པར་བདེ་ཆེན་གྱི་བཟླས་པ་དངོས་བསྟན་གྱིས་ཐིག་ལེ་བརྟན་པ་དང་གསལ་བའི་ཉམས་བསྐྱེད་ཅིང་ཐུར་སེལ་དབུ་མར་ཐིམ་པ་དང་། དེའི་གེགས་སེལ་ཞལ་བཞེས་ལས་མི་རྟོག་པའི་ཉམས་སྐྱེ་ཞིང་སྲོག་དབུ་མར་ཐིམ་པར་བྱེད་པས་སྨིན་བྱེད་དུ་འགྲོ་བའོ། །སྦྱོང་བྱེད་ནི། འདིར་ངག་གི་བཟླས་པ་གཙོ་བོའི་དབང་དུ་བྱས་ན་སྔགས་ཀྱི་སྒྲ་གདངས་རྣམས་བསྐྱར་བཞིན་བཟླ་བས་…

སྲས་དང་བཅས་པ་ལ་ཐུགས་མཉེས་པའི་མཆོད་པ་ཕུལ། དེ་དག་གི་བྱིན་རླབས་དང་དངོས་གྲུབ་ཀྱི་སྐལ་བ་ཐམས་ཅད་ཐུགས་རྗེ་ཆེན་པོའི་སྐུ་དང་ཡིག་འབྲུ་ཕྱག་མཚན་རྣམས་སུ་གྱུར་ཏེ་ཆར་བབས་པའི་ཚུལ་དུ་བདག་གི་སྒོ་གསུམ་ལ་བསྟིམ་པའམ། ཡང་ན་འོད་ཟེར་གྱི་རྣམ་པར་བསྡུས་ནས་བདག་ལ་ཐ ིམ་པས་སྒྲིབ་གཉིས་བག་ཆགས་དང་བཅས་པ་དག ཚོགས་གཉིས་རྫོགས། དབང་བཞི་རྫོ…

ཀྱི་དྲན་རྟོག་བདེ་གསལ་མི་རྟོག་པའི་ཡེ་ཤེས་ཆོས་སྐུའི་རོལ་པར་འཆར་བར་བསམས་ལ་འཛིན་མེད་ཀྱི་ངང་ནས་བཟླ་བ་ནི་བདག་གཞན་གཉིས་མེད་ཀྱི་བཟླས་པའོ། །གཉིས་པ་བདེ་ཆེན་གྱི་བཟླས་པ་ནི། ཁྱད་པར་ཞེས་པས་སྔ་མ་སྤྲོ་བསྡུའི་བཟླས་པ་ཉིད་ཐུན་མོང་པའི་བཟླ་ལུགས་སུ་བསྟན་པ་སྟེ། རང་གི་སྙིང་གའི་འཁོར་ལོ་ལས་བཟླ་བྱའི་སྔགས་ཀྱི་ཕྲེང་བ་ལྷ་དབང་དུ་…

གསོལ་འདེབས་བྱ་བ་ཡིན་ཏེ། ཆོས་ཀྱི་དབྱིངས་རང་བཞིན་གྱིས་རྣམ་པར་དག་པ་རང་བྱུང་ལྷུན་གྲུབ་ཀྱི་དཀྱིལ་འཁོར་དུ་གདོད་ནས་སྤངས་རྟོགས་མཐར་ཕྱིན་པའི་བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོའི་དཀྱིལ་འཁོར་ལྷ་ཚོགས་རྣམས་ཐམས་ཅད་ཀྱང་། ཆེ་བའི་ཡོན་ཏན་གྱི་རྟེན་བྱེད་པའི་སྐུ་ནི་སྣང་བ་རང་བཞིན་མ་གྲུབ་པའི་གསལ་སྟོང་བདེ་བ་ཆེན་པོ…

