བླ་མ་ཡི་དམ་དབྱེར་མེད་ལ། །ལུས་ཀྱི་འཁྲི་ཤིང་རབ་བཏུད་ནས། །དམ་ཆོས་འཆད་ཉན་བྱ་ཚུལ་དང༌། །དབང་རྗེས་དབྱེ་བ་མདོར་བསྡུས་བྲི། །དེ་ལའང་གཉིས་ལས། དང་པོ་ཆོས་འཆད་ཉན་ཇི་ལྟར་བྱ་བའི་ཚུལ་ལ། ཐོག་མར་ཕྱག་དང་ཡོན་དབུལ་བ་ནི། བླ་མ་དེ་སངས་རྒྱས་ཀུན་འདུས་སུ་མོས་ལ། དེའི་སྤྱན་སྔར་ལུས་ཞིང་རྡུལ་གྱི་གྲངས་དང་མཉམ་པར་བློས་སྤྲུལ་ནས་སྒོ་གས…

ན། །ལོངས་སྤྱོད་གཡོ་བ་སྨོས་ཅི་དགོས། །ཞེས་གསུངས་སོ། །དེའི་འཐད་པ་རིམ་ལྔའི་འགྲེལ་པ་ནོར་བུའི་ཕྲེང་བར། གང་གིས་བསྐལ་པ་བྱེ་བ་ནི། །བརྒྱ་ཕྲག་ཏུ་ཡང་རྙེད་དཀའ་བའི། །སངས་རྒྱས་ཉིད་ཀྱང་བཅོམ་ལྡན་ལ། །ཚེ་འདི་ཉིད་ལ་སྟེར་བར་བྱེད། །ཅེས་གསུངས་ཏེ། སངས་རྒྱས་ཐོབ་པའི་རྒྱུའི་གཙོ་བོ་ཚོགས་གཉིས་ཡིན་ལ། ཡེ་ཤེས་ཀྱི་ཚོགས་ཀྱང་བསོད་ནམས…

ལུགས་བསམ་གྱིས་མི་ཁྱབ་ཅིང༌། དགག་པའི་ཕྱོགས་ཀྱང་རྡོ་རྗེ་གུར་ལས། གང་གིས་བླ་མར་གསོལ་མ་བཏབ། །དེ་ནི་རིགས་སུ་སྐྱེ་བ་མེད། །ཅེས་བླ་མར་གསོལ་བ་མ་བཏབ་པའམ། བཏབ་ཀྱང་ཁས་མ་བླངས་ན་ཆོས་འདིའི་རིགས་སུ་མ་སྐྱེས་པ་ཞེས་བྱ། སྒོམ་སྒྲུབ་ཉན་བཤད་གང་བྱས་ཀྱང་ཇི་ལྟ་བ་མི་འབྱུང་བར་ངལ་བ་དོན་མེད་དུ་འགྱུར་བ་ལས་གསོལ་བ་གདབ་པ་གལ་ཆེའོ། །དེ་…

གཅིག་ཀྱང་འགྲོ་བར་མི་ནུས་པ་བཞིན་དུ། ཆོས་ཉན་པའི་ཚེ་གཉིད་རྨུགས་སམ། ཤེས་པ་རྒྱ་ཡན་དུ་བཏང་ནས་ཆོས་གྲལ་དུ་བསྡད་ན། ཆོས་ཇི་ཙམ་བཤད་ཀྱང་རྒྱུད་ལ་འཇགས་པའམ། དེ་ན་ལ་བྲིན་རྒྱུ་ཏིལ་འབྲུ་ཙམ་ཡང་མེད་པར་རྣ་བར་ཆུ་སྒྲ་ཤང་ངེ་བ་ཟེར་བ་དེ་ཡོང་ལ། དེ་ལྟ་བུའི་ཆོས་ཉན་ལོ་ཟླར་བྱས་ཀྱང་ཕན་ཡོན་ཅུང་ཟད་མེད་པའི་ཁར་ཆོས་ལ་བརྟེན་པའི་ཉེས་པ་དུ…

