པ། །ས་བདག་མི་དབང་ཨིནྜ་བྷུ་ཏི་སྟེ། །མ་རིག་སྤྱོད་པའི་འདམ་རྫབ་ལས་རིང་དུ། །རབ་གྲོལ་བསོད་ནམས་གཟི་འོད་བརྒྱ་འབར་འདི། །རྒྱལ་སྲིད་ལེགས་བྱས་དབང་གི་རིང་མོ་ནས། །སྲིད་པའི་ནགས་སུ་འབད་རྩོལ་བྲལ་བས་རྙེད། །རྒྱལ་པོ་ཆོས་བཞིན་སྤྱོད་པའི་ཚེ། ཁང་བཟང་རྩེ་མོ་ཉེར་བརྟེན་པས། །དགྲ་བཅོམ་དགེ་སློང་མཆོད་འོས་རྣམས། །བླ་གོས་འཆར་ཀའི་སྣང…

འབད་མེད་བཅིངས་པ་ཙམ་གྱིས་ནི། །བདུད་རྩིས་འབྲས་བུ་ནད་འཕྲོག་བྱེད། །རིགས་སྔགས་ཁོ་ནས་ནད་འཇོམས་སོགས། །སྔགས་དང་སྨན་འདི་ཡ་མཚན་རྨད། །གོམས་པའི་སེམས་ནི་བཟློག་དཀའ་བས། །རྒྱལ་བ་ཁྱེད་ནི་ཐམས་ཅསད་མཁྱེན། །དེ་ཕྱིར་འདོད་པས་བྱང་ཆུབ་མཆོག །ཐོབ་འགྱུར་གང་ཡིན་བདག་ལ་གསུངས། །དེ་ནས་ངུར་སྨྲིག་ཐུན་མཚམས་ཀྱི། །དམར་འོད་རྣམ་པར་ཉམས་ལས་…

བློན་གྱུར་ནས། །རྡོ་རྗེ་ཐེག་པ་རྒྱས་བསྟན་ཏེ། །སྔགས་རྒྱུད་མཁའ་དང་མཉམ་པར་བྱས། །དེ་ལྟར་ན་དུས་གསུམ་སངས་རྒྱས་ཐམས་ཅད་ཀྱི་ཐུགས་ཀྱི་གསང་བའི་མཛོད་འཛིན་པ། གསང་བའི་བདག་པོ་རྡོ་རྗེ་འཆང་བ་གསང་སྔགས་ཀྱི་བསྟན་པ་སྤེལ་བའི་སླད་དུ། མི་ཡི་བདག་པོའི་ཚུལ་བཟུང་ཨིཎྜ་བྷུ་ཏི་ཞེས་པའི་མཚན་འཆང་བ་ལན་གསུམ་བྱོན་པ་ལགས་ཏེ། དེ་ཉིད་ཤིན་ཏུ་…

དེ་ཡང་ཡེ་ཤེས་ཆེན་པོ་གཅིག་པུ་གཉིས་སུ་མེད་པའི་ཟློས་གར་ལས། འགྲོ་བའི་དོན་རྒྱ་ཆེར་སྤྱོད་པའི་བཤེས་གཉེན་དམ་པ་མཆོག་གི་ཚུལ་བཟུང་བ། སོ་སོའི་སྐྱེ་བོ་རྣམས་ཀྱི་སྣང་ངོར་ཞིང་དང་གདུལ་བྱ་ཐ་དད་པར་སྣང་བ་ཅན། གཞལ་བར་མི་སྤྱོད་པའི་སྣང་བརྙན། བརྒྱུད་པ་ནས་བརྒྱུད་པར་རང་བྱུང་བར་ལུང་བསྟན་པ་བཞིན་ལགས་ཏེ། ནམ་མཁའ་ཟླ་བ་གཅིག་པུ་ཤར་བའ…

