རང་གི་སྤྱི་བོའི་སྟེང་ན་བཞུགས་པའི་ཚེ་དཔག་མེད་ཀྱི་ཕྱག་གི་བུམ་པའི་ནང་དུ་བྱོན་ནས། འཆི་མེད་ཚེའི་བདུད་རྩིར་གྱུར་ཏེ། ཁོལ་ཞིང་ལུད་པས་བུམ་པའི་ཁ་ནས་མར་ཞལ་ལ་བྱུང་བ་ཁྱེད་རང་གི་སྤྱི་བོ་ཚངས་པའི་བུ་ག་ནས་ཐིམ་པས་ཚེ་དང་བསོད་ནམས་ཉམས་པ་ཐམས་ཅད་སོར་ཆུད་ཅིང༌། སླར་ཡང་འཕེལ་ཞིང་རྒྱས་པར་བྱིན་གྱིས་བརླབས་པ་ཡིན་སྙམ་དུ་མོས་པ་མཛོད…

དང་རྡོ་རྗེ་ལྟ་བུར་གྱུར་པ་ཡིན་སྙམ་དུ་མོས་པ་མཛོད། དེ་ཡིས་ཉེ་བར་བསྟན་པའི་སོགས་ནས་བཀྲ་ཤིས་གཉིས་པ་ཡིན། ཞེས་བརྗོད། ཡང་དམིགས་པ་འདི་བཞིན་མཛོད། སོགས་ནས་འཕྲོས་པས། ཕྱི་རོལ་ན་ཡོད་པའི་ཆུའི་དཀྱིལ་འཁོར་དང༌། ཕྱིའི་རྒྱ་མཚོ་དང༌། རོལ་པའི་མཚོ་བདུན་དང༌། ཆུ་བོ་ཆེན་པོ་བཞི་དང༌། ནཻ་རཉྫ་ར། གངྒཱ། པཀྵུ། སིནྡྷུ་ལ་སོགས་པ་རྣམས་དང…

ཅིང་སོགས་བརྗོད། ཡང་དམིགས་པ་སོགས་ནས། འོད་ཟེར་འཕྲོས་པས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ཀར་ཕོག་པས། དེ་ཐམས་ཅད་ཀྱི་ཐུགས་ཀ་ནས་ཐུགས་གཉིས་སུ་མེད་པའི་ཡེ་ཤེས་ཐམས་ཅད་འཆི་མེད་ཡེ་ཤེས་ཀྱི་བདུད་རྩིའི་ཆུ་རྒྱུན་འོ་མའི་མདོག་ལྟ་བུ་སོགས་ནས། ཁེངས་ཏེ་ཚེ་དང་བསོད་ནམས་ཐམས་ཅད་གོང་ནས་གོང་དུ་འཕེལ་ཞིང་ར…

བདེ་བ་ཅན་ན་བཞུགས་པའི་ཚེ་དཔག་མེད་ཀྱི་ཐུགས་ཀར་ཕོག་པས་ཐུགས་རྒྱུད་བསྐུལ། དེ་རྣམས་ཀྱི་ཐུགས་ཀ་ནས་ཚེ་དཔག་ཏུ་མེད་པའི་སྐུ་བསམ་གྱིས་མི་ཁྱབ་པ་སྤྱན་དྲངས་ཏེ། ཁྱེད་རང་རྣམས་ཚེ་དཔག་ཏུ་མེད་པའི་སྐུ་ཅན་དུ་གསལ་བ་ལ་ཐིམ་པས། ཚེ་དང་བསོད་ནམས་ཐམས་ཅད་འཕེལ་ཞིང་རྒྱས་པ་དང༌། རྒྱུད་བྱིན་གྱིས་བརླབས་པའི་མོས་པ་མཛོད། ཨ་མཱ་ར་ཎི་དང༌། ཚེ…

བཙུན་པ་ག་ག་ན་ཤྲཱི་བྷ་དྲས་སྦྱར་བའོ། །འདིས་སེམས་ཅན་ཐམས་ཅད་ཀྱི་ཚེ་མཐར་ཕྱིན་པར་གྱུར་ཅིག། ༈ །ཚེ་དཔག་མེད་གྲུབ་རྒྱལ་ལུགས་ཀྱི་ཚེ་དབང་བརྒྱ་རྩ་སོགས་སྐུར་ཚུལ་གྱི་ཕྱག་ལེན་འཆི་མེད་མྱུར་ལམ་ཞེས་བྱ་བ་བཞུགས་སོ། །ཨོཾ་སྭ་སྟི་སིདྡྷཾ། འདིར་ཐར་རྩེ་པཎྜི་ཏ་ཆེན་པོ་ནམ་མཁའ་དཔལ་བཟང་གིས་མཛད་པའི་ཚེ་དཔག་མེད་གྲུབ་རྒྱལ་ལུགས་ཀྱི་དབང…

