བུད་མེད་རྒྱན་ཐམས་ཅད་ཀྱིས་བརྒྱན་པ་ཅིག་ཏུ་གྱུར་སྐད། དེ་ནི་རྡོ་རྗེའི་རྣལ་འབྱོར་མ་ཡིན་ཏེ། དེ་དང་ལྷན་ཅིག་ཏུ་སྤྱོད་པ་སྤྱོད་ཅིང༌། སྐྱེ་བོའི་མངོན་དུ་ཁྱི་མོར་སྤྲུལ་པས། སློབ་དཔོན་ཀུ་ཀུ་རི་པ་ཞེས་གྲགས། དེས་མཁའ་འགྲོ་མའི་གནས་ལས་རྒྱུད་མང་དུ་སྤྱན་དྲངས། པདྨ་བཛྲ་ཞེས་པ་ལ་བཤད། དེས་ཏིལླི་པ་ལ། དེས་ནཱ་རོ་པ་ལ། དེས་ཤནྟི་པ་ལ…

འདི་འཕགས་པ་ཐོགས་མེད་ཀྱི་ལུགས་མཐར་ཐུག་ཏུ་མཛད་དོ། །དེ་སྐབས་སློབ་དཔོན་གྱི་མནལ་ལམ་དུ་འཕགས་མ་སྒྲོལ་མས། སིང་གའི་གླིང་དུ་བཞུད་ཅིག་པར་ལུང་བསྟན་ཏོ། །སིང་ག་ལའི་རྒྱལ་པོའི་རྨི་ལམ་དུ་ཡང༌། འཛམ་བུའི་གླིང་ན་སློབ་དཔོན་རིན་ཆེན་འབྱུང་གནས་ཞི་བ་ཡོད་པས། དེ་སྤྱན་དྲོངས་ཤིག ཁྱོད་ཀྱི་ཡུལ་དུ་ཐེག་པ་ཆེན་པོ་དར་བར་འགྱུར་རོ། །ཞེས་…

རྒྱལ་པོ་འདི་མ་ཧི་པཱ་ལ་ཡིན་ཟེར་བ་དང༌། ཁ་ཅིག་ལས་དེའི་ཚ་བོ་རྒྱལ་པོ་ཙ་ན་ཀ་ཡིན་ཟེར་བ་གཉིས་ལས། ཕྱི་མ་དག་པར་མངོན་ནོ། །དེར་མུ་སྟེགས་ཀྱི་པཎྜི་ཏ་ཉིས་བརྒྱ་ཙམ་དང་སྔ་ཕྱིར་རྩོད་པ་མཛད་པས། ཐམས་ཅད་ལས་རྒྱལ་ཏེ། སྙན་པའི་གྲགས་པས་ཕྱོགས་ཐམས་ཅད་དུ་ཁྱབ། སངས་རྒྱས་པའི་ནང་དུ་ཡང་མཁས་པ་ལ་འགྲན་ཟླ་མེད་དེ། རྒྱལ་པོའི་བླ་མར་བཀུར། རྩོ…

པ་ལས། ལན་ཅིག་སྲོད་ཀྱི་དུས་ན། བུད་མེད་བཞིས་གདན་གྱི་མཐའ་ནས་བཏེག་སྟེ་ཡུད་ཙམ་པ་ཞིག་ལ་ཨོ་རྒྱན་གྱི་གནས་སུ་དངོས་སུ་སྤྱན་དྲངས། ཞག་མང་དུ་བཞུགས་ཏེ་དཔའ་བོ་དང་མཁའ་འགྲོ་མའི་དབུས་སུ་ཚོགས་ཀྱི་འཁོར་ལོ་རྒྱ་ཆེན་པོ་མཛད། རྡོ་རྗེའི་གླུ་མང་དུ་བླངས། ཚོགས་ཀྱི་གཙོ་བོ་རྡོ་རྗེ་ཕག་མོས་མདོ་རྒྱུད་ཀྱི་དགོངས་པ་འགྲེལ་བའི་མཆོག་ཏུ་དབ…

