བཅུ་གསུམ་ས་ཡི་ཐེམ་སྐས་ངེས་བགྲོད་ནས། །བདེ་ཆེན་འཁོར་ལོ་སྡོམ་པ་རྒྱལ་སྲིད་ལ། །དབང་བསྒྱུར་དེ་ཚེ་སྒྲིབ་པའི་སྟོབས་ལྡན་བཅོམ། །གང་ལ་ས་གསུམ་མཁའ་འགྲོས་ག་མ་ཀའི། །དབྱངས་དང་ལྷན་ཅིག་བདུད་རྩིས་མཆོད་པར་བྱས། །དད་པའི་བློ་ཅན་ཡིད་སྐྱེས་རྣམ་མང་གིས། །གཞལ་བར་དཀའ་བའི་ཟང་ཟིང་དངོས་པོས་ཀྱང༌། གང་དང་འབྲེལ་བས་སྲིད་མཐར་བདེ་བའི་རྒྱ…

ལྷ་ལྡན་གཙུག་ལག་ཁང་ན་ཟས་གཙང་སྲས། རྗེས་མཚོན་སྐུ་དེ་འགྲན་ཟླ་མེད་སྙམ་པའི། ཁེངས་པ་གཞིལ་ཕྱིར་བྱོན་པ་ཡིན་ནོ་ཞེས། །ཅུང་ཟད་འཛུམ་པའི་ཚུལ་གྱིས་བཞུགས་པ་སྙམ། །དེ་ནས་མྱོས་བྱེད་ཅེས་པ་ཤིང་མོ་ལུག་གི་ལོ་རྗེ་ཉིད་དགུང་ལོ་བརྒྱད་ཅུ་རྩ་གསུམ་བཞེས་པའི་ཧོར་ཟླ་གཉིས་པའི་ནང་དུ་སྐུ་གྲིབ་ལ་བརྟེན་པའི་ཅུང་ཟད་སྐུ་ཁམས་བསྙེལ་བ་བྱུང་ཡང…

ཁྲོམ་མེ་བ་དང་དབུ་གཙུག་འཕར་ཞིང་རླངས་འཚུབ་ཡོད་པ་མཐོང་ཞིང༌། མཁའ་སྤྱོད་དུ་གཤེགས་སོ། །དེ་མ་ཐག་ནམ་མཁའ་གཡའ་དགམེ་ཏོག་གི་ཆར་བབས། རོལ་མོའི་སྒྲ་དབྱངས་གྲགས་པ་ཕལ་ཆེར་བས་ཚོར། དེར་ཆོས་ལུང་སྒྲུབ་སྡེའི་དྲག་པ་རྣམས་དང༌། ཇོ་ནང་ཉིད་ཀྱི་གྲུབ་སྡེའི་དྲག་པ་རྣམས་ཀྱིས་སྐུ་གདུང་སྐུ་གཞོགས་སུ་རྡོ་རྗེ་རྣལ་འབྱོར་མའི་སྒྲུབ་མཆོད་བྱས…

མཁྱེན་བརྩེའི་བསིལ་ཟེར་འགྱེད་ལ་འོད་དཀར་ཅན་ལ་ཐ་མི་དད། །དེ་ཕྱིར་མཛད་པའི་ཆ་ཤས་འགའ་ལའང་དཔེ་དང་འགྲན་ཟླས་དབུལ་བར་གྱུར། །སྙིང་རྗེའི་བདུད་རྩིའི་རང་བཞིན་ཟླ་བ་དེ། །འཛམ་གླིང་གདུལ་བྱའི་ཀུ་མུད་བཞད་མཛད་ནས། །ལྷོ་གླིང་མཛད་པའི་ཆུ་མཐོང་རྫོགས་སོ་ཞེས། །ནུབ་ཕྱོགས་བདེ་བ་ཅན་དེར་གཤེགས་པར་རྩོམ། །དེ་ཚེ་དེ་ཡི་ལྷ་ཚོགས་མཁའ་འགྲོའ…

