ལུས་ཀྱི་དངོས་པོ་སྤངས་པའི་ཕྱག་རྒྱ་ཆེན་པོ་ཐོབ་པར་འགྱུར་རོ། །ཞཻས་གསུངས་པ་དང༌། དཔལ་དུས་ཀྱི་འཁོར་ལོའི་རྒྱུད་ཕྱི་མ་འགྱུར་རྙིང་ལས། ཁ་ཊྭཱཾ་ག་དང་རུས་རྒྱན་ཅང་ཏེ་ཆང་སྣོད་ཐོགས་པ་ནག་པོའི་མིང་ཅན་འབྱུང་བར་འགྱུར། །ཞེས་ལུང་བསྟན་པ་སྟེ། ལུང་དང་པོའི་དོན་ནི་དེར་ཞེས་པས་གང་དུ་འཁྲུངས་པའི་ཡུལ་དང༌། བརྩོན་འགྲུས་དང་ལྡན་ཞིང་སྦྱ…

ཡིན་ཀྱང་དེའི་མིག་རྐྱེན་ལ་བརྟེན་པའི་གྲོང་ཁྱེར་ཆེན་པོ་བཅུ་གསུམ་ཙམ་གྱི་སྐྱེས་པ་བུད་མེད་ཁྱེའུ་བུ་མོ་ཚུན་ཆོད་འཇིག་རྟེན་གྱི་བྱ་བ་སྤངས་ཏེ་རྣལ་འབྱོར་ཕོ་མོ་འབའ་ཞིག་ཏུ་གྱུར་པས་གྲོང་ཁྱེར་དེ་དག་རེ་ཞིག་སྟོངས་སོ། །དེ་དག་ཀུན་ཀྱང་རབ་ཀྱིས་དངོས་གྲུབ་མཆོག་དང༌། འབྲིང་གིས་ཐུན་མོང་གི་དངོས་གྲུབ་དང༌། ཐ་མ་རྣམས་ཀྱིས་ཀྱང་ཕྲ་མ…

མང་ངོ༌། །སློབ་དཔོན་འདི་ལ་ཀཧྣཱ་ཙརྱ་སྟེ་སློབ་དཔོན་ནག་པོ་དང༌། ཀྲྀཥྞཱ་ཙརྱ་པ་ཡང་སློབ་དཔོན་ནག་པོའོ། །ཀཧྣ་ཀྲྀཥྞ་དང་ཐུང་ངུའི་མཐར་ཙརྱ་པ་སྦྱར་ན། ཀཧྣ་ཙརྱ་པ་ཀྲྀཥྞ་ཙརྱ་པ་སྟེ་ནག་པོ་སྤྱོད་པ་བ་ཞེས་དང༌། ཡང་ཙརྱཱ་ཙརྱ་པ་སྟེ་སློབ་དཔོན་སྤྱོད་པ་བ་དང༌། དེ་བཞིན་དུ་ཙརྱ་བཛྲ་ཏེ་སྤྱོད་པའི་རྡོ་རྗེ་དང༌། ཨཱ་ཙརྱ་ཙརྱ་དྷ་རི་པ་སྟེ་སློ…

གྲགས་པ་དེ་བཀག་ནས། ཆ་རྒྱུས་མེད་པའི་རྒྱལ་ཁམས་བོད་ལྟ་བུར་དེ་དང་འགལ་བར་སྨྲ་བ་དག་ལ་འདི་ནི་བདེན་ཏེ། སྨྲ་བ་པོ་དེ་སྐྱེས་བུ་བཟང་པོ་ཡིན་པའི་ཕྱིར་རོ། །ཞེས་སྨྲ་བ་ནི་ལེགས་པ་མ་ཡིན་ཏེ། གཡེམ་མ་མུ་ཅོར་གྱི་རྒྱལ་ལོ་ཞེས་པའི་དོན་དང་མཚུངས་པར་འགྱུར་བའི་ཕྱིར་རོ། །དེ་ནས་ཆུང་ངུའི་དུས་ནས་བློ་རྣོ་ཞིང་སྒྲ་དང༌། སྨན་དཔྱད་དང༌། བཟོ…

