རེ་བ་ཡུལ་དུས་གནས་སྐབས་དང་མཐུན་པར། །སྐོང་བའི་ལྷག་བསམ་བཟང་པོ་ཅི་ནུས་བསྐྱེད། །ཆོས་དང་ཟང་ཟིང་མི་འཇིགས་སྦྱིན་པའི་ཆ། །རང་གི་མཐུ་ཡིས་ཇི་ཙམ་ནུས་པ་བསྒྲུབས། །གཞན་དོན་ཁོ་ནར་འགྱུར་དང་མི་འགྱུར་བ། །འཕགས་པས་མཁྱེན་གྱི་བདག་བློའི་སྤྱོད་ཡུལ་མིན། །ཆེན་པོ་ཀུན་གྱིས་རྙེད་དང་བཀུར་སྟི་ཡིས། །མངོན་པར་བཏུད་ཀྱང་རློམ་པ་མ་སྐྱེས་ཤ…

བར་ཤོག །དེ་ཡང་རླབས་ཆེན་སྤྱོད་པས་བསྟན་པ་དང་། །འགྲོ་ལ་ཕན་པ་དམ་པའི་རྣམ་ཐར་ཡིན། །རྨོངས་ལས་ཆེས་རྨོངས་བདག་འདྲར་ངོ་མཚར་གྱི། །རྟོགས་བརྗོད་ཡོན་ཏན་བརྗོད་རྒྱུ་མ་མཆིས་མོད། །འོན་ཀྱང་ནན་ཆ ེའི་དྲི་བས་རྐུན་མ་ཡི། །ངོ་ལེན་བཞིན་དུ་རྩལ་སྣང་མ་འགགས་པའི། །འཁྲུལ་རྟོག་འཆར་སྒོའི་རྣམ་འགྱུར་ཇི་སྙེད་པ། །གང་ཤར་བྲག་ཆའི་དབྱངས་ཀྱི་…

ཀྱང་རྣ་བའི་བུ་ག་ཡང་ཡང་བཙེར་བའི་རྒྱུ་ལས། ཆུ་མོ་བྱའི་ལོ་ས་གས་ཉ་བའི་དུས་དགེ་བར་ཡི་གེར་སྤེལ་བ་སྟེ། ཆོས་ཀྱི་རྗེས་སུ་འབྲང་བའི་དད་པའི་བློ་ཅན་རྣམས་ལ་མོས་པའི་མཐུན་རྐྱེན་དུ་འགྱུར་བ་སྲིད། གཞན་དུ་སྒྲོ་སྐུར་གྱི་གཞིར་འགྱུར་བའི་ཕྱིར་གསང་ཞིང་སྦ་བ་ལ་ནན་ཏན་དུ་བྱའོ། །ས་མ་ཡ། རྒྱ་རྒྱ་རྒྱ། ༈ ཤྲི་ཡསྟུ།། །།དུས་གསུམ་རྒྱལ་ཀུ…

རྗེ་བཙུན་བླ་མ་དམ་པ་གཏེར་ཆེན་ཆོས་ཀྱི་རྒྱལ་པོའི་ནང་གི་རྟོགས་པ་བརྗོད་པ་ཡོན་ཏན་མཐའ་ཡས་རྣམ་པར་བཀོད་པའི་རོལ་མོ་ཞེས་བྱ་བ་བཞུགས་སོ། །ལོ་ཆེན་དྷརྨ་ཤྲཱི།

རྗེ་བཙུན་བླ་མ་དམ་པ་གཏེར་ཆེན་ཆོས་ཀྱི་རྒྱལ་པོའི་ནང་གི་རྟོགས་པ་བརྗོད་པ་ཡོན་ཏན་མཐའ་ཡས་རྣམ་པར་བཀོད་པའི་རོལ་མོ་ཞེས་བྱ་བ་བཞུགས་སོ། །ན་མོ་བྷ་ཊྚ་ར་ཀ་ཤྲཱི་མཱཾ་སརྒུ་ར་ཝེ། རྗེ་བཙུན་བླ་མ་དམ་པ་གཏེར་ཆེན་ཆོས་ཀྱི་རྒྱལ་པོའི་རྨད་བྱུང་ངོ་མཚར་བའི་རྟོགས་པ་བརྗོད་པ་ཡོན་ཏན་མཐའ་ཡས་རྣམ་པར་བཀོད་པའི་རོལ་མོ་ཞེས་བྱ་བ། དེ་བཞིན་གཤེ…

