ཕུལ་ཆོས་གཞིས་གང་འོས་ཅིག་གནང་བའི་ཞལ་བཞེས་མཛད་རུང༌། ལག་ཐོག་ཏུ་ཅང་མ་བྱུང་བ་ལ་གཙང་ནས་འདི་ཀུན་གནང་བ་འདི་དབུས་པ་ཚོ་ལ་ངོམས་ཆོག་པའི་མི་སྡུན་དུ་མགོ་ཐོན་པ་རང་བྱུང༌། རི་ཁྲོད་ཇོ་ནང་དུ་བསྟན་པའི་རྒྱུན་ལ་ཕན་པར་དགོངས་ནས་གཡུ་རྩེ་ས་ཁོངས་དང་བཅས་པ་ཆོས་གཞིས་སུ་སྦྱོར་འཇགས་གནང༌། འདིར་སྡོད་རིང་ལ་ངོ་ཆེན་ཞུ་དགོས་རྣམ་གྲངས་མང་…

འདི་སྐབས་གཙུག་ལག་ཁང་གི་རི་མོའི་བྱ་བ་ཕལ་ཆེར་ཟིན་ཟླ་བ་དཀར་འཕྲལ་རབ་གནས་བྱས་པ་ཡིན་སླེབ་འཕྲལ་ནས་བླ་བྲང་འགག་པ་སོགས་ལ་ནཻ་གུའི་གསེར་ཆོས་ཆུང་བ་རྣམས་བཤད། ཁོང་གིས་དེ་སྐབས་དམ་པོ་བྱེད་མ་ཉན། ཆོས་དྲུག་ལ་དུས་ཆོས་ཀྱང་བཙུགས། སྦྱོར་དྲུག་གི་སྔོན་འགྲོའི་རིང་ལ་ནཻ་གུ་ཆོས་དྲུག་སོགས་ཀྱང་བཙུགས་ཤིང༌། ཕུག་གསུམ་པ་རྣམ་ལའང་གྲྭ་ཁྲ…

གསོལ་ལྕོག་ཡིན་ཟེར་བ་མུ་ཏིག་ལྗོན་ཤིང་གཅིག་ཀྱང་ལྷ་ཁང་དུ་བཞག སྔོན་བྱིན་རླབས་རྟེན་བཟང་ལ་མང་བ་རང་ཡོད་པར་གདའ་ནའང༌། བར་སྐབས་སུ་ཕལ་ཆེར་གྱག་འདུག་པའི་ཀུན་བསོ་བ་ཙམ་ཡིན། དམ་པོའི་བདུན་སྔ་ཕྱི་གཉིས་ལ་ཤུག་པ་གནམ་འཕྱང་དུ་བསྡད་པས་དགེ་སྦྱོར་འཕེལ་ཞིང་སྐྱིད་པར་བྱུང༌། བདུན་སྔ་རྟིང་གི་བར་ལ་སྡེ་པ་གདོང་དགའ་ནས་ཀྱང་དྲིལ་བཟོ་མཛ…

བཙུགས་པའི་ཉི་མ་ལ་གཡུ་རྩེའི་ས་ཚབ་ཏུ་བཀྲ་ཤིས་འཛོམས་རྩིས་སྤྲོད་བྱུང༌། ཚེས་བཅུ་གསུམ་ལ་ཆོས་ལུང་བྱང་རྩེར་ཕྱིན་ཟླ་གཅིག་ཞག་པོ་བདུན་ཙམ་བསྡད་ཅིང༌། གྲྭ་གསར་གྲྭ་ཚང་རྣམས་དང་གཞི་བྱས་རྣམས་ལ་སྔ་ཕྱིར་སྐྱབས་འགྲོའི་བསླབ་བྱ་དང་ཀ་རི་ཀ་ལྔ་བཅུ་པའི་གཞུང་ལ་བརྟེན་ནས་དགེ་ཚུལ་གྱི་བསླབ་བྱ་ཞིབ་མོ་དང་བྱང་སྡོམ་གྱི་བསླབ་བྱ་དང༌། བླ་…

སྤྱོད་བདེ་ལྡན་གྱི་ལས་ཀ་བྱེད་རྒྱུ་འདི་ཞིག་གསོས་ཡིན་ནའང༌། ཞིག་ནས་ཡུན་རིང་ལོན་པའི་སྟབས་ས་ཆོག་ཅིག་བྱས། ཆོས་རྒྱལ་ཕྱོགས་ལས་རྣམ་རྒྱལ་ལ་ཡང་ཡབ་སྲས་གསུམ་དང་འདྲ་བར་ལོ་དུས་ཀྱི་དུས་ཆེན་མཆོད་པའི་ཐེས་སྦྱར། ཧོར་ཟླ་གསུམ་པའི་ཉེར་ལྔ་རིགས་ལྡན་སྤྲུལ་པའི་སྐུ་ཀུན་སྤངས་ཆེན་པོ་ཀུན་དུ་བཟང་པོ་མཚན་བརྗོད་པར་དཀའ་བ་ཐུགས་རྗེ་བརྩོན…

