ཚེ་སྒྲུབ་ཟབ་མོ་རྗེ་བཙུན་ས་སྐྱ་པའི་གདམས་པ་ཐུན་མོང་མ་ཡིན་པ་བཞུགས་སོ།།

ཨོཾ་སྭ་སྟི། ཚེ་སྒྲུབ་ཟབ་མོ་རྗེ་བཙུན་ས་སྐྱ་པའི་གདམས་པ་ཐུན་མོང་མ་ཡིན་པ་ནི། སྔ་དྲོ་གཉིད་སད་མ་ཐག སངས་རྒྱས་ཆོས་ཚོགས་མ་ཚར་གསུམ་བརྗོད། རང་གི་སྙིང་སྒོ་ང་སྟོང་པ་ལྟ་བུའི་ནང་དུ་པདྨ་དམར་པོ་འདབ་མ་བརྒྱད་པའི་ལྟེ་བ་དང་འདབ་མ་རྣམས་ལ་ཟླ་བའི་དཀྱིལ་འཁོར་རེ་རེ། དབུས་སུ་སངས་རྒྱས་ཚེ་དཔག་མེད། ཤར་དུ་རྡོ་རྗེ་ཚེ་དཔག་མེད། ལྷོར་…

ཚར་རེ་རེ་སྟེ་དགུ་ངག་བཅད་ནས་བཟླ། བཟླས་པ་ཚར་བ་དང༌། བདག་ལ་འཆི་མེད་ཚེའི་དངོས་གྲུབ་ཟབ་མོ་སྩལ་དུ་གསོལ། ཞེས་གསོལ་བ་སྙིང་ཐག་པ་ནས་བཏབ་པས། སྙིང་དབུས་ཀྱི་ཚེ་དཔག་མེད་ལྷ་དགུས་དབུ་གུག་གུག་ལན་གསུམ་མཛད་ནས་དངོས་གྲུབ་སྩལ་བར་བསམས་ལ། དགེ་བ་འདི་ཡིས་མྱུར་དུ་བདག །ཚེ་དཔག་མེད་མགོན་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །ད…

བྱ་བ་བཞུགས་སོ། །འཆི་མེད་མགོན་པོ་སློབ་དཔོན་སྙིང་པོའི་ཞབས། །ཛེ་ཏཱ་རི་པ་རྡོ་རྗེ་གདན་པ་གཉིས། །བ་རི་ལོ་ཙཱ་རྗེ་བཙུན་བརྩེ་བ་ཆེ། །བསོད་ནམས་རྩེ་མོ་རྣམས་ལ་གསོལ་བ་འདེབས། །གྲགས་པ་རྒྱལ་མཚན་ས་པཎ་རྡོ་རྗེ་འོད། །འཁོན་སྟོན་ཤར་པ་འཇམ་དབྱངས་རྒྱལ་བའི་མཚན། །སྤང་ཁང་པ་དང་སྲུ་ལུང་བྲག་ཕུག་པ། །རི་ཁྲོད་གྲུབ་ཆེན་རྣམས་ལ་གསོལ་བ་འད…

འཆི་མེད་རང་གཟུངས་སུ་གྲགས་པ་སྒྲ་མི་སྙན་གྱི་ཚེ་སྒྲུབ་ཟབ་མོའི་རྗེས་གནང་བྱ་ཚུལ་བཞུགས་སོ།། རིང་བརྒྱུད།

ན་མོ་ཨཱ་ཡུརྡེ་པ་ཡ། བུམ་པ་དང་གཏོར་མ་སོགས་སྤྱི་ལྟར་བཤམས་ལ། སྐྱབས་འགྲོ་སེམས་བསྐྱེད་ཚད་མེད་བཞི་བསྒོམ། སྭ་བྷཱ་ཝས་སྦྱང༌། སྟོང་པའི་ངང་ལས་པྃ་ལས་པདྨ་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿལས་འོད་འཕྲོས་དོན་གཉིས་བྱས། ཚུར་འདུས་ཡོངས་སུ་གྱུར་པ་ལས། བཅོམ་ལྡན་འདས་ཚེ་དང་ཡེ་ཤེས་དཔག་ཏུ་མེད་པ་སྐུ་མདོག་པདྨ་རཱ་ག་ལྟར་དམར་…

