གཉིས་སོགས་པཎ་གྲུབ་ཤིང་རྟ་ཆེན་པོ་རྣམས་ཀྱིས་འཛིན་སྐྱོང་རྒྱ་ཆེར་སྤེལ་བ་ལས། གངས་རིའི་ལྗོངས་འདིར་སྤྱིར་འཇམ་དཔལ་རྩ་བའི་རྒྱུད་ལས་ལུང་བསྟན་པའི་ཆོས་རྒྱལ་བྱང་ཆུབ་སེམས་དཔའ་རྣམས་ཀྱིས་དར་བར་མཛད་ཅིང་། ཁྱད་པར་མངའ་བདག་ཁྲི་སྲོང་ལྡེའུ་བཙན་གྱིས་རྒྱལ་ཀུན་ངོ་བོ་སློབ་དཔོན་ཆེན་པོ་པདྨ་འབྱུང་གནས་དང་མཁན་ཆེན་ཞི་བ་འཚོ་སོགས་པཎ་…

འཛིན་སྐྱོང་དང་། རང་གཞན་མཐའ་དག་གི་མཐར་ཐུག་གི་འབྲས་བུ་དོན་དུ་གཉེར་དགོས་པ་ཁོ་ནའོ། །དེ་གཉིས་ཀའང་གཞི་ཚུལ་ཁྲིམས་རྣམ་པར་དག་པས་ཡོངས་སུ་བསྡམས་པའི་གང་ཟག་ལ་རག་ལས་པར་གདའ་ནའང་། སྙིགས་དུས་ཀྱི་བསྐལ་པས་ཆོས་པར་རློམ་པའི་གང་ཟག་ཕལ་ཡང་བག་མེད་པའི་སྤྱོད་པ་བརླང་པོར་སྤྱོད། ཚུལ་དེས་བསྟན་པ་ཉམས་དམས། གཟུགས་བརྙན་ཞིག་ཏུ་ཉེ་བ་བློས…

དཔལ་དང་ལྡན་པ་དུ་མ་བསོད་ནམས་ཀྱི་ཞིང་དུ་སྤྱན་འདྲོངས། ཕུན་སུམ་ཚོགས་པའི་སྤྲིན་གཏིབས། ལྷ་དང་བཅས་པའི་འགྲོ་བ་ཡོངས་ཀྱིས་བཀུར་ཞིང་མཆོད་པར་འོས་པའི་ཡོན་ཏན་མོད་མི་དམའ་བས་ལེགས་པར་བརྒྱན་པའི་བཀྲ་ཤིས་ཀྱི་གཙུག་ལག་ཁང་ཆེན་པོ་འདིར་གཉུག་མར་གནས་པའི་དགེ་འདུན་རྣམས་དང་། རྣམ་པར་དཀར་བའི་ཕྲིན་ལས་སྤེལ་བ་ལ་ཕྱོགས་གཞན་དུ་རྒྱུ་བ་དང…

མི་བསད་པ་དང་། རྐུ་རྫུན་ལང་ཤོར་བློ་ལད་ཀྱི་རིགས་དང་། གཞན་གྱི་རྩོད་གཞི་ཅན་དང་། དཔོན་གཡོག་ནང་ཚང་སོགས་ཀྱི་འཕྲལ་རྐྱེན་ཉི་ཚེ་ཙམ་གྱིས་ཆོས་ལ་ཕུགས་གཏན་མི་འཁེལ་བའི་རིགས་སོགས་མ་ཡིན་པའི་གང་ཟག་རིགས་གཙང་ཞིང་རྣམ་རིག་དྭངས་པ་བློ་ཆོས་སོང་གི་རིགས་རྣམས་དང་། ཆོས་བརྒྱུད་གཅིག་པའི་སྡེ་གཞན་ནས་སློབ་གཉེར་དུ་ལྷགས་པ་གོང་གི་སྐྱོན…