ཙམ་བཟླས་པའི་ཚད་དོ། །དང་པོ་ལའང་ལུས་ངག་ཡིད་གསུམ་གྱི་དབྱེ་བས་བཟླས་པ་གསུམ་ལས། དང་པོ་ལུས་ཀྱི་བཟླས་པ་ལའང་། གང་གང་གིས། ཇི་ལྟར་བཟླ་བའོ། །གང་བཟླ་ན་ཕྲེང་བ་སྟེ། ལས་སོ་སོ་ལ་བསྔགས་པའི་ཕྲེང་བའི་རྒྱུ་དང་། གྲངས་དང་། བགྲང་ཚུལ་གྱི་རིམ་པ་མི་འདྲ་བ་རྣམས་གཞན་དུ་ཤེས་པར་འགྱུར་ལ། འདིར་ནི། བོ་དྷི་ཙེ་ཡིས་གྲངས་མེད་འགྱུར། ཞེས་པ…

ཡི་གེ་རེ་རེ་ནས་ཤིན་ཏུ་མྱུར་བ་མ་ཡིན་པ་དང་། བུལ་བ་མ་ཡིན་པ་དང་། ཡི་གེ་རིང་པོ་རྣམས་ཐུང་བ་དང་། ཐུང་ངུ་རྣམས་རིང་བ་མ་ཡིན་པ་དང་། ཡི་གེ་གཞན་ལྷག་པའམ། ཡི་གེ་དེ་ཉིད་ཆད་པ་མ་ཡིན་པ་དང་། གཞན་ཡང་སྒྲ་ཧ་ཅང་ཆེ་བ་དང་ཆུང་བ་མ་ཡིན་པ་ལ་སོགས་པའི་སྐྱོན་རྣམས་སྤངས་ལ། ཐུན་སྒང་དུ་མི་གཞན་དང་གཏམ་སྨྲ་བའམ། སྔགས་གཞན་འདོན་པ་སོགས་ཚིག་གཞ…

ཤིང་། དཔྱད་པས་སྐྱོན་དུ་སོང་བའང་མང་ངོ་། །དེ་བས་ན་གཙོ་བོར་ནི་འདུན་པ་རྩེ་གཅིག་པས་བསྒྲུབ་པར་བྱ་བ་ཁོ་ན་སྟེ། ཀུ་རུ་ཀུལླི་ཞེས་པའི་སྔགས་བཟླས་དག་ཀྱང་རྡེའུ་ཞུ་བའི་བཅུད་ལེན་གྲུབ་པ་བཞིན་ནོ། །གསུམ་པ་ཡིད་ཀྱི་བཟླས་པ་ལའང་གསུམ་ལས། གང་བཟླ་ན་ཏིང་ངེ་འཛིན་ནོ། །གང་གིས་ན་སེམས་རྩེ་གཅིག་ཏུ་བསྡུ་བའི་དྲན་པས་སམ། བློ་ཆེན་སོ་སོ་…

ཧཱུྃ་ནི་ཐུགས་བསྐུལ་བ་དང་། ཕཊ་ནི་བཀས་པའི་ས་བོན་ཏེ། སྐབས་དོན་བཀས་པར་གྱིས་ཞེས་ལས་ལ་སྦྱར་བའི་སྔགས་སོ། །ༀ་དྷུ་མ་གྷ་ཡེ་ན་མ་སྭཱ་ཧཱ། ཞེས་འབྲུ་དགུ་པ་ནི་ཡུམ་གྱི་སྙིང་པོ་སྟེ། དྷུ་མ་ནུབ་ཕྱོགས་པའི་སྐད་ཀྱི་བྱེ་བྲག་འགར་གསང་བ་ཡིན་ཞེས་གྲགས་པས་དེ་ལས་དཔག་ན་གྷ་ཡེ་ཤེས་ལ་འཇུག་གམ་སྙམ་སྟེ། ད་དུང་བརྟག་པར་བྱ་ཞིང་། ན་མ་སྭཱ་ཧཱ…

