རྒྱས་གཉིས་པས་རྗེ་འབངས་ཉེར་ལྔ་ལ་དབང་བསྐུར་བའི་ཚེ་སྟོབས་ལྡན་ནག་པོའི་མེ་ཏོག་ལ་དབང་བར་གྱུར་ཏེ་དྲག་སྔགས་ཀྱི་གྲུབ་པ་བརྙེས། གཡའ་མ་ལུང་སོགས་བོད་ཡུལ་གྱི་དབེན་གནས་རྣམས་དང་། གཞན་ཡང་རྒྱལ་མོ་རོང་། རྒྱ་ནགལི་ཡུལ། སོག་ཡུལ་སོགས་སུ་བྱོན་ནས་འགྲོ་དོན་མཛད་མཐར་འོད་ཀྱི་སྐུར་ཡལ་ལོ། །དེའི་འོག་ཏུ་དགེ་བའི་བཤེས་གཉེན་དབང་ཕྱུག་འ…

པ་མངོན་ཤེས་དང་༔ བསྟན་པ་གཞུང་འཛིན་རོང་སྒོམ་ཆོས་བཟང་དང་༔ དགེ་བཤེས་ཉམས་བྲོ་གུ་རུ་རྣོན་རྩེ་དང་༔ ཁྱུང་གྲགས་ལྷ་འབུམ་ཤཱཀྱ་འབྱུང་གནས་དང་༔ གྲུབ་ཐོབ་དངོས་གྲུབ་གཡག་སྡེ་པཎ་ཆེན་དང་༔ མཚལ་ཐང་སྒོམ་སྡེ་སྤྲུལ་སྐུར་གྲགས་པའི་མཐར༔ཞེས་འབྱུང་བས། ཁྱུང་པོ་རྣལ་འབྱོར་དང་། དགེ་བཤེས་གྲགས་པ། རོང་ཟོམ། བོན་པོ་ལྷ་འབུམ་རྣམས་དུས་མཚུང…

ཕྱིར་སྐུ་ཚེ་སྔ་མའི་ཕྲིན་ལས་དང་སྐྱེ་བའི་ཕྲེང་བ་ཟུར་ཙམ་ཞིག་སྨོས་ནས། ད་ནི་སྐུ་ཚེ་འདི་ཉིད་ཀྱི་མཛད་པ་ཆ་ཙམ་ཞིག་བརྗོད་པ་ནི། བདག་ཉིད་ཆེན་པོ་འདིའི་རིགས་ནི་འོད་གསལ་གྱི་ལྷ་ལས་ཆད་པ་ཞིག་སྟེ། དེ་ཡང་སྔོན་གྱི་དུས་ན་བོད་ཡུལ་གྱི་སའི་ཆ་ཁ་རག་ཏུ་སྔོན་ཆད་མཐོང་མ་མྱོང་བའི་སྐྱེས་བུ་གཟུགས་བཟང་ཞིང་མཛེས་པ་ལྟ་ན་སྡུག་པ་མིག་གི་བད…

དུ་ས་གཡོ་བ་དང་འོད་འབྱིན་པ་དང་མཁའ་ལ་འཇའ་ཚོན་འཁྲིགས་པ་སོགས་ངོ་མཚར་བའི་དགེ་མཚན་དང་བཅས་བལྟམས་ཏེ། གབ་རྒྱ་ཅན་གྱི་ལུང་བྱང་ལས། སུམ་ཅུ་ཁ་རལ་སྙིགས་མ་ལྔ་བདོའི་དུས༔བསམ་ཡས་ལྷོ་ནུབ་གྲ་ཞེས་གཡོ་རུའི་སར༔ལུང་པ་བྱང་ལྟ་དོར་མ་བརྐྱང་འདྲའི་ཚིགས༔སྲིན་མོ་འཛེགས་འདྲའི་དགེ་བསྙེན་སྔགས་ཞོལ་དུ༔བུདྡྷ་ཛྙཱ་ནའི་སྤྲུལ་པ་ཚེ་མིང་ཕ༔ཤེལ་དཀ…

