འཐད་ཅེས་བསྐུལ་བ་ལྟར། མིང་ཞུས་པས་པདྨ་ཕྲིན་ལས་རྒྱལ་མཚན་ཞེས་སྩལ། གཅེན་འཕྱོངས་རྒྱས་སུ་ཕྱིར་ཕེབས་ཀྱི་ཞབས་ཕྱིར་བསམ་ཡས་མཐིལ་གྱི་བར་འོངས་ནས་རྟ་མགྲིན་གླིང་དུ་གསུང་སྤྲུལ་རིན་པོ་ཆེ་ཡབ་སྲས་མཇལ། དེ་ནས་ངེད་ཀྱིས་ཟུར་མཁར་གྱི་ཀོ་བ་བཏོན། རྟ་བསུ་མ་སླེབས་པས་གྲྭ་ཕྱི་ཚོང་འདུས་སུ་ཞག་གཉིས་བསྡད་དེ་གཞིས་སུ་འབྱོར། དེ་དུས་རྗེ་…

གསུམ་པ་བསྟན་པ་ལ་བཞུགས་ནས་ཐོས་བསམ་གྱིས་རྒྱུད་སྦྱངས་ཚུལ་ནི། རང་ལོ་བཅུ་གསུམ་པ་ལ་ལུས་བསྒྱུར་ཅིང་། རྗེ་གཏེར་ཆེན་བླ་མ་ལ་གཙུག་ཕུད་ཕུལ་ཏེ། མིང་བསྟན་འཛིན་འཇམ་དབྱངས་དབང་པོ་ཞེས་སྩལ། སྐྱབས་གསུམ་འཛིན་པའི་དགེ་བསྙེན་གྱི་སྡོམ་པའང་ཐོབ། བཅོ་ལྔ་པ་ལ་གཅེན་རྒྱལ་སྲས་རིན་པོ་ཆེ་དང་མཉམ་དུ་རྐང་འགྲོས་ཀྱིས་ཆུ་ཤུར་བརྒྱུད་ཕོ་བྲང་…

འདུག་ཀྱང་། བླ་མ་དམ་པའི་སྔགས་རྒྱ་ཏིང་ངེ་འཛིན་གྱི་ནུས་པས་བྱིན་གྱིས་བརླབས་པའི་རྟེན་འབྲེལ་རང་རྒྱུད་ལ་བསྒྲིགས་ནའང་། རང་ན་གཞོན་ཞིང་འདུན་པ་ཞན་པའི་དབང་གིས་བརྡའ་དོན་འཕྲོད་དཀའ་བ་ནས། ལུས་རྟེན་འདི་ལ་བརྡའ་དོན་འཕྲོད་པའི་དབང་གིས་རྒྱུད་སྨིན་པར་བྱས་པ་ནི་ཐུགས་ཐིག་གི་དབང་འདི་ཉིད་ཡིན་པས་འདི་ལྟར་སྨོས་པ་སྟེ། དེ་དུས་བུམ་ན…

རིས་གུང་ཐང་གི་མཁས་པ་ཆེན་པོ་བཤེས་གཉེན་རྣམ་རྒྱལ་དགོན་པར་ཕེབས་ནས། གཅེན་བླ་མ་དམ་པ་སྐུ་མཆེད་ཀྱིས་སྒྲ་རིག་སྙན་ངག་སོགས་གཞུང་ལུགས་མང་པོའི་གསན་པ་མཛད་པའི་དུས་སུ། བདག་གིས་ཀྱང་ཀ་ལཱ་པའི་མཚམས་སྦྱོར་ལྔའི་རི་མོ་ཙམ་དང་། བོད་ཡིག་སྐྱར་སློབ་བྱས་པས། གཅེན་རྒྱལ་སྲས་རིན་པོ་ཆེས་ཕྲལ་ཕྲལ་གྱི་ཞལ་ཏ་དང་ཕྱག་འབེབས་སོགས་བསྐུལ་ལྕག་ག…