ཅག་བློ་ཡི་མེ་ལོང་རྙོག་པ་ལ། །འདི་ལྟར་སྣང་འདི་བྱིས་པའི་བློ་ཞེས་སྨྲ། །དེ་ནས་སྨོན་གྲོ་ནས་ཞལ་ངོ་རྣམས་ཀྱིས་གདུང་རྟེན་གསེར་ཟངས་ལས་གྲུབ་པ་ཐོག་སོ་ཙམ་གྱི་ཚད་ལོངས་བ། བལ་པོ་བཟོ་བོ་མཁས་པས་བཞེངས་ཏེ། གཟུངས་རྫོགས་ཕུན་སུམ་ཚོགས་པ་ཕུལ། རྡོ་རྗེ་འཛིན་པ་མང་པོས་རབ་ཏུ་གནས་པ་བགྱིས་ཏེ། འདུ་ཁང་ཆེན་མོར་མཆོད་པའི་ཡུལ་དང་ཚོགས་གསོ…

ཤར་བ་ལྟར་མཛད་པ་འདི་ནི་ལྷུན་གྱིས་གྲུབ་པ་དང༌། རྒྱུན་མི་འཆད་པའི་འཕྲིན་ལས་སུ་གྱུར་ཞིང༌། རྣམ་པར་ཐར་པའི་སྙིང་པོའོ། །རིགས་བརྒྱའི་གཙུན་རྒྱན་འཇམ་མགོན་ཀུན་དགའི་མཚན་འཆང་གི བྱིན་རླབས་རིན་ཆེན་སྣ་ལྔའི་སྲད་བུ་མདངས་གསལ་བ། །གང་ཐུགས་ཤེལ་གྱི་དཔལ་བེའུར་བཞུགས་པའི་མོད་ཉིད་ལ། །ཡེ་ཤེས་ཁ་དོག་སྣ་ལྔར་འབར་བའི་གཏམ་བཟང་པོ། །བསྒྲ…

ཤོག །ཇི་སྲིད་ཉི་མས་སྣང་བའི་བྱ་བ་བྱེད་པ་དང༌། །བསིལ་ཟེར་བྱེད་པ་བདུད་རྩིའི་འོད་དཀར་སྤྲོ་བྱེད་པ། །དེ་སྲིད་རྣམ་ཐར་ཨུཏྤལ་བཞད་པའི་ཆུན་པོ་འདི། །དད་ལྡན་རྣམས་ཀྱི་རྣ་བའི་རྒྱན་དུ་གནས་གྱུར་ཅིག །ཅེས་རྗེ་བཙུན་བླ་མ་དོན་གྱི་སླད་དུ་མཚན་ནས་སྨོས་ཏེ་ཀུན་དགའ་དཔལ་བཟང་པོའི་ཞལ་སྔའི་རྣམ་པར་ཐར་པ་ངོ་མཚར་གསེར་གྱི་རྔ་བོ་ཆེ་ཞེས་བ…

ཤོག་སྟོང་།

གངས་རིའི་ཁྲོད་ཀྱི་སྨྲ་བའི་སེང་གེ་གཅིག་པུ་འཇམ་མགོན་མི་ཕམ་རྒྱ་མཚོའི་རྣམ་ཐར་སྙིང་པོ་བསྡུས་པ་དང་གསུང་རབ་ཀྱི་དཀར་ཆག་སྔ་འགྱུར་བསྟན་པའི་མཛེས་རྒྱན་ཞེས་བྱ་བ་བཞུགས་སོ། །

བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ། །ཤེས་བྱའི་མཁའ་ལ་མཁྱེན་པའི་གོམ་སྟབས་གཅིག་གི་བགྲོད་པས་སྲིད་ཞིའི་ཁྱོན་ཀུན་ཉིན་མོར་བྱེད། །བསྟན་པའི་འཁོར་ལོ་མི་ཡི་ཤ་ཚུགས་དགེ་བའི་བཤེས་སྟོན་རྩོད་པའི་དུས་ཀྱི་འགྲོ་བའི་མགོན། །ལྔ་བརྒྱའི་གཙུག་རྒྱན་བློ་གཏེར་འཇམ་དཔལ་དགྱེས་པའི་རྡོ་རྗེ་དབྱངས་ཀྱི་རྒྱ་མཚོར་རྟག་རོལ་པ། །བྷོ…

