སྟན་འཇགས་ཀྱང་བདེ་བསྐྱེད་མ་བྱུང་བས་ཟླ་བ་བཅུ་གཉིས་པའི་ནང་དུ་དབུས་སུ་ཆིབས་བཏེག ཕེབས་ལམ་དུ་གཅུང་སྐུ་ལོད་དུ་སོང་པས་དཔོན་སློབ་ཐམས་ཅད་སྐུ་ཤིན་ཏུ་བསྙེལ་བ་བྱུང་། ཁྱད་པར་ཁྲ་བོ་བྱང་ཐང་དུ་བཞུགས་པའི་ནུབ་མོ་དམ་སྲིའི་ཆོ་འཕྲུལ་འཇིགས་པར་བྱུང་བ་ན ། འོད་གསལ་དུ་མཁའ་འགྲོས་ཕུལ་བའི་གདོན་ལ་དམིགས་པའི་གཅོད་ཟབ་མོ་དེ་མཛད་པ་ཙམ་…

བར་མཛད་ཅིང་ཚུར་ཡང་སྒྲ་མི་སྙན་པའི་ཚེ་དབང་། དམག་ཟོར་མ་དང་། དཔལ་ལྷའི་རྗེས་གནང་རྣམས་ད་ལྟའི་སྡེ་སྲིད་རིན་པོ་ཆེ་འདི་དང་ལྷན་དུ་གསན་ཅིང་དོང་སྤྲུགས་ཀྱི་དཀྱིལ་ཆོག་དེ་བཞིན་གཤེགས་པའི་སྙིང་པོ་སོགས་བཀའ་རྩོམ་ཡང་མང་དུ་མཛད། ཕྱིར་ཕེབས་གདོང་གོང་ནས་དར་ཀླུང་དགོན། ལྷོ་ཕུག་ཆུད། གཏམ་ཤུལ་ནས་འབྲུ་ཁལ་བདུན་བརྒྱའི་གཤོར་འདེབས། ཚ…

བྱི་བའི་གནམ་ལོ་གསར་ཚེས་ཀྱི་དུས་སྟོན་དང་ཆོ་འཕྲུལ་མཆོད་པ་ཡང་རྒྱས་པར་མཛད་རྗེས་རོང་པ་རྫོགས་ཆེན་སྤྲུལ་སྐུར་ཟངས་ཐལ་དང་གཏེར་གསར་སྐོར་སོགས་ཆོས་བཀའ་མང་དུ་མཛད་པའི་དབུ་ཚུགས་ཙམ་ན་གོང་ནས་གདན་འདྲེན་གྱི་བཀའ་ཤོག་ཕེབས་པ་ལྟར་བྱེ་ལ་བརྒྱུད་ཕོ་བྲང་ཆེན་པོར་ཐེགས། རྒྱལ་མཆོག་དམ་པའི་སྐུ་རིམ་དུ་གཏེར་གསར་ཚེ་སྒྲུབ་དང་། བྱབ་ཁྲུས…

བ་བྱུང་བ་ལྟར་མི་རིང་བར་སྐུ་དྭངས། གོང་ནས་གཏང་རག་ཏུ་བླ་མ་དགོངས་འདུས་ཀྱི་ཐང་ཀ་གྲྭ་ཚར་དང་པུསྟི་ཆ་ཚང་། ཧོར་ཚགས་དང་ཙནྡན་དམར་པོའི་ཁ་ཊྭཱཾཀ བེ་ཅོན་རྒྱ་བཟོ་མ་སོགས་དབང་རྫས་ཁྱད་ཅན་དང་ན་བཟའི་གནང་སྦྱིན་སྤམ་མཐོ་བ་གནང་། ལྷ་སར་བདག་མོའི་དྲུང་ལའང་ཚེ་དབང་ལོཀྟྲི་གུར་དྲག་གི་དབང་སོགས་མཛད། སྐྱེད་ཚལ་གོང་འོག་གི་མཁན་པོ་དང་རྒྱ…

