གལ་ཏེ་དེར་འབབས་པ་ཡོད་ན། གཞུང་ཚིག་ཀྱང་། དེ་ལ་ཞེས་འདོན་དགོས་ལ། དེའི་ཚེ། ཤར་ཕྱོགས་ཀྱི་རྒྱ་མཚོ་ཆོས་ཅན། མ་དྲོས་པར་ཐལ། གང་ཁྱོད་ལ་འབབ་པའི་ཕྱིར། ཞེས་སོགས་ཐལ་འགྱུར་བསམ་གྱིས་མི་ཁྱབ་པ་སྤྲོར་ཡོད་དོ། །འདུས་བྱས་མི་རྟག་པ་སྒྲུབ་བྱེད་དུ་བཀོད་པ་ནི་སྙིང་རྗེའི་ཡུལ་ལོ། །དེས་ན་སྡོམ་གསུམ་ལས་ཏི་སེ་སོགས་རྒྱུད་སྡེ་ནས་གསུངས་པ…

མིན་ཅིང་། རྒྱུད་སྡེ་ནས་བཤད་པའི་ཧི་མ་ལ་ཡང་མ་ཡིན་པར་ལུང་རིགས་ཀྱིས་གྲུབ་བོ། །གཉིས་པ་ལ། ཕྱིའི་ཡུལ་ཆེན་ངོས་བཟུང་ལ་གཞུང་སོ་སོའི་ལུགས་བཤད་པ། ཡུལ་ཆེན་པོ་བདུན་བཤད་དེ་དོགས་པ་བསལ་བའོ། །དང་པོ་ལ་བཞི། དང་པོ་འཁོར་ལོ་བདེ་མཆོག་ལས་རྩ་རྒྱུད་ཀྱི་དངོས་བསྟན་ཡུལ་ཉེར་བཞི་གསུངས་པའི། པུལླི་ར་མ་སྟེ་གང་པའི་གནས་ནི། རྡོ་རྗེ་གདན་…

དེ་ལ་གཙུག་ལག་ཁང་བརྩེགས་པ་ཡོད། དེའི་རྒྱང་གྲགས་གཅིག་གི་ཕ་རོལ་ན། སྒྲུབ་ཕུག་བརྒྱ། ཆུ་མིག་བརྒྱ། ཤིང་དྲུང་བརྒྱ་ཡོད་པའི་ཐད་ཀའི་བྲག་དཀྱིལ་ན་ཆུ་འབབ་པ། དེ་ལ་མུ་སྟེགས་པ་རྣམས་ཁྲུས་བྱེད་པ་ཡོད་དོ། །ཞེས་གསུངས། ཨོ་ཌི་ཡཱ་ན་ནི་འཕུར་འགྲོ་སྟེ། རྒྱལ་པོ་ཨིནྡྲ་བྷཱུ་ཏི་བྱོན་པའི་ཡུལ་རྡོའི་ཆོས་འབྱུང་ཡོད་པའི་གནས་སོ། །ཨཆུ་ཏ་ནི…

བུ་གསུངས། ལྷོ་ནུབ་དགའ་བྱེད་དབང་ཕྱུག་གིས་བྱས་པའི་དབང་ཕྱུག་ཆེན་པོའི་རྟེན་ཡོད་པ་དེ་ཡིན་ཞེས་དམར་བཞེད། ཆོས་རྗེས་ཀྱང་ལྷོ་ཕྱོགས་ན་ཡོད་པར་གསུངས། དེ་ཝཱི་ཀོ་ཊ་ནི་ལྷ་མོ་རྫོང་སྟེ་ཤར་ཕྱོགས་བ་རེནྡྲའི་ས་ཕྱོགས་གྲེ་མོའི་ལྷོ་ཐད་ན། གྲོང་ཁྱེར་པཉྩཔ་ཞེས་བྱ་བའི་རྒྱང་གྲགས་བཞིའི་ཕ་རོལ་ན་དེ་ཝཱི་ཀོ་ཊའི་ལྷ་ཁང་ཡོད། མཱ་ལ་བཱ་ནི་ན…