སོགས་སྔ་འགྱུར་བཀའ་མ་དེང་སང་རྒྱུན་ཡོད་དོ་ཅོག་དང་། གཏེར་མ་བླ་རྫོགས་ཐུགས་གསུམ་སྒྲུབ་སྡེ་སྤྱི་བྱེ་བྲག་མང་པོས་མཚོན་ཡོངས་གྲགས་ཕལ་ཆེ་བ། སྔགས་གསར་མ་རགས་པ་རྣམས་དང་། མདོ་ཕྱོགས་མང་པོ་དང་བཅས་པའི་དབང་ཁྲིད་བཤད་ལུང་ཇི་སྙེད་པ་རྣམས་གསན། དགུང་ལོ་བཅུ་གསུམ་ནས་གཞུང་ལུགས་ཅི་རིགས་པ་སྦྱོང་བ་ལ་ཞུགས་ཏེ། དཔལ་གསང་བ་སྙིང་པོ་དང་…

ཙམ་ཞེས་དཔག་པར་མི་ནུས། ཁྱད་པར་རྙིང་མ་རང་ལུགས་ལ་མེད་དུ་མི་རུང་བའི་ཆོས་བཀའ་ཁྱད་པར་ཅན་ཆད་དུ་ཉེ་བ་དུ་མ་འབད་རྩོལ་ཆེན་པོས་ཉན་བཤད་དང་། བཤད་སྒྲུབ་ཀྱིས་སྲོལ་བཏོད་ནས་སྲོག་མཐུད་པར་མཛད། དེ་བཞིན་དུ་བཀའ་རྩོམ་གྱི་རིམ་པ་ཡང་མཐའ་ཡས་སོ། །བསྟན་པའི་བདག་པོ་མཆོད་ཡོན་ཟུང་གིས་དབུས་ཕུལ་བའི་དངོས་པོ་རྣམས་དོན་ཡོད་པར་བྱ་བའི་ཕྱིར་…

ཀྱིས་གཟིམ་ཆུང་ཕྱི་ནང་ཐམས་ཅད་ཁྱབ་པའང་བྱུང་། ཤར་ཕྱོགས་སུ་གོམས་པ་བདུན་འགྲོ་དགོས་ཡོད་གསུངས་བཞེངས་ཏེ་ཞབས་གོམ་བདུན་སྤོས་ནས་སྐྱིལ་ཀྲུང་གིས་བཞུགས་ནས། སྣང་གྲགས་རིག་གསུམ་ལྷ་སྔགས་ཆོས་སྐུའི་ངང་། །སྐུ་དང་ཡེ་ཤེས་རོལ་པར་འབྱམས་ཀླས་པ། །ཟབ་གསང་རྣལ་འབྱོར་ཆེན་པོའི་ཉམས་ལེན་ལ། །དབྱེར་མེད་ཐུགས་ཀྱི་ཐིག་ལེར་རོ་གཅིག་ཤོག། ཅེས…

༈ དེ་ལ་མཁན་ཆེན་ལོ་ཙཱ་བ་ཆོས་དཔལ་རྒྱ་མཚོ་ནི། གཏེར་ལུང་ལས། གཡུ་སྒྲའི་སྤྲུལ་པ་བློ་ལྡན་དྷརྨའི་མིང༔བྱང་སེམས་དད་བརྩོན་སྙིང་སྟོབས་ལྡན་པ་འབྱུང༔ཞེས་ལུང་གིས་བསྟན་པའི་སྐྱེས་ཆེན་སྐུ་ཚེ་རིལ་པོར་འཆད་རྩོད་རྩོམ་གསུམ་གྱིས་ཕྲིན་ལས་བསྐྱངས་པས། རིག་གནས་མང་པོ་ལ་འགྲེལ་བཤད་སོགས་ཀྱི་བསྟན་བཅོས་དང་། མདོའི་སྐོར་ལ་སྡོམ་གསུམ་རྣམ་ང…

