པའི་བླ་རེ་བྲེས་པ་དང་། ཁྱོགས་ཁྱེར་བ་དང་། མདུན་ན་མེ་སྒྲོན་ཐོགས་པ་དང་། སྐྱེ་བོའ་ཚོགས་ཆེན་པོ་མདུན་ནས་མཆི་བ་དང་། བུད་མེད་སྐྲ་བཤིག་པ་རྣམས་ངུ་ཞིང་རྗེས་བཞིན་རྗེས་བཞིན་དུ་འབྲང་བ་ཞིག་གཟིགས་སོ། །གཟིགས་ནས་ཀྱང་བདག་ལ་གསུངས་པ