སུ་སྤྱད་པར་བྱའོ། །དེ་ལ་སྦྱར་མ་ཡང་སྦྱར་མའི་སྤྱད་པ་བཞིན་སྤྱད་པར་བྱའོ། །སྟོད་གཡོགས་ཀྱང་སྟོད་གཡོགས་ཀྱི་སྤྱད་པ་བཞིན་སྤྱད་པར་བྱ། མཐང་གོས་ཀྱང་མཐང་གོས་ཀྱི་སྤྱད་པ་བཞིན་སྤྱད་པར་བྱའོ། །དེ་ལ་སྦྱར་མས་མི་སྤྱད་པ་ནི་འདི་རྣམས་ཏེ། དགེ་སློང་རྣམས་སྦྱར་མ་གོན་བཞིན་གཙུག་ལག་ཁང་དུ་ཆག་ཆག་གདབ་པར་མི་བྱ། ས་ཕྱག་པར་མི་བྱ། ཕྱག་དར་…

བགོས་བཞིན་དུ་རྩྭའམ། ཤིང་ངམ། ས་བཀུར་བར་མི་བྱ། སྟོད་གཡོགས་དང་བཤང་བའི་སར་འཇུག་པར་མི་བྱ། གཅི་བའི་སར་འཇུག་པར་མི་བྱ། དུགས་ཁང་དུ་མ་ཡིན། རྐང་པ་བཀྲུ་བའི་སར་མ་ཡིན་ཏེ། སྟོད་གཡོགས་དང་བཅས་མི་གཙང་བ་ཐམས་ཅད་དུ་འཇུག་པར་མི་བྱའོ། །ལུས་ཀྱི་མཐང་ལ་བགོ་བར་མི་བྱ། རྔུལ་ཟན་དུ་གདིང་བ་མི་བྱ། རྒྱུན་དུ་སྤྱད་ཅིང་བགོ་བར་མི་བྱ་སྟེ།…

སྟོད་གཡོགས་སུ་སྤྱད་པ་ནི་སྟོད་གཡོགས་སུ་སྤྱོད་ཅིག །མཐང་གོས་སུ་སྤྱད་པ་ནི་མཐང་གོས་སུ་སྤྱོད་ཅིག །དགེ་སློང་གིས་ཇི་ལྟར་རང་གི་པགས་པ་བཞིན་དུ་ཆོས་གོས་ལ་བསྲུང་བར་བྱའོ། །ཅི་ནས་དེ་ཕྱི་ཕྱིར་བཙལ་མི་དགོས་པར་བྱ་སྟེ། འདི་ནི་ཆོས་གོས་ཀྱི་བྱ་བ་ཞེས་བྱའོ། །གདིང་བའི་བྱ་བ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་གདིང་བ་རྣ…

དགེ་སློང་རྣམས་ལ་ཐུག་པ་རྗེས་སུ་གནང་སྟེ་བདེ་བར་སྤྱོད་པའི་ཕྱིར་དང་། སྦྱིན་པ་དང་སྦྱིན་བདག་རྣམས་ལ་བྱིན་པའི་ཆོས་རྣམས་ཡོངས་སུ་སྤྱོད་པའི་ཕྱིར་རོ། །དགེ་སློང་གིས་སྒྲ་འབྱིན་བཞིན་དུ་ཐུག་པ་མ་འཐུང་ཤིག །ཤེས་བཞིན་དུ་ཐུག་པ་སྒྲ་བསྐྱུངས་ཏེ་འཐུང་བར་བྱ། དྲེགས་པའི་ཕྱིར་མ་ཡིན། ང་རྒྱལ་གྱི་ཕྱིར་མ་ཡིན། སྙེམས་པའི་ཕྱིར་མ་ཡིན། …

པར་བྱ། བསྐམ་པར་བྱ། དགང་བར་བྱ་སྟེ། འདི་ནི་གཙང་མའི་རིལ་བའི་བྱ་བ་ཞེས་བྱའོ། །ཟས་ཀྱི་བྱ་བ་གང་ཞེ་ན། བཅའ་བ་ལྔ་དང་། བཟའ་བ་ལྔ་སྟེ། དགེ་སློང་རྣམས་ཀྱིས་བཅའ་བ་དང་། བཟའ་བ་རྣམས་ལས་གང་ཡང་རུང་སྟེ། བཟའ་བའི་ཚེ་དྲན་པ་མངོན་པར་གཞག་པར་བྱ། ཟས་ལ་བརྟག་པར་བྱ། བཙལ་བའོ། །ནན་ཏན་གྱིས་བསྒྲུབས་པའོ། །དེ་དང་འདྲ་བའོ། །ཡོངས་སུ་སྤྱད་པའ…

