བྱང་ཆུབ་སེམས་བསྒོམ་པ་རྡོ་ལ་གསེར་ཞུན་གྱི་མཆན་འགྲེལ་དེ་ཁོ་ན་ཉིད་གསལ་བའི་སྒྲོན་མེ་ཞེས་བྱ་བ་བཞུགས་སོ། །

ན་མོ་གུ་རུ་མཉྫུ་ཤྲཱི་ཡེ། ཤེས་དང་ཤེས་བྱ་རོ་མཉམ་པའི། །ཟུང་འཇུག་འདུས་མ་བྱས་པའི་དབྱིངས། །འོད་གསལ་སེམས་ཀྱི་རྡོ་རྗེ་ལ། །འདུ་འབྲལ་སྤོང་པའི་ཕྱག་གིས་འདུད། །འདིར་གྲུབ་པའི་དབང་ཕྱུག་ཆེན་པོ་སློབ་དཔོན་འཇམ་དཔལ་བཤེས་གཉེན་གྱིས་མཛད་པའི་རྫོགས་པ་ཆེན་པོ་སེམས་སྡེ་སྤྱིའི་སྙིང་པོའི་བསྟན་བཅོས་བྱང་ཆུབ་སེམས་བསྒོམ་པ་རྡོ་ལ་གསེར…

ཞིག་རྟོགས་པར་བྱ་བ། ཐབས་གང་གིས་རྟོགས་པར་བྱེད་པ། གང་ལ་བརྟགས་ཏེ་རྟོགས་པར་བྱ་བ། བརྟགས་ནས་ངེས་པའི་དོན། ངེས་པའི་དོན་བསྒོམ་པ། བརྒྱུད་པའི་ཐབས་ཀྱིས་ངེས་པའི་དོན་རྟོགས་པར་བྱ་བའི་ཐབས། བྱང་ཆུབ་སེམས་ཀྱིས་མ་ཟིན་པའི་སྐྱོན། འདི་ལ་མོས་པ་ཙམ་སྐྱེས་པའི་ཕན་ཡོན། ལོག་པར་ཞུགས་པ་རྣམས་སྙིང་རྗེའི་གནས་སུ་བསྟན་པ། དགེ་བ་བྱང་ཆུབ་ཏ…

གསུམ་པོ་དེ་ལ་ཀུན་རྫོབ་ཏུ་འབྲེལ་པ་གྲུབ་པའི་སྒོ་ནས་སྐྱབས་སུ་མཉམ་ཞིང་། དོན་དམ་པར་ཐ་དད་དུ་མི་འབྱེད་པའི་མཉམ་པ་ཉིད་དུ་གྱུར་པ་དེ་ལ་མཚན་འཛིན་མེད་པའི་ཡིད་ཀྱིས་རབ་ཏུ་དངས་བའི་དད་པས་དོན་ཇི་ལྟ་བ་བཞིན་དུ་ངེས་པར་བཟུང་བའི་མོས་པས་ཕྱག་འཚལ་བའོ། །སྤྱི་དོན་གཉིས་པ་ཅིའི་ཕྱིར་རྟོགས་པར་བྱ་བ་ལ་ཕན་ཡོན་དང་ཆེ་བ་གཉིས་ལས། དང་པོ་ལ…

ཀྱི་ཚོགས་རྒྱ་མཚོའི་གཞིར་གྱུར་པ་ཡིན་ཏེ་བྱང་ཆུབ་སེམས་ཀྱིས་མ་ཟིན་ན་སངས་རྒྱས་སུ་མི་འགྲུབ་པས་ཚོགས་དེ་དག་གི་གཞིའོ། །གཉིས་པ་ནི། སྤྲོས་པ་རྣམ་པར་དག་པའི་བྱང་ཆུབ་སེམས་ཀྱི་རང་བཞིན་ནམ་ངང་ཚུལ་མ་ནོར་བར་བསྒོམ་པ་དང་དེ་མངོན་དུ་གྱུར་པའི་ཡོན་ཏན་གྱི་ཁྱད་པར་ནི། ཆོས་དབྱིངས་རྟོགས་ནུས་པའི་བློ་ལྡན་དེས་ནམ་ཞིག་དོན་དམ་བྱང་ཆུབ་ས…

