པའི་བདེན་པ་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །འདི་ནི་སྡུག་བསྔལ་ཀུན་འབྱུང་བ་དང་། འདི་ནི་སྡུག་བསྔལ་འགོག་པ་དང་། འདི་ནི་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །དེས་དེ་ལྟར་ཤེས་ཤིང་དེ་ལྟར་མཐོང་ནས་འདོད་པའི་ཟག་པ་ལས་སེམས་རྣམ་པར་གྲོལ་བར་འགྱུར། ས…

རྣམ་པར་གྲོལ་བའི་ཡེ་ཤེས་ཉིད་མཐོང་བར་འགྱུར་རོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟ་ལགས་ན་བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །དེ་སྐད་ཅེས་བཀའ་སྩལ་པ་དང་། ལུས་འཕགས་…

དུ་ཁྱོད་ཀྱིས་འདི་ལྟར་ཉེས་པ་ཤེས་ཤིང་ཉེས་པ་མཐོང་ལ་དེ་མཐོང་ནས་ཀྱང་བཤགས་ནས་ཕྱིས་སྡོམ་པར་བྱེད་ན་ཁྱོད་ཀྱི་དགེ་བའི་ཆོས་རྣམས་མི་ཉམས་ཤིང་འཕེལ་བ་ཉིད་དུ་འདོད་པར་བྱའོ། །དེ་ནས་བཅོམ་ལྡན་འདས་ལ་ལུས་འཕགས་མའི་བུ་མ་ག་འི་རྒྱལ་པོ་མ་སྐྱེས་དགྲས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་ག…

པར་ཤེས་པ་དང་བཅས་པའི་ལུས་ལ་ལྟ་སྨོས་ཀྱང་ཅི་དགོས་ཀྱིས། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །དེ་ནས་ལུས་འཕགས་མའི་བུ་མ་ག་འི་རྒྱལ་པོ་མ་སྐྱེས་དགྲས་དེ་ཉིད་ཀྱི་ནུབ་མོ་ནས་གཙང་ཞིང་བསོད་བའི་བཟའ་བ་དང་བཅའ་བ་དག་ལྟ་གོན་བྱས་ནས་ནང་བར་སྔར་ལངས་ཏེ་གདན་བཤམས། ནོར་བུའི་ཆུ་སྣོད་བཞག་ནས། སྤྱན་འདྲེན་གྱིས་བཅོམ་ལྡན་འདས་ལ་ག…

མཆོག་ནི་རྫོགས་སངས་རྒྱས། །དེ་ནས་ལུས་འཕགས་མའི་བུ་མ་ག་འི་རྒྱལ་པོ་མ་སྐྱེས་དགྲ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེང…

ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷ་སྦྱིན་གྱིས་དགེ་སློང་མ་ཨུཏྤ་ལའི་མདོག་སྙིང་རྗེ་རྗེ་སྐད་དུ་སྨྲེས་བཞིན་དུ་ཁུ་ཚུར་གྱིས་བསྣུན་ཏེ་བཀུམ་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ་ཇི་ལྟར་འདས་པའི་དུས་ན་ཡང་འདིས་འདི་སྙིང་རྗེ་རྗེ་སྐད་དུ་ས…

སྡིག་པའི་ལས་ཅན་གྱིས་མཆོངས་ནས། །ལུག་གི་མགོ་བོ་བཅད་ནས་ནི། །བསད་དེ་ཤ་ཡང་ཟོས་པར་གྱུར། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་སྤྱང་ཀི་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་ལུག་མ་རྒན་གང་ཡིན་པ་དེ་ནི་དགེ་སློང་མ་ཨུཏྤ་ལའི་མདོག་འདི་ཉིད་ཡིན་ཏེ། དེ་ན་ཡང་འདི་སྙིང་རྗེ་རྗེ་སྐད་དུ་…

གོ། །དེ་ཡིད་ཆེས་པར་བྱ་བའི་ཕྱིར་དེས་དེའི་མདུན་དུ་རིལ་བ་བཅག་ནས། རེ་ཞིག་ལྷ་དང་བཅས་པའི་འཇིག་རྟེན་གྱིས་འདི་སླར་འབྱོར་པར་བྱོས་ཤིག །ཡེ་བག་མ་ཚ་ཤིག །འདི་ལ་བྱེད་པ་པོ་འམ། བྱེད་དུ་འཇུག་པ་པོ་ནི་འགའ་ཡང་མེད་དོ། །དེ་ལྟ་མོད་ཀྱི་སོང་ལ་སེར་སྐྱའི་གཞིར་སོན་ནས་རྒྱལ་སྲིད་བྱོས་ཤིག་དང་བདག་གིས་ཁྱོད་ཀྱི་བློན་པོའ་མཆོག་བགྱིའོ། …

