འདུལ་བ་གཞི། བམ་པོ་ཉི་ཤུ་ལྔ་པ། དེ་ནས་བཅོམ་ལྡན་འདས་དུལ་བ་འཁོར་དུལ་བ། ཞི་བ་འཁོར་ཞི་བ་དགྲ་བཅོམ་པ་ལྔ་བརྒྱ་དང་ཐབས་ཅིག་ཏུ་སློ་མ་ལྟ་བུར་གཤེགས་སོ། །དེ་ནས་རྒྱལ་བུ་རྒྱལ་བྱེད་ཀྱི་ཚལ་ན་གནས་པའི་ལྷ་དེས་བ་ཀུ་ལའི་ཡལ་ག་ཞིག་བླངས་ཏེ། བཅོམ་ལྡན་འདས་ལ་གྲིབ་མ་བྱེད་ཅིང་རྗེས་བཞིན་རྗེས་བཞིན་དུ་སོང་བ་དང་། བཅོམ་ལྡན་འདས་ཀྱིས་དེའ…

མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུར་ཀུན་ནས་བཟང་བར་མཐོང་ངོ་། །མཐོང་མ་ཐག་ཏུ་ཡང་དེ་རྣམས་བཅོམ་ལྡན་འདས་ལ་སེམས་དང་བ་ཆེན་པོ་སྐྱེས་སོ། །འདི་ནི་ཆོས་ཉིད་ཡིན་ཏེ། ཇི་ལྟར་དགེ་བའི་རྩ་བ་བསགས་པའི་རྒྱུ་ཅན་གྱི་སེམས་ཅན་གྱིས་དང་པོར་སངས་རྒྱས་མཐོང་བ་ལྟར་…

མཛད་དེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་ལས་ནི་བསྒྲལ། ངན་སོང་གི་སྒོ་ནི་བཀུམ། ཐར་པ་དང་མཐོ་རིས་ཀྱི་སྒོ་ནི་ཕྱེ་ནས་བདག་ཅག་ལྷ་དང་མི་རྣམས་སུ་ནི་བཀོད་དེ། བཙུན་པ་བདག་ཅག་འཕགས་སོ། །མངོན་པར་འཕགས་སོ། །བདག་ཅག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། བཅོམ་ལྡན་འདས་ཀྱིས…

འདུག་གོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཅིའི་ཕྱིར་སེམས་ཁོང་དུ་ཆུད་ཅིང་འདུག །དེ་རྣམས་ཀྱིས་གསོལ་པ། བཅོམ་ལྡན་འདས་བསོད་ནམས་ཀྱི་ཞིང་རྐང་གཉིས་ཁྱེད་འདིར་གཤེགས་ནས་བདག་ཅག་ནི་གནས་སྐབས་འདི་འདྲ་བར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་དག་བསྟི་གནས་མེ་ཏོག་དང་འབྲས་བུ་དང་ཆུ་ཕུན་སུམ་ཚོགས་པ་ཅི་སྟེ་མ་རུ…

པར་གྱུར། །དེ་དག་གིས་འབད་པ་དང་བརྩལ་བས་བརྩོན་འགྲུས་བརྩམས་པས་འཁོར་བའི་འཁོར་ལོ་ཆ་ལྔ་པ་གཡོ་བ་དང་མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཅེས་བྱ་བ་ནས་མངོན་དུ་སྨྲ་བར་བྱ་བར་གྱུར་ཏོ་ཞེས་བྱ་བའི་བར་གོང་མ་བཞིན་དུའོ། །དེ་དག་ལ་འདོམས་པར་བྱེད་པའི་དྲང་སྲོང་གང་ཡིན་པ་དེས་གསོལ་པ། བཅོམ་ལྡན་འདས་བདག་གིས་ཆ་བྱད་འ…

པ་ལྟ་ན་ཞེས་བྱ་བ་ནས། བཅོམ་ལྡན་འདས་ཀྱིས་དགེ་སློང་ཚུར་ཤོག་ཅེས་བྱ་བས་རབ་ཏུ་ཕྱུང་ངོ་ཞེས་བྱ་བ་དང་། སངས་རྒྱས་དགོངས་པས་ལུས་གཟུགས་བཀབ་པར་གྱུར་ཅེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་དགེ་སློང་དད་པས་རྣམ་པར་གྲོལ་བ་རྣམས་ཀྱི་མཆོག་ནི་འདི་ཡིན་ཏེ། འདི་ལྟ་སྟེ…

