སྒྲིབ་གཉིས་བག་ཆགས་དང་བཅས་པ་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། རིམ་པ་གཉིས་ཀྱི་ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། སྐུ་གཉིས་ཀྱི་གོ་འཕང་ཐོབ་པར་བྱིན་གྱིས་བརླབ་ཏུ་གསོལ། སྐྱབས་གནས་ཀུན་འདུས་བླ་མ་རིན་པོ་ཆེ། །དྲིན་ཅན་ཆོས་ཀྱི་རྗེ་ལ་གསོལ་བ་འདེབས། །མཉམ་མེད་བཀའ་དྲིན་ཅན་གྱི་ཐུག…

པོ་རྣམས། །སེམས་ཅན་ཀུན་གྱི་དོན་བགྱིད་ཕྱིར། །གུས་པས་ཁྱེད་ལ་དབུལ་བར་བགྱི། །ཀུན་ནས་གཟིགས་པའི་སྤྱན་ལྡན་པའི། །ཡོན་གནས་དམ་པ་ཁྱེད་རྣམས་ཀྱིས། །བདག་ལ་བརྩེ་བར་ཉེར་དགོངས་ཏེ། །བདག་གི་འདི་དག་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །ཨོཾ་གུ་རུ་བཛྲ་སཏྭ་རཏྣ་མཎྜ་ལ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡ་ཧཱུྃ། དེ་ནས་བཟ…

ལྟུང་བ་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། བཤགས་ཚིག་བརྗོད་པ་ནི། དམ་ཚིག་རྡོ་རྗེའི་སྨྲེ་བཤགས་ངག་དབང་ལེགས་གྲུབ་ཀྱིས་མཛད་པ་དང༌། སློབ་དཔོན་བྷཱུ་རི་པས་མཛད་པའི་རྩ་ལྟུང་བཅུ་བཞིའི་རྩ་བ། གང་ཕྱིར་རྡོ་རྗེ་འཛིན་པ་ཡི། །དངོས་གྲུབ་སློབ་དཔོན་རྗེས་འབྲངས་གསུངས། །དེ་བས་དེ་ལ་བརྙེས་པ་ནི། །རྩ་བའི་ལྟུང་བ་དང་པོར་…

སྡུག་བསྔལ་མྱོང་གྱུར་ཏེ། །ཐུར་དུ་བལྟས་ཏེ་དམྱལ་བར་འགྲོ། །དེ་བས་ང་རྒྱལ་ཀུན་བཅོམ་སྟེ། །བདག་ཉིད་མ་འཁྲུལ་ཤེས་པར་བྱ། །མཉམ་པར་བཞག་པས་བླ་མ་ལ། །ཅི་འབྱོར་པ་ཡིས་མཆོད་པར་བྱ། །གསུམ་ལ་སྐྱབས་འགྲོ་ནས་བརྩམས་ཏེ། །བྱང་ཆུབ་སེམས་སོགས་སྡོམ་པ་ནི། །གལ་ཏེ་བདག་ལ་ཕན་འདོད་ན། །སྔགས་པས་འབད་དེ་གཟུང་བར་བྱ། །དམ་ཚིག་དང་ནི་མི་ལྡན་པའི།…

སྲིད་གནས་ཀྱི་བར། །མྱ་ངན་མི་འདའ་རྟག་བཞུགས་ནས། །འགྲོ་བ་ཀུན་གྱི་དོན་མཛད་པར། །ཐལ་མོ་སྦྱར་ནས་གསོལ་བ་འདེབས། །བྱང་ཆུབ་སྙིང་པོར་མཆིས་ཀྱི་བར། །བླ་མ་མཆོག་དང་སངས་རྒྱས་དང༌། །ཆོས་དང་འཕགས་པའི་དགེ་འདུན་ལ། །རྟག་ཏུ་གུས་པས་བདག་སྐྱབས་མཆི། །སེམས་ཅན་ཀུན་གྱི་དོན་སླད་དུ། །རྫོགས་པའི་བྱང་ཆུབ་ཐོབ་བྱའི་ཕྱིར། །བྱང་ཆུབ་སེམས་ནི་…