པ་ཆེན་པོར་འགྱུར་བ་སྟེ། དགེ་སློང་ལ་རབ་ཏུ་གཅེས་པའི་མདོ་ལས། ལ་ལའི་ཚུལ་ཁྲིམས་བདེ་བ་སྟེ། །ལ་ལའི་ཚུལ་ཁྲིམས་སྡུག་བསྔལ་ཡིན། །ཚུལ་ཁྲིམས་ལྡན་པ་བདེ་བ་སྟེ། །ཚུལ་ཁྲིམས་འཆལ་བ་སྡུག་བསྔལ་ལོ། །ཞེས་དང་། འཇམ་དཔལ་རྩ་རྒྱུད་ལས། ཚུལ་ཁྲིམས་འཆལ་ལ་ཐུབ་དབང་གིས། །སྔགས་འགྲུབ་པ་ནི་མ་གསུངས་སོ། །མྱ་ངན་འདས་གྲོང་འགྲོ་བ་ཡིས། །ཡུལ་དང་…

དགོས་ལ་ཡང་ཁྲིམས་གྲོགས་མེད་པར་འགྲོ་ས་མེད། གལ་ཏེ་ཁྲིམས་གྲོགས་མེད་པར་གྲོང་རྒྱུ་བྱས་ན་མར་ཉག་བདུན་གྱི་མར་མེ། ཐོ་མཚམས་འདས་པར་ཉག་གསུམ་གྱི་མར་མེ་འབུལ་ཞིང་ཚོགས་སུ་ཉེས་པ་བསྒྲགས་པའི་ཕྱག་བརྒྱ་ནས་ཉི་ཤུའི་བར་སྐབས་དང་སྦྱར། མ་བྱིན་ལེན་གྱི་ཕྱོགས་མཐུན་གསེར་ཞོ་ཕྱེད་ཚུན་གྱི་དངོས་པོ་ཆེ་ཆུང་གང་བརྐུས་ཀྱང་ངོ་བོའི་འདབ་འཕར་ག…

ཆེ། མདོར་ན་ཀུ་རེ་དང་ཀྱལ་ཀ་ཙམ་དུ་ཡང་རྫུན་ཚིག་སྨྲ་བརྗོད་གཏན་མི་བྱ། ལྷག་མ་དང་པོ་འདི་སྤྱད་པས་ལུས་སྟོབས་དྲན་ཤེས་ཐམས་ཅད་འགྲིབ་ཅིང་ཚུལ་མིན་ཡིད་བྱེད་ཀྱི་རྒྱུར་འདུག་པས་བག་ཡོད་ཆེ་བར་བྱེད། བུད་མེད་ཀྱི་རིགས་ལ་སྲེད་པས་རེག་ཅིང་འཁྲིག་ཚིག་མི་སྨྲ། ཕན་ཚུན་ཁྱོ་ཤུག་ཏུ་སྦྲེལ་བའི་གཉེན་སྣ་མི་སྦྱོར། གཞན་ལ་གཞི་མེད་ཀྱི་སྐུར་…

པའི་བློ་ངན་གྱི་རྒྱུར་འདུག་པས་གཏན་མི་བྱེད། གལ་ཏེ་བྱས་པ་བྱུང་ན་དངོས་པོ་གང་བཏང་དེ་སྤྱི་ཐོག་ཏུ་ལོངས། འོན་ཀྱང་སྐྱེད་འཕེལ་མེད་པའི་སྔ་འཕྲུལ་ཙམ་སྐྱེ་བོ་སོ་སོར་ཡང་མཁོ་བར་སྣང་བས་རྒྱ་ཆེ་མུ་མེད་དུ་མ་སོང་ཕྱིན་བཀག་ཆ་མེད། དགེ་འདུན་གྱི་སྤྱིའི་རྫས་ལ་གང་ཟག་གིས་འོས་མིན་དུ་བདག་བཟུང་འཁོལ་བ་ཐེས་མེད་དུ་མ་སོང་བ་དགོས་ཤིང་། …