ནད་ཀུན་ལས། །གྲོལ་འགྱུར་ཐེ་ཚོམ་བྱ་མི་དགོས། །ཨོཾ་ཨ་མ་ར་ཎི་ཛཱི་ཝནྟི་ཡེ་སྭཱ་ཧཱ། ཞེས་པས་ཚེ་ཆང་སྦྱིན་པར་གསུངས་པ་ལྟར་བྱ། བསྡུ་ན་སྙིང་པོ་དང་གཟུངས་རིང་བཟླ་བཞིན་པས་སྦྱིན། མེ་ཏོག་འཐོར་ཞིང༌། ཚེ་མི་འགྱུར་བའི་གཡུང་དྲུང་དུ་གྱུར་ཅིག་སོགས་དང༌། འབྱུང་པོ་གང་དག་སོགས་བརྗོད། སླར་ཡང་དམིགས་པ་འདི་བཞིན་མཛོད། སློབ་དཔོན་གྱི་ཐུ…

ཡས་པ་དང༌། དག་པའི་ཞིང་རབ་འབྱམས་རྣམས་སུ་ཁྱབ་པས། དེ་དག་ན་གནས་པའི་སེམས་ཅན་རྣམས་ཀྱི་ཚེ་དང་བསོད་ནམས་དབང་ཐང་ལ་སོགས་པ་ཐམས་ཅད་དང༌། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཐུགས་གཉིས་སུ་མེད་པའི་ཡེ་ཤེས་ཐམས་ཅད་བསྡུས་ཏེ་ཕྱག་གི་བུམ་པའི་ནང་དུ་བྱོན། དེ་ཐམས་ཅད་འཆི་མེད་ཚེའི་བདུད་རྩིར་གྱུར་པ་ཁོལ་ཞིང་ལུད་པས་བུ…

བསམ་གྱིས་མི་ཁྱབ་པ་ཕྱོགས་བཅུར་འཕྲོས་པས་ཞེས་པའི་མཚམས། ཁྱེད་རང་གི་བླ་ཚེ་ཡར་བ། ཉམས་པ། གཞོམ་པ། གདོན་བགེགས་འབྱུང་པོས་ཁྱེར་བ་ཐམས་ཅད་དང༌། འབྱུང་བ་ཆེན་པོ་བཞིའི་རོ་བཅུད་དྭངས་མ། སེམས་ཅན་ཐམས་ཅད་ཀྱི་ཚེ་བསོད་དབང་ཐང༌། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཐུགས་གཉིས་སུ་མེད་པའི་ཡེ་ཤེས་ཐམས་ཅད་བསྡུས་ཏེ་སྤྱ…

དཔལ་ལྡན་ས་སྐྱ་པའི་གསེར་ཆོས་ལུགས་ཀྱི་ཚེ་དཔག་མེད་སྤྲུལ་སྐུའི་སྒྲུབ་ཐབས་བུམ་ཆོག་རྗེས་གནང་དང་བཅས་པའི་སྐོར་རྣམས་བཞུགས་སོ།།

བླ་མ་དམ་པའི་ཞབས་ལ་ཕྱག་འཚལ་ལོ། །མགོན་པོ་ཚེ་དཔག་ཏུ་མེད་པའི་སྒོ་ནས་ཚེ་བསྒྲུབ་པར་འདོད་པའི་གང་ཟག་དེས། དང་པོ་སློབ་དཔོན་ལ་རྗེས་སུ་གནང་བ་ནོད་པར་བྱ་ཞིང༌། དེ་ནས་ལུང་བླངས་ནས་བསྒྲུབ་པར་བྱའོ། །དང་པོ་ནི། ར་བ་བཞི་གང་རུང་གི་ཚེས་གཅིག་གི་སྔ་དྲོ་མཎྜལ་དང༌། མཆོད་པ་འདུ་བྱས་ལ། སློབ་དཔོན་ལྷག་པའི་ལྷའི་རྣལ་འབྱོར་སྔོན་དུ་སོང་…

འོད་དཀར་པོ་སྤྱན་དྲངས་ནས། རླུང་ནང་དུ་རྔུབ་པས་དཔྲལ་བ་དང་སྣ་བུག་ནས་ཞུགས་པས་ལུས་ཁེངས། ལུས་ཀྱིས་སྲོག་བཅད་པའི་ཉེས་པ་དང༌། ནད་གདོན་སྡིག་སྒྲིབ་དག་ནས་འོད་དཔག་མེད་དཀར་པོར་བསམས་ལ། བུམ་ཆུས་བཀྲུ་ཞིང་གཏོར་བ་དང་འཐུངས་ལ་བྱིན་གྱིས་བརླབ་བོ། །དེ་ནས་སྔར་བཞིན་རླུང་བུས་པས། ལྷུང་བཟེད་ཀྱི་བདུད་རྩི་དང་སློབ་དཔོན་གྱི་མགྲིན་པ་ན…