དུས་གསུམ་གྱི་སངས་རྒྱས་ཐམས་ཅད་ཀྱི་སྐུ་དང་གསུང་དང་ཐུགས་སྤྱིའི་གཟུགས་རྒྱལ་བའི་སྲས་པོ་གཞོན་ནུའི་སྐུ་འཆང་བ་འཕགས་པ་འཇམ་དཔལ་དང༌། ཐུགས་རྗེ་ཆེན་པོ་ཕྱག་ན་པདྨོ་ཅན་དང༌། གསང་བའི་བདག་པོ་ཕྱག་ན་རྡོ་རྗེ་གསུམ་ཆར་གྱི་ཡེ་ཤེས་ཀྱི་རྣམ་འཕྲུལ་གཅིག་པུ་སྟེ། དེ་དག་མི་འགལ་བའི་རྒྱུ་མཚན་ཡང༌། རིགས་གསུམ་གྱི་སེམས་དཔའ་འདི་རྣམས་ལྷས་ས…

སྲིད་གསུམ་འཇིག་རྟེན་བདུན་ལ་སོགས། །འཁོར་འདས་ཆོས་རྣམས་རང་བཞིན་ནི། །གཉིས་མེད་བརྗོད་བྲལ་བསམ་དུ་མེད། །རྣམ་པ་མ་འགགས་ཅིར་ཡང་སྣང༌། །རང་བཞིན་གསལ་སྟོང་འགགས་མེད་ཕྱིར། །རང་བཞིན་འབྲས་བུ་མངོན་གྱུར་པའི། །རྣམ་ཐར་བརྗོད་བྲལ་བསམ་ཡས་འདི། །རང་བཞིན་འགྱུར་བ་མེད་པའི་རྒྱུ། །ས་དང་ཆུ་དང་མེ་དང་རླུང༌། །ནམ་མཁའ་ལས་བྱུང་ནམ་མཁའི་དང…

པདྨའི་མཚོ་དང་ཞིང་ས་དང༌། །ཉི་མའི་འཇུག་བྱ་གཞན་དང་གཞན། །གང་རྣམས་དེ་དག་ཀུན་ལ་ནི། འོད་ཟེར་གཅིག་འཇུག་ཐ་དད་མེད། །ཉིད་ཀྱི་ཡེ་ཤེས་འཇུག་པ་ཡང༌། །གཅིག་པུ་འཇིག་རྟེན་འདིར་ཤར་བས། །མོས་པ་སོ་སོའི་སེམས་ཅན་གྱི། །བསམ་པ་ཐ་དད་སྣ་ཚོགས་འཇུག །བསམ་གྱིས་མི་ཁྱབ་གནས་འདི་ལ། །འཇུག་སེལ་དབྱིག་གི་སྙིང་པོ་དང༌། །རལ་པ་ཅན་ཡང་ཕྱུགས་དང་མཚ…

འཇིག་རྟེན་གྱི་གཙུག་ལག་ལ། ཡོངས་སུ་གྲགས་པའི་དགེ་བཅུའི་ལུས་ཡོངས་སུ་རྫོགས་ཤིང༌། ཁྱད་པར་དུ་ཡང་བདེ་བ་འབྱོར་པ་སྐྱེ་བོ་མང་པོས་ཡོངས་སུ་གང་བ། ཡུལ་ཐ་དད་པའི་སྐྱེ་བོ་མཐའ་ཡས་པའི་རང་རང་གི་ཟོང་དང་འདོད་དགུའི་ལོངས་སྤྱོད་ཐམས་ཅད་མངོན་པར་ཐོགས་ཏེ་ལང་ལོང་ཏུ་རྒྱུ་བས་ར་བ་དང་སྲང་ཐམས་ཅད་མཛེས་པར་བྱས་པ། སྐྱེ་བོ་ཐམས་ཅད་ཀྱང་གཅིག་…