ལྷག་མ་སྤྱི་བོར་ལུད་པ་ལས་འོད་དཔག་མེད་ཀྱིས་དབུར་བརྒྱན་པར་གྱུར། ཨོཾ་སརྦ་ཏ་ཐཱ་ག་ཏ་ཨ་པ་རི་མི་ཏ་ཨཱ་ཡུརྫྙཱ་ན་ཨརྒྷཾ་སོགས་ཀྱིས་མཆོད། འཇིག་རྟེན་འདྲེན་པའི་གཙོ་བོ་ཚེ་དཔག་མེད། །དུས་མིན་འཆི་བ་མ་ལུས་འཛོམས་མཛད་པ། །མགོན་མེད་སྡུག་བསྔལ་གྱུར་པ་རྣམས་ཀྱི་སྐྱབས། །སངས་རྒྱས་ཚེ་དཔག་མེད་ལ་ཕྱག་འཚལ་ལོ། །གཟུངས་རིང་«ཨ་མཱ་ར་ཎི། »ཐ…

ཟེར་དམར་པོ་བྱུང༌། རང་གི་མགྲིན་པར་ཐིམ་པས་ངག་གི་སྡིག་སྒྲིབ་དག འཆི་མེད་སོགས། ཐུགས་ཀ་ནས་འོད་ཟེར་སྔོན་པོ་བྱུང༌། རང་གི་སྙིང་གར་ཐིམ་པས་ཡིད་ཀྱི་སྡིག་སྒྲིབ་དག་སོགས། སླར་ཡང་མདུན་བསྐྱེད་ཀྱི་ཐུགས་ཀ་ནས་འོད་འཕྲོས། ཕྱོགས་བཅུའི་རྒྱལ་བ་ཐམས་ཅད་ཀྱི་བྱིན་རླབས་དང༌། བདེ་བ་ཅན་ནས་རྒྱལ་བ་ཚེ་དཔག་མེད་ཀྱི་ཚེའི་དངོས་གྲུབ་ཐམས་ཅད…

འཆི་མེད་རང་གཟུངས་ཞེས་བྱ་བ་ལུས་སྲུང་བའི་རིག་སྔགས་ཀྱི་སྒོམ་བཟླས་བཞུགས་སོ།།

ན་མོ་ཨ་མི་ཏ་བྷཱ་ཡ། སྔ་དྲོའི་ཚེ་སྐྱབས་འགྲོ་སེམས་བསྐྱེད་བྱས་ལ། སྭ་བྷཱ་ཝའི་སྔགས་ཀྱིས་སྟོང་པར་བསམ། དེའི་ངང་ལས་པྃ་ལས་པདྨ་དཀར་པོ་འདབ་མ་བཞི་པའི་སྟེང་དུ། གསེར་གྱི་རྡོ་རྗེ་རྩེ་ལྔ་པའི་ལྟེ་བར་རང་ཉིད་ཚེ་དཔག་ཏུ་མེད་པར་བསྒོམ། དེའི་ལུས་ཀྱི་དབུས་དྲང་པོ་ན་ཡར་སྲོག་པ་རྩ་ལྕགས་ཀྱི་སྲོག་ཤིང་རྡོ་རྗེ་རྩེ་ལྔ་པ་ལྟ་བུ་ཞིག་བསམ…

ཝ་ཊྚེ། ནཊྚེ། ཊ་ཀེ ཐ་ཀེ ཐ་ར་ཀེ ཨུ་རུ་མ་ཊི། རུ་རུ་མ་ཊི། ཏུ་རུ་ཧི་ལི། མི་ལི་སརྦ་ཛྙཱ། སྩི་བི་པ། དག་ག ན་མོ་སམྦ། སཾ་མ། བུདྡྷཱ་ནཱཾ། སིདྡྷནྟུ། མེ་མནྟཱ་པ་དཱ་སྭཱ་ཧཱ། སྔགས་དཀྱུས་མ་ཟུར་ཆག་ཕྱི་མ་ལེགས་སྦྱར་ཡིན་གསུངས་སོ། །སརྦ་དཱ་མངྒ་ལཾ།། ༈ །སྒྲ་མི་སྙན་གྱི་རང་གཟུངས་ཀྱི་གདམས་པའི་གསལ་བྱེད་ཡིད་ཆེས་སུམ་ལྡན་ཞེས་བྱ་བ་བཞུ…