ག་ཝ་ཏེ། ཨ་པ་རི་མི་ཏ། ལ་སོགས་པ་ལ། ཨ་བྷི་ཥེ་ཀ་ཏ། ལ་སོགས་པ་གདགས་པར་བྱའོ། །བཟླས་པའི་ལུང་བླང་བ་ནི། སློབ་དཔོན་གྱི་ཐུགས་ཀ་ནས་སྔགས་ཀྱི་ཕྲེང་བ་བྱུང༌། སློབ་མའི་སྙིང་ཀར་འཁོད་པར་བསམས་ལ། སྔགས་དང་གཟུངས་ལན་གསུམ་རྗེས་ཟློས་བྱས་ནས་སྤྱི་བོར་མེ་ཏོག་བཞག་ལ་བརྟན་པར་བྱའོ། །རྗེས་ལ་མཎྜལ་འབུལ་ལ་དམ་ཚིག་ཁས་བླང༌། བླ་མེད་ཀྱི་ལུགས…

བྱས་ལ། ཨོཾ་ཨ་མཱ་ར་ཎི་ཛཱི་ཝནྟི་ཡེ་སྭཱ་ཧཱ།«ཨོཾ་ཨ་ཅེས་པ་ཡར་བཅད། མཱ་ར་ཎི་ཅེས་མར་སྦྱར། ཨ་དགག་ཚིག་ཡིན་པས་མེད་པ་ཟེར། མཱ་ར་འཆི་བ་ལ་ཟེར། སྐབས་དོན་འཆི་བ་མེད་པའི་སྲོག་ཏུ་མཛོད་ཅེས་པའོ།།» ཞེས་བཟླའོ། །གྲངས་ཀྱི་ཚད་ནི་བརྒྱ་ཕྲག་རེའམ་ལྔ་བརྒྱའོ། །གཟུངས་ཀྱི་བཟླས་པ་ནི། ཨོཾ་ན་མོ་བྷ་ག་ཝ་ཏེ། ཨ་པ་རི་མི་ཏ་ཨཱ་ཡུརྫྙཱ་ན། སུ་བ་ན…

སྐབས་སུ་བུམ་པའི་ཆོ་ག་བྱེད་ན། བུམ་པ་བཅས་ལ། ཕྱི་ཆོག་ཏུ་བྱེད་ན་དེ་བཞིན་གཤེགས་པའི་སྤྱན་སྔར་གསོ་སྦྱོང་བླངས་ནས། རང་སྤྱན་རས་གཟིགས་སུ་མོས་ཏེ། བུམ་པར་ཚེ་དཔག་མེད་བསྐྱེད་ནས། དེའི་ཐུགས་རིན་པོ་ཆེའི་ཟ་མ་ཏོག་ཏུ་བསྒྲུབ་བྱ་བསམས་ལ། སྙིང་གའི་སྔགས་ཕྲེང་གཟུངས་ཐག་ལ་བརྟེན་ནས་སོང་བས་དེའི་སྐུའི་ཤངས་བུག་ནས་ཞུགས་ཏེ། བསྒྲུབ་བྱ…

མང་པོའི་ཕྱག་ཡིག་སྟེང་ནས་ཡར་ལུང་པ་སེང་གེ་རྒྱལ་མཚན་གྱིས་བྲིས་ཤིང་སྤེལ་བར་བྱ་བའི་ཆོས་སོ།། ༈ །ཚེ་དཔག་མེད་ཀྱི་སྒྲུབ་ཐབས་ཟབ་མོ་བཞུགས་སོ། །ཨོཾ་སྭ་སྟི་སིདྡྷཾ། མགོན་པོ་ཚེ་དཔག་ཏུ་མེད་པ་སྒྲུབ་པའི་ཐབས། བསོད་ནམས་གསེར་གྱི་ས་གཞི་རབ་བརྟན་ཅིང༌། །ཡེ་ཤེས་རྒྱ་མཚོ་གཏིང་མཐའ་མེད་པ་ཅན། །ཡོན་ཏན་རིན་ཆེན་དུ་མས་ཡོངས་གཏམས་པ། །མ…

