མཆོད་ནས་ནི། །རྣལ་འབྱོར་གནས་བཅས་ཤེས་རབ་ཅན། །བདེ་གཤེགས་མདུན་དུ་བསམ་ནས་ནི། །ཕྱི་ནས་ཡན་ལག་རྣམ་གྲོལ་བའི། །མིག་འབྱེད་འབྱེད་པ་རྣམ་པར་སྤངས། །ཕྲ་བ་མི་གཡོ་གསལ་བ་སྟེ། །བློ་ཡི་སྤྱོད་ཡུལ་མདུན་ན་གནས། །བདག་ཉིད་དེ་འདྲ་བཞག་ནས་ནི། །ཞེས་གསུངས་པའི་ངེས་པ་ལས་སོ། །དེ་ལ་ཐོག་མར་བསྟོད་པའི་ལྷ། བདག་གི་དེ་ཉིད་དང་དབྱེར་མི་ཕྱེད་པ…

སྒོམ་པ་ནི་མཚན་མའི་ལྷ་སྟེ་དེ་ལྟར་དྲུག་གོ །གཉིས་པ་སྔགས་ཀྱི་བསམ་གཏན་ནི། ལྷར་བསྒོམ་ན་སྔགས་བཟླ་བ་པོས། རུས་སྦལ་གྱི་ཡན་ལག་བསྐུམ་པ་ལྟ་བུར་དབུགས་རྒྱུ་བ་དང་སེམས་དབང་པོའི་གྲོང་ནང་དུ་བསྡུས། ནང་ན་གནས་པ་ཕྱིར་ལྟ་བའི་ཚུལ་གྱིས་མིག་ཟིམ་བྱས་ནས་གདོང་ཅུང་ཟད་སྟོད་དེ། བྱང་རྒོད་ཆགས་སྡང་དབུགས་འབྱུང་རྔུབ་ཀྱི་རྟོག་པ་སོགས་སྤངས…

གཏད། ཧ་ཅང་མི་རིང་པ། རང་ལས་ཅུང་ཟད་མཐོ་བར་སངས་རྒྱས་ཀྱི་སྐུའི་ཐུགས་ཀར་ཟླ་བ་སྔགས་འཕྲེང་དང་བཅས་པ་བསམས་ལ། རླུང་རྔུབ་པ་དང་ལྷན་ཅིག་ཏུ་མདུན་གྱིས་ཐུགས་ཀའི་ཟླ་བ་སྔགས་བཅས་རང་གི་སྙིང་གར་བསྡུ། རླུང་ཕྱིར་འབྱུང་བ་ན་མདུན་གྱིས་ཐུགས་ཀར་བཀོད་དེ། མདོར་ན་ཟླ་བའི་སྟེང་གི་སྔགས་ཕྲེང་ལ་དམིགས་ཤིང་ཟླ་སྟེ། ཇི་སྲིད་བཟླས་བརྗོད་ཀྱི…

སྒྲ་དང་སེམས་དང་གཞི་ལ་གཞོལ། །གསང་སྔགས་མི་འགྱུར་གཞི་ལ་གནས། །ཡན་ལག་མ་ཉམས་གསང་སྔགས་བརྗོད། །ངལ་ན་བདག་ལ་ངལ་བསོ་ཞིང༌། །མི་འགྱུར་བ་ནི་ཡི་གེར་ལྡན། །གཞི་ལས་གཞིར་འགྱུར་དེ་བཞིན་ཉིད། །རང་སྔགས་ཕྱིར་ནི་གང་བརྟགས་པ། །ཡིད་ཀྱི་དག་པ་བསམ་པར་བྱ། །སླར་སྡུད་པ་ཡིས་བཀུག་ནས་ནི། །སྲོག་དང་རྩོལ་བ་བསྡམས་པའི་ཡིད། །གསང་སྔགས་རིག་པ་ས…

