ལ་བདེ་བ་ཆེན་པོའི་དབང་། །མི་ཟད་རྒྱན་གྱི་འཁོར་ལོར་འགྱུར། །ཞེས་སོ། །དེ་ལ་འགའ་ཞིག་ལྷ་ལ་རབ་གནས་དང་མི་ལ་དབང་བསྐུར་བ་འདྲ་བར་བཞེད་ནའང་། རོང་ཟོམ་པས་འདི་ལྟ་བུ་ནི་རྒྱུད་ནས་ལུང་བསྟན་པའང་མ་མཐོང་ལ། རིགས་པས་འཐད་པའང་མ་མཐོང་སྟེ། ཞེས་གསུངས་པ་ལྟར་ལྷའི་སྐུ་གསུང་ཐུགས་ཀྱི་ཕྱག་རྒྱ་འཇིག་རྟེན་དུ་བཞག་པའི་དམ་ཚིག་པ་ལས། སྔགས་ཕྱ…

བ་ཡིན་པར་གསུངས། །ཞེས་སོ། །བྱང་གཏེར་ཐུགས་སྒྲུབ་ལས། སྔགས་ཀྱི་བྱེ་བྲག་རང་བཞིན་བསམ་འདས་ཀྱང་༔ །སྔགས་ཀྱི་སྙིང་པོ་ཡི་གེ་ཧཱུྃ་ལ་འདུསཿ བདེ་གཤེགས་སྙིང་པོ་མ་འདུས་གང་ཡང་མེད༔ ཅེས་སོ། ༈ །རབ་གནས་སྐབས་རྟེན་བྱིན་རླབས་ཅན་རིང་བསྲེལ་སོགས་མཆོག་ཁྲུས་བྱས་པའི་བུམ་ཆུ་བུམ་པ་བརྒྱད་པོར་བླུགས་པ་དང་ཆབ་གཅིག་ཏུ་ཁྲུས་ཁང་བསྐྱེད་པ་དང…

མཉེ་བ་དང་དྲི་བཟང་ལྔའི་ཕྱེ་མས་གཙུབ་པ་དང་བཀྲུ་ཕྱི་བྱ་བར་གསུངས་ཤིང་། མཆོག་ཁྲུས་སྟ་གོན་སྐབས་རིགས་བདག་གི་དབང་གི་དུས་ལས་ཀྱི་རྡོ་རྗེའི་གཙུབ་ཕྱིས་སྔོན་དུ་འགྲོ་བས་ལས་བུམ་གྱི་ཆུས་ཁྲུས་དང་། སློབ་དཔོན་གྱིས་རྣམ་བུམ་གྱི་ཆུས་དུང་ཆོས་སུ་བླུགས་པས་དབང་བསྐུར་བའི་ཚུལ་གྱིས་ཁྲུས་བྱ་བ་དང་། དངོས་ནི་དངོས་གཞིའི་དབང་གི་སྐབས་ས…

ན། །མར་གྱི་ངོ་ལ་ཉེས་པ་མེད། །གནམ་སྟོང་ལ་ནི་དེ་བཞིན་དུ། །བཅུ་བཞི་པ་༡༩ལ་བྱ་བ་མིན། །ཞེས་གནམ་སྟོང་དང་ཉེར་དགུར་གཏན་ནས་མི་རུང་བར་གསུངས། ཇོ་བོས། བྱང་བགྲོད་ཟླ་དྲུག་ཉིན་མོ་འཕེལ། །དེ་དྲུག་བཞི་ལ་བྱ་བ་སྟེ། །ཞེས་དགེ་བ། གང་ཚེ་གཟའ་དང་རྗེས་མཐུན་ན། །ནག་པོའི་ཕྱོགས་ལ་བརྩམ་པར་བྱ། །ཞེས་གསུངས་པས་ལྷོ་བགྲོད་ལ་ཡང་གཏན་ནས་མི་ར…

