ཞེས་བྱ་བ། །དགོས་དོན་མ་ཚང་མེད་པ་ཡི། །རྒྱུད་འདི་བླ་མའི་མན་ངག་ལས། །ཐེ་ཚོམ་མེད་པར་ཤེས་པར་འགྱུར། །ཐམས་ཅད་མཁྱེན་པའི་སྐྱེ་བོས་ཀྱང་། །དོན་འདོད་དགའ་བས་འདིར་ཞུགས་ན། །བཤད་པའི་འཁོར་ལོ་འདྲི་བྱེད་ལ། །འབྲས་བུ་འཕྲལ་དུ་མཐོང་བ་ཡིན། །ཞེས་དང་། རྗེས་སུ་བསྔགས་པ་སྟོང་ཕྲག་གཅིག །འདི་ཡི་ཚད་བརྗོད་ལྷས་མཆོད་མ། །ཐེ་ཚོམ་མེད་ཅིང་འ…

གསལ་བའི་གཙུག་ལག་ནི། །ཀུན་གཟིགས་དབྱངས་འཆར་ཤེལ་གྱི་མེ་ལོང་ཞེས། །ཕུན་ཚོགས་ལྔ་ཡི་གྲངས་དང་ཉེར་ལྡན་པའི། །གཞུང་བཟང་ཉི་མ་བརྒྱ་པའི་སྣང་བ་འབར། །ཉིན་ཚོའི་མཐོང་བ་དག་ལས་རིང་བརྒལ་བའི། །མཁས་མཆོག་རྣམས་ཀྱི་མཁྱེན་པའི་མེ་ལོང་ལ། །རྣམ་མང་ཤེས་བྱའི་གཟུགས་བརྙན་སྒྲིབ་མེད་དུ། །འཆར་བའི་སྐལ་བཟང་འདི་ལ་སུ་ཡིས་འགོག །དེ་ཕྱིར་སྟོན་…

གཡོ་བག་གང་། །ཐོགས་མེད་རྗེས་སུ་ཞུགས་པའི་ཡིད་ཅན་རྣམས། །བབ་ཅོལ་རྩོམ་པས་ཉམ་ངའི་གཡང་སར་ལྷུང་། །ཆོས་ཀུན་ལྟ་བ་ཤེས་རབ་སྤྱན་བྱེད་ཅིང་། །གནས་སྐབས་རྟེན་འབྲེལ་ཟབ་མོའི་རྒྱུ་སྲང་ལ། །འགྲིམས་ཤིང་ཆོས་ཀུན་རྟེན་ཅིང་འབྲེལ་བའི་གནད། །མཐོང་བ་གང་དེ་བདེ་ནས་བདེ་བར་འགྲོ། །སྣ་ཚོགས་འབྲས་བུའི་རྩིས་ཚུལ་ནོར་བུའི་ལྗོན་པ་རྒྱས་པའི་གྲ…

བརྩོན་བློ་གྲོས་ལྡན་པའི་གང་ཟག་ལ། །ཤེས་སུ་གཞུགས་པར་འདོད་པའི་བརྩེ་བ་དང་། །བླ་མའི་གསུང་ལ་གུས་པས་བརྩོན་པ་ཡི། །མི་ཕམ་རྣམ་པར་རྒྱལ་བ་བདག་གིས་བྲིས། །རྒྱུད་དོན་རྒྱ་མཚོ་བརྒལ་བའི་རྣམ་དཔྱོད་ནི། །དྲི་མེད་བཻཌཱུའི་གླིང་ལྟར་མངོན་དགའ་བ། །དེ་ལས་བྱུང་བའི་རྩིས་རིག་རིན་ཆེན་ཚོགས། །སྐལ་བཟང་སྐྱེ་བོ་དགའ་བའི་རྒྱན་དུ་མཛོད། །བརྩ…