མོ་དང་བཅས་པ་རྒྱབ་རྟེན་འཕགས་པ་ཡབ་སྲས་ལྔའི་གཞུང་རྣམས་དང་རྩ་རྒྱུད་དང་སྒྲོན་གསལ་སོགས་ཀྱི་ལུང་གཞན་ཡང་ཆོས་ཀྱི་རྣམ་གྲངས་མང་རབ་དོན་གཉེར་སོ་སོ་ལ་ལེགས་པར་བསྒྲུབས་ཤིང༌། ངམ་རིང་ཆོས་སྡེའི་མཁན་ཆེན་ལ་རྣལ་འབྱོར་མའི་ཁྲིད་ལྭ་བ་པའི་ངོ་སྤྲོད་ཚིགས་བཅད་གཅིག་མ་སོགས་སྒེར་གྱི་བཞེད་ཆོས་ཀྱང་ཁ་རེ་བསྒྲུབས་ཤིང༌། དཔལ་རྡོ་རྗེ་མཁའ་…

སྣ་ཚོགས་ཀྱི་གཏམ་ཡང་སྣང་བས་མཆོག་ཏུ་མཛེས་པ་མ་ཡིན་པའི་གཏམ་ཅིའི་ཕྱིར་འབྲི་བར་བྱེད་ཅེ་ན། ཁོ་བོ་ནི་འདི་འབྲི་བ་ལ་མཆོག་ཏུ་སྤྲོ་བ་ཡང་མ་ཡིན་ལ། ཆགས་སྡང་ལ་སོགས་པའི་ཉེས་པ་སྤངས་པ་ཡང་ག་ལ་ཞིག་སྟེ། བདེ་སྡུག་གི་ཁྱད་པར་དང་དགྲ་དང་བཤེས་ཀྱི་འགྱུར་བ་སོགས་སྣ་ཚོགས་འབྱུང་བ་ནི་འཁོར་བའི་ཆོས་ཉིད་ཡིན་ལ། འོན་ཀྱང་གཞན་གྱིས་ནན་ཏན་དུ…

བ་ལས་སྒྲོལ་བ་ཆོས་ལ་རག་ལས། དེ་ལ་ཡང་ཚིག་དོན་མ་ནོར་ཞིང་རྒྱུན་མ་ཆད་པ་ཞིག་དགོས་པར་ཤེས་ནས། ཟབ་ཅིང་རྒྱ་ཆེ་བ་ལ་སྐྲག་ཅིང་ཞུམ་པར་མ་བྱས། །ཉུང་ཞིང་གསལ་བ་ལ་བརྙས་ཤིང་ཁྱད་དུ་མ་གསད་པར་ནན་ཏན་དུ་བསླབས་ཏེ་གཞན་ལ་སྟོན་པར་བྱེད་པ་འདི་ནི་ཁོ་བོའི་རྣམ་པ་ཐར་པ་སྟེ་དང་པོ་ཡིན་ནོ།། །།མདོ་སྔགས་ཀྱི་གསུང་རབ་རྒྱ་མཚོ་རྣམས་ལས་རྒྱལ་ཚབ་འ…

འགོས་མར་གསུམ། རྭ་སྐྱོ་ཞང་གསུམ། ས་རྔོག་དཔྱལ་གསུམ་སོགས་ཡོངས་སུ་གྲགས་པའི་རྡོ་རྗེ་འཛིན་པ་ཆེན་པོ་ཐམས་ཅད་ཀྱི་མན་ངག་དང་བཤད་སྒྲོས་དང་ཐུགས་ཀྱི་གསང་བ་ཕལ་ཆེར་བྱང་ཆུབ་ཅིང༌། བསྐྱེད་རྫོགས་ཆོ་ག་འཕྲིན་ལས་ཀྱི་ལག་ལེན་ཁྲིགས་བཀོད་ཐམས་ཅད་ཀྱང་བློ་ལ་མ་མཛིངས་པར་འཆར་ནུས་པ་དང༌། བྱིན་རླབས་དང་ཉམས་མྱོང་ཅུང་ཟད་ཤར་བ་འདི་ཡང་ཁོ་བོའ…

