ལ་ཀྱཻ་རྡོ་རྗེའི་རྒྱུད་ཡིན་ཟེར་བ་པོ་ཏི་ཁྲི་དཔང་དང་བཅས་པ་ལ། མན་ལུང་གི་རྒྱབ་ཀྱི་རི་རྩེ་དང་མཉམ་པ་འདུག་པ། ངེད་རང་ཡང་ཁྲི་དེ་ལ་འཛེགས་ཙ་ན། རོལ་མོའི་སྒྲ་འབྲུག་ཙམ་དང་བཅས་པོ་ཏི་ཁྲི་དང་བཅས་པ་ནམ་མཁའ་ལ་ཕྱོགས་སྒོར་མོར་འུར་འུར་འདེགས་ཀྱིན་འདུག་པ། ལྟོ་སྐྱེལ་མཁན་གྱིས་སྒོ་ཕྱེ་བའི་རྐྱེན་གྱིས་ཉམས་སད། དད་རྫས་སོགས་ཉུང་བའི་…

སྣ་ཁྲག་འཛག་པའི་ཐུན་དེ་ཆད། བསམ་སྡིངས་སུ་བདེ་མཆོག་གི་བསྙེན་པའི་སྐབས་རྨི་ལྟས་མང་ན་ཡང་བརྗེད་ངས་ཀྱི་དབང་དུ་སོང་འདུག །ལན་གཅིག་ངེད་ཀྱི་བླ་མ་རྣམས་དང༌། སྐྱེ་བ་གཞན་གྱི་བླ་མ་ཡིན་ཟེར་བ། རྒྱ་གར་གྱི་པཎ་གྲུབ་མང་པོ་འཚོགས་ཏེ་ཀུན་དྲིལ་ཉིས་བརྒྱ་ཙམ་གྱི་གཟོང་སྟེའུ་ཐོའུ་སོགས་བསྣམས་ནས། ངེད་རང་གི་ལུས་ལ་གཤོག་བརྡུངས་མང་པོ་མཛ…

སྐུ་འདྲ་རིན་པོ་ཆེ་བྱོན་ལེགས་དེ་བླ་མ་དངོས་ཀྱི་རྣམ་པར་ལན་གསུམ་མཐོང༌། ཕྱིས་རྟིང་ཡང་ཡང་མཇལ་བ་ལ་རག་སྐུ་ཕོ་ར་ཅན་ཞིག་ལས་མ་བྱུང་སྟེ་འདྲིས་ཆེས་པའི་སྐྱོན་དུ་སྣང༌། ཐང་པ་ཆེན་པོའི་གདུང་རྟེན་བཀྲ་ཤིས་དཔལ་འབར་གྱི་ནང་ན་ཤཱ་རཱིའི་བུའི་སྐུ་གསུང་འབྱོན་ལ་ཁད་ཁད་མིག་བཙུམ་པའི་ཚེ་རྟག་ཏུ་མཐོང་བ་བྱུང༌། ཕྱི་དེས་སྣང་བ་གཞན་མང་པོ་…

ལྟ་བུའི་ཉམས་བྱུང༌། དེ་ནས་བསམ་སྡིངས་སུ་དབྱར་ཐོག་ཞིག་མདོ་རྩ་བཟུང༌། འདུལ་བ་ལ་སློབ་གཉེར་བྱས་དུས། འཕགས་པའི་གནས་བརྟན་བྷ་ར་དྷྭ་ཛ་གསེར་ཅན་གྱི་སྣང་བ་ཅུང་མང་བ་ལ། གཞན་ཡང་གནས་བརྟན་བཅུ་དྲུག་ཕལ་ཆེར་གྱི་སྣང་བ་རྨི་ལམ་དང་ཉམས་ཀྱི་ཚུལ་དུ་ཡང་ཡང་མཐོང་བ་དང༌། དེའི་ཕྱི་ལོ་མུན་ཁང་ཟླ་བ་གསུམ་ཙམ་བསྟེན། དེ་བར་སྦྱོར་དྲུག་གི་སོར་…

ནས་གང་བ་རི་རྩེ་ལ་དགེ་སློང་ཕ་མ་དང༌། ས་གཞི་ལ་ཁྱིམ་པའི་རྣམ་པའི་བྱང་ཆུབ་སེམས་དཔའ་དང༌། ལྷ་ཁང་ན་ཡང་ཐུབ་པ་དང་ཉན་ཐོས་མང་བར་འདུག །དེའི་དབུས་ལྷ་ཁང་ཆུང་ངུ་ཞིག་གི་སྒོར་ཞུགས་པས། ཡང་རྒྱལ་ཁམས་སྔ་མ་ལས་ཆེ་བ་ཐང་འཇམ་པ་ཞིག་ན་ལྷ་ཁང་ཤིང་སྡོང་གིས་མཐའ་བསྐོར་བ་ཁོ་ནས་གོ་མཚམས་མེད་པར་གང་བ་སྣང༌། སྒོ་ཕལ་ཆེར་ཡང་གནོད་སྦྱིན་ཡིན་ཟེར…