ལ་དགེ་བ་ཅན་ནམ་མཛོད་ལེན་ནི། རྒྱལ་པོ་གསལ་རྒྱལ་གྱི་ཡུལ་ཏེ། སྔོན་དགེ་བ་ཅན་གྱིས་བརྩིགས་པས་དེ་སྐད་དུ་གྲགས། དེའི་རྒྱང་གྲགས་གཅིག་གི་ཕ་རོལ་ན་རྡོའི་ལིངྒ་སྣ་ལྟ་བུས་མཚན་པ་ཡོད། ཀ་ལིངྐ་། གུ་གེ་ནང་གི་རྒྱབ། རྡོར་གདན་ནས་དཔག་ཚད་བཅུ་གཉིས་ཀྱི་ཚུ་རོལ་ན། གླང་པོ་ཆེ་འཛིན་པའི་ས་ཞེས་སྒྲུབ་གནས་ཡོད་པ་དེ་ཡིན། ཁ་ཅིག་རྡོར་གདན་ནས་…

ཧྲང་སྤྱི་དེར་འདོད་ཀྱང་། བྱང་ཕྱོགས་ན་ཡོད་པར་འདོད་པ་དག་གོ །གྲི་ཧ་དེ་ཝ་ཁྱིམ་གྱི་ལྷ་སྟེ། ལི་ཡུལ་ལྕང་ར་སྨུག་པོ་ནི་རྡོའི་ལིངྒ་སྙིང་ལྟ་བུས་མཚན་པའི་སྒྲུབ་གནས་ཡོད་ཅེས་ཟེར། སོ་རཋ་ནི་ཡུལ་འཁོར་བཟང་པོ་ཅན་ཏེ། ནུབ་ཕྱོགས་ན་སོ་མ་ནཱ་ཐ་ཞེས་རྣལ་འབྱོར་དབང་ཕྱུག་གི་སྐུ་བཞུགས་པ་དེའོ། །སུ་བནྡྷ་དཱི་པ་གསེར་གླིང་སྟེ། ཤར་ལྷོའི་…

ནས་སོ། །གསུམ་པ་ཡུལ་སུམ་ཅུ་རྩ་གཉིས་ནི། རྩ་བའི་རྒྱུད་བརྟག་པ་གཉིས་པའི་དངོས་བསྟན་ཏེ། འདི་ལ་གཞུང་སྒྲ་ཇི་བཞིན་པར་སོ་གཉིས་སུ་འདོད་པ་དང་། འཁྲུགས་པ་སྡེབས་ནས་སུམ་ཅུ་རྩ་གཉིས་སུ་འབྱེད་ཚུལ་གཉིས་ཡོད་དེ་ཊཱི་ཀ་ལས་གསལ་ཞིང་། ཕྱི་མ་འདི་རྗེ་བཙུན་ཆེན་པོ་ཡབ་སྲས་ཀྱི་བཞེད་པ་བླ་ན་མེད་པའོ། །བཞི་པ་ཡུལ་ཞེ་བརྒྱད་དུ་བཤད་པ་ནི། འཁ…

བུད་མེད་རྣམས་ཀྱང་བརླབས་ཏེ་རྣལ་འབྱོར་པ་རྣམས་ཀྱང་བྱིན་གྱིས་རློབ། དེའང་བསྡུ་ན་སོ་གཉིས། དེའང་ཉེར་བཞི། དེ་བཅུ་གཉིས། དེ་བརྒྱད་དུ་འདུ་བས་ན། གང་ཟག་གི་ཁམས་དང་བསྟུན་པ་སྟེ་འགལ་བ་མེད་དོ་ཞེས་འཇམ་དབྱངས་བསོད་ནམས་རྩེ་མོས་གསུངས་སོ། །གཉིས་པ་ལ། སྔ་རབས་པ་དག་ལས་ལྷ་བཙུན་པས་སོ་གཉིས་ཀྱི་སྟེང་གླེང་གཞི་དང་། བཞི་བོ་གཅིག་ཏུ་བས…

