རྒྱལ་རྩིའི་འབོད་མི་སོགས་དང་སྟབས་བསྟུན་པའི་གཙང་ཕྱོགས་ལ་འཕྲལ་དུ་འགྲོ་བའི་རྩིས་བྱས་པ་ཡིན་ནའང༌། ཚེས་བཅུ་བཞི་ལ་ཡོན་མཆོད་ལྷན་དུ་རྣམ་རྒྱལ་དུ་ཕེབས་ཞག་གསུམ་ཙམ་བསྡད་ཅིང༌། འོབས་གསར་འདྲུ་གནང་བ་ལ་རབ་གནས་ཤིག་ཀྱང་བྱས། དོན་གཉེར་འགའ་ལ་མི་གཡོ་བླ་མེད་ཀྱི་དབང་བསྐུར་ཞིག་ཀྱང་བསྒྲུབས། སླར་ཡང་ཡར་ལུང་ནས་འབོད་མི་ཉིན་རེ་བཞིན་…

བཙུན་གསར་བླ་མེད་གྱི་དབང་མ་ཐོབ་པ་རྣམས་ལ་ཐོགས་མར་བདེ་མཆོག་ལྷ་ལྔའི་དབང་ཞིག་བྱས། གཞན་ལཱུ་ཧི་པའི་དབང་ཆ་བཞི། དྲིལ་བུ་པའི་དབང་ཆ་བཞི། རྡུལ་ཚོན་གྱི་དཀྱིལ་འཁོར་སྟེང་ནས་ནག་པོ་པ་དབང་ཆ་བརྒྱད་དེ་དེ་རྣམས་བགྱིས་ཤིང་ཉིན་གུང་སོ་སོའི་འདོད་པའི་ཁྲིད་ཆོས་སྣ་ཚོགས་དང༌། སྤྱི་ཆོས་སུ་ཐེག་པ་ཆེན་པོ་བློ་སྦྱོང་ཡོངས་རྫོགས་དང༌། ཤངས…

པཎ་གྱི་ཆོས་ཁྲིའི་སྟེང་ནས། གང་བློ་མའི་བྱིན་རླབས་དེ་བྱས། དེ་ཉིན་སྐྱེས་པ་གཞོན་ནུ་དཀར་པོ་གཅིག་ཕ་ཚད་ནས་ཆོས་ཉན་གྱིན་འདུག མི་རྩ་ཁམས་དྭངས་པ་གཞན་འགའ་རེས་ཀྱང་མཐོང༌། དེ་ཡར་ལྷ་དངོས་སུ་གདའ། ཚོགས་པ་ཐམས་ཅད་ལ་དུས་ཀྱི་འཁོར་ལོའི་དབང་བསྐུར་བ་རྒྱས་པར་བསྒྲུབས། རྗེ་ལྕགས་ནང་པ་དཔོན་སློབ་ཚོའང་ངེད་འཕྲད་པར་ཕེབས་པ། ནཻ་གུའི་སྒྱ…

ཆོས་སྡེའི་བདེ་ཡངས་ཆེན་མོ་དེར་ཁྲོམ་དབང་ཞིག་དང༌། བསམ་ཡས་པའི་རབ་འབྱམས་པ་སྟོན་པ་གྲགས་པ་སོགས་མང་དག་ལ་ཐུགས་རྗེ་ཆེན་པོའི་སྨྲར་ཁྲིད་སོགས་བཤད། ཧོར་ཟླ་བཅུ་གཉིས་པའི་ཚེས་གསུམ་ལ་མཁར་ཐོག་ཏུ་ཕེབས་སྒོ་ལྟར་ཕྱིན། ཞག་བདུན་ཙམ་བསྡད་ཅིང་ཚེ་དབང་བརྒྱ་རྩ། བདེ་མཆོག་གི་དབང༌། དགོངས་བཞེད་ཀྱི་རྗེས་གནང་མང་དག་དང༌། ཐུགས་རྗེ་ཆེན་པོའ…

