ཇི་ཙམ་ན་རི་བྲགས་ཞིག་གི་སྟེང་ན་ཕར་སོང་བ་དང་། ཁྱེའུ་དང་བུ་མོ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ལྟོས་ཤིག་ངང་པ་གཉིས་ཀྱིས་རུས་སྦལ་ཞིག་ཁྱེར་ཏེ་སོང་ངོ་ཞེས་ཟེར་བ་ན། རུས་སྦལ་དེས་ཀྱང་དང་དུ་བླངས་སོ། །དེ་ནས་རི་བྲགས་གཞན་ཞིག་གི་སྟེང་ན་ཕར་སོང་བ་དང་། ཡང་ཁྱེའུ་དང་བུ་མོ་དག་གིས་མཐོང་ནས་དེ་དག་གིས་སྨྲས་པ། ཤེས་…

བསྒྲུབས་སོ། །སངས་རྒྱས་བཅོམ་ལྡན་འདས་ནི་རྒྱུ་ལྔས་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་སྒྲུབ་པར་མཛད་དེ། ལྔ་གང་ཞེ་ན། ནང་དུ་ཡང་དག་འཇོག་ལ་བཞེད་པ་དང་། ལྷ་རྣམས་ལ་ཆོས་སྟོན་པར་བཞེད་པ་དང་། ནད་པ་ལ་ལྟ་བར་བཞེད་པ་དང་། གནས་མལ་ལ་རྟོག་པར་བཞེད་པ་དང་། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བཞེད་པའོ། །དོན་…

གྱིས་དགག་པ་མཛད་པས་དེ་སྟེང་གི་བར་སྣང་ལ་ཆུ་ལོན་ལྟ་བུར་གྱུར་ཏེ། མཐའ་ན་འདུག་ཅིང་ཤས་ཆེར་བཅོམ་ལྡན་འདས་ལ་སྡོད་ཅིང་འདུག་གོ །དེ་ནས་བཅོམ་ལྡན་འདས་ཀྱིས་གནས་མལ་རབ་ཏུ་མང་པོ་དེ་དག་སྐྱབས་ཡོད་པར་བྲུབས་ནས་དབྱར་གྱི་ན་བཟའ་རས་ཆེན་བསྣམས་ཏེ་སྐུ་བསིལ་བར་བཞེད་ནས་བང་རིམ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དུས་མ་ཡིན་པའི་སྤྲི…

ཀུན་དགའི་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ། འཆག་ས་ནས་འཆག་ས་དང་། གོལ་བར་སོང་ཞིང་མཐར་གྱིས་འགྲོ་བ་ན། ཁང་པ་ཆེན་པོའི་གཙུག་ལག་ཁང་ཞིག་ག་ལ་བ་དེར་ཕྱིན་ནས། ངས་ཁང་པ་ཆེན་པོའི་གཙུག་ལག་ཁང་དེ་ན་གནས་མལ་རབ་ཏུ་མང་པོ་དག་བླ་གབ་མེད་པར་བཞག་ཅིང་དུས་མ་ཡིན་པའི་སྤྲིན་ཆེན་པོ་འདུས་པ་མཐོང་ངོ་། །མཐོང་ནས་ཀྱ…

ཉན་ཐོས་རྣམས་ཀྱི་བསླབ་པའི་གཞི་བཅའ་བར་མཛད་དོ། །དགེ་སློང་རབ་ཏུ་མང་པོ་དག་དོན་མཐུན་དང་ལྷན་ཅིག་ལྗོངས་རྒྱུར་དོང་བ་ན་རི་བྲགས་ཤིག་ཏུ་ཕྱིན་ནས། དེ་དག་གིས་རི་བྲགས་དེར་གནས་བཅའ་བར་བརྩམས་པ་དང་། རི་བྲགས་དེ་ན་གཙུག་ལག་ཁང་ཞིག་ཡོད་ནས་དེ་ན་དེ་དག་ལ་མི་ཞིག་གིས་སྨྲས་པ། འཕགས་པ་དག་ཁྱེད་ཅག་གཙུག་ལག་ཁང་དུ་མི་གནས་སམ། བཞིན་བཟངས་མ…