གྱིས་གཙེས་པ་ལ་སྔགས་འདེབས་པ་དང༌། བྱིན་རླབས་མཛད་པ་ཙམ་གྱིས་ནད་གདོན་མ་ལུས་པ་ཞི་བར་འགྱུར་བ་སོགས་བྱིན་རླབས་ཀྱི་གཟི་བྱིན་ལྷག་པར་རྒྱས་པ། འབངས་རྣམས་ཐམས་ཅད་བདེ་བར་བསྐྱངས་བས་ཐམས་ཅད་ཀྱིས་ཀྱང་ཕ་མའམ། མཁན་པོའམ། སློབ་དཔོན་མཆོག་གི་བཞིན་དུ་གུས་པས་བལྟ་བ། འཐབ་པ་དང་རྩོད་པ་མེད་པར་བྱམས་པའི་ངང་ཚུལ་ཁོ་ནས་འགྲན་ཟླ་ཐམས་ཅད་ཀྱང་…

སུམ་རྩེན་གནས་པའི་དགེ་མཚན་ཀུན། །ས་སྟེང་འཇིག་རྟེན་འདིར་འཕོས་པ། །བསོད་ནམས་མཐུ་ལས་མངོན་འགྲུབ་ཀྱི། །རྒྱུ་གཞན་དག་གིས་ག་ལ་ཞིག །མདོངས་མཐའི་འདབ་མས་མཆོག་ཏུ་ལེགས་བརྒྱན་པ། །མར་གད་ཞི་བ་འཁྱིལ་འདྲའི་ནོར་འཛིན་ནམ། །སྲིད་གསུམ་མཛེས་པའི་ཡོན་ཏན་ཀུན་མཛེས་ཏེ། །སྐྱོན་མེད་གནས་ཀྱི་མཛེས་སྡུག་ཐམས་ཅད་འཕྲོགས། །ལྗོན་ཤིང་བུ་མོ་གཉེ…

པའི་འཛུམ་ཞལ་དང་བཅས། བཀྲ་ཤིས་དོན་འགྲུབ་ཞེས་མཚན་དོན་དང་ལྡན་པ་གསོལ་ཞིང༌། བསྲུང་སྐུད་དང་གཏོར་མའི་བྱིན་རླབས་སོགས་ཀྱང་ཟབ་རྒྱས་སུ་བསྩལ། མ་མ་རྣམས་ཀྱིས་གཙང་སྦྲའི་སྤྱོད་ལམ་དང་ལྡན་པའི་སྐུ་བསྐྱེད་བསྲིངས་པས་མཚོའི་ནང་གི་པདྨའམ། ཆར་ཆུ་རྒྱས་པའི་ཆུ་བོའམ། ཟླ་བ་ཡར་གྱི་ངོ་བཞིན་དུ་གང་སྐུའི་ལང་ཚོ་མཆོག་ཏུ་མངོན་པར་བརྟས་པར་ག…

ཆགས་སད་པས། བསྐང་གསོ་དང༌། གཏོར་བཟློག་དང༌། སྒྲུབ་མཆོད་ཀྱི་ཚུལ་མཛད་པ་དང༌། འཁོར་ཚོགས་ཀྱི་སྐྱེ་བོ་མང་པོས་བསྟི་སྟངས་དང་བཅས་པའི་ཚུལ་དུ་ཞུགས་པར་མཛད་པ་སོགས་བྱུང་སྟེ། མདོར་ན་དེ་དག་ཀུན་ནི་ཕྱིས་ཀྱི་འཕྲིན་ལས་ཀྱི་རྟེན་འབྲེལ་དུ་གྱུར་པ་འདྲ་ཞེས་ཤེས་ལྡན་རྣམས་ཀྱིས་གླེང་ངོ༌། །དེ་ན་སོ་སོ་སྐྱེ་བོ་རྣམས་ཀྱིས་རང་གི་བློས་རྒྱ…

