གཞི་གཅིག་པུ་ཡིན་པ་དེ་ལྟར་མི་ཤེས་པའི་རྨོངས་པ་དེ་དག་གིས་ཡང་དག་པ་སངས་རྒྱས་ཀྱི་ཆོས་ཀུན་གྱི་རྩ་བ་ལྟ་བུ་ཤེར་ཕྱིན་འདི་བོར་ནས་ནི། རྨོངས་པས་ཡལ་ག་དག་དང་འདབ་མ་ལྟ་བུའི་ཆོས་གཞན་དང་གཞན་ཚོལ་བར་འགྱུར་བ་ཡང་བདུད་ཀྱི་ལས་སོ། །གཉིས་པ། གླང་པོ་རྙེད་ནས་སོགས་རྐང་པ་གཉིས་ཏེ། ཇི་ལྟར་གླང་པོ་དོན་དུ་གཉེར་བས་གླང་པོ་དངོས་རྙེད་ནས་དེ…

བཅོམ་པའི་སའམ་གོ་འཕང་གི་ལམ་སྟོན་པའི་གཞུང་དེ་ཡིས་མཐར་ཐུག་གི་བྱང་ཆུབ་ཚོལ་བར་བྱེད་པ་ནི་གོང་གི་དཔེ་དེ་བཞིན་ཏེ་འདི་ཡང་བདུད་ཀྱི་ལས་ཡིན་ནོ། །གསུམ་པ་འཆད་ཉན་གྱི་ཚོགས་པ་དང་མི་ལྡན་པ་ལ། རང་ལ་བརྟེན་པ་དང་། གཞན་ལ་བརྟེན་པ་གཉིས། དང་པོ། བསྟི་སྟང་འདོད་པར་སོགས་ཚིགས་བཅད་གཅིག་སྟེ། རང་ཉིད་སྙན་གྲགས་དང་གཞན་གྱིས་བསྟི༷་སྟང་བྱ་…

པ་སོགས་དེ་ཡི་ཚེ་ན་ཡུམ་ལ་འདུན་ཅིང་དད་པར་གྱུར་ནས་ཆོས་ཀྱི་དམ་པ་འདི་ནི་ཉན་དུ་སོང་བ་ལས། ཉན་པ་པོ་དེ་དག་གིས་ནི་ཆོས་སྨྲ་བ་དེ་རྙེད་བཀུར་ལ་དགའ་བ་སོགས་བྱ་བ་ངན་པ་ལ་ཞེན་པའི་ཚུལ་དང་ལྡན་པར་རིག་ནས། ཆོས་སྨྲ་བ་དེ་ལས་ཆོས་ཉན་པ་ལ་དགའ་བ་མེད་ཅིང་ད་ནི་ཆོས་ཞུ་བར་མི་བྱའོ་སྙམ་དུ་ཡིད་མི་བདེ་བར་གྱུར་ནས་ཕྱིར་འགྲོ་བ་འདི་ཡང་ཤེར་ཕྱ…

གཞན་འདིར་མ་བཤད་པ་དུ་མ་ཡང་འབྱུང་བར་འགྱུར་ཏེ། མདོར་ན་ཆོས་ཟབ་མོ་འདི་འཛིན་པ་སོགས་ཀྱི་སྐབས་ན་དེ་ལ་གནོད་པའི་ཕྱོགས་སུ་གྱུར་ན་གང་ཅི་ཡང་རུང་སྟེ་དེ་ཐམས་ཅད་བདུད་ཀྱི་ལས་སུ་རིགས་པར་བྱ་སྟེ། བར་དུ་གཅོད་པ་དེ་ཉིད་ལ་བདུད་ཀྱི་ལས་ཞེས་མིང་དུ་བཏགས་པ་ཡིན་པའི་ཕྱིར་རོ། །དེ་སྐད་དུ་ཡང་ནམ་མཁའ་མཛོད་ཀྱིས་ཞུས་པའི་མདོ་ལས།རིགས་ཀྱི་…

