འབེལ་གཏམ་རྣམས་ཀྱང་སྔར་འཁྱུད་ལྟར་མཛད་ཅིང་། ཚེས་གསུམ་ལ་མགོན་ཁང་སྦུག་ཏུ་རྟེན་རྫས་སྤྱན་གཟིགས་དང་བཅས་ཏེ་བསྐང་གསོ་རྒྱས་པར་གནང་། བཅོ་ལྔ་ལ་བླ་བྲང་ཚོམས་ཆེན་དུ་བརྒྱ་མཆོད་དང་འདུས་པར་ཧུབ་ཇའི་མང་ཇ་སྦྱོར་སྦྲེལ་རྣམ་བཞག་དང་བཅས་ཏེ་མཆོད་འབུལ་དང་སྨོན་ལམ་བགྱིད་དུ་སྩལ་ཞིང་། དེ་ཉིན་རྗེ་ཉིད་ཀྱི་སྤྱན་སྔར་སྒྲུབ་སྡེའི་བཙུན་མ…

མེད་དགེ་ཚལ་ནས་ཆ་རྐྱེན་གནང་བ་ལྟར་མི་དབང་ཆེན་པོའི་སྐུ་ཚེའི་སྒྲུབ་པ་བདུན་ཕྲག་གཅིག་གི་བར་དང་། ཟླ་མཇུག་དེར་ཞབས་ཕྱི་སོགས་ཀྱང་མ་བསྟེན་པར་བླ་བྲང་གི་གཟིམས་ཆུང་སྦུག་ཏུ་སྐུ་མཚམས་ཀྱི་བཅད་རྒྱ་ཤིན་ཏུ་དམ་པ་ཞིག་མཛད་པ་ཟླ་བ་གསུམ་པའི་ཚེས་འགོར་གྲོལ་ཏེ་ཚོགས་མཆོད་ཆེན་མོའི་སྒྲུབ་མཆོད་གྲོལ་བའི་དངོས་གྲུབ་ལེན་པའི་གྲལ་དབུར་ཡང…

སྟོན་མི་དབང་ཆེན་པོའི་བཀའ་ཤོག་བཅས་སྔོན་དུ་ཕེབས་པ་ལྟར་གྲྭ་པ་བགྲེས་པ་དགེ་རྒན་རབ་འབྱམས་པ་ཐུགས་རྗེས་དབུ་མཛད་གྲྭ་གསར་ལྔ་བཅུ་སྐོར། ཕྱག་ཕྱི་རྗེས་འབྲེལ་བདུན་ཅུ་སྐོར་བཅས་ཉེར་བཞིའི་སྔ་ཆར་ཕེབས་པར། དེ་འཕྲལ་མཇལ་ཁ་དང་། ཚོམས་སུ་ཕེབས་སྤྲོའི་སྟོན་མོ་ཞུས་རྗེས། དེ་ནུབ་བླ་མ་གསང་འདུས་ཀྱི་སློབ་མ་ལྷག་གནས་གནང་། ཉེར་ལྔ་ལ་སོ་…

སྟེང་འདི་ལོ་ནས་ཉིན་གསུམ་གྱི་འཕར་ཁ་གནང་ཞིང་། ཚེས་བཅོ་བརྒྱད་ལ་སྒྲུབ་མཆོད་གྲོལ་སྟོན་ཐོག་སྙན་དར་ཚོས་ཁ་སྣ་ཚོགས་བཟང་བསྡུས་དང་། དུང་དཀར་གསེར་ལྗང་བརྡུངས་ཀྱི་གཤོག་པ་ཅན་གཡུ་ཕྲས་ཕྱུག་པ་ཆ། གར་གོས་ཟངས་འབག་སོགས་གྲྭ་ཚང་གི་སྤྱི་རྫས་དང་། འགྱེད་ཀྱི་ཚན་གྲངས་རྣམ་གཞག་དང་བཅས་པའང་རྒྱས་པར་སྩལ། སྐབས་འདིར་ཞབས་བརྟན་མཆོད་སྡོང་…