༈ རིགས་སྲས་པདྨ་འགྱུར་མེད་རྒྱ་མཚོ་ནི། གཏེར་ལུང་ལས། རིགས་སྲས་རྟ་མགྲིན་སྤྲུལ་པ་ནི༔ རྡོ་རྗེའི་མིང་གིས་འགྲོ་དོན་སྤྱོད༔ ཅེས་ལུང་གིས་ཟིན་པ་འདི་ཉིད། ཡབ་གཏེར་ཆེན་ཉིད་དང་ཡུམ་མཁའ་འགྲོའི་རྟགས་ཀྱིས་སྤྲས་པའི་ཡོན་ཏན་སྒྲོལ་མ་ཞེས་པའི་སྲས་སུ་མེ་སྟག་ལ་འཁྲུངས། བཙས་པའི་མཚན་ལས། ཤེས་རབ་རྣམ་རྒྱལ་རྡོ་རྗེ་འབུམ་ཞེས་གསོལ། ཆུང་…

༈ གཅུང་ཡིད་བཞིན་ལེགས་གྲུབ་ཀྱང་རིག་གནས་སོགས་མཁས་པའི་ཕུལ་དུ་ཕྱིན་ཡང་ལོག་སྨོན་ཅན་དེ་རྣམས་ཀྱི་དབང་དུ་སོང་ངོ་། །༈ རིགས་སྲས་རིན་ཆེན་རྣམ་རྒྱལ་ནི། སྡིག་ཅན་དེ་རྣམས་ཀྱིས་བརྫི་བར་མ་ནུས་ཏེ། མོན་བོད་ཀྱི་ས་མཐའ་རྣམས་སུ་རེ་ཞིག་བསྐུང་ནས་བཞུགས། དེ་ནས་ཙཱ་རི་བརྒྱུད་ཁམས་ཕྱོགས་ཀྱི་དབེན་རིར་གསང་ཐབས་ཀྱིས་བཞུགས་ནས་གུ་རུ་ཞི་…

ཆ་དང་:འཇགས་༼འཇའ་༽ས་སོགས་ཐམ་ག་སྤྱི་བོར་སྩལ་བས། གུས་འདུད་ཀྱིས་ཐོན་ཕྱག་ཞུས་ནས་ལམ་དུ་ཞུགས། རང་ཞབས་པ་རྣམས་ཀྱིས་བསུ་བ་སེར་སྦྲེངས་ཀྱི་བཀུར་སྟི་དང་བཅས་རང་དགོན་དུ་ཕེབས་སོ། །དམ་པ་འདི་ཉིད་ནི་སྔོན་ནས་གཏེར་ཆེན་ཉིད་ཀྱིས་ཕྱི་མཐའི་གཟིགས་པས་དོན་གྱི་གདན་སར་ཁྲི་ནོན་མཛད་པ་འདྲ་སྟེ། སྐུ་མྱ་ངན་ལས་འདའ་བར་ཕྱོགས་པའི་ལོ་དེའི་…

འགྱུར་མེད་བསོད་ནམས་སྟོབས་རྒྱལ་ཤུགས་འབྱུང་དུ་སོན་པ། འཇམ་དབྱངས་གོང་མ་རྒྱལ་པོས་བོད་ཁྲི་སྐོར་བཅུ་གསུམ་གྱི་རྒྱལ་སྲིད་ལ་དབང་བསྐུར་བའི་མངའ་གསོལ་ལེགས་སྐྱེས་ཀྱི་མཇལ་འབུལ་ལ་ཕེབས། དད་མོས་ཀྱིས་གུས་པར་བཏུད་དེ་རྐྱེན་སེལ་གྱི་དབང་སོགས་གསན་ཏེ་ཏི་ཤྲཱིར་བཀུར། རྙེད་བཀུར་གྱི་གནང་སྐྱེས་མི་དམན་པས་དབུགས་དབྱུང་བའི་བསླབ་སྟོན…