སོ་སོས་ཀྱང་ཆུ་ཚགས་བསྟེན་པའི་ཆུ་ལ་བརྟགས་གང་ཐུབ་དང་། ཁྱད་པར་སྤྱིའི་ཆུ་ལེན་པས་ནི་ཆུ་ཚགས་མེད་དུ་མི་རུང་ངོ་། །དགེ་འདུན་སྤྱིའི་སྒྲིགས་འགལ་དང་ལས་སྣེར་ཁྱད་གསོད་ཀྱིས་ཆད་པ་མི་བསྒྲུབ་པ་སོགས་ངན་རྩ་རྒྱབ་བདག་བྱེད་པ་བྱུང་ན་ཆད་ལས་མི་ཆུང་བས་ཚར་ཆོད། ཉེས་ཅན་ཆད་ལས་མི་འཁུར་བར་བྱོལ་ཟུར་བྱེད་པ་བྱུང་ན་རྩོལ་བ་ཆེན་པོས་བཀུག་ན…

བ་བླ་རེ་སོགས་རྙེད་པ་འགངས་ཆེན་སྤྱི་འགྱེད་དུ་འབུལ་མི་བྱུང་ན་མི་བགོ་བར་སྤྱི་རྫས་སུ་འཇོག །འགྱེད་འོས་པའི་རིགས་དང་སྤྱི་འགྱེད་ཕྲ་མོ་རྣམས་སྤྱི་ལས་དང་དགེ་བསྐོས་ཀྱིས་རིམ་བསགས་བྱས་པའི་དགེ་འདུན་ལ་ཁེབས་གང་ཆེ་འཁོས་བསྡུར་གྱིས་འགྱེད་པ་སོགས་སྐབས་དང་སྦྱར། ནད་པ་བྱུང་ན་དེ་ལ་ནད་གཡོག་དང་ཡོ་བྱད་སོགས་རང་ལ་རྐྱེན་འབྱོར་བ་འདུ…

དར་དང་བརྒྱ་ནས་ཉི་ཤུའི་བར་གྱི་ཕྱག་འགེལ། བཅང་འོས་ཀྱི་ཡོ་བྱད་མ་ཚང་ན་ཉག་གསུམ་ནས་གང་གི་བར་གྱི་མར་མེ་དང་ཕྱག་བརྒྱ་ཕྱག་འཚལ། སྐྲ་ཚད་ལས་ལྷག་པ་མི་འཇོག་ཅིང་གོས་ཆས་ཀྱང་རིང་ཆེས་ཐུང་བརྩེང་མིན་པའི་ཟླུམ་པོར་བགོ་བ་སོགས་བཙུན་ཉམས་གང་དོད་བྱེད། དགེ་འདུན་བཞི་གྲྭ་ལོངས་ནས་ཞྭ་སེར་དང་། དེ་མན་གྱི་ཞྭ་ཆུང་ལས་གཞན་རིགས་མི་མཐུན་པ་མ…

བདར་གྱི་ཕན་ཡོན་ལྔ་མཐོང་བས་ཕྱག་བདར་ལེགས་པར་བྱས་ཏེ་སོ་སོའི་ཡོ་བྱད་རྣམས་ཀྱང་བཀོད་ལེགས་དང་བ་འདྲེན་པར་འཇོག །དེ་དག་དང་ཆུ་ངོགས་སོགས་སུ་བཤང་གཅི་དང་མཆིལ་སྣབས་མི་འདོར་ཞིང་གད་རོ་ཉལ་ཉིལ་གྱིས་མི་འགེང་། གལ་ཏེ་ས་མི་གཙང་བར་བྱས་ན་བྱེད་མི་སུ་ཡིན་དེ་ཁ་འཕྱག་ཏུ་ཆུག །གླིང་གསེབ་ཏུ་རྒྱང་སྐད་འབོད་པ་སོགས་ཀུ་ཅོ་མི་བྱ་ཞིང་། གལ…