ཉིད་འདུས་པའི་རྒྱུད། །གང་ཡིན་དེ་ཡང་ལེགས་པར་ངེས་པ་བྱས། །བཞི་པ་རྣལ་འབྱོར་བླ་ན་མེད་པ་ལ། །འཕགས་ཡུལ་མཁས་པ་རྣམས་ལ་ཉི་ཟླ་ལྟར། །ཡོངས་སུ་གྲགས་པའི་ཕ་རྒྱུད་འདུས་པ་དང་། །རྣལ་འབྱོར་མ་རྒྱུད་ཀྱེ་རྡོར་བདེ་མཆོག་གི །རྩ་རྒྱུད་བཤད་པའི་རྒྱུད་ལ་སོགས་པ་དང་། །བསྡུས་རྒྱུད་གཞན་དང་བཤད་སྲོལ་མི་འདྲ་བའི། །ཤིང་རྟའི་སྲོལ་འབྱེད་དུས་…

རྣམས་ལ། །ཐུན་མོང་གདམས་པའི་དཔལ་འབྱོར་མཐའ་ཡས་མོད། །གསང་ཆེན་སློབ་བཤད་བདུད་རྩིའི་ཐིགས་པ་འདི། །མཁས་རློམ་ཕལ་གྱི་རྣ་བའི་སྤྱོད་ཡུལ་མིན། །ཞེས་པ་ལྟར་སྙན་བརྒྱུད་ཚད་མ་བཞི་ལྡན་ཏེ། དང་པོ་སྙན་བརྒྱད་བཞི་ནི། ཚར་ཆེན་གྱིས། དེ་ཡང་ཐོག་མར་ཚོགས་ཀྱི་འཁོར་ལོ་དང་། །རིན་ཆེན་གསེར་གྱི་མཎྜལ་ལ་སོགས་པས། །སྙན་བརྒྱད་དང་པོའི་རྟེན་སྙན…

ཁོག་དབུབ་ལོ་རྒྱུས་ཀྱིས་དད་པ་བསྐྱེད་པ་བླ་མ་ཚད་མ། ཉམས་ཁྲིད་ལ་ལས་སྦྱོར་སོགས་དམར་ཁྲིད་སྟོན་བཞིན་ལག་ཏུ་ཁེལ་བ་ཉམས་མྱོང་ཚད་མ། རྒྱབ་བརྟེན་མན་ངག་དཔེ་བུམ་རྣམས་ཀྱི་བསྟན་བཅོས་ཚད་མ། བཤད་ཁུངས་རྒྱུད་དང་རྒྱུད་གཞུང་རྣམས་ཀྱི་ལུང་ཚད་མ་སྟེ་བཞིའོ། །དེ་ལྟར་ཡང་ཀུན་མཁྱེན་ལྔ་པས། ཚོགས་ལས་ཁྱད་པར་གྱུར་པ་སློབ་བཤད་ཅེས། །ཟབ་པ་ལས་…

ལ་ལོ་ནག་དྲིལ་གསུམ། དགྱེས་རྡོར་ལ་རྡོ་རྗེ་སྙིང་པོ་སོགས་འགྲེལ་མཛད་བཅུ་གཉིས་སོགས་འཕགས་ཡུལ་དུ་བྱུང་བ་ལས་ལམ་ཡོངས་སུ་རྫོགས་པ་དྲུག་ཏུ་ངེས་ལ། བོད་ཡུལ་འདིར་མར་དང་དཔྱལ་ལོ་སོགས་ ལ་བྱུང་ཡང་ཚང་བར་མ་བཤད། ཡོངས་སུ་རྫོགས་པ་དཔལ་ས་སྐྱ་པར་བཀའ་བབས་གསུམ་ལ། དང་པོ་བིརླ་པ་དང་ཡེ་ཤེས་མཁའ་འགྲོ་མས་དངོས་སུ་བྱིན་རླབས་ཌོམྦི་པས་བཀྲལ…