༈ གཏེར་སྟོན་དང་གཏེར་གནས་རགས་ཙམ་ཞིག་གཏེར་ཆེན་བླ་མས་ཟིན་ཐོར་བཀོད་པ་ནི། ཤེལ་གྱི་བྲག་ཕུག་གསང་གཏེར་བཀའ་འདུས་སྦས༔ལྷོ་བྲག་མཁོ་མཐིང་བདེ་གཤེགས་འདུས་པ། མཁར་ཆུ་གནམ་སྐས་ཅན་ལ་ཡོངས་རྫོགས། གཏམ་ཤུལ་སྲིན་མོ་སྦར་རྗེས་གསང་གཏེར། གྲ་ཡི་གཡུ་སྒོམ་བྲག་ལ་གཏེར་སྨྱོན། མུ་ཏིག་སྤ་མ་གོང་ལ་གསང་གཏེར། ཟར་ཕུ་ཟངས་ཀྱི་མཚོ་བྲག་གཏེར་ཕྲན…

རྒྱལ་སྲས་༼ལེགས་པ་༽ཡབ་དབང་ཕྱུག་རྒྱལ་པོ། ཨོ་རྒྱན་པ་གཉལ་དུ་ཕེབས་དུས་ད་སྟེ་ལོ་བཅོ་ལྔ་ན་ཁྱོད་ལ་བུ་ཁྱད་པར་ཅན་ཞིག་འབྱུང་ཞེས་ལུང་བསྟན་པ་དེའོ། །༼མ་ཡིག་ཏུ་མི་གསལ་༽དྲོར་དགུང་སྙིང་གླང་། མཁའ་འགྲོ་ཀུན་དགའ་འབུམ་ནི་འོན་གྱི་བཀྲ་ཤིས་དོ་མཁར་འཁྲུངས། ཚེས་བཞི་རྙིང་མ་གྲགས་རྒྱལ་གྱི་གྲྭ་པ་ཡིན། དེའི་སློབ་མ་དུང་མཚོ་རས་པ་ནི། ད…

ཀུན་སྐྱོང་གླིང་པ་ཤངས་ཀྱི་ཕུར་འཁྲུངས། དགུང་ལོ་བཅོ་ལྔ་ནས་གཏེར་བཏོན། གཏེར་ཁ་མང་། ད་ལྟ་ནི་རྡོར་སེམས་སྙིང་ཐིག་ཙམ་དར། རཏྣ་གླིང་དང་དུས་མཚུངས། དྲི་མེད་ཀུན་དགའ་གྲྭ་ཁང་དམར་དུ་འཁྲུངས། གྲྭ་ཕུག་པ་བའི་སློབ་མ་ཡིན། ཐུགས་རྗེ་ཆེན་པོ་འོད་མཆོག་གི་རྒྱུན་ཡོད། སོ་གསུམ་ལ་ཀོང་པོར་གཤེགས། མགོན་པོ་རིན་ཆེན་ནི། ཡུགས་སུ་ཤུད་བུའི་…

རྡོར་གླིང་གིས་གཏེར་ཁ་ཞེ་གསུམ་བཏོན་པའི་བཅུ་གསུམ་པ་ཟངས་མཚོའི་གཏེར་ནི་ས་སྤྲེལ་ཟླ་བ་བཅུ་པ་ལ་གཟའ་བདུད་ཀྱིས་འདོན་པར་བསྐུལ་བ་ལས་བཅུ་གཉིས་པའི་ཉེར་གཉིས་ལ་གནམ་ལྕགས་ཀྱི་ཁ་བྱང་བཞིན་མཚོ་གཉིས་ཀྱི་བར་བྲག་བྱ་ཁྱུང་འདྲ་བའི་དཀྱིལ་ནས་མི་བདུན་ཅུ་ཙམ་གྱི་དབུས་སུ་འདོམ་དོ་ཙམ་གྱི་བྲག་གཤགས་མ་རྙེད་པའི་ཚེ་གཏེར་བདག་བུད་མེད་གཅིག་…