འཛིན་སྟོབས་ལྡན་དབང་པོའི་སྐུ་སྐྱེ་སོགས་བླ་མ་འགའ་ལ་གཏེར་གསར་གྱི་ཆོས་འབྲེལ་དང་། སྐུ་ཞབས་གྲྭ་ཚང་གི་གྲྭ་པ་མང་པོར་སོ་སོའི་འདོད་ཆོས་ཀྱི་རཏྣའི་གུར་དྲག་གི་དབང་རྒྱས་འབྲིང་དང་ལས་བྱང་གསང་སྒྲུབ་སོགས་ཀྱི་ལུང་། རྒྱ་ཅན་གྱི་ལུང་། རྣམ་སྲས་མདུང་དམར་ཅན་གྱི་དབང་ལུང་། འཇམ་དཔལ་རྫོགས་ཆེན་གྱི་ལྷ་ཁྲིད་དང་ལུང་། ཡང་བཟློག་རྣོན་…

སྙིང་ཐིག་དང་བྱང་གཏེར་ཐུགས་སྒྲུབ་ཀྱི་ཁྲིད་གསན་ཞིང་། སྐྱེས་ལན་དུ་རིག་འཛིན་ཐུགས་ཐིག་གི་ཁྲིད་བཀའང་སྩལ། ཞབས་དྲུང་དབོན་དྲུང་དང་། བཀྲ་བཟང་ཆོས་རྗེ། དུང་དགོན་ཆོས་རྗེ། ཆོས་འབྱོར་རྒྱལ་མཚན། གནས་གཞི་ཆོས་རྗེ་སོགས་མང་པོར་འཇོམས་བྱེད་ཀྱི་དབང་། བསམ་དགོན་ཆོས་རྗེར་ཤུད་བུ་བའི་ཚེ་དབང་། དོན་གཉིས་གླིང་གི་གྲྭ་པ་འགར་ཐུགས་ཐིག…

དར་མོ་ནས་དང་ལྷག་བསམ་གཉིས་གོང་ཞབས་ནས་སྩལ་ཏེ་སྨན་བཅོས་མཛད་པས་མི་རིང་བར་དྭངས། སླར་ཡང་གོང་དུ་གདོན་འགྲོལ་དང་བྱབ་ཁྲུས་སོགས་འབུལ་བར་མཛད་ཅིང་། དེ་ཉིན་གཞིས་ནས་ཡུམ་ཡང་ཕེབས། ཧོར་ཟླ་དང་པོའི་མཇུག་ནས་གཉིས་པའི་ཟླ་སྒང་བར་བཀའ་རྩོམ་མཛད་པ་ལ། གཤིན་རྗེ་དྲེགས་འཇོམས་ཀྱི་ལས་བྱང་བདུད་ལས་རྣམ་རྒྱལ། དཀྱིལ་ཆོག་ཁྲག་འཐུང་རྣམ་རོལ།…

སུ་ཐུགས་རྗེ་ཆེན་པོའི་སྒྲུབ་མཆོད་ཐེབས་སུ་ས་རྐང་བཞིའི་ཁྲལ་ཡོང་རྣམས་སྦྱོར་འཇགས་སྩལ་བ་བཞིན་སྟར་ཆགས་སུ་ཚུགས་པ་འདི་ཉིད་དོ། །ཟླ་བ་གསུམ་པའི་ཚེས་བཅུ་ལ་གོང་ཞབས་སུ་ཕྱག་འབུལ་མཛད་དེ་ཕེབས་ལམ་སྐམ་པ་ལ་དང་ལུམ་པའི་གྲུ་བརྒྱུད་བཟང་ཡུལ་གྲོང་གསར་དུ་ཕྱག་ཕེབས། དེར་སྨིན་གྲོལ་གླིང་འདུས་ཚོགས་སུ་བསྐང་གསོའི་དབྱངས་འགྲིག་རྔ་གྲྭ་ད…