སྣང་བ་ནུབ་འདུག །ཡང་དེའི་ནང་ན་སྔར་གྱི་དེ་ཀུན་དང༌། དེ་མིན་པའི་ཞིང་ཁམས་ཀྱང་མང་དུ་མཐོང༌། ཡང་སྐུ་དེ་ལ་ཕྱག་སྤྱི་བོར་བཞག །རེ་ཞིག་བྱར་མེད་དུ་ཐལ་འདུག །ད་ནས་ཕྱི་རོལ་གྱི་དེ་ཐམས་ཅད་དུས་གཅིག་ཏུ་མཐོང༌། ཐམས་ཅད་ཀྱི་སེམས་ཤེས་པ་སྙམ་བྱེད་འདུག །དེར་ཞལ་སྔ་ནས། ད་ཅི་སྔ་མ་དེ་སྒྱུ་མ་ལྟ་བུའི་ཏིང་ངེ་འཛིན་ཡིན། བར་དུ་བྱར་མེད་ཧད…

གཅིག་གིས། མི་ཤས་གང་པའི་ཀ་པཱ་ལ་ཞིག་ལག་ཏུ་གཏད་བྱུང་བ་ཟོས་པས་རོ་ནི་དཔེར་མི་མཚོན་པ་ཞིག་སྣང༌། ད་ནི་རིག་པ་འཛིན་པར་སོང་སྙམ་པ་དང་ནམ་མཁའ་ལ་ཐོག་མེད་དུ་འགྲོ་བ་རྨིས། སང་ཉིན་རྗེ་བཙུན་རྒྱ་གར་ལྷོ་ཕྱོགས་པ་བུདྡྷ་གུཔྟ་ནཱ་ཐ་ཕེབས་བྱུང༌། སྒྲོལ་མ་རྣལ་འབྱོར་མའི་དབང་ཞུས་པའི་ནུབ་མོ། དེང་རང་གི་ལུས་རི་གཅིག་ཏུ་སོང༌། དེའི་ས་རྡོ…

པ་ལ་ཤོག་བུ་བྱས། ཁྲག་གིས་སྣག་ཚ་བྱས། རྩིབ་མ་ལ་སྨྱུ་གུ་བྱས། མདོ་རྒྱུད་ཐམས་ཅད་འདུས་པའི་གླེགས་བམ་ཡིན་ཟེར་བ་ཞིག་བྲིས་པའི་ཡོན་དུ། རུས་གོང་སྐྲ་སེན་སོ་སོགས་ཕུལ། ནང་ཁྲོལ་རྣམས་ལ་སྟོན་མོ་བྱས་པའི་སྣང་བ་བྱུང༌། དེ་ནས་ནན་གྱིས་གསོལ་བ་བཏབ་ཀྱང་མ་ཐེབས་པར་ཟླ་བ་གཅིག་ནས་རྒྱ་གར་ལ་བཞུད། དེའི་ཉིན་ཡིད་མི་དགའ་བཞིན་ཡོད་པ། ཐོ་རང…

དོན་མང་པོ་ཡང་གསུང་གིན་འདུག ཐོ་རངས་གཉིད་སད་དུས་ཕལ་ཆེར་མ་བརྗེད་འདུག །དེ་ཀའི་སྔ་དྲོ་ནས་གདན་བཞིའི་མངོན་རྟོགས་ཆེན་མོ་བཟུང་བས། ཉི་ཕྱེད་ཡན་ལ་ཚིག་ཆ་ཐམས་ཅད་ཟིན། ཕྱག་རྒྱ་ཀུན་ཡང་སྒྲིག་ཐུབ་ཙམ་བྱུང༌། དེའི་ནང་པར་རྒྱུད་རྐྱང་ཞིག་བལྟས་པས་ཀྱང་གོ་བ་བཟང་པོ་བྱུང༌། དེའི་མངོན་རྟོགས་ལ་སྔར་མིག་འདྲིས་དང་རྣ་ཆགས་ཡང་ནི་ཡེ་མེད་ད…