འཁོར་ལོ་སྡོམ་པ་ལ་མཛད་པར་རྩོམ་པ་ན། རྡོ་རྗེ་ཕག་མོས་བཀའ་མ་གནང་ངོ༌། །ཨོ་རྒྱན་གྱི་གནས་སུ་ཚོགས་ཀྱི་འཁོར་ལོར་གཤེགས་པ་ན། གྲུབ་ཐོབ་གཞན་ཡང་ལྔ་བཅུ་རྩ་གསུམ་ཙམ་འདུས་ཏེ། དེ་ཐམས་ཅད་དང་ཆོས་ཀྱི་འགྲོ་བ་མཛད་པར་གྲགས་སོ། །ཡང་རྒྱལ་པོ་ཨིནྡྲ་བྷཱུ་ཏི་བར་པས། སློབ་དཔོན་ཀུ་ཀུ་རཱ་ཛ་ཞེས་པ་ཉིན་མོ་ཁྱི་སྟོང་ལ་ཆོས་འཆད་པར་བྱེད་ཅིང༌། …

བ་ཛ་རི་ཁཎྜ་ཞེས་བྱ་བར་ཕ་རྒྱལ་རིགས་དང༌། མ་བྲམ་ཟེའི་རིགས་ཏེ། གཞོན་ནུ་ནས་རིག་བྱེད་ཡན་ལག་དང་བཅས་པ་དང༌། སྒྲ་དང་རྟོག་གེ་ལ་ཤིན་ཏུ་མཁས་ཤིང༌། ཆེན་པོར་གྱུར་པ་ན་མུ་སྟེགས་ཀྱི་རྒྱུད་དང་གཞུང་ལུགས་ཐམས་ཅད་མཁྱེན། སྐྱེད་མོས་ཚལ་ཞིག་ཏུ་སྔགས་བཟླ་བཞིན་ཡོད་པ་ན། རང་གི་མདུན་དུ་བུ་མོ་མཛེས་མ་ཞིག་བྱུང༌། ང་གདོལ་པའི་བུ་མོ་ཡིན། ཁྱ…

དེ། ང་གདོལ་པའི་བུ་མོ་ཡིན། འདི་ཁྱོད་ཀྱི་དོན་དུ་བསད་པ་ཡིན་པས་ཟོ་ཟེར་བ་ལ། ང་གཙང་མའི་རིགས་ཀྱི་དགེ་སློང༌། ཕྱེད་དུ་བརྡོས་པའི་བ་གླང་གི་ཤ་ག་ལ་ཟ་གསུངས་པས། དེ་ཕྱིར་ལྡོག་ནས་འཁྱམས་སྨད་དུ་མི་སྣང་བར་སོང༌། དེ་ཡང་རྡོ་རྗེ་རྣལ་འབྱོར་མས་དངོས་གྲུབ་གནང་པ་མ་བླངས་པ་ཡིན་ནོ། །དེར་སློབ་དཔོན་སྡེ་སྣོད་གསུམ་གྱི་མངའ་བདག་ཡིན་ཡང༌།…

པོ་བཏོན་ནས། ང་སློབ་དཔོན་གྱིས་བཏང་བ་ཡིན། ཁྱེད་དང་ལྷན་ཅིག་ཚོགས་ཀྱི་འཁོར་ལོ་བྱ་ཟེར། ངས་ཚོགས་འཁོར་སྔར་མ་བྱས་གསུངས་པས། དེ་ལྟར་ཡང༌། ད་རེས་གྱིས་ཟེར། དེར་སློབ་དཔོན་གྱིས་རྣམ་པར་རྟོག་པས་མ་མཛད་པས། དེ་ན་རེ། ཁྱེད་རྒྱུད་སུམ་བརྒྱ་ཤེས་ཤིང༌། དེ་རྣམས་ཀྱི་མཐར་ཐུག་པའི་མན་ངག་ཐོབ་ནས། སྔགས་ཀྱི་སྤྱོད་པ་ལ་རྟོག་པ་བྱར་ག་ལ་རུང…

