རེ་ཞིག་ཤིན་ཏུ་གསང་བར་ཞུ། ཁོ་བོ་ཇི་སྲིད་ལ་འཚོའི་བར་དུ་བཀའ་རྒྱས་བཏབ་བོ། །བཀྲ་ཤིས་དགེ་ལེགས་འཕེལ་བར་ཤོག །ཞུས་དག །དགེའོ།། །།

གསང་བའི་རྣམ་ཐར་དབུ་ཕྱོགས་བཞུགས་སོ། །དགེ་ལེགས་འཕེལ།

ཨོཾ་སྭཱ་སྟི། བླ་མ་སངས་རྒྱས་ལ་བཏུད་ནས། །བདག་གི་རྣམ་ཐར་གསང་བ་འགའ། །དད་ལྡན་འགའ་ཡིས་བསྐུལ་དོན་དུ། །གཡོ་ཟོལ་བརྫུན་འཁྲིགས་མེད་པར་བཤད། །དེ་ཡང་ཁོ་བོ་སྔོན་རྒྱ་གར་དུ་སློབ་དཔོན་ཀླུའི་བྱང་ཆུབ་ཀྱི་སློབ་མ་རྣལ་འབྱོར་པ་ཞིག་ཏུ་སྐྱེས་པ་གསལ་བར་དྲན། བོད་དུ་སྔགས་པ་བདེ་མཆོག་ལ་ཡི་དམ་བྱེད་པ་ཞིག་ཏུ་སྐྱེས། ཡི་དམ་གྱི་ཞལ་མཐོང༌…

སྐབས་འགའ་རེ། རེ་གསལ་རེ་གསལ་དྲན་ཡུལ་ན་འདུག །སྤྱིར་ངེད་སྐྱེ་བ་མང་པོར་སྔགས་ལ་ཉམས་ལེན་བྱས། ཨོ་ཌི་ཡ་ཎ་མཁའ་སྤྱོད་དག་པའི་ཞིང་ཁམས་སུ་རིག་པ་འཛིན་པ་ཐོབ་པ་ཞིག་ཡིན་པ། མི་ཡུལ་དུ་སེམས་ཅན་ལ་ཕན་པའི་སྐྱེ་བ་ལེན་པ་ཡང་ཡང་སྟོན་དགོས་བྱུང༌། སྐྱེ་བ་འདིའི་སྔ་མ་དགའ་བྱེད་ས་སྐྱོང་དུ་སྐྱེས་པའི་སྐབས་ཐམས་ཅད་ཁ་སང་ཁ་ཉིན་གྱི་བྱ་བྱེད…

གཉིས་ཀྱི་ཚད་ཅན་རྟགས་ཤིན་ཏུ་ཕྲ་ཞིང་བརྟན་པའི་ལོགས་རྣམས་ཐིག་ལེ་ཐིག་ཕྲན་གྱིས་ཁྱབ་པར་གྱུར། དེ་སྐབས་གེགས་སེལ་བོགས་འདོན་གྱིས་ལམ་དུ་བཏང༌། རེ་ཞིག་འཕྲོས་དེ་ནས་སྒོམ་ལོང་ཙམ་མ་བྱུང༌། ལོ་བཅུ་བདུན་པ་ལ་ཡང་བསྒོམས་པས། སྔར་གྱི་དེ་ཀ་འདྲ་བ་ཤིན་ཏུ་བརྟན་པ་རང་གིས་ལུས་ཀྱི་ནང་ཐམས་ཅད་ཁྱབ་པ་འདྲ་བ་དེ་ཀ་བྱུང་བ་ནས། ཐུན་མཚམས་སུ་ཡང…

ནམ་མཁའ་ཁེངས་པ་ཞིག་གསལ་བར་མཐོང༌། སློབ་དཔོན་ཨཱཪྱ་དེ་བ་དང༌། སློབ་དཔོན་མ་ཏངྒིས་དབང་བསྐུར་བ་ཞལ་གྱི་བཞེས། རྒྱུད་བྱིན་གྱིས་བརླབས་པའི་རྟགས་དཔག་ཏུ་མེད་པ་བྱུང༌། ལོ་བཅུ་དགུ་འགྲོ་བའི་འཇུག་ལ་རྗེ་བྲག་སྟོད་པ་ལ་གུ་རུ་ཞི་བའི་དབང་བཞི་ཞུས་པས་ཞག་བདུན་དུ་ཉམས་འུར་ལངས། མཐོང་ཉམས་དང་སེམས་ཉམས་ཟད་མི་ཤེས་པ་ཅིག་བྱུང༌། དེ་ཀའི་འཕ…