ནས་བརྩམས་ཏེ་ཡུམ་རིན་པོ་ཆེ་ལྷ་འཛིན་དབྱངས་ཅན་སྒྲོལ་མས་རང་ཉིད་ཀྱི་སྐུ་རྒྱན་རྣམས་དངོས་རྒྱུར་མཛད་པའི་ཐུགས་རྗེ་ཆེན་པོ་བདེ་གཤེགས་ཀུན་འདུས་ཀྱི་དཀྱིལ་འཁོར་བློས་བསླངས་རིན་པོ་ཆེ་སྣ་ཚོགས་ལས་གྲུབ་པ་ཞིག་བཞེངས་པར་བཞེད་པའི་སྐུ་བརྙན་རྣམས་ཀྱི་སྤྲ་བཟོའི་དབུ་འཛུགས་པ་སོགས་བཟོ་པ་བལ་པོ་དྲུག བོད་པ་འཕྲ་བཟོ་བ་གཉིས་དང་ཤིང་བཟོ…

སོར་འདུས་པ་མདོ་དབང་ཆེན་མོ་དང་གྲྭ་ཚང་ལ་ཐུགས་རྗེ་ཆེན་པོའི་དབང་བསྐུར་གནང་བ། ཚོགས་མཆོད་སྒྲུབ་མཆོད་ཀྱི་ཐུགས་རྗེ་ཆེན་པོའི་ཆོ་ག་གསར་ཚུགས་ཀྱི་ཁྲི་ཐོག་ཏུ་ཕེབས་པ། འདི་སྐབས་སོགས་ཐམས་ཅད་དུས་བསྒྲིགས་པ་ལྟ་བུར་བྱུང་བ་ཐུགས་བསྐྱེད་བཟང་བའི་རྟེན་འབྲེལ་མངོན་གྱུར་པ་ཡིན་ནམ་གསུང་། ཚེས་ཉི་ཤུ་ལ་དད་འདུས་པ་འགའ་ལ་རྐྱེན་སེལ་གྱི…

ཚེས་གསུམ་ནས་བཟུང་ཁམས་པ་གོ་འཇོ་སྐུ་སྐྱེ་སོགས་གྲྭ་ཚང་གི་གྲྭ་པ་ཁམས་སུ་ལོག་འགྲོ་རྒྱུ་ཁ་ཤས་ལ་གཏེར་གསར་གཙོ་བོར་གྱུར་པའི་དབང་ལུང་མང་པོ་རིམ་པར་སྩལ། ཚེས་དགུ་ལ་སྔར་གྱི་ཁྲིད་ཞུ་བ་རྣམས་ལ་མཁའ་འགྲོ་ཡང་ཐིག་གི་དབང་གི་སྟ་གོན་དང་བཅུ་ལ་དངོས་གཞིའི་དབང་བསྐུར་སྨིན་པར་གནང་ཞིང་། གོ་འཇོ་བ་རྣམས་ལ་འཇུག་ལྡོག་གི་ཞལ་ཏ་རྫོངས་བའི་…

དགོན་པའི་ཐད་དུ་ཞག་བཞུགས་མཛད་ནས་སང་ཉིན་ལྷ་གདོང་གི་གྲུས་ཤོད་ཆེན་གྱི་ལུང་གི་ཆུ་བོ་ཆེན་པོ་བརྒལ་བའི་ཕ་རོལ་ཏུ་བྱང་གླིང་པ་སོགས་ཀྱི་ཆིབས་བསུ་འབྱོར་ཞིང་། ཤར་མར་ལྟག་སྒོ་བརྒྱུད་གྲུ་འཛིན་གྱི་ཕོ་བྲང་གསར་པའི་གཟིམས་ཆུང་དགའ་བ་འཁྱིལ་དུ་ཕེབས་ནས། དེ་འཕྲལ་དྲི་མ་མེད་པའི་དར་དཀར་སྲིད་དུ་རིང་བའི་མཇལ་རྟེན་ཙམ་བསྣམས་ཏེ་གོང་མ་…

