ཀུན་གཟིགས་དབྱངས་འཆར་ཆེན་མོ་ལས། སོ་ནམ་གཉའ་ཤིང་འཁོར་ལོ། སོ་ནམ་འཁོར་ལོ་ཡུམ་ཁྱོན་ཉོན། །ཐོང་གཤོལ་གཉའ་ཤིང་བཅས་པ་བྲི། །སུརྱ་འཁྱུད་པའི་སྐར་མ་དེ། །ལྕགས་ཀྱི་རྩེ་ལ་གཉིས་བཀོད་ཏེ། །ས་ཐོང་གསུམ་ཡིན་མི་ཐོང་གསུམ། །འཆང་ཟུང་དག་ལ་གཉིས་ཡིན་ཏེ། །གཤོལ་མདའ་བཅུ་ལ་གཉའ་ཤིང་བརྒྱད། །ཟླ་སྐར་ལྕགས་རྩེ་གཉིས་ལ་སོགས། །བཙའ་ཡིས་ཁྱེར་བར…

ཅེས་པ་སོ་ནམ་འཁོར་ལོའོ། །འདི་ནི་ཁ་ཆེའི་མན་ངག་གོ །ཏྲི་ཤུལ་འཁོར་ལོ། ༈ གོས་ཀྱི་འཁོར་ལོ་བཤད་པར་བྱ། །གོས་ཀྱི་གཟུགས་ནི་ལེགས་བྲིས་ལ། །ཉི་སྐར་ནས་བརྩམས་གོང་བར་བདུན། །ཕུ་དུང་གཡས་གསུམ་གཡོན་ལ་གསུམ། །དེ་བཞིན་གོས་ཀྱི་རྒྱབ་ལ་བདུན། །མདུན་གཤམ་གཡས་དང་གཡོན་ལ་རེ། །གོས་ཀྱི་ཆ་གར་སྐར་མ་དྲུག །ཟླ་སྐར་གོང་བར་སོང་བ་ན། །གོང་མ་ར…

ཉོན། །སྨན་པ་སྨན་ཐུར་སྨན་ཕོར་དང་། །ནད་པའི་གཟུགས་ནི་ལེགས་བྲིས་ལ། །ཉི་སྐར་ནས་བརྩམས་སྨན་ཕོར་བདུན། །སྨན་ཐུར་བདུན་ལ་སྨན་ཕོར་བདུན། །ནད་པ་དག་ལ་བདུན་བྲིས་ཏེ། །ཟླ་བའི་སྐར་མ་གར་གནས་བརྟགས། །སྨན་པ་དག་ལ་སོང་བ་ན། །ནད་གཞི་ཆེ་ཞིང་སྨན་པ་དེ། །ཡུན་རིང་བརྟེན་པར་བཤད་པ་ཡིན། །སྨན་ཐུར་བདུན་ལ་སོང་བ་ན། །ནད་ནི་རིམ་གྱིས་འཚོ་བར་…

ལ་བདུན། །སྲང་རྡོ་བདུན་ལ་སྲང་ཐག་བདུན། །སྲང་མཐིལ་བདུན་ལ་ལྷས་མཆོད་མ། །བུ་རམ་མར་སོགས་འདེགས་པའི་དུས། །ཟླ་སྐར་སྲང་མདའ་བདུན་ལ་སོང་། །ཚུར་ལེན་བཟང་ཏེ་ཕར་འཇལ་ངན། །སྲང་རྡོ་བདུན་ལ་གཉིས་ཀ་འབྲིང་། །སྲང་ཐག་བདུན་ལ་སོང་བ་ན། །འཇལ་ལེན་གཉིས་ཀ་ཤིན་ཏུ་བཟང་། །སྲང་མཐིལ་བདུན་ལ་ཟླ་སྐར་སོང་། །ལེན་པ་འབྲིང་ཡིན་འཇལ་བ་བཟང་། །འདི་…

ཏེ་འདུས་ན་དབང་ཕྱུག་ལ། །དགྲའམ་ཁ་སྨྲས་མེད་དུ་འཆོར། །ནང་གི་སྐར་མར་སོང་བ་ན། །འབྲུ་མང་བཀྲ་ཤིས་བསམ་པ་འགྲུབ། །བྲེ་ཞབས་བདུན་ལ་ཟླ་སྐར་སོང་། །འབྲུ་བསྡུད་བཏང་སྙོམས་ཅན་དུ་འགྱུར། །དེ་ནི་བྲེ་ཡི་འཁོར་ལོ་ཡིན། །ནས་སོགས་ནང་བསྡུད་ཕྱི་ནས་ལེན། །དེ་ཚེ་མཁས་པས་བརྩི་བར་བྱ། །དགེའོ། །མངྒ་ལཾ། །