འཛིན་ཚོགས། །ཀུན་གྱི་གཙུག་གིས་ཕྱག་རྒྱས་བདེ་འབྱུང་ཚེའི། །གཞུང་འདི་འཛིན་འཆང་སྤེལ་ལ་དགེ་ལེགས་མཛོད། །ཆོས་རྗེ་བླ་མའི་ཞབས་པད་བསྐལ་བརྒྱར་བརྟན། །ཆོས་སྐྱོང་རྒྱལ་པོའི་རྒྱལ་སྲིད་ཕྱོགས་ལས་རྒྱལ། །ཆོས་འཛིན་དགེ་འདུན་སྡེ་དང་བཤད་སྒྲུབ་འཕེལ། །ཆོས་ལྡན་སྦྱིན་བདག་འབྱོར་པ་རྒྱས་གྱུར་ཅིག །ཕྱོགས་དང་དུས་ལ་རྒྱུ་བའི་མཐུ་བོ་ཆེ། …

བར་བསམ་ཞིང་། དེ་སྐོར་གཞུང་དེའི་རིགས་ཀྱི་དཔེ་ཆ་རྒྱ་གཞུང་རྣམས་དང་། མཆོག་དགའ། འོད་བརྒྱ། རྒྱན་མེ་སོགས་ཅི་རིགས་དང་། བླ་མའི་ཞལ་ཤེས་དང་རང་གི་རྣམ་པར་དཔྱད་པ་ལ་རྟེན་ནས་རྩིས་རིག་སོ་སོའི་སྐབས་ཁོལ་བུར་བྲིས་ཟིན་ཐོགས། ངེས་པ་དོན་གྱི་ཐམས་ཅད་མཁྱེན་གཟིགས་ཆེན་པོ་བདག་གི་འདྲེན་མཆོག་མཚུངས་མེད་འཇམ་མགོན་ཟུར་ཕུད་ལྔ་པ་སུམ་ལྡན…

ཟླའི་ཚེས་གྲངས་དགེ་བར་མཚམས་སྦྱོར་ཕྲན་བུས་བརྒྱན་ཏེ་གཞུང་གཅིག་ཏུ་གྲུབ་པར་བགྱིས་པ་ལ་སླར་ཡང་རབ་ཚེས་ས་སྤྲེལ་གྱི་ལོར་ཆབ་མདོ་རྫོང་མགོ་རི་ཁྲོད་དུ་བསྐྱར་བསྣན་དང་ཞུ་དག་ལེགས་པར་བྱས་པ་འདིས་ཕྱོགས་དུས་ཀུན་ཏུ་བཀྲ་ཤིས་ཀྱི་སྣང་བ་རྟག་ཁྱབ་ཏུ་འབར་བར་གྱུར་ཅིག །སརྦ་མངྒ་ལཾ།། །། ཨོཾ་སྭཱ་སྟི། དཔལ་ལྡན་གཡུལ་ལས་རྣམ་པར་རྒྱལ་བ་ཡི…

རཏྣཱ དཪྴ ནཱ མ ག ཎི ཏ སྱ བཱུ རྦཾ ག ཏི བི ཧ ར ཏི སྨ། ། སྐར་རྩིས་ཀྱི་སྔོན་འགྲོ་རིན་ཆེན་མེ་ལོང་ཞེས་བྱ་བ་བཞུགས་སོ། །

ཨོཾ་སྭ་སྟི་བི་ཛ་ཡནྟུ། །དུས་གསུམ་དུས་མེད་མཉམ་པ་ཉིད། །ཡན་ལག་མེད་པ་རྩིས་ལས་འདས། །དེ་ཁོ་ན་ཉིད་འཕོ་མེད་དབྱིངས། །འཇམ་དཔལ་དུས་ཀྱི་འཁོར་ལོར་འདུད། །དེ་ཡི་ངང་ལ་འཕོ་བཅས་ཀྱི། །སྣང་བར་ཕྱི་ནང་གཞན་གསུམ་ཚུལ། །གཞལ་དང་བགྲང་དུ་རུང་བའི་ཆོས། །འདི་ཀུན་རྩིས་ཀྱི་ལམ་ལ་གནས། །བཟང་ངན་ཤེས་ཤིང་དུས་ཤེས་པས། །རྟེན་འབྲེལ་ལམ་གྱིས་ཅི་…