སེམས་ཀྱི་ཀུན་སློང་ངན་པ་ཐམས་ཅད་བསྲིངས་ཏེ། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་འདོད་ཀྱི་ལྷག་པའི་བསམ་པས་ཟིན་པར་བྱས་ལ་དྲི་ཅན་གྱི་སྐྱོན་སྤང་བར་བྱ། དེ་བཞིན་དུ། ཡིད་ལ་ཟུང་ཞིག་ཅེས་པའི་དོན་སྣོད་ཞབས་རྡོལ་གྱི་སྐྱོན་སྤང་དགོས་ཏེ། དཔེར་ན་ཞབས་རྡོལ་པའམ་གས་པ་ལྟ་བུ་དེར་བཅུད་ཇི་ཙམ་བླུགས་ཀྱང་ཕྱིར་བུད་ནས་ནང་དུ་ཅུང་ཟད…

སློག་པ་རིང་པོ་ཞིག་སྲང་མདོ་རྣམས་སུ་དྲུད་ནས་ཕྱིན་ན། གསེར་དངུལ་སོགས་དངོས་པོ་དག་པ་རྣམས་ནི་གཅིག་ཀྱང་མི་འབྱར་ལ། མི་གཙང་བ་དང་སྦར་སྦུར་སོགས་ངན་པ་ཐམས་ཅད་འཇུས་ཡོང་བ་བཞིན། བླ་མ་དང་ཆོས་ཀྱི་ཡོན་ཏན་ནམ་ཡང་མི་མཐོང་ལ། སྐྱོན་ཅུང་ཟད་ཙམ་ཡང་ཆེད་འཛིན་བྱེད་པ་དེ་ལྟ་བུས་ནི་བསྐལ་པར་ཆོས་ཉན་ཀྱང་ཕན་ཡོན་ཏིལ་འབྲུ་ཙམ་ཡང་མི་འབྱུང་བ…

ཡིན་ནའང་འོག་འགྱུར་རྒྱ་འབྱམས་པའི་ངང་ལས་ཆོས་གྲོལ་བ་དེ་ངོ་ཤེས་པ་དེ་ལྟ་བུར་བྱར་མི་ཉན་པས་སྒོ་གསུམ་འཇུག་པ་གཅིག་ཏུ་དྲིལ་ནས་ཉན་པར་བྱེད། ཡིད་བསྡུས་དང་ཞེས་པ་འགའ་ཞིག་རྒྱུན་དུ་དགེ་སྦྱོར་ལ་དོ་གལ་མེད་ཀྱང༌། ཆོས་གྲྭ་དེར་སླེབ་པ་ན་ཁོ་སྒོམ་བཟང་དུ་སོང་ནས་ཆོས་ལ་རྣ་བ་མི་གཏོད་པར་མཉམ་གཞག་བྱེད་པ་དང༌། ལ་ལ་མུན་ཆེན་གཉིད་ལོག་ལྟ…

ཆོས་སྟོན་པ་ན། དེའི་ཉེ་འཁོར་གྱི་རྫིང་བུ་ཞིག་ན་གནས་པའི་སྦལ་པ་ཞིག་ཀྱང་དེར་ཐོན་ནས་ཆོས་ཀྱི་སྒྲ་རྣ་བར་ལྷང་ངེ་ཐོས་པའི་ངང་ལ། གནག་རྫི་དགའ་བོ་ཞེས་པས་མཁར་བ་བཙུགས་པའི་རྐྱེན་གྱིས་སྦལ་པ་ཤི་སྟེ། ཆོས་ཀྱི་སྒྲ་ཐོས་བཞིན་དུ་ཤི་བའི་ཕན་ཡོན་གྱིས་གཞན་འཕྲུལ་དབང་བྱེད་ཀྱི་ལྷར་སྐྱེས་པ་དང༌། དགེ་སློང་ཞིག་རྒྱུན་དུ་མདོ་སྡུད་པ་ཞལ་འ…