འབྱུང་གནས་རིན་པོ་ཆེ་མ་ལུས་པ་དཀོན་མཆོག་གྲགས་པ་ལ་ཡང་བཀའ་ཆོས་ཀྱི་འབྲེལ་བ་མང་དུ་གསན་ཞིང༌། གཞན་ཡང་མཁས་པ་དང་རྣལ་འབྱོར་བ་ཀུ་ས་ལི་ཚད་དང་ལྡན་པ་འགའ་ཞིག་ལ་དབང་དང་བྱིན་རླབས་ཅི་རིགས་པར་གསན། ཁྱད་པར་དུ་རིན་པོ་ཆེ་ཆོས་ཀྱི་རྒྱལ་མཚན་པས། རྟ་མགྲིན་གྱི་གཏོར་དབང་ཞིག་ཕུལ་དུས། ཁྲོ་རྒྱལ་རྟ་མགྲིན་གྱིས་ཞལ་གཟིགས་གསལ་བའི་མཐར་ཐུག…

གྲུབ་པའི་འཁོར་ལོས་བསྒྱུར་བ་སློབ་དཔོན་ཆེན་པོ་ནག་པོ་སྤྱོད་པ་ཉིད། མཆོག་གི་དགེ་བའི་བཤེས་གཉེན་གྱི་རྣམ་པར་སྐུར་བསྟན་པ་འཇམ་མགོན་གྲུབ་པའི་དཔའ་བོ་དཔལ་ལྡན་ཀུན་དགའ་གྲོལ་མཆོག་བློ་གསལ་རྒྱ་མཚོའི་སྡེའི་དྲུང་དུ་མཁན་པོ་ཞུས་ཤིང༌། ཞུ་བའི་ཡུལ་དགེ་སློང་སྡོམ་བརྩོན་དུ་མ་དང་བཅས་པའི་དབུས་སུ། ཚིགས་སྔ་མ་དགེ་བསྙེན་གྱི་སྡོམ་པ་ད…

བཀྲའི་གཡོགས་མས་ལེགས་གཡོགས་སྲིད་གསུམ་རིན་ཆེན་གཅིག་པུ་འདི། །ནོར་བུ་གོས་མཆོག་གཞན་གྱིས་སྤྲས་པ་མངོན་པར་བཏང་ནས་ངུར་སྨྲིག་ཚུལ་ལ་བརྟེན་འདི་མཚར། །གང་གང་བཟང་པོར་གྱུར་བ་དེ་དག་ནི། །ཤིན་ཏུ་སྦས་ཤིང་མཆོག་ཏུ་བརྒྱན་འདི་ལ། །འགྲོ་ཀུན་ལ་སོན་ཡིད་བཞིན་ནོར་བུ་འདི། །རྒྱན་བྱེད་གཞན་མེད་ཕྱིར་ན་རྒྱན་སྤངས་བཞིན། །བློ་ལྡན་ཡིན་ཡང་…

བརྩེ་བ་དང༌། ནུས་མཐུ་གཞལ་དུ་མེད་པ། རིན་པོ་ཆེ་ངག་དབང་རྣམ་རྒྱལ་བཀྲ་ཤིས་གྲགས་པ་རྒྱལ་མཚན་དཔལ་བཟང་བོའི་ཞབས་ཀྱི་པདྨོ་ཡུན་རིང་དུ་བསྟེན་པར་མཛད་པ་དང༌། ལྷོ་པ་སློབ་དཔོན་དུ་གྲགས་པ་གསང་བདག་ཕྱག་ན་རྡོ་རྗེ་འཁོར་ལོ་ཆེན་པོའི་བཟླས་པ་དུང་ཕྱུར་ལྷག་ཅིག་མཛད་པས། ལྷག་པའི་ལྷས་བྱིན་གྱིས་རླབས་པའི་རྟགས་མཚན་ཐམས་ཅད་མངོན་དུ་གྱུར་པ་…