བཀའ་བབས་བརྒྱུད་འདེབས་བཀོད་པའི་པཎ་གྲུབ་སོ་དྲུག་པོ་དེ་སྟེང་ཁང་ན་བཞུགས། བར་ཁང་ན་ཤཱནྟི་གུཔྟ་བཞུགས། འོག་ཁང་ན་གུ་རུ་ལྷོ་ཕྱོགས་པ་དང་རྗེ་གྲུབ་ཆེན་གཉིས་བཞུགས་འདུག །དེར་ཚོགས་འཁོར་མཛད། སྟེང་ཁང་པ་ཀུན་གྱི་ཞགས་སྐྱུགས་གནང་བ་ཀུན་ཤཱན་ཏི་གུཔྟས་གསོལ། དེས་ཞལ་སྐྱུགས་གནང་བ་བླ་མ་གཉིས་ཀྱི་གསོལ། དེ་གཉིས་ཀྱི་ཞལ་ནས་འོ་མ་འདྲ་བ…

བར་དེ་དག་ནི་རྣལ་འབྱོར་ཕོ་མོ་ཁོ་ནས་གང་འདུག །ཕྱིའི་མཐའ་ཐམས་ཅད་དགེ་སློང་སྣམ་སྦྱར་གསོལ་བ་ཁོ་ནས་མཐའ་བསྐོར་འདུག །བླ་མ་དེ་ཀུན་གྱི་ཞལ་ནས་སྡེ་པ་བཞིན་དུ་གྲུབ་མཐའ་ལ་ཕྱོགས་རིས་མ་བྱེད། ཁྱོད་རང་ལ་གྲུབ་མཐའ་འགྱུར་མེད་རྐང་ཚུགས་པ། ཨ་ལ་ལ་འདི་འདུག་པ། ཆོས་དེ་བཟང་དགོས་པ་ཡིན། འཆང་པ་དང་གོ་བ་ཙམ་པོས་མི་ཕན་གསུང༌། སྤྱིར་དེ་ཀུན…

དྭ་ཧ་ལ་འགྲེལ་པ་ཞིག་བརྩམས་དུས། མན་ངག་བདུད་རྩིའི་བཅུད་འདི་ནི། དེ་རིང་སྟོན་ནོ་བཟང་མོ་ཀྱེ། །ཞེས་པར་སླེབས་སྐབས་ཀྱི་ནུབ་མོ་གུ་རུ་ལྷོ་ཕྱོགས་པ་ནགས་སྨན་རྒྱལ་མོ་ཡིན་ཟེར་བ་གཅིག་ཕྱག་རྒྱར་བྱས་ནས་དབང་བསྐུར་བ་ཞིག་རྨི། བྱང་ཆེན་དུ་རི་བོ་སྨན་ལྗོངས་ལྷུན་ཆགས་པ་ཞིག་ན། རྗེ་གྲུབ་ཆེན་འཁོར་རྣལ་འབྱོར་མ་ཤས་ཆེ་བ་དང་བཅས་པ་བཞུགས…

འཚོར་བ་བྱུང༌། དེ་ནས་རྟོགས་པར་རློམ་པ་ཀུན་ཡང་འཆིང་བྱེད་ཀྱི་ཤུན་པར་སོང༌། བརྗོད་བྲལ་འདི་ལ་ཅི་ཞིག་བརྟེན་པར་བྱ་ཟེར་བ་དེ་ཕྱོགས་མཐུན་ཙམ་བྱུང་ངོ༌། །ཆོས་ཀྱི་རང་བཞིན་ཤེས་གྱུར་ན། །ཅི་ཚུག་བྱས་ཀྱང་རྣམ་ཐར་བཟང༌། །གང་ལྟར་བྱུང་ཀྱང་ལེགས་པ་ཡིན། །བླ་མའི་རྣམ་ཐར་ངོ་མཚར་ཆེ། །ཞེས་པ་རང་ལོ་ཉེར་བཞི་པ་ཡན་ཆད་ཀྱི་གསང་བའི་རྣམ་ཐར་ས…

རྡོ་རྗེའི་གནས་པ་བཅུ་གཉིས་ཤིན་ཏུ་གསང་བ་ཉམས་རྟོགས་ཀྱི་རྣམ་ཐར་ལགས་སོ། །

ན་མོ་གུ་རུ་ཝེ། ཨོཾ་སངས་རྒྱས་དཔའ་བོ་ལ་ཕྱག་འཚལ་ལོ། །ཨེ་ཡིག་ནམ་མཁའི་ཁམས་ལ་ཕྱག་འཚལ་ལོ། །རང་གི་སེམས་ཉིད་རང་རིག་པའི་རྒྱལ་པོ་ལ་ཕྱག་འཚལ་ལོ། །རྒྱལ་ཁམས་པ་ཏཱ་ར་ནཱ་ཐ་བདག །དུས་ལན་གཅིག་རིགས་ནི་སད། རྐྱེན་ཁར་མ་ལུས་པར་སེམས་ཉིད་ཀྱི་གནས་ལུགས་གཅེར་མཐོང་ཞིག་ཡོང་འདོད་པའི་སྐབས། ལོ་འགའ་ཤས་ཤིག་ལ་འཆར་སྒོ་བྱུང་བ་རྣམས་སྡོམ་དུ་…