དེ་ལ་བདག་ཅག་རྣམས་ཀྱི་དཔལ་ལྡན་བླ་མ་དམ་པ་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་ལ་རྗེས་སུ་འཇུག་པ་ཉིད་ཀྱིས་སྐྱེས་བུ་ཆེན་པོ་རྫོགས་པའི་སངས་རྒྱས་ཀྱི་ས་ལ་ཡང་དག་པར་བཞུགས་པ་འདིའི་རྣམ་པར་ཐར་པའི་ཡོན་ཏན་གྱི་ཚོགས་མཐའ་དག་རྫོགས་པར་བརྗོད་པ་ནི་བསམ་གྱིས་མི་ཁྱབ་པས། བག་ཆགས་ཤིན་ཏུ་སྲབ་པ་ས་བཅུ་པའི་བྱང་ཆུབ་སེམས་དཔའ་ལ་སོགས་པ…

པའི་ངང་ལ་དུས་གསུམ་གྱི་སངས་རྒྱས་ཐམས་ཅད་དང་དགོངས་པ་རོ་གཅིག་ཏུ་བཞུགས་ཏེ། དེ་ཡང་རང་བཞིན་རྣམ་དག་གི་ཆ་སྤྲོས་པ་ཉེ་བར་ཞི་བའི་ཡེ་ཤེས་ཆོས་ཀྱི་སྐུ་དང་། དེ་གློ་བུར་རྣམ་དག་མཐར་ཐུག་པས་ཁྱད་པར་དུ་བྱས་པ་ན་ཆོས་ཐམས་ཅད་དག་པ་རབ་འབྱམས་སུ་སྣང་བའི་ཡེ་ཤེས་ཆོས་སྐུ་དང་ངོ་བོ་གཅིག་པའི་དཀྱིལ་འཁོར་གྱི་འཁོར་ལོར་རང་སྣང་བ་ལ་ལོངས་སྤྱ…

གཟུགས་བཞིན། །དེ་མཐོང་བ་ནི་རྣམ་པ་གཉིས། །ཞེས་གསུངས་པ་བཞིན་ནོ། །མདོར་ན་སྒྱུ་འཕྲུལ་རྩ་རྒྱུད་ལས། ཕྱོགས་བཅུ་དུས་བཞི་བསམ་ཡས་སུ། །འདུལ་བའི་དོན་རྣམས་སོ་སོར་སྟོན། །ཐེག་པ་མཐོ་དམན་ཐམས་ཅད་དང་། །ཕྱིན་ཅི་ལོག་རྣམས་བསམ་ཡས་དང་། །ཞི་ཁྲོའི་ཚོགས་ཆེན་ཐམས་ཅད་པ། །སོ་སོར་མཐུན་བྱས་ཀུན་ཏུ་སྣང་། །ཞེས་དང་། ཕལ་པོ་ཆེ་ལས་ཀྱང་། ཀྱེ…

ལས་གསུངས་སོ།། ༈ དེ་ལྟར་ཐུགས་བསྐྱེད་ནས། དགེ་བའི་རྩ་བ་དང་། སྨོན་ལམ་གྱི་སྟོབས་དང་། སེམས་བརྟན་པས་མི་ལྡོག་པར་རབ་ཏུ་འགྲོ་བ་སྟེ། མ་ཞུམ་པའི་སྙིང་སྟོབས་མཆོག་གི་ཕ་རོལ་ཏུ་སོན་པས། སྤྲོ་ཞིང་བརྟུལ་ཕོད་ལ་བརྩོན་འགྲུས་ཆེན་པོ་རྨད་དུ་བྱུང་བས། བསྐལ་པ་ཆེན་པོ་གྲངས་མེད་པ་གསུམ་མམ་བདུན་དང་། བཅུ་དང་། སུམ་ཅུ་རྩ་གསུམ་ལ་སོགས་པ་…

ཨཱ་ནནྟ་ཞེས་དང༔ རྒྱལ་པོ་ཛ་དང་ཤཱནྟིཾ་གཪྦྷ་དང༔ བོད་འདིར་སམྦྷོ་ཊ་སོགས་དག་པ་ཡི༔ སྐྱེ་བ་དེ་ཙམ་སྣང་གི་མ་དག་པའི༔ སྐྱེ་ཚུལ་བརྗོད་དུ་ལང་བའི་གནས་མ་ཡིན༔ དེ་ལྟར་དག་པའི་སྐྱེ་བ་དེ་དག་གིས༔ འགྲོ་ལ་སྙིང་རྗེ་ཆེན་པོའི་ཐུགས་བསྐྱེད་པས༔ བཻ་རོ་ཁྱོད་དུ་སྐྱེ་བ་བླངས་པ་ཡིན༔ ཁྱོད་ཀྱང་ཤྲཱི་སིདྷ་ཡེ་ཤེས་མདོ༔ པདྨ་བདག་སོགས་གཙུག་གི་བླ་མ…

