དང་ལོངས་སྤྱོད་ལ་ཆགས་པ། ཁོང་ཁྲོ་ནི་ཕ་རོལ་མནར་སེམས་པ། ང་རྒྱལ་ནི་ཁེངས་པའི་རྣམ་པ་ཅན་ཏེ། དབྱེ་ན། ང་རྒྱལ། ལྷག་པའི་ང་རྒྱལ། ང་རྒྱལ་ལས་ཀྱང་ང་རྒྱལ། ངའོ་སྙམ་པའི་ང་རྒྱལ་ཏེ་བདག་འཛིན། ཡུལ་དེ་དང་ཁྱད་པར་ཆེ་རུང་ཅུང་ཟད་ལས་མེད་སྙམ་པའི་ང་རྒྱལ། ཡོན་ཏན་ལ་རྩིས་དེ་ཙམ་མ་འོས་ཀྱང་། རྩིས་ཆེར་བྱེད་པ་མངོན་པའི་ང་རྒྱལ། ལོག་པའི་ང་ར…

མ་སྟེ་བརྒྱད་དམ་ཡོད་མེད་རྟག་ཆད་བཞིའོ། །ལྟ་བ་ལྔ་པོ་ལ། འདོད་ཁྲོ་སོགས་གོང་གི་ལྟ་མིན་ལྔ་བསྡོམས་པས་སྲིད་པའི་ཕྲ་རྒྱས་བཅུའོ། །སེམས་ཁྲོ་དང་སྔོན་མར་མཁོན་འཛིན་འཆབ་གསང་དང་འཚིག ཚིག་པ་ཟ། ཕྲག་དོག ཕྲག་པ་ཡན་ལ་མི་ཤོར་བ་སེར་སྣ་སྒྱུ་དང་གཡོ། །རྒྱགས་ལོང་ཤོར། དང་འཕྱར་གཡེང་ངོ་བདག་དང་ཆོས་ཀྱི་ཚ་མེད། །ཁྲེལ་གཞན་གྱི། མེད་རྨུགས་…

འཇུག་ཤེས་དྲུག་ནི་རྦ་རླབས་ལྟ་བུ། ཉོན་ཡིད་ནི་རང་གི་འཁོར་ཐུན་མོང་མ་ཡིན་པ་བཞི་དང་ལྷན་ཅིག་ཏུ་ཀུན་གཞི་ལ་དམིགས་ནས་ཁ་ནང་བསྟན་དུ་པའོ་སྙམ་དུ་འཛིན་པ། བདག་ཏུ་འཛིན་པའོ། །འཁོར་བཞི་ནི། བདག་ཏུ་རྨོངས་པ། བདག་ཅེས་པ་ལས་རྒྱུ་མཚན་ཅི་ཡང་མི་ཤེས་པ། བདག་ཏུ་ལྟ་བ། བདག་ཏུ་ང་རྒྱལ་བ། བདག་ལ་ཆགས་པ་སྟེ་བཞིའོ། །ཚོགས་བརྒྱད་པོ་བསྡུ་ན་ས…

བསོད་ནམས་གནས་ཡིན་པ་དང་། གནས་མིན་ནི་སྡིག་པས་གནས་མ་ཡིན་པ་ལྟ་བའོ། །འདི་དག་གི་སྐབས་སུ་རྒྱུ་འབྲས་རྐྱེན་གསུམ་གྱི་རྣམ་གཞག་ཅུང་ཟད་བཤད་ན། རྒྱུ་ནི། མཛོད་ལས། བྱེད་རྒྱུ་ལྷན་། ཅིག་འབྱུང་བ་དང་། བདག་རྐྱེན་དང་གཅིག །སྐལ་མཉམ་ནས་ལས་ནས་སྐྱེ་བ་ལྟ་བུ། མཚུངས་པར་ལྡན་པ་དང་། ཕན་ཚུན་གཅིག་ལ་གཅིག་བརྟེན་པ། །ཀུན་ཏུ་འགྲོ་དང་རྣམ་སྨ…