སྭརོདདཡམཧཱསྥཊིཀཱདརྴནཱམཀྲཱབིཡུདྡྷབིཛཡཏནྟྲཱནྭརྠསུཥྵུཔྲཀཊཝཱཀྐབྱཱུཧཱབགཏབིཛཧརཾཏིསྨ། ། དཔལ་གཡུལ་ལས་རྣམ་པར་རྒྱལ་བའི་རྒྱུད་དོན་རབ་ཏུ་གསལ་བའི་ངག་གིས་བཀོད་པ་ཀུན་གཟིགས་དབྱངས་འཆར་ཆེན་པོ་ཤེལ་གྱི་མེ་ལོང་ཞེས་བྱ་བ་བཞུགས་སོ། །

ཨོཾ་སྭ་སྟི། ཕྱོགས་དུས་ཤེས་བྱའི་རྣམ་པ་མ་ལུས་ཀུན། །མ་འདྲེས་སྒྲིབ་མེད་གཟིགས་པའི་སྤྱན་མངའ་བས། །མི་འཇིགས་རྣམ་བཞི་སེང་གེའི་སྒྲ་ཆེན་པོ། །སྒྲོག་མཛད་ཤཱཀྱ་སེང་གེ་དེ་ལ་འདུད། །ཀུན་རྟོག་འཕོ་བ་བྲལ་བའི་ཡེ་ཤེས་སྐུ། །མཁའ་ཁྱབ་ནམ་མཁའི་རྡོ་རྗེར་རྟག་བཞུགས་པ། །སྲིད་དང་ཞི་བའི་ཁྱབ་བདག་གདོད་མའི་མགོན། །དཔལ་ལྡན་དུས་ཀྱི་འཁོར་ལ…

རྡོ་རྗེ་སྲིད་གསུམ་དགྲ་ལས་རྣམ་རྒྱལ་མ། །འཆི་མེད་འོད་ལུས་རྡོ་རྗེའི་རང་བཞིན་རྗེ་བཙུན་ཡིད་བཞིན་འཁོར་ལོའི་ཞབས། །དབྱེར་མེད་མི་ཕྱེད་བདེ་ཆེན་རྡོ་རྗེ་གཉུག་མའི་སེམས་ཀྱི་གཤིས་སུ་རྒྱལ། །དམར་སེར་འཆར་ཀའི་འོད་བཟང་སྟོང་འབར་མཚན་དཔེའི་གཟི་ཡིས་ཕྱོགས་རྣམས་མུན་པའི་གོ་འཕྲོག་ཅིང་། །མཁའ་ལྟར་སྔོ་བ་ཡེ་ཤེས་རལ་གྲིས་ཉམ་ང་བདུད་བཞ…

པའི་རྡོ་རྗེས་དེང་ནས་བྱང་ཆུབ་བར་དུ་ཕུན་ཚོགས་དགེ་ལེགས་སྩོལ། །བདེ་སྟོང་རྡོ་རྗེའི་ཐུགས་ནི་མི་གཡོ་ནམ་མཁའ་བཞིན་དུ་བྲི་གང་བྲལ་ཞིང་མཁྱེན་བརྩེའི་ཕ་མཐའ་མི་མངོན་པ། །གྲགས་སྟོང་འགགས་མེད་གསུང་ནི་མི་གཡོ་བྲག་ཆ་བཞིན་དུ་གནས་པ་བྲལ་ཡང་སྲིད་དང་ཞི་བའི་ཁམས་སུ་ཁྱབ། །སྣང་སྟོང་འགྱུར་མེད་སྐུ་ནི་མི་གཡོ་ཆུ་ཟླ་བཞིན་དུ་ཐོགས་རེག་བ…

ཕྱོགས་དུས་རྒྱལ་བའི་ཐུགས་རྗེ་ཀུན། །བདེ་གཤེགས་ཚེ་མཐའ་ཡས་པའི་ཐུགས་དབྱིངས་སུ། །ཡོངས་བསྡུས་སིནྡྷུའི་དྭངས་མཚོར་སྤྲུལ་པའི་སྐུ། །འཆི་མེད་རིག་འཛིན་པདྨས་འགྲོ་འདི་སྐྱོངས། །སྲིད་གསུམ་བརྟན་དང་གཡོ་བའི་དཔལ་འབྱོར་ལ། །རང་གིར་བགྱིད་པའི་ཟུར་མིག་འཆར་ཀའི་འོད། །དཀར་མོའི་ཞལ་གྱི་ཆུ་སྐྱེས་ལ་ཆགས་པ། །བདེ་འབྱུང་དཔལ་གྱི་འཁྲི་ཤི…

