སྐུ་གདུང་རིན་པོ་ཆེ་འཇམ་དཔལ་དབྱངས་དམར་པོ་ལྷ་ལྔའི་དཀྱིལ་འཁོར་གྱི་གཙོ་བོར་བཞེངས་པ་ལ་སྲེག་རྫས་ཀུན་ཏུ་བཟང་པོའི་མཆོད་པའི་སྤྲིན་ཕུང་རྒྱ་ཆེར་སྤྲོ་བར་མཛད་པའི་ཚེ་ཞུགས་རྩོལ་པ་ལ་མ་བལྟོས་པར་རང་འབར་ལྟ་བུ་དང་དེའི་སང་ཉིན་མེ་ཏོག་གི་ཆར་འདྲ་བ་ཉི་མའི་འོག་ནས་འོད་སྐྱ་སིམ་སིམ་གདུང་ཁང་ལ་ཉེ་བར་མང་དུ་བབས་པའི་ངོ་མཚར་ཅན་བྱུང་།…

ཕ་ཆོས་བུ་ཆོས། སྤྱོད་འཇུག་གི་ལུང་དང་ངོར་མཁན་པོ་བྱོན་རྗེས་སླར་དཔོན་སློབ་རྣམས་ལ་དམར་ཆུང་སྐོར་གསུམ་དང་བེག་ཙེའི་རྗེས་གནང་རྣམས་ཕུལ། ཐིག་ལེ་བཅུ་དྲུག་གི་ཉིན་འཇའ་སྤྲིན་བྱུང་ཕེབས་པ་ཐམས་ཅད་མཁྱེན་པ་དགེ་འདུན་རྒྱ་མཚོའི་རྣམ་ཐར་བཞིན་ཆོས་ཀྱི་ཆེ་བར་མངོན། ཞ་ལུར་མཆོད་གཞིས་དགོས་ཚུལ་མཛད་པ་བཞིན་པ་རྣམ་ལ་ཕྱི་གཞིས་ཀའི་མི་གྲ་…

དང་སྒྲུབ་སྐོར། རྩེ་མོའི་ཁ་འབར་མ་སོགས་བླ་མ་སྣ་ཚོགས་ཀྱིས་མཛད་པའི་སྒྲུབ་སྐོར་རྗེས་གནང་གི་ཡི་གེ །ཉི་མ་མདུང་གང་མའི་སྒོམ་ལུང་སོགས་དང་རྗེ་ཉིད་ཀྱི་ཐུགས་རྩོམ་པོད་ལོངས་ཙམ་ཡོད་ཚོད་ནས་རབ་གནས་ཕུན་ཚོགས་དཔལ་འབར་གྱིས་གཙོས་ཟབ་ཆོས་མང་དུ་ཞུས། ཁྱབ་བདག་གནས་གསར་བ་ཆེན་པོ་དག་ཞིང་དུ་གཤེགས་རྗེས་ཚར་ཆེན་རྡོ་རྗེ་འཆང་གི་རིང་ལུགས…

ལས་ད་ཆ་མཚམས་ཇི་ལྟར་དམ་ཡང་སྒེར་པའི་ཞལ་ངོ་རྣམས་དང་རིན་པོ་ཆེ་རང་ནམ་ཡིན་ལ་མཚམས་འོག་ཏུ་ཕེབས་ཆོག་གནང་བ་སོགས་བཀའ་དྲིན་བསམ་གྱིས་མི་ཁྱབ་པ་བསྐྱངས། དངུལ་གདུང་བཞེངས་དུས་སྐུ་རྒྱུར་ཕན་པའི་སྲང་བཅུ་གཅིག་ཕུལ་ཞེས་གསུང་། གོང་དཀར་སྣེའུ་ཁང་གསར་དུ་བཞུགས་སྐབས་མནལ་ལམ་དུ་རྗེ་ཉིད་ལྕགས་ཟམ་གྱི་ཀཀྞི་ངོས་ནས་ཞལ་ཤར་དུ་གཟིགས་ནས་ཕེབ…