ཀར་རིམ་འགྲིགས་བཀོད། །བགྲང་བ་ཐ་མའི་གནས་ནས་བཟུང་། །གོང་ནས་གོང་དུ་བཅུ་འགྱུར་བརྩི། །གཅིག་བཅུ་བརྒྱ་སྟོང་ཁྲི་འབུམ་དང་། །ས་ཡ་བྱེ་བ་དུང་ཕྱུར་ཏེ། །དགུ་པོ་རྐྱང་པའི་གྲངས་སུ་བརྗོད། །ཐེར་འབུམ་ཁྲག་ཁྲིག་རབ་བཀྲམ་དང་། །གཏམས་དཀྲིགས་མི་འཁྲུགས་ཁྱད་འབྱིན་དང་། །སྤང་རྟེན་དེད་འདྲེན་མཐའ་སྣང་དང་། །རྒྱུ་རིག་འོད་མཛེས་དབང་པོ་དང…

བསྡོམ་པ། །བཅུ་པ་གང་ལོང་གོང་དུ་འགྲོ། །ལྷག་མ་རང་གི་ལམ་དུ་བཞག །ཐམ་པའི་གནས་སུ་ཐིག་ལེའོ། །བསྒྱུར་བའི་དོན་ནི་བསྒྱུར་བྱ་དེ། །བསྒྱུར་བྱེད་གྲངས་སུ་སྤེལ་བ་ཡིན། །གཅིག་བསྒྱུར་བ་ལ་མང་ཉུང་མེད། །གཉིས་སོགས་ཀྱིས་བསྒྱུར་གོང་དུ་འཕེལ། །རྐྱང་བསྒྱུར་ཐ ད་ཀར་གང་ཡོད་བསྒྱུར། །སྦྲག་བསྒྱུར་སྒྱུར་བྱེད་ཐ་མ་ནི། །བསྒྱུར་བྱའི་དང་པོ…

དྲུག་གཅིག་གཅིག་དྲུག་དྲུག་རང་ཡིན། །དྲུག་གཉིས་གཉིས་དྲུག་བཅུ་གཉིས་ལ། །དྲུག་གསུམ་གསུམ་དྲུག་བཅོ་བརྒྱད་དོ། །དྲུག་བཞི་བཞི་དྲུག་ཉི་ཤུ་བཞི། །དྲུག་ལྔ་ལྔ་དྲུག་སུམ་ཅུ་ཐམ། །དྲུག་དྲུག་སུམ་ཅུ་རྩ་དྲུག་གོ། ལྔ་གཅིག་གཅིག་ལྔ་ལྔ་རང་ཡིན། །ལྔ་གཉིས་གཉིས་ལྔ་བཅུ་ཐམ་པ། །ལྔ་གསུམ་གསུམ་ལྔ་བཅོ་ལྔ་སྟེ། །ལྔ་བཞི་བཞི་ལྔ་ཉི་ཤུ་ཐམ། །ལྔ…

ཚེ་སྟེང་གི་གྲངས་གཅིག་ཀྱང་། །འོག་ཏུ་རང་རང་འཁོར་ལོ་འགྱུར། །སྒྱུར་བྱེད་མཐའི་ཐིག་གྲལ་མཐར་འགོད། །བགོད་བྱེད་མཐའ་ཐིག་མ་མཐའ་བཀག །སྒྱུར་བྱེད་སྟོང་ན་བསྒྱུར་བྱ་བྱི། །བསྒྱུར་བྱ་སྟོང་པ་བསྒྱུར་དུ་མེད། །དབུས་མཐའི་ཐིག་ཀུན་རང་གནས་འཛིན། །ཐོག་མའི་ཐིག་ལེ་རང་སར་ཡལ། །བར་འོག་གནས་སྟོང་ཐིག་ལེས་བརྒྱན། །སྡེ་ཚན་ས་འཛིན་ཐིག་གིས་…

གཉིས། །ལུས་མེད་དང་ནི་འདོད་ལ་དང་། །མྱོས་བྱེད་སྣ་ཚོགས་བཅུ་གསུམ་མོ། །མ་ནུ་ཤེད་བུ་ཡིད་སྲིད་པ། །སྲིད་པའི་གནས་རྣམས་བཅུ་བཞིའོ། །ཚེས་ཞེས་བྱ་བ་བཅོ་ལྔའི་མིང་། །ཆ་ཤས་དང་ནི་རྒྱལ་པོ་དང་། །མི་བདག་ཅེས་པ་བཅུ་དྲུག་གོ། ཉེས་པ་སྐྱོན་ནི་བཅོ་བརྒྱད་དོ། །རྒྱལ་བ་ཞེས་པ་ཉེར་བཞི་འོ། །དེ་ཉིད་ཅེས་པ་ཉེར་ལྔ་སྟེ། །སྐལ་མ་འཁོར་ལོ་ཉེར…