ཅིང་། དེ་དག་གི་ཚེ་སྐུ་ཞབས་གྲྭ་ཚང་གི་གྲྭ་པ་དོན་གཉེར་ཅན་འགའ་ལ་གཏེར་གསར་གུར་དྲག་གི་དབང་དང་། མ་གཅིག་གི་གཅོད་ཁྲིད་དང་རླུང་ཁྲིད། ལྷོ་པ་དང་ལྷ་ས་བ་སོགས་དད་ཅན་མང་པོར་ཚེ་དབང་ལ་སོགས་པས་སོ་སོའི་སྐལ་བ་ཇི་ལྟ་བ་བཞིན་ཚིམ་པའི་ཆོས་འབྲེལ་མང་དུ་སྩལ་ཅིང་། སྙན་ཤལ་མཆོད་འབུལ་དང་བཅས་ཏེ་ཕོ་བྲང་ཆེན་པོའི་ལྷ་ཁང་གསར་རྙིང་ཐམས་ཅད་…

བུམ་གསུམ་དབྱེར་མེད་དུ་སྒྲུབ་པར་མཛད་ནས་བཟླས་དམིགས་ཀྱི་གནད་ཁྱད་པར་བ་དང་བཅས་པས་ཞི་ཁྲོའི་སྤྱི་འཛབ་དང་དཔལ་དགུའི་དགོས་འཛབ་སྟོང་ཚིགས་ཀྱི་མཆོད་པ་དང་བཅས་པ་སྤྱི་དང་། སྒོས་སུ་གྲྭ་པ་གྲངས་ཅད་ཀྱི་འཛབ་རྒྱུན་གསུང་མི་ཆད་དུ་བཟླ་བ་ལ་སོགས་པས་བསྙེན་སྒྲུབ་ཀྱི་གཞུང་བསྲང་ཞིང་། འགལ་རྐྱེན་བསལ་བའི་ཕྱིར་དུས་གནད་དང་སྦྱར་ཏེ་ཉུལ་…

ཚེ་འགུགས་ཀྱི། འབྱུང་བ་མེ་ཡི་བཅུད་བསྡུས་ལ། །ཞེས་པའི་ཚིག་བརྗོད་པ་དང་ལྷན་ཅིག་བཞུགས་ཁྲིའི་ཟུར་དུ་ཉི་མའི་འོད་ཟེར་ལྷག་གེ་ཤར་བའི་མཚན་ལྟས་བཟང་པོའང་བྱུང་། དེ་ནུབ་སྒྲུབ་པའི་འབྲས་བུ་བདེ་གཤེགས་འདུས་པའི་དཀྱིལ་འཁོར་གྱི་ལྷ་དང་རྫས་ལ་བརྟེན་ནས་རང་དོན་དུ་དངོས་གྲུབ་བླང་བ་སྒྲུབ་པ་ཆེན་པོའི་ཡན་ལག་གི་བར་མཐར་ཕྱིན་པར་གནང་ཞིང…

དབུལ་བ་རྣམས་མཛད་རྗེས། ཀ་བརྒྱད་མར་རྗེ་ཉིད་འཁོར་ལོ་སྒྱུར་བའི་བྱི་བྱད་ཀྱི་ཆས་སུ་ཞུགས་པའི་ཞབས་ཕྱིར་གྲྭ་པ་རགས་བསྡུས་དང་བཅས་ཏེ་གནས་བྱའི་རྟེན་གྱི་ཡེ་ཤེས་ཀྱི་འཁོར་ལོ་རྣམས་ཚོམ་བུ་དགུའི་དཀྱིལ་འཁོར་གྱི་རྣམ་པར་རྒྱས་པའི་ཐབ་ཁུང་དུ་སྤྱན་དྲངས་ནས་སྲེག་བླུགས་ཀྱི་ཆོ་གས་ཞལ་གསོ་ཞིང་། རྗེས་འབྲེལ་ཙཱ་རུའི་ཞལ་ཟས་བསྒྲུབས་ཏེ་…