བའི་དགོངས་པ་བསྟད། མཁན་པོ་འོས་མི་འོས་སྣ་ཚོགས་པའི་ཁྲོད་ནས་འདྲེ་དང་གླུད་ཀྱི་དཔེ་བཞིན་ཆོས་རྗེ་ཐམས་ཅད་མཁྱེན་པའི་བསྟན་པར་ཁ་ཕྱོགས་མ་ལོག་པ་ཞིག་གལ་ཆེ་གཤིས་རྗེ་ཉིད་སྐུ་མཚམས་ལ་བཞུགས་ཐོག་ས་སྐྱོང་འཕྲིན་ལས་རྒྱ་མཚོས་ཕྱག་ཐམ་མཛད་པ་བཞིན་འདི་ནས་ཀྱང་ད་ལམ་སྐུ་མཚམས་ཀྱི་ཐོག་སྙན་གསན་བྱུང་བ་རྒྱལ་བ་གཉིས་པ་བུ་སྟོན་རིན་པོ་ཆེའི…

ཞ་ལུ་གསེར་བཀང་དང་རི་ཕུག་གི་ཆོས་ཀྱི་ཁྲིར་ཞབས་ཟུང་གི་པདྨ་རྣམ་པར་བཀོད་པར་གཞིས་ཀ་རྩེ་ནས་ཞིང་མོ་ཆེ་བ་མི་སྣར་མངགས་པའི་གཞུང་གི་ཚན་གྲངས་དང་གྲ་རིགས་སྦྱིན་བདག་སོགས་ཀྱི་ལེགས་འབུལ་བཅས་ཕུན་སུམ་ཚོགས་པའི་བཀྲ་ཤིས་དང་དགའ་སྟོན་རྒྱ་ཆེར་སྤེལ་ཏེ་ཆོས་རྗེ་ཐམས་ཅད་མཁྱེན་པའི་རིང་ལུགས་དྲི་མ་མེད་པའི་མེ་རོ་སླར་ཡང་གསོ་བའི་སྒོ་འཕ…

ལེན་ལ་རྡོར་ལེགས་རྫོངས་བདའ་མཛད་ནས་གྲུབ་པའི་འཁོར་ལོས་སྒྱུར་བ་བིརཱུ་བའི་བཞེད་གཞུང་འཇམ་དཔལ་གཤིན་རྗེ་གཤེད་དམར་པོ་ལྷ་ལྔའི་གཙོ་བོ་ལ་བཞི་འབུམ་དང་འཁོར་ལ་བཞི་ཁྲིའི་ལྗགས་བསྙེན་ཤིན་ཏུ་དམ་པ་གནང་།ཆུ་ཡོས་ཧོར་ཟླ་དགུ་པའི་ཚེས་འགོར་པོ་ཏ་ལར་ཕེབས་རྭ་ལུགས་ཀྱི་དམར་པོ་མདའ་གཞུ་འགོང་བའི་དུག་དབང་དང་། གུར་ལས་བྱུང་ཕྱག་རྡོར་འབྱུ…

དར་དང་ཕྱག་ཕུལ། བདག་ཆེན་རིན་པོ་ཆེ་ཡབ་སྲས་གཉིས་ཀྱིས་བཞུགས་ཁྲིའི་སྟེང་ནས་དབུ་ཞྭ་ཕུད་དེ་བཞེང་བ་དང་མཇལ་དར་བཞུགས་གདན་བཟོས་སྒོ་སོགས་བདག་ཉིད་ཆེན་པོ་བཟང་པོ་དཔལ་བའི་དུས་ཞ་ལུ་མཁན་པོར་གང་གནང་གའུ་ལེའི་ནང་བཞིན་གཟེངས་བསྟོད། ཞབས་དྲུང་ཆེན་མོར་བདེ་མཆོག་ནག་པོ་པའི་དབང་། ནཱ་རོ་མཁའ་སྤྱོད་ཀྱི་བྱིན་རླབས་དང་ཉམས་འཁྲིད། རྣམ་ས…