མཚོན་པའི་ས་བཅུ་དྲུག་དང་སྦྱར་ཏེ་དགའ་བའི་མེ་ཏོག་ལས་བཤད་པ་ནི། ཨུ་ཌི་ཡཱ་ན༡། འཕུར་བའི་ཐེག་པ། ཛ་ལནྡྷ་ར༢། དྲ་བ་འཛིན་པ། པུལླི་རཱ་མ ༣། སྐྱེས་བུའི་རྟགས་ལ་དགའ་བ། ཀཱ་མ་རཱུ་པ་། འདོད་པའི་གཟུགས། མཱ་ལ་ཝ་ནའདི་རྣམས་ཟུར་ཆགས། ༥། ཕྲེང་ལྡན། སིནྡྷ༦། འཁྱོག་འགྲོ། ནཱ་ག་ར༧། གྲོང་ཁྱེར་མང་པོ། སིངྒ་ལར། སེང་གེས་འཛིན་པ། མུ་རྨུ་ན༩།…

ཡ ༣ ༣། ཁ་བའི་གནས། སོ་རཋས༣༤། ཡུལ་འཁོར་བཟང་པོ། ཀ་ལིངྐ་༣༥། དུས་མཚན། ཀོ་ཤ་ལ་སྱ ༣༦། མཁས་པས་བྱས་པ། བཛྲ་ས་ན༣༧། རྡོ་རྗེའི་གདན་རྣམས་སོ། །དེ་ཡང་བརྟག་གཉིས་ལས་གསུངས་པའི་གནས་ཉེར་དགུ་དང་། དེར་དངོས་སུ་མ་གསུངས་པའི་ཀེ་ད་ར་སོགས་བདུན་དང་། རྩ་བའི་གནས་རྡོ་རྗེའི་གདན་ཏེ་སོ་བདུན་ནོ། །གཉིས་པ་སློབ་དཔོན་རྡོ་རྗེ་གསང་བས་རང་གཞིན…

དང་། གཉིས་པ་ནི། འདོད་ཁམས་༡༠། གཟུགས་ཁམས་༡༦། གཟུགས་མེད། བསམ་གཏན་བཞི་པ་མན་ཆད་ལ། ཆགས་པ། འཇིག་པ། འགྲོ་བ། མི་འགྲོ་བ། འདོད་པ་ཅན་ཏེ་བསྣན་པས་སོ་བདུན་ནོ། །དེ་ལྟར་སྤྱིར་ཡུལ་ཆེན་སོ་སོར་བཤད་པ་དང་། ཁྱད་པར་འཛམ་གླིང་དུ་ཡོད་ཚུལ་དང་པོར་བཤད་པ་འདི་ཁོ་ན་ལ་ཡིད་རྟོན་པར་གྱིས་ཤིག །གསུམ་པ་རྡོ་རྗེ་གདན་གྱི་རྣམ་གཞག །ཐེག་ཆེན་ཐུན…

བཟང་པོའི་སངས་རྒྱས་ཐམས་ཅད་སངས་རྒྱ་ཚུལ་སྟོན་པ་དང་། འཇིག་པ་མེད་པར་ནི་ཐེག་པ་གཉིས་ཀས་འདོད་དོ། །དེར་བདག་ཅག་གི་སྟོན་པ་སངས་རྒྱས་པའི་ཚེ། བྱང་ཆུབ་ཀྱི་ཤིང་མ་ཡིན་པའི་ཤིང་གཞན་རྣམས་འོད་ཟེར་གྱིས་བསྲེགས་ཏེ། ད་ལྟ་ཡང་བྱང་ཆུབ་ཀྱི་ཤིང་ནས་ཅུང་ཟད་ཤར་དུ་ཕྱིན་པ་ན། སངས་རྒྱས་ཀྱི་སྐུ་ཚད་གཅིག་དང་། དེའི་སྟེང་ན་འོད་ཟེར་བཀྱེ་བའི་…