མང་དག་དང་བཅས་པའི་དབང་མི་དྲུག་ཅུ་བདུན་ཅུ་ལ་དཔལ་རྡོ་རྗེ་འཕྲེང་བའི་དཀྱིལ་འཁོར་བཞི་བཅུ་ཞེ་གཉིས། དགེ་ལེགས་སུ་བྱེད་པའི་དཀྱིལ་འཁོར་གསུམ་སྟེ་དཀྱིལ་འཁོར་བཞི་བཅུ་ཞེ་ལྔ་པོའི་དབང་ཡོངས་རྫོགས་དང༌། འཇིགས་བྱེད་རྭ་ལུགས། བདེ་མཆོག་ནག་པོ་པ། བདེ་མཆོག་ལྷ་ལྔ་རྣམས་ཀྱི་དབང་དང༌། ཕྱག་རྒྱ་ཆེན་པོ་གའུ་མའི་ཁྲིད་ཤིན་ཏུ་སྨིན་པ་དང༌།…

ཆོས་ཞུ་བ་ཤིན་ཏུ་མང་ཞིང༌། རབ་གནས་ཞུ་མི་མང་བ་དང༌། ཇ་འདྲེན་དང་ཚོགས་ཀྱི་འཁོར་ལོ་རྒྱས་པ་སོགས་བྱུང༌། ཐུབ་པ་གསེར་གླིང་མ་སྤྱན་དྲངས་ཕྱག་མཆོད་སྨོན་ལམ་རྒྱས་པ་ཕུལ། སང་ཉིན་ཡང་སྐྱ་སེར་གྱི་སྐྱེ་བོ་དཔག་ཏུ་མེད་པ་འདུས་པ་ལ་མ་ཎིའི་ལུང་དང་སོ་སོར་དབང་བཀའ་རྗེས་གནང་མང་དག་དང་བཅས་པ་བསྒྲུབས་ནས། སླར་ཡང་སྣེ་གདོང་རྩེར་ཆོས་བཀའ་འཕ…

དཔལ་སྟག་ལུང་པ་ཆེན་པོ་དོན་གྱི་སླད་དུ་མཚན་ནས་སྨོས་ཏེ་ཀུན་དགའ་བཀྲ་ཤིས་རྒྱལ་མཚན་དཔལ་བཟང་པོའི་ཞབས་དྲུང་དུ་མཇལ་བར་ཕྱིན། དེ་གོང་བར་སྐབས་སུ་མགུར་ཆམ་འཁྲུགས་པ་གློ་ཚད་ཀྱི་རྣམ་པར་སོང་བའི་སྐུ་ཁམས་དུབ་པ་རང་ཞིག་བྱུང་འདུག་པ་སྐུ་རིམ་སོགས་གནང་བའི་སྐུ་ཁམས་བདེ་མུས་ཀྱི་སྐབས་ན་འདུག་ཅིང༌། དེ་སྐབས་ཀྱང་སྐུ་མཚམ་མེ་བ་འདུག་པས་…

རྣམ་རྒྱལ་རབ་བརྟན་ཏུ་ཞབས་དྲུང་རིན་པོ་ཆེ་ཅུང་ཟད་སྐུ་ཁམས་ཟི་བའི་སྟབས་ནས་སྐུ་གཞོགས་སུ་ཕྱིན། སྐུ་ཤིན་ཏུ་དུབ་པའི་རྣམ་པ་འདུག་པས་དེ་ཉིན་རང་བརྟན་བཞུགས་ཕུལ་བ་དེ་འཕྲལ་རང་ནས་སྐུ་ཁམས་བདེ་བའི་རྣམ་པ་མངོན་པར་བྱང་ཞིང༌། དགེ་འདུན་དམ་ཚིག་གཙང་བ་རྣམས་ཀྱིས་བསྐང་གསོ་ཚེ་གཟུངས་སོགས་སྐུ་རིམ་རྒྱ་ཆེར་སྒྲུབ་པའི་བཀོད་པའང་བགྱིས། ས…