འཛིན་མཁས་པའི་དབང་པོ་རྣམས་ཀྱི་བར། །བརྒྱུད་མར་བྱོན་པའི་བཤེས་གཉེན་ཚོགས་ཀུན་བསྔགས། །ཐོགས་མེད་ཕྲིན་ལས་རྣམ་བཞིའི་འཁོར་ལོ་ཡིས། །ཡངས་པའི་ས་ཆེན་འདོད་དགུར་དབང་བསྒྱུར་ཅིང་། །ཐུབ་བསྟན་ཆོས་ཀྱི་རྔ་ཆེན་ལེགས་བརྡུངས་པ། །ངག་གི་དབང་ཕྱུག་བློ་བཟང་རྒྱ་མཚོར་འདུད། །འཇམ་པའི་དབྱངས་ཀྱི་མཁྱེན་དང་བརྩེ་བའི་དངོས། །ངུར་སྨྲིག་འཛིན་…

ལ། །བརྟེན་པའི་མན་ངག་རྙེད་པའི་སྐལ་བཟང་དེས། །ཕུན་ཚོགས་ཡིད་བཞིན་འགྲུབ་པའི་རྩེད་འཇོ་ཡིས། །སྲིད་གསུམ་ཆེ་དགུའི་ཅོད་པན་ཁྲི་ལ་འགྱིང་། །དེང་དུས་གཡུལ་ལས་རྒྱལ་བའི་གཙུག་ལག་རྒྱུད། །རྒྱ་མཚོའི་གཏིང་དུ་བྱིངས་པའི་ནོར་བུ་བཞིན། །མིང་ཙམ་ཕྱོགས་ཀྱི་བུ་མོའི་རྣ་རྒྱན་ལ། །ཡང་ཡང་གྲགས་ཀྱང་ལག་ལེན་ངོ་མཚར་གཟུགས། །ཇི་བཞིན་སྟོན་པ་ག…

ཡང་དག་རྫོགས། །ལེགས་བཤད་ཤེལ་གྱི་མེ་ལོང་འདི་ན་ངོམ། །རྒྱུད་དོན་རྒྱ་མཚོའི་གཏིང་མཐའ་དཔག་ཡས་ཤིང་། །གབ་དང་སྦས་པའི་རྦ་ཀློང་བརྒལ་དཀའ་བས། །གངས་ཅན་དབྱངས་འཆར་སྨྲ་བའི་དོན་མཐུན་བརྒྱ། །ཟབ་དོན་ནོར་བུའི་གླིང་ལ་རྒྱབ་ཀྱིས་ཕྱོགས། །སྔོན་གྱི་ལས་འཕྲོ་བཟང་པོའི་འཕེན་པ་དང་། །བླ་མ་མཆོག་དང་ལྷག་པའི་ལྷ་ཡི་མཐུས། །ཇི་བཞིན་ངེས་པ་རྙ…

ཚིག་དག་པའི་ཡེ་མཁྱེན་དེས། །གནས་དུས་དགེ་བར་གྱུར་པ་རུ། །མཚན་ཉིད་ཚང་བའི་འདྲི་བྱེད་ཀྱིས། །ཡོན་ཕུལ་མཉེས་པར་བྱས་ནས་སུ། །གསང་ཆེན་རྒྱུད་ལས་བསྟན་པ་ཡི། །བླང་དོར་རྣམ་པ་མ་ལུས་དྲི། །ཐམས་ཅད་མཁྱེན་པའི་སྐྱེ་བོས་ཀྱང་། །རྟོག་མེད་དགའ་བས་འདིར་ཞུགས་ན། །བཤད་པའི་འཁོར་ལོས་འདྲི་བྱེད་ལ། །འབྲས་བུ་འཕྲལ་དུ་མཐོང་བར་གསུངས། །དེ་ཚེ་…