སོགས་སུ་སྒྲུབ་བརྒྱུད་ཀྱིས་གཞན་ལ་ཕན་ཆེ་བར་འོང༌། ཡང་ན་མི་རིང་བར་ལུང་བསྟན་ཞིག་འོང་དེ་དུས་བར་ཆད་ཀྱི་དབང་དུ་མི་གཏོང་བར་སྨྱོན་པའི་སྤྱོད་པ་གྱིས། སློབ་དཔོན་པདྨའི་བྱིན་རླབས་དང་བསྡེབས་ནས་འགྲོ་དོན་བཟང་པོ་ཡོང༌། རང་ཉམས་རྟོགས་ཟླ་བ་ཡར་ངོ་ལྟར་འགྲོ། ཡང་ན་སྤྱོད་པ་འདུལ་བ་བཞིན་གྱིས། ཉམས་ལེན་ཕ་རོལ་ཏུ་ཕྱིན་པ་ལ་བརྟེན། སྙི…

བསྒོམས་པས་དབུ་མར་སྟོང་གཟུགས་ཆེས་གསལ་བ་ཞག་རེ་ཙམ་བརྟན་པ་ཡང་བྱུང༌། དེ་བྱུང་དུས་བསམ་སྡིངས་ན་བསྡད་ན་པ་མནམ་གཞུང་ཕལ་ཆེར་དང༌། ཇོ་ནང་དུ་ཡོད་དུས་ལྷ་རྩེ་ནས་བོ་དོང་བར་ཁང་ཞིང་ཐམས་ཅད་ཅིག་ཅར་མཐོང༌། མི་རྣམས་གང་བྱེད་མཐོང་བ་ལན་མང་དུ་བྱུང༌། མི་གཞན་ལ་བདེ་སྡུག་འབྱུང་བ་གསལ་པོར་ཤེས་པ་དང་སེམས་ལ་ཅི་འགྱུ་ཤེས་ལ་ཁང་ཁང་པ་ཡང་ཡང་…

འཐོན་ལུས་ཡང་ཞིང་བདེ་བ་ཟླ་གཅིག་ཙམ་བྱུང༌། ཨ་རུ་ར་དེ་ད་ལྟ་ཆོས་ལུང་བྱང་རྩེ་ན་ཡོད། ལོ་ཉེར་དགུ་པའི་དཔྱིད་ཀ་ཇོ་ནང་ན་ཡོད་དུས་ཐོ་རངས་ཤིག་སྤྲིན་སེབ་ནས། རྗེ་བཙུན་བྱམས་པ་རི་རབ་ཙམ་བྱོན་མཐར་ངེད་རང་ལ་ཐིམ་སྙམ་པ་ན། ངེད་རང་གིས་ལྷ་ཀླུ་འདྲེ་སྲིན་མང་པོ་ལ་ཆོས་འཆད་ཀྱིན་འདུག །ཏིང་ངེ་འཛིན་གྱི་ཉམས་དེ་ཡལ་ནས་ཀྱང༌། གཞན་སྟོང་གི་…

རྐྱེན་གྲུབ་ཀྱིས་ཕོག་པ་དང༌། འབྱུང་བ་ལུས་ཀྱི་ནུས་པ་ཉམས་པས་ཡིན་པ་འདྲ། ཉམས་ཆུ་ཁོལ་བ་འདྲ་བ་དེ་ཞི་བ་ལྟར་སོང༌། ལོ་སོ་གསུམ་པའི་འཇུག་ལ་བྲག་སྟོད་དུ་བླ་མ་རིན་པོ་ཆེ་བདེ་བར་གཤེགས་པ་དེ་གྲུབ་ཆེན་བརྒྱད་ཀྱིས་བསྐོར་བ་དང་མཇལ་ཆོས་ཀྱི་དོགས་པ་མང་པ་ཞིག་རང་གྲོལ་དུ་སོང༌། ལོ་སོ་ལྔ་པ་ལ་ཇོ་ནང་སྐུ་འབུམ་གྱི་མཛོད་རྣམས་བཏོན་པའི་སྐ…