འགྲོ་ན་བ་སོགས་ཀྱི་དུས་མ་གཏོགས། དཔེ་རྒྱུགས་སྤྲོད་ལེན་བསྟར་ཆགས་སྒྲིགས་ཆུར་དོ་དམ་གང་ཆེ་གྲོག་མཁར་དང་སྦྲང་རྩིའི་དཔེ་བཞིན་བློ་སྐྱེད་ཡོང་བ་ལ་དཔོན་སློབ་གཉིས་ཀས་ཁུར་བསམ་བསྐྱེད་ངོས། ཤེས་རབ་ཀྱི་བབས་དང་སྦྱར་བའི་རྒྱུགས་བསྡེབ་སྤྲོད་དམ། རྒྱུགས་ཆ་གསུམ་པོ་རིམ་སྤྲོད་བྱེད་པ་སོགས་གང་ཡིན་ཡང་ཞུགས་ནས་ལོ་ལྔ་ཚུན་ལ་འཕྲོད་ངེས…

དཔྱིད་ཀྱི་ཆོས་དུས་གཉིས་ལ་སོ་བྱང་གི་སྡོམ་པ་དབང་ཁྲིད་ལུང་མན་ངག་དང་བཅས་པ་རྣམས་རང་རྒྱུད་སྨིན་གྲོལ་དུ་གང་འགྱུར་ཞུ་ཞིང་། ཁྱད་པར་རྒྱུན་གྱི་ཉམས་ལེན་སོ་ཐར་དང་བྱང་སྡོམ་གྱི་བསླབ་བྱ་རགས་པ་རྣམས་ལ་འཇུག་ལྡོག་མ་ནོར་བའི་ངོས་ནས། བསྐྱེད་རིམ་ལ་མོས་པ་རྣམས་ཀྱིས་བླ་མ་ཞི་དྲག་ཐུགས་རྗེ་ཆེན་པོ། སྒྱུ་འཕྲུལ། བཀའ་བརྒྱད། ཕུར་པ། ག…

༈ ཐོག་མར་ཐོར་ཐུན་དགེ་བསྐོས་ཀྱིས་མཁར་རྔས་བསྐུལ་བའི་རྗེས་འབྲེལ་མལ་གྱི་བདེ་དྲོད་ཉི་ཚེར་མ་ཆགས་པར་ལྡང་བའི་རྣལ་འབྱོར་གྱིས་ལངས་ཤིང་། གཉེན་པོ་ཞན་པ་རྣམས་ཀྱང་དགེ་རྒན་དང་ཤག་དཔོན་སོ་སོས་སད་པར་བྱས་ཏེ། ལུས་གནད་དང་ལྡན་པས་སྐྱབས་སེམས་སྔོན་དུ་འགྲོ་བའི་རྟེན་བསྐྱེད་མཆོད་འབུལ་ཉི་མ་ལྷོ་ནུབ་མ་སོགས་གསོལ་འདེབས་དབང་བཞི་ལེན་པ…

གྱིས་ཞོགས་རེ་ཡན་ལག་བདུན་པ་རྒྱས་པ། ཐུགས་བསྐྱེད། སོ་ཐར། བྱང་སྡོམ་སྙིང་ཐིག་རྣམས་ཀྱི་བླ་བརྒྱུད་གསོལ་འདེབས། མཛད་བཅུ། གནས་བརྟན་ཕྱག་མཆོད། བརྟན་བཞུགས་གསོལ་འདེབས་ཅི་རིགས། དཀོན་མཆོག་རྗེས་དྲན། ཡོན་སྦྱོང་། དཔལ་ལྡན་རྩ་གསུམ་མ་རྣམས་དང་། ཞོགས་རེ་ཡན་ལག་བདུན་པ་བསྡུས་པ་བཟང་སྤྱོད་ལྟར་དང་། ཐུགས་བསྐྱེད་གསོལ་འདེབས་ལེའུ་བད…