ཞེས་གསུངས་པ་དང་ཡང་འབྱོར་བ་ཡིན་ནོ། །དེར་མ་ཟད་གསང་བའི་རྣམ་ཐར་ཞལ་གསུངས་མ་ལས། དེ་ཡང་སྔོན་གྱི་སྐྱེས་རབས་འཕྲེང་བ་རྣམས། །རྡོར་གླིང་ཉིད་ཀྱི་གཏེར་ལུང་ཞལ་གདམས་དང་། །མཆོག་ལྡན་རྣམ་ཐར་རང་གཏེར་ལུང་བསྟན་གྱི། །དོན་རྣམས་ཁུངས་དང་སྦྱར་ཏེ་བསྡེབས་པ་ལས། །དྲན་པའི་ལམ་ནས་བརྗོད་པ་མ་ཡིན་མོད། །འོན་ཀྱང་བཻ་རོ་ཟུར་ཆེན་རྡོར་གླིང་ས…

ཞི་རྒྱས་དབང་དྲག་མངོན་སྤྱོད་ཀྱིས། །མ་ལུས་ཁོ་བོས་དབང་དུ་སྡུད། །དེ་དུས་ལུས་ངག་ཡིད་གསུམ་གྱི། །འབྲེལ་པ་གང་ལྟར་ཐོགས་པ་རྣམས། །རིགས་དྲུག་འཁོར་བ་དོང་སྤྲུགས་ནས། །པདྨས་བརྒྱན་པའི་ཞིང་ཁམས་སུ། །ཁོ་བོ་བླ་ན་མེད་པ་ཡི། །རྣམ་རོལ་མཐའ་ཡས་མགོན་པོ་ཆེར། །ཡང་དག་མངོན་འཚང་རྒྱ་བའི་ཚེ། །སྲས་འཁོར་རྒྱ་མཚོའི་ཐོག་མར་སྐྱེ། །སྐྱེ་མེད…

བྱོན་པའི་ཚེ། །གསང་བའི་བདག་པོ་ཉིད་དེ་བཞིན་གཤེགས་པའི་རིམ་གྲོ་པ་ཐོས་པ་འཛིན་པའི་མཆོག་འཕགས་པ་ཀུན་དགའ་བོར་བསྟན་ཏེ། གསང་འདུས་ཀྱི་འགྲེལ་པ་སྒྲོན་གསལ་ལས། ཀུན་དགའ་བོ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་སྟེ་ཕྱག་ན་རྡོ་རྗེ་ཡིན་ལ། རྡོ་རྗེ་འཆང་ཆེན་པོའང་དེ་ཉིད་ལས་གཞན་མ་ཡིན་ཏེ། གཞན་དུ་ན་མདོ་སྡེ་ལ་སོགས་པ…

འབྱུང་ཞིང་། མི་དང་མི་མ་ཡིན་པ་གྲངས་ལས་འདས་པས་འདོད་པའི་དངོས་གྲུབ་ཐོབ་པར་གྱུར་ཏོ། །ཞེས་གྲགས་ཏེ། འདི་ཡང་འཕགས་པ་ཀུན་དགའ་བོ་དང་དུས་མཚུངས་པའི་གསང་བདག་གི་སྤྲུལ་པའི་སྐུའི་རྒྱལ་པོའོ། །དེ་ནས་རྒྱ་གར་ཤར་ཕྱོགས་ས་ཧོ་རའི་རྒྱལ་པོ་ཨུ་ཏ་ར་ཛྙཱ་ནའི་སྲས། སྐལ་ལྡན་རྒྱལ་པོ་ཛཿསྟེ། མཚན་གཞན་ཨིནྟྲ་བྷཱུ་ཏི་དང་། ལུང་བསྟན་རྡོ་རྗེ་…