སྐོར་གཙོ་བོར་སྟོན་པ་གསང་བ་སྤྱིའི་རྒྱུད་དང༌། ལེགས་གྲུབ་ཀྱི་རྒྱུད་དང༌། དཔུང་བཟང་གི་རྒྱུད་དང༌། བསམ་གཏན་ཕྱི་མའི་རྒྱུད་རྣམས་དང༌། སོ་སོའི་རྒྱུད་ལ་འཇིག་རྟེན་ལས་འདས་པའི་རིགས་དང༌། འཇིག་རྟེན་པའི་རིགས་གཉིས། སྔ་མ་ལ་དེ་བཞིན་གཤེགས་པའི་རིགས། པདྨའི་རིགས། རྡོ་རྗེའི་རིགས་གསུམ་མཆོག་འབྲིང་ཐ་མའི་ཚུལ་དུ་གནས་ལ། འཇིག་རྟེན་…

པར་བྱ་སྟེ། ཟབ་པ་དང་ཕྲ་བའི་རྫོགས་རིམ་ནི་བླ་མའི་མན་ངག་ལས་ཤེས་པར་བྱའོ། །ཞེས་བྱུང་ལ། བྱ་རྒྱུད་རང་དབང་ཅན་ཡིན་ན་བསྐྱེད་རྫོགས་གཉིས་ཀྱི་ཐ་སྙད་གཏན་མེད་པའི་ཕྱིར་རོ། །དེ་བཞིན་དུ་སློབ་དཔོན་ཨ་བྷ་ཡཱས་རྡོ་རྗེ་ཕྲེང་བར། གྲྭ་ལྔ་དང་འོད་ཟེར་ཅན་ལ་སོགས་བཤད་པ་རྣམས་ཀྱང་རྣལ་འབྱོར་ཆེན་པོའི་ལུགས་ཡིན་ཏེ། དཀྱིལ་འཁོར་དེ་རྣམས་ལ་བ…

ནི། རྣམ་སྣང་སྒྱུ་འཕྲུལ་དྲྭ་བར། རྣལ་འབྱོར་རྣམ་གསུམ་ཤེས་བྱ་སྟེ། །བྱིན་གྱིས་བརླབས་དང་ཡོངས་བརྟགས་དང༌། །གཟུགས་ཉིད་རྫོགས་པར་གྱུར་པ་ནི། །རྣལ་འབྱོར་ཡིན་ཞེས་སངས་རྒྱས་གསུངས། །ཞེས་རྣལ་འབྱོར་གསུམ་གསུངས་ལ། དེའི་དང་པོ་བྱིན་གྱིས་བརླབས་པའི་རྣལ་འབྱོར་ནི། བྱ་བའི་རྒྱུད་ལ་སྦྱར་བར་བྱ་བའི་སྒྲུབ་ཐབས་སུ་བཤད་དེ། རྒྱུད་དེའི་…

གྱིས་རློབ་པ་དང༌། འཕགས་པ་ལག་ན་རྡོ་རྗེ་མངོན་པར་དབང་བསྐུར་བ་དང༌། བྱང་ཆུབ་ཀྱི་སྙིང་པོ་དང༌། རིག་འཛིན་གྱི་སྡེ་སྣོད་ལ་སོགས་པ་ལས་གསུངས་ཏེ། ཁ་ཅིག་ཏུ་ནི་མི་མངོན་པའི་ཚུལ་དུ་བཤད། ཁ་ཅིག་ཏུ་གསལ་བར་བསྟན་ཏེ། འདི་ལྟར་རབ་ཏུ་གྲུབ་པར་བྱེད་པ་ལས། བཟླས་བརྗོད་བྱེད་པས་བཟླས་བརྗོད་ཚེ། །རིག་སྔགས་ལྷ་ཉིད་བཏང་ནས་ནི། །སྒོམ་པ་མཆོག་…