ཆོས་འདི་ཀུན་སྒྱུ་མ་ལྟ་བུར་གོ་མྱོང་བརྟན་པོ་ཡོད་ཅིང༌། སངས་རྒྱས་ཀྱི་ཡེ་ཤེས་དང་སངས་རྒྱས་ཀྱི་གསུང་ལ་འཁྲུལ་བ་དང་འཛོལ་སོ་ཡེ་མེད་པར་ངེས་ནས། འཕགས་པ་རྣམས་ཀྱི་མཉམ་གཞག་དང་དེ་བཞིན་གཤེགས་པའི་ལུང་ལ་སྙིང་ཐག་པ་ནས་ཡིད་བརྟན་འཆའ་བར་བྱེད་པ་འདི་ཡང་ཁོ་བོའི་རྣམ་པར་ཐར་པ་སྟེ་ལྔ་པའོ།། །།མཁས་པ་ཁ་ཅིག་སངས་རྒྱས་ཀྱི་བསྟན་པའམ་སྐྱེས…

གཞན་རྣམས་ལ་ཡང་བརྙས་སེམས་དང་ཁོང་ནས་འཁྲུགས་པའི་འདམ་རྫབ་དུ་མ་བྱིངས་པ་འདི་ཡང་ཁོ་བོའི་རྣམ་པར་ཐར་པ་སྟེ་དྲུག་པའོ།། །།རྡོ་རྗེ་འཆང་ཆེན་པོའི་བཅས་པ་ལས་མི་འདའ་བའི་ཕྱིར། སྔགས་ཀྱི་ཆོས་བཤད་པ་ལ་སོགས་པའི་དོན་དུ་དཀྱིལ་འཁོར་ཐ་དད་པ་ཕལ་ཆེར་གྱི་གྲངས་བསྙེན་རེ་ཡང་བགྱིས་མོད། གཙོ་བོར་ལྷག་པའི་ལྷ་ཐམས་ཅད་ཀྱང་རོ་གཅིགསྔགས་ཐམས་ཅད་…

བཟང་པོར་རློམ་པ་རྣམས་མཉེས་པར་འགྱུར་བའི་རྒྱལ་སྲས་ཀྱི་རྣམ་ཐར་མ་མཆིས་ཤིང༌། འཇིག་རྟེན་གྱི་སྐྱེ་བོ་ཕལ་ཆེར་དགའ་ཞིང་འདུན་པའི་ཐབས་མ་བྱས་མོད། ལག་ལེན་དུ་སེམས་ཅན་བསླུ་བའི་ཐབས་མ་བྱས་མི་བྱེད་པར་མི་འགྱུར་ལ། སྐྱེ་བོ་མང་པོ་ལ་ཕྱི་མའི་ཚེ་ལ་མི་གནོད་ཅིང་ཕན་པའི་ཐབས་སུ་འགྱུར་བ་མཐོང་ན་རང་གི་གྲགས་འདོད་དང་བཟང་འདོད་དང་ཆོས་དང་…

པ་མང་པོ་དང༌། གྲུབ་མཐའ་མ་ནོར་བ་རྣམས་ལ་ངེས་པའི་གཏན་ཚིགས་ལ་ཞུགས་པའི་རྒྱུ་མཚན་ཡང་དག་པ་མང་པོ་ཞིག་གཞན་ཕལ་ཆེར་གྱིས་མ་ཤེས་པ་གསར་དུ་རྟོགས་ཀྱང་རང་ཤུགས་ལ་རློམ་སེམས་མི་སྐྱེ་ལ། སྒྲ་དང་སྙན་ངག་དང་རྟོག་གེ་རྣམས་ལ་མཁས་འདོད་ཀྱི་སྲེད་པ་ལས་གྲོལ་ཞིང༌། དོན་ལ་མི་སྦྱོར་ན་མཁས་པའི་ཁུར་ཆེན་པོས་བརྗིད་པ་ལས་ཀྱང་ཚིགས་བཅད་གཅིག་ཁོ་ན…

ཐར་པ་སྟེ་བཅུ་གསུམ་པའོ། །འཁོར་བ་ཡིན་ཕྱིན་ཆད་སྡུག་བསྔལ་གྱི་རང་བཞིན་ལས་མ་འདས་པས་བདག་ལ་ན་རྒས་འཆི་རྒུད་འཕོ་འགྱུར་མི་ཡོང་བ་མ་ཡིན་ཀྱང༌། གང་ཞིག་ཐོག་ཏུ་བབ་པ་དེ་ཀ་ཆོས་ཉིད་ཡིན་པའི་ཡི་ཆད་དང་བློས་མ་ལོངས་པ་དང་སེམས་སྡུག་ཡོང་བའི་གནས་མི་འདུག་ཅིང༌། དེ་ཐམས་ཅད་གློ་བུར་བ་ཙམ་དུ་ཤེས་པས་སྤང་བླང་ལ་རྩལ་འདོན་ཡང་མི་བྱེད་ལ། ཆོས…