ཤིག་འཁོད་པ་དེ་གཉིས་ཕན་ཚུན་ཁོན་ཡོད་ཅིང་གཅིག་ནི་དད་པ་དང་ལྡན་པ་ཡིན་ལ། གཅིག་ནི་མ་དད་པ་ཡིན་ནས། དད་པ་ཅན་གྱིས་བསམས་པ། ཁོན་སྤེལ་བས་ཅི་བྱ་སྟེ། ཁོན་ཞི་བར་བྱས་སོང་ལ་རབ་ཏུ་འབྱུང་བར་བྱའོ་སྙམ་ནས་དེ་རྒྱལ་བྱེད་ཀྱི་ཚལ་དུ་སོང་སྟེ་དགེ་སློང་གི་གན་དུ་རབ་ཏུ་བྱུང་ངོ་། །ཁྱིམ་བདག་མ་དད་པ་ཤོས་དེས་མི་ཞིག་ལ་དྲིས་པ། བཞིན་བཟངས་ཁྱ…

བྱེད་པར་འགྱུར་གྱིས་བདག་གིས་སང་འདི་ཤེས་པར་བྱའོ་སྙམ་མོ། །དགེ་སློང་དེ་ཡང་ནང་པར་སྔར་ལངས་ཏེ་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་བདག་འགྲོས་གནས་མལ་འདེ་རེ་ཞེས་གནས་མལ་གཏད་པ་དང་། དགེ་སློང་རྣམས་ཀྱིས་སྨྲས་པ། ཁྱོད་གར་འགྲོ། རྒྱལ་པོའི་ཁབ་ཏུའོ། །ཚེ་དང་ལྡན་པ་ལམ་འདི་ནི་དོགས་པ་དང་བཅས་པ་ཡིན་གྱིས་འདི་ནས་མ་འགྲོ་ཤིག །འ…

དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱི་ཁྲིའམ། ཁྲིའུའམ། སྟན་ནང་ཚངས་ཅན་ནམ། ལ་བའམ། སྔས་སམ། གོར་བུ་བླ་གབ་མེད་པར་བཏིང་ངམ། འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར…

འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་དགེ་སློང་གི་གནས་མལ་གྱི་ཉེན་ཀོར་གང་ལགས། ཉེ་བ་འཁོར་ངས་བྲམ་ཟེ་གྲོ་བཞིན་སྐྱེས་ལ་ཨ་མྲའི་སྡོང་པོ་ཤིན་ཏུ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཡལ་གའི་ཚོགས་ཕུན་སུམ་ཚོགས་པ་འདོམ་བདུན་གྱིས་བར་དུ་ཆོད་པའི་ཨ་མྲའི་སྡོང་པོ་བདུན་པོ་གང་དག་ཡིན་པ་དེ་དག་ལ་འདོམ་བཞི་…

བཞིན་དུ་ཕྱིར་བྱའོ། །དགེ་སློང་དེས་ཀྱང་དགེ་སློང་དེ་ལ་ཁས་བླངས་ནས་གུས་པར་བྱ་སྟེ་བསྡུ་བར་བྱའོ། །གལ་ཏེ་སྡུད་པར་མི་བྱེད་ན་འགལ་ཚབས་ཅན་དུ་འགྱུར་རོ། །གལ་ཏེ་དེར་སོན་ནས་བདག་གིས་དགེ་འདུན་གྱི་གནས་མལ་ཕྱོགས་འདི་ལྟ་བུ་ཞིག་ཏུ་གཞག་གོ་སྙམ་དུ་དྲན་ཞིང་གལ་ཏེ་དེ་འདི་སྙམ་དུ་བདག་གི་ཚངས་པ་མཚུངས་པར་སྤྱོད་པ་མཁས་པ་དག་སྡུད་པར་འགྱ…