པའི་དངོས་གྲུབ་ཏུ་འགྱུར་རོ། །ཞེས་གྲགས་པས་བདག་ཉིད་གཅིག་པུ་ཡུལ་ཛ་ལན་དྷ་རར་བཞུད་དོ། །དེར་གྲུབ་ཐོབ་ཛ་ལན་དྷ་རི་པ་དང་མཇལ། སློབ་དཔོན་དེ་ནི་རང་བྱུང་གདོད་ནས་གྲུབ་པའི་རྣལ་འབྱོར་གྱི་དབང་ཕྱུག་ཆེས་ཆེ་བ་ཡིན་ཅིང༌། སྐུ་ལུས་ཀྱི་བཀོད་པ་ཡང་ཅིག་ཅར་མང་དུ་སྟོན་པས་ཡུལ་ཐ་དད་སྣ་ཚོགས་ན་སྐུ་དུ་མས་དུས་གཅིག་ཏུ་བཞུགས་ཤིང༌། སློབ་མ…

བའམ། མེ་ཏོག་གི་ཆར་འབབ་པའམ། སྒྲ་འབྱིན་པའམ། འོད་སྣང་བར་བྱེད་པ་འབྱུང་ངོ༌། །དེར་སྤྱོད་པ་བྱ་བའི་དུས་ཡིན་ནམ་དགོངས་པ་ན། རྡོ་རྗེ་མཁའ་འགྲོ་མ་འགའ་ཞིག་མངོན་སུམ་དུ་བྱོན་ཏེ་བཟློག་པར་མཛད་དོ། །ཡང་བསྒོམ་ཞིང་བཞུགས་པ་ན། ཕྱུགས་འཚོ་བའི་བྱིས་པ་འགའ་ཞིག་རྩེ་མོ་རྩེ་ཞིང་སོང་བའི་ཤུལ་དུ་ཤིང་ཨ་ཤོ་ཀ་ལ་རལ་གྲིའི་གཟུགས་བྱས་པ་འགའ་ཞ…

སྒྲུབ་པ་པོ་དེ་གྲོང་ཁྱེར་དུ་སོང་བ་ན། གཡོ་ཅན་དེས་རིལ་བུ་དེ་བརྐུས་ཏེ་སོང་བ་ན། གཞན་ལ་བཙོངས་ཀྱང་མ་བྲིན། རང་ལ་མཁོ་མེད་ནས། འདི་སུ་དང་ཕྲད་པ་ལ་སྦྱིན་ནོ་སྙམ་ཙ་ན། སློབ་དཔོན་འདི་ལམ་གྱི་གཞི་མདོ་ན་བསྒོམ་ཞིང་བཞུགས་པ་དང་ཕྲད་དེ། སྐུ་མདུན་དུ་བོར་ཏེ་སོང་ངོ༌། །དེ་ལ་སྤྱན་གྱིས་གཟིགས་ཤིང་ཐུགས་བརྟད་པ་ན། ཆུ་ཚོད་གཅིག་ཙམ་ན་སྒ…

སྐལ་བ་བཟང་མོ་ཞེས་བྱ་བ་ཡོད། དེ་གསང་རྒྱུད་མཐའ་དག་འཛིན་པ་ཡིན་པས། དེའི་ལག་ནས་གསང་བ་ཀུན་བསྡུས་པ་ཞེས་ཀྱང་བྱ། ཁ་སྦྱོར་ཐིག་ལེ་ཞེས་བྱ་བའི་རྒྱུད་ཡོད་པས། དེ་སྤྱན་དྲོངས་ལ་ཤོགསེམས་ཅན་མང་པོ་ལ་ཕན་པར་འགྱུར། དེ་ཡང་ཁྱོད་ཀྱིས་གསོལ་བ་བཏབ་པ་ཙམ་གྱིས་མི་སྟེར་གྱི། ངས་ལེན་དུ་བཏང་བ་ཡིན་བྱས་ན་སྟེར་བར་འགྱུར་རོ་གསུང༌། དེ་ནས་དེའ…