ནས་སླར་གཏང་བར་མི་བྱ། བབ་བབ་ཏུ་གཏང་བར་མི་བྱ། ཟས་གང་ལ་གཏང་བར་བྱ་ཞེ་ན། མ་ལ་སྦྱིན་པར་བྱ། ཕ་དང་། ཕུ་ནུ་བོ་དང་། སྲིང་མོ་ལ་སྦྱིན་པར་བྱ། གཉེན་ལའང་སྦྱིན་པར་བྱ། ཀུན་དགའ་ར་བའི་ནང་དུ་ཁྱིམ་པ་འོངས་པ་ལའང་སྦྱིན་པར་བྱ། ཕན་བཏགས་པ་ལ་སྦྱིན་པར་བྱ། མི་ཕན་པ་ལའང་སྦྱིན་པར་བྱ། ནད་པ་དང་། བཟུང་བ་དང་། བྲེལ་བར་གྱུར་པ་ལའང་སྦྱིན་པ…

ཁང་དག་གི་མཚན་མ་གཟུང་བར་བྱ། ཁྱིམ་གྱི་སྒོར་སོང་ནས་ཁར་གསིལ་དཀྲོགས་ཏེ་དལ་ནས་བགས་ཀྱིས་སྒོ་ལ་གཏུགས་པར་བྱ། དེ་སྟེ་བུད་མེད་གཉིད་ལོག་ན་སེ་གོལ་གཏོགས་ལ་སད་པར་བྱ་སྟེ། རྡུང་བ་ཞིག་ལ་ཞུགས་ན་གཏུན་བུ་ཐབས་གཉིས་གསུམ་རྡུང་བའི་བར་དུ་བསྡད་པར་བྱ། འོན་ཏེ་སྲེག་པ་ཞིག་ལ་ཞུགས་ན་ཁུར་བ་གཅིག་བསྲེགས་ཀྱི་བར་དུ་བསྡད་པར་བྱ། དེ་སྟེ་འཐ…

རྣམས་ཀྱིས་ཆུ་ལེགས་པར་གཟོས་ཏེ་ཞོག་ཤིག །ཆུ་སྣོད་ཀྱང་ཞོག་ཤིག །ཁ་ཟས་ཀྱང་གཟོས་ལ་ཞོག་ཤིག །ཟས་ཀྱི་སྣོད་ཀྱང་ཞོག་ཤིག །མེ་ཡང་གཟོས་ཏེ་ཞོག་ཤིག །ཞུགས་ལིང་ཡང་གཟོས་ཏེ་ཞོག་ཤིག །མར་མེ་དག་ཀྱང་གཟོས་ཏེ་ཞོག་ཤིག །མེ་མར་གྱི་སྣོད་ཀྱང་གཟོས་ཏེ་ཞོག་ཤིག །མེ་མར་གྱི་སྙིང་པོ་ཡང་གཟོས་ཏེ་ཞོག་ཤིག །མར་དང་། འབྲུ་མར་དང་། སྦྲང་རྩི་དང་། …

མི་བྱ། དྲན་པ་ཅན་དང་ཤེས་བཞིན་དུ་སྤྱོད་པར་བྱ། དབང་པོ་དབེན་པར་བྱ། ཟས་ལ་ཚོད་ཟིན་པར་བྱ། བདག་གི་ཤེས་པར་མི་བྱ། སྲོད་དང་། ཐོ་རངས་ཀྱི་ཚེ་རྣལ་འབྱོར་བྱ་བ་ལ་ནན་ཏན་དུ་བྱ། གཉིད་ཀྱི་བདེ་བ་དང་། འཕྲེས་པའི་བདེ་བ་དང་། མལ་སྟན་གྱི་བདེ་བ་ཉམས་སུ་མི་བླང་། དུས་སུ་སྤྱོད་པ་དང་། དུས་མ་ཡིན་པར་སྤྱོད་པ་ཤེས་པར་བྱ། སྟན་ལ་འདུག་པ་ལ་མ…

པ་བཞིན་བགོ་ཞིང་སྦྱིན་པར་བྱ། དེས་ཟས་ཀྱི་འོག་ཏུ་འོངས་ན་བཏུང་བ་དང་། བུ་རམ་དང་། ཤ་ཁར་དང་། ཧྭགས་དང་། ཧ་སེ་རྣམས་ཅི་འབྱོར་པ་སྦྱིན་ཞིང་ཚིམ་པར་བྱ། ནུབ་མོ་མལ་སྟན་ཀྱང་བགོ་ཞིང་སྦྱིན་པར་བྱ། རྐང་པ་བཀྲུ་བ་དང་། རྐང་པ་བསྐུ་བ་ཡང་སྦྱིན་པར་བྱ། ཀུན་དགའ་ར་བའི་ཕྱིར་འབྱུང་བ་དང་། ནང་དུ་འཇུག་པ་དང་། ཉེ་འཁོར་དང་། བཤང་བའི་ས་དང་…