སྣང་བས་ཆུ་རྣམས་འབབ་འཕྲོ་ལ་རྣོ་བའི་དངོས་པོ་འཛིན་སྐབས་ཡིན་ནའང༌། བུམ་པ་ལ་དཀྲིས་སོགས་གང་ཡང་མེད་པར་ཡང་བུམ་ཆུ་མ་འཁྱག་པ་ཙམ་དུ་མ་ཟད། ཉི་མ་གཅིག་གཉིས་ལ་བུམ་ནང་ནས་ལྗང་བུ་རིང་པོ་ཐོན་པ་འབྱུང་ཞིང༌། དེ་ཉིད་ལོ་གྲངས་མང་པོའི་བར་དུ་མོས་རྟེན་དུ་བཟུང་ནས་ཡོད་པར་སྣང་ངོ༌། །དེས་ན་ཆུང་ངུ་ནས་སྔགས་ཀྱི་ནུས་པ་རྙེད་པའི་ཚུལ་ཡང་རྒྱ…

ལུགས་གདོད་མ་མངོན་སུམ་དུ་གཟིགས་པ་ཡྀན་ཞིང༌། གནས་སྐབས་གདུལ་བྱ་གཞན་ངོ་དང་བསྟུན་ནས་དེ་སྐབས་བླ་མའི་ཞབས་དྲུང་དང༌། དབེན་གནས་རྣམས་སུ་ཉམས་ལེན་སྒྲུབ་པ་ལ་རྩེ་གཅིག་ཏུ་གཞོལ་བར་མཛད་དེ། དེས་ན་ད་ལྟ་ཉམས་ལེན་ཟླ་བ་གཅིག་ཙམ་མ་བྱས་པར། བྱིན་རླབས་དོན་གྱིས་འཕོས་པ་ཡིན་ནོ་ཞེས་སྟོང་སྐད་ཀྱི་རྦད་ཁམས་འཐག་པའི་རྫུན་པོ་ཆེ། ལོངས་སྤྱོད…

དབྱིངས་སུ་འདྲེས། །ཕྱི་ནང་རོ་གཅིག་ཕྱག་རྒྱ་ཆེ། གདོད་མ་རང་བཞིན་དག་པ་སྟེ། །ཐོག་མེད་དུས་ནས་མཁྱེན་ལགས་ཀྱང༌། འདིར་ཡང་འབད་རྩོལ་དུ་མ་ཡིས། །མངོན་དུ་གྱུར་བའི་ཚུལ་ཡང་བསྟན། །ཡང་སྐབས་ཤིག །མཆོད་ཁང་རྩེ་ཉིད་དུ་གདན་ཕབ་ནས་ནག་པོ་ཆེན་པོ་ཙ་ཏུར་བྷུ་ཛའི་ཕྱི་ནང་གསང་བའི་འཁྲིད་ཀྱི་རིམ་པ་རྣམས་བླ་མ་མཆོག་ལས་ཉམས་འཁྲིད་དུ་གསན་པའི་…

ཅག་ཤིན་ཏུ་བསྐལ་པ་དམན་པ་རྣམས་ཀྱང་སྣང་ངོར་ཡང་ཕྱི་མ་འདི་གཉིས་མངོན་སུམ་དུ་གྱུར་པ་ནི་ཞབས་འབྲིང་དུ་ཅུང་ཟད་རེ་འཁོད་པས་ཀྱང་སྒྲོ་བཏགས་མེད་པར་རྟོགས་པར་གྱུར་པ་ཞིག་གོ །རྗེ་དེ་ཉིད་ཀྱིས་གསན་པ་རྒྱ་མཚོ་ལྟ་བུ་ནི་གསན་ཡིག་ཏུ་ཤེས་པར་བྱའོ། །དེ་ནས་དགུང་ལོ་ཉི་ཤུར་སོན་པ་ན། རྗེ་བདེ་བར་གཤེགས་པ་རིན་པོ་ཆེ་བཀྲ་ཤིས་རྣམ་རྒྱལ་ཉིད་…