བརྒྱ་རེ། འཁོར་སྔགས་སུམ་ཅུ། བྱིན་བསྡུ་བཅུ་རེ་སྟེ་འགྲོས་རྩི་ཚུལ་ཤེས་པར་བྱའོ། །དེ་ནི་ཕྱིའི་བཟླས་པའམ་གྲངས་བསྙེན་གྱི་ཚད་དེ། འདིས་དབང་བསྐུར་རབ་གནས་ལ་སོགས་པའི་དོན་གྱི་རྩ་བསྙེན་དུ་འགྱུར་ཞིང་། དབང་བསྐུར་སོགས་ཀྱི་གནང་བ་ཞུ་བའི་བསྙེན་པ་དེང་སང་ཁ་གསོར་གྲགས་པ་ལ་ནི་གཙོ་བོ་ལ་འབུམ་ཕྲག་གཅིག་སོགས་ཇི་ལྟར་རིགས་པ་བཟླས་པས་…

གཟུགས་དང་སྙན་པའི་སྒྲ༔ ཞེས་སོགས་ཀྱི་འདོད་ཡོན་ལྔ་དབུལ་བ་སྟེ། ཚིག་དོན་གཞན་ནི་གོ་སླ་ཞིང་། ཕྱི་མའི་སྔགས་དོན། རཱུ་པ་གཟུགས། ཤཔྟ་སྒྲ། གནྡྷེ་དྲི། རཱ་ས་རོ། སྤ་རེག་བྱའོ། །བསྟོད་པ་ནི། ༀ་གླུའི་འགོ་འདྲེན་ནོ། །གསུང་རྡོ་རྗེའི་སྟོན་པ་ཉིད་ཀྱི་མཛད་པ་ལ་ཤིན་ཏུ་ངོ་མཚར་བས་ལེགས་སོ་ལེགས་སོ་ཞེས་པ་སྟེ། ངན་སོང་སྦྱོང་བ་ལས། ཀྱེ་…

སྡུག་བསྔལ་ལས་གྲོལ་བའི་བདེ་བ་འགྲོ་འོང་རྩོལ་བ་ཐམས་ཅད་དང་བྲལ་བའི་གཞོམ་མེད་གསང་སྔགས་ཀྱི་སྒྲ་ཆེན་པོ་སྟེ་གསུང་རྡོ་རྗེ་དང་། སེམས་དང་མཁའ་ཁམས་དག་པས་ཡིད་ཀྱི་སྡུག་བསྔལ་ལས་གྲོལ་བའི་བདེ་བ་གཟུང་འཛིན་ཐམས་ཅད་དང་བྲལ་བའི་གཉུག་མ་རང་རིག་གི་ཁམས་རང་བཞིན་སྤྲོས་བྲལ་གྱི་ཡེ་ཤེས་ལས་འབྲས་བུའི་ཡོན་ཏན་རྣམས་གཉིད་སད་པའི་སྣང་བ་ལྟར་…

འདིར་འགྲོ་བ་རྣམས་ཀྱི་ཁམས་དང་འཚམས་པར་འདུལ་བྱེད་སྤྲུལ་པའི་དཀྱིལ་འཁོར་གྱི་རོལ་པར་རང་སྣང་བ་ནས་བདེ་གཤེགས་ཐམས་ཅད་བཅོམ་ལྡན་འདས་འཕགས་པ་སྤྱན་རས་གཟིགས་རྒྱལ་བ་རྒྱ་མཚོའི་རྣམ་པར་བཞེངས་པ་འཁོར་དང་བཅས་པ་ཐམས་ཅད་སྒྲུབ་པ་པོ་བདག་ལ་ཐུགས་རྗེས་དགོངས་པར་མཛད་དུ་གསོལ་ཅིག་པ་སྟེ། ཅིའི་ཕྱིར་ཞེ་ན། བདག་ཅག་དཀྱིལ་འཁོར་འདིར་འདོད་པའི…