ཀུན་མཁྱེན་ལ་དུས་འཁོར་འཇིག་རྟེན་བསྟན་ལེ་ལས་རགས་ཙམ་དང་། རྩིས་ཀུན་བསྡུས་པའི་བཤད་པ། སྡེབ་སྦྱོར་གྱི་ངོ་མཚར་བའི་སྦྱོར་བ་རྣམས་ཞུས། ཕྱིས་གྲ་ཕྱིར་སྟག་ལུང་པ་གྲུབ་ཆེན་ངག་དབང་གཟུངས་མཆོག་ལས་དབྱངས་ཅན་བྱཱ་ཀ་ར་ཎའི་ས་རིས། ཙནྡྲ་པའི་ཡི་གེའི་བསྡུ་བ་དང་ཏིང་མཐའ་སོགས་ལ་ཞིབ་བཤད་དང་། གཞུང་སྤྱི་ལའང་བཤད་པ་ཡམ་ཙམ་ཞིགསྡེབ་སྦྱོར་…

ཚད་དང་སྦྱར་བའི་ཐོས་བསམ་རེ་བྱེད་དགོས་ཞེས་བཀའ་སྩལ་བ་ལ་བརྟེན། སེམས་ཉིད་ངལ་གསོའི་གཞུང་བློ་ལ་ཟིན་ཏེ། འགྲེལ་པ་ལ་བལྟ་རྟོག་ཞིབ་མོར་བཅུག་ཅིང་། འདུལ་བའི་སྤྱི་དོན་ལུང་རིགས་གཏེར་མཛོད་ལས། ཐོབ་བྱ་སོ་ཐར། མ་ཐོབ་པ་འཐོབ་པར་བྱེད་པའི་གཞི་དང་། སྡེ་ལྔའི་བསླབ་བྱ། གཞི་གསུམ་གྱི་བཤད་པ་རྣམས་ཧོར་བཏོན་གྱིས་བློ་ལ་ཟིན་ནས། བསམ་པས་…

ཆག་མེད་བར་ཆད་ཞི་ཕྱིར་འབད་པ་གང་། །ད་ལྟ་ཉིད་བཞིན་གཡེལ་བ་མེད་པ་ནས། །རིམ་གྲོའི་རྣམ་པ་ཕྱིས་གསལ་བཞིན་དུ་སྒྲུབས། །ཐོས་པའི་རྩ་བ་ཆོས་མངོན་མཛོད་ཉིད་དང་། །སྒྱུ་འཕྲུལ་རྩ་རྒྱུད་གསང་བ་སྙིང་པོ་ལ། །རྩ་པོད་བྱས་ནས་ཤེས་བྱ་གཞན་ལ་ཡང་། །འབད་པས་བསྒྲུབས་ན་མཁས་པའི་གནས་ཐོབ་འགྱུར། །དེ་མཐུས་སྔ་འགྱུར་བསྟན་པའི་བཤད་སྒྲུབ་ཉི། །རབ་…

ཀྱིས་ལེགས་པར་བསྐྱངས་པས་གོ་བའི་ཕྱོགས་འགོ་ཐིངས་པ་ཙམ་བྱས། དེ་གོང་དུ་གུང་ཐང་པཎ་ཆེན་ལས་དབུ་མའི་སྟོང་ཐུན་དང་། འདུལ་བ་སུམ་བརྒྱ་པའི་བཤད་པ། མཁས་གྲུབ་ཆོས་སྐྱོང་རྒྱལ་མཚན་ལས་རང་འགྲེལ་གྱི་སྟེང་ནས་ཟབ་མོ་ནང་དོན་གྱི་བཤད་པ་རྣམས་ཐོས། ཁྱད་པར་རྗེ་བླ་མ་དམ་པའི་དྲུང་དུ་ཀུན་མཁྱེན་དྲི་མེད་འོད་ཟེར་དང་། ཟུར་པ་ཡབ་སྲས། རོང་ཟོམ་…