ལྕེའམ་འོད་ཟེར་འབར་བའི་དབུས་ན་གནས་པ་ལ་སེམས་བཟུང་ནས། སྲོག་རྩོལ་བཀག་བྱིང་རྒོད་སྤངས་ཏེ། བསམ་གཏན་དུ་བྱ་བ། ཇི་སྲིད་བཀྲེས་པ་མེད་པ་སོགས་མཚན་མ་བྱུང་བ་ན། ཇི་ལྟར་བསམ་པ་སྒྲུབ་ནུས་པ་ལ་སོགས་པ་དངོས་གྲུབ་ཐོབ་ཀྱི་བར་དུ་སྟེ་བཟླས་བརྗོད་ཀྱི་འཇུག་དང༌། རྣམ་པ་གཞན་དུའང་ཤེས་པར་བྱ་སྟེ། ཕྱི་མ་ལས། མི་འབྱེད་ལས་བྱུང་དངོས་པོ་རྣམས…

མི་འགྱུར་བ་ནི་ཡི་གེར་བཞག །སྒྲ་ཉིད་འབའ་ཤིག་བསམས་པར་བྱ། །ཞེས་སོ། །གསུམ་པ་ནི། ལྷ་ཞལ་ཕྱག་གི་རྣམ་པ་ཅན་ཤིན་ཏུ་སྦོམ་པོའི་ཏིང་ངེ་འཛིན་གྱིས་ཐ་མལ་གྱི་རྟོག་པ་སྤངས། དེ་ཤུབ་བུའི་བཟླས་པའི་སྒྲ་ལ་དམིགས་པ་རགས་པའི་ཏིང་ངེ་འཛིན་གྱིས་སྤངས། དེ་ཡང་ཕྲ་མོ་ཡིད་བཟླས་ཀྱིས་ཏིང་ངེ་འཛིན་གྱིས་སྤངས་ལ་དེ་ཉིད་ཀྱང་རབ་ཏུ་གསང་སྔགས་ཀྱི་ར…

ལ་སོགས་པ་དེ་ཁོ་ན་ཉིད་གཞི་ལ་བརྩོན་འགྲུས་ཆེན་པོ་སྒྲུབ་ན་བྱང་ཆུབ་གསུམ་ཅི་ཡང་རུང་བ་དབང་པོ་དང་འཚམས་པས་ཐོབ་པར་འགྱུར་ཏེ། རིག་སྔགས་དེ་ཉིད་མ་ལུས་དང༌། བདག་གི་དེ་ཉིད་ཆོ་ག་དང༌། བཟླས་བརྗོད་དེ་ཉིད་མཆོག་ཤེས་པའི། །མིས་ནི་དངོས་གྲུབ་ཐོབ་པར་འགྱུར། །ཞེས་བསམ་གཏན་ཕྱི་མ་དང༌། དཔུང་བཟང་གིས་ཞུས་པ་ལས་ཀྱང༌། སོ་ཀ་ནགས་མེ་མཆེད་པའ…

བསྟན། །ཐ་མ་ཕྲན་ཚེགས་གྲུབ་པ་ནི། །རྒྱལ་བ་མཆོག་གིས་མངོན་གསུངས་སོ། །ཞེས་དངོས་གྲུབ་དང༌། ཡང་དེ་ཉིད་ལས། གང་ཞིག་རྒྱལ་དང་རྒྱལ་སྲས་སྔགས། །སེམས་ཅན་ཕྱིར་ནི་གསུངས་པ་རྣམས། །གང་ཞིག་དེ་ཐོས་མངོན་བརྩོན་པ། །དེ་ནི་ངེས་པར་སངས་རྒྱས་འགྱུར། །གང་ཡང་སྔགས་ནི་བགས་མ་དག།གང་ཞིག་ཟློས་པ་དེ་ཟློས་བྱེད། །རང་སངས་རྒྱས་སུ་ཡང་དག་བསྟན། །ངེ…