ཕ་ལ་ནི་དངོས་གྲུབ་བཟང་པོ་ཐམས་ཅད། ཧཱུྃ་ནི་ཐུགས་བསྐུལ་བ་སྟེ་སྩོལ་ཅིག་པའི་དོན་ནོ། །ཞེས་པས་གསོལ་བ་བཏབ་སྟེ་འདོད་པའི་དངོས་གྲུབ་བླང་བའོ། །དེ་ཡང་སཱ་དྷ་ནའི་སྒྲ་ཀུན་ཏུ་ལེན་པ་ཞེས་པའི་དོན་གྱིས་འདི་ཉིད་ཕྱི་དཀྱིལ་བསྙེན་པ་ལ་ལྟོས་པའི་འདོད་པའི་འབྲས་བུ་ལེན་པ་ཡིན་པས་སྒྲུབ་པ་ཆེན་པོར་འགྱུར་ཞིང་། དེས་མཚོན་ཏེ་སྔར་གྱི་ཏིང་ང…

དགོས་པ་ཆད་པ་དང་། རིམ་པ་འཁྲུགས་པ་སོགས་ཚུལ་བཞིན་དུ་བསྒྲུབ་པར་མ་ནུས་པ་དང་། མཆོད་རྫས་སོགས་ཡོ་བྱད་རྣམས་ཀྱང་ནུས་པས་མ་འབྱོར་པ་དང་། འབྱོར་དུ་རུང་ཡང་ལེ་ལོས་གཡེལ་བས་མ་ཚང་ཞིང་དམན་པར་གྱུར་པས་མཚོན་ཏེ་དེ་ལ་སོགས་པ་རྣམས་བཟོད་པར་གསོལ་བའོ། །ཇི་ལྟར་ན། ནོངས་པར་གྱུར་པ་ཅི་མཆིས་པ་སྟེ་གང་ཡོད་པ་དེ་ཐམས་ཅད་གསོང་པོར་སྨྲ་བས་མཐོ…

འོད་གསལ་ངང་དུ་མཉམ་པར་བཞག༔ ཅེས་ཡེ་ཤེས་པ་གཤེགས་སུ་གསོལ་ནས་དམ་ཚིག་པ་བསྡུ་བར་གསུངས་པ་ནི་མདུན་བསྐྱེད་ཚོགས་རྟེན་དང་འབྲེལ་བའམ། མིན་ནའང་ཐུན་མོང་བ་དང་སྒོ་བསྟུན་པ་ཙམ་དུ་སྣང་ཞིང་། འདིར་ཡེ་ཤེས་ཀྱི་ལྷ་མ་གཤེགས་པར་དམ་ཡེ་དབྱེར་མེད་དུ་བསྡུ་བ་ནི་སྔགས་བླ་ན་མེད་པའི་ཁྱད་ཆོས་ཐུན་མོང་མ་ཡིན་པ་སྟེ། དེ་ཡང་ལྷ་སྔགས་ཀྱི་རྣལ་འབྱ…

བསམ་མེད། དམིགས་མེད་ཕྱལ་བ་སྟེ། སྤྱོད་འཇུག་ལས། གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་པ། །དེ་ཚེ་རྣམ་པ་གཞན་མེད་པས། །དམིགས་པ་མེད་པར་རབ་ཏུ་ཞི། །ཞེས་པ་ལྟར་སེམས་ལ་སྣང་བའི་གཟུང་ཡུལ་རྨི་ལམ་ལྟར་མ་བརྟགས་ན་ཉམས་དགའ་ཞིང་བརྟགས་ན་གང་དུའང་མ་གྲུབ་པ་ནམ་མཁའ་ལྟ་བུ་དང་། དེ་ཉིད་ཀྱི་རྟོགས་བྱེད་ཤེས་པའང་རིག་ཙམ་ཉིད་ལ…