གྲོལ་དེ་ཡི་ཡོན་ཏན་དེ་དག་ནི་བྱང་ཆུབ་ཀྱི་སེམས་དེ་ལས་འབྱུང་བར་ཟད་དོ། །དེས་ན་རྣམ་གྲོལ་གྱི་འབྲས་བུའི་གཞི་ཡིན་ནོ། །གཉིས་པ་ཆེ་བ་བསྟན་པ་ནི། ཉན་ཐོས་ལ་སོགས་པའི་རིགས་ཀུན་གྱི་ནང་ན་འབྲས་བུའི་ཡོན་ཏན་ཆེ་བའི་ཐེག་ཆེན་གྱི་རིགས་ནི་འཕགས་པའི་རིགས་ཆེན་པོ་ཅན་གཏན་དུ་འཆི་བ་མེད་པ་དེ་ཡི་གོ་འཕང་བྱང་ཆུབ་ཆེན་པོ་ལ་དམིགས་ནས་དེ་སྒྲ…

གྱི་ཚུལ་དུ་བརྟག་པར་དཀའ་ཞིང་གཞན་ལ་འདི་ཞེས་ཇི་ལྟ་བ་བཞིན་དུ་བསྟན་པར་དཀའ་ལ་དོན་སྤྲོས་པ་མེད་ཅིང་ཚིག་གིས་མི་མཚོན་པས་བརྗོད་པའི་ཐ་སྙད་རྣམས་དང་བྲལ་བས་ན། ཚིག་གིས་ཇི་ལྟ་བ་བཞིན་དུ་མི་ལེགས་ཤིང་ཐེག་ཆེན་ལས་གཞན་ཉན་ཐོས་ལ་སོགས་པ་དང་བྱིས་པ་སོ་སྐྱེ་ཀུན་གྱི་སྤྱོད་ཡུལ་མ་ཡིན་མོད་དེ་ལྟ་ན་ཡང་རྟོགས་ཐབས་མེད་པ་ནི་མ་ཡིན་ནོ། །སྤ…

མཐའ་ཡང་མེད་དེ་དེ་ལྟར་ན་འཇོག་བྱེད་ཀྱི་ཚད་མ་ཞེས་དཔྱད་བཟོད་ཀྱི་སྙིང་པོ་ཅན་ཅི་ཡང་མེད་ན་ཡུལ་འཇོག་བྱེད་ཀྱི་ཚད་མ་ནི་གང་ཡིན་ཏེ་ཡང་དག་པར་གྲུབ་མི་སྲིད་དོ། །ཡང་དག་དཔྱོད་པ་ལ་འཇིག་རྟེན་ཚད་མར་མི་རུང་བ་དེ་ཕྱིར་འཇིག་རྟེན་པས་བརྟགས་པའི་ཐ་སྙད་ལ་ཚད་མར་འཇོག་པ་ཡོད་མོད་ཀྱི་ཡང་དག་པའི་དོན་ལ་རྣལ་འབྱོར་དུ་བྱེད་པའི་ལམ་གྱི་སྐབས…

པར་གྲོལ་བར་འགྱུར་བའི་རིགས་ཏེ་འགྱུར་རིགས་ན་ཡང་། སོ་སྐྱེ་དེ་དག་ན་འཆི་སོགས་དུས་ཀྱི་དགྲས་འཇོམས་པ་དང་སྡུག་བསྔལ་གསུམ་དང་བརྒྱད་ཀྱིས་ཉེན་པ་ལས་དེས་འཁྲུལ་བ་ཡིན་པར་གསལ་བའམ་མངོན་པར་འགྱུར་རོ། །གཞན་དུ་འཁྲུལ་བ་མིན་པར་མིག་སོགས་སྐྱེ་མཆེད་བཅུ་གཉིས་ཀྱི་སྒོ་ནས་རིག་པ་དེ་དག་ཚད་མར་གྱུར་པ་ཡིན་ན་ནི། སེམས་ཅན་གྱི་མཐོང་བ་དེ་དག…

བའི་སྣང་བ་འདི་དག་སེམས་ཅན་རྣམས་ལ་འཁྲུལ་བའི་དབང་གིས་ཇི་ལྟར་སྣང་བར་འགྱུར་ཞེ་ན། སེམས་ཅན་རྣམས་ཀྱི་སེམས་ནི་རང་བཞིན་གྱིས་ཀུན་ཏུ་རྟོག་པ་ཅན་ཡིན་ལ་དེ་ཡང་ཡང་དག་མ་ཡིན་པ་གཟུང་འཛིན་དུ་རྟོག་པའི་ཀུན་ཏུ་རྟོགས་པས་ཐོག་མེད་ནས་ཀྱང་རྩོལ་བ་མེད་པར་རང་བཞིན་གྱིས་ཉམས་ཏེ་འཁྲུལ་བའོ། །དེ་ལྟར་ཡང་དག་པའི་དོན་མ་མཐོང་བས་བློ་གྲོས་ཕྱིན…