འགྱུར་བ་ཡི། །སྡུག་བསྔལ་ཞི་བར་མཛད་དུ་གསོལ། །ཐབས་དང་སྐྱབས་དང་དག་པ་དང༌། །ཐེག་ཆེན་ངེས་པར་འབྱུང་བ་ལས། །སེམས་ཅན་རྣམས་ནི་རབ་སླུ་བའི། །བདུད་ཀྱི་ལས་རྣམས་བཟློག་ཏུ་གསོལ། །འཇིག་རྟེན་པ་ཡིས་དོན་གཉེར་བའི། །རྙེད་དང་བཀུར་སྟི་ལ་སོགས་པ། །སྙིང་པོ་མེད་པའི་བྱ་བ་ལས། །ཡིད་ནི་རབ་ཏུ་བཟློག་ཏུ་གསོལ། །ཀུན་གཞིའི་ལྟེ་བར་རབ་བརྟན་ཅ…

རྫོགས་པའི་སངས་རྒྱས་མྱུར་ཐོབ་ཤོག །བདག་ནི་ཚེ་རབས་ཐམས་ཅད་དུ། །རིགས་གཟུགས་འབྱོར་ལྡན་ཤེས་རབ་དང༌། །དབང་ཕྱུག་ཕུན་སུམ་ཚོགས་གྱུར་ཅིང༌། །ནད་མེད་ཚེ་དང་ལྡན་གྱུར་ཅིག །སངས་རྒྱས་འབྱུང་བ་མཉེས་བྱེད་ཅིང༌། །དམ་ཆོས་རྟག་ཏུ་སྤྱོད་པ་དང༌། །འཕགས་པའི་དགེ་འདུན་རྒྱ་མཚོའི་ཚོགས། །རྣམ་པ་ཀུན་ཏུ་མཆོད་པར་ཤོག །ཀུན་དགའི་གསུང་རབ་རྟག་ཉན…

ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་ངོ་བོར་གྱུར་པ། ཆོས་ཀྱི་རྗེ། ཆོས་ཀྱི་རྒྱལ་པོ། ཆོས་ཀྱི་དབང་ཕྱུག ཆོས་དམ་པའི་འབྱོར་པ་ཐམས་ཅད་ཀྱིས་ཕུན་སུམ་ཚོགས་ཤིང༌། འཁོར་བ་དང་མྱ་ངན་ལས་འདས་པའི་དཔལ་དམ་པར་གྱུར་པ་བླ་མ་དམ་པའི་ཞབས་ཀྱི་པདྨོ་དྲི་མ་མེད་པ་ལ་གུས་པས་ཕྱག་འཚལ་ཞིང་སྐྱབས་སུ་མཆིའོ། །སྐུ་གསུང་ཐུགས་ཡོན་ཏན་ཕ…

དགའ་བ་དང་སྤྲོ་བ་དང་ཡིད་གསལ་བ་མཆོག་དང་ལྡན་ཞིང༌། ཏིང་ངེ་འཛིན་དམ་པ་རྒྱུད་ལ་སྐྱེས་ནས། བླ་མ་དང་དཀྱིལ་འཁོར་གྱི་ལྷ་ཚོགས་རྣམས་དང༌། དཔའ་བོ་དང་རྣལ་འབྱོར་མའི་ཚོགས་ཡང་དག་པར་མཐོང་ཞིང༌། དེ་དག་གི་རྣམ་པར་འཕྲུལ་པ་བསམ་གྱིས་མི་ཁྱབ་པ་དང་བཅས་པས་བསུས་ཏེ། བར་དོའི་འཇིགས་པ་ཐམས་ཅད་དང་བྲལ་ཞིང༌། བདུད་དང་གཤིན་རྗེའི་སྤྱོད་ཡུལ་ཐམ…

གྱུར་པའི་ངང་ལ་ཅི་གནས་སུ་མཉམ་པར་གཞག་གོ །རྗེས་ནི། དགེ་བ་འདི་ཡིས་མྱུར་དུ་བདག །རྡོ་རྗེ་སེམས་དཔའ་འགྲུབ་གྱུར་ནས། །སོགས་ཀྱི་བསྔོ་སྨོན་ཅི་ཤེས་བྱའོ། །དེ་ལྟར་ཉམས་སུ་བླངས་པས་རྨི་ལམ་དུ་ལུས་ལས་ངན་སྐྱུགས་ཐོན་པ་དང༌། ཁྲུས་བྱེད་པ་དང༌། གོས་དཀར་པོ་གྱོན་པ། ནམ་མཁའ་ལ་འཕུར་བ་སོགས་དང༌། དངོས་སུའང་ཤེས་པ་དྭང་ཞིང་བྱང་ཆུབ་ཀྱི་ས…