ལས་མཚན་མོའི་གུང་ཐུན་ནམ། ཐུན་ཐ་མའམ། སྐྱ་རེངས་མ་ཤར་བའམ། སྐྱ་རེངས་ཤར་བའམ། ཉི་མ་མ་ཤར་བའམ། ཉི་མ་ཤར་བའམ། ཉི་མའི་བརྒྱད་ཆ་ཤར་བའམ། ཉི་མའི་བཞི་ཆ་ཤར་བའམ། ཕྱེད་མ་ཡོལ་བའམ། ཕྱེད་ཡོལ་བའམ། ཉི་མའི་བཞི་ཆ་ལུས་པའམ། ཉི་མའི་བརྒྱད་ཆ་ལུས་པའམ། ཉི་མ་མ་ནུབ་པའམ། ཉི་མ་ནུབ་པའམ། རྒྱུ་སྐར་དག་མ་ཤར་བའམ། རྒྱུ་སྐར་དག་ཤར་བ་ན་ལྡང་བར་བྱེ…

བཅོམ་ལྡན་འདས་ཀྱིས་མ་གནང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་རྗེས་སུ་གནང་གིས་དགེ་སློང་རྣམས་ཀྱིས་ཀྱང་ཆོས་བསྟན་པར་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཀྱང་ཆོས་བསྟན་པར་བྱའོ་ཞེས་བཀའ་སྩལ་ནས། དགེ་སློང་དག་འགྲེང་བཞིན་…

མི་བརྗིད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྒན་པའི་མཐའ་ལོགས་སུ་སྟན་གཉིས་སམ་གསུམ་བཞག་སྟེ་ཆོས་བསྟན་པར་བྱའོ། །དེར་ཡང་ཆོས་སྟོན་པ་མི་བརྗིད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྒན་པའི་མཐའ་ལོགས་སུ་སྟན་གཉིས་སམ་གསུམ་བཞག་སྟེ་སེང་གེའི་ཁྲི་བཤམ་པར་བྱའོ། །ཆོས་སྟོན་པ་འཛེག་དཀའ་ནས། བཅོམ་ལྡན་འདས་ཀྱིས་བཀའ་…

བཅོམ་ལྡན་འདས་ཀྱིས་བཀའ་སྩལ་པ། དང་དུ་བླང་བར་བྱའོ། །དེ་དག་སྟན་དག་གཡར་པོ་བྱེད་པ་ན་དགེ་སློང་རྣམས་ཀྱིས་མི་སྟེར་ནས། བཅོམ་ལྡན་འདས་ཀྱིས་བཀའ་སྩལ་པ། སྟན་དག་བརྙན་པར་བྱའོ། །དགེ་སློང་དག་ཟན་ཟོས་ནས། སྟན་དེ་དག་ཁྱེར་ཏེ་འདོང་བ་ན་དེ་དག་གིས་སྨྲས་པ། འཕགས་པ་དག་ཁྱེད་བཞུད་ཅིག་དང་བདག་ཅག་གིས་འཚལ་ཏེ་མཆིའོ་ཞེས་ཟེར་བ་ན། དགེ་སློང…

དེ་དག་གིས་སྨྲས་པ། འཕགས་པ་ཅི་བདག་ཅག་ཁྱེད་ཀྱི་གདན་དག་རྐུ་སྙམ་མམ། གལ་ཏེ་ཐུགས་མི་ཆེས་ན་སྣོམས་ཏེ་བཞུད་ཅིག་ཅེས་ཟེར་ནས། བཅོམ་ལྡན་འདས་ཀྱིས་བཀའ་སྩལ་པ། དེའི་ནང་དུ་འཇུག་པར་མི་བྱ་བར་མཐའ་གཅིག་ཏུ་འདུག་སྟེ། གལ་ཏེ་ཁ་ཏོན་པ་ཡིན་ན་ནི་དེས་ཁ་ཏོན་བྱ་ཞིང་དེ་ལ་ཡང་སེམས་གཏད་པར་བྱའོ། །གལ་ཏེ་སྤོང་བ་པ་ཡིན་ན་ནི་དེས་ཀྱང་མཐའ་གཅིག་…