ཁམས་དང་། རང་བཞིན་མཁྱེན་ནས་དེ་དང་འདྲ་བའི་ཆོས་བཤད་པ་མཛད་དེ། དེ་ཐོས་ནས་སྲོག་ཆགས་བརྒྱ་སྟོང་ཕྲག་དུ་མས་ཁྱད་པར་ཆེན་པོ་དག་རྟོགས་ཏེ། ཁ་ཅིག་གིས་ནི་ཐར་པའི་ཆ་དང་མཐུན་པའི་དགེ་བའི་རྩ་བ་བསྐྱེད། ཁ་ཅིག་གིས་ནི་ངེས་པར་འབྱེད་པའི་ཆ་དང་མཐུན་པ། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕ…

མཽད་གལ་གྱི་བུ་དེ་བཞིན་གཤེགས་པའི་རིངས་པའི་བསོད་སྙོམས་ལོང་ཤིག །མཽད་གལ་གྱི་བུ་དེ་ཅིའི་ཕྱིར་ཞེ་ན། རིངས་པའི་བསོད་སྙོམས་ནི་ལྔ་སྟེ། ལྔ་གང་ཞེ་ན། གློ་བུར་བ་དང་། འགྲོ་བར་ཆས་པ་དང་། ནད་པ་དང་། ནད་གཡོག་དང་། དགེ་སྐོས་སོ། །སྐབས་འདིར་ནི་བཅོམ་ལྡན་འདས་དགེ་སྐོས་སུ་དགོངས་ཏེ། བཅོམ་ལྡན་འདས་རྫུ་འཕྲུལ་གྱིས་དེ་ཉིད་ནས་སྟེང་གི…

བཟེད་བཀང་བའི་ཆུ་ཕུལ་བ་དང་། བཅོམ་ལྡན་འདས་ཀྱིས་བཞེས་ཏེ་གསོལ་ལོ། །ཚེ་དང་ལྡན་པ་མཽད་གལ་གྱི་བུ་ཆེན་པོས་བསམས་པ་བཅོམ་ལྡན་འདས་ཀྱིས་སྔོན་གྱི་བཀའ་སྩལ་པ། དགེ་སློང་དག་ཕ་དང་མས་ནི་བུ་གསོས། བསྲིངས་བསྐྱེད་ནུ་མས་བསྣུན། འཛམ་བུའི་གླིང་གི་སྣ་ཚོགས་སྟོན་པར་བྱེད་པ་ཡིན་པས་ཤིན་ཏུ་དཀའ་བ་བྱེད་པ་སྟེ། བུས་ཕྲག་པ་གཅིག་ལ་ནི་མ་བཞག་ཅ…

བདག་གིས་ནི་མ་ལ་ལན་གཅིག་ཡང་མ་ལོན་གྱིས། མ་ལ་བདག་གིས་བདག་གི་མ་གང་དུ་སྐྱེས་པ་བསམ་མོ་སྙམ་ནས་བསམ་པ་ལ་ཞུགས་པ་དང་། འཇིག་རྟེན་གྱི་ཁམས་འོད་ཟེར་ཅན་དུ་སྐྱེས་པར་མཐོང་ངོ་། །དེས་དེ་སུའི་གདུལ་བྱ་ཡིན་པ་བརྟགས་ན། བཅོམ་ལྡན་འདས་ཀྱི་ཡིན་པར་མཐོང་ནས་དེ་འདི་སྙམ་དུ་སེམས་ཏེ། བདག་ལམ་རིང་པོ་ནས་འདིར་འོངས་པས་ཅི་ནས་ཀྱང་བདག་གིས་བཅོ…

