ཚོགས། གཉེར་པ་པ་ར་ནས། ལྷ་སའི་བསྙེན་གནས་པ་དང་རི་མོ་བ་སོགས་མང་པོར་ཡང་ཚེ་རྟ་གུར་དྲག་གི་དབང་སོགས་མཛད་ཅིང་། ཚེས་བཅུ་གསུམ་ལ་གཟིམས་དཔོན་བསམ་འགྲུབ་ཀྱིས་ཁྱིམ་དུ་སྤྱན་དྲངས་ཏེ་ཁང་པ་ལ་ཕྱག་ནས་དང་ཚེ་དབང་མཛད་ནས། དགའ་ལྡན་ཁང་གསར་དུ་གོས་སྐུ་དང་བཀའ་འགྱུར་གསར་བཞེངས་རྣམས་ལ་རབ་གནས་མདོར་བསྡུས་ཤིག་གནང་ཞིང་། དེར་ཆག་པ་ཆོས་འཕེ…

ཟུང་འབྲེལ། དར་རྙིང་དང་ལིང་ཡུག་ཟུང་འབྲེལ། གསེར་སྲང་བཞི་སོགས་ཀྱི་གནང་ཆ་དང་ཚིག་ཙམ་མ་ཡིན་པར་གཏན་བདེ་ལ་སྦྱོར་བའི་འདས་མ་འོངས་ཀྱི་བསླབ་སྟོན་ཡང་ཞིབ་རྒྱས་ཐུགས་ཡིད་ཚིམ་པར་སྩལ་ཅིང་། དེ་ཉིན་ཕོ་བྲང་ཆེན་མོ་ནས་ཆིབས་བཏེག་སྟེ་ཕེབས་ལམ་དུ་ཞུགས་པའི་གྲུ་ཁར་ཆུ་བཟང་ནས་དཔོན་སའི་དྲུང་འབུལ་སྐྱེས་བཟང་པོ་དང་བཅས་སྐྱེལ་ཐུང་དུ་ཕེ…

བར་རྟེན་འཛུགས་ཀྱི་ཚོགས་དབུ་རྣམས་སུ་ཞབས་པད་བསྐྱོད། དགུང་ལོ་ཞེ་བདུན་པ་ཆུ་སྤྲེལ་གནམ་ལོ་གསར་ཚེས་ཀྱི་དགྱེས་སྟོན་ཐོག་མའི་བཞུགས་གྲལ་ལ་འདུ་ཁང་ཆེན་མོར་ཚོགས་དབུར་ཕེབས་ཤིང་། ཚེས་གཉིས་ཀྱི་བཞུགས་གྲལ་བླ་བྲང་གི་གཟིམས་ཆུང་ཀུན་བཟང་ཕོ་བྲང་དུ་སྔར་འཁྱུད་བཞིན་གནང་། ཚེས་གསུམ་ལ་ཞབས་སྐྱེས་ཀྱི་ཆིབས་ཁལ་དོ་དམ་པ་རྣམས་གོང་ཞབས་ཡ…

སྲས་གླིང་དུ་བཞུགས་ཏེ་ཞལ་ངོ་རྣམས་ལ་ཚེ་དབང་ཡང་མཛད། སང་ནུབ་ཁྲ་འབྲུག་ཏུ་སྣེ་རྩེ་རྫོང་བཞུགས་ཀྱིས་གསོལ་ཆས་རྒྱས་པ་དང་བཅས་མཇལ་ཞིང་། དེ་སྐོར་གྱི་དད་ཅན་མང་པོ་མཇལ་དུ་བྱུང་བར་ཡང་སོ་སོའི་བསམ་པ་ཚིམ་པའི་གཤིན་གསོན་གྱི་བསྔོ་བ་དང་ཞལ་ཏ་སོགས་གང་ལ་གང་འཚམས་སུ་སྩལ་ནས། རིམ་པར་ཁྲོམ་ས་དང་ར་མོ་ལྷ་ཁང་རྣམས་སུ་ཞག་བཞུགས་སར་དར་རྒྱ…