ཨོཾ་ཨུརྡྷ་བཛྲ་རཀྵ་ཧཱུཾ། ཞེས་བརྗོད། ཕྱོགས་མཚམས་ཀུན་ཏུ་གཏོར་ལ། ཨོཾ་སརྦ་ཏ་ཐཱ་ག་ཏཱ་ཀ་མ་ལ་བཛྲ་ཀུ་ལཱི་ས་པ་རི་བ་རཱ་ཛྙཱ་ཡ་ཙ་ཏུར་དི་ག་རཀྵ་ཧཱུཾ། ཞེས་དང༌། རྐང་པ་རྡོ་རྗེ་རྩེ་གཅིག་པའི་ཚུལ་དུ་བྱས་ནས། ཨོཾ་བྲུཾ་བཛྲ་བྷྲུཾ་མི་སྭཱཧཱ། ཞེས་ཕྱོགས་བསྲུངས་ཏེ། ཨོཾ་ཀཱ་ཡ་བཱཀྩིཏ་སརྦ་པ་ལ་སྣཱ་ན་ཧཱུཾ། ཨོཾ་སརྦ་ཏ་ཐཱ་ག་ཏཱ་བྷི་ཥེ་ཀེ་…

བ་ལས་འོད་འཕྲོས་པས་ཡེ་ཤེས་པ་སྤྱན་དྲངས་ནས་བསྟིམས། དེ་ནས་མཆོད་བསྟོད་རྒྱ་ཆེར་བྱས་ནས་བྱིན་གྱིས་རློབ་པར་གསོལ་བ་གདབ། དེ་ནས་གདོང་བྱང་དུ་ཕྱོགས་པས་པདྨའི་སྐྱིལ་ཀྲུང་གིས་འདུག་ལ། སྐྱབས་སུ་འགྲོ་བ་སོགས་བྱས་ནས། བདག་གི་དེ་ཁོ་ན་ཉིད་ལ་ཡུན་རིང་དུ་ནན་ཏན་དུ་བྱས་ཏེ། སྟོང་པའི་ལྷ། ཨོཾ་ཤཱུ་ནྱ་ཏ་སྟོང་པ་དེའི་ངང་ལས་ནཱ་ད་གསང་སྔག…

བཟླས་པའི་ཅོད་པན་གྱི་དབང་བསྐུར་རོ། །དེ་ནས་རྗེ་བཙུན་མའི་ཐུགས་ཀར་ཟླ་བ་ལ་སྔགས་ཕྲེང་བསྒོམ་ནས་རླུང་ནང་དུ་བསྡམས། སྔགས་ཟླ་བ། ལྷ་སྐུ་གསུམ་ལ་རྩེ་གཅིག་ཏུ་དམིགས་ལ་ཡིད་བཟླས་བྱ། དེ་ནས་རླུང་འབྱུང་བ་ན། རང་ལྷར་གསལ་ཙམ་ལ་དམིགས་ལ་ཤུབ་བུར་སྔགས་བཟླ་སྟེ། ན་མོ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མཧཱ་སཏྭཱ་ཡ། མཧཱ་ཀ་རུ་…

ཅི་ཡང་མ་གྲུབ་པ་དེའི་ངང་དུ་ཅི་ཡང་མི་བསམ་པར་འཇོག་པ་བསམ་གཏན་གྱི་དེ་ཉིད་རྣམས་ཏེ། དེ་ནས་ཐ་མལ་པའི་གཟུགས་ཀྱིས་ལྡང་བར་བྱའོ། །དེ་ལྟར་བཟླས་པ་ལ་སོགས་པ་གནས་སྐབས་གང་དུ་སྔར་བཤད་པ་ལྟར་དམིགས་གསལ་གྱི་ཁྲུས་དང་ཉེ་རེག་སོགས་བརྩམས་པར་བྱ་ཞིང༌། ཐུན་མཚམས་སུ་གསུང་རབ་བཀླགས་པ་དང༌། འབྱུང་བ་ཆེན་པོ་རྣམས་དང༌། ཡི་དྭགས་རྣམས་ལ་གཏོར་མ…