ལྟར་དམར་ཞིང༌། ཉི་མའི་དཀྱིལ་འཁོར་ལྟར་འབར་བ། ཞལ་གཅིག་ཕྱག་གཉིས་པ་ཏིང་ངེ་འཛིན་གྱི་ཕྱག་རྒྱ་ཅན། ཡེ་ཤེས་ཀྱི་བདུད་རྩིས་ཡོངས་སུ་གང་བའི་ལྷུང་བཟེད་འཛིན་པ། མཚན་དང་དཔེ་བྱད་ཀྱི་རྒྱན་གྱིས་སྤྲས་པ། སྤྲུལ་པའི་སྐུའི་ཆ་ལུགས་ཅན་དུ་སྐད་ཅིག་གིས་བསམ་པར་བྱའོ། །བླ་མ་བརྒྱུད་པར་བཅས་པ་རྣམས་དང༌། སངས་རྒྱས་དང་བྱང་ཆུབ་སེམས་དཔའ་ཐམས་…

ཏེ་སཾམྱ་ཀྶཾ་བུདྡྷཱ་ཡ། ཏདྱཐཱ། ཨོཾ་སརྦ་སཾསྐཱ་ར། པ་རི་ཤུདྡྷེ་དྷརྨ་ཏེ་ག་ག་ན་ས་མུངྒ་ཏེ། སྭ་བྷཱ་ཝ་བི་ཤུདྡྷེ། མ་ཧཱ་ན་ཡ་པ་རི་ཝཱ་རེ་སྭཱ་ཧཱ། ཞེས་བྱ་བ་གྲངས་ཀྱི་ངེས་པ་མེད་པར་བཟླ་བར་བྱའོ། །གལ་ཏེ་གཞན་གྱི་དོན་ཡིན་ན། རང་གི་སྙིང་གར་རིན་པོ་ཆེའི་རང་བཞིན་ལས་གྲུབ་པའི་ཟ་མ་ཏོག་གི་ནང་དུ་བསྒྲུབ་བྱ་དམིགས་ལ་རང་གི་ཡེ་ཤེས་ཀྱི་བ…

ཡོངས་སུ་རྫོགས་པའི་ཚེ་ཡེ་ཤེས་པ་ལ་བཟོད་པར་གསོལ་ཞིང༌། གཤེགས་སུ་གསོལ་ནས་དམ་ཚིག་པ་བསྒྲུབ་བྱའི་ལུས་ལ་ཐིམ་པར་བསམ་མོ། །བུམ་པའི་ཆུས་བདག་དང་བསྒྲུབ་བྱའི་ལུས་བཀྲུ་བར་བྱའོ། །བུམ་པ་ལ་བརྟེན་པའི་ཆོ་གའོ། །ཚུལ་འདི་ཡང་བདག་གི་དོན་ལ་ལྷའི་རྣལ་འབྱོར་འབའ་ཞིག་གཙོ་ཆེ་ཞིང༌། སྔགས་ཀྱང་སྙིང་པོ་གཙོ་ཆེའོ། །གཞན་གྱི་དོན་ལ་བུམ་པའི་ཆོ…

ཀུན་ཏུ་རོ་གཅིག་པ། །ཡེ་ཤེས་ལྔ་ཡི་ཐུགས་ལ་ཕྱག་འཚལ་ལོ། །ཡེ་ཤེས་རྒྱ་མཚོ་གཏིང་མཐའ་རབ་ཡངས་པ། །མི་འགགས་འགྱུར་མེད་ཚེ་ཡི་ལྷུན་པོས་བརྒྱན། །ཡོན་ཏན་རིན་ཆེན་སྣ་ཚོགས་གཏེར་འཛིན་པ། །དཔག་ཡས་འབྱུང་བའི་རྟེན་ལ་ཕྱག་འཚལ་ལོ། །རང་བཞིན་ཆོས་སྐུའི་མཁའ་ལས་མ་གཡོས་ཀྱང༌། །སྣ་ཚོགས་ཕྲིན་ལས་འོད་ཟེར་རབ་བཀྱེ་བ། །མ་རིག་མུན་སེལ་ཚེ་དང་ཡེ་…

བསྟོད་པའི་ཚིག་པདྨོའི་ཕྲེང་བ་ཞེས་བྱ་བ་འདི་ནི། ལུང་དང་རིག་པའི་དེ་ཁོ་ན་ཉིད་སྨྲ་བ། འཕགས་པ་ཞེས་བྱ་བས་ས་ཕོ་སྟག་གི་ལོ་དབྱུ་གུའི་ཟླ་བའི་ཚེས་བརྒྱད་ལ་སྦྱར་བའོ།། ༈ །དཔལ་ས་སྐྱ་པའི་གསེར་ཆོས་བཅུ་གསུམ་གྱི་ནང་ཚན་ཚེ་དཔག་མེད་སྤྲུལ་སྐུའི་རྗེས་གནང་བྱ་ཚུལ་བསམ་འཕེལ་ནོར་བུ་ཞེས་བྱ་བ་བཞུགས་སོ། །ཨོཾ་སྭ་སྟི། འདྲེན་པ་གང་གི་མཚན…