ཀྱི་ཆིབས་བསུ་རྒྱས་པ་ཆོས་སྡེའི་སེར་སྦྲེངས་དང་བཅས་པས་མདུན་བསུས་ཏེ་ཆོས་སྡེའི་བླ་བྲང་དུ་སྤྱན་དྲངས། སྤྲུལ་སྐུ་རིན་པོ་ཆེ་ཉིད་ཀྱིས་ཞབས་བསུ་དང་ཕྱག་རྩེ་མཐུན་གྱིས་མཇལ་ཞིང་ཕེབས་སྤྲོ་རྒྱས་པར་སྟོབ། ཚེས་དགུར་གནས་རྟེན་དང་ནང་རྟེན་རྣམས་མཇལ་བར་མཛད་ནས། ཤངས་ལེན་གྱི་སྐྱེས་སུ་གྲྭ་ཚང་ལ་མང་འགྱེད་དང་སྤྲུལ་སྐུར་ཚན་གྲངས་རྒྱས་…

ལན་དང་གདུང་འབུལ་སྙེལ་ཇ་སོགས་འབུལ་མི་རྫོང་སྟ་གནང་། བྱམས་ཆེན་པ་དང་སྔགས་གྲྭའི་བླ་མ་སོགས་མཇལ་ཕྱག་ཞུ་མི་སོ་སོའི་རེ་བ་ཆོས་དང་ཟང་ཟིང་གིས་ཚིམ་པར་མཛད་ཅིང་། བཅུ་གསུམ་ལ་མཐོང་སྨོན་གྲྭ་ཚང་དུ་གུར་དྲག་གི་ཆོ་ག་གསར་དུ་ཚུགས་པའི་ཚོགས་དབུར་ཕེབས་ནས་དངོས་གྲུབ་བླང་བ་དང་རྗེས་འབྲེལ་དུ་དེར་འདུས་རྣམས་ལ་གཏོར་དབང་ཡང་སྩལ། ཚེས་བཅ…

ཆིབས་བསུ་དང་སྤྲུལ་སྐུས་ཞབས་བསུ་བཅས་སྤྱན་དྲངས་ཏེ་བསྙེན་བཀུར་དང་འབུལ་བ་བཟང་པོས་མཆོད་པར་སྐྱེས་ལན་དུ་འབུལ་བ་མང་འགྱེད་སོགས་ལེགས་ཆར་སྤེལ་ཞིང་གནས་རྟེན་རྣམས་ཀྱང་མཇལ་བར་མཛད་ནས་ལྷུན་རྩེ་རྗོང་དུ་སྡེ་པ་སྐྱིད་ཕུག་པས་གདན་དྲངས་ཏེ་འབུལ་བསྙེན་རྒྱས་པར་སྟོབ་ཅིང་། བཀའ་བསྒོ་བྱིན་རླབས་སོགས་ཀྱིས་བསམ་པ་ཚིམ་པར་མཛད་ནས་དེ་ནུབ…

བཤད་རྒྱ་མཚོ་དང་གཉན་ར་རྡོ་བ་སོགས་དོན་གཉེར་ཅན་ཉི་ཤུ་སྐོར་ལ་ཐུགས་ཐིག་གི་ལུང་དང་ཁྲིད་བཀའ། ཕུན་རབ་ནས་སོགས་མཇལ་མི་མང་པོར་སོ་སོའི་རེ་བ་དང་སྦྱར་བའི་དབང་བྱིན་རླབས་བཀའ་བསྒོ་ཀུན་ཏུ་སྨན་པའི་ཞལ་ཏ་སོགས་གང་ལ་གང་འོས་སུ་སྩལ་ཅིང་། སྐུ་ཞབས་གྲྭ་ཚང་ཆེན་མོའི་གྲྭ་པ་བློ་བཟང་བཀྲ་ཤིས་ས་གདོན་གྱི་དོགས་སེལ་དུ་ཕེབས་པར་ནཱ་ག་རཀྴའི…