འཁོད་པ་དེ་ཀུན་ཤེས་པར་བྱ་བ་ནས་སྔ་མ་བཞིན་ཏེ། གྲོང་འདབ་ཀྱི་དགེ་སློང་གནས་བརྟན་གྱིས་ཐམས་ཅད་དུ་ཡང་ཐོག་མར་འཇུག་པར་བྱ། རྒྱུད་མི་གཏང་བར་བྱ་བའི་བར་དུ་སྟེ། གྲོང་འདབ་ཀྱི་བྱ་བ་རྣམས་ལ་དེ་དག་གཟུད་པར་བྱ། གྲོང་འདབ་པའི་བྱ་བ་རྣམས་ལ་འཛིན་པ་གཞུག་པར་བྱ། བྱ་བ་བཟང་པོ་ལ་གཟུད་པར་བྱ། འདི་སྐད་ཅེས་བསྒོ་བར་བྱ་སྟེ། ཚེ་དང་ལྡན་པ་རྣ…

དུ་ལྟ་ཞིང་གཙུག་ལག་ཁང་གི་ནང་དུ་ཞུགས་ལ་སྣང་གཡེལ་ཆེ་བའི་ཕྱོགས་སུ་འདུག་ཤིག་དང་། ཅི་ནས་གཞི་ན་གནས་པའི་དགེ་སློང་དག་གིས་མཐོང་ནས་དགེ་སློང་འདི་ནི་གློ་བུར་དུ་འོངས་པ་ཞིག་གོ་ཞེས་ནས་དེ་དག་གིས་ངལ་བསོ་བར་བྱ་བར་འགྱུར། གློ་བུར་དུ་འོངས་པའི་དགེ་སློང་གཙུག་ལག་ཁང་གི་ནང་དུ་ཞུགས་པ་དང་། གང་རིགས་པར་ཆོས་གོས་ཀྱི་ཚད་ཐུར་དང་། ལྷུ…

དེ་དག་མི་གནོད་པའི་ཚུལ་དུ་ལོགས་ཤིག་ཏུ་འགྲོ་བར་གྱིས་ཤིག །དེ་ནས་གནས་ཁང་དུ་ཆག་ཆག་ཐོབ་ཤིག །ཕྱག་དར་བྱོས་ཤིག །ཕྱག་དར་འོར་ཅིག །ལྕི་བས་ཞལ་ཞལ་འཇམ་པོར་ཡུགས་ཤིག །དེ་ན་འདི་ལྟ་སྟེ། མལ་སྟན་ཁྲིའམ། ཁྲིའུ་ཤིང་ངམ། ཁྲིའུ་འམ། ལ་བའམ། སྟན་ནང་ཚངས་ཅན་ནམ། གྲུ་བཞི་པ་དག་ཡོད་ན་ཕྱིར་བྱུང་ནས་དེ་སྟེ་རྒན་པོ་ཞིག་སྔར་འདུག་ན་ནི་སྐད་ཅི…

བཞག་ནས་ལྡང་བར་ཤེས་བཞིན་དུ་འདུ་ཤེས་བཞག་ནས་ཡིད་ལ་བྱེད་བཞིན་མཚན་མོ་ཟད་པའི་ཐོ་རངས་ཀྱི་ཚེ་རིངས་ཤིང་མྱུར་བར་ལོངས་ལ་དེ་ནས་སྐྱིལ་མོ་ཀྲུང་བཅས་ཤིང་ལུས་དྲང་པོར་བསྲངས་ཏེ་འདུག་ལ་སེམས་དྲན་པ་མངོན་དུ་བྱས་ཏེ་ལུས་འདིས་རེག་པར་བྱ་བ་བརྒྱད་སྤང་བར་བྱ་སྟེ། འདི་ལྟ་སྟེ། ནད་དོ། །སྐྲན་ནོ། །དུག་གོ །མཚོན་ནོ། །མི་རྟག་པའོ། །སྡུག་བ…

ནི་གློ་བུར་དུ་འོངས་པའི་གནས་བརྟན་གྱི་བྱ་བ་ཞེས་བྱའོ།། །།འདུལ་བ་གཞུང་དམ་པ། བམ་པོ་ལྔ་བཅུ་རྩ་གཉིས་པ། འགྲོ་བའི་བྱ་བ་གང་ཞེ་ན། འགྲོ་བའི་དགེ་སློང་དེས་ཡུལ་ཕྱོགས་གང་ལོགས་སུ་འགྲོ་བ་དེའི་ཡུལ་ཕྱོགས་བརྟག་པར་བྱ། དེ་ཕྱོགས་ནས་འོངས་པའི་དགེ་སློང་རྣམས་ལ་བར་ཆད་དུ་འགྱུར་བ་བརྒྱད་ལས་གང་ཡང་རུང་བར་ཆད་དུ་འགྱུར་བ་མི་འབྱུང་ངམ་ཞེ…