ཅད་གསལ་བ་ནི། །དུམ་བུ་དྲུག་པའི་དུས་སྦྱོར་གྱི། །མིག་བཟང་རིན་ཆེན་བགྲད་དེ་བལྟ། །གཞན་གྱི་ཕྱོགས་ནི་གཞོམ་བྱས་ནས། །དགྲ་ལས་རྣམ་པར་རྒྱལ་བ་ཡི། །རྩིས་རིག་འབར་བའི་རྡོ་རྗེ་གང་། །བློ་གྲོས་ལག་ཏུ་རྣམ་པར་ཐོགས། །ཡུལ་དང་དུས་ཀྱི་སྐྱེ་རྒུའི་ཚོགས། །སོ་སོའི་བདེ་དོགས་ལུང་སྟོན་པ། །རིན་ཆེན་སྒྲོན་མེའི་སྣང་བ་དང་། །འགྲོགས་ཏེ་དགོ…

གནས། །དེ་ལྟར་གནས་སྐབས་རྣམ་པ་ལྔའི། །དང་པོ་སྐྱེ་རྒུའི་ལས་བྱ་བ། །ལེགས་ཉེས་སྣ་ཚོགས་སྟོན་པ་ཡི། །འབྲས་རྩིས་ཀྱི་ནི་རིམ་པ་ལ། །སྤྱིར་ནི་ལོ་ཟླ་ཞག་དུས་དང་། །སྤར་སྨེ་གཟའ་སྐར་འབྱུང་བའི་ཁམས། །དུས་ཀྱི་སྦྱོར་བ་ལ་སོགས་པའི། །རྩིས་དང་དམིགས་གསལ་བླང་དོར་གནས། །རྒྱ་ཆེ་མཐའ་ཡས་མཆིས་གྱུར་པ། །སྐར་ནག་རྩིས་དང་མདོ་རྒྱུད་དང་། །བས…

རང་གཞན་བདེ་དོགས་རྣམས་གྲངས་ནི། །ནད་པས་སྨན་འཐུང་ཇི་བཞིན་དུ། །འཕྲལ་དུ་མྱོང་བར་བསླུ་བ་མེད། །སྐྱེ་བུ་དར་མ་ཁམས་སྙོམས་པའི། །འབྱུང་འཇུག་གནས་གསུམ་གཅིག་བརྩིས་པ། །ཉིན་ཞག་གཅིག་གི་ཆ་ལ་དབུགས། །ཉི་ཁྲི་ཆིག་སྟོང་དྲུག་བརྒྱ་རྒྱུ། །དབུགས་དྲུག་ཡུན་ལ་ཆུ་སྲང་ཟེར། །ཆུ་སྲང་དྲུག་ཅུ་དབྱུག་གུའོ། །ཞག་རེར་འཕོ་ཆེན་བཅུ་གཉིས་ཏེ། །ཐ…

ཆེན་རེ་ལ་ཡེ་རླུང་ནི། །ང་དྲུག་དང་ནི་བཞི་ཆ་གཅིག །ཞག་གཅིག་ཡེ་རླུང་རྒྱུ་བ་ཀུན། །བསྡོམས་ན་དབུགས་གྲངས་དྲུག་བརྒྱ་དང་། །བདུན་ཅུ་རྩ་ལྔ་ཁོ་ནར་འགྱུར། །ལས་རླུང་རོ་རྐྱང་ནས་རྒྱུ་སྟེ། །ཡེ་རླུང་དབུ་མ་ནས་འབབས་སོ། །གཡས་རྒྱུ་རོ་མ་ཉི་མའི་རླུང་། །གཡོན་རྒྱུ་རྐྱང་མ་ཟླ་བའི་རླུང་། །དབུ་མ་ནས་རྒྱུ་སྒྲ་གཅན་དང་། །མཉམ་པའི་རླུང་ད…

རིམ་སྤྲོས་ལུས་སེམས་རྣམ་རྟོག་གྲུབ། །གནས་ནི་དབུ་མའི་ལམ་གནས་ཏེ། །རྣམ་པར་ཤེས་པ་བསྐྱེད་ཅིང་གནས། །དེ་ཡི་ཆ་ལས་སྣ་བུག་ཏུ། །རྒྱུ་བའི་ཡེ་ཤེས་ཀྱི་ རླུང་གིས་སྐྱེ་རྒུའི་སྲོག །རིམ་པས་ཟད་ནས་འདོར་བར་བྱེད། །སྲོག་རླུང་འཆི་བའི་ཚེ་ན་ནི། །གནས་ལས་ཐོན་ཏེ་སེམས་ལ་ཐིམ། །ལུས་དང་འདི་ཡི་སྣང་བ་འགགས། །ཡེ་རླུང་ཕྱིར་ཤོར་འཆི་ལྟས་སྐྱ…