བར་སྣང་། །དེ་ཉིད་དུས་གསུམ་ཚུལ་གྱིས་བརྩི། །དངོས་ཞེས་ཇི་ལྟར་སྣང་རྣམས་ལ། སྣ་ཚོགས་ཆོས་སུ་གདགས་པ་སྟེ། །དེ་ཉིད་རྣམ་བཞག་དབྱེ་བསྡུ་དང་། །བཟང་ངན་བླང་དོར་ཚུལ་གྱིས་བརྩི། །གཉིས་པ་བྱེ་བྲག་ཞིང་འདི་རུ། །དུས་ཀྱི་ཆ་འཛིན་གཟའ་རྣམས་ཀྱི། །བགྲོད་པ་ལས་ནི་ལོ་ཟླ་ཞག །དུས་ཚོད་རྣམ་བཞག་རྣམ་པར་དབྱེ། །ལོ་ནི་དྲུག་ཅུར་རབ་གྲགས་པ། །ར…

ཆུ་སྲང་གཅིག་ཅེས་བྱ་བར་བརྗོད། །ཆུ་སྲང་དྲུག་ཅུ་ཆུ་ཚོད་གཅིག །ཆུ་ཚོད་དྲུག་ཅུ་ཉིན་ཞག་གཅིག །དབུགས་ཀྱང་ཆ་ཤས་དུ་མ་ཅན། །དོན་ལ་སྐད་ཅིག་ལ་སོགས་པས། །གཞལ་བར་བྱ་བ་གང་ཡིན་པ། །འདི་ནི་དུས་ཀྱི་ཆུ་ཚོད་ཡིན། །འབྱུང་བ་རིམ་བརྩེགས་རི་རབ་དང་། །འདོད་གཟུགས་ལྷ་ཡི་གནས་བཅས་པའི། །སྟོང་གསུམ་གྱི་ནི་འཇིག་རྟེན་འདིར། །གླིང་བཞིའི་མཁའ་ལ…

ཀྱི་ཆོ་ག་ལས། ཡུལ་དུས་ལོངས་སྤྱོད་རྣམ་པར་དབྱེ། །འདས་ལུས་ད་ལྟ་གཏན་ལ་ཕབ། །དེ་ལས་བླང་དོར་འབྲས་བུའང་མཐོང་། །འདི་ལ་གཟའ་སྐར་རྩི་ཞེས་བརྗོད། །ཕྱི་རོལ་སྣ་ཚོགས་སྣང་བ་ནི། །འགྱུར་བར་བཅས་ཤིང་ཆ་བཅས་པ། །འདི་ཀུན་སེམས་ཀྱི་རང་སྣང་སྟེ། །རླུང་སེམས་འདུས་པའི་ཆོ་འཕྲུལ་ཡིན། །དེ་ཕྱིར་ཕྱི་རོལ་ཇི་བཞིན་ནང་། །མ་དག་འཁྲུལ་ཚེ་གཉིས་ས…

རྣལ་འབྱོར་དུས་ཤེས་ཡིན། །ཡང་དག་དོན་དུ་དུས་གསུམ་པོ། །དུས་མེད་མཉམ་པ་ཉིད་རྟོགས་ན། །རྡོ་རྗེའི་དུས་དེ་དུས་འཁོར་ལོའི། །ཡེ་ཤེས་སྐུ་ལ་འཇུག་པར་འགྱུར། །དེ་ཕྱིར་ཕྱི་རོལ་དུས་འཁོར་གྱི། །དགོངས་པའི་ཚུལ་ལ་འཇུག་པའི་སྒོ། །གྲངས་ཀྱི་རྩིས་ཚུལ་མདོ་ཙམ་བརྗོད། །དགེ་བས་མཐའ་ཡས་འགྲོ་བ་ཀུན། །འཕོ་བཅས་རྟེན་འབྲེལ་དོན་རྟོགས་ནས། །སྒྱ…