པ་ཐམས་ཅད་སྐྱེ་བ་ལ་རྣམ་པར་རིག་པར་སྒྲོ་བཏགས་པ་སྨིག་རྒྱུ་ལ་ཆུ་བཞིན་ནོ། །གཉིས་པ་ནི། ཅིའི་ཕྱིར་སྣང་ན་ཐག་པའི་རང་བཞིན་མ་མཐོང་བ་ལས་སྦྲུལ་དུ་འཁྲུལ་པ་ལྟར་བག་ཆགས་སྣ་ཚོགས་པ་འཛིན་ཞིང་རྒྱུན་དང་བཅས་པའི་བདག་ཉིད་ཀུན་གཞི་སེམས་ཀྱི་མཐུ་ཡིས་རྣམ་པ་སྣ་ཚོགས་སུ་སྣང་བར་ནི་མ་རྟོགས་པར་སྣང་བ་ཐམས་ཅད་རང་གི་ངོ་བོས་ཡོད་པར་བཟུང་བའི་…

གཞན་ལྷ་ལ་སོགས་སུ་སྐྱེ་བ་དག་གིས་ལྷ་སོགས་སུ་སྐྱེ་འགྱུར་གྱི་བག་ཆགས་གཞན་སད་པར་བྱས་ཚེ་གནས་སྐབས་སྔ་མ་ལས་སྲིད་པ་གཞན་དུ་འགྱུར་བའི་མཐུ་མཐོང་ནས། དབང་ཕྱུག་ལ་སོགས་པ་འཇིག་རྟེན་གྱི་བྱེད་པར་འདོད་པའི་བློ་ངན་སྐྱེ་ཞིང་ཚུལ་དེས་བཞག་པའི་ལམ་དེས་སྡུག་བསྔལ་ཕྲ་མོའང་མི་ཞི་ཞིང་ཁམས་གསུམ་ལས་གྲོལ་བར་མི་འགྱུར་རོ། །ཡང་དག་པའི་དོན་ལ…

པོ་དང་བཅས་པའི་ལུས་དང་མ་ལུས་པའི་ཆོས་ཀུན་གནས་སོ། །སྔ་མ་དེ་དག་ལ་བསམ་པ་ཇི་ལྟ་ཇི་ལྟར་ཞེན་ཅིང་ཆགས་པའི་ཕྱིར་བློ་ཕྱི་མ་དེ་ལ་སྔ་མ་དེ་ལྟ་བུར་འབྱུང་ཞིང་དེ་ལ་བག་ཆགས་སྨིན་པས་སྣ་ཚོགས་སུ་སྣང་བར་འགྱུར་རོ། །དེ་ལྟར་རང་སེམས་སྐད་ཅིག་མའི་རྒྱུན་ལས་འཕགས་པ་དང་སོ་སོའི་སྐྱེ་བོའི་ཆོས་ནི་གཞན་ན་ཡོད་པ་མ་ཡིན་ཏེ་ཆོས་ཀུན་སེམས་ལ་གནས…

ཡིན་ཏེ་བདག་གི་ལུས་ནི་མཐའ་ཡས་ཞིང་དང་སྐྱེ་བོའི་ལུས་སུ་རབ་ཏུ་སྣང་བས་གདོད་མ་ཐོབ་པའི་ཐོབ་བྱའི་ཆོས་ནི་མེད་ན་ཡང་། སེམས་དང་བག་ཆགས་ནི་དབྱིབས་དང་ཁ་དོག་བཞིན་དུ་གཅིག་མིན་ལ་ཐ་དད་ཀྱང་མ་ཡིན་པས་བརྟག་པར་རབ་ཏུ་དཀའ་འོ། །གཉིས་པ་ནི། ཐམས་ཅད་སེམས་ཡིན་ན་ཕྱིའི་རྒྱུ་རྐྱེན་གཞན་ལས་སྐྱེ་བར་ཅིས་སྣང་ཞེ་ན། ཆོས་འདི་ཀུན་རྒྱུ་རྐྱེན་ར…