ལས་འོས་མེད་ཕེབས་ཤིང༌། དེ་མཐུན་གྱི་ཧོར་ཟླ་གསུམ་པའི་ཚེས་བཅུ་དགུ་ལ་སྐུ་གཞོགས་ནས་ཐོན་པའི་ལྷག་པར་ཡང་བླ་མ་ཁོ་ན་ཡིད་ལ་བྱེད་བཞིན་པས་ཉིན་དང་མཚན་དུ་འདའ་བར་གྱུར་ཏོ། །འདིར་སྨྲས་པ། ད་ལྟའི་སྨྲ་དབང་འབུམ་ཕྲག་བརྒྱ་དག་ཀྱང༌། །གང་གིས་མདུན་སར་མི་སྨྲའི་བརྟུལ་ཞུགས་ཅན། །རང་ལ་མ་ཆགས་ཚིག་གི་བདུད་གྲོལ་བ། །བརྗོད་བྲལ་ལམ་དུ་འཇུག་…

དཀྱིལ་འཁོར་དང༌། ཡུམ་བཀའ་བདག་མེད་ལྷ་མོ་བཅོ་ལྔ། བཤད་རྒྱུད་རྡོ་རྗེ་གུར་ནས་འབྱུང་བ་རིགས་བསྡུས་ཀྱི་དཀྱིལ་འཁོར། དཔལ་སྒྱུ་འཕྲུལ་ཆེན་མོ་ལྷ་ལྔ། རྣལ་འབྱོར་ནམ་མཁའ་ལྷ་དགུ་བཅུ་རྩ་ལྔའི་དཀྱིལ་འཁོར། ཡེ་ཤེས་དབང་ཕྱུག་མ་ལྷ་བཅུ་གསུམ་གྱི་དཀྱིལ་འཁོར། དྲུག་པོ་དེ་རྣམས་མར་རྔོག་གི་ཕྱག་བཞེས་གཙང་མ་ཕྱག་ལེན་ཤིན་ཏུ་དག་པ་དང་དབང་བཤ…

ཆོས་རྣམས་བྱས། དེ་རྗེས་སུ་ཡོལ་བ་མཁན་ཆེན་ཡང་ཆོས་ཞུ་བར་ཆེད་ཀྱིས་ཕེབས་བྱུང་བ། བཞེད་དོན་གྱི་གཙོ་བོ་ལམ་སྐོར་ཕྱི་མ་བརྒྱད་ཀྱི་ཁྲིད་ཡིན་འདུག་པ་བཞིན། ཕྱག་རྒྱ་ཆེན་པོ་མཆོད་རྟེན་དྲུང་ཐོབ་ཀྱི་ཁྲིད་དེ་འཕྲལ་ནས་བཙུགས་ཤིང༌། ས་འདིར་ཟབ་པའི་ཚུལ་དགུ ལྷན་ཅིག་སྐྱེས་གྲུབ། གཏུམ་མོ་ལམ་རྫོགས། ཡི་གེ་མེད་པ་རྣམས་གྲུབ་ཅིང༌། ལྷག་མ་…

ཀྱི་བྱིན་རླབས་རྣམས་ཀྱང་ཆ་ཚང་བར་ཕུལ། ཞལ་ངོ་རྩེ་རྒྱས་དང༌། གཞན་ཡང་གཞི་བྱེས་ཀྱི་དོན་གཉེར་སོ་སོ་དང་བཅས་པ་ལ་མན་ངག་ལུགས་ཀྱི་བདག་མེད་མ། ཀྱཻ་རྡོར་ཌོམྦི་ལུགས། མཚོ་སྐྱེས་ལུགས། ནག་པོ་ལུགས་ལ་ཧེ་རུ་ཀ་བཞིའི་དཀྱིལ་འཁོར་རྣམས་ཀྱི་དབང་སྟེ་བཀའ་བབས་ལྷག་མ་དེ་རྣམས་རས་བྲིས་ཀྱི་དཀྱིལ་འཁོར་ལ་བརྟེན་ཏེ་བགྱིས། ཞལ་ངོ་ཐམས་ཅད་དང་ད…