རིག་སྔགས་ཆེན་པོ་རྒྱལ། །བདག་གི་ལུས་ནི་རྟག་ཏུ་བསྲུང༌། །དབྱུག་འཛིན་སྙིང་གར་གནས་པའོ། །དབྱུག་པ་རབ་བསྐུལ་ཀ་ན་ཡ། །ཕྱག་རྒྱའི་རྡོ་རྗེ་དེ་བཞིན་གནས། །ཞེས་པའི་མཐར་རྟ་མཆོག་གི་རིག་པ་སོགས་མདོར་ན། ཉལ་བ་ལྡང་བ། ཐུན་མཚམས་སུ་འཇུག་པ་རྣམས་ཀྱི་ཚེ་བསྲུང་བ་དེ་བྱ་བར་གསུང་ལ། དེས་ན་རྡོ་རྗེའི་གདན་ལ་ཞེས་གསུངས་པ་གནས་དང་བདག་བསྲུང་…

ཁཱ་ཧི། མཧཱ་དཾཥྟ་ཀ་ར། ས་ཧ་སྲ་མུ་ཁ། ས་ཧ་སྲ་ཙ་རཱ་ཎ། ས་ཧ་སྲ་ཀོ་ཊི་པདྨ་བྷུ་ཛ། གྲྀ་ཧྞ་གྲྀ་ཧྞ། མཱ་ར་ཡ། མཱ་ར་ཡ། ཧ་ན་ཧ་ན། ད་ཧ་ན། དཱ་རུ་ཎ་ཀཱ་ཡ། ཧ་ཡ་གྲྀ་བ། མཧཱ་དཱ་རུ་ཎ། ཙུ་རུ་ཏི། གཔྫ་ཏི། སརྦ་བྷཱུ་ཏ། པྲེ་ཏ་གྲ་ཧཱ་ཎཾ། རྀ་ཀྵཱ་ཎཾ། ཛྭ་ལ་ཎཾ། པཱུ་ཏཱ་ཎཾ། བེ་ཏ་ཌཾ། ཀིནྣ་རཾ། ག་རུ་ཌཾ། ནཱ་གཱ་ནཾ། སརྦ་བྷཱུ་ཏ། བནྡྷ་བནྡྷ། ཧུ་ལུ…

བསྟན་ཏེ་རིགས་པ་ལན་གཅིག་བརྗོད། མདོར་ན་དེ་ནི་བདག་དང་གནས་བསྲུང་བ་ཞེས་བྱའོ། །དེ་ནས་ཉལ་བ་ན་ཡང་སངས་རྒྱས་རྗེས་སུ་དྲན་བཞིན་པས་སྣང་བའི་འདུ་ཤེས་དང་བཅས་ནས་ཉལ་བར་བྱ་ཡིས། འདོད་ཆགས་དང་ཞེ་སྡང་དང་གཏི་མུག་གིས་ནི་མ་ཡིན་ནོ། །དེ་ལྟར་འདི་ནི་བྱ་རྒྱུད་ཁོ་ན་ནས་འབྱུང་བའི་རིམ་པ་སྟེ། ལམ་འདི་ལ་འབད་དེ། སྒྲུབ་པ་དང་གྲུབ་པའི་སྤྱོད…

མཚོན་ནས་ཐ་མ་དང་བར་མེད་ལ། དེ་མེད་པའི་དུས་ཀྱིས་མ་བཟུང་པའི་ཕྱིར་ན་ཡུལ་གྱིས་ཀྱང་མ་བཟུང་བ་སྟེ། མདོར་ན། ངོ་བོ་ཅིར་ཡང་མ་གྲུབ་པའོ། །ཨ་དཱི་ནི། དང་པོ་དང་ཐོག་མ་དང་གདོད་མ་སྟེ། གསར་དུ་གྲུབ་པ་མ་ཡིན་པར་ཐོག་མ་ནས་འགྲོ་བ་རྣམས་ལ་རང་རིག་པར་བཞུགས་པ་ཡིན་ལ། དེ་ཡང་བུམ་པ་དང་བུམ་པ་ཐོགས་པ་ལྟ་བུར་ནི་མ་ཡིན་ཏེ། བདག་ཉིད་གཅིག་པའི་…