བྱའོ། །དེ་དག་ཕྱིས་ཆོས་མཉན་པ་མི་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། གཡོགས་པའམ། བླ་གབ་མེད་པར་བྱའོ། །དེ་ལྟར་ཆོས་ཉན་པ་ན་བྲམ་ཟེ་དང་ཁྱིམ་བདག་དད་པ་ཅན་དག་གིས་ནོར་བུས་སྤྲས་པ་དང་། གསེར་དང་དངུལ་གྱིས་བརྒྱན་པའི་གོས་དག་གིས་སེང་གེའི་ཁྲི་བཤམས་པ་དང་། དགེ་སློང་དག་འགྱོད་པས་མི་འདུག་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱ…

བདག་ཆེ་གེ་མོ་ཞིག་གི་དགོན་པའི་གཙུག་ལག་ཁང་གི་ཡིན་ནོ། །འདི་ནི་གྲོང་མཐའི་གཙུག་ལག་ཁང་གི་ཡིན་ནོ་ཞེས་ཡི་གེ་བྲི་ཞིང་གནས་མལ་ཇི་ལྟར་ངེས་པར་བྱས་པ་བཞིན་དུ་ལོངས་སྤྱད་པར་བྱའོ། །ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ །མཐ…

ལྡན་འདས་ཀྱིས་ནད་པ་བལྟ་བར་བྱའོ་ཞེས་བཀའ་སྩལ་ནས། དགེ་སློང་གནས་བརྟན་གནས་བརྟན་དག་ནད་པ་ལྟ་བར་བྱེད་པ་ན། དེ་དག་འགྲེང་བཞིན་དུ་ནད་པ་ལྟ་བར་བྱེད་པས་ནད་པ་དག་ཉམ་ང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། འདུག་སྟེ་ནད་པ་བལྟ་བར་བྱའོ། །བཅོམ་ལྡན་འདས་ཀྱིས་འདུག་སྟེ་ནད་པ་བལྟ་བར་བྱའོ། །ཞེས་བཀའ་སྩལ་ནས། དགེ་སློང་དག་རང་རང་གི…

བྲུབ་པར་བགྱི། གང་ཕྱིས་ལངས་པས་སོ། །གཉིས་ཀ་དུས་གཅིག་ཏུ་ལངས་ན་གཞོན་པས་སོ། །གཉི་ག་གཞོན་ན་གཉི་གས་བྲུབ་པར་བྱའོ། །སློབ་དཔོན་དང་མཁན་པོ་དག་འཆག་ཏུ་དོང་བ་ན་དགེ་སློང་ལྷན་ཅིག་གནས་པ་དང་། ཉེ་གནས་གཙུག་ལག་ཁང་ན་འཁོད་པ་ན་དེ་དག་ཆུ་མེད་པ་ནས་ཨུཏྤ་ལ་བཞིན་དུ་དགེ་བའི་ཆོས་རྣམས་ཀྱིས་མི་འཕེལ་ནས། བཅོམ་ལྡན་འདས་ཀྱིས་བཀའ་སྩལ་པ། དག…

ཡིད་ལ་བྱ་བ་བསྐྱེད་པར་བྱའོ། །ལྷན་ཅིག་གནས་པ་དང་། ཉེ་གནས་དེ་དག་ལས་སུ་བསྐོས་པར་འགྲོ་བ་ན་དེ་དག་སློབ་དཔོན་དང་། མཁན་པོ་དག་ལ་ཞུས་ཏེ་སོང་བ་ན། དེར་སོང་བ་དེ་དག་ལ་ལས་གཞན་བྱུང་ནས་དེ་དག་ཡང་ཕྱིར་འོང་ཞིང་ཞུ་བར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དེར་དོང་བ་རྣམས་ལ་ལས་གཞན་བྱུང་ན་དེ་དག་གིས་ཡང་དང་ཡང་དུ་ཕྱིར་འོངས་…