དགེ་བའི་ཆོས་འཕེལ་བར་འགྱུར་རམ། གལ་ཏེ་ཚེ་དང་ལྡན་པ་འདི་དག་གིས་བདག་ལམ་དུ་ནད་ཀྱིས་བཏབ་ན་མི་འབོར་བར་འགྱུར་རམ་སྙམ་དུ་གྲོགས་པོ་ལ་བརྟགས་ནས། ལམ་ལ་བརྟག་པར་བྱ་སྟེ། བདག་ལམ་དེར་བར་ཆད་དུ་འགྱུར་བ་བརྒྱད་ལས་གང་ཡང་རུང་བ་འབྱུང་བར་མི་འགྱུར་རམ། བདག་ལམ་དེར་བསོད་སྙོམས་དང་། ན་བའི་སྨན་དང་། བསྙེན་བཀུར་བྱེད་པས་བྲེལ་བར་མི་འགྱུར…

གནས་པའི་དགེ་སློང་རྣམས་ལ་གདོད་དེ་ལྟོས་ཤིག་ཅེས་བསྒོ་ནས་འགྲོ་བར་བྱའོ། །མལ་སྟན་ལ་སོགས་པ་ལ་ལྟོས་ཤིག་ཅེས་བསྒོ་བ་ལ་རྣམ་པ་ལྔ་སྟེ། གནས་ཁང་འདི་ལའོ། །གནས་ཁང་འདི་ལ་ལྟོས་ཤིག །མལ་སྟན་རྣམས་ལའོ། །མལ་སྟན་འདི་རྣམས་ལ་ལྟོས་ཤིག །ལྡེ་མིག་གཏད་པ་དང་ལྔ་ཡིན་ནོ། །ཀུན་དགའ་ར་བའི་ཕྱི་རོལ་དུ་བྱུང་ན་དགེ་སློང་གྲོགས་པོ་རྣམས་ལ་བརྟག་པ…

ནུས་པ་ཞིག་ཏུ་གྱུར་ན་དགེ་སློང་དེ་དག་གིས་དགེ་སློང་དེ་ཕྲག་པའམ་ཁུར་དུ་ཁྱེར་ཏེ། དགོན་པ་དེ་ལས་ཕྱུང་ལ་གྲོང་འདབ་ཏུ་ཕྱིན་པར་གྱིས་ཤིག །དགེ་སློང་དེ་ལ་ཉེ་གནས་ཀྱི་དགེ་སློང་དེ་ཡང་བྱིན་ཅིག །ཉེ་གནས་དགེ་སློང་དེས་ཀྱང་དེའི་ཟན་དང་སྨན་གཞན་ལས་ཚོལ་ཅིག །དེ་སྟེ་ལམ་དེ་འཇིགས་པ་དང་བཅས་པར་གྱུར་ན་རིངས་ཤིང་མྱུར་བར་དོང་སྟེ། དེ་ནས་…

འགྲོ་བའི་དགེ་སློང་གནས་བརྟན་གྱིས་ཇི་ལྟར་མཚུངས་པར་སྤྱད་པའི་ཆོས་བཅས་པ་་་བཞིན་དུ་མི་བྱེད་ན་འདས་པ་དང་བཅས་པར་འགྱུར་རོ། །འདི་ནི་འགྲོ་བའི་་གནས་བརྟན་གྱི་བྱ་བ་ཞེས་བྱའོ། །རྐང་པ་བཀྲུ་བའི་བྱ་བ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་རྐང་པ་བཀྲུ་བའི་ཕྱིར་རྐང་པ་བཀྲུ་བ་རྗེས་སུ་གནང་སྟེ། དེ་དགེ་སློང་དག་རྗེས་སུ་དེ་ད…

ཉན་ཐོས་ཀྱིས་གསུངས་པའི་ཆོས་ཀྱང་རུང་སྟེ་སྨྲ་བར་བྱའོ། །དེ་དག་ནང་པར་སྔར་སྒོའམ། གཎྜཱི་བརྡུངས་མ་ཐག་ཏུ་འདུ་བར་བྱ་སྟེ། མྱུར་དུ་འདུས་ནས་ཤེས་བཞིན་དུ་འཁོད་པར་བྱ། ཤེས་བཞིན་དུ་འཁོད་ནས་དྲན་པ་ཉེ་བར་གཞག་པར་བྱ། སེམས་མི་གཡེང་བར་བྱ། སྤྱོད་ལམ་ཚོགས་ཤིང་ཕུན་སུམ་དུ་ལྡན་པར་བྱ། ཤིན་ཏུ་བསྡམ་པར་བྱ། ཤིན་ཏུ་དགའ་བར་བྱ། སྒྲ་བསྐྱུ…