དེར་རྒྱལ་པོ་རཱ་མ་པཱ་ལའི་བཙུན་མོ་ཞིག་གིས་ཨེ་ཌ་པུ་ར་ཞེས་བྱ་བའི་གཙུག་ལག་ཁང་ཞིག་བཞེངས་ནས་ཕུལ་བ། དེར་ཡང་ཏིང་ངེ་འཛིན་བསྒོམ་ཞིང་བཞུགས་པས། ཟླ་བ་དྲུག་ཏུ་ཏིང་ངེ་འཛིན་ཐུན་གཅིག་ལ་གནས་པ་ཡང་བྱུང༌། དུར་ཁྲོད་བསིལ་བའི་ཚལ་དུ་བཞུགས་དུས། བུ་གཅིག་པོ་གཅེས་པོ་ཞིག་གི་རོ་སྐྱེལ་དུ་བྱུང་བ། ཉེ་དུ་རྣམས་སྡུག་བསྔལ་ཆེན་པོ་འདུག་ནས།…

བ་སྐོར་གསུམ་ལས། དཀྱིལ་ཆོག་རྡོ་རྗེ་འཕྲེང་བ་བརྩམས་པའི་ཚེ། མེ་ཏོག་གི་ཆར་བབས། མན་ངག་སྙེ་མ་བརྩམས་པའི་ཚེ། ཐོག་མཐའ་བར་གསུམ་དུ་བདེ་དགྱེས་དུས་འཁོར་གསུམ་གྱིས་ཤིས་པ་བརྗོད། སྙན་པའི་གྲགས་པས་ཕྱོགས་ཐམས་ཅད་དུ་ཁྱབ། གཞན་ཡང་ཕར་ཕྱིན་ལ་ཐུབ་པ་དགོངས་རྒྱན་དང༌། མངོན་པ་ལ་འཇིག་རྟེན་བསྡུས་པ་དང༌། འདུལ་བ་ལ་དགེ་སློང་གི་རིག་བྱེད་འ…

དེས་ད་ཤ་པཱ་ལ་བཤད། དེས་རྣམ་པར་གྲགས་པའི་ལྷ་ལ་བཤད། འདི་ནི་བྷང་ག་ལའི་པཎྜི་ཏ་ཤིན་ཏུ་མཁས་པ་ཞིག་ཡིན་པ། ནཱ་ལེནྡྲར་བྱོན་ཏེ། ཆོས་དང་གདམས་ངག་ཐམས་ཅད་ལ་ཤིན་ཏུ་འདྲིས་པར་བྱས། ཡུལ་ནས་འབྱོན་དུས་རྩ་བའི་བླ་མས་རབ་ཏུ་བྱུང་གསུངས་ཡང༌། ཕྱིས་སྲེད་པ་ཤས་ཆེ་བའི་སྐྱོན་གྱིས་རབ་ཏུ་མ་བྱུང༌། ཆུང་མ་བླངས་པས། བུ་ཚ་མིང་སྲིང་གསུམ་སྐྱེས།…

དེས་ཀིམྦི་ལའི་པཎྜི་ཏ་བི་མུཀྟ་དེ་བ་སྟེ། རྣམ་གྲོལ་ལྷ་ལ་བཤད། དེས་ཛ་ན་གུཔྟ་ལ་བཤད། དེས་ར་ཏི་གུཔྟ་ལ་བཤད། དེས་ད་ལྟ་སའི་སྟེང་ན་འགྲན་ཟླ་ཐམས་ཅད་དང་བྲལ་བའི་གྲུབ་ཆེན་ཞི་བ་སྦས་པ་ལ་བཤད་དོ། །རིན་པོ་ཆེའི་འབྱུང་ཁུངས་ལྟ་བུའི་གཏམ་ལས། རྒྱུད་བཤད་བརྒྱུད་པའི་གཏམ་གྱི་སྐབས་ཏེ་བདུན་པའོ། །བདུན་པ་མན་ངག་ཐོར་བུ་སྣ་ཚོགས་ཀྱི་བཀའ་བ…