བྱུང་བ་དེ་ཡི་ངག་ནས་ང་ཉིད་ནི། །ནཱ་གཱརྫུ་ན་ཞེས་བྱ་དེ་ན་རེ། །མི་དཀར་ཞིག་གིས་ལམ་སྣ་འདྲེན་འོང་གིས། །གང་ཚེ་ཁྱོད་ཉིད་འདི་རུ་མ་སྡོད་པར། །བལ་བོད་མཚམས་སོང་སྒྲུབ་པ་གྱིས་ཤིག་དང༌། །ལུང་བསྟན་འོང་གི་གསུངས་ནས་མི་སྣང་གྱུར། །ནམ་ཞིག་མི་དཀར་གྱིས་བྱུང་བལ་བོད་མཚམས། །ནགས་ཁྲོད་དབེན་པ་ཞིག་ཏུ་ཁྲིད་དེ་དེར། །བདེ་བར་བག་ཕབ་ཉིན་མ…

བཀླགས་པའི་མཐུས། །ལོ་གྲངས་སྟོང་ཐུབ་དགྲ་བཅོམ་འཆི་མེད་གྲགས། །དེ་ཡིས་བལ་པོ་ཧཾ་དུ་ཙནྡྲར་སྩལ། །ལོ་བརྒྱ་ལོན་ནོ་དེས་ཀྱང་དར་མ་གྲགས། །ཞེས་བྱ་ལ་གནང་ལོ་གྲངས་གཉིས་བརྒྱར་ཐུབ། །དེ་ལ་མངའ་རིས་དཔལ་ཆེན་རྒྱལ་བ་གྲུབ། །དྲུག་ཅུར་སོན་ཚེ་གདམས་པ་འདི་ཐོབ་པས། །ལོ་བརྒྱར་ལོན་ཡང་ལུས་སྟོབས་ཆུང་མ་སོང༌། །དེ་ལས་སློབ་དཔོན་ཡེ་ཤེས་རྒྱལ་…

སྐྱབས་འགྲོ་སེམས་བསྐྱེད་སྤྱི་ལྟར་བྱ་བ་དང༌། །སྭ་བྷཱ་ཝ་སོགས་སྔགས་ཀྱིས་སྟོང་པར་བསྒོམ། །དེ་ཡི་ངང་ལས་པྃ་ལས་པདྨ་དཀར། །འདབ་མ་བཞི་པའི་ལྟེ་བ་ལ་གནས་པའི། །གསེར་གྱི་རྡོ་རྗེ་རྩེ་ལྔའི་ལྟེ་བའི་ནང༌། །རང་ཉིད་བཅོམ་ལྡན་རྒྱལ་བ་ཚེ་དཔག་མེད། །སྐུ་མདོག་དམར་པོ་མཉམ་གཞག་ཚེ་བུམ་འཛིན། །རྒྱན་ལྡན་མཚན་དང་དཔེ་བྱད་འབར་བར་གསལ། །དེ་ཡི་…

འདི་ནི། འདིའི་སྐོར་གྱི་ཡིག་ཆ་ལོ་རྒྱུས་ཡོད་མེད་དང༌། ཞལ་ཤེས་ཅན་སོགས་མང་ཞིག་ཐོས་ཀྱང་སྔགས་ཀྱི་ཚིག་ལ་སྔར་ནས་མ་དག་པའི་རྒྱུན་ཞུགས་པ་ཕལ་ཆེར་ཡིག་མཁན་གྱིས་བསླད་པའི་རྒྱུས་སྟངས་གཅོད་དཀའ་བར་མཆིས་པར། བསླབ་བཏུས་ནས་འབྱུང་བ་དང་ས་སྐྱ་ལོ་ཙཱ་བའི་གསུང་བཞིན་ངོར་ཆེན་ཐམས་ཅད་མཁྱེན་པ་དཀོན་མཆོག་ལྷུན་གྲུབ་པས་ལེགས་སྦྱར་དང་ཟུར་ཆ…

ཆེན་རྗེ། །གསོལ་བ༴ །འཆི་མེད་རིགས་འཁྲུངས་ཀུན་དགའ་བསོད་ནམས་དང༌། །སྨྲ་བའི་ཉི་མ་དཀོན་མཆོག་ལྷུན་གྲུབ་ཞབས། །ཐར་འདོད་ཡོངས་ཀྱི་དེད་དཔོན་བྲང་ཏི་པ། །གསོལ་བ༴ །གསུང་རབ་རྒྱ་མཚོའི་མཐར་སོན་སྒྲུབ་ཁང་པ། །བརྟན་མཁས་ཡོན་ཏན་ཡོངས་རྫོགས་དཔལ་མཆོག་ཞབས། །འབྲེལ་ཚད་དོན་ལྡན་སངས་རྒྱས་ཕུན་ཚོགས་ལ། །གསོལ་བ༴ །ཏིང་འཛིན་གཡེལ་མེད་བསོད་ན…