ད་ནང་འོངས་པའི་གནས་དེ་ཉིད་དུ་འཁོར། དེ་ནས་སློབ་དཔོན་གྱིས་མཁའ་འགྲོ་མ་དེ་ལ་ཕྱག་འཚལ་ཏེ། ཁྱེད་ཀྱི་ཕྱག་ན་དཔལ་སམྦུ་ཊ་ཁ་སྦྱོར་ཐིག་ལེའི་རྒྱུད་ཡོད་པ་འདུག་པ། སློབ་དཔོན་ཛ་ལནྡྷ་རི་པས་རྒྱུད་དེ་ལེན་པར་བདག་བཏང་བ་ཡིན་པས། རྒྱུད་དེའི་གླེག་བམ་ཡང་བསྩལ་བར་ཞུ། གདམས་པ་དང་རྗེས་སུ་གདམས་པ་ཡང་གནང་བར་ཞུ་ཞུས་པས། གནས་ཁང་དེ་ཡང་ཁང་བ…

ཅེས་པ་ནི། སོ་སོའི་སྐྱེ་བོའི་སློབ་དཔོན་གྱིས་སློབ་མ་ཕལ་པ་ཅིག་ལ་བྱེད་པ་བཞིན་དུ། རྡུལ་ཚོན་བཞེངས། དབང་རྫས་བསགས། ཆོག་འདོན་བཏང༌། ཉིན་མོ་བསྒྲུབས་མཚན་མོ་བསྐུར། དེབ་ཆ་སྒྲོག་པ་དང༌། གཞུང་གི་འབྲུ་བཤད་འཛུག་འཁྲིད་བྱེད་པ་དང༌། འཛིན་ཆོས་བཏང་བ་མ་ཡིན་གྱི། སློབ་དཔོན་ནག་པོ་སྐལ་ལྡན་གྱི་གང་ཟག་དེ་ལ། སྤྲུལ་པའི་སྐུ་ཡེ་ཤེས་ཀྱི…

དགོངས་པ་བརྟད་པས་ཆོག་པ་སོགས་མི་ཤེས་པ་དང༌། མ་ལྕོགས་པ་ལ་བཟང་བཟང་མོ་དང་དཔའ་དཔའ་མོ་བྱེད་དོ། །དེ་རིགས་ལ་བླ་མས་མ་བཤད། སློབ་མས་མ་གོ དཔོན་སློབ་གཉིས་ཀར་གྱིས་ཅི་ཡང་མི་ཤེས་པ་ལ། ཤེས་པ་དག་བྱེད་པ་ལས་མི་ཡོང་བར་འདུག་པ་འདི་ཆད་པའི་མཐའ་ཡིན། ཡང་སྔགས་གཞུང་དང༌། ཆོ་ག་ལ་རྩིས་སུ་བྱེད་པ་རྣམས་ཀྱང༌། ད་ལྟ་ལས་དང་པོ་པ་གང་བྱེད་པའི་…

བཏབ་ན། དེ་ཉིད་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་འགྱུར་བ་ཡིན་པས་དེའི་དོན་དུ་བཏང་བ་ཡིན་ཀྱང༌། རྣམ་པར་རྟོག་པས་བསྒྲིབས་ཀྱི། ད་ང་ལ་གླེགས་བམ་གྱི་དགོས་པ་མེད་པས་ཁྱོད་ཉིད་ཁྱེར་ཞིག་ཅེས་བོར་ནས། གཞན་ལའང་སྟོན་ཅིག །འདི་སྔོན་ཉིད་ངས་ཤེས་གསུང༌། རྒྱུད་དེའི་ཚིག་དོན་མཐའ་དག་སྐད་ཅིག་དེ་ལ་བླ་མས་གསུངས་སོ། །དེ་ནས་ཀྱ…