གྲུབ་པར་ལྷ་ཉིད་ཀྱིས་ང་རྒྱལ་དུ་གྱུར་པ་དེའི་གསང་སྔགས་ཐམས་ཅད་མངོན་དུ་ཕྱོགས་པར་གནས་པར་འགྱུར་རོ། །ཞེས་གསུངས་སོ། །རིག་སྔགས་འཆང་གི་སྡེ་སྣོད་ལས་ཀྱང༌། རི་མོ་ལ་སོགས་པ་ལ་གནས་པའི་ལྷའི་བསམ་གཏན་བྱ་བ། འདིས་ནི་སྙན་ཆ་ཀུན་ཏུ་བསྐྱོད། །ནེའུ་ལེ་རྐྱལ་པ་བསྐུལ་བ་སྙམ། །དེ་ལྟར་བཟླས་བརྗོད་འབད་པའི་ཚེ། །ཞབས་ལ་སོགས་པའང་རིམ་གྱིས་…

གྱི་ཉམས་ལེན་བཤད་ལ། དེ་དང་མཐུན་པར་སློབ་དཔོན་བྱང་ཆུབ་སྙིང་པོའི་རྣམ་འཇོམས་ཀྱི་སྒྲུབ་ཐབས་དང༌། ཤུ་རཾ་ག་ཝརྨའི་རྣམ་འཇོམས་ཀྱི་དཀྱིལ་ཆོག་རྣམས་སུའང་བཤད་ལ། ཛེ་ཏཱ་རི་དང་ཇོ་བོ་རྗེའི་མི་འཁྲུགས་པའི་སྒྲུབ་ཐབས་དང༌། ཀེ་ལ་དྷ་རའི་དམ་ཚིག་གསུམ་བཀོད་ཀྱི་སྒྲུབ་ཐབས་རྣམས་སུའང་འདི་དང་ཚུལ་ཅུང་ཟད་མི་འདྲ་བར་གསུང་མོད། འདི་ཐམས་ཅད་…

ཞེས་བྱ་བ་ཡིན་ནོ། །དེས་ན་གོང་རྒྱུད་སྡེ་བཞིར་ཕྱེ་བའི་ཡ་གྱལ་གྱི་བྱ་བའི་རྒྱུད་ཡིན་ན་བདག་ཉིད་ལྷའི་སྐུར་མི་སྒོམ་པ་སོགས་ཀྱིས་ཁྱབ་པས་ན་བྱ་བའི་རྒྱུད་ལ་བདག་ལྷར་བསྒོམ་པ་མེད་དོ། །ཞེས་བྱ་བ་འདི་ནི་རྗེ་བཙུན་ས་སྐྱ་པ་རྣམས་ཀྱི་བཞེད་པའོ། །ཞེས་གསུངས། གཉིས་པ་དབང་བསྐུར་བའི་ཚུལ་ནི། ཡེ་ཤེས་ཐིག་ལེའི་རྒྱུད་ལས། ཆུ་དང་ཅོད་པན་ག…

པའི་གདུལ་བྱའི་འགྲོ་བ་རྣམས་གཟུང་བའི་ཕྱིར་བྱ་བའི་རྗེས་སུ་མཐུན་པའི་སྤྱོད་པ་དག་ཀྱང་སྟོན་པས་བྱ་བའི་རྒྱུད་དམ། གཉིས་ཀའི་རྒྱུད་ལྟ་བུར་སོ་སོར་བརྟགས་ཤིང་གྲགས་སོ། །ཞེས་གསུངས། དེ་ལ་དེ་བཞིན་གཤེགས་པའི་རིགས། པདྨའི་རིགས། རྡོ་རྗེའི་རིགས་ཀྱི་རྒྱུད་དེ། དང་པོ་ནི། རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་…