༈ ད་ནི་རིག་གནས་ཀྱི་ལོ་རྒྱུས་ཅུང་ཟད་ཅིག་བརྗོད་པར་བྱ་སྟེ། དེ་ཡང་མགོན་པོ་བྱམས་པས། རིག་པའི་གནས་ལྔ་དག་ལ་མཁས་པར་མ་བྱས་ན། །འཕགས་མཆོག་གིས་ཀྱང་ཐམས་ཅད་མཁྱེན་ཉིད་མི་འགྱུར་ཏེ། །ཞེས་གསུངས་པའི་རིག་པའི་གནས་ཆེ་བ་ལྔ་ནི། སྨྲ་བ་ངན་པ་ཚར་གཅོད་པ་སྒྲ་དང་ཚད་མ་རིག་པ། བློ་ལྡན་རྗེས་སུ་འཛིན་པར་བཟོ་དང་གསོ་བ་རིག་པ། རང་ཉིད་ཀུན་ཤེ…

བྱ་ཞེས་གྲགས་ལ། སྤྱིར་སྟོན་པ་ཞལ་བཞུགས་པའི་དུས་བྲིས་ཀྱི་རྒྱུན་སྟོན་པའི་སྐུ་བརྙན་གཟུགས་ཅན་སྙིང་པོས་ཨུ་དྲ་ཡཱ་ན་ལ་སྐྱེས་སུ་བསྐུར་བ་དང་། བུ་མོ་མེ་ཏོག་འཁྲི་ཤིང་གི་སྐྱེས་ལན་དུ་རས་ཀྱི་གཞིར་རི་མོ་ཅི་ཐོབ་པའི་ཐད་དུ་སྟོན་པའི་སྐུ་ལས་འོད་ཟེར་བཀྱེ་བའི་སྟེང་རི་མོས་མནན་པའི་བྲིས་རྒྱུན་ཁ་ཆེ་དང་ཡུལ་དབུས་སུ་དར་བར་བཤད་པ་ད…

བརྩེ་ཆེན་མོ་ཞེས་པ་སྟེ། སྔ་མས་མདོ་རྒྱུད་རྣམས་དང་བསྟུན་པའི་ཡིག་ཆ་ཡང་མཛད་ཅིང་ཚུགས་ཆེན་བརྒྱད་ལ་ཤ་ཚུགས་རེ་དང་། ན་བཟའ་རྒྱན་སྤྲོད་རེ་བཅས་བཅུ་དྲུག་གིས་གཏན་ལ་ཕབ་པའི་སྨན་ལུགས་དང་། དེ་དང་ལུགས་སྲོལ་མི་འདྲ་ཙམ་པའི་མཁྱེན་ལུགས་ཞེས་སོ་སོའི་བཞེད་པས་ལུགས་སྲོལ་འཛིན་པ་དེང་སང་གི་བར་དར་རྒྱས་སུ་ཡོད་པ་འདི་ཡིན་ཅིང་། གཞན་ཡང་བ…

རིམ་བཞིན། །སྐར་མའི་གཏན་རྩིས་ཤེས་པ་དང་། །མཚན་མ་ཤེས་པ་ཉིད་དང་ཡང་། །ངེས་པའི་ཚིག་གི་གཞུང་རྣམས་ཀྱིས། །སྒྱུ་རྩལ་དྲུག་བཅུ་རྩ་བཞི་དྲན། །ཞེས་བཤད་དོ། །གཉིས་པ་བཟོ་ལ་གཏོགས་པ་སུམ་ཅུ་ནི། བྱེ་བྲག་རྟོག་བྱེད་ལས། ཡི་གེལག་རྩིས། གྲངས། རྩིས་ཆེན། ཐོར་ཚུགས། གོམ་སྟབས། ལྕགས་ཀྱུའི་ཐབས། རལ་གྲིའི་ཐབས། ཞགས་པ་གདབ་པ། མདའ་བོ་ཆེ་འཕ…