བསྟན་གྱི། ངས་གང་ནས་ལྷ་སྦྱིན་ལ་དཀར་པོའ་ཆོས་ཆུང་དུ་ན་སྐྲའི་རྩེ་མོའ་ཆ་ཤས་ཙམ་ཡང་མ་གཟིགས་པ་དེ་ནས། ངས་འདི་ལྟར་ལྷ་སྦྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་བའོ་ཞེས་ལྷ་སྦྱིན་ལུང་བསྟན་ཏོ། །དགེ་སློང་དག་ལྷ་སྦྱིན་སྡིག་པ་མི་དགེ་བའི་ཆོས་གསུམ་དང་ལྡན་པས་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུ…

གྲགས་ཤིང་། །བསྒོམས་པ་ཡི་ནི་བདག་ཉིད་དུ། །བཀུར་ཅིང་དཔལ་གྱིས་ཤིན་ཏུ་ནི། །མཛེས་པར་རྣམ་པར་གྲགས་ཡིན་ན། །དེ་ནི་བག་མེད་དང་ལྡན་འདིར། །དེ་བཞིན་གཤེགས་ལ་ཁྱད་བསད་པས། །རྫོགས་སངས་རྒྱས་ནི་རབ་མཁྱེན་པས། །བསྐལ་པར་གནས་པར་དེ་ལུང་བསྟན། །འཇུངས་ཤིག་སྡིག་པའི་ཀུན་རྟོག་ཅན། །ལོག་པར་ལྟ་བ་མ་གུས་པ། །སྒོ་བཞི་པར་ནི་ཤེས་པ་ཡི། །མནར་མ…

ཚྭ་ལ་ལོངས་སྤྱོད་དེ། བདག་ཅག་གིས་ལོངས་སྤྱད་པར་མི་བྱ་སྟེ། རྡུལ་ཁྲོད་ནས་བྱུང་བའི་ཕྱིར་རོ། །དགེ་སྦྱོང་གཽ་ཏ་མ་ནི་རས་ཁ་ཚར་བཅད་པ་དག་གྱོན་ཏེ། བདག་ཅག་གིས་རས་ཁ་ཚར་རིང་པོ་དག་བགོའོ། །དེ་ཅིའི་ཕྱིར་ཞེ་ན། གཞི་དེས་རས་ཐག་པ་རྣམས་ཀྱི་སྐྱེས་བུའི་རྩལ་དོན་མེད་པར་འགྱུར་བས་སོ། །དགེ་སྦྱོང་གཽ་ཏ་མ་ནི་དགོན་པ་ན་གནས་ཏེ། བདག་ཅག་གྲ…

རྣམས་དེ་རོལ་པའི་རྫུང་དུ་བོར་མཐོང་ནས་དེ་རྣམས་ཀྱིས་གྲོས་བྱ་བར་བརྩམས་པ། འདི་བསད་དམ། ཡང་བསམས་པ། ཤི་ཟིན་པ་འདི་བས་ད་དེ་ཅི་རུང་། བཅོམ་ལྡན་འདས་ཀྱིས་འདི་ལྟར་ལྷ་སྦྱིན་ངན་སོང་སེམས་ཅན་དམྱལ་བར་བསྐལ་བར་གནས་ཏེ་གསོར་མི་རུང་བའོ་ཞེས་འདི་ལུང་བསྟན་པ་ཉིད་དོ་ཞེས་དེ་རྣམས་ཀྱིས་དེ་བསྐྲད་པ་དང་གཏོར་ཁུང་ནས་བྱུང་སྟེ་བྲོས་པ་ལས་ད…

རྒྱལ་སྲིད་བྱས་སོ་ཅོག །དེས་བེའུ་ཡི་ལྟེ་བ་ལྟ་བུ་ཞེས་བྱ་བའི་དུག་མཆོག་ཏུ་རྣོ་བས་སེན་མོའ་གསེབ་བཀང་སྟེ་བཅོམ་ལྡན་འདས་གང་ན་བ་དེར་སོང་ལ། གལ་ཏེ་དགེ་སྦྱོང་གཽ་ཏ་མས་བཟོད་པ་བྱས་ན་དེ་ལྟ་ན་ལེགས། གལ་ཏེ་བཟོད་པ་མ་བྱས་ན་དེ་ཉིད་དུ་དེའི་རྐང་པ་གཉིས་ལ་གཏུགས་ནས་སེན་མོ་བཀང་བའི་དུག་གིས་རྐང་པ་གཉིས་བསྐུ་བར་བྱའོ་སྙམ་དུ་བསམས་ནས། …

ཏུ་ཡང་སྨྲས་པ། བདག་རུས་པའི་ཁོང་ནས་ཀྱང་སངས་རྒྱས་བཅོམ་ལྡན་འདས་ལ་སྐྱབས་སུ་འགྲོའོ་ཞེས་སྨྲས་ནས། རང་གི་ལུས་ཀྱིས་མནར་མེད་པའི་སེམས་ཅན་དམྱལ་བ་ཆེན་པོར་ལྷུང་ངོ་། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྷ་སྦྱིན་གྱིས་དགེ་བའི་རྩ་བ་མཚམས་སྦྱར་ཏེ། མནར་མེད་པའི་སེམས་ཅན་དམྱལ་བ་ཆེན་པོར་བསྐལ་པར་གན…

ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་མནར་མེད་པའི་སེམས་ཅན་དམྱལ་བ་ཅེན་པོའི་ནང་དུ་དོང་ངོ་། །དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་སྨྲས་པ། ཚེ་དང་ལྡན་པ་མཽད་གལ་གྱི་བུ་ཆེན་པོ་སེམས་ཅན་དམྱལ་བ་རྣམས་ལ་སོམས་ཤིག །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་ཇི་ལྟར་སེམས་མཉམ་པར་གཞག་ན་ཆར་…

གཅིག་ཏུ་གྱུར་པ་དག་གིས་མྱུར་བ་མྱུར་བར་མགོ་ཕྱེ་མར་རློག་པར་བགྱིད་དོ། །ཕྱོགས་བཞིན་ས་གླང་པོ་ཆེ་དག་མཆིས་ནས་དེ་རྣམས་ཀྱིས་བདག་འབྲས་ཕྱེ་བཞིན་དུ་འཐག་པར་བགྱིད་དོ། །ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ཀྱིས་སྨྲས་པ། ལྷ་སྦྱིན་ཁྱོད་ཀྱིས་ལྕགས་ཀྱི་རི་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར…

སྨྲས་པ། བཙུན་པ་ཤཱ་རིའི་བུ་གལ་ཏེ་དེ་ལྟ་ན་བདག་བློ་གཅིག་པུས་མནར་མེད་པའི་སེམས་ཅན་དམྱལ་བ་ཆེན་པོར་གནས་པར་བཟོད་དོ།། །།འདུལ་བ་གཞི། བམ་པོ་བརྒྱ་རྩ་དགུ་པ་སྟེ་ཐ་མའོ། །དེ་ནས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་དེ་གཉིས་ཀོ་ཀ་ལི་ཀ་ལ་སོགས་པ་གང་ན་བ་དེར་དོང་བ་དང་། ཇི་ཙམ་ན་ཀོ་ཀ་ལི་ཀའི། ལྕེ་ཐོང་གཤོལ་བརྒྱས་རྨེད་དོ།…

བཅོམ་ལྡན་འདས་དང་། དགེ་སློང་རྣམས་དང་། སྐྱེ་བོའ་ཚོགས་ལ་ལྷ་སྦྱིན་དང་། ཀོ་ཀ་ལི་ཀ་དང་། རྫོགས་བྱེད་ལ་སོགས་པ་སེམས་ཅན་དམྱལ་བར་སྐྱེས་པ་རྣམས་ཀྱི་གནས་སྐབས་རྒྱས་པར་བསྙད་དོ། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷ་སྦྱིན་གྱིས་བཅོམ་ལྡན་འདས་ཀྱིས་བཀའ་བཀའ་མ་ལགས་པར་…

བོང་བུས་སྐད་ཕྱུང་བ་རྒྱལ་པོའ་མི་རྣམས་ཀྱིས་ཐོས་ནས་བཟུང་སྟེ། ཤེས་ལྡན་དག་བོང་བུ་འདིས་ནི་རྒྱལ་པོའ་མོན་སྲན་གྲེའུ་ཡི་ཞིང་འདི་ཐམས་ཅད་ཟོས་ཀྱིས་ཆད་པས་གཅད་པར་བྱའོ་ཞེས་དེ་རྣམས་ཀྱིས་རྣ་བ་བཅད་དེ་མགུལ་དུ་གཏུན་ཅིག་བཏགས་ནས་བཏང་ངོ་། །དེ་ཕན་ཚུན་འཁྱམ་པ་ཁྱུ་མཆོག་གིས་མཐོང་ནས་དེས་དེ་ལ་ཚིགས་སུ་བཅད་དེ་སྨྲས་པ། ལེགས་པར་གླུ་བླ…

བཙལ་བ་ལས། དེའི་དྲུང་དུ་ཕྱིན་ནས་དེས་བསམས་པ། ད་ནི་དབྱུང་མི་ནུས་ཀྱིས་སང་ནང་པར་དབྱུང་བར་བྱའོ་སྙམ་མོ། །གླང་གིས་སྨྲས་པ། བདག་གི་མདུན་དུ་ཞགས་པ་ཞིག་ཞོག་ལ་བཞུད་ཅིག་དང་། གལ་ཏེ་ཝ་འོངས་པར་གྱུར་དང་། བདག་གི་རྭས་ཞགས་པ་བླངས་ཏེ་དེ་ལ་གདབ་པར་བགྱིའོ། །དེས་དེའི་མདུན་དུ་ཞགས་པ་ཞིག་བཞག་ནས་སོང་བ་དང་མཚན་མོ་ཇི་ཙམ་ན་ཝ་ཞིག་འོངས་…