གང་ལ་འབྱུང་བའི་ཡུལ་བསྟན་པ། བར་ཆད་དེ་ལས་སངས་རྒྱས་ཀྱིས་བསྲུང་བའི་ཚུལ་གཉིས། དང་པོ། ཐེག་པར་གསར་དུ་སོགས་རྐང་པ་གསུམ་སྟེ། ཐེག་པ་ལ་གསར་དུ་ཞུགས་པའི་སེམས་ཅན་བློ་ཆུང་བ་གང་ཞིག། ཤིན་ཏུ་དཀོན་ཞིང་ཟབ་པའི་ཆོས་རིན་པོ་ཆེ་བདུད་ཀྱི་ཡུལ་ལས་འདའ་བར་བྱེད་པ་འདི་ལྟ་བུ་ནི་དེ་སྔ་མ་རྙེད་པ་སྟེ་ཉམས་འོག་ཏུ་ཚུད་པར་མ་བྱས་པ་དེ་ལ་བར་ཆད…

ས་ལས་ཡོངས་སུ་འཛིན་པ་ལ་བརྩོན་པའམ་སྦྱོར་བ་མཛད་པ་ཡིན་ནོ། །འོན་ཀྱང་གང་ཟག་དེའི་སྔོན་གྱི་བསོད་ནམས་ཀྱི་རྒྱུ་དང་ད་ལྟའི་དད་པ་སོགས་ཀྱི་རྐྱེན་ལ་ལྟོས་ན་སངས་རྒྱས་ཀྱི་བྱིན་རླབས་འཇུག་པའི་ཡུལ་དུ་མ་གྱུར་པ་དང་གྱུར་པ་ལས་བར་ཆད་ཀྱིས་ཚུགས་མི་ཚུགས་སྣ་ཚོགས་སུ་འབྱུང་བར་ཤེས་པར་བྱའོ། །གཉིས་པ། མ་ཞིག་ན་བར་སོགས་ཚིགས་བཅད་གཅིག་སྟེ…

འདིར་ཡང་གང་དག་འདས་པ་དང་ད་ལྟར་གྱི་ཕྱོགས་བཅུའི་ཞིང་ཐམས་ཅད་ན་བཞུགས་པའི་འཇིག་རྟེན་གྱི་མགོན་པོ་སངས་རྒྱས་བཅོམ་ལྡན་འདས་གང་ཇི་སྙེད་པ་དང་། མ་འོངས་པའི་དུས་ན་སངས་རྒྱས་གང་ཇི་སྙེད་ཅིག་འབྱུང་བར་འགྱུར་བ་དེ་དག་ཐམས་ཅད་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལས་འབྱུང་བས་ན་དུས་གསུམ་གྱི་རྒྱལ་བ་ཐམས་ཅད་ཀྱི་ཡུམ་དུ་གྱུར་པ་ཡིན་ན…

པ་བཞིན་དུ་གཟིགས་པའི་ཕྱིར་རོ། །གཞན་ཡང་གདུལ་བྱའི་དོན་མཛད་པ་ལ་དགོས་པ་ཆེད་དུ་བཀར་ཏེ་སེམས་ཅན་གྱི་ཁམས་ཚད་མེད་པ་ཇི་སྙེད་པ་གཞན་གྱི་སེམས་ཀྱི་སྤྱོད་པ་ནང་དུ་བསྡུས་པ་དང་ཕྱིར་གཡེང་བ་དང་ཆགས་བཅས་དང་ཆགས་བྲལ་ལ་སོགས་པ་མཐའ་མེད་པ་དག་ཀྱང་ཤེར་ཕྱིན་ལ་གོམས་པའི་མཐུས་རང་གི་སྲས་ལ་སྟོན་པར་བྱེད་པ་ནི་ཀུན་རྫོབ་སྟོན་པ་དང་། འཇིག་རྟ…