པ་བླ་མེད། མ་ཟིན་པ་བླ་ན་ཡོད་པ་སོགས་དབྱེ་བ་མང་ངོ་། །དུས་འཁོར་རྩ་རྒྱུད་ཀྱི་དུམ་བུ་བླ་མའི་དགོངས་པ་ཡོན་ཏན་ཡོངས་སུ་བཟུང་བ་ལས། ཉེ་དུ་འབྲེལ་པ་ཤུལ་ན་གནས་པ་ཡི། །གཤིན་གྱི་དུས་སུ་དགེ་བ་གང་བྱས་པའི། །རྣམ་པར་སྨིན་པ་བས་ཕྱིར་བེའུ་བཞིན། །གང་དུ་སྐྱེས་བ་དེ་ཡི་རྗེས་སུ་འབྲང་། །དེ་བཞིན་མོས་གུས་ལྡན་པའི་སློབ་མ་ཡིས། །བླ་མ་འད…

ཀྱིས་བསྒྱུར་བའི་བཅུ་ཡི་དཔངས་དང་སོར་གཉིས་དག་གི་མཆུ། །དུག་གི་མགྲིན་པ་སོར་བརྒྱད་ཁ་དེར་རི་བོང་འཛིན་པ་ལྟར་དཀར་ཞི་རྒྱས་པའོ་གཞན་ལ་མིན། །ཞེས་ཁྲུས་བུམ་དང་རྣམ་བུམ་སོགས་རྒྱུར་སོར་བཅུ་དྲུག །དཔངས་ལ་ཉི་ཤུ། མགྲིན་པར་དྲུག །ཁ་སོར་བརྒྱད་དུ་བྱས་པའི་གསུམ་ཆ་གཉིས་པ་ལ་བུག་པ་ཡོད་པ། མཆུ་སོར་གཉིས་པ་འཕྱང་བ་རྒྱས་པ་སོགས་ལས་བཞིའ…

མ་རྒྱུད་ལ་ཡོངས་སུ་གྲགས་པའི་མཆོད་པ་ཁྱད་པར་གྱི་རིག་མ་བཅུ་དྲུག །བརྟག་གཉིས་ལས་གསུངས་པའི་གསང་བ་དེ་ཁོ་ན་ཉིད་ཀྱི་ལྷ་མོ་བརྒྱད་ཀྱིས་མཆོད་པ། དཀར་མོ་རི་དྭགས་མཚན་མ་འཛིན། །། སོགས་དང་། གཉིས་མེད་ཀྱི་རྒྱུད་དུས་འཁོར་དུ་མཆོད་པ་རྣམ་པ་བཅུ་གསུམ། སྔ་འགྱུར་ལ་རྒྱ་གར་གྱི་སློབ་དཔོན་མ་ཏིས་མཛད་པ་བཛྲ་ལཱ་སྱེ་སོགས་བཅུ་གཉིས། མངའ་བ…

བསྡུས་པའི་སེམས་ཅན་དག །བདག་གི་དམ་ཆོས་སྣོད་དུ་གྱུར་ཏོ་ཞེས། །དེ་ལྟར་བདག་གིས་ཁ་ཟས་སྐོམ་རྣམས་བཏང་། །རང་གི་ཕུན་ཚོགས་བསྒྲུབ་པར་བྱ་ཕྱིར་མིན། །ཞེས་དང་། སྦྱིན་པའི་འབྲས་བུ་མང་པོ་ཐོབ་གྱུར་ནས། །སྲིད་པའི་མུན་ནག་འཐོམ་པའི་སྐྱེ་བོ་ལ། །དམ་པའི་ཆོས་ཀྱི་སྦྱིན་པ་རྒྱ་ཆེན་གྱིས། །ཞེས་སོ། །དཀོན་མཆོག་ཏ་ལ་ལས། དེ་དག་བསྡུ་བའི་དང…