ཚུལ་སློང་མ་འདྲེས་པར་བཞུགས་ངོས། ལྷུང་བཟེད་སོགས་རུང་མཐུན་གྱི་སྣོད་ལས་པགས་སྣོད་སོགས་སུ་མི་སྤྱོད། སྐོར་ཚོམ་ཉལ་སྙེལ་རྒྱབ་རེང་སོགས་བག་མེད་སྤངས་ཏེ། རྗེས་དྲན་ཕུད་མཆོད་ཆང་བུ་བསྔོ་བ་ཡོན་སྦྱོང་སོགས་སྤྱོད་ལམ་དག་པས་ལོངས་སྤྱད། དགུང་ཚིགས་གྲོལ་རྗེས་ཀློག་གྲྭ་ནས་མ་ཐོན་པ་རྣམས་ཀུན་ར་སློབ་དཔོན་པས་ཏིང་བརྡས་བསྡུས་ཏེ་གསལ་ད…

ཕེབས་ནས་ཤག་སོ་སོར་བཞུགས་རྗེས། ཆོས་ར་སོགས་ཕྱིར་བག་ཡངས་ཀྱི་རྒྱུ་འགྲུལ་ལབ་སྒྲ་མེ་སྒྲོན་ཁྱེར་བ་ཉལ་འདུག་སོགས་མི་བྱེད། དགེ་སྦྱོང་དང་དཔེ་ཆ་སྐྱོར་སྦྱང་མ་བཀག །དེ་ཕྱིན་ཕྱིར་མ་ཟད་ཤག་གི་ནང་དུ་ཡང་སྡེབས་ཚོགས་མེ་སྒྲ་ཐུག་ཆོམ་སོགས་གཏན་མི་བྱ་ཞིང་། མལ་གདང་གིས་ཉལ་བ་དང་ཉལ་ཆས་དཀར་ནག་གྱོན་པ་སོགས་སྤངས་ཏེ་བག་ཡོད་དྲན་ཤེས་ཀྱི…

ཀྱིས་ཚོགས་འདུ་ཅལ་སྒྲོག་བྱེད་པ་སོགས་བྱུང་ན་སྨན་རྩེ་ཁ་རེའི་སྙན་དར་དང་བརྒྱ་ནས་ཉི་ཤུའི་བར་གྱི་ཕྱག་འོས་བབས་འཚལ། ཤག་གི་འགག་སོགས་མཐོང་གསལ་ཆེ་སར་ཡི་གེ་འབྲི་ཀློག་དང་དཔེ་ཆ་ལྟ་བ་ཙམ་ལས་ཚེམ་བུ་སོགས་ཀྱི་ལས་མི་བྱེད། དགག་དབྱེའི་མཐར་ལྗོངས་རྒྱུ་དང་བསྟུན་ཆུ་ཞུགས་ཀྱི་ཉིན་ལྔའི་བར་མ་གཏོགས་བང་མཆོངས། མིག་མང་དང་ཤོ་སོགས་:ཁྲབ…

དང་གཅུང་རྒྱལ་བའི་སྲས་པོའི་དུས་དྲན་བཀའ་བརྒྱད་བདེ་འདུས་ཀྱི་ཆོ་ག་དང་འབྲེལ་བར་ཕྱག་བཞི་པ་དང་དུར་ཁྲོད་མ་མོ་གཙོ་བོར་གྱུར་པའི་བསྐང་གསོ་གསོལ་མཆོད། ཉེར་གཅིག་ལ་མ་གཅིག་གི་དུས་མཆོད་དུ་རས་བྲིས་ལ་བརྟེན་པའི་བདེ་གཤེགས་ཀུན་འདུས་ཀྱི་སྒྲུབ་མཆོད་བདག་འཇུག་དང་བཅས་པའི་རྗེས་འབྲེལ་ལྷ་ཆེན་གཙོ་གྱུར་གྱི་བསྐང་བ་གསོལ་མཆོད། ཉེར་གཉ…