ཟོར་རྗེས་སུ་མེ་རླུང་དུམ་བུར་ཆད་དེ་འགྲོ་བ་སོགས་མཚན་ལྟས་ལེགས་ཤིང་། གོང་ཞབས་ཀྱི་སྐུ་ཁམས་ཀྱང་གཞི་མེད་དུ་དྭངས། ཟླ་བ་ལྔ་པ་ཤར་མཚམས་ལྷ་སར་བདག་མོ་ཡུམ་སྲས་ཀྱི་སྐུ་རིམ་དུའང་བྱད་གདོན་འགྲོལ་བ། བྱབ་ཁྲུས། ཚེ་དབང་སོགས་མཛད། ཚེས་གསུམ་གྱི་ཉིན་ལྷ་ས་གྲྭ་ཁང་གསར་པར་ཕེབས་དུས་སྐད་ཅིག་ལ་ཐུགས་རིག་ཟི་བུན་ནེ་བ་བྱུང་བ་དང་རྒྱ་གར་…

རྣམས་ཀྱི་དབང་ལུང་དང་། གྲྭ་པ་མང་པོར་འཕོ་བ་འཇག་ཚུགས་མའི་མྱོང་ཁྲིད། ཞལ་སྔ་ནས་ཕ་བོང་ཁ་པ་དང་མཆོད་དཔོན་ཆེན་མོ་སོགས་གྲྭ་ཚང་གི་གྲྭ་པ་སུམ་ཅུ་སྐོར་ལ་ཕྱག་རྡོར་སྙན་བརྒྱུད་ཀྱི་དབང་ལུང་རྣམས་མཛད། ཕ་བོང་ཁ་པས་གཡང་ཏྲེའུའི་རྐྱན་བརྐོས་མ། ས་ལེ་སྦྲམ། ཇ་སིག གོས་དར་ཡུག་མང་པོ་བཅས་ཆོས་ཡོན་རྒྱ་ཆེར་བསྟབ། ལྷ་སར་བདག་མོར་ཚེ་རྟའི་…

བྱུང་བར་ཆོས་ཀྱི་གསུང་གླེང་མང་དུ་མཛད། དར་གླིང་གཞི་བ། ཆག་བྱང་ཆུབ་གླིང་པ། དཔལ་འབྱོར་ཆོས་སྡིངས་པ་རྣམས་ཀྱིས་ཞབས་བརྟན་དང་། སྨིན་གྲོལ་གླིང་འདུས་སྡེས་འཆི་མེད་ཡང་སྙིང་ཀུན་འདུས་ཀྱི་སྒོ་ནས་བརྟན་བཞུགས་རྒྱས་པར་ཕུལ། དེ་ནས་མོན་པ་དང་ལ་སྟོད་ཕྱོགས་ཀྱི་ཆོས་ཞུ་བ་ཉི་ཤུ་སྐོར་ལ་ཐུགས་ཐིག་གི་དབང་ལུང་། གཅུང་རྒྱལ་སྲས་རིན་པོ་ཆ…

བའི་ཕུར་ཆ་ཁྱད་པར་ཅན་དེ་སོགས་གནང་སྦྱིན་རྒྱ་ཆེར་སྩལ། ལྷ་སར་བདག་མོ་ཡུམ་སྲས་དང་བྱང་གླིང་དུ་རྐྱེན་སེལ་གྱི་རྗེས་གནང་སོགས་མཛད་ནས་ཕྱིར་ལམ་བྱེ་ལ་བརྒྱུད་དེ་དར་གླིང་དུ་ཕེབས་ནས་ཟླ་ཕྱེད་ཙམ་སོང་མཚམས་སྡེ་སྲིད་རིན་པོ་ཆེ་བསྙུང་བའི་སྐུ་རིམ་དུ་འཕྲལ་ཕེབས་དགོས་པའི་གོང་ཞབས་ཡས་ཕྱིན་གཉིས་ཀའི་བཀའ་ཤོག་ཕེབས་པ་ལྟར་ཟླ་བ་བཅུ་གཅི…