གཅིག་གམ་གཉིས་ཀྱིས་བཅད་ནས། ཨོ་རྒྱན་གྱི་གནས་དེར་བྱོན་ཞིང༌། དཔའ་བོ་དང་རྣལ་འབྱོར་མ་དཔག་ཏུ་མེད་པ་དང་མཇལ། དེ་རྣམས་ཀྱི་ཆོ་འཕྲུལ་ཡ་མཚན་ཅན་མང་པོ་ཡང་གཟིགས། ལན་ཅིག་མཁའ་འགྲོ་མ་རྣམས་ཀྱི་ཚོགས་ཀྱི་འཁོར་ལོའི་བཀོད་པ་རྒྱ་ཆེན་པོའི་གྲྭར་ཞུགས་ཏེ། ལྷན་ཅིག་ཚོགས་ཀྱི་འཁོར་ལོའི་དགའ་སྟོན་ཉམས་སུ་མྱོང་བར་མཛད་པ་ན། ཀུན་གྱི་གྲལ་གཤ…

དེ་མ་ཐག་གནང་བར་འགྱུར་ཞིང༌། དེ་སྐུ་ལ་གསོལ་བ་ཙམ་གྱིས་མཆོག་བརྙེས་པར་འགྱུར་རྒྱུ་ཡིན་པར་སྣང་ངོ༌། །དེ་ནས་གནས་དེར་ཅི་རིགས་པར་བཞུགས་ཏེ། སྔར་མཁའ་འགྲོ་མ་སྐལ་བ་བཟང་མོ་དང༌། བླ་མ་ཛ་ལནྡྷ་རི་པས་བཀའི་གནང་པ་ཡོད་པ་ལ་བརྟེན་ནས། སྐལ་ལྡན་གྱི་སློབ་མ་ཅི་རིགས་ཅི་རིགས་ཙམ་གྱིས་འདུས་པ་ལ། རྡོ་རྗེ་ཐེག་པའི་ཆོས་དག་བསྟན་ཏོ། །སློབ་མ…

དེ་ནས་གཞན་ཐམས་ཅད་ཀྱང་ཅི་འདོད་འོང་བར་འདུག་ནས། ད་ནི་ངེས་པར་རིག་པ་རྟུལ་ཞུགས་ཀྱི་སྤྱོད་པ་བྱའོ་དགོངས་ནས། བླ་མ་ཛ་ལནྡྷ་རི་པའི་དྲུང་དུ་ད་ནི་བདག་གིས་སྤྱོད་པ་ལ་འཇུག་པར་ནུས་པས། བླ་མས་ཅིས་ཀྱང་བཀས་གནང་བར་ཞུ། བདག་གི་འཁོར་འདི་ཀུན་གྱིས་ཀྱང་ནུས་པ་སྣ་རེ་ཐོབ་ལགས་པ། འདི་དག་ཀྱང་ཁྲིད་དུ་རུང་བའི་གནང་བ་སྩོལ་ཞེས་ཞུས་པས། བླ་…

གསོས་ནས། ཁྱེད་ཀྱིས་ད་དུང་སྤྱོད་པ་སྔས། གསོ་ནུས་པ་དགོས་པ་ཡིན་གསུང༌། དེ་ནས་ཀྱང་ཅུང་ཞིག་བཞུགས་ཤིང་བསྒོམས་ནས་སྐབས་དེར་ལྗོན་ཤིང་ལ་འགགས་ཏེ་དཔྱངས་པའི་མི་རོ་མཚན་ལྡན་ཞིག་ལ། ལྟ་སྟངས་མཛད་པས་འགགས་ཐག་ཆད། ས་ལ་ལྷུང་པ་ལ་ཐུགས་བརྟད་པས་རོ་ལངས་ཆེན་པོ་ཕེབས་ཏེ། སློབ་དཔོན་གྱི་དྲུང་ན་འདུག་ཅིང་གཡོག་བྱེད་དོ། །སྐྱེ་བོ་ཕལ་གྱིས་…