གི་སྐོར་སོགས་སྔ་འགྱུར་གསང་སྔགས་རྙིང་མའི་ལུགས་ཀྱི་དབང་ལུང་མང་པོ་དང་། མན་ངག་གི་བཀའ་ཅི་རིགས་བཅས་པ། དེ་ཐམས་ཅད་ཀྱི་རྩ་བར་གྱུར་པ་སྙིང་མ་རྒྱུད་འབུམ་གྱི་ལུང་ཡོངས་རྫོགས། གསར་མའི་སྐོར་ཡང་། དགྱེས་རྡོར། ཀུན་རིགམི་འཁྲུགས་པ་སོགས་ཀྱི་དབང་རྗེས་གནང་མང་པོ་དང་། ནཱ་རོ་མཁའ་སྤྱོད་ཀྱིས་མཚོན་པའི་དབང་ལུང་མན་ངག་ཚང་བ་སོགས་མང་…

བསྟན་པ་དར་རྒྱས་ལས་གསང་བདེ་འཇིགས་གསུམ། རྔོག་ལུགས་ཀྱི་གུར་རིགས་བསྡུས་གདན་བཞི། མ་ཧཱ་མ་ཡཱ་རྣམས་དང་། གཟུངས་གྲྭ་ལྔ། གཟའ་ཡུམ་རྣམས་ཀྱི་དབང་། དམར་པོ་སྐོར་གསུམ་དང་། གུར་ཞལ་གྱི་རྗེས་གནང་། བཤེས་གཉེན་བྱམས་པ་ཕུན་ཚོགས་རྣམ་རྒྱལ་ལས། སྤྱན་རས་གཟིགས་སེང་གེ་སྒྲ། ཕྱག་རྡོར་ཨུ་ཙཪྱ། བསྲུང་བའི་མཁར། གཏུམ་ཆུང་ཁྲ་ཐོགས། གྲྭ་པའི་…

བཞི་པ་ཇི་ལྟར་ཐོབ་པའི་དོན་ཉམས་སུ་ཅུང་ཟད་བླངས་ཚུལ་ནི། སྤྱིར་ཐོས་བསམ་གྱིས་སྒྲོ་འདོགས་བཅད་པའི་དོན་རྣམས་བླང་དོར་གྱི་སྒོ་ནས་བསྒྲུབ་ཅིང་ཉམས་སུ་ལེན་པ་ཡིན་པ་ལྟར། འཁོར་བའི་ཉེས་དམིགས་བསམ་ཞིང་མི་རྟག་འཆི་བ་དྲན་པའི་སྐྱོ་ཤས་ཀྱིས་བསྐུལ་ཏེ། དཀོན་མཆོག་ཀུན་འདུས་བླ་མ་དམ་པ་ལ་སེམས་རྙོག་པ་མེད་པར་དྭངས་བའི་དད་པ་དང་། ལས་འབྲས…

ཞུས་ནས་འབད་པ་ཆེན་པོས་མཚམས་བཅད་དེ་སྒོམ་པས་ཞི་གནས་ཀྱི་ཉམས་ཅུང་ཟད་སྐྱེས། ལོ་དེ་ཁའི་མཇུག་ཏུ་ཆོས་སྐྱོང་རྒྱལ་མཚན་དང་མཉམ་དུ་རྗེ་བླ་མ་དམ་པའི་དྲུང་དུ་ཐུགས་རྗེ་ཆེན་པོ་བདེ་གཤེགས་ཀུན་འདུས་ཀྱི་ཁྲིད་མ་བུ་ཚང་མ་ཞུས་ཤིང་། ཁྱད་པར་རྩ་ཁྲིད་ལ་སྙིང་རུས་བསྐྱེད་ནས་སྒོམ་པས་རྫོགས་རིམ་རྡོ་རྗེའི་ལུས་ལ་གནད་དུ་བསྣུན་པའི་བྱེད་བཅི…