གྱི་རྒྱུའི་མཚན་ཉིད་དེ། མཚུངས་པ་ལྔ་ནི། དམིགས་རྣམ་རྫས་རྟེན་དུས་མཚུངས་པའོ། ༈ །དེ་ལྟར་སྡོམ་དྲུག་ཤེས་ནས། གྲུབ་མཐའ་བཞིའི་ལྟ་བ་ལ་བསླབ་པར་བྱ་སྟེ། དེ་ཡང་ཐེག་པ་ནི་གསུམ་སྟེ། ཉན་རང་བྱང་སེམས་ཀྱི་ཐེག་པ་གསུམ་མོ། །གྲུབ་མཐའ་བཞི་སྟེ། བྱེ་མདོ་དབུ་སེམས་བཞིའོ། །སྔ་མ་གཉིས་ནི་ཐེག་དམན་ཏེ་ཉན་རང་དང་། ཕྱི་མ་གཉིས་ནི་ཐེག་ཆེན་བྱ…

ཀྱང་ཡོངས་གྲུབ་ཡོད་པར་འདོད་པས་དེ་གསུམ་ལ་དངོས་པོར་སྨྲ་བ་ཞེས་འཇོག །འདི་གཉིས་ཀྱི་བདེན་གཉིས་འདོད་ཚུལ་ལ། བྱེ་སྨྲ་བས། མཛོད་ལས། གང་ལ་བཅོམ་ཐོ་བ་ལྟ་བུས། དང་བློ་ཡིས་གཞན། །བསལ་ན་དེ་བློ་སྔ་མའི་གཟུགས་ཀྱི། མི་འཇུག་པ། །བུམ་ཆུ་འཐོར་བའི་ཐིགས་པ། བཞིན་དུ་ཀུན་རྫོབ་ཏུ། །ཡོད་དེ་དོན་དམ་ཡོད་གཞན་ནོ། །ཞེས་དང་། མདོ་སྡེ་པས། རྣམ…

གིས་བསྡུས། རྣམ་པར་རྟོག་པའི་གཟུང་འཛིན་གཉིས་བསྡུས་ཀྱི་ཆོས་ཏེ་གཞན་དབང་ཀུན་རྫོབ་བདེན་པ། ཡང་དག་པའི་ཡེ་ཤེས་དང་། དེ་བཞིན་ཉིད་ནི་གཟུང་འཛིན་གཉིས་མེད་རི་རྭ་ལྟ་བུ། ཀྱི་ཤེས་པ་རང་རིག་རང་གསལ་ཡོངས་གྲུབ་དོན་དམ་པའི་བདེན་པའོ། །མཚན་ཉིད་གསུམ་ནི། ཀུན་བརྟག་གཞན་དབང་། ཡོངས་གྲུབ་བོ། །དེ་ལའང་རྣམ་གྲངས་པ་དང་། མཚན་ཉིད་ཡོངས་སུ་ཆ…

ཚིགས་ཆེན་པོ་ལྔས་ཆོས་ཐམས་ཅད་སྐྱེ་མེད་དུ་གཏན་ལ་འབེབས་པའི་ཚུལ་ལ། རྒྱུ་ལ་དཔྱོད་པ་རྡོ་རྗེ་གཟེར་རྣོན་པོ་མ་ནི། སྙེ་མ་རང་ལས་སྐྱེ་བ་མ་ཡིན་པ་སོགས་མུ་བཞི། འབྲས་བུ་ལ་དཔྱད་པ་ཡོད་མེད་སྐྱེ་བྲལ་ནི་ས་བོན་འབྲས་བུ་ཡོད་ནས་སྐྱེ་བ་མ་ཡིན་པ་སོགས་དང་། གཉིས་ཀ་ལ་དཔྱད་པ་མུ་བཞི་སྐྱེ་འགོག་ནི། རྒྱུ་གཅིག་ལས་འབྲས་བུ་དུ་མ་སྐྱེ་བ་མ་ཡ…