རྟོག་མཚན་མའི་ཡུལ་ལས་རབ་འདས་པའི། །ཟབ་ཞི་སྤྲོས་པ་ཀུན་བྲལ་འགོག་བདེན་དབྱིངས། །སྒྲིབ་གསུམ་གཉེན་པོར་ཆས་པ་ལམ་བདེན་ཚུལ། །ཞི་གྱུར་དམ་པའི་ཆོས་ཀུན་རྒྱལ་གྱུར་ཅིག །ཆོས་ཀུན་མཉམ་པ་ཉིད་དུ་ཐུགས་ཆུད་པས། །གཟུང་འཛིན་སྒྲིབ་པའི་འཆིང་བ་ལས་གྲོལ་ཏེ། །འགྲོ་ལ་གྲོལ་བའི་ལམ་བཟང་སྟོན་མཛད་པ། །འཕགས་པའི་དགེ་འདུན་ཚོགས་ལ་དང་བས་འདུད། །…

འཇམ་མགོན་ཉི་མས་བཞད། །བརྩེ་བའི་ཐུགས་རྗེ་ཕྱག་ན་པདྨོར་འགྲན། །ནུས་མཐུ་ཚད་མེད་གསང་བདག་དཔའ་བོ་དངོས། །འཇམ་དཔལ་དགྱེས་པའི་རང་མདངས་དང་མཚུངས་སུ། །གང་ཐུགས་སྤོབས་པའི་གཏེར་བརྒྱད་གྲོལ་བ་ལས། །ལེགས་འོངས་འཆོས་སྐྱོབས་ཡོན་ཏན་གངྒཱའི་རྒྱུན། །ལུང་རིགས་མན་ངག་བྱེ་བའི་རླབས་ཕྲེང་ཅན། །ཐུབ་བསྟན་ཆུ་གཏེར་སྤེལ་བྱེད་གཅིག་པུ་ཉིད། །ས…

པོར་གྱུར་པ་རྣམས་ཕྱོགས་བསྡུས་ཀྱི་དཀར་ཆག་ཉུང་གསལ་མདོར་བསྡུས་སུ་འགོད་པ་ལ་གསུམ། ཐོག་མར་དགེ་བ་བསྟན་བཅོས་མཛད་པ་པོའི་རྣམ་ཐར་ལོ་རྒྱུས་མདོ་ཙམ་བཤད་པ། བར་དུ་དགེ་བ་བསྟན་བཅོས་ཀྱི་བཞུགས་བྱང་དངོས་བསྟན་པ། ཐ་མར་དགེ་བ་དེ་ལྟར་བསྡུས་པའི་དགོས་པ་དང་ཕན་ཡོན་བཤད་པའོ། །དང་པོ་ནི། སྤྱིར་གདོད་མའི་མགོན་པོ་དཔལ་ཀུན་ཏུ་བཟང་པོ་ཉིད་འ…

འདུ་འབྲལ་སྤངས་བ་ཉིད་རྟེན་མེད་སྣང་གློ་བུར་པ་གཟུང་འཛིན་འཁྲུལ་པའི་སྒྲིབ་པ་སྤྲིན་སྟུག་པོ་ལྟ་བུ་ལས་ཡོངས་སུ་གྲོལ་བའི་དབང་གིས་དག་པ་མཐར་ཐུག་པ་མངོན་དུ་གྱུར་པ་དང་། སྔོན་སློབ་ལམ་གྱི་སྐབས་སོགས་སུ་བརྩེ་བའི་ཐུགས་རྗེ་ཆེན་པོ་ཡོངས་སུ་གོམས་ཤིང་སེམས་ཅན་གྱི་དོན་དུ་སྨོན་ལམ་བཏབ་པ་དང་། གདུལ་བྱ་རྣམས་ཀྱི་དཀར་པོ་རྣམ་པར་འཕེལ་…

མཚར་བའི་རྣམ་ཐར་དང་བཀའ་དྲིན་འཕགས་ཆེན་གཞན་གང་གིས་ཀྱང་བསྒྲུན་དུ་མེད་པ་རྗེ་བཙུན་འཇམ་དཔལ་དབྱངས་ཉིད། སྙིགས་མའི་དུས་འདིར་རྒྱལ་བསྟན་རིན་པོ་ཆེ་འཛིན་སྐྱོངས་སྤེལ་བའི་བྱེད་པོར་བསམ་བཞིན་དགེ་བའི་བཤེས་སུ་བསྟན་པ་སྟེ། དེས་ན་སྐྱེས་རབས་ནོར་བུའི་ཕྲེང་བ་ཇི་ལྟར་བྱོན་པ་དང་། ཐུན་མོང་མ་ཡིན་པའི་རྣམ་པར་ཐར་པའི་ཚུལ་ནི་སངས་རྒྱས་…

