ལྡན་འདས་ཀྱིས་བཀའ་སྩལ་པ། དགེ་སློང་རྣམས་ཁྱིམ་བདག་དེ་གཉིས་འཕྱ་བ་ནི་ཡུས་ཀྱིས། དེ་བས་ན་དགེ་སློང་རྣམས་ཀྱིས་དངོས་པོ་གང་ལ་ཡང་རིན་ཐང་མ་གཅོད་ཅིག །ཁྱིམ་པ་རྩོད་པའི་དྲུང་ན་མ་འདུག་ཤིག །དགེ་སློང་གང་གིས་དངོས་པོ་ལ་གང་ཡང་རིན་བཅད་དམ། ཁྱིམ་པ་རྩོད་པའི་དྲུང་ན་འདུག་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་དངོས་པོ་གང…

མང་དུ་བྱ། །ཅ་ཅོ་མང་པོ་འབྱིན་པ་འོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་་་གནས་པ་ན་བཞུགས་སོ། །གང་གི་ཚེ་རྒྱལ་པོ་གཟུགས་ཅན་སྙིང་པོས་དགེ་སློང་གི་དགེ་འདུན་རྣམས་ལ་བཟའ་ཤིང་དྲུང་སྟོང་དང་ལྡན་པའི་ཀུན་དགའི་ར་བ་་་ཞིག་ཕུལ་བ་དེའི་ཚེ་ན། དགེ་སློང་རྣམས་ཀྱིས་འབྲས་བུ་ཟོས་ནས་ཕྱལ་བར་བོར་བས་ན་མདའ་ལྟ་བ…

པ་རྣམས་དང་སྡེ་དེ་ལ་ཞུགས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་འབའ་ཞིག་ལ་ཡང་འཇུག་པར་མི་བྱ་སྟེ། ལ་ལར་སོ་ཤིང་བཟའ་བར་བྱ། ལ་ལར་གདོང་བཀྲུ་བར་བྱ། ལ་ལར་ནི་རྐང་པ་བཀྲུ་བར་བྱ། དགེ་སློང་དེ་དག་གིས་དེ་བཞིན་དུ་ལས་བྱས་ནས་འབྲས་བུ་རྒྱལ་ཏེ་སྨིན་པར་གྱུར་པ་དང་། ཇི་ཙམ་ན་དགེ་སློང་དག་ཅིག་གློ་བུར་དུ་འོངས་པ་དང་། དེ་དག་གིས་འ…

སློང་རྣམས་ཀྱིས་ཉུང་ངུ་ཞིག་བཞག་སྟེ། དེ་ཉིད་ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མང་དུ་འཁོར་ལ་དེ་དག་ལས་ཕྱེད་ནི་་སྔར་ཟན་ཟོ་ཞིག །བཅོམ་ལྡན་འདས་ཀྱིས་ཤིང་ཐོག་ཨ་མྲའི་འབྲས་བུ་སྨིན་པ་དགེ་འདུན་ལ་བྲིམས་ཤིག་ཅེས་གསུངས་པ་དང་། གང་གི་ཚེ་སྨིན་པར་གྱུར་པ་དེའི་ཚེ་སྲིན་བུས་ཟོས་པར་གྱུར་ནས། བཅོམ་ལྡན་འདས་ཀ…

གང་དགེ་སློང་གིས་བྲིམས་པ་དེ་ནི་བྱིན་ལེན་བྱ་མི་དགོས་སོ། །ཨ་མྲ་གཞན་ཞིམ་པོར་གྲགས་པ་ཞིག་ཡོད་ན། དེ་དག་བསྲེས་ལ་་རིམ་ལ་བྲིམས་པ་དང་། ཐམས་ཅད་ཐོབ་པར་གྱུར་ནས། བཅོམ་ལྡན་འདས་ཀྱིས་དེ་དག་སོ་སོར་བྲིམས་ཤིག་ཅེས་གསུངས་སོ། །བཅོམ་ལྡན་འདས་ཀྱིས་ཨ་མྲ་གང་ཞིམ་པོར་གྲགས་པ་སོ་སོར་བྲིམས་ཤིག་ཅེས་གསུངས་པ་དང་། དྲུག་སྡེ་རྣམས་ཀུན་དགའི…