སྟེ། ཇི་ལྟར་འཇིག་རྟེན་ན་ཡང་མས་བུ་ལ་མིང་འདོགས་པ་ལྟར་རྒྱལ་བའི་ཡུམ་ལ་བརྟེན་ནས་དེ་བཞིན་གཤེགས་པ་ཞེས་པའི་མཚན་ཐོབ་པ་ནི། དེ་ཁོ་ན་ཉིད་ལ་མཁས་པ་སངས་རྒྱས་རྣམས་འཇིག་རྟེན་གྱི་ཁམས་འདིར་འཚོ་གཞེས་ཤིང་གནས་སམ་མྱ་ངན་ལས་འདས་ཀྱང་རུང་སྟེ། ཆོས་ཉིད་སྐྱོན་མེད་པ་གང་ཞིག་ཆོས་རྣམས་ཀྱི་སྟོང་པ་ཉིད་དུ་བརྗོད་པ་འདི་ནི་ནམ་ཡང་འགྱུར་བ་མ…

དགའ་བ་མཐའ་ཡས་པ་འབྱུང་བའི་ཕྱིར་ལྷའི་དགའ་བའི་ཚལ་ལྟ་བུ་ལ་བརྟེན་ནས་གནས་པ་སྟོབས་བཅུ་དང་ལྡན་པ་རྣམ་འདྲེན་སངས་རྒྱས་རྣམས་ཀྱི་སྤྱོད་ཡུལ་ནི་འདི་ལྟ་བུ་ཡིན་ཏེ། གང་ཞེ་ན་སེམས་ཅན་ཚད་མེད་པ་སྡུག་བསྔལ་སྣ་ཚོགས་དང་ངན་སོང་གསུམ་ལས་ཡོངས་སུ་འདོན་ཀྱང་། སངས་རྒྱས་དེ་དག་ལ་ནམ་ཡང་སེམས་ཅན་གྱི་འདུ་ཤེས་སུ་འགྱུར་བ་ནི་མེད་དེ་དམིགས་མེད…

དཔེར་ན་ནམ་མཁའ་སོགས་ཚིགས་བཅད་གཅིག་སྟེ། དཔེར་ན་ནམ་མཁར་གནས་པ་ཉི་མའི་འོད་ཟེར་གྱིས་ནི་ས་འདི་ལ་རླན་བག་ཡོད་པ་རྣམས་སྐེམ་པར་བྱེད་ཅིང་གཟུགས་རྣམས་ཀྱང་རབ་ཏུ་སྟོན་པ་ཡིན་པ་དེ་བཞིན་དུ་ཆོས་ཀྱི་རྒྱལ་པོ་ཆོས་ཀྱི་ཉི་མ་སངས་རྒྱས་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནམ་མཁའི་དབྱིངས་ལྟ་བུ་ལ་བརྟེན་པ་རྣམས་ཀྱིས་སྲིད་པར་སྲེད…

རྣམ་གྲངས་ཀྱིས་བརྗོད་པ་ཡིན་པར་འབྲེལ་བ་གཞན་ནས་བཤད་ལ། ཡེ་ཤེས་ཞབས་ཀྱིས་ནི་ཡོངས་སུ་གྲགས་པ་ལྟར་སེམས་ནི་ཀུན་གཞིའི་རྣམ་ཤེས་དང་། ཡིད་ནི་ཉོན་མོངས་པ་ཅན་གྱི་ཡིད་དང་རྣམ་ཤེས་ནི་འཇུག་ཤེས་དྲུག་ཏུ་གསུངས་སོ། །དེ་ལྟར་ཕུང་པོ་ལྔས་མཚོན་པས་ཆོས་ཐམས་ཅད་དམིགས་སུ་མེད་པས་ཅི་དང་ཅིའི་ངོ་བོར་ཡང་མ་མཐོང་བ་འདི་ནི་ཆོས་རྣམས་ཀྱི་རང་བཞི…