ན་རྡོའི་ཐེམ་སྐས་བྱུང་བ་ཡོད། དྲུག་པ་བྱང་ཕྱོགས་སུ་རྒྱང་གྲགས་གཅིག་བྱོན་པའི་སར། ཀུན་ཏུ་རྒྱུ་བཏུལ་བའི་ཤུལ་དུ། ཤིང་ནྱ་གྲོ་དྷའི་རྩ་བར་མཆོད་རྟེན་ཞིག་ཡོད། བདུན་པ་རྡོ་རྗེ་གདན་གྱི་ཤར་ཕྱོགས་སུ་ཚོང་དཔོན་ཟུང་གིས་སྦྲང་རྩི་ཕུལ་བར། མཆོད་རྟེན་གྱི་ལོགས་སུ་སྟོན་པ་དང་། ཚོང་དཔོན་གྱི་གཟུགས་རི་མོར་བྲིས་པ་ཡོད། དེ་ནས་ལྷོ་ནུབ…

ཐོག་རིམ་པ་གཉིས་རེ་ཡོད་ཅིང་། ཏོག་དང་བཅས་པས་བརྒྱན། གཙུག་ལག་ཁང་གི་ཤར་མའི་ནང་སྐོར་ལ་ཁོར་ཡུག་ཏུ་རྡོའི་མཆོད་མེའི་ཀོང་བུ་དང་། ཕྱི་སྐོར་ལ་ཉེ་སྲས་བརྒྱད། ལྷོ་ཕྱོགས་སོགས་གཞན་ལ་ཉན་ཐོས་ཆེན་པོ་རྣམས་ཀྱི་སྐུ་གྲངས་མེད་པ་བཞུགས། དེའི་ཕྱི་རོལ་དུ་འཁོར་ས་རིམ་པ་གཉིས་ཡོད་པར་གྲགས་ཀྱང་། དེང་སང་གཅིག་ལས་མེད། འཁོར་ས་ཕྱི་མ་ལ་སྒོ…

དེའི་ལྷོ་ཕྱོགས་ན་གྲོང་ཁྱེར་སྒྲ་བཅས། རྡོ་རྗེ་གདན་གྱི་ནུབ་ཕྱོགས་ཞག་བདུན་ཙམ་ན་ཆོས་འཁོར་གནས་ཝཱ་ར་ཎཱ་སཱི། དེ་གཉིས་ཀྱི་བར་ན་ཡངས་བ་ཅན། ཝཱ་ར་ཎཱ་སཱིའི་ནུབ་ན་ཛ་བོ་ན་སྭ་ར་སྭ་ཏཱི་ཞེས་གངྒཱའི་ཡ་གྱལ་གྱི་ཆུ་བོ་ཞིག་ཡོད། དེའི་ཕ་རོལ་ན་མཉན་ཡོད་ཉེ་ལོགས་སུ་ཆུ་སྲིན་བྱིས་པ་གསོད་ཀྱི་གནས་དང་། གྲོང་ཁྱེར་ཀེ་ལ་ཤ་སོགས། ཡང་རྡོ་རྗ…

སྟུག་པོའི་ཞིང་ཁམས་འཇིག་མེད་པ། །ཞེས་བཤད་པས། རྗེ་བཙུན་གོང་མ་རྣམས་སྟུག་པོ་བཀོད་པ་ཁམས་གསུམ་གྱི་སྐྱོན་ལས་གྲོལ་ཞིང་རྒྱུན་མི་འཇིག་རྟག་པ་ཡིན་པར་བཤད་ལ། འོན་ཀྱང་། གཟུགས་ ཀྱི་ཁམས་ཀྱི་འོག་མིན་དུ། །འདོད་ཆགས་བྲལ་ཁྱོད་འཚང་རྒྱའོ། །ཞེས་བཤད་པ་དང་འགལ་ལོ་ཞེ་ན། དེ་ནི་ཁ་དོག་དང་དབྱིབས་ཀྱི་རྣམ་པར་གསལ་བས་གཟུགས་ཀྱི་ཁམས་སུ་བཞ…