བཀོད་པ་ཇི་བཞིན་དུ། །རྒྱལ་བའི་གཟིགས་ངོར་འཆར་བ་དངོས་པོའི་གཤིས། །སྤྲིན་མེད་མཁའ་ལ་རྒྱུ་བའི་ཟླ་དཀྱིལ་ཡང་། །རྙོག་བྲལ་དྭངས་པའི་རྫིང་བུར་མི་འཆར་རམ། །ཉེར་གཅིག་གི་ཉིན་གོང་ནས་གནང་སྦྱིན་སྤམ་མཐོ་བ་སྩལ། དེ་ནས་ཕྱག་བཏེག་སྟེ་ལྷ་སར་བདག་མོ་ཡུམ་སྲས་ལའང་དབང་མཛད་ནས་རིམ་པར་དར་རྒྱས་ཆོས་གླིང་དུ་ཕྱག་ཕེབས། དེར་གྲྭ་ཚང་གི་ལོ་མཇ…

མཛད། གསང་སྔགས་གླིང་ཆོས་རྗེ། ཞབས་དྲུང་དཔོན་དྲུང་། སྐུ་ཞབས་གྲྭ་ཚང་གི་གྲྭ་པ་ཁ་ཤས་བཅས་པར་རྒྱ་ཅན་དང་། ཞང་བློན་གྱི་སྐོར། གཏེར་གསར་ཐུགས་ཐིག་དང་གཤིན་རྗེ། གཏེར་རྙིང་གི་ཚེ་གུར་སོགས་དབང་ལུང་མང་པོ་མཛད། ཡིབ་ཕྱི་བླ་མ་འོད་གསལ་ཀློང་ཡངས་ཀྱིས་བདོག་པ་ཐམས་ཅད་དྲིལ་བའི་འཁོར་གསུམ་ཡོངས་དག་གི་འབུལ་བ་ཆེན་པོ་བྱས། ལྷ་སར་བདག་མོ…

གྲོལ་གླིང་འདུས་པའི་གཙོ་བོར་རྗེ་ཉིད་བཞུགས་པས་རྡོ་རྗེ་ཕུར་པ་ཡང་གསང་སྤུ་གྲི་འབར་བའི་སྒོ་ནས་ཚེས་བཅུར་ས་ཆོག་དང་བཅུ་གཅིག་ལ་ཕྱི་ནང་གི་མཚམས་གཅོད་སོགས་ནས་བཟུང་རྡུལ་ཚོན་གྱི་དཀྱིལ་འཁོར་ལ་བརྟེན་པའི་སྒྲུབ་ཆེན་ཤིན་ཏུ་རྒྱས་པའི་ལས་རིམ་དང་འབྲེལ་བ། ཚེས་ཉི་ཤུར་རྡུལ་ཚོན་ཆུ་བོར་གཤེགས་པའི་བར་མཐའ་རྒྱས་སུ་མཛད། དེ་གྲོལ་ནས་ར…

མངའ་བ་ཞིག་ལགས་ནའང་གཏེར་གསར་ཆོས་བདག་གི་རྟེན་འབྲེལ་སྒྲིག་ཚུལ་ཅུང་ཟད་འཆུགས་པས་སྐུ་ན་ཕྲ་མོ་ལ་སྐུ་ཚེའི་བར་ཆད་དུ་གྱུར་ཅིང་། དེའི་ཚེ་སྐུ་གདུང་གི་དྲུང་དུ་རྗེ་ཉིད་དཔོན་སློབ་ཉུང་བསྡུས་དང་། སྨིན་གྲོལ་གླིང་འདུས་ཚོགས་རྣམས་ཀྱིས་འདུ་ཁང་དུ་མཆོད་འབུལ་བཙུགས། ཚེས་ཉི་ཤུའི་ནུབ་གཅུང་ཉིད་གང་དུ་གཤེགས་པའི་དག་པའི་ཞིང་དང་ཡང་ས…