མཆོག་རྣམས་ཀྱིས་སྤྱད་བྱའི་བཟའ་བཅའ་བཏུང་བའི་དངོས་པོ་གཙང་ཞིང་བསོད་པའི་རབ་སྟོན་འདོད་ཡོན་གྱི་རྣམ་པ་ཐམས་ཅད་པར་འཆར་བས་ཡོངས་སུ་ཚིམ་པར་ནུས་པ་བརྩིགས་སྟབས་སུ་བསྟར་བས་ཀྱང་གནས་ཁང་དོག་པོར་བྱས་ཏེ་ཕྱག་བདེ་བ་རྣམས་ཀྱིས་ལམ་མི་ཤོགས་པ་ཙམ་དང་། རབ་ཡོན་གྱི་གནང་སྦྱིན་ཀྱང་རྗེ་ཉིད་ལ་གན་གོས་ཁྱད་ཅན་གྱི་འགན་སྦྱར་རེས་དྲངས་པའི་ན་བ…

ཐགས་ཡི་གེ་མ་ཁྱད་འཕགས་རེ། མཛོད་གོས་དམར་སྐྱེར་རྙིང་མ་སྤུས་ལེགས་ཁ་རེ་མ་ཧཱཉྩེ་ཡུག་རེ། གསེར་ཞོ་རེ། དངུལ་ར་རྨིག་མ་སྲང་དོ་ཡོང་རེ། ཧོར་དར་ཁ་དོག་བཞི་སོ་སོ་ནས་ཡུག་རེ། ཡཱ་ཇུ་འཁོར་དྲུག་རེ། ཏཱ་ཚང་སྦག་རེ། ཟམ་དཀར་ཡུག་རེ་བཅས་བཅུ་གསུམ་ཚན་གྱི་གྲྭ་སྐལ་རེར་ཁྱོན་དངུལ་སྲང་བཅུ་གསུམ་དང་ཞོ་དྲུག་རེའི་རྩིས་དང་། དེའི་སྟེང་རྗེ་…

དབྱུང་བའི་བཀའ་དྲིན་སྩལ་བའི་སྒོ་ནས་གང་གིས་གནས་པ་པོའི་ཆེ་བ་དང་། ཇི་ལྟར་གནས་པའི་ཆོ་གའི་རྣམ་བཞག་དང་ཕན་ཡོན་སོགས་ལས་བརྩམས་པའི་གསུང་གི་གསང་བ་བསམ་གྱིས་མི་ཁྱབ་པ་མཐའ་ཡས་པར་སྣང་བའི་ཆོ་འཕྲུལ་གྱི་བཀོད་པས་སྔོན་མེད་པའི་ལེགས་བཤད་བརྗོད་བྱའི་དོན་བཟང་ཞིང་རྗོད་བྱེད་རྣམ་པར་དག་པས་ཉན་པ་པོའི་རྣ་བའི་བདུད་རྩི་དང་ཡིད་ཀྱི་གདུང…

པའི་བར་གྱི་ཆོ་ག་ཕྱག་ལེན་ཕྲ་ཞིབ་ཐམས་ཅད་རྒྱུད་སྡེ་ལས་ཇི་སྐད་གསུངས་པ་ལྟར་ཆད་ལྷག་མེད་པར་གཙང་ཞིང་དག་པར་མཛད་པས་དཔྱོད་ལྡན་གཟུ་བོར་གནས་པ་ཐམས་ཅད་ངོ་མཚར་བའི་སྙན་པ་ཕྱོགས་བཅུར་སྒྲོག་པར་བྱེད་ཅིང་། ཚོགས་པའི་ཞལ་གྲངས་ཀྱང་ད་ལྟ་སྒྲིག་འགྲིམ་ཤ་སྟག་ལས་སྔར་གྱི་སྒྲིགས་པ་དེང་སང་དབེན་རིར་བཞུགས་པ་སོགས་ཀྱང་བསྡུ་བར་མ་མཛད་པ་དང་…