པར་སྨྲས་པ་དག །རབ་ཤེས་བློ་ཆེན་སྐྱེ་བར་རུང་བ་ཉིད། །ཤིན་ཏུ་ཡིད་གཞུང་ཡོངས་སུ་སྨིན་པའི་མཚན། །ཞེས་སོ། །ཇི་སྐད་དུ། ཕན་ཡོན་མཐོང་བའི་ཤེས་རབ་ཅན། །རྩེ་གཅིག་བསམ་པའི་བསམ་གཏན་ཅན། །བརྟན་ཅིང་སྤྲོ་བའི་བརྩོན་འགྲུས་ཅན། །དཀའ་སྤྱད་མི་སྐྱོ་བཟོད་བསྲན་ཅན། །ངང་རིང་ཚིག་འཇམ་ཚུལ་ཁྲིམས་ཅན། །གཡོ་མེད་གཏོང་ཕོད་སྦྱིན་པར་ལྡན། །ལྷ་དང…

དེ་དག་བདུད་བཞིའི་ལམ་ལས་རབ་འདས་ཏེ། །བྱང་ཆུབ་བླ་མེད་མྱུར་དུ་རེག་པར་འགྱུར། །ཞེས་སོ། །ཆོས་ཐམས་ཅད་ཀྱི་རྒྱལ་པོ་ལས། ལྷ་དང་བཅས་པའི་འཇིག་རྟེན་ན། །དཀོན་མཆོག་གསུམ་པོ་མ་གཏོགས་པ། །ཡོན་གྱི་གནས་ནི་འགའ་ཡོད་མིན། །ཞེས་དང་། སོར་ཕྲེང་ལ་ཕན་པའི་མདོ་ལས། ཆོས་དང་དགེ་འདུན་གཉིས་ནི་ཐབས་ཀྱི་སྐྱབས་ལགས་ཏེ། །དེ་བཞིན་གཤེགས་པ་སྐྱབས་…

ནམས་གསོག་པའི་སླད་དུ་བསོད་སྙོམས་སོགས་བཞེས་པའི་ཚུལ་བསྟན་པ་ཡིན་ཕྱིར་ཟང་ཟིང་གི་མཆོད་པ་སྐུ་གསུང་ཐུགས་རྟེན་བཞེངས་པ། དེ་དག་ལ་བཀུར་སྟི་བྱས་པས་ཚོགས་དཔག་ཏུ་མེད་པ་འདུམས་ལ། ཁྱད་པར་ཉན་རང་གི་ཞི་བདེའི་བསམ་པ་དང་འཇིག་རྟེན་རྒྱུར་དམིགས་པ་སྤངས་ཏེ། འགྲོ་བ་ཀུན་གྱི་དོན་དུ་བདག་ཉིད་རྫོགས་པའི་སངས་རྒྱས་ཐོབ་སྟེ་ཐམས་ཅད་སྒྲོལ་བའ…

རྒྱུད་གཙུག་ཏོར་དྲི་མེད་སྣང་བར། མཆོད་རྟེན་གྱི་ལས་བྱས་ན་ཚེ་ཟད་པ་ཡང་སླར་ནུར་ཏེ་ཚེ་རིང་བར་བྱེད་དོ། །གལ་ཏེ་ཤི་བོར་ན་ཡང་སྦྲུལ་གྱི་པགས་པ་བརྗེས་པ་བཞིན་དུ་ལུས་བོར་ནས་འཇིག་རྟེན་གྱི་ཁམས་། བདེ་བ་ཅན་དུ་འགྲོ་བར་འགྱུར་རོ། །འཆི་བའི་སྡུག་བསྔལ་མྱོང་བར་མི་འགྱུར་རོ། །ཕྱིན་ཆད་ནམ་ཡང་འཆི་བའི་ཚོར་བ་མཐོང་བར་མི་འགྱུར་རོ། །ཕྱ…