གསང་ཆེན་རྡོ་རྗེ་ཐེག་པའི་སྨིན་བྱེད་ཀྱི་དབང་རྗེས་གནང་སོགས་ཀྱི་སྔོན་འགྲོའི་ཆོས་ཀྱི་གཏམ་དུ་བྱ་བ་གཞན་ཕན་རབ་སྟེར་བཞུགས་སོ།།

ན་མོ་གུ་རུ་མཉྫུ་གྷོ་ཥ་སྭ་ར་སྭ་སྟི་བྷྱཿ གང་ཐུགས་སྤྲོས་བྲལ་བདེ་བ་ཆེན་པོའི་མཁར། །ཁ་སྦྱོར་ཡན་ལག་བདུན་རྫོགས་སྤྲུལ་པའི་ཉི། །རྟག་ཏུ་ཕྲིན་ལས་སྣང་བ་དཀར་པོ་རུ། །སྤྲོ་མཛད་ཁྱབ་བདག་བླ་མར་གུས་པས་འདུད། །ལུས་ཅན་ཡོངས་ལ་སྟོང་ཉིད་སྙིང་རྗེའི་ཕྱག །ཟུང་འཇུག་དམ་པོས་འཁྱུད་པའི་སྟོན་པ་མཆོག །རང་གི་ལམ་དུ་སྐལ་ལྡན་མ་ལུས་པ། །ཉེ་བ…

རང་གི་འདོད་པ་དང་སླ་ཆོས་སུ་མ་སོང་བར་རང་རང་གི་ཆོ་ག་དང་ཆིངས་ཚད་ལྡན་ནས་ཇི་ལྟར་བཤད་པ་བཞིན་གྱི་བཅས་བཤོམས་དང༌། བདག་མདུན་སོགས་ཀྱི་རིམ་པ་རྣམས་ཡིད་གཞན་དུ་མ་ཡེངས་པས་ལེགས་པར་སྒྲུབ་ལ་སྔོན་དུ་བཏང་རྗེས། སློབ་མ་རྣམས་ཁྲུས་བྱས་ནས་མདུན་དུ་འདུག་པ་ལ་མེ་ཏོག་བཀྱེ་བསྡུ་བྱས། བླ་མ་དང་སྐབས་གང་ཡིན་གྱི་ལྷག་པའི་ལྷ་ངོ་བོ་དབྱེར་མེ…

ན་ཉོན་མོངས་པ་རབ་ཏུ་ཞི་བར་འགྱུར་རོ། །ཉོན་མོངས་པ་མེད་པ་ལ་བདུད་ཀྱིས་གླགས་མི་རྙེད་དོ། །ཞེས་གསུངས་པ་ལྟར། དམ་པའི་ཆོས་ཐོས་པ་ལ་བརྟེན་ནས་བླང་དོར་གྱི་གནས་ཐམས་ཅད་ཤེས་པར་འགྱུར་ཞིང༌། དེ་ལ་བརྟེན་ནས་ཚུལ་ཁྲིམས་དང༌། ཏིང་ངེ་འཛིན་དང༌། ཤེས་རབ་ལ་སོགས་པའི་ཡོན་ཏན་ཐམས་ཅད་ཐོབ་པར་འགྱུར་བས། སློབ་དཔོན་ཆེན་པོ་དཔའ་བོས། འདིར་ནི་ས…

ཀྱང་དགེ་བའི་བཤེས་གཉེན་ལ་མ་དད་པ་དང༌། སྐྱོན་ལ་རྟོག་པ་དང༌། ཕྲག་དོག་དང༌། ཤེས་ཀྱི་ཁེ་དང༌། གནས་སྐབས་ཀྱི་བདེ་བ་དང༌། བར་ཆད་ཞི་བ་སོགས་འདོད་པའི་བསམ་པ་མ་དག་པས་བསླད་པ་སྣོད་དུག་ཅན་ལྟ་བུ་དང༌། ཡིད་གཏད་ཅིང་བསམ་པ་བཟང་པོས་ཉན་ཀྱང་དེ་མ་ཐག་བརྗེད་པ་སྣོད་ཞབས་རྡོལ་ལྟ་བུའི་སྐྱོན་གསུམ་སྤོང་བ་དང༌། གཞན་ཡང་བདག་ཉིད་གྲགས་པའི་ཆེད་…