གྲུབ་ན་ཆུ་ལོག་པ་མི་འགྲུབ་པ་བཞིན་ནོ། །གཉིས་པ་སྣང་གཞི་སེམས་ཉིད་དོན་དམ་པར་མ་གྲུབ་པར་བསྟན་པ་ནི། བག་ཆགས་ཀྱི་གནས་ཀྱི་ཀུན་གཞི་སྐད་ཅིག་མ་དང་བག་ཆགས་གཉིས་ནི་ནམ་ཡང་མི་འབྲལ་ཏེ་གཅིག་མེད་ན་གཅིག་མེད་དགོས་ཏེ་གང་རུང་མེད་པར་མི་སྲིད་པ་དེ་ཚེ་དེ་གཉིས་ཡོད་མེད་མཉམ་པར་གྱུར་པ་ཡིན་ལ་གང་ཚེ་བག་ཆགས་དེ་མེད་ན་ཀུན་གཞི་དེ་ཡང་མེད་དེ…

རྟེན་ལས་འདས་པའི་ཡེ་ཤེས་མ་གྲུབ་པར་བསྟན་པ་གཉིས་ཀྱི་དང་པོ་ནི། དེ་བཞིན་དུ་རྣམ་པར་མི་རྟོག་པ་ཡང་དག་པའི་ཡེ་ཤེས་དེ་དག་ཤིན་ཏུ་དག་པའི་རྩ་བ་ཚད་མེད་པའི་རྒྱུན་ཉིད་དང་། ཆོས་ཀྱི་དབྱིངས་མ་ནོར་བ་ཉིད་ལ་ནི་ཡེ་ཤེས་དེ་དག་དམིགས་ཤིང་སྐྱེ་བར་བརྟག་པ་ཡང་དཔྱད་ན་མ་གྲུབ་སྟེ་འདི་ལྟར་རྡོ་རྗེའི་སྟེ་རྣམ་པར་མི་རྟོག་པའི་ཡེ་ཤེས་དེའི་ག…

ཅན་དོར་བ་མེད་དོ། །དོན་དམ་པ་ཞེས་བྱ་བ་ཉིད་ཀྱང་མེད་ན་དེ་འདི་ལྟ་བུའོ་ཞེས་བསྟན་པའི་ཚིག་རྣམས་ཀྱང་ལྟ་ག་ལ་ཡོད་དེ་གོང་དུ་ཇི་སྐད་བསྟན་པའི་དོན་དེའི་ཚུལ་གྱིས་དཔྱད་ན་དོན་དམ་པའི་རྣམ་གྲངས་སུ་བྱ་བ་སྐྱེ་འགག་མེད་ཅེས་བྱ་བ་དང་མཉམ་པ་ཉིད་ཅེས་བྱ་བ་དང་། གཉིས་སུ་མེད་ཅེས་བྱ་བ་དང་བསམ་པ་ལས་འདས་པ་དང་སྟོང་པ་ཉིད་དང་ཆོས་ཀྱི་དབྱིངས…

ཡོད་པ་མ་གྲུབ་ན་མེད་པ་དེ་ནི་སུའི་མེད་པ་ཡིན་ཏེ་དེ་དག་ཡོད་པ་ལ་ལྟོས་པའི་མེད་པའང་མེད་དེ་དེ་ལྟར་ཡོད་པ་དགག་པའི་མེད་པ་མིན་ཡང་ཡོང་གིས་མེད་པ་ཡིན་ནོ་སྙམ་ན། རང་བཞིན་གྱིས་མ་སྐྱེས་པའམ་ཡང་གིས་མེད་པ་ལ་ཡང་མེད་པ་གཅིག་ཐ་སྙད་གདགས་པ་མེད་དེ་མཐོང་ཐོས་མེད་ཅིང་གང་གིས་ངོ་བོར་མི་གནས་པ་དེ་ལ་སུ་ཡང་མེད་ཅེས་མི་སེམས་མི་བརྗོད་པའི་ཕ…

པར་བྱས་ཏེ་ཀུན་ལས་རྒྱལ་ཏེ་ལྟ་བ་དེས་བསྙེམས་པ་སྐྱེ་ན། རང་ལྟ་ལ་འདོད་ཆགས་གཞན་ལྟ་ལ་ཞེ་སྡང་སྐྱེས་ནས་ཕན་ཚུན་རྩོད་པ་འབྱུང་བའི་གཏི་མུག་ཡིན་ཏེ་བདེན་པ་ཞེས་བྱ་བ་མེད་པས་རང་ལྟ་བདེན་པར་བཟུང་བ་དང་རྫུན་པ་མེད་པས་གཞན་ལྟ་རྫུན་པར་བཟུང་བ་གཉིས་གནས་ཚུལ་དང་མི་མཐུན་པའི་བློ་ཡིན་པའི་ཕྱིར་བདེན་རྫུན་གཉིས་ཀ་མི་དམིགས་པའི་དོན་རྣལ་མ་…