ཕྱིན་པ་ཙམ་བྱུང༌། དེ་ནས་རེ་ཞིག་དེ་ཕྱོགས་ཀྱི་བྲེལ་བ་ཆོད་པའི་ལུགས་སུ་བྱས་ཏེ། ཧོར་ཟླ་བརྒྱད་པའི་ཚེས་བཅུ་གཅིག་ལ་ལམ་དུ་ཞུགས། གནམ་གྲུར་སླེབ་སྐབས་རྒྱ་གར་ཀྱི་ཀླ་ཀློའི་ཆོས་ལུགས་འཛིན་པ་དར་བྷེ་ཤ་གཅིག་དང་འཕྲད་སེམས་མ་དགའ་སེ་བ་ཞིག་བྱུང༌། ཕུགས་རྒྱལ་རྩེར་མི་ལེགས་པའི་རྟེན་འབྲེལ་དུ་འདུག རིམ་པས་བརྒྱུད་དེ་རྒྱལ་རྩེར་འབྱོར…

འཁྲུགས་པའི་སྦྱིན་སྲེག་གི་ཆོ་ག་ལ་བརྟེན་ཏེ་གདུང་འོད་བཞུ་བྱས་ཞུགས་འབུལ་ཤིན་ཏུ་ལེགས་ཤིང་དབུ་ཐོག་རིལ་པོར་བྱོན་པའི་རྣམ་པ་བྱུང༌། དཔོན་ས་ཡིད་ལགས་དྲུང་དཔོན་གཡོག་བཅུ་སྐོར་ལ་ནཻ་གུའི་མགྱོགས་ཁྲིད་སྒྱུ་ལུས་དབང་མོ་ཆེ་དང་བཅས་པ་དགོངས་བཞེས་ལྟར་ཕུལ། དེ་ནས་རྩེ་ཆེན་དུ་ཕྱིན་ཞག་ཤས་འགོར། དགོངས་བཞེད་ཀྱི་ཆོས་འདྲ་ཕུལ། རང་རེས་…

འདི་གསན་པས་ཀརྨ་ཀམ་ཚང་གི་ཆོས་ཐམས་ཅད་དོན་གྱིས་གསན་པ་ཡིན་ནོ་གསུང༌། གཞན་ཡང་ལྷན་ཅིག་སྐྱེས་སྦྱོར་གྱི་ཁྲིད་ཐུན་གཅིག་ལ་ཚང་བ་ཞིག་དང༌། སྒྲུབ་ཐབས་ཟབ་པ་འགའ་ཤས་དང༌། ཚེ་དབང་གྲུབ་རྒྱལ་མ། རྩ་གསུམ་དྲིལ་སྒྲུབ། རྒྱལ་བ་རྒྱ་མཚོའི་དབང༌། བེར་ནག་ཅན་གྱི་གཏོར་དབང་བླ་མའི་རྣལ་འབྱོར་ཐུགས་ལ་ཤར་བ་གཅིག་སོགས་དགྱེས་བཞིན་དུ་སྩལ། སྔ་ཕ…

གསང་འདུས་རིམ་ལྔ་འགོས་ལུགས་ཀྱི་ཁྲིད། པཎ་ཆེན་ཆོས་ཀྱི་རྒྱལ་པོའི་རྣམ་ཐར་ཞིབ་མོ་རྣམ་དག་གི་ཆོས་འཁོར་ཡན་ཆད་ཙམ་གྱི་ལུང་སོགས་དང༌། མཁན་སློབ་རྣམས་ལ་རིམ་ལྔ་མར་ལུགས་ཀྱི་ཁྲིད་ཡོངས་རྫོགས་དང༌། སྤྱོད་བསྡུས་སྒྲོན་མེའི་ལུང་སོགས་ཕུལ། འདི་སྐབས་རྩེ་ཆེན་ནས་དཔོན་སའི་དྲུང་ཤིན་ཏུ་བསྙུང་བའི་འཕྲལ་སླེབ་དགོས་ཚུལ་ཕེབས་བྱུང་ནའང༌། …