ཙམ་ཞིག་ཉམས་ཁྲིད་དུ་ཐོབ་ཅིང་། དམ་པོ་འདེབས་པའང་ལག་ལེན་དུ་བཏབ་མོད། འཆར་སྒོ་རང་ནི་རྩལ་ཧ་ཅང་ཆེ་བ་མ་བྱུང་། གང་ལྟར་ཡང་རང་སྙིང་རུས་ཆུང་བས་སྒོམ་དང་གང་ཟག་ཡ་བྲལ་དུ་སོང་བ་མ་གཏོགས། བླ་མ་དམ་པ་རྣམས་ཀྱི་བཀའ་དྲིན་གྱིས་ཟབ་ལམ་གྱི་གནད་རྣམས་ཉམས་འོག་ཏུ་ཆུབ་པའི་ངེས་ཤེས་ཅུང་ཟད་ཐོབ་པ་ཡིན་ནོ། །དེ་བཞིན་དུ་རྒྱལ་བས་གསུངས་པའི་ཆོ…

ནག་ལ་འབུམ་ཕྲག་གསུམ། ཕག་དཀར་ཤེས་རབ་གསལ་བྱེད་ལ་འབུམ་ཚོ་ལྔ། དབྱངས་ཅན་མ་དཀར་མོར་སུམ་འབུམ། ན་རག་དོང་སྤྲུགས་ཀྱི་ཡིག་བརྒྱ་ཆིག་ཁྲི། བཀའ་བརྒྱད་གཙོ་དགུ་དང་ཤངས་ལུགས་རྒྱུད་སྡེ་ལྔ་ལའང་འབྲེལ་པ་ཙམ་རེ་བཟླས་ཏེ། དེ་རྣམས་ཤིང་བྱ་ཡན་ཆད་ལས་ཕྱིས་རྣམ་གཡེང་གིས་ཆག་ཅིང་། ད་ལྟའི་ཆུ་སྦྲུལ་ཟླ་བ་དྲུག་པའི་ཚེས་བཅུ་ཡན་ལ་ཆག་མེད་བཟླས་…

མོ་དམ་ཅན་སྤྱི་གཏོར་རྗེས་འབྲང་དང་བཅས་པའི་སྟེང་། སྒོས་སུ་དྲག་པོ་སྡེ་ལྔ། སྔགས་སྲུང་མ། ལྷ་ཆེན། དུར་ཁྲོད་མ་མོ་རྣམས་ཀྱི་གཏོར་ཆོགགཞན་ཡང་ཕྱག་དྲུག་པ། ཨ་གྷོ་ར། ཤ་ཟ་ཁ་མོ་ཆེ། བརྟན་མ། མཁའ་འགྲོ་སྤྱི་གཏོར་བཅས་གཏོར་བསྔོའི་རིམ་པ་དང་དཀར་འགྱེད་དང་འཆི་བསླུའི་དམིགས་པ་རེ། ནངས་ནུབ་ཉལ་ལྡང་གི་རྣལ་འབྱོར་མཚན་བཅས་མཚན་མེད་གང་བདེ…

ལྔ་པ་རང་ནུས་དང་སྦྱར་བའི་གཞན་དོན་ཆ་ཙམ་བསྒྲུབས་ཚུལ་ནི། བསྟན་པ་སྤྱི་དང་། བྱེ་བྲག་སྔ་འགྱུར་རྡོ་རྗེ་ཐེག་པ། ཡང་སྒོས་རྗེ་གཏེར་ཆེན་བླ་མའི་བཤད་སྒྲུབ་ཀྱི་བསྟན་པ་རིན་པོ་ཆེ་འདི་ཉིད་སྒོ་ཐམས་ཅད་ནས་ཕྱོགས་ཀུན་ཏུ་དར་ཞིང་རྒྱས་པར་གྱུར་ན་ཅི་མ་རུང་སྙམ་པའི་ལྷག་བསམ་གྱི་སྙིང་སྟོབས་ཕྲག་པར་ཁྱེར་ཏེ། འཆད་ཉན་གྱི་གཟུགས་བརྙན་རང་ན…

