ཁྲིད་ལག་ལེན་དང་བཅས་པ་རྒྱུན་མ་ཆད་པར་ཡོད་པ་དང་། གོང་གསལ་གཏེར་ཁ་སོ་གཉིས་ཀྱི་གྲངས་ལས་འདིར་མ་བསླེབས་པ་རྣམས་ནི་སྒྲུབ་ཐབས་སོ་སོའི་ཁོངས་སུ་གནས་པ་དང་། དམ་རྫས། སྐུ་འབག་སོགས་རྫས་གཏེར་ཕྲན་འདྲ་ཡིན་པ་འདུག་ལགས། འདི་དག་གི་བརྒྱུད་པ་ནི་གཏེར་སྟོན་ཡན་ཆད་ལ་བཀའ་བབས་སོ་སོའི་བརྒྱུད་པ་མི་འདྲ་བ་ཡོད་ཀྱང་། གཏེར་སྟོན་ནས་མཁས་གྲུ…

བསྟན་འཛིན་གྲགས་པ་འདིའི་སྐྱེ་བ་དེ་མ་ཐག་པ་གསུང་སྤྲུལ་ཚུལ་ཁྲིམས་རྡོ་རྗེར་གྲགས་པ་དེ་ཡིན་ཞིང་། བསྟན་འཛིན་གྲགས་པ་འདི་ཉིད་ཀྱི་སྤྲུལ་སྐུ་སྣ་ཚོགས་རང་གྲོལ་གྱི་རྗེས་སུ་དར་རྒྱས་ཆོས་སྡིངས་ཀྱི་གདན་ས་མཛད་ཅིང་སྐུ་ཚེ་དེ་ཉིད་དུ་བསྒྲིལ་བ་ཡིན། བསྟན་འཛིན་གྲགས་པའི་སློབ་མ་འདི་ཕྱོགས་སུ་གཙོ་ཆེ་བ་སྤྲུལ་སྐུ་སྣ་ཚོགས་རང་གྲོལ་གྱ…

༈ ཡང་བཟློག་རྡོ་རྗེ་ཕ་ལམ་གྱི་ཐུན་གཏོར་བྱེད་ལུགས། ཕྱིར་བཟློག་འདི་དང་འབྲེལ་བར་ཐུན་གཏོར་བྱེད་པར་སྤྲོ་ན། གཏོར་མ་གྲུ་གསུམ་ཁྲག་གིས་བྱུགས་པ་ལ་ཡུངས་དཀར་གྱིས་བརྒྱན་པ་མདུན་དུ་སྟེགས་ལ་བཀོད། སྨན་དང་རཀྟ་ཡང་སྔར་འདུ་བྱས་པ་བསར་ནས་

གཤིན་རྗེ་གཤེད་པོའི་སྒོམ་བཟླས་དཀྱུས་བཞིན་བྱས་ནས་ཐལ་བརྡེབ་ཀྱི་གོང་དེ་ཉིད་དུ་ཐུན་གཏོར་ལ་རཀྟས་བྲན། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་སོགས་ནས་ཁྱད་པར་བཅོམ་ལྡན་འདས་འཇམ་དཔལ་གཤིན་རྗེ་གཤེད་པོ་བཀའ་སྡོད་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱི་བདེན་པ་དང་། བདེན་པ་ཆེན་པོའི་མཐུ་ལ་…

༈ གསེར་ཟངས་པ་འགྱུར་མེད་ཀློང་གྲོལ་གྱི་དྲི་ལན། ཁྱེད་ཀྱི་གནས་ཚུལ་ཡིག་ཆུང་དུ་བསྲིངས་པ་འབྱོར། ད་རེས་སྟེས་དབང་གིས་རྙེད་པའི་མི་ལུས་འདི་འདྲ་ཐོབ་དུས་ཆོས་མ་བྱས་ན་དོན་མེད་སྟོང་ལོག་ཏུ་འགྲོ་བས་དམ་པའི་ཆོས་ཀྱིས་དོན་ལྡན་དུ་བསྒྲུབ་དགོས། འཆི་བ་ནམ་ཡོང་མི་ཤེས་པས་སང་བྱ་གནངས་བྱའི་ལེ་ལོས་མི་འདྲིད་པ་གལ་ཆེ། འཁོར་བའི་སྣང་ཚུལ…

༈ ལྷ་བུ་སྐུ་སྐྱེའི་དྲི་ལན། ལོཀྟྲིའི་བསྙེན་ཐབས་ཀྱི་གཞུང་ངེད་རང་གི་སྒྲུབ་ཐབས་གསར་བཀོད་དེའི་དཔེ་ཕྱག་ཏུ་ཡོད་ཚོད་ཡིན་པ། དེ་ལྟར་ན་མཚམས་སྤྱིའི་ཁོག་འབུབས་གཤིན་རྗེ་གཤེད་དང་གུར་དྲག་གི་བསྙེན་ཡིག་ལྟ་བུས་མཚོན་ཞིང་། འདི་ཁའི་སྒོས་ཆོས་མདུན་དུ་གཏོར་མ་བྲིས་སྐུས་བརྒྱན་པ་དང་མཆོད་པ་རྣམས་བཤམས་ནས། སྐྱབས་སེམས་སྔོན་དུ་བྱས་ལ…

༈ མི་དབང་ཆེན་པོའི་དྲི་ལན། བྱིན་འབེབས་ཀྱི་སྐབས་འདིར་ལུས་གནད་བསྲང་བ། མིག་དར་འཆིང་བ། རྫས་དུད་བདུག་པ། རོལ་མོ་འཁྲོལ་བ། རླུང་འཛིན་པ། དམིགས་རྟེན་ལ་སེམས་བརྟེན་པ་སོགས་ནི་ཤེས་པ་ཡུལ་ལ་འཕྲོ་བའི་དབང་ཤེས་འགག་པས་དེར་འཛིན་གྱི་ རྟོག་པ་འགག་པས་རྣམ་པར་མི་རྟོག་པའི་ཡེ་ཤེས་ཤུགས་འབྱུང་དུ་སྐྱེ་བར་བྱེད་པའི་དགོས་པ་ཡིན་གསུངས་བ…

༈ རྒྱལ་བ་དྲུག་པའི་བཀའ་ལན་དུ་ཕུལ་བ། ལགས། ཕྱག་རྫོགས་ཀྱི་ཁྱད་པར་གང་ཡིན་གནང་བ་འདི་ལ་ཕྱིས་ཀྱི་ཕྱག་ཆེན་པ་རྣམས་ཕལ་ཆེར་ལྟ་བ་འཁོར་ལོ་བར་པའི་དངོས་བསྟན་དང་བསྟུན་པར་མཛད་དེ་སྟོང་ཉིད་མེད་དགག་གི་སྟེང་ནས་འཇོག་པར་མཛད་མོད། དེ་ནི་བོད་ཀྱི་ཀློག་པ་ཐོས་བསམ་པ་ཕལ་ཆེ་བ་ཞིག་འདོད་པའི་འགྲམ་མ་ཐེག་པ་ལས་གྲུབ་མཐའི་གནད་ ལེགས་པར་མ་གོ…

རང་བྱུང་གི་ཡེ་ཤེས་ལས་གཞན་དུ་གྱུར་པ་མེད་པ་ལ་དགོངས་པ་སྟེ། འདི་ལམ་གྱི་སྣེ་འཁྲིད་ཚུལ་ཕྱག་ཆེན་དང་འདྲ་ཤས་ཆེ་མོད། དོན་ལ་ཁྱད་པར་ཆེ་སྟེ། ཕྱག་ཆེན་པས་ཡུལ་ལ་ཕར་རྒྱས་འདེབས་པ་ཡིན་ལ། སེམས་སྡེ་བས་ཡུལ་ཅན་སེམས་ཉིད་རིག་སྟོང་ཀ་དག་ཏུ་གཏན་ལ་འབེབས་པའི་ཕྱིར་རོ། །ཀློང་སྡེ་ནི། ཆོས་ཉིད་ཀུན་ཏུ་བཟང་མོའི་མཁའ་ཀློང་ལས་འགྲོ་ས་གཞན་མ…

སུ་གྲོལ་བའང་ཀློང་སྡེ་སོགས་ཀྱིས་བསྒྲུབས་པ་ལས་འཕགས་ཏེ། འདིར་ནི་རགས་པའི་སྒོ་གསུམ་ཕྲ་བ་དྭངས་མའི་སྐུར་བསྒྱུར་བ་ཙམ་མ་ཡིན་པར། ཆོས་ཉིད་ཟད་པའི་སྣང་བ་མཐར་ཕྱིན་ནས་སྒོ་གསུམ་ཕྲ་རགས་ཐམས་ཅད་སྐུ་དང་ཡེ་ཤེས་ཀྱི་ངང་ལ་གཞི་མེད་དུ་དྭངས་པ་ཡིན་པའི་ཕྱིར་སྙམ་པ་ལགས། སྤྱིར་རྙིང་མ་རང་ལུགས་ལའང་ཧེ་རུ་ཀ་ཀ །ལྤོའི་རྒྱུད་ལ་སོགས་པར་དེ…

ཅད་ཇེ་ཞན་དུ་འགྲོ་བ་ཆོས་ཉིད་ལགས་པ་ནས། ཕྲན་བུ་གཞོན་དུས་སུ་གསར་མ་ལ་གནས་སར་བ་དང་། ཞ་ལུ་མཁན་ཆེན་སོགས་ས་ལུགས་ཀྱི་མཁས་གྲུབ་བཤད་སྒྲུབ་ཀྱི་བདག་པོ་འགའ་དང་། ཇོ་ནང་པ་དང་། ཀར་འབྲུག་སོགས་ལའང་རི་ཚུགས་ཟིན་ཅིང་སེམས་གནས་དང་། རླུང་སྦྱོར་ཆགས་ལམ་སོགས་ལ་ནུས་པ་རྗེས་མཐུན་ཙམ་ཐོབ་པའི་རྟོགས་ལྡན་ཚད་ལྡན་དུ་མ་དང་། རྙིང་ལུགས་ལ་ཡང…

ཆོས། ཞི་བྱེད་སོགས་ཀྱང་འཆད་པ་མ་སྡུག་ཙམ་ཡོད་ལགས་ནའང་། དེང་སང་སྐྱེ་བོ་ཐམས་ཅད་ཆོས་ལ་དོན་གཉེར་ཆུང་ཞིང་། གང་བྱེད་དེའང་འདོད་ཐག་ཉེ་བས་ཡུན་ཐུང་བ་ལ་སྙིང་པོར་བྱེད་པའི་ཕྱིར་ཁྲིད་ཆུང་ཐན་ཐུན་ཙམ་གྱི་འཆད་ཉན་དང་། དེ་ཡང་ཞག་དུས་སྤར་བའི་འཆད་བློ་དང་ཞུ་བློ་ཙམ་ལས་སེམས་ཀྱི་གཞི་རྩ་ཆོད་པའི་འཆད་ཉན་ནི་མེད་པ་ལྟ་བུ་དང་། ཁྱད་པར་ས…

༈ གསེར་ཟངས་ནས་བྱ་བཏང་འགྱུར་མེད་ཀློང་གྲོལ་གྱི་དྲི་ལན་དུ། ཕྱག་བྲིས་བུ་ཡིག་ཏུ་མཛད་པ་རྣམས་ཀྱི་དོན་ཡིད་ལ་སིམ་པ་བྱུང་། དེ་ཡང་སངས་རྒྱས་སྒྲུབ་པའི་ཉེ་བར་ལེན་པའི་རྒྱུ་ནི་ཁམས་བདེ་བར་གཤེགས་པའི་སྙིང་པོའམ། གཞི་གནས་ཀྱི་རིག་པ་ཞེས་གྲགས་པ་དེ་ཡིན། ལྷན་ཅིག་བྱེད་པའི་རྐྱེན་ནི་སངས་རྒྱས་ཀྱི་བྱིན་རླབས་ཡིན་ཞིང་། བྱིན་རླབས་དེ…

རྒྱས་ནི་བླ་མ་ཉིད་ཡིན་ཞིང་། བླ་མ་དེ་ལ་མོས་གུས་སྐྱེ་ཚུལ་ནི། རང་རྒྱུད་ལ་རྟོགས་པ་ཇེ་བཟང་དུ་སོང་རིམ་བཞིན་མཐོང་ཚུལ་དེ་བཞིན་དུ་འབྱུང་བ་ཡིན། དཔེར་ན་མཁྲིས་ནད་ཅན་ལ་དུང་སེར་པོ་སྣང་བ་བཞིན་རང་རྒྱུད་ཉོན་མོངས་ཀྱིས་གང་བའི་ཚེ་བླ་མ་ལ་ཡང་ཐ་མལ་པ་དང་། སོ་སྐྱེ་ཡོན་ཏན་གྱིས་ཁྱད་པར་དུ་བྱས་པ་ཙམ་དང་། བྱང་ཆུབ་སེམས་དཔའ་དང་སངས་ར…

པས་སྣང་བ་ཕྱིར་མ་ལུས་རིག་པ་ནང་དུ་མ་ལུས་པའི་སྣང་སྟོང་ཟུང་འཇུག་ཏུ་འཆར། དེའི་ཚེ་སེམས་ཀྱི་ངོ་བོ་སྐྱེ་འགག །རྟག་ཆད། གནས་འགྱུ་ཡུལ་ཡུལ་ཅན་གང་དུའང་མ་གྲུབ་པའི་རིག་པ་རྗེན་པ་ཧྲིག་གེ་བ། དེ་ཀའི་ངང་ཡེངས་མེད་དུ་བསྐྱངས་པས་བོགས་འཐོན་པར་མ་ཟད། གཪྴ་སོགས་ཕྱི་རོལ་གནས་ཆེན་དེ་དག་ཏུ་བྱོན་པས་ནང་གི་དགེ་སྦྱོར་ལྷོངས་པའི་རྐྱེན་སྣ་…

༈ ཉང་པོ་གྲུ་གྲྭ་ཚང་གི་སློབ་དཔོན་པའི་དྲི་ལན་དུ། ཕྱི་ནང་གསང་བའི་ཕོ་ཉ་མཆོག་འབྲིང་ཐ་མ་གསུམ་གྱི་རྣམ་གཞག་འདི་ནི་བདེ་མཆོག་སོགས་མ་རྒྱུད་ཀྱི་ཆོས་སྐད་ཁྱད་པར་བའི་རྐང་ལྟ་བུ་ཡིན་པས་རྒྱུད་འགྲེལ་དང་སྒྲུབ་ཐབས་ཀྱི་རྣམ་བཤད་མཁས་པ་རྣམས་ཀྱིས་མཛད་པའི་བསྟན་བཅོས་ལས་མཁྱེན་དགོས་ཤིང་། ངོ་བོ་གསང་བའི་ཕོ་ཉ་ནི། རང་སེམས་གསལ་སྟོང་ཟ…

༈ ཐུ་བཙུན་བློ་བཟང་བཟོད་པའི་དོགས་སེལ་ལན་དུ། སྐྱབས་ཡུལ་རང་ལ་བསྟིམ་པས་རང་དང་གཉིས་མེད་ཁྱབ་གདལ་འཛིན་ཞེན་མེད་པའི་ངང་དུ་རང་བབས་སུ་བཞག་པ་ལས། འགྱུ་བ་ལ་ལྟོས་ནས་གནས་པ་ལྟ་བུའི་གནས་པ་ལྟེང་ལྟེང་པོ་དེ་ནི་གནས་པ་མཚན་ཉིད་པ་ནི་མ་ཡིན་ལ། མཚན་ཉིད་པ་ནི་གནས་འགྱུ་ལྟོས་བཞག་ཅན་མ་ཡིན་པ། ཕྱི་ཚོགས་དྲུག་དང་ནང་ཤེས་པ་གཉིས་ཀའི་ཕྱོགས…

༈ གྲྭ་ཚང་ཆེན་མོའི་གྲྭ་པ་དར་རྩེ་མདོ་པ་ཚངས་དབྱངས་ཕྲིན་ལས་ཀྱི་ལན་དུ། ཇི་ལྟར་ཕེབས་བཞིན་འཇམ་དཀར་གྱི་ལྗགས་བསྙེན་གནང་རྒྱུ་ཤིན་ཏུ་ལེགས་འདུག་ཅིང་། སྒྲུབ་ཐབས་འདི་ཉིད་མདོ་རྒྱས་འཚམས་ཤིང་ཞལ་གསལ་བ་འདུག་པས་མི་དགོངས་པའི་དཀའ་གནད་ཆེར་མི་སྣང་བས་ཞུ་འོས་མ་མཆིས་ཀྱང་། སྤྱིར་འདི་ཉིད་བྱ་རྒྱུད་ཀྱི་དབང་དུ་བྱས་པས་གཙང་སྦྲ་ལ་གནས…

པ་གཞིར་བྱས་ནས། བཅའ་གཞི་ནི་མདུན་དུ་སྟེགས་བུ་ཁེབས་ལྡན་གྱི་ཁར་འབྲས་དཀར་སིལ་མ་བཀྲམ། ཐུན་མཚམས་སུ་འབུལ་རྒྱུའི་གཏོར་མ་དཀར་གསུམ་མངར་གསུམ་ལ་ཞིབ་དང་མར་དཀར་སྦྱར་བའི་རྒྱུ་ལས་མཆོད་གཏོར་དཀར་ཟླུམ་དེང་སང་གཏོར་ཅོག་ཏུ་གྲགས་པ་མཐེབ་ཀྱུ་བཞིས་བསྐོར་བ་རིན་པོ་ཆེའི་སྣོད་དུ་བཞག་པ་བཀོད། དེའི་མདུན་དུ་གཡོན་ནས་བརྩམས་ཏེ་ཆུ་གཉིས་ས…

སྦྱང་བ་སོགས་ནས་སྙིང་གའི་འཁོར་ལོ་ཡིག་འབྲུ་བསྒོམ་པའི་བར་ནི་དཀྱུས་བཞིན་ལས་ཁྱད་པར་སྙིང་རྩེ་མོ་གྱེན་བསྟན་པདྨ་འདབ་བརྒྱད་ཁ་འབུས་ཀྱི་རྣམ་པར་ཁ་བྱེ་བའི་དབུས་སུ་འཁོར་ལོ་དཀར་པོ་རྩིབས་དྲུག་པ་རྩེ་མོ་རྣོ་བ་ལེབ་ཆགས་གདན་ཐབས་སུ་གནས་པའི་ལྟེ་བར་ཟླ་བའི་དཀྱིལ་འཁོར་གྱི་དབུས་སུ་ཨ་དང་རྩིབས་དྲུག་ལ་མདུན་ནས་གཡས་བསྐོར་གྱིས་ཡི་ག…