བདུན་ནི་འཁྲོལ་བ་པོ་མེད་པར་རང་འཁྲོལ། རེས་འགའ་ནི་ཞབས་ཁྲི་གང་གི་ས་ལ་མི་རེགས་པར་བཞུད། རེས་འགའ་ནི་རོ་ལངས་མེ་ཏོག་གི་འཕྲེང་བ་ཅན་ལ་ཆིབས་ཏེ་འབྱོན། ལྟ་སྟངས་བརྒྱད་དམ་བཅུའི་སྒོ་ནས་ཉིན་རེ་བཞིན་སེམས་ཅན་མང་པོའི་དོན་མཛད་དོ། །དུས་ལན་འགའ་ནི་གདུགས་བདུན་བདུན་བརྒྱར་འཕེལ་བ་དང༌། ཌཱ་མ་རུ་བདུན་ཡང་བདུན་བརྒྱར་འགྲོ་བ་དང༌། འཁོར…

ཁྱོད་ཀྱིས་ཚིམ་པར་བྱ་མི་ནུས་གསུང་བ་ལ། ངས་དམག་མི་འབུམ་ཕྲག་མང་པོ་ལ་རྟག་ཏུ་ཟན་སྦྱོར་ན། སློབ་དཔོན་འཁོར་བཅས་ལ་ཅིའི་ཕྱིར་མི་ནུས་ཞུས། སློབ་དཔོན་ན་རེ། འོ་ན་དང་པོར་ངའི་སློབ་མ་གཉིས་ཚིམས་པར་གྱིས་ཤིག དེ་ཚིམས་ན་ངེད་གཞན་རྣམས་ཀྱང་རིམ་པས་འོང་ངོ་གསུང༌། དེ་ནས་དེའི་སང་ཉིན་སྔ་དྲོ་མི་སྟོང་དང་བཞི་བརྒྱ་ཚིམས་པར་ནུས་པའི་ཁ་ཟས…

འགྱོད་པས་གདུངས་ཤིང་ཤིན་ཏུ་སྐྲག་ལ། སྤྱོད་པ་བའི་སློབ་མ་རྣམས་ཀྱིས་ནི་དོང་གི་ས་དང་ཉལ་ཉིལ་རྣམས་བསལ་ནས། ཨཥྟ་དྷཱ་ཏུ་ལ་རྒྱལ་པོའི་གཟུགས་བརྙན་གསུམ་བྱས་ཏེ། རེ་རེ་བཞིན་གྲུབ་ཐོབ་ཛ་ལནྡྷ་རའི་ཞབས་ལ་གཏུགས་པ་ན། སྨོད་པ་མཛད་པས་ཐལ་བར་སོང༌། དེ་མཐོང་པས་རྒྱལ་པོ་ཆེས་འཇིགས་ཤིང་སྐྲག་ནས། དྲན་མེད་དུ་རྒྱལ་ཞིང་འགྱེལ་ལོ། །དེ་ལྟར་བ…

ནས་སིང་གྷ་ལའི་བར་ལ་རྒྱ་མཚོ་ཁ་ཞེང་དཔག་ཚད་བརྒྱ་ཕྲག་དུ་མ་ཡོད་པ། ཆུ་ཚོད་གཅིག་གམ་གཉིས་ཀྱི་བར་ལ་སྤྱད་ནས་སིང་གྷ་ལར་ཕེབས་སོ། །དེར་རྒྱལ་པོ་ར་ཐ་བ་ལ་ཞེས་བྱ་བ་ཡོད་དེ། དེ་འཁོར་དང་བཅས་པ་ཆོ་འཕྲུལ་གྱི་བཀོད་པ་དེ་མཐོང་བས་ལྷག་པར་དད་དེ། ཞབས་ལ་ཕྱག་འཚལ་ཞིང༌། མཆོད་པ་རྒྱ་ཆེན་པོས་ཡུན་རིང་དུ་མཆོད་དོ། །གླིང་དེ་ན་དེའི་སྔོན་དུ་…