རིན་པོ་ཆེའི་རིགས་ཀྱི་དབང་དུ་བྱས་པའི་ལམ་རྣམས་སྟོན་ཏོ། །ལས་ཀྱི་རིགས་ནི་རིན་པོ་ཆེའི་རིགས་སུ་བསྡུས་པར་སངས་རྒྱས་གསང་བས་བཤད་དོ། །རྒྱུད་ཕྱི་མས་མཆོག་གི་དངོས་གྲུབ་བསྒྲུབ་ཚུལ་དང༌། ཕྱི་མའི་ཕྱི་མས་བཟླས་པ་དང་མཆོད་པ་སོགས་ཕྱིའི་བྱ་བ་གཙོ་བོར་སྟོན་ཅིང༌། རྒྱུད་ཉེ་བར་བསྡུས་པས་མ་ཚང་བ་ཁ་བསྐང་གི་ཚུལ་དུ་གསུངས་སོ། །དུམ་བུ་…

དབང༌། རྡོ་རྗེའི་དབང༌། དྲིལ་བུའི་དབང༌། མིང་གི་དབང་སྟེ་སློབ་མའི་དབང་ལྔ། དེའི་སྟེང་དུ་སློབ་དཔོན་གྱི་དབང་ལ་ཕྱིར་མི་ལྡོག་པའི་དབང༌། གསང་བའི་དབང༌། རྗེས་གནང༌། ལུང་བསྟན། དབུགས་དབྱུང༌། གཟེངས་བསྟོད་པ་དང་དྲུག བསྡོམས་པས་དབང་བསྐུར་བཅུ་གཅིག་སྦྱིན་པར་བྱ་བ་ཡིན་ལ། འདི་དག་ལ་དཀྱིལ་འཁོར་དུ་གཞུག་པ་ཙམ་ཞིག་དང༌། ཞུགས་པ་ལའང་…

རྒྱུད། མ་རྒྱུད། གཉིས་མེད་གསུམ་ལས། དང་པོ་ནི། ཟླ་གསང་ཐིག་ལེའི་རྒྱུད་ལས། འདོད་ཆགས་ཞེ་སྡང་གཏི་མུག་གིས། །རྒྱུད་ཀྱང་རྣམ་པ་གསུམ་དུ་འགྱུར། །ཞེས་པ་ལྟར་ལས། དང་པོ་གདུལ་བྱ་འདོད་ཆགས་ཅན་རྗེས་སུ་གཟུང་བའི་ཆེད་དུ་གསུངས་པ་དཔལ་གསང་བ་འདུས་པའི་རྩ་བའི་རྒྱུད་ལེའུ་བཅུ་བདུན་པ། དེའི་རྒྱུད་ཕྱི་མ་རྩ་རྒྱུད་ལེའུ་བཅོ་བརྒྱད་པ། བཤད…

མཆོག་གི་རིགས་སྒྲོལ་མ་མངོན་འབྱུང་སོགས། རྡོ་རྗེ་འཆང་གི་རིགས་ཇི་བཞིན་བརྙེས་པ་ནམ་མཁའ་དང་མཉམ་པའི་རྒྱུད་རྣམས་ལ་བརྟེན་ནས་མ་རྒྱུད་ཀྱི་བཀའ་སྲོལ་དར་བར་གྱུར་ཏོ། །གསུམ་པ་གཉིས་མེད་རྒྱུད་ལ་རྒྱ་ཆེ་བ་གཉིས་མེད་ཀྱི་རྒྱུད་དུས་འཁོར་ལ་རྩ་བའི་རྒྱུད་སྟོང་ཕྲག་བཅུ་གཉིས་པ། བསྡུས་པའི་རྒྱུད་ཚིགས་བཅད་སྟོང་སུམ་ཅུ་བདག་ཉིད་ཅན་དང༌།…