ནས། །སྡུག་བསྔལ་རྒྱ་མཚོའ་ཕ་རོལ་བདག་གིས་རྒལ། །འགྲོ་བར་ལྷ་མིན་ལྷ་དང་མིས་མཆོད་པ། །སྐྱེ་རྒ་འཆི་དང་ནད་དང་རྣམ་བྲལ་བ། །སྲིད་པ་སྟོང་དུ་མཐོང་བ་རྙེད་དཀའ་བ། །ཐུབ་པ་ཁྱོད་མཐོང་དེང་འདིར་འབྲས་བུར་བཅས། །བཙུན་པ་བདག་ནི་འཕགས་ཤིང་མངོན་པར་འཕགས་ཏེ། བདག་བཅོམ་ལྡན་འདས་དང་ཆོས་དང་དགེ་འདུན་ལ་སྐྱབས་སུ་མཆི་ལགས་ཀྱིས་དགེ་བསྙེན་དུ་ག…

ཡིད་མགྱོགས་ཡིན་ནོ། །བཙུན་པ་སངས་རྒྱས་ཀྱི་ཆོས་ཟབ་མོ་དེ་ལྟ་བུ་ནི་བདག་གིས་གློ་བར་མ་ཆུད་དོ། །གལ་ཏེ་བདག་གིས་གློ་བར་ཆུད་པར་གྱུར་ན། བདག་གི་ལུས་ཏིལ་གྱི་ཕྱེ་མ་ལྟར་བགྱིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སེམས་ལས་མི་ལྡོག་པར་འགྱུར་བ་ཞིག་ན། ད་ནི་ཤིང་ཚིག་པ་བཞིན་ཅི་བགྱིར་ཡང་མ་མཆིས་སོ། །དགེ་སློང་རྣམས་ཐེ་…

ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་གྲོང་ཁྱེར་བཱ་རཱ་ཎ་སཱིར་ཉེ་བར་རྟེན་ཅིང་བཞུགས་སོ། །དེའི་བསྟན་པ་ལ་རབ་ཏུ་བྱུང་ནས་སྡེ་སྣོད་གསུམ་པར་གྱུར་ཏེ། ཆོས་བཞིན་གྱིས་དགེ་འདུན་གྱི་ཞལ་ཏ་བ་བྱེད་དོ། །རེ་ཞིག་ཅིག་ན་དགྲ་བཅོམ་པ་ཞིག་ལ་དགེ་སྐོས་བབ་སྟེ། དེས་གཙུག་ལག་ཁང་ཕྱག་དར་བྱ་བར་བ…

སྐྱེ་མཆེད་ལ་མཁས་པ་དང་། རྟེན་ཅིང་འབྲེལ་པར་འབྱུང་བ་ལ་མཁས་པར་བྱས་པ་དེས་ན་ངའི་བསྟན་པ་ལ་རབ་ཏུ་བྱུང་སྟེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་མངོན་སུམ་དུ་བྱས་སོ། །དགེ་སློང་དག་དེ་ལྟ་བས་ན་ལས་གཅིག ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན། གཅིག་ཏུ་དཀར་བ་རྣམས་ཀྱི་ནི་གཅིག་ཏུ་དཀར་བ་ཡིན། འདྲེན་མ་རྣམས་…

གཅིག་ཏུ་འདུག་ནས་བཅོམ་ལྡན་འདས་ཀྱིས་དེ་གཉིས་ལ་དེ་འདྲ་བའི་ཆོས་བཤད་པ་མཛད་དེ། དེ་ཐོས་ནས་དེ་གཉིས་སངས་རྒྱས་ལ་སྐྱབས་སུ་དོང་ཞིང་། ཆོས་དང་དགེ་འདུན་ལ་སྐྱབས་སུ་དོང་ནས་བསླབ་པའི་གཞི་རྣམས་བླངས་སོ། །གང་གི་ཚེ་བཅོམ་ལྡན་འདས་ལས་སྐྱབས་སུ་འགྲོ་བ་དང་། བསླབ་པའི་གཞི་རྣམས་བླངས་པ་དེའི་ཚེ། ལུས་དང་ལོངས་སྤྱོད་ལྷག་པར་འཕེལ་བར་གྱུར…

བར་མི་བྱེད་སྙམ་ནས་དེས་རྒྱལ་པོ་ལ་སྨྲས་པ། ལྷ་ཁྱིམ་བདག་གཉིས་ཤིག་མཆིས་པ་ནི་ལྷའི་ཡུལ་ཉིད་ན་གནས་པ་ལགས་སོ། །རྒྱལ་པོ་གཟུགས་ཅན་སྙིང་པོས་བསམས་པ། དེ་གཉིས་ཀྱིས་བདག་མཐོང་ན་ཅིའི་ཕྱིར་ལྡང་བར་མི་བྱེད་ཀྱིས་འགྲོའོ་སྙམ་ནས་དེ་ནས་བཅོམ་ལྡན་འདས་གང་ན་བ་དེར་སོང་བ་དང་། ཀླུའི་རྒྱལ་པོ་གྲོག་མཁར་དང་རི་བོས་རྒྱལ་པོ་གཟུགས་ཅན་སྙིང་པ…