གྱི་བྲག་ལོགས་ཤིག་ཏུ་རྣལ་འབྱོར་དབང་ཕྱུག་བིརྭ་བ་པ་གཟིགས་པ་སྤྱན་འཁྲུལ་ལམ་དགོངས་ཏེ་ཞབས་འབྲིང་བ་རྣམས་ལ་ཁྱོད་ཚོས་མཐོང་ངམ་གསུངས་པ་ལ་གང་ཡང་མི་འདུག་ཞུས་སྐད། དེ་ནི་ལམ་འབྲས་བུ་དང་བཅས་པའི་གདམས་པ་ཡོངས་སུ་རྫོགས་པ་པདྨའི་སྐུད་པ་ལྟར་ཕྲ་བ་རྡོ་རྗེའི་རང་བཞིན་དུ་མཛད་དེ་བསྟན་པ་ཉིན་མོ་ལྟར་གསལ་བའི་རྟེན་འབྲེལ་དུ་མངོན། །ཞ་ལུ…

མཁའ་ལ་འདབ་ཆགས་ལྟར་འཕུར་སྤྲུལ་བསྒྱུར་གྱི། །འོད་གསལ་གཅིག་གིས་ཁོར་ཡུག་འབྱམས་སུ་ཀླས། །ཀུན་མཁྱེན་བུ་སྟོན་ཞབས་དེའི་སེང་གེའི་ཁྲིར། །མགོན་ཁྱོད་རྒྱལ་ཚབ་དམ་པར་དབང་བསྐུར་བས། །ཆེར་སྙིགས་བསྟན་པའི་མེ་ཏོག་ལྡུམ་ར་ལ། །རྣམ་གསུམ་འཁོར་ལོའི་ཆུ་བོ་འདྲེན་པར་བསྐུལ། །འཁོན་རིགས་འཇམ་དཔལ་དཔའ་བོས་རྗེས་སུ་བཟུང་། །རྣལ་འབྱོར་དབང་ཕ…

ལ་བུ་སྟོན་ཆོས་འབྱུང་དང་བསམ་གཏན་གླིང་པའི་ཨ་ཏིའི་ལུང་གནང་། །མདོ་པ་ཆོས་རྗེ་མཚུངས་མེད་དགེ་བའི་དབང་པོར་འཇིགས་བྱེད་རོ་ལངས་བརྒྱད་སྐོར་གྱི་དབང་དང་རས་ཆེན་དཔལ་འབྱོར་བཟང་པོ་ནས་བརྒྱུད་པའི་ཚེ་དབང་མདའ་འཕེལ་མ་གསན། མེ་རྟ་ཆོ་འཕྲུལ་ཆེན་མོའི་ཐོག་དམར་པོ་རིར་ཕེབས་ཀྱེ་རྡོ་རྗེ་མན་ངག་ལུགས་ཀྱི་རྒྱུ་ལམ་གྱི་དབང་། །ལམ་ཟབ་བིར་ས…

གསལ་ཡིད་དུ་འོང་བ་དང་། །ཆགས་སྡང་ཞེ་སྡང་སྤང་བ་དང་། །འཇམ་ཞིང་རན་པར་སྨྲ་བར་བྱ། །ཞེས་བརྗོད་བྱའི་དོན་ཁུངས་དང་འབྲེལ་ཞིང་ཚིག་དོན་རྣམས་མ་འདྲེས་པར་སོ་སོར་གསལ་ལ་སྙན་པར་སྨྲ་བས་ཡིད་ལ་འཇེབས་པ། །རང་ཕྱོགས་ལ་ཆགས་པ་དང་གཞན་ཕྱོགས་ལ་སྡང་བ་མེད་པ་གཟུ་བོའི་ཚིག་གིས་གདུལ་བྱའི་བློ་མཆོག་དམན་དང་བསྟུན་ཏེ་རན་པར་སྨྲ་བའི་ཡོན་ཏན་མཐའ…