འགྲུབ་པའི་ལྟས་ཅིག་ཀྱང་མ་བྱུང༌། ཡོ་བྱད་ཀྱང་ཟད། དེར་དངུལ་ཆུའི་སྒྲུབ་ཐབས་ཀྱི་པོ་ཏི་ཆུ་བོ་གངྒཱ་ལ་འཕངས་ཏེ་རང་ཉིད་ལྡུམ་བུ་སྤྱོད་ཅིང་སོང་བ་ན། ཇི་ཞིག་ན། ཨོ་ཌི་བི་ཤའི་ཡུལ་དུ་སླེབ་པའི་ཚེ། ཆུ་གཅིག་ལ་ཁྲུས་བྱས་པས། སྔར་པོ་ཏི་བསྐྱུར་བ་དེར་མ་གོད་པར་རྙེད། དེ་དངོས་གྲུབ་ཐོབ་པའི་ལྟས་སུ་ཤེས་ནས། སླར་རང་ཡུལ་དུ་ཕྱིན་པ་ན། ད…

པོའི་རིགས་སྔགས་ལ་བརྟེན་ནས་གྲུབ་པ་ཡིན་སྐད། གཏམ་དེ་སློབ་དཔོན་ཀླུ་སྒྲུབ་ཀྱིས་གསན་ཏེ། ཀླུ་སྒྲུབ་ལ་མཁའ་འགྲོ་མའི་རིག་སྔགས་ཤིག་ལ་བརྟེན་ནས་མཁའ་ལ་འགྲོ་ཐུབ་པའི་ཤིང་ལོའི་ལྷམ་གཉིས་ཡོད་པ་ལས། གཅིག་སྦས་ཤིང༌། གཅིག་གྱོན་ནས་ནམ་མཁའ་ལ་འཕུར་ཏེ་བྱཱ་ལི་པའི་དྲུང་དུ་སླེབ། དེར་སློབ་དཔོན་གྱིས་གསེར་འགྱུར་གྱི་རྩི་སྟེར་དགོས་བྱས་…

དངོས་གྲུབ་ཐོབ་པ་ཞིག་ལ། གདམས་ངག་ཞུས་ཏེ་བསྒོམས་པས། རིང་པོར་མི་ཐོགས་པར་ཡེ་ཤེས་ཁྱད་པར་ཅན་རྒྱུད་ལ་སྐྱེས་ཏེ། རྟོགས་པ་དོན་གྱི་གླུ་ཡང་བླངས། སེམས་ཅན་གྱི་དོན་ལྔ་ཅི་རིགས་པ་བྱས་སྐད་དོ། ཁོང་གི་བཅུད་ལེན་གྱི་གདམས་པ་ཐམས་ཅད་སློབ་དཔོན་ཙར་པ་ཊི་པ་ལ་དྲིན་ལན་གྱི་ཚུལ་དུ་ཕུལ། བླ་མ་དེས་ཀྱང་དངུལ་ཆུའི་བཅུད་ལེན་གྱི་ཆོ་ག་དེ་ཅུང…

བསྙེགས་ལ་སྐྱེ་བོ་མང་པོ་བྱུང་བ། དེ་རྣམས་ལ་ཡང་སློབ་དཔོན་གྱིས་བཅུད་ལེན་གཏོར་བས། སྐྱེ་བོ་སུམ་བརྒྱ་ཙམ་རིག་པ་འཛིན་པའི་ལུས་སུ་གྱུར་ཏེ། དོན་ཆེན་པོ་དང་འཕྲད་སྐད། དེར་ཙམ་པའི་རྒྱལ་པོས་གཏམ་དེ་ཐོས་པས། སྐྱེ་བོ་མང་པོ་དང་བཅས་ཏེ་སློབ་དཔོན་གྱི་དྲུང་དུ་སོང༌། རྒྱལ་པོས་ཕྱག་བྱས་པས། སློབ་དཔོན་ཁྲོས་པ་ལྟར་བྱས་ནས། ཟས་ཀྱི་སྣོད…