གི་ཆོས་ཉན་པའི་བར་ཡང་ཆད་པར་གྱུར་ཏོ་སྙམ་ནས། དེ་སྟན་ལས་ལངས་ཏེ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་སོང་ངོ་། །དེ་སོང་ནས་བློན་པོ་རྣམས་ལ་བསྒོ་བ། ལྷའི་ཞལ་ནས་ཁྱེད་ཅག་གཉིས་ངའི་ཡུལ་ན་མ་འདུག་ཤིག་ཅེས་གསུང་ངོ་། །དེ་གཉིས་ཀྱིས་སྨྲས་པ། བཀའ་བཞིན་འཚལ་མཆིའོ། །བསམས་པ་བདག་ཅག་གཉིས་ཀྱིས་ཡུན་རིང་པོ་ཞིག་ནས་བསམས་པ་…

ལྷས་ཀྱང་དུས་དུས་སུ་ཆར་གྱི་རྒྱུན་ལེགས་པར་མ་ཕབ་པས་ལོ་ཉེས་པར་གྱུར་ཏེ། མུ་གེ་ཉམ་ང་བ་དགོན་པའི་སློང་མི་པས་ཟས་རྙེད་པར་དཀའ་བ་བྱུང་བར་གྱུར་ན། ཀླུའི་རྒྱལ་པོ་རི་བོ་དང་། གྲོག་མཁར་ཤི་འམ། བྱའི་རྒྱལ་པོ་ནམ་མཁའ་ལྡིང་གིས་ཁྱེར་བའམ། སྦྲུལ་ཁས་སྡིགས་ཀྱིས་བཟུང་བའམ། དེས་འཇིགས་ནས་བྲོས་པར་མ་གྱུར་གྲང་། དེ་ལྟ་མོད་ཀྱི་སངས་རྒྱས་…

གཉིས་ལ་གཏུག་པར་བགྱིའམ། རྐང་པ་གཉིས་ལ་གཏུག་པར་མི་བྱ་སྟེ། འོན་ཀྱང་ལག་པ་རྐྱོང་ལ་ཀླུའི་དབང་པོ་བཟོད་པར་གསོལ་ལོ་ཞེས་སྨྲོས་ཤིག་དང་བཟོད་པར་འགྱུར་རོ། །རྒྱལ་པོས་དེ་གཉིས་འོང་བ་ལ་འབད་དེ་སྡོད་ཅིང་འདུག་པ་དང་། ཇི་ཙམ་ན་དེ་གཉིས་ཁྱིམ་བདག་གི་ཆ་བྱང་དུ་བྱས་ནས་བཅོམ་ལྡན་འདས་ཀྱི་སྤྱན་སྔར་འོངས་པ་དང་དེ་མ་ཐག་ཏུ་རྒྱལ་པོ་ཡང་འོངས…

གནས་ཡོད་དེ། དེ་ན་སྨན་མཐུ་ཆེ་བ་ཕ་རོལ་གནོན་པ་ཡོད་པར་ཐོས་ནས་དེའི་ཆེད་དུ་འགྲོའོ་ཞེས་དེ་ཆས་ཏེ་རིམ་གྱིས་རྒྱལ་པོའ་ཁབ་ཏུ་ཕྱིན་ནས་བྲམ་ཟེ་སེར་བའི་སྔགས་འཆང་བ་དེའི་གནས་སུ་ཞུགས་པ་དང་། ཇི་ཙམ་ན་སེར་བ་ཆེན་པོ་བབ་པ་བྲམ་ཟེ་གཉུག་མར་གནས་པ་དེས་གཅད་པར་མ་ནུས་ནས་དེ་ཕྱིར་བྱུང་ནང་དུ་ཞུགས་བྱེད་པ་དང་བྲམ་ཟེ་མེས་བྱིན་གྱིས་དྲིས་པ།…