ཡོན་གྱི་མཎྜལ་རྒྱས་པར་བཏེག་ནས་གཙང་ཕྱོགས་སུ་ཐེགས། རེ་ཞིག་ཞ་ལུར་སྐུ་ངལ་གསོས་ནས་གདན་ས་གོང་དུ་ཕེབས་བདག་ཆེན་འཇམ་དཔལ་དབྱངས་ངག་དབང་བསོད་ནམས་དབང་ཕྱུག་གྲགས་པ་རྒྱལ་མཚན་དཔལ་བཟང་པོའི་ཞབས་དྲུང་དུ་དབུ་སེམས་ལུགས་ཀྱི་སེམས་བསྐྱེད། ལམ་ཟབ་ནང་མ་སོགས་དབང་ལུང་བྱིན་རླབས་མང་དུ་གསན། འཇམ་མགོན་ས་སྐྱ་པ་ཆེན་པོ་ཡབ་སྲས་ལ་དགོངས་བཞེ…

གྱི་རྫོང་པོད། དབུ་སེམས་ལུགས་ཀྱི་སེམས་བསྐྱེད་གཉིས། སེམས་ཉིད་ངལ་གསོའི་འཁྲིད་སོགས་དབང་ཆོས་མང་དུ་ཞུས། ས་སྐྱོང་འཕྲིན་ལས་རྒྱ་མཚོའི་དགོངས་རྫོགས་ཀྱི་སངས་རྒྱས་སུམ་ཅུ་སོ་ལྔའི་གསེར་ཐང་ལ་རྡོ་རྗེ་དབྱིངས་ཀྱི་གསུང་དབང་གི་སྒོ་ནས་རབ་ཏུ་གནས་པ་མཛད་པས་སྡེ་པ་དེ་ཉིད་སྐུ་བསོད་ཆེ་སྙམ་པ་ཤར། ཞ་ལུའི་ཆེན་སློབ་འགའ་འབྱོར་བའི་མཁན…

བརྟེན་ནོར་བདག་པོར་སྤྲད། ཐུགས་རྗེ་ཆེན་པོ་དོན་ཡོད་ཞགས་པའི་སྒྲུབ་མཆོད་ཞ་ལུ་ས་ལ་བཏིང་བ་ནས་ཟླ་བ་དང་པོ་བྱུང་རེས་ལ་ཚུགས་པ་བར་སྐབས་སུ་ཆག་ནའང་འདི་ལོ་འབག་སྣའི་ས་རིས་ལ་བརྟེན་ནས་སྔར་ལུགས་སུ་ཚུགས་ས་བྱ་ལོ་ཞ་ལུར་བཞུགས་པའི་དཔྱིད་ལྷོའི་ཇུས་རིམ་ལ་དམིགས་པའི་ཞ་ལུ་སྤྱི་སོས་ལས་གཤིན་གྱི་གཏོར་བཟློག་བཙུགས་སྐབས་གློ་བུར་དུ་སྐ…

ལ་སོགས་སྨན་དཔྱད་ཀྱི་འཕྲོད་བསྟེན་མང་དུ་ཞུས་པས་སྐྱེད་བླངས། སྐུ་གེགས་ལ་དམིགས་པའི་སྲུང་འཁོར་བཞེས་ཡིག །བདེན་པ་བརྗོད་པའི་ཚིགས་བཅད་ཚན་གྲངས་དང་བཅས་འབུལ་མི་མངགས། དལ་འགྲོས་ཀྱིས་པོ་ཏ་ལ་ར་ས་བྱའི་མཇུག་ཏུ་ཕེབས། ངེད་ལག་པ་ན་བ་དང་ཐུག་པའི་རྗེས་གནང་འབུལ་མ་ཐུབ་རུང་དེ་བཞིན་གཤེགས་པའི་འཕེལ་གདུང་དང་ཨྱོན་ཆེན་པོའི་གཏེར་སྐུ་མ…