རེ་ལ་སྙིང་པོའི་རྒྱུད་ཀྱི་བཤད་པ་ཆག་མེད་ཀྱིས་བློ་གསར་རྣམས་ལ་ཐོས་བྱུང་གི་ཤེས་རབ་བསྐྱེད་པར་བྱས་ཤིང་། གཞན་ཡང་སོ་སོའི་བློ་དང་འཚམས་པའི་སྡོམ་གསུམ་རྣམ་ངེས། ཕར་ཕྱིན་འདུལ་བ་སོགས་གཞུང་མང་པོའི་བཤད་པ་ཐོར་རེ་བ་དང་། སྔ་ཕྱིར་གསུང་སྤྲུལ་རིན་པོ་ཆེ་ངག་དབང་ཀུན་བཟང་རྡོ་རྗེ། དཔལ་རི་སྤྲུལ་པའི་སྐུ། ཐང་འབྲོག་སྤྲུལ་པའི་སྐུ། ཟ…

རྩེར་སྨོན་གྲུབ་ནས་ལ་ཚེ་གུར་རྟ་མགྲིན་རྣམས་ཀྱི་དབང་དང་། བྱད་འགྲོལ། གསང་སྔགས་གླིང་གདུང་རྒྱུད་མཆེད་ལ་དོང་སྤྲུགས་པདྨ་བརྒྱ་ལྡན་གྱི་དབང་དང་། དཔོན་སློབ་ཐུན་མོང་ལ་ཚེ་དབང་། འུ་ཡུག་ཏུ་བསམ་དར་ནས་ལ་ཚེ་གུར་དང་། ཞང་བློན་གྱི་རྗེས་གནང་། ཡུལ་པར་ཁྲོམ་དབང་། སྟག་སྣར་ཏྲེ་བོ་སྤྲུལ་པའི་སྐུ་ལ་སྒྱུ་འཕྲུལ་ཞི་ཁྲོ་དང་། སེམས་སྡེ…

རྡོར་གསང་སྒྲུབ། ཁང་བརྩེགས། རྟ་མགྲིན་གསང་སྒྲུབ། ལོཀྟྲི། ནཱ་ག་རཀྴ། ན་རཀ་དོང་སྤྲུགས། ཞི་ཁྲོ་ཁྲོམ་དཀྲུགས་ལུགས་རྣམས་ཀྱི་དབང་དང་རྗེས་གནང་། མཁའ་འགྲོ་བསུན་བཟློག་དང་གྲིབ་སེལ། བྱད་འགྲོལ། གཟའ་ཀླུའི་གདོན་འགྲོལ། ཐུགས་རྗེ་ཆེན་པོ་དང་ཡང་ཐིག་གི་འཆི་བསླུ་སོགས་སྐུ་རིམ་ཡང་མང་དུ་བསྒྲུབས། ཐུགས་ཀྱི་སྲས་ངག་དབང་མཆོག་གི་སྤྲུ…

གཏད་མཚམས་ལྟར་ངག་དབང་མཆོག་གི་སྤྲུལ་པའི་སྐུ་དང་ཕྱག་མཛོད་རྗེ་དབོན་རིན་པོ་ཆེས་བདག་རྐྱེན་མཛད་ནས་ཕྱོགས་དེར་རང་བསྟན་འཕེལ་རྒྱས་ཀྱི་བཀའ་ལུང་བཟང་པོ་བྱུང་བའང་རྡོའི་རི་མོ་བཞིན་འགྱུར་བ་མེད་པར་གོར་མ་ཆག་གོ། དེ་དུས་ཡར་མར་གྱི་ལམ་ཞོར་དུ། ལ་མོར་མར་ལམ་ཆོས་རྗེ་སྐུ་རྟེན་པ་ནང་འཁོར་ཞབས་ཕྱིར་བཅས་པར་དཀོན་མཆོག་སྤྱི་འདུས་ཀྱི་ད…