དང་། རྒྱལ་མོ་རོང་། རྒྱ་ནགལི་ཡུལ་སོགས་སུ་འཇའ་ལུས་འཕོ་བ་ཆེན་པོའི་སྐུས་མཐའ་ཡས་པའི་འགྲོ་བའི་དོན་མཛད་ཅིང་། རྔོག་ལོ་ཆེན་པོས། བཻ་རོ་ཙ་ན་ནམ་མཁའི་མཐའ་དང་མཉམ། །ཀ་ཅོག་ཞང་གསུམ་ཉི་ཟླ་ཟུང་འབྲེལ་ཏེ། །རིན་ཆེན་བཟང་པོ་ཐོ་རེངས་སྐར་ཆེན་འདྲ། །ཁོ་བོ་དེ་དག་དྲུང་ན་སྐར་ཕྲན་ཙམ། །ཞེས་བསྔགས་པ་ལྟར་དོན་ལའང་གནས་ཏེ། འགྲན་ཟླ་དང་བྲལ…

མགོན་དང་། རྟ་ནག་ཏུ་བྱོན་པའི་གཏེར་སྟོན་གུ་རུ་རྣོན་རྩེ་ཞེས་བྱ་བའང་བྱོན་ཏེ་སྐུ་ཡི་བཀོད་པ་མཐའ་ཡས་པའི་ཆོ་འཕྲུལ་གྱིས་འགྲོ་བའི་དོན་མཛད་པ་ཡིན། དེ་ནས་ཡར་འབྲོག་གཉན་དུ་མ་མོ་སྒང་ཤར་སོགས་ཟབ་གཏེར་གྱི་བཀའ་བབས་པ་རཀྴག་ཆོས་འབར་ཞེས་བྱ་བར་སྐྱེ་བ་བཞེས་ཤིང་། དེ་དང་རགས་པར་དུས་མཚུངས་པའི་སྔ་ཕྱི་ཅི་རིགས་པར་གཏེར་སྟོན་གྲུབ་ཐོབ…

ལས་ལོ་ཞེ་དྲུག་ཙམ་གྱིས་གཞོན་པར་འགོས་ལོ་ཙཱ་བ་ཆེན་པོ་གཞོན་ནུ་དཔལ་དང་། དེ་དག་ལས་སྔ་ཕྱི་ཅི་རིགས་པར་བྱོན་པ་ཆོས་ཀྱི་རྗེ་ས་སྐྱ་པཎྜི་ཏ་དང་། བྲག་ཐོག་པ་བསོད་ནམས་བཟང་པོ། པཎ་ཆེན་འཇིགས་མེད་གྲགས་པ་སོགས་བསྟན་པ་ཡོངས་རྫོགས་ཀྱི་བཤེས་གཉེན་མང་དུ་བྱོན་ཏེ། དེ་རྣམས་ཀྱང་གདུལ་བྱའི་ཡུལ་ལ་སྨོན་ལམ་མཐུན་པར་འཇུག་པའི་སྐུའི་རྣམ་རོལ…

རློམ་པ་རྣམས་ཀྱང་ཆོས་ལོག་དྲི་མ་ཅན་ལ་ཁ་འཛིན་གྱིས་འཆད་ཉན་བྱེད་པ་སོགས་རང་རང་གི་ཆོས་ལུགས་ལས་ལྡོག་ཕྱོགས་སུ་སྤྱོད་པས་ཆོས་ལོག་དང་། ངང་ཚུལ་བཟང་པོས་ལུགས་ལྟར་མཐུན་པར་སྤྱོད་པ་རྣམས་ཚར་གཅོད་ཅིང་། མ་རུངས་པའི་སྐྱེ་བོ་གཡོ་སྒྱུས་ལོག་པར་སྤྱོད་པ་རྣམས་གཟེངས་བསྟོད་པ་སོགས་ལེགས་ཉེས་ཀྱི་སྟངས་འཆོལ་བར་གཅོད་པས་ཁྲིམས་རལ་བ་དང་། …

༈ ད་ནི་སྐུ་ཚེ་འདིའི་མཛད་པ་བདག་ཅག་གདུལ་བྱ་དམན་པ་རྣམས་དང་མཐུན་པར་འཇུག་པ་ཆེ་ལོང་ཙམ་ཞིག་སྒྲོ་འདོགས་དང་སྐུར་པའི་མཐའ་གཉིས་སྤངས་ཏེ་བརྗོད་པར་བྱ་བ་ལ་ལྔ་སྟེ། རིགས་རུས་ཆོ་འབྲང་ཕུན་སུམ་ཚོགས་པར་སྐུའི་སྐྱེ་སྲིད་ཇི་ལྟར་བཟུང་བའི་ཚུལ། སྐུ་སྐྱེད་རིམ་གྱིས་བསྲིངས་ཏེ་བསྟན་པ་ལ་ཞུགས་ནས་གསན་སྦྱོང་ཇི་ལྟར་མཛད་པའི་ཚུལ། ལས་འཕྲ…