ཅེས་བསྟན་ཅིང་བཟའ་བར་མི་བྱའོ། །དགེ་སློང་གིས་མཛུབ་མོས་འདི་བྱིན་ཅིག་འདི་དག་བྱིན་ཅིག་ཅེས་བསྟན་ཅིང་ཟོས་ན་འདས་པ་དང་བཅས་པར་འགྱུར་རོ། །བཏུང་བ་མེད་པ་ནི་དྲོད་ཆུང་བས་སྨིན་པ་འདོད་པ་དང་། དྲོད་ཆེ་བས་མ་སྨིན་པ་འདོད་པའོ། །གླེང་གཞི་ནི་མཉན་དུ་ཡོད་པ་ན་སྟེ། དྲུག་སྡེ་རྣམས་ལྗོངས་སྤྱད་པ་སྤྱོད་པ་ན་རི་བྲགས་ཀྱི་གྲོང་གཞན་ཞིག་ག…

གཅིག་འདུས་པ་དེ་ལ་གཅིག་གིས་དབང་བཅུགས་ནས། དེས་དེ་ལ་རྒྱལ་པོའི་ཕོ་བྲང་དུ་ཆེ་བཞི་བྱས་ཏེ་ཅིག་ཤོས་པོ་ཆད་པས་བཅད་པ་དང་། དེས་དེ་ལ་འཕྱའོ། །དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱིམ་པ་དེ་འཕྱ་བ་ནི་ཡུས་ཀྱིས། དེ་བས་ན་དགེ་སློང་རྣམས་ཐབ་མོ་བྱེད་པའི་དྲུང་ན་མ…

དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་ལྕགས་ཀྱི་ཀ་བའི་སྟེང་དུ་བ་དན་གདགས་པར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་ཐོགས་ཤིག །གླེང་གཞིའི་སྒོ་ལྔ་པའི་མདོའི་ཚིགས་སུ་བཅད་པ་དང་པོའོ།། །།མདོར་ན། བྱང་ཆུབ་སེམས་དཔའི་ཡུལ་བསྐོར་དང་། །དེ་བཞིན་རྒྱན་དང་བྱུག་པ་དང་། །ཁྱོགས་དང་ཤིང་རྟ་བ་དན་…

བདག་གིས་བྱང་ཆུབ་སེམས་དཔའི་གཟུགས་ཤིང་རྟ་ལས་་་བཀུར་བར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་དེ་བཞིན་དུ་བྱོས་ཤིག །ཤིང་རྟ་ཡང་བ་དན་དང་་་གདུགས་མེད་པས་མི་མཛེས་པར་གྱུར་ནས། ཁྱིམ་བདག་མགོན་མེད་ཟས་སྦྱིན་གྱིས་དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་ཤིང་རྟའི་སྟེང་དུ་བ་དན་་དང་གདུགས་དང…

ཁྱེར་བ་དང་མི་དགའ་བ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། གནས་བཅའ་བར་བྱེད་པ་དང་། གཞན་ཡང་གཞོན་པ་དང་རྒན་པ་རྣམས་ཀྱིས་བཀུར་བར་བྱའོ། །དགེ་སློང་གནས་བརྟན་དང་། གནས་བརྟན་དག་གིས་ནི་བསྲུང་བར་བྱོས་ཤིག །ཡོན་ཕུལ་བ་དང་། མེ་ཏོག་དང་། གོས་ལ་སོགས་པ་ཤིང་རྟའི་ཐོག་ཏུ་བཞག་པ་དང་། ཁ་ཅིག་་ལྷུང་བ་མ་བྱིན་པར་ལེན་པ་དག་གིས་ཐུགས་ཐ…