སྟེགས་ཀྱི། །རབ་བརྟགས་བདག་ཏུ་འཁྲུལ་བར་མ་བགྱིས་ཤིག །དེ་ལྟར་འདི་ནི་རྗེ་བཙུན་བྱམས་པས། དག་དང་ཉོན་མོངས་དང་ལྡན་ཕྱིར། །ཀུན་ནས་ཉོན་མོངས་མེད་དག་ཕྱིར། །རྣམ་པར་དབྱེ་བ་མེད་ཆོས་ཕྱིར། །ལྷུན་གྲུབ་རྣམ་པར་མི་རྟོག་ཕྱིར། །ཞེས་གསུངས་པའི། དག་དང་ཉོན་མོངས་དང་ལྡན་ཕྱིར་ཞེས་པའི་དབང་དུ་བྱས་པའོ། །ད་ནི་རྐྱེན་གྱི་ཡན་ལག་ལས། ཀུན་ནས…

ནི་སེམས་གཟུགས་སོགས་ཡུལ་ལ་གཡོ་བའི་རང་བཞིན་ཡིན་ལ། དེ་ཡང་ཀུན་གཞི་ཡེ་ཤེས་བག་ཆགས་དང་བཅས་པའི་དབང་ལས་ཡུལ་དུ་འཛིན་པའི་བག་ཆགས་དེ་རྐྱེན་གྱིས་བརྟས་པ་ལས་གཟུགས་ལ་སོགས་པ་སྣང་བ་འབྱུང༌། དེ་ལས་ཉོན་མོངས་འབྱུང༌། དེས་ལས་བྱས། དེས་ཀྱང་སེམས་རྒྱུད་བག་ཆགས་ཀྱིས་སྦགས་པར་བྱེད་དེ། །ས་བོན་དང་སྡོང་པོ་དང་འབྲས་བུ་བཞིན་དུ། ལུས་ཅན་རྣ…

ནས་དབྱུང་བ་ན་གཉིས་ཀ་ཡང་བསྐྱེད་རིམ་ཡིན་པའི་ངེས་པས། འཆི་མེད་སྒྲུབས་པའི་ཐབས་ཀྱི་སྙིང་པོ་ཅན་དུ་རིག་པར་བྱའོ། །དེ་གཉིས་གྱི་བར་དུ་རླུང་ཅུང་ཟད་བཟུང་ནས་སྲོག་རྩོལ་དགག་པ་སྟེ། འདི་ནི་མཉམ་རྒྱུ་ཡེ་ཤེས་ཀྱི་རླུང་འགོག་པར་བྱེད་པས་མི་འགྱུར་བའི་བདེ་བ་འཐོབ་པར་བླ་མེད་ནས་བཤད་པས་ཀྱང་རིག་པར་བྱ་སྟེ། རྡོ་རྗེ་སེམས་དཔའི་རླུང་ཞེ…

ཨཱཿསོགས་ནི་རང་གི་ངག་གཞོམ་མེད་ཀྱི་སྒྲ་དང་ཨོཾ་ཧཱུཾ་སོགས་ཀྱི་སེམས་ཀྱི་རྡོ་རྗེ་འདི་སྟོང་ཉིད་དང༌། བདེ་བ་གཉིས་མིན་ཐུགས་རྡོ་རྗེ་དང༌། ཨོཾ་ཨོཾ་སོགས་ཀྱིས་ལུས་འདིའི་རང་བཞིན་ནི་ཆོས་ཉིད་ཀྱང༌། བེམ་ཆོས་ལས་འདས་པའི་སྒྱུ་མ་སངས་རྒྱས་ཀྱི་སྐུར་ཡེ་ནས་བཞུགས་པ་དེ་ཉིད། འདིར་གསལ་གདབ་པ་སྟེ། དེ་གསུམ་འཛིན་ཞེས་མཚོན་པར་རྫས་ཀྱི་རྡ…