པ་རྣམས་ཀྱི་གཟུགས་བྱས་ཏེ། །བལྟ་ན་སྡུག་པ་འཇིམ་པ་ལས་བྱེད་བཅུག །དེ་དག་ཐམས་ཅད་བྱང་ཆུབ་ཐོབ་པར་འགྱུར། །ཞེས་སོགས་དང་། གཞན་ཡང་ཀླུའི་རྒྱལ་པོ་རྒྱ་མཚོས་ཞུས་པ། སྤྱན་རས་གཟིགས་ཀྱི་མདོ། །དད་པའི་སྟོབས་བསྐྱེད་པའི་མདོ། །སངས་རྒྱས་ཀྱི་སྟོབས་བསྐྱེད་པའི་མདོ། དེ་བཞིན་གཤེགས་པའི་གཟུགས་བརྙན་བཞག་པའི་ཕན་ཡོན་བརྗོད་པ་སོགས་ལས་རྒྱ་…

བསྐྱེད་པ་ནི། །སེམས་ཅན་ཀུན་གྱིས་ཤེས་པ་ཡོང་མི་ནུས། །དེས་ནི་ཚེ་རབས་ཀུན་ཏུ་རྒྱལ་བ་མཐོང་། །དེ་དག་ལ་ཡང་དད་པ་བསམ་ཡས་རྙེད། །མདོ་སྡེ་ཟབ་མོའི་ཚུལ་ཡང་ཤེས་པར་འགྱུར། །དེ་ནི་མྱུར་དུ་བྱང་ཆུབ་རྫོགས་འཚང་རྒྱ། །ཞེས་སོགས་དམ་ཆོས་པད་དཀར། བརྒྱད་སྟོང་པ། སྙིང་རྗེ་པད་དཀར་སོགས་སུ་བསམ་གྱིས་མི་ཁྱབ་པར་བསྟན་ཏོ། ༈ །གཙུག་ལག་ཁང་བཞེང…

ལས། སུ་དག་དཀོན་མཆོག་གསུམ་ལ་མེ་ཏོག་དང་། །འབྲས་བུ་གསར་ཐོབ་བྱུང་བ་འབུལ་བྱེད་པ། །དེ་དག་འགྲོ་བ་རྣམས་སུ་འཁོར་བ་ན། །རོ་མཆོག་ཀུན་ཐོབ་མི་བརྫིའི་སྟོབས་དང་ལྡན། །ཅེས་དང་། དཔའ་བོའི་ཟ་མ་ཏོག་ལྟ་བུའི་གཏམ་ལས། མེ་ཏོག་བཟང་པོས་དགེ་འདུན་ལ། །རབ་ཏུ་འཐོར་ཞིང་མཆོད་བྱེད་པ། །བརྒྱ་བྱིན་ལས་ལྷག་ལོངས་སྤྱོད་ལྡན། །པདྨའི་དབང་པོ་ལྟ་བ…

པོ་དག་དང་ལྡན། །ཚངས་པའི་སྒྲ་དབྱངས་ཡིད་འོད་སྐྱེ་བ་དྲན། །དེ་དག་གིས་ནི་རྒྱན་རྣམས་སྣ་ཚོགས་འཐོབ། །ཅེས་དང་། རྒྱལ་བའི་མཆོད་རྟེན་རོལ་མོའི་སྒྲ་ཕུལ་བ། །ཟབ་ཅིང་རིག་པའི་སྤོབས་པ་ཕུན་སུམ་ཚོགས། །ཡན་ལག་ལྔ་རྫོགས་ཡིད་འོང་ཚིག་དང་ལྡན། །སྒྲ་སྐད་དག་གིས་འཇིག་རྟེན་འགེངས་པར་བྱེད། །སུ་དག་རྒྱལ་བའི་གདུང་རྟེན་སྟོད་བྱེད་པ། །དེ་དག…