དུ་ཤར་རྒྱག་ཐེགས་རྩིས་ལ་གོང་དཀར་དུ་ཆུ་འབམ་གྱིས་བསྙུན་པར་སྐྱིད་དཔེ་ནས་ཀྱིས་ཆབ་ནད་གཞི་མེད་དུ་བཏང་ཡང་ཞབས་ནད་ལ་དྲུང་འཚོ་སུམ་དགའ་རྫོང་བདའ་བྱས་པས་འགྱངས་མེད་དུ་བདེ། དབྱར་ཐོག་གསོལ་ཆས་ཕུལ་ནས་ཆོས་སྡེར་བཞུགས། སྐུ་ཁམས་མ་གཞི་ཡང་དྭངས་སྐྱེད་ཤིན་ཏུ་ཆེ་བས་ཆོས་སྡེའི་གྲ་པ་ཕྱེད་སུམ་བརྒྱ་ཙམ་ལ་དབང་ཆ་བཅུ་ལྷག་ཏུ་བཅད་པའི་གདུ…

དམར་འཇམ་ལེགས་པ་མི་ཚད་ཙམ། བླ་བྲེ་ཤམ་ལྡན། རྔ་བོ་ཆེ་ཐོག་ཚད། གསོལ་ཅོག་རྣམས་རེ། གོས་སྙེལ་གཉིས། སྦ་ལྟིར། རྩིད་ཕྱིང་གྲུ་བཞི་གསུམ། གོས་གདན་ཁ་གང་མ། བཞུགས་འདིང་། འཇག་གདན་རིང་བ་ཆ་བཞི་གར་དཔོན་ལ་གོས་གདན་ཁ་གང་བཞི་རྣམས་དང་། བླ་བྲང་གཉེར་ཚང་དུ་རྩམ་ཁལ་བརྒྱད་ཅུ། ཚ་ཁལ་བཞི་བཅུ། ནས་ཁལ་སྟོང་ཚོ་གཅིག །ལུག་ཁོག་བརྒྱ། ཆག་བུབས་…

མཎྜལ་གྱི་ཚུལ་དུ་བཏེག་ཉེར་ལྔ་ལ་དཔོན་སློབ་རྣམས་གཙང་དུ་ཐེགས། སྒྲུབ་མཆོད་ཆེན་མོའི་ཐོག་དབང་ཆ་གཅིག་ལ་འཆི་བདག་འཇོམས་པའི་དབང་གནང་། སྐུ་ཞང་མཁན་ཐོག་ཏུ་བྱོན་ཟིན་པའི་ཐུགས་གཡེང་བོར་ནས་ངོར་མཁན་ཆེན་སྒྲུབ་ཁང་པ་དཔལ་མཆོག་རྒྱལ་མཚན་གདན་དྲངས་སམྦུ་ཊིའི་དབང་དང་ལམ་འབྲས་བོད་དམར་གྱི་ལུང་སོགས་ཆོས་མང་དུ་གསན། ཁྱབ་བདག་ཞ་ལུ་པ་ཆེན…

རྗེས་གནང་། གསང་འདུས་འགྲེལ་ཆེན་སོགས་ཀུན་མཁྱེན་བུའི་གསུང་རབ་དུ་མའི་ལུང་དང་རྣལ་འབྱོར་རྒྱུད་ཀྱི་ཕྱག་རྒྱ་འཆིང་ཚུལ་མཁྱེན་རབ་རྗེ་དང་དཀོན་ཅོག་ལྷུན་གྲུབ་གཉིས་ཀྱི་ལམ་འབྲས་ཀྱི་འཁྲིད། ངོར་ཆེན་དང་རྡོ་རྗེ་གདན་པ་གཉིས་ཀྱི་ཀྱེ་རྡོར་གྱི་བསྐྱེད་རིམ་རྣམ་བཤད། བླ་མ་དམ་པའི་ཕུར་པའི་སྐོར། སྤྱན་རས་གཟིགས་ཆེམ་བུ་ལུགས་དམར་འཁྲིད…