བཞིན་ནོ། །དེས་ན་ལེགས་པར་རྩད་བཅད་ནས་མེད་པར་ཤེས་དགོས་སོ། །གང་ཟག་གི་བདག་མེད་ནི། ངའོ་སྙམ་པའི་བདག་འཛིན་དང་། དེས་ན་མུ་སྟེགས་བྱེད་ཀྱིས་གསར་དུ་བཏགས་པའི་ལོག་ རྟོག་བསམ་གྱིས་མི་ཁྱབ་པ་དང་བཅས་པ་སྟེ་དེ་ནི་ཕུང་པོ་ལྔ་སོགས་གང་ལ་འབད་པས་བཙལ་ཀྱང་བཙལ་མཁན་ལས་ལོགས་སུ་མ་རྙེད། བཙལ་མཁན་གྱི་སེམས་ཁོ་རང་ཡང་དུས་ཀྱི་ཆ་སྐད་ཅིག་མར་…

སྟེང་ན་རྣམ་རྟོག་རྩད་བཅད་བཞིན་བདག་མེད་དུ་བསིལ། དེ་ཡང་སྟོང་པར་སྟོང་བཞིན་ཤེས་ཙམ་དྲན་ནས་བཞག་པ་ནི་སེམས་སྟོང་པར་ངེས་པའོ། །དེ་ཡང་བློ་འདས་སྤྲོས་བྲལ་དུ་ཤེས་པ་ནི་སྟོང་པ་རིག་པར་ངེས་པའོ། །མན་ངག་གི་དབང་དུ་ན་སེམས་གནས་བཞིན་དུ་མ་འགགས་པའི་ངང་ནས་ཅི་ཡང་ཤེས་པ་དང་གོ་བ་སོགས་ལྷག་མཐོང་ངོ་མ་དང་། ཤེས་བཞིན་པའི་གསལ་ཆའི་ངང་དུ་ལ…

མོས་པ། རྩོལ་དང་ཤིན་དགའ་བ་སྐྱེ་བ། སྦྱངས་དང་། །མ་བརྗེད་པ། དྲན་ཤེས་གཡང་སར་འཛེམ་པ་ལྟ་བུ། སེམས་དང་བཏང་སྙོམས་རྩོལ་བ་དོར་བ། སོ། ཞེས་སོ། །ཤེས་རབ་ཀྱི་བསླབ་པ་ནི་ཆོས་ཐམས་ཅད་རྟེན་འབྲེལ་ཙམ་དུ་ཤེས་པའོ། །དེ་ལ་རྟེན་འབྲེལ་ནི་བཅུ་གཉིས་ཏེ། མ་རིག་པ་ཀུན་ཏུ་རྨོངས་པ། འདུ་བྱེད་སྒོ་གསུམ་གྱི་གསུམ། རྣམ་ཤེས་ཚོགས་དྲུག་གམ་བརྒྱད།…

ཟུང་འཇུག་དབུ་མའི་ལམ་རྨད་དུ་བྱུང་བ་རྟོགས་པར་བྱའོ། །ཞེས་པའང་ཟིན་བྲིས་ལས་བཏུས་སོ། །སརྦ་མངྒ་ལམ།། ༈ །།དབུ་མ་ཐལ་རང་གཉིས་ཀྱི་ཁྱད་པར་བྱ་བ་ཤིན་ཏུ་མང་། རགས་པར། རྩ་ཤེ་ལས། བདག་ལས་མ་ཡིན་གཞན་ལས་མིན། །གཉིས་ལས་མ་ཡིན་རྒྱུ་མེད་མིན། །དངོས་པོ་གང་དག་གང་ལས་ཀྱང་། །སྐྱེ་བ་ནམ་ཡང་ཡོད་མ་ཡིན། །ཅེས་པའི་དོན་འཆད་པ་ན། ཐལ་འགྱུར་བ་ར…