ཆེན་པོ་འར་འུར་ཆལ་ཆིལ་དུ་གཡོས་པས་དེར་འཁོད་ཐམས་ཅད་ངོ་མཚར་བར་གྱུར་ཏོ། །དེ་དག་གི་ཚེ་ཡེ་ཤེས་ཀྱི་གཟིགས་སྣང་ལ་བགེགས་སེལ་བ་དང་ཡེ་ཤེས་ཕེབས་པའི་མཚན་མ་མངོན་སུམ་པ་ལྟ་བུར་གཟིགས་པ་སོགས་ནི་བཀའ་རྒྱ་ཡོད་པས་འདིར་མ་བྲིས་ཤིང་། ཕྱི་རོལ་གྱི་པྲ་ལྟས་དང་ལ་ཉེ་ཡང་དངོས་གཞིའི་དྲག་པོའི་སྦྱང་བ་དང་བསྟུན་ཕོ་བྲང་རྩེར་ཕེབས་པ་དང་ལྷན་ཅ…

འདི་སྐབས་སྒྲུབ་མཆོད་རིང་རབ་འབྱམས་སྨྲ་བའི་དབང་ཕྱུག་ཆག་པ་ཆོས་འཕེལ་ཡང་ཚོགས་སུ་རྒྱུན་བཞུགས་ཀྱིས་ཇ་འཇམ་གདན་གུང་སོགས་ཆོ་གའི་བར་སེང་ཐམས་ཅད་ལ་མཆོད་སྡོང་ཆེན་མོ་རྟེན་དང་བརྟེན་པར་བཅས་པའི་མངོན་པར་རྟོགས་པ་ལས་བརྩམས་པའི་ལེགས་བཤད་ཀྱི་སྐྱེས་རྨད་དུ་བྱུང་བའི་བཤད་འབུལ་མཛད་ཅིང་། དེ་དག་གི་སྐབས་ཅི་རིགས་པར་གོང་མའི་ཞབས་ཕྱི་…

ཟད་མི་ཤེས་པའི་ཟང་ཟིང་གི་ལོངས་སྤྱོད་འདི་ཙམ་ཞེས་བློས་དཔྱོད་དཀའ་བ་རྨི་ལམ་གྱི་སྣང་བ་ལྟ་བུ་ལ་ཚིམ་པར་ལོངས་སྤྱད་ནས་བཅོ་བརྒྱད་ལ་ཕྱིར་འཐོན་ཞིང་། བཅུ་དགུའི་ཉིན་ཆེ་བཙན་ཁང་དུ་བཞུགས་གནས་སྤོ་བར་མཛད་དེ། ཉེར་གཅིག་ལ་རྒྱ་ཅན་གྲོ་ལོད་ཀྱི་དབང་འབུལ་རྒྱུའི་སྒྲུབ་པ་གནང་ནས་སང་ཉིན་གོང་དུ་དབང་བཀའ་འབུལ་བར་མཛད་ཅིང་། དེ་ཉིན་རྡོ་…

མཆོག་དམན་མང་པོར་སོ་སོའི་བསམ་པ་བཞིན་དུ་དབང་རྗེས་གནང་། སྐྱབས་འགྲོའི་སྡོམ་པ། མཇལ་ཁ་བྱིན་རླབས་སོགས་གང་ལ་གང་འཚམས་སུ་སྩལ། ཚེས་བཅུ་གཉིས་ལ་གཞིས་ཁ་ནས་ཆུ་བཟང་དུ་རྟེན་བཞེངས་གནང་བའི་རབ་གནས་སུ་སྤྱན་དྲངས་པ་བཞིན་ཕེབས་ཏེ། དེ་ཉིན་རབ་ཏུ་གནས་པའི་ཆོ་ག་ཡང་སྨིན་རྒྱས་སུ་མཛད། ཚེས་བཅུ་གསུམ་ལ་གཞིས་ཁའི་ཞལ་ངོ་ཕན་ཚུན་ཐམས་ཅད་ཕེབ…