བ་ཌཱ་ཀི་ནཱི། དཔའ་བོའི་ཡེ་ཤེས་ཀྱིས་བསྐུལ་ཡིན། །གཙུག་ཏོར་ལ་ནི་ཡིད་གཉིས་ཅན། དེ་འོག་བགྲང་བྱའི་ཚོགས་པ་ལ། ཐེ་ཚོམ་རྟོག་པ་དབྱིངས་སུ་ཡལ། །བྱིན་རླབས་ཡེ་ཤེས་རྒྱུས་ཁྱབ་པ། །དེ་ལས་རྩོལ་བ་མེད་ན་ཡང༌། མི་རྟོག་གསལ་བར་སྣང་བ་ཐོབ། །དེ་ནས་ལོ་དེ་སོང་བ་ན། །རྗེ་བོའི་ཞལ་རྒྱུས་ལྕགས་ཀྱུ་ཡིས། །རྙོག་པའི་མཚོ་ལས་རབ་དྲངས་ནས། རབ་མཆོ…

པོ་སྤངས། །བི་ཤྭ་ཙི་ཏྲ་དབྱིངས་སུ་ཡལ། །ཆུ་ཀློང་བྱེ་བ་རྒྱ་མཚོར་བབས། །གོལ་ས་ཐམས་ཅད་མཐོང་ནས་ཆོད། །འབངས་རྣམས་ཀུན་གྱིས་རྒྱལ་པོར་བཀུར། །དྲང་བ་ངེས་པའི་དོན་དུ་ཞུགས། །རྡོ་རྗེའི་གནས་ཐོབ་གཉིས་པའོ། །ཐབས་མཁས་ལ་ཐུགས་རྗེ་ཆེ་བའི་བླ་མ་དམ་པ་དེ་ལ་ཕྱག་འཚལ་ལོ། །འདབ་བརྒྱའི་དབུས་སུ་སྒྲོན་མེ་གསལ་ལྟར་འབར། །རི་དབང་རྩེ་མོར་ཀཻ་ལ…

ཀླུང་ངོགས་སུ་སྐྱེས་པ་ནི། བཱ་མཱ་རམ་པའི་ལུས་ཅན་ཀུན་ཏུ་སྤེན་པ་ཞིག །དབང་བསྒྱུར་ཞིང་སྐྱོང་དབང་མོས་ལྷ་ལམ་ལས་དྲངས་ཏེ། ཁྱིམ་བདག་སྐོར་བ་གཅིག་ལ་རྡོ་རྗེའི་གནས་སུ་བཞག །སློབ་དཔོན་རྫུ་འཕྲུལ་ལྡན་པ་མཐོང་འདིའང་སྐལ་བ་བཟང༌། །གཏོར་བླུགས་ཡོན་ཏན་མཆོག་དང་དུས་ནི་མངོན་དུ་གྱུར། །བླ་མའི་དྲིན་གྱིས་ཐོབ་འདིའང་ཤིན་ཏུ་ངོ་མཚར་རྨད། …

ལ་རྣམ་པར་གནས། །མུ་ཥའི་དམར་ཕྱོགས་ཚེས་བཅུ་ལའོ། །ཟླ་བ་དེ་ཡི་མཐའ་འཕེལ་ལ། །རྒྱུ་ལུས་ཟུང་འཇུག་རི་མོ་བཀྲ། །སྣ་ཚོགས་དུ་མ་དབྱིངས་སུ་ཤར། །རྡོ་རྗེའི་གནས་པ་ཐོབ་པ་འདི། །དྲུག་པར་སྒྲགས་ཏེ་ངོ་མཚར་རྨད། །བི་དྱ་སྣ་ཚོགས་ཐབས་ཆེན་ལས། །རྐྱེན་ལ་མ་ལྟོས་བདེ་ཆེན་མཚན། །རྡོ་རྗེའི་སློབ་དཔོན་དམ་པ་ཆོས་ཀྱི་དབྱིངས་ཀྱི་རང་སྣང་དུ་ཤར་བ…