ན་ཡང་སྨོས་མི་དགོས་པ་འདུག །སྟོང་གཟུགས་ལས་གྲུབ་པ་ཉམས་སྣང་གི་ཡི་དམ་སངས་རྒྱས་བྱང་སེམས་བསྲུང་མ་ལ་སོགས་པ་མཐོང་བ་ལ་ཚད་བཟུང་དུ་མེད་པར་རྟག་ཏུ་འོང་བར་སྣང༌། རེ་ཞིག་དེ་ཙམ་མོ། །ད་ནི་སྔར་གྱི་འཕྲོས་ལས་ཅུང་ཟད་བརྗོད་དེ། རང་ལོ་སུམ་ཅུ་སོ་བདུན་པ་ལ་སྣྲོན་གྱི་ཟླ་བའི་ཚེས་བཅོ་ལྔ་ལ། སྒྲུབ་གནས་སྐྱིད་ཕུག་བདེ་ལྡན་ན་ཡོད་པའི་དུས…

མ་འཛུམ་ཞིང་བཞད་པའི་སྣང་བ་དང༌། ད་ལྟ་རྩོད་ལྡན་དུས་ཀྱི་ཐ་མ་ཡིན་པས། ཕལ་ཆེར་ཕུབ་མའི་ཕུང་པོ་དང་འདྲ། འོན་ཀྱང་ང་ལ་མཆོད་པ་གྱིས་ལ་སྨོན་ལམ་ཐོབ། ངེས་པའི་དོན་ལ་བག་ཆགས་འཇོག་པ་ཅུང་ཟད་ཅུང་ཟད་འོང་གསུང༌། དེ་ནས་ལོ་བཞི་བཅུ་ཞེ་གཅིག་པ་ལ། རྟག་བརྟན་དམ་ཆོས་གླིང་གི་གཙུག་ལག་ཁང་བཞེངས་པར་བརྩམས་པའི་ཚེ། འཕགས་པ་སྤྱན་རས་གཟིགས་ཕྱག་ག…

འགྲོའི་ཚོགས་ཀྱིས་བསྐོར་བའི་དྲུང་དུ་མཇལ་བས། འཁོར་ཚོགས་དེའི་ནང་ན་སྔར་ལས་མཐུན་ཞིང་སྨོན་ལམ་གཅིག་ཏུ་བཏབ་པ་ཡིན་ཟེར་བའི་ངོ་ཤེས་པ་འགའ་རེ་ཡང་འདུག་གོ །དེ་ལྟར་ན་རྨི་ལམ་དང་ཉམས་སྣང་འཁྲུལ་པའི་སྣང་བ་ཟར་ཟིར་ལ་ཡིད་བརྟན་རང་མེད་མོད་ཀྱི། ད་ལྟའི་དངོས་ཀྱི་སྣང་བ་དང༌། རྨི་ལམ་གྱི་སྣང་བ་གཉིས་ཀྱང་ངེས་པར་ན་བདེན་མི་བདེན་ལ་ཁྱད་མ…

གསང་བའི་རྣམ་ཐར་བཞུགས།

ཨོཾ་སྭཱ་སྟི། བླ་མ་རྣམས་ལ་ཕྱག་འཚལ་ལོ། །རང་གི་རྣམ་པར་ཐར་པའི་ཆ། །འཁྲུལ་དང་མ་འཁྲུལ་གང་ཅིའང་རུང༌། །ཇི་བཞིན་བྲི་བར་བྱ་བ་ཉིད། ཁོ་བོ་ལ་ཉམས་དང་རྟགས་སྣང་མང་པོ་འོང་དུ་རེ་བ་མེད་པས། ཤིན་ཏུ་གསང་དགོས་རང་མི་འདུག་ནའང༌། རང་གི་ཡོན་ཏན་གྱི་ཆ་རྣམས་བརྗོད་དོན་མི་འདུག་པས། རེ་ཞིག་འདི་གསང་བའི་རྣམ་ཐར་ཡིན་ནོ། །འབྲུག་ལོའི་སྐབས་ཤ…