མཐོང་བའི་ཐ་སྙད་བྱས་པ་ཡིན་པར་ཁོང་དུ་ཆུད་པར་འགྱུར་རོ། །དཔེ་དེ་ལྟར་ཆོས་རྣམས་ཀྱི་དེ་ཁོ་ན་ཉིད་མཐོང་བ་ཞེས་པ་ཡང་ཤེས་རབ་ཀྱི་སྤྱན་གྱིས་ཆོས་གང་ཡང་མ་གྲུབ་པར་ཤེས་ནས་ཅིའི་ངོ་བོར་ཡང་མི་དམིགས་པའམ་མ་མཐོང་བ་ལ་ཆོས་མཐོང་བའོ་ཞེས་དེ་བཞིན་གཤེགས་པས་བསྟན་པར་མཛད་པ་ཡིན་ནོ། །འཇིག་རྟེན་ན་གང་མཐོང་བ་ཞེས་པ་ཐམས་ཅད་ཡུལ་ཅན་གང་གིས་ཡུ…

པོའི་དཔེས་ཡོན་ཏན་ཀུན་སྡུད་པ་གཉིས། དང་པོ། གང་གིས་དེ་ལྟར་སོགས་ཚིགས་བཅད་གཅིག་སྟེ། བྱང་ཆུབ་སེམས་དཔའ་གང་གིས་དམིགས་པའི་རྣམ་པ་ཅིར་ཡང་མ་མཐོང་བ་དེ་ལྟར་ཤེས་རབ་ཀྱི་སྤྱན་གྱིས་མཐོང་བ་དེ་ཡིས་ཆོས་ཐམས་ཅད་ཀུན་མཐོང་བ་ཡིན་ཏེ་དེ་ལས་བྱ་བ་ཆེན་པོ་ཐོབ་པ་ནི་ཇི་ལྟར་ན་རྒྱལ་པོ་ནི་འབད་རྩོལ་མེད་པར་བཏང་སྙོམས་སུ་འདུག་ཅིང་བློན་པོ་མ…

མི་གཡོ་ཞིང་གནས་གཞན་གང་དུའང་མི་འགྲོ་ལ། གང་གིས་རྟོགས་པའི་རྒྱུད་དེར་ཆོས་ཉིད་ཀྱི་མཐུས་སངས་རྒྱས་པའི་ས་ཡི་ཡོན་ཏན་གང་ཡིན་པ་ཐམས་ཅད་སྡུད་པ་ནི་བྱ་བ་རྨད་དུ་བྱུང་བ་ཡིན་ནོ། །གཉིས་པ་ལ་བསྟན་བཤད་གཉིས། དང་པོ། གང་ལ་བདེ་གཤེགས་སོགས་ཚིགས་བཅད་གཅིག་སྟེ། གང་ཟག་གང་ལ་བདེ་བར་གཤེགས་པ་དང་དེའི་སྲས་བྱང་ཆུབ་སེམས་དཔའ་རྣམས་ལ་དད་པ་དང…

དང་མ་ལྡན་ན་ལམ་ལས་ཉམས་པ་སྲིད་ཀྱི། ཤེས་རབ་ཀྱི་ཕར་ཕྱིན་ཟབ་མོའི་དགོངས་པ་ཉམས་འོག་ཏུ་ཚུད་ཕྱིན་ཆད་དད་པ་མི་འཕྲོག་པ་ཐོབ་ནས་ལམ་ལས་ཉམས་པ་མི་སྲིད་དོ། །གཉིས་པ་ཚུལ་དེ་རྒྱས་བཤད་ལ། ཆུར་བྱིང་བ། བུམ་པ་གསར་པ། གྲུ་འཛུགས་པ། རྒས་པའི་དཔེས་བསྟན་པ་བཞི་པོ་རེ་རེ་ལའང་དཔེ་དོན་གཉིས་རེས་བསྟན་ཏེ། དང་པོ། དཔེར་ན་རྒྱ་མཚོར་སོགས་ཚིགས་བ…