ཀྱི་སྐུའི་རིམ་གྲོར་དམིགས་ནས་སྒོ་གསུམ་འཇུག་པ་གཅིག་ཏུ་བསྒྲིལ་ནས་གསོལ་བ་བཏབ་པའོ། །སརྦ་དཱ་མངྒ་ལཾ།། ༈ །འཆི་མེད་རང་གཟུངས་ཀྱི་སྒོམ་བཟླས་སྙིང་པོར་དྲིལ་བ་ཚེ་སྲོག་རྡོ་རྗེར་བསྒྲུབ་པའི་བཅུད་ལེན་ཞེས་བྱ་བ་བཞུགས་སོ། །ཨོཾ་སྭ་སྟི་སིདྡྷཾ། རྨད་དུ་བྱུང་བའི་སློབ་དཔོན་ཆེན་པོ་ཞི་བ་ལྷས་བྱང་ཆུབ་སེམས་དཔའི་བསླབ་པ་ཀུན་ལས་བཏུས་…

པད་ཟླའི་གདན་ལ་རང་འདྲ་བའི་ཚེ་དཔག་མེད་མཚན་དཔེའི་གཟི་བྱིན་གྱི་དཔལ་མཆོག་ཏུ་འབར་བ། རང་གི་སྤྱི་བོ་ནས་གསང་གནས་ཀྱི་བར་ལ་ལྕགས་ཀྱི་སྲོག་པ་རྩ་མདའ་སྨྱུག་ཙམ་པ་སྐྱ་ཁོལ་བ་གཅིག་གི་ནང་ན་སྲོག་རླུང་དམར་ལྗང་ཁྱུག་གེ་བས་གང་བའི་ཕྱི་རོལ་གྱི་ཕྱོགས་བཞིར་གཟུངས་སྔགས་རྣམས་བདུད་རྩིའི་ཟིལ་པ་ཕྲམ་མེར་གནས་པའི་དབུས་སུ་རང་སེམས་ཀྱི་ངོ་…

ལྷ་མིའི་རིག་འཛིན་རྣམས་ཀྱི་ཚེ་དང་བསོད་ནམས། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཐུགས་རྗེའི་བྱིན་རླབས་ནུས་མཐུ་སོགས་སྲིད་ཞིའི་དྭངས་བཅུད་ཐམས་ཅད་སྤྱན་དྲངས་ནས་ཧཱུྃ་ལ་ཐིམ། དེ་ཡོངས་སུ་གྱུར་པ་ལས་རང་ལུས་སྐད་ཅིག་གིས་གནམ་ལྕགས་ཀྱི་རྡོ་རྗེ་རྩེ་ལྔ་པ་གྱེན་དུ་ལངས་པ་ལས་ཡེ་ཤེས་ཀྱི་མེ་འབར་བས་མི་མཐུན་པའི་ཕྱོགས་ཐམས་ཅད་ས…

ཡར་ངོའི་ཚེས་གཅིག་ནས་བརྩམས་ཏེ་ཞག་བདུན་དུ་མཚམས་ཤིན་ཏུ་དམ་པར་བཅད་ལ་གོང་གི་དམིགས་པ་གཉིས་རང་གང་མོས་སམ། གཉིས་ཀ་ཉམས་སུ་ལེན་ན། སྔ་དྲོའི་ཐུན་ལ་ཚེ་སྒྲུབ་དང༌། ཕྱི་ཐུན་ལ་སྲུང་བ་གཙོ་བོར་བྱས་ཏེ་སྨྲ་བ་གཞན་སྤངས་ལ་ཐུན་བཞི་སོགས་ཀྱི་རིམ་པས་སྒོམ་བཟླས་རྩེ་གཅིག་ཏུ་འབད་པ་ན། ཐོག་མར་རྨི་ལམ་ངན་པ་དང༌། ཆོ་འཕྲུལ་ཆེར་འགྲོ་བ་བྱུང…