སྐྱེས་ནས་དེས་བསམས་པ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་འདི་ལྟར་དུས་སུ་སྦྱིན་་པ་ནི་རྣམ་པ་ལྔ་སྟེ། ལྔ་གང་ཞེ་ན། གློ་བུར་དུ་འོངས་པ་དང་། འདོད་པ་རྣམས་ལ་སྦྱིན་པ་བྱིན་པ་འདི་ནི་སྦྱིན་པའི་དུས་དང་པོའོ། །ནད་པ་དང་ནད་གཡོག་ལ་སྦྱིན་པ་བྱིན་པ་འདི་ནི་སྦྱིན་པའི་དུས་གཉིས་པའོ། །ལོ་ཉེས་ཤིང་ཕོངས་བྲེལ་བ་ལ་སྦྱིན་པ་བྱ…

སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལ་སོགས་པ་གློ་བུར་དུ་མཆིས་པ་ལམ་གྱིས་ཡོངས་སུ་གདུངས་པ་དེ་རྣམས་ལ་དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་འདུས་པ་དེ་དག་གི་ཟས་སྦྱར་རོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་སྦྱོར་ཅིག །བཅོམ་ལྡན་འདས་ལ་ཁྱིམ་བདག་མགོན་མེད་ཟས་སྦྱིན་གྱིས་…

གཞིའི་སྒོ་ལྔ་པའི་མདོའི་ཚིགས་སུ་བཅད་པ་བཞི་པའོ།། །།མདོར་ན། རྩྭ་སྟན་དང་ནི་ཐེ་ཚོམ་དང་། །སྔ་ཕྱི་དག་ཏུ་འདུག་པ་དང་། །ཅ་ཅོ་དག་དང་ལམ་རྣམས་དང་། །གཎྜཱི་དུང་དང་རྔ་རྡུང་བའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའི་ར་བ་ན་བཞུགས་སོ། །བཅོམ་ལྡན་འདས་ཀྱིས་འདུས་པའི་ཟས་སྦྱོར་ཅིག་ཅེས…

བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་བ་ན་བཞུགས་ཏེ། བཅོམ་ལྡན་འདས་ཀྱིས་གཎྜཱི་དང་དུང་ཁ་བསྡོམས་པ་དང་རྔ་རྡུངས་ཤིག་ཅེས་བཀའ་སྩལ་ན། དེ་དག་གིས་གཎྜཱི་བརྡུངས་པའི་རྗེས་བཞིན་བརྡུངས་པ་དང་། ནད་པ་དང་ལས་ལ་གཏོགས་པ་རྣམས་ལ་གནོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གང་གི་ཚེ་ནད་པ་རྣམས་ཟ…

རྐྱང་པའི་སྒོའི་མདོར་ན། ཕྱག་ནི་ཐོག་མར་བྱ་བ་དང་། །གཉིས་པའི་སྣོད་རྣམས་མ་ངེས་པ། །གསུམ་དུ་ཡོ་བྱད་རྣམས་ཀྱང་སྟེ། །དེ་ནི་རྐྱང་བར་་བཏགས་པ་འོ། །མདོར་བསྡུས་པ་ན། ཕྱག་འཚལ་བ་དང་གསིང་མ་དང་། །དེ་བཞིན་འཇོག་དང་ཉལ་དང་ཁྱི། །དེ་བཞིན་བཏུང་ཕོར་བུ་རམ་ཤིང་། །དེ་བཞིན་མར་དང་རྩ་བ་སྡོང་པོ་རྣམས། །མདོ་རྣམས་བསྡུས་པར་གསུངས་པ་འོ། །ས…