པ་དང་རྣམ་པར་འབྱེད་པའི་ཤེས་རབ་ཀྱི་ནོར་གཉིས་ནི། འཁོར་བ་དང་ངན་སོང་གི་སྡུག་བསྔལ་མཐའ་དག་སེལ་བར་བྱེད་ཅིང༌། མངོན་མཐོ་དང་ངེས་ལེགས་ཀྱི་འདོད་པ་ཐམས་ཅད་བདེ་བླག་ཏུ་སྩོལ་བར་བྱེད་པའི་ནོར་བུ་རིན་པོ་ཆེ་དབང་གི་རྒྱལ་པོ་ལྟ་བུ་ཡིན་པར་གསུངས་ཤིང༌། དེ་གཉིས་ཀྱི་ནང་ནས་ཀྱང་དང་པོར་ཆོས་ཀྱི་སྣོད་རུང་དུ་བྱེད་པའི་དད་པ་གལ་ཆེ། དེ་ལ་…

རྣམས་གལ་ཆེ་བ་ཡིན་ཏེ། དཔལ་གསང་བའི་བདག་པོས་གྲུབ་ཆེན་ལས་ཀྱི་རྡོ་རྗེ་ལ་གདམས་པ་ལས། ལས་ཀྱི་རྡོ་རྗེ་བླ་མ་ལ་མོས་གུས་མ་ཐོབ་པར་ཡི་དམ་ལྷའི་ཞལ་གཟིགས་ཟེར་བ་དང༌། ཉམས་མྱོང་བཟང་པོ་སྐྱེས་ཟེར་བ་རྫུན་ཡིན། འཆི་བ་མི་རྟག་པ་བརྒྱུད་ལ་མ་སྐྱེས་པར་འཇིག་རྟེན་བློས་གཏོང་ཟེར་བ་རྫུན་ཡིན། ལས་རྒྱུ་འབྲས་ལ་ཡིད་ཆེས་མེད་པར་སྡིག་པ་མ་བྱས་…

དཀའ་ཕྲད་གྱུར་ནས། །དོན་མེད་པར་ནི་མི་བྱེད་གསུང༌། །ཞེས་གསུངས་པ་ལྟར། རང་ཅག་རྣམས་ཀྱིས་རྙེད་དཀའ་ཞིང་རྙེད་ན་དོན་ཆེན་པོ་དང་ལྡན་པའི་དལ་འབྱོར་གྱི་མི་ལུས་རིན་པོ་ཆེ་ཐོབ། རྒྱལ་བའི་མདོ་སྔགས་ཀྱི་བསྟན་པ་རིན་པོ་ཆེ་དང་མཇལ། དེ་སྟོན་པའི་དགེ་བའི་བཤེས་གཉེན་དང༌། གྲོགས་ཁྱད་པར་ཅན་དང་འཕྲད། ཐོས་བསམ་སྒོམ་པ་བྱར་ཡོད་པའི་རྟེན་བཟང…

བ་ལས་མ་འདས་ཏེ། དཔལ་མགོན་འཕགས་པ་ཀླུ་སྒྲུབ་ཀྱིས། མི་དགེ་བ་ལས་སྡུག་བསྔལ་ཀུན། །དེ་བཞིན་ངན་འགྲོ་ཐམས་ཅད་དོ། །དགེ་ལས་བདེ་འགྲོ་ཐམས་ཅད་དང༌། །སྐྱེ་བ་ཀུན་ཏུ་བདེ་བ་དག །ཅེས་གསུངས་པ་ལྟར། རྒྱུ་མི་དགེ་བ་ལས་འབྲས་བུ་སྡུག་བསྔལ་དང་ངན་འགྲོ་རྣམས་འབྱུང་བ་དང༌། རྒྱུ་དགེ་བ་ལས་འབྲས་བུ་བདེ་བ་དང་བདེ་འགྲོ་རྣམས་འབྱུང་བའི་ལས་འབྲས་…