པ། སྟོབས་འབྱོར་དང་ལྡན་པའི་མི་དཔོན་དུ་མ་བྱུང་བའི་བརྒྱུད་ལས། འཇུ་བླ་མདོ་སྡེ་ཞེས་སངས་རྒྱས་སྨན་བླའི་རྣམ་འཕྲུལ་དུ་གྲགས་པ། སྨན་ཁ་ལ་རེག་ཚད་ཚེ་ཟད་རེ་གཉིས་མ་གཏོགས་འཆི་མ་མྱོང་ཞེས་ཀུན་གྱིས་མཐུན་པར་གླེང་བ་དེའི་ཚའུ་ཚེའི་རིག་བྱེད་འཛིན་པ་འཇུ་མགོན་པོ་དར་རྒྱས་ཞེས་པ་ནི་བདག་ཉིད་ཆེན་པོ་འདིའི་བསྐྱེད་ཡབ་ཡིན་ནོ། །ཆོ་འབྲང་…

ཞེས་པའི་མཚན་གྱི་ཅོད་པཎ་གསོལ། སྐུ་ཆུང་ངུའི་དུས་ནས་དད་པ་ངེས་འབྱུང་ཤེས་རབ་སྙིང་རྗེ་སོགས་ཐེག་པ་ཆེན་པོའི་རིགས་ཀྱི་ནུས་པ་ཐམས་ཅད་ལྷན་སྐྱེས་སུ་མངའ་ཞིང་བྱིས་པའི་དུས་ཀྱི་སིའུ་སྐྱེས་པ་ཚུན་ཆོད་ཐུགས་ལ་གསལ་བའི་དྲན་པ་མངའ། སྐུ་ན་ཕྲ་མོའི་དུས་ཉིད་ནས་ཡི་དམ་འཇམ་དཔལ་ཞི་དྲག་དང་། ཆོས་སྐྱོང་གེ་སར་གཉིས་ལས་བསམ་རྒྱུ་མེད་པ་ཞིག…

རིལ་བུའི་ལས་སྦྱོར་སོགས་མཛད་པས་རྟགས་མཚན་ཁྱད་པར་ཅན་བརྙེས་ཏེ་དེ་ནས་བཟུང་མདོ་སྔགས་རིག་གནས་དང་བཅས་པ་མ་བསླབས་པར་མཁྱེན་ཅིང་གཞུང་གང་གཟིགས་ལ་མི་མཁྱེན་པ་མ་བྱུང་བས་བཤད་ལུང་ཙམ་ལས་སློབ་གཉེར་བསླབ་སྦྱང་མ་མྱོང་བར་གསུངས། དགུང་གྲངས་བཅུ་བདུན་སྐབས་ཉག་ཟིང་གིས་འབྲོག་སྡེ་མཐའ་དག་མགོ་ལོག་ཏུ་སོང་བས་རྗེ་ཉིད་ཀྱང་དེར་བྱོན། དུས་…

གཏད་སོགས་གསན་པས་དབང་གནང་དུས་དང་རྗེས་མ་ཤའི་ལས་སྦྱོར་གནང་སྐབས་གཉིས་ཀར་གཞུང་ནས་བཤད་པ་ལྟར་གྱི་གྲུབ་པའི་རྟགས་མཚན་མངོན་དུ་གྱུར་པས་མཁྱེན་རབ་ཀྱི་པདྨོ་བཞད། འཕགས་མཆོག་འཇིག་རྟེན་དབང་ཕྱུག་གི་རྣམ་འཕྲུལ་དཔལ་སྤྲུལ་རིན་པོ་ཆེ་ཨོ་རྒྱན་འཇིགས་མེད་ཆོས་ཀྱི་དབང་པོ་ལས། ཞག་ལྔའི་ཁོངས་སུ་སྤྱོད་འཇུག་ཤེས་རབ་ལེའུ་གསན་པས་ཚིག་དོན་…