དག་ལ་ཕྱག་འཚལ་བ་ལས་ཕྱོགས་དེར་འོངས་པ་དང་། འཆག་པའི་གྲོགས་ཀྱི་དགེ་སློང་དེས་དེ་ལ་སྨྲས་པ། ཚེ་དང་ལྡན་པ་འདི་ལྟ་བུའི་དགེ་སློང་ཚུལ་ཁྲིམས་དང་ལྡན་པ་འདི་ལ་ཅིའི་ཕྱིར་བཟོད་པར་མ་བྱས། རྒན་པ་དེས་འདི་ནི་འདི་ལྟར་སྡིག་པའི་སེམས་ཁྲོ་བ་ཅན་ཏེ། ལྟོས་ཤིག་དང་ད་ཡང་ཁྱོད་ལ་ཕྱག་བྱེད་ཀྱི་ང་ལ་མི་བྱེད་དོ་ཞེས་སྨྲས་པ་དང་། དེ་བཞིན་དེས་ཕ…

དུ་སྨྲས་པའི་ཚིག་དེ་ལྟ་བུ་སྒོམ་ཞིང་འདུག་གོ །དེའི་བར་དུ་སངས་རྒྱས་བཅོམ་ལྡན་འདས་ཀྱིས་མི་མཁྱེན་པ་དང་། མ་གཟིགས་པ་དང་། མ་ཆུད་པ་དང་། རྣམ་པར་མི་མཁྱེན་པ་མེད་དེ་སངས་རྒྱས་བཅོམ་ལྡན་འདས་དག་ནི་ཆོས་ཉིད་ཀྱིས་ཐུགས་རྗེ་ཆེན་པོ་ཅན་་་འཇིག་རྟེན་ལ་ཕན་འདོགས་པ་ལ་ཞུགས་པ། སྲུང་བ་གཅིག་པུ་དཔའ་བ། གཅིག་པུ་ཞི་གནས་དང་ལྷག་མཐོང་ལ་གནས་…

བཅོམ་ལྡན་འདས་གནས་གཞན་ཞིག་ཏུ་འཛུམ་པ་མཛད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ན་ཞལ་ནས་འོད་ཟེར་སྔོན་པོ་དང་། སེར་པོ་དང་། དམར་པོ་དང་། དཀར་པོ་ལ་སོགས་པ་བྱུང་སྟེ། ལ་ལ་ནི་འོག་ཏུ་འགྲོའོ། །ལ་ལ་ནི་སྟེང་དུ་འགྲོ་སྟེ། དེ་ལ་གང་འོག་ཏུ་སོང་བ་དེས་ནི་ཡང་འཚོ་བ་དང་། ཐིག་ནག་པོ་དང་། འད…

བ་དང་། ཚད་མེད་དགེ་བ་དང་། དགེ་རྒྱས་དང་། སྤྲིན་མེད་དང་། བསོད་ནམས་འཕེལ་དང་། འབྲས་བུ་ཆེ་བ་དང་། མི་ཆེ་བ་དང་། མི་གདུང་བ་དང་། ཤིན་ཏུ་མཐོང་བ་དང་། གྱ་ནོམ་སྣང་བ་དང་། འོག་མིན་གྱི་ལྷར་སོང་ནས་མི་རྟག་པ་དང་། སྡུག་བསྔལ་བ་དང་། སྟོང་པ་ཉིད་དང་། བདག་མེད་པ་རྣམས་བསྒྲགས་ཏེ་ཚིགས་སུ་བཅད་པ་གཉིས་ཀྱང་བརྗོད་དོ། །འབྱུང་བར་བྱ་ཕྱི…

ནས་བཅོམ་ལྡན་འདས་ཀྱི་ཞབས་ཀྱི་རྟིང་བར་ནུབ་པ་དང་། དེ་ནས་སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་ཞུས་པ། ཇི་ལྟར་སྣང་བར་བྱེད་པ་ཤར་བ་བཞིན། །ཞལ་གྱི་ནང་ནས་བྱུང་བ་མང་པོ་ནི། །ཁ་དོག་རྣམ་པ་སྣ་ཚོགས་སྟོང་ལྡན་པ། །གང་གིས་ཕྱོགས་བཅུ་ཀུན་ཏུ་སྣང་གྱུར་པའོ། །ཡང་ཚིགས་སུ་བཅད་དེ་གསོལ་པ། རྒོད་པ་ཞུམ་རྒྱགས་སྤངས་ནས་བྲལ་ག…