ཌ་མ་རུ་རྣམས་ཧྲིཿཥྚཱི་ཞེས་པའི་སྒྲ་ནམ་མཁའ་གང་བ་ཙམ་འདུག །དེའི་ཕྱི་ཉིན་བླ་མ་དམ་པའི་ཕྱག་དམ་གཤིན་རྗེ་གཤེད་ཀྱི་སྐུ་དང་བཅས་པ་གནང་བྱུང༌། ཡང་བདག་མེད་ལྷ་མོ་བཅོ་ལྔའི་དབང་ཞུས་དུས། བུད་མེད་སྟོང་ཕྲག་བརྒྱད་ཙམ་གྱིས་བསུ་བ་བྱས། ལྷ་ཁང་ཞིག་ཏུ་ཕྱིན་དེ་ཐམས་ཅད་ཀྱི་ཀ་པཱ་ལ་ཆང་གིས་གང་བ་རེ་རེ་བྱིན་བྱུང་བ་གཅིག་ཏུ་སོང་འདུག་པ་ནང་…

ཏུ་གྱུར་པའི་ལྷ་ཁང་མང་པོ་ཞིག་ཏུ་བརྟོལ། དེ་ཀུན་ན་ཁྲིའུ་བརྩིགས་པ་དེ་དག་གི་སྟེང་ན་གསུང་རབ་ཀྱི་རྟེན་ཤས་ཆེ་བ་འདུག །ཐམས་ཅད་ཀྱི་རྟིང་མ་ལྷ་ཁང་ཆེན་པོ་ཞིག་ན། རྣམ་པ་རབ་བྱུང་གཙུག་ཏོར་མཛོད་སྤུ་མཚན་དཔེ་རྫོགས་པའི་བླ་མ་བྱིན་རླབས་ཀྱི་ཟིལ་ཆེ་ཞིང་བག་གྲཽ་བ་ཅིག་སེར་ཁྲི་ལ་བཞུགས་འདུག །དེ་ལ་ཕྱག་ཕུལ་བས་ཤེས་རབ་སྙིང་པོའི་མདོ་ཡ…

ཕྱིས་ཀྱང་སྡོད་སའི་མཐིལ་གཙང་སྨད་དུ་བྱེད་པའི་རྒྱུ་དེ་ཡིན་ཞིང༌། བར་སྐབས་ཆོས་ལུང་གི་དར་རྒུད་ཀྱི་ལྟས་ཀྱང་དེ་དུས་གསལ་བར་བྱུང་ནས་ཆོས་ལུང་རྩེ་སྒྲུབ་ཀྱི་མི་སྣ་སོ་སོ། སྨོན་འགྲོ་བ་སྟེན་ཞལ་སོགས་ཀྱང་ཡོད། གཉེར་པ་སུ་འགོད་ཀྱི་གྲོས་ལ། དཔོན་སའི་དྲུང་སྙན་གྲགས་འགོད་གསུང༌། མཆེད་གྲོགས་དཔལ་སྡིངས་པ་དབུས་པ་བདུད་འདུལ་བསྐྱར་ན…

བྲལ་རེ་རེ་བསྣམས་པ་ཞིག་གིས་མགྲོན་དུ་བོས་པའི་ཉམས་དང༌། སྟོན་ཀ་བསམ་སྡིངས་སུ་སྒྲོལ་མའི་བསྙེན་པ་བྱས་པས། གཡུ་ལོ་བཀོད་པའི་ཞིང་ཡིན་ཟེར་བ། རི་བྲག་ནགས་ཚལ་འབབ་ཆུ་ཐམས་ཅད་མརྒད་ཀྱི་མདོག་ན་ཡོད་པ་ཞིག་ཏུ་སླེབ་པའི་སྣང་བ་དང༌། བཀྲ་ཤིས་རྫོང་ཁར་དབུ་མ་འཇུག་པ་ལ་བསླབས་སྐབས་རྨི་ལམ་དུ་སློབ་དཔོན་ཟླ་གྲགས་ཡིན་ཟེར་པ་པཎྜི་ཏ་ཆོས་གོས…