅིག་པ་ལྕགས་བྱ་ལ་སྒོམ་སྡེ་ཆོས་རྗེ་རིན་ཆེན་འོད་ཟེར། ལྷ་རྩེ་དབོན་མོ་སོགས་འགྲུལ་པ་མང་དུ་འབྱོར། སྒོམ་སྡེ་ཆོས་རྗེ་དང་སྒར་པ་གྲྭ་ཚང་གི་སློབ་དཔོན་དུང་མཁན་སོགས་ཀྱིས་གསོལ་བ་བཏབ་སྟེ། …

ལས་ལྷ་སར་འཕེལ་ཞིང་། གནས་འདི་ནས་གཏེར་བཏོན་ནས་བཅུད་ཉམས་འགྲོ་ཞེས་ཐབས་མཁས་ཀྱིས་རྫོང་བ་གནང་། མི་རིང་བར་དཔོན་མོ་འབྲུམ་པའི་ནད་ཀྱིས་ཐེབས་ནས་བཀའ་དབང་ལ་གདན་དྲངས། རྣམ་འཇོམས་ཀྱི་བྱབ་ཁྲུས་གནང་བས། དེ་དགོངས་རྨི་ལམ་དུ་སྤྲང་པོ་འདྲ་བའི་ཕོ་མོ་མང་པོ་འབོག་ཁྲེས་ཁུར་ནས། ད་མི་འཇོག་པར་འདུག་ཟེར་འགྲོ་གྲབས་བྱེད། སང་ནས་ཁམས་བདེ་…

ཐབས་མཁས་གསུང་གིས་རྫོང་བར་མཛད། །དེ་ཡང་ཐེག་པ་འོག་མ་ལྟར་ན་ཡང་དག་པར་རྫོགས་པའི་སངས་རྒྱས་ཀྱང་ལས་ཀྱི་ལྷག་མའི་མཐུས་ཞབས་ལ་སེང་ལྡེང་གི་ཚལ་བ་སོར་བཅུ་དྲུག་པ་ཟུག་སྟེ་བསྙུན་པ་དང་། ཐེག་པ་གོང་མའི་དབང་དུ་བྱས་ན་ཚུལ་བསྟན་བཞིན། རྗེ་འདི་ཡང་ཟ་འཕྲུག་གི་སྙུན་དམ་པོས་སྐུ་ལ་བཏབ་སྟེ། སྨན་དཔྱད་སོགས་བཅོས་ཀ་ཅི་བྱས་ཀྱང་ཕན་ངོ་ཆེ་བ་…

པོ་སོགས་ཀྱི་བླ་མ་ཅོ་ཎེ་ཆོས་རྗེར་ཡང་དབང་རྗེས་གནང་འདོད་ཆོས་ལྷུག་པར་སྩལ། རྗེ་ཉིད་ཀྱི་དབོན་པོ་ཆོས་བཟང་ནད་དམ་པོས་བཏབ་སྟེ་ཁོ་རང་གིས་ཀྱང་འཆི་བ་ཐག་བཅད། ལྷ་རྗེ་སོགས་ཀྱང་ཚམ་ཚོམ་དུ་གྱུར་སྐབས། ཞོགས་གཅིག་བཀའ་ལས། མདང་སྙིང་ཐིག་གི་འོད་གསལ་ལ་གནས་པའི་སྐབས་ཤིག །སོག་པོ་དགེ་འདུན་རྒྱ་མཚོའི་རྗེས་ལ་འབྲངས་པའི་མཐའ་འདྲེ་ཅིག་ག…