འབྱོར་པའི་དགོན་པ་བྱང་དུ་ཁྲོམ་དབང་ཞིག་བྱས་པ་མི་ཚོགས་ཀྱང་ཆེ། སྒྲུབ་སྡེ་རྣམས་ལ་སྐྱེས་བུ་གསུམ་གྱི་ལམ་རིམ་དང་སྨར་ཁྲིད་ཞིག་བཤད། རྣལ་འབྱོར་མའི་བྱིན་རླབས་དང༌། མི་འཁྲུགས་པ་ཇོ་བོ་ལུགས་ཀྱི་དབང་བསྐུར་ཞིག་ཀྱང་བྱས་ཤིང༌། དེ་གཉིས་ཀྱི་ཆོ་ག་འཛུགས་པའི་བཀོད་པའང་དེ་དུས་བྱས་པས་མྱུར་སྟབས་ཚུགས། དེ་ནས་རིམ་པས་ལམ་བསྲངས་སྟག་ལའ…

ཀྱང་བྱས་པ་སད་ནས་མ་བརྗེད་པར་ཡི་གེར་བྲིས། དེ་ཉིན་གུ་རུའི་སྐུ་འདྲ་ཞིག་ཀྱང་སྟེར་མཁན་བྱུང༌། ཡང་རྒྱལ་བ་མི་ཕམས་པ་བབས་པ་ཡིན་ཟེར་ནས་ཆོས་ཅི་ཡང་ཞིག་བཤད་ཀྱིན་འདུག གཉིད་སད་ཙ་ན་གཞན་མི་དྲན་ཤེར་སྙིང་དངོས་པོ་བརྒྱད་དང་སྦྱར་ནས་བཤད་པ་དེ་བློ་ལ་རམ་མེ་འདུག ཕྱིར་མི་ལྡོག་པ་འཁོར་ལོའི་གཏམ་ལ་སྙིང་ཐག་པ་ནས་ངེས་ཤེས་ལྷང་ངེར་ཤར། ཀུ…

པའི་གནས་མེད་དོ། །དེ་སྐབས་གཏིང་སྐྱེས་ནས་སྡེ་པ་མ་ཆེན་དྲུང་སྐུ་ཁམས་ཀྱང་ལྟེམས་ཡུན་རིང་བ་དང༌། སྐུ་ཞུད་སོགས་སྐུ་དོག་གི་རྣམ་པ་ཆེ་བ་འདུག་པས་འཕྲལ་སླེབ་དགོས་ཚུལ་བྱུང་བ། དེ་མཚམས་ཆོས་ལུང་བྱང་རྩེར་ཁོར་ཙམ་ཕྱིན་ཆུ་སེར་གྱིས་པུས་མོ་ན་བ་ལ་ཕན་དུ་རེ་བའི་ཆུ་ཚན་ཞག་ལྔ་ཙམ་བསྟེན། སྒྲུབ་སྡེ་རྣམས་ལ་རྩ་དབུ་མའི་ཁྲིད་ཅིག་བཤད་ཅིང…

བའི་མུན་ཤིན་ཏུ་ནག་པར་སོང་བ་ཕྱིས་དམ་སེལ་ཆེན་པོར་འགྲོ་བའི་རྟེན་འབྲེལ་དུ་སྣང༌། དེ་ནས་བདེ་གླིང་དུ་སླེབ། གནས་པ་བཅུའི་ཞལ་ཐང་གསར་བཞེངས་ལ་རབ་གནས་བྱས། རིམ་པས་མཁར་ཆེན་དུ་འབྱོར་ཞིང༌། སྡེ་པ་རིན་པོ་ཆེའི་དྲུང་ཡང་སྐུ་ཁམས་ཡར་སོར་བྱུང་འདུག མོ་ལོན་སོགས་ཅུང་ཟད་རྩུབ་བ་ལ་བརྟེན་པའི་དགོངས་བཞེད་ལྟར་སྡེ་པ་མ་ཆེན་སྐུ་རྐྱང་དུ་…