བ་དང་མྱ་ངན་སྣ་ཚོགས་ཀྱི་རྦ་བས་འཁྲུགས་པ་ཡི་འཁོར་བའི་རྒྱ་མཚོ་ཆེན་པོ་དེར་ནི་རྟག་ཏུ་འཁོར་བར་གྱུར་པ་གང་དེ་རང་བཞིན་མེད་པར་རྟོགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་མཆོག་གིས་ཡོངས་སུ་ཟིན་པར་གྱུར་ན། དངོས་པོའི་རང་བཞིན་ཕྱིན་ཅི་མ་ལོག་པ་ལ་མཁས་ཤིང་དོན་དམ་པ་སྟོན་པར་བྱེད་པར་འགྱུར་རོ། །དེ་ལྟར་དེ་དག་གི་རྫོགས་བྱང་དོན་གཉེར་ག…

ཆུབ་ལ་དང་འདོད་ཀྱི་དད་པ་མང་བའམ་ཆེན་པོར་གྱུར་ཀྱང་། དེ་སྒྲུབ་པར་བྱེད་པའི་ལམ་ཤེས་རབ་ཀྱི་ཕ་རོལ་ཏུ་ཕྱིན་པ་ལས་རྣམ་པར་ཉམས་ན་མྱུར་དུ་མ་རུངས་པ་སྟེ་ལམ་དམན་པ་སོགས་སུ་ལྟུང་ནས་ཐེག་པ་ཆེན་པོའི་ལམ་ལས་ཉམས་པར་འགྱུར་རོ། །དད་པས་ཤེས་རབ་སྟེ་དད་པ་དང་བཅས་པའི་ཤེས་རབ་ཕར་ཕྱིན་ཉིད་ཀྱིས་ནི་གང་ཟག་དེའི་རྒྱུད་ཡོངས་སུ་ཟིན་པར་གྱུར་ན་…

རོལ་ཏུ་ཕྱིན་པ་མཆོག་དང་ལྡན་ན་ལམ་དམན་པའི་སྐྱོན་གྱིས་མ་སྨས་ལ་ཐེག་པ་མཆོག་གི་ལམ་ལས་མ་ཉམས་པར་རྒྱལ་བའི་བྱང་ཆུབ་ལ་རེག་པར་འགྱུར་རོ། །བཞི་པ། ལོ་བརྒྱ་ཉི་ཤུ་སོགས་ཚིགས་བཅད་གཉིས་ཏེ། དཔེར་ན་ལོ་བརྒྱ་ཉི་ཤུ་ལོན་ཏེ་ཚེ་ཚད་མཐར་ཐུག་པས་རྒས་ཤིང་སྡུག་བསྔལ་བར་གྱུར་པའི་མི་དེ་སྟན་ལས་ལངས་པར་བྱས་ཀྱང་བདག་ཉིད་ཀྱི་ནུས་པས་གནས་གཞན་དུ…

གཉེན་ལ་བརྟེན་དགོས་ཚུལ་དང་། བཤེས་གཉེན་དེས་གདམས་ངག་སྟོན་ཚུལ་གཉིས། དང་པོ་ལ་དངོས་དང་། དེ་ལྟར་བརྟེན་དགོས་པའི་རྒྱུ་མཚན་གཉིས། དང་པོ་བྱང་ཆུབ་སེམས་དཔའ་སོགས་ཚིགས་བཅད་གཅིག་སྟེ། འདི་ལྟར་བྱང་ཆུབ་སེམས་དཔའ་དང་པོའི་ལས་ཀྱི་སར་གནས་པ་སྟེ། ལས་དང་པོ་པ་གང་ཞིག །གཞན་དོན་དང་རྫོགས་བྱང་ལ་ལྷག་པར་དམིགས་པའི་ལྷག་པའི་བསམ་པས་སངས་རྒ…