ཐོབ་མེད་པ་ཆོས་ཀྱི་སྐུ་ཡི་འབྲས་བུ་ཡིན་ཏེ། ཉང་གཏེར་ལས། གཞན་ནས་འ ཐོབ་ཏུ་མེད་དེ་འབྲས་བུའི་རྒྱལ་པོ་ཡིན༔ ཞེས་སོ། །གཉིས་པ་མཉམ་ལངས་ཀྱི་རྣལ་འབྱོར་ནི། སྔར་ཐུན་མཚམས་ཀྱི་ལྷར་ལངས་པའི་རྒྱུན་དེ་ལས་སྣང་གྲགས་འགྱུ་གསུམ་ལྷ་སྔགས་ཡེ་ཤེས་ཀྱི་རོལ་པར་ཡང་ཡང་ཤེས་པར་བྱས་ནས། དེའི་ངང་ལས་འདོད་ཡོན་གྱི་རོལ་པ་མཐའ་དག་འཁོར་གསུམ་རྣམ་པ…

འགྲོའི་སྦྱོར་བ་ལེགས་སོང་ནས༔ ཞེས་པ་སྟེ། ཕྱི་སྒྲུབ་སྔ་ཐུན་ལ་གྲོལ་བའི་ཉིན་དེ་ཀའི་དགོང་ཐུན་ནམ། ཡང་ན་དེ་ཉིན་ངལ་གསོས་ལ་སང་གི་དགོང་ཐུན་ནས་བརྩམས་ཀྱང་རུང་སྟེ། ཁྱད་པར་གྱི་སྒྲུབ་རྫས་བཤམ་པ་ནི། ཕྱི་སྒྲུབ་ཀྱི་རྗེས་སུ་ནང་སྒྲུབ་བྱེད་ཕྱིན་སྟན་ཐོག་གཅིག་ཏུ་གཏོང་བའི་ཕྱག་བཞེས་ལྟར་བཤམ་བཀོད་རྣམས་ཀྱང་སྔར་ཆབས་ཅིག་ཏུ་གྲུབ་མོ…

གསུམ་གྱི་བདག་ཉིད་བདེ་གཤེགས་ཀུན་འདུས་གར་དབང་ཐུགས་རྗེ་ཆེན་པོ་ཡབ་ཡུམ་མཉམ་པར་སྦྱོར་བའི་སྐུ་རིགས་བདག་རང་ཆས་ཅན་བསྐྱེད་པར་བྱ་ཞིང་། ཇི་ལྟར་བསྐྱེད་པའི་མངོན་པར་རྟོགས་པ་ནི་ཕྱི་སྒྲུབ་ཀྱི་སྐབས་སུ་བརྗོད་པ་ཇི་ལྟ་བུར་རྒྱན་ཆ་ཕྲ་མོའི་བར་དུ་གསལ་བར་བསྒོམས་ཏེ། སྤྲོས་པ་ལ་དགའ་ན་གསལ་འདེབས་ཀྱི་ཚིག་ལས་བྱང་བཞིན་ལས་དགོས་ཆོས་ཀྱ…

རྟོགས་སླའོ། །སྤྱིར་དེ་ཐམས་ཅད་ཀྱི་བསམ་དོན་དེ་ཕྱི་དཀྱིལ་ལའང་རྣམ་པ་ཐམས་ཅད་དུ་གྲུ་བཞི་པ་ལ་སོགས་པའི་ཁང་བཟང་གི་རྣམ་པ་ཅན་དུ་མ་ངེས་པས་གནོད་དོ། །དེས་ན་ཡི་གེའི་ལྷ་སོགས་ཀྱང་བཤད་པས་ལྷ་ཡིན་ན་ཞལ་ཕྱག་གི་རྣམ་པ་ཅན་ཁོ་ན་ཡིན་མི་དགོས་པ་བཞིན་དུ་ལུས་དཀྱིལ་ཡང་ཁང་བཟང་ཁོ་ནར་བསྒྱུར་ནས་སྒོམ་མི་དགོས་ཏེ། ཅིའི་ཕྱིར་ན། རང་བཞིན་ལྷ…