གྲུབ་པའི་སྤྱོད་ཡུལ་ནམ་མཁས་གར་ཁྱབ་གྱི་ཡུལ་རྣམས་སུ། འཁོར་བ་ཇི་སྲིད་པའི་དུས་ཐམས་ཅད་ལ་དོན་མེད་དུ་འགྱུར་བ་ནམ་ཡང་མི་སྲིད་པར་གང་ལ་གང་འདུལ་གྱི་འགྲོ་བའི་དོན་སེམས་ཅན་ཐམས་ཅད་ཀྱི་བསམ་པ་ཇི་བཞིན་དུ་འཇུག་པར་འགྱུར་བ་སྲིད་ཞི་ཐམས་ཅད་ཀྱི་སྣང་བརྙན་ཅན་དེ་བཞིན་གཤེགས་པའི་འཕྲིན་ལས་ཀྱི་རྒྱ་མཚོར་འཇུག་པར་འགྱུར་ཏེ། མོས་པའི་དགེ…

ཨོཾ་སྭཱ་སྟི། ཡང་སྔར་གྱི་འཕྲོས་ལས་བརྩམས་ཏེ། རང་གི་གནས་ཚུལ་ཅུང་ཟད་བརྗོད་ན་གྲོམ་པ་ལྷ་རྩེའི་ཕྱོགས་དེ་ཉིད་དུ། སྔར་གྱི་ཆོས་བཤད་པའི་འཕྲོས་དེ་ལས། དབང་རྗེས་གནང་ལུང་བཀའ་ཐན་ཐུན་མང་རབ་དང༌། ཁྱད་པར་བྱང་ཞབས་དྲུང་རང་གི་དགོངས་བརྟད་དང་བསྟུན། ཞབས་དྲུང་རང་དང༌། །ངམ་རིང་མཁན་ཆེན་ཚུལ་ཁྲིམས་པ་དང༌། གཞན་དགེ་བཤེས་བརྒྱད་དགུ་ཙམ།…

ཤེས་གྱུའི་ཁུངས་ཀྱིས་ཆོས་ཉན་ཕྱིན། སོ་སོའི་འདོད་ཚུལ་ཐ་དད་པའི་གོ་བབས་ཀྱིས་མཚམས་བྱེད་པ་ཙམ་མམ། ངེད་ཀྱིས་བཤད་པ་དེ་ཕྱོགས་སྔ་ཡིན་དུ་བཅུག་ནའང༌། ཕྱོགས་སྔ་གོ་བ་ཅིག་ཀ་ཡོང་ཐང་བ་ལ། མན་ནེ་མུན་ནེ་ཅིག་མིན་པ་འདི་ཡིན་མེད་པའི་སྟེང་ནས། རྒྱུ་མཚན་མ་ཡིན་པ་ལ་རྒྱུ་མཚན་དུ་འཛིན། རྒྱུ་མཚན་རང་དེ་ཡེ་མི་གོ གནད་དོན་མ་ཡིན་པ་ལ་གནད་དུ…

གྲུབ་མཐའི་ཁུལ་ཞིག་འདུག་པ་དེ། དབུ་མ་གཞན་སྟོང་དུ་མིང་བསྒྱུར་བ་མ་གཏོགས། དེ་ཁ་རང་ཡིན་ཡོང་སྙམ་ནས། གཞན་སྟོང་དང་སེམས་ཙམ་གྱི་ཁྱད་པར་ཤིན་ཏུ་ཆེ་བ་རྣམས་ཡེ་མི་གོ་བར། ཁྱད་ཆོས་དེ་དག་ཁོང་རང་ཚོའི་འདོད་ཚུལ་རྙིང་པའི་སེམས་ཙམ་གྱི་ལུགས་དེ་ལ་ཀ་ཡོད་པ་ཨེ་མི་ཡིན་ནམ། སྔར་གྱི་དེ་དང་ནི་འདྲ་ལ་འདྲ་མིན་ཞིག་བྱུང་སྙམ་པའི་མགོ་བོ་སྤོ…

གཅིག་ཚར་བར་བྱས། དེ་སྐབས་བཀའ་ཅུང་ཟད་ལྟས་འཚུབ་པར་བྱུང་ནའང་སྐྱོན་ཙམ་མེད་དམ་སྙམ་ཆེར་ཆེར་མ་བྱས། ཡིག་བརྒྱ་བཤགས་པ་ཚོགས་མཆོད་སོགས་བྱེད་པ་ཡང་མ་བྱུང༌། འདི་སྐབས་རྩིས་གནས་གསར་བའི་རྗེ་དྲུང་ཁོང་མདར་ནས་ཡར་ལུང་ཕྱོགས་ལ་ཐོགས་པའི་ཞོར་ལམ་དུ། ཁོང་པའི་དཔོན་སྲས་ཆོས་རྗེ་ཆུང་ཆུང་དེ་དང་བཅས་ངེད་ཡོན་མཆོད་རྣམས་མཇལ་བར་བྱུང༌། བྲག…