ཞེས་བཤད་པས། ད་ལྟའི་འདིར་ཀ་རཉྫའི་ཤིང་མེད་ཅིང་། དེ་མེད་པས་དེར་གནས་པའི་ལྷ་མོ་ཞི་བྱེད་མ་ཡང་མེད་ལ། དེ་ཕྱིར་ཙ་རི་ཏྲ་མ་ཡིན་པར་གྲུབ་བོ། །ལ་ལ་དག་དེ་ཝི་ཀོ་ཊ་ཡིན་པར་སྨྲ་སྟེ། དེ་ལ་མིག་གཉིས་དང་སྦྱར་བའི། གཅིག་ཤོས་རྒྱ་གར་ལྷོ་ཕྱོགས་ལྷ་མོའི་མཁར་ན་ཡོད་ཅིང་། གཅིག་པོ་བོད་ཀྱི་འདིར་འདོད་ན། དེར་བྷ་དྲའི་ཤིང་སྟེ། མགུལ་ཆོག་ས…

འཛམ་བུའི་གླིང་གི་དབང་དུ་བྱས་ནས་སྤྱོད་པ་རྒྱུ་བའི་ཡུལ་གྱི་ཙ་རི་ཏྲ་དེ་ཡིན་པར་ལུང་རིག་མན་ངག་གིས་གྲུབ་པ་ཞིག་དགོས་ཀྱི། སྤྱིར་ཙ་རི་ཏྲ་ཞེས་བཤད་པས་མི་འགྲུབ། སྤྱིར་ཨོ་རྒྱན་ཞེས་བཤད་པས། ཡར་ལུང་ཨོ་རྒྱན་དུ་མི་འགྲུབ་པ་བཞིན་ནོ། །དེ་ལྟ་མོད་ཀྱི་དེར་རྒྱུ་བའང་གྲུབ་ཐོབ་དག་གིས་རྒྱུ་བར་རྒྱུད་ནས་གསུངས་པའི་ཕྱིར་ཕལ་པས་རྒྱུ་བ…

ལ་ཡོངས་སུ་གྲགས་པ་དེ་ཡང་མིན་ལ། ཡུལ་ཉེར་བཞིའི་ནང་ཚན་ཧི་མར་ཡང་མིན་ཅིང་། མདོར་ན་དེ་རྣམས་གང་ཡང་མ་ཡིན་པའི་ཕྱིར་དང་། གཏམ་རྒྱུད་ཚད་མ་ལས། རང་མཆན་ལས། བོད་རྒྱ་གར་གྱི་བར་ན་སྟོད་མངའ་རི་ནས་རྒྱ་ནག་གི་བར་བར་མ་ཆད་པའི་རི་རྒྱུད་གཉིས། བོད་ནས་ཧོར་གྱི་བར་ན་ཆགས་པའི་ནང་རྒྱུད་དེ། དེ་ལྟར་གསུམ། ཆུ་བོ་ཤཱི་ཏའི་བྱང་ནས་རི་རྒྱུད་ད…

པ་སྤྲུལ་པ་ནི། །ཆོས་སྐུ། ཞེས་དགར་ཚིག་དང་བཅས་ཏེ་གསུངས་པ། གསུམ་པོ་དེ་སྐུའི་གྲངས་ངེས་ཀྱི་དབྱེ་གཞིར་བསྟན་པ་འདྲ། མདོ་རྒྱན་ལས། སྐུ་གསུམ་དག་གིས་སངས་རྒྱས་ཀྱི། སྐུ་བསྡུས་པར་ནི་ཤེས་བྱ་སྟེ། །ཞེས་དང་། མེ་ལོང་ཡེ་ཤེས་མི་གཡོ་སྟེ། །ཡེ་ཤེས་གཞན་ནི་དེ་ལ་བརྟེན། །མཉམ་པ་ཉིད་དང་སོ་སོར་རྟོག །བྱ་བ་གྲུབ་པ་ཁོ་ནའོ། །ཞེས་བཞིར་བཤ…