ཀྱི་ཆོ་ག་རྒྱས་པར་མཛད་ཅིང་། དེ་ནས་བསམ་གྲུབ་དགོན་གྱི་དཔོན་སློབ་སྐུ་འབྲིང་གཤེགས་ཏེ་ལྷོ་བྲག་བན་པར་སྤྱན་འདྲེན་བྱུང་བ་ལྟར་གཏམ་ཤུལ་བརྒྱུད་དར་མའི་སྐམ་པ་ལ་ཐོག་ནས་མཁར་ཆུའི་གནས་ཆེན་གཟིགས་པས་ལྷ་མོར་གཏོར་འབུལ་མཛད་དེ་བསམ་དགོན་དུ་ཕེབས། དོང་སྤྲུགས་ཀྱི་དཀྱིལ་འཁོར་ཞལ་ཕྱེ་ནས་སྒྲིབ་སྦྱོང་གསལ་འདེབས་ཀྱི་ཆོ་ག་དང་། གདུང་བཞ…

གནས་རྟེན་རྣམས་ཞིབ་མཇལ་གནང་ཞིང་ཁྱད་པར་དུར་ཁྲོད་མི་ལྤགས་རང་བྱོན་ཡོད་པ་དེར་གཅོད་མཛད་པས་ཞབས་ཕྱིར་འབྲང་བ་རྣམས་སྐྱི་བུང་ཞེས་བྱེད་ཅིང་། མིག་སྡུད་མི་ཤེས་པ་དང་། གོམ་པ་གྱ་ཚོམས་སུ་འདོར་བ་སོགས་འཇིགས་ཟིལ་ཚད་མེད་པ་བྱུང་། གནས་འཛིན་དཔོན་སློབ་རྣམས་ཀྱིས་སློབ་དཔོན་ཆེན་པོའི་བཞུགས་ཁྲིའི་སྟེང་དུ་སྤྱན་དྲངས་ཏེ་འབུལ་ནོད་རྒྱ…

དོམ་ཚང་གི་སྲུང་མས་བརྫུས་ཏེ་འོང་བར་འདུག་གསུང་། དེ་ནས་དཔལ་ཆེན་ཡབ་ཡུམ་རང་བྱོན་གྱི་བྲག་རྩར་ཕེབས། དེ་དུས་གྲུབ་ཆེན་དང་གནས་སྐོར་བ་རྒྱུས་ཅན་རྣམས་ན་རེ། མཚོ་འདི་རྣམ་པ་ཀུན་ཏུ་འཁྲུག་པ་ཡིན་པ་ལ་ད་ལམ་འཇམ་པར་བྱུང་ཟེར། དམར་ནག་རཀྟ་དང་གཟིམས་ཕུག་སོགས་ཀྱང་ཞིབ་མཇལ་མཛད་ཅིང་། དེ་ནུབ་ཤ་འུག་གི་ཡུལ་མི་རྣམས་ལ་ཚེ་དབང་དང་། མོན་བ…

གྲ་སྤྱི་འགྱེད་བཅས་གྱ་ནོམ་པ་སྩལ་ཞིང་། ཆག་ཕུ་མདའི་ཡུལ་མི་རྣམས་ལ་ཁྲོམ་དབང་དང་། ཆོས་རྗེ་པདྨ་གར་དབང་ལ་ཆོས་འབྲེལ་མཛད། དེ་ནས་བཙན་གྲོར་སྤྱན་དྲངས་ཏེ་བཙན་གྲོ་སྟོད་སྨད་དུ་ཁྲོམ་དབང་རེ་མཛད། བླ་བོ་མཁན་ཆེན་པ་དང་འབེལ་གཏམ་མཛད་པ་ན། ཁོང་པས་སྐྱེས་བུ་གསུམ་གྱི་ལམ་རིམ་གང་ཟག་དབང་པོའི་ཁྱད་པར་གྱིས་གསུངས་པ་མ་ཡིན་པར་ཁས་བླངས་དག…