བཅུ་གཉིས་ཡོད་པ་གྲོང་ཁྱེར་དུ་འགྲོ་བ་ན་ཁྱིམ་བྱར་བསྒྱུར་ཏེ་བཞུད་པས། ཀཀྐུ་ཊི་པ་ཞེས་གྲགས། ལར་ཀཀྐུ་ཊི་པ་ཡང་མི་གཅིག་པ་གཉིས་བྱུང་གསུང༌། དེའི་སློབ་མ་ནི་མཱི་ན་པ་ཡིན་ཏེ། དེ་ནི་རྒྱ་གར་ཤར་ཕྱོགས་ཀཱ་མ་རུའི་ཉ་པ་ཡིན། ཉ་པའི་རླུང་ཅུང་ཟད་གོམས་པས། ལན་ཅིག་ཉ་ལ་ལྕགས་ཀྱུ་བཏབ་སྟེ་དྲངས་པ་ལ། ཉས་ཁོང་ཕར་དྲངས་ཏེ་མིད། དེར་ལས་ཀྱི་མ…

བའི་དུས་ཤིག་ན། བཙུན་མོ་ཆུན་མ་ཞིག་ཡོད་པ། རྒྱལ་བུ་གཟུགས་མཛེས་པ་ལ་ཆགས་ཏེ། རྒྱལ་བུའི་དྲུང་དུ་ཡང་ཡང་འོངས་ཀྱང༌། རྒྱལ་བུས་འདོད་པ་དང་དུ་མ་བླངས་པས་དེ་ཁྲོས་ཏེ་རྒྱལ་པོ་བྱུང་བའི་ཚེ། གོས་ནི་བྲལ། མགོ་ནི་ཐལ་བས་གཡོགས། ཡན་ལག་ནས་ཁྲག་བྱུང་སྟེ་འདུག་པ་ལ། རྒྱལ་པོས་ཅི་ཉེས་དྲིས་པས། འདི་ནི་ལྷའི་སྲས་ཀྱིས་བྱས་ཏེ། ད་ཁོ་མོའི་དྲ…

ཚོང་འདུས་སུ་སླེབ་ནས་ཟོང་བཀྲམ་པ་ན། ཐམས་ཅད་སོལ་བར་སོང་འདུག་སྟེ། ཕན་ཚུན་དུ་ཅི་ཉེས་ཞེས་བརྟགས་པ་ན། ཙཽ་རང་གིའི་ཚིག་གི་ནུས་པ་ཡིན་པར་ཤེས་ནས། ཚོང་པ་དེ་རྣམས་ཀྱིས་སླར་སོང་ནས་ཙཽ་རང་གི་པ་ལ་བཟོད་པར་གསོལ་ཞིང༌། གསོལ་བ་བཏབ་པས། ཙཽ་རང་གི་པ་ན་རེ། འོ་ན་སྔར་བཞིན་གྱུར་ཅིག་བྱས་པས། ཚོང་པ་རྣམས་སླར་ལྡོག་ནས་བལྟས་པའི་ཚེ། ཡོ་བྱད…

པིང་གཱ་ལ་ཞེས་བྱ་བ་ཞིག་ཡོད་སླེབ་ནས་ལོ་འགའ་སོང་བ་ན། རྒྱལ་པོ་ལ་ཤིན་ཏུ་སྙིང་ཉེ་བ་ཡིན་ཡང༌། རྒྱལ་པོས་བརྟག་པའི་ཕྱིར་རང་ཉིད་སྐྱེད་མོས་ཚལ་དུ་སོང༌། སྟག་གིས་ཟོས་སོ་ཞེས་ཤི་བརྫུན་བྱས་པས། སྡུག་བསྔལ་གྱིས་དེ་མ་ཐག་བཙུན་མོ་པིང་གཱ་ལ་ཤི་ནས་ལུས་དུར་ཁྲོད་དུ་བསྐྱལ། རྒྱལ་པོ་ཡང་གྲོང་ཁྱེར་དུ་མི་འགྲོ་བར་དུར་ཁྲོད་དེ་ཉིད་དུ་བཙུ…