གུ་གཞན་མིན་པར་བཞེད་པའི་ཕྱིར་དང་། ས་བོན་གྱི་དུས་སུ་མྱུ་གུ་མ་སྐྱེས། མྱུ་གུའི་དུས་སུ་ས་བོན་འགགས་ནས་མེད་པར་བཞེད་པའི་ཕྱིར་རོ། །རང་རྒྱུད་པས་ཐ་སྙད་དུ་གཞན་སྐྱེ་ཁས་ལེན་ཏེ། ས་བོན་ལས་མྱུ་གུ་སྐྱེ་ཞིང་། ས་བོན་ལས་མྱུ་གུ་གཞན་ཡིན་པར་བཞེད་པའི་ཕྱིར་རོ། །ཡང་། ཐལ་འགྱུར་བས་འདུ་བྱེད་ཐམས་ཅད་བསླུ་ཆོས་ཡིན་པས་ཚད་མའང་བསླ་ཆོས་…

གེའི་དྲིས་ལན་ལས་ཁོལ་བཏུས་བཞུགས་སོ། །བླ་མ་ལ་ཕྱག་འཚལ་ལོ། །རང་རྒྱལ་གྱི་གྲུབ་མཐའ་དབུ་མ་པར་སྡུད་པར་རྗེ་བཙུན་རྩེ་མོས་གསུངས། དེ་ལྟར་ན་བླ་མེད་ཀྱི་བསྐྱེད་ཆོག་དང་སྦྱར་དགོས་པར་འགྱུར་རམ་སྙམ་ན། དེའི་དོན། སྤྱིར་སངས་རྒྱས་པའི་གྲུབ་མཐའ་ལ་བརྗོད་དུ་མེད་པའི་གང་ཟག་གི་བདག་ཁས་ལེན་པ་སོགས་བཞི་ལ་རིམ་བཞིན་སྦྱར་བ་ལས། གྲུབ་མཐའ་…

ཆོག་བཟང་པོ་ཡོངས་བཟུང་། སྒྲུབ་ཐབས་ཡན་ལག་དྲུག་པ། བདག་མེད་མའི་སྒྲུབ་ཐབས། རྡོ་རྗེ་གུར་གྱི་སྒྲུབ་ཐབས། གཏུམ་མོའི་འགྲེལ་ཆུང་། སྦྱིན་སྲེག །ཕྱག་མཚན་གྱི་དག་པ། གཏོར་མ། སྔགས་དོན་གཅིག །ཡང་སྔགས་དོན་གཅིག །བདུད་རྩི་འོད། ལྷན་ཅིག་སྐྱེས་གྲུབ། ལམ་གྱི་ཡན་ལག་ལ་དེ་ཉིད་བཅུ་པ། ཚོགས་ཀྱི་འཁོར་ལོ། དྲན་པ་གཅིག་པ། དཔའ་མོ་གཅིག་པ། …

དགོངས་པ་འགྲེལ་བ་ལུགས་ཀྱི་ཆོས་སྐོར་མི་ཐུབ་ཟླ་བ་ཡན་ཆད་ཀྱི་གཞུང་༡༤། དམའ་བོ་རྡོ་རྗེའི་རིན་ཆེན་འབར་བ་བསྟན་བཅོས་ཀྱི་ངོས་ནས་གཅིག་ཡིན་ཀྱང་ལེའུ་རེ་རེའི་བརྗོད་བྱའི་ངོས་ནས་གཞུང་གཞན་རྣམས་དང་དོན་མཉམ་དུ་ཡོད་པས་དགུར་བགྲང་འདུག་པ༢༣། མཚོ་སྐྱེས་ལུགས་ལ་བདུན། ནག་པོ་ལུགས་ལ་བཅུ་གཉིས་ཏེ་ཞེ་གཉིས་ཡོད་པ་ལས། ཌོམྦྷིའི་ལྷན་ཅིག་ས…

གསུམ་པ་ཁོ་ན་དང་། དེ་མངོན་དུ་མ་གྱུར་པའི་གཞན་སྣང་གི་མཁྱེན་ཚུལ་ཏེ། འདི་རྩེ་མོས། སངས་རྒྱས་ཆུང་ངུ་ཉན་ཐོས། འབྲིང་རང་རྒྱལ། ཆེན་པོ་ཕར་ཕྱིན་གྱི་ས་བཅུ་གཅིག་པའམ་བཅུ་གཉིས་པར་བཤད། ༈ །ཕོ་བྲང་ལྔའི་ལྷ་རྣམས་རྣལ་འབྱོར་པའི་ལུས་ལ་དང་པོ་ནས་གྲུབ་པ་རྡུལ་ཚོན་སོགས་ཀྱིས་མ་བཅོས་པར་བུ་ཚའི་ལུས་གདོད་ནས་གྲུབ་པ་ཙམ་ཉིད་ནས་ལྷའི་ངོ་བ…

པར་མི་འདོད། རྒྱ་གར་དུ་ནཱ་རོ་པས་དོན་དམ་པ་དང་༡༡། བིརཱུ་པ་སོགས་དོན་ལ་༡༣འདོད་པའི་ལུགས་གཉིས་ཡོད། ༈ །ལྗོན་ཤིང་ལས་ལོག་རྟོག་དགག་པའི་སྐབས། ཕྱོགས་སྔའི་གཙོ་བོ་ནི། རྔོག་གཞུང་པ་ཡིན་ལ། གཞན་ཕྱག་རྒྱ་བ་རབ་ཏུ་མང་པོ་དག་གོ །དབང་བསྐུར་ངན་པའི་ལུགས་ནི། བྱིན་རླབས་སྨིན་བྱེད་དུ་འདོད་པ་དང་། གཡུང་དྲུང་རིས་དང་། ནས་འདྲ་རིས་ཀྱི་ད…

དུ་མེད་པའི་བདག་འདོད་པ་སོགས་བཞིའོ། །རང་རྒྱལ་དབུ་མར་བསྡུ་བ་ནི། དབུ་མའི་ལྟ་བ་ཁས་བླངས་ན་གྲུབ་མཐའ་གསུམ་ཆར་དེའི་ནང་དུ་སྡུད་དགོས་པའི་ཕྱིར་རོ། །དེས་གཞན་ལའང་འགྲེ།། ༈ །།ནམ་མཁའ་དང་འགོག་པ་གཉིས་མ་གཏོགས་པའི་ཆོས་ཁམས་ཀྱི་ཕྱོགས་རེ་ཞེས་པ་ནི། དགེ་མི་དགེ་ལུང་མ་བསྟན་གྱི་དེ་བཞིན་ཉིད་གསུམ་དང་། མི་གཡོ་བ་དང་། འདུ་ཤེས་དང་། ཚ…

གཤེགས་པ་ནི་མེ་ལོང་ལྟ་བུའི་ཡེ་ཤེས་ཏེ་ཆོས་སྐུ། དགྲ་བཅོམ་པ་ནི་མཉམ་ཉིད་ཡེ་ཤེས་ཏེ་ལོངས་སྐུ། ཡང་དག་པར་རྫོགས་པའི་སངས་རྒྱས་ནི་སོར་རྟོག་སྟེ་ལོངས་སྐུ། སངས་རྒྱས་ནི་བྱ་བ་ནན་ཏན་ཏེ་སྤྲུལ་སྐུའོ། །སྐུ་གསུམ་པོ་དེའི་ཕྲིན་ལས་ནི། རྒྱུད་ངན་པ་ལས་ཉོན་གྱི་དབང་གིས་འབྲས་བུ་ཁམས་གསུམ་དུ་སོང་བས་ན་ངན་སོང་སྟེ་འཁོར་བ་ཐམས་ཅད་ཡོངས་ས…