ཞབས་བརྟན་རྒྱས་པར་ཕུལ། དེའི་སང་ཉིན་བསོད་ནམས་ཚེ་དབང་འདས་པའི་རྗེས་འདུར་གྱི་རབ་གནས་ལ་གྲྭ་ཚང་སྤྱན་དྲངས་པའི་ཚོགས་དབུར་ཞབས་བསྐྱོད་ཅིང་། ཚེས་བཞི་ནས་བླ་བྲང་གི་ཨར་ལས་སྟབས་གཙུག་ལག་ཁང་གི་གཟིམས་ཆུང་ཀུན་བཟང་ཡང་རྩེར་སྟན་སྤོ་བར་མཛད་དེ། དབྱར་ངོ་འདིར་བཞུགས་ནས་བདག་གིས་ཡི་གེའི་ཞབས་ཕྱི་ཞུས་ཏེ་སྔ་འགྱུར་བཀའ་མའི་སྒྲུབ་དཀྱི…

བརྒྱུད་རིན་པོ་ཆེས་དབུས་རྩེ་ལེ་བླ་མ་སོགས་བདག་ཅག་དོན་གཉེར་ཅན་མང་པོར་བྱད་འགྲོལ་མ་བུ། རཀྴ་མདོས་བཅུ་སོགས་རྟེན་འབྲེལ་གྱི་ཐབས་བཅོས་དུ་མའི་ལུང་ཡང་སྩལ། དེ་དག་གི་ཚེ་མངོན་མཁྱེན་རིན་པོ་ཆེ་ཀུན་བཟང་ཆོས་རྒྱལ་དང་། དགོན་ཕུག་པ་སྐྱི་སྟོན་པདྨ་དབང་ཆེན་སྐུ་གཤེགས་པའི་ཐུགས་དམ་ལ་འདོགས་པར་ཞུ་བའི་བསྔོ་རྟེན་འབུལ་མི་འབྱོར་ཞིང་ས…

མཐའ་ཡས་པ་སྩལ། ཚེས་བཅུ་མཆོད་པའི་ཉིན་འདུས་པའི་ཚོགས་དབུར་ཞབས་བསྐྱོད་དེ་གསོལ་འདེབས་མཆོད་འབུལ་དང་གཏོར་དབང་ཡང་གནང་ཞིང་། འདི་ཉིན་ཞབས་ཕྱིར་གནས་བརྟན་བཅུ་སྐོར་དང་བཅས་ཏེ་བླ་བྲང་དབང་ཁང་གི་ཀ་བ་འཛུགས་པའི་སར་ཕེབས་ནས་གསོལ་འདེབས་བསམ་པ་ལྷུན་གྲུབ་ཀྱི་ཞལ་འདོན་དང་ཤིས་བརྗོད་རྒྱས་པར་མཛད། ཚེས་བཅུ་དྲུག་གི་སྔ་དྲོ་གཙུག་ལག་ཁང་…

དངུལ་རྒྱ་ཊཾ་བརྒྱ་ཕྲག་དུ་མ་དང་། གོས་དར། ཁྱད་རས་ཡུག་མང་བ་སོགས་འབྱོར་བ་ལྟར་དགེ་ཚོགས་རྫོགས་བྱང་དུ་བསྔོ་བའི་བཀའ་དྲིན་དང་། ཁོང་པའི་གཞིས་བྱེས་ཀྱི་དཔོན་པོ་རོགས་བཅས་ལ་གཏེར་གསར་སྐོར་གྱི་དབང་ལུང་འཕོ་ཁྲིད་སོགས་འདོད་ཆོས་དང་། བྱིན་རྟེན་སོགས་ཀྱིས་རྫོངས་པས་རེ་བ་ཚིམ་པར་མཛད་ཅིང་། རྒྱལ་གླིང་ཚོགས་པའི་དབུ་ཆོས་ལ་གཏེར་གསར…

ཆིབས་བསྐྱོད་དེ་བྱང་བཞུའི་ཆོ་གའང་མཛད། སྐབས་དེ་དག་གི་ཚེ་ལྷོ་མོས་རྒྱབ་པ་སོགས་ཕྱོགས་འདུས་པ་མང་པོར་དབང་ལུང་། ཟབ་ཁྲིད། སེམས་བསྐྱེད་གཤིན་གསོན་གྱི་བསྔོ་བྱང་འདི་ཕྱིར་སྨན་པའི་ཞལ་ཏ་སོགས་གང་ལ་གང་འཚམས་ཀྱིས་སོ་སོའི་རེ་བ་ཇི་ལྟ་བ་བཞིན་སྐོང་བའི་བཀའ་དྲིན་སྩལ། ཟླ་བ་བརྒྱད་པའི་ཚེས་གཅིག་ལ་གཉེར་པ་དཔོན་གཡོག་ལྷ་སར་ཨར་སྟོན་ག…

མཇལ་དུ་བྱུང་བ་བཞིན་བྱད་འགྲོལ། ཚེ་རྟ། གུར་དྲག་གིས་མཚོན་པའི་དབང་བྱིན་རླབས་མང་དུ་སྩལ་བས་ཐུགས་བཞེད་སྐོང་བར་མཛད་ཅིང་། གནམ་གང་ལ་གཅུང་ཀུན་དགའ་ལགས་དཔོན་གཡོག་ཨར་སྟོན་ཞུ་བར་ལྷ་ལྡན་དུ་རྫོང་སྟ་གནང་། ཟླ་བ་དགུ་པའི་ཚེས་བདུན་ལ་སྟོན་ཆོས་གྲོལ་ཞིང་། དེ་ཉིན་སྐྱི་སྟོན་པ་དང་སྤྲུལ་སྐུ་མཆོག་ལྡན་གྱིས་འདུས་པ་མདོ་དབང་ཆེན་མོའི…

དཔོན་འགོ་པ། དབུ་མཛད། བཟོ་པ་བྱིངས་གྲས། སྒེར་གཡོག རྒན་པོ་སོགས་ནས་ཀོ་པའི་བར་གྱི་སྡེར་ཐོབ་སྟོང་དང་བརྒྱད་བརྒྱ་སྐོར་ལ་ཁོག་འཛུགས་ཀྱི་སྡེར་སུམ་ཅུ་རྩ་དགུ་ནས་བཅུ་གཅིག་གི་བར་དང་། ལྤ་དར་བདེ་ལེགས་ཀྱི་རེ་ཁཱ་བཀྲ་བའི་ཁ་བཏགས་ཡུག་རིང་དང་རྟགས་བརྒྱད་ཆེ་བ་ནས་བཀྲས་ཐགས་ཀྱི་མཐའ་བརྟེན་པའི་བར་དང་། ཨར་དཔོན་དང་དབུ་མཛད་ཆེ་ཁ་རྣམ…

སྲོག་ལ་གནོད་པ་མེད་པར་མཛད་པས་དགེ་རྒྱུན་སྡིག་པ་དང་མ་འདྲེས་པའི་ཕྱིར་དངོས་པོ་རྣམ་པར་དག་པ་ཡིན་ནོ། །ཟླ་བ་བཅུ་པའི་ཚེས་གཅིག་ལ་གོང་ཞབས་ཡས་ཕྱིན་ནས་ཐུགས་མཉེས་པའི་བཀའ་ཤོག་གནང་རྟེན་སྤམ་མཐོ་བ་དང་བཅས་ཏེ་ཨར་སྟོན་ཞུ་མི་རྣམས་ཕྱིར་འཁོར་ཞིང་། རྟ་ར་བླ་མ་ཆོས་འཕེལ་གྱི་ཚ་བོ་གྲྭ་རྒྱུན་ཁ་ཤས་དང་བཅས་སླེབ་སྟེ་ཚེས་དགུའི་ཉིན་གྲྭ་…

བཀའ་དྲིན་སྩལ་བར་གཟུ་བོའི་བློ་ཅན་རྣམས་ཀྱིས་རྗེས་སུ་ཡི་རང་བ་དང་བཀའ་དྲིན་བཟོ་བའི་ཁྱད་ནོར་གྱི་འབུལ་བའང་རྒྱས་པར་སྟོབ་ཅིང་། ཁེ་ཆེན་སྤྲུལ་སྐུ་དང་གློ་བོ་བླ་མ་སོགས་ལ་འཇམ་དབྱངས་མགོན་པོའི་གཅོད་ཡུལ་ཟབ་དོན་ཐུགས་ཀྱི་སྙིང་པོའི་ལུང་དང་། ཚེས་བརྒྱད་ནས་བཟུང་ཞབས་དྲུང་གདུང་བརྒྱུད་རིན་པོ་ཆེས་དབུས་གཞིས་བྱེས་ཀྱི་དབུ་ཆེ་དང་…

དབུས་སུ་མང་འགྱེད་བཟང་པོའི་བཤད་སྟོན་དང་བཅས་ཏེ་ཞབས་དྲུང་གདུང་བརྒྱུད་རིན་པོ་ཆེས་གསང་བ་སྙིང་པོའི་བཤད་འབུལ་མཛད་པས་ཐམས་ཅད་ཡ་མཚན་པར་གྱུར་ཏེ། དགུང་ལོ་བདུན་པ་ལ་འདི་ལྟ་བུའི་ཐུགས་རབ་དང་སྤོབས་པ་རྨད་དུ་བྱུང་བ་ཞེས་བསྔགས་ཤིང་གྲྭ་སློབ་ཚང་མས་ལེགས་འབུལ་ཡང་རྒྱས་པར་བསྟར། དགུང་ལོ་ཞེ་བརྒྱད་པ་ཆུ་བྱ་གནམ་ལོའི་རང་ཞལ་གསར་དུ་ཚ…

པར་མཛད་ནས་གདན་སར་ཕྱིར་ཕེབས། དེར་བསམ་ཡས་ཆོས་སྐྱོང་གི་སྐུ་རྟེན་པ་ཆེད་གཏད་མཇལ་དུ་བྱུང་བར། ཚེ་རྟའི་དབང་དང་ལེའུ་བདུན་མའི་ལུང་སོགས་ཀྱིས་བཞེད་པ་སྐོང་བར་མཛད་ཅིང་། ལེགས་གླིང་ཞལ་ངོ་རྣམས་གྲྭ་ནང་དུ་འཕོ་སྐྱས་ཀྱིས་ཕྱི་ཕྱག་འབུལ་དུ་བྱུང་བར་ངལ་གསོའི་བཀའ་མཆིད་ཀྱིས་དབུགས་དབྱུང་ཞིང་གནང་སྦྱིན་ཡང་རྒྱས་པར་སྩལ། འདི་སྐབས་འད…

ཞིང་བྱང་བཞུའི་ཆོ་ག་དང་དགེ་ཚོགས་བླ་ན་མེད་པའི་བྱང་ཆུབ་ཏུ་བསྔོ་སྒྱུར་མཛད། ཚེས་བཅུ་གཅིག་གི་སྔ་དྲོ་རྒྱུ་སྐར་རྒྱལ་ལ་སྤྱོད་པའི་དུས་དགེ་བར་སྐུ་འབུམ་མཐོང་གྲོལ་ཆེན་མོའི་སེང་ཁྲི་རྡོ་རྗེ་གདན་གྱི་བྱམས་ཆེན་གྱི་ཁྲིར་གནོད་སྦྱིན་འཁོར་ལོ་སོགས་གཞུགས་པར་མཛད་དེ་མེ་ཏོག་འཐོར་ཞིང་། བསམ་དགོན་ནས་ལྕམ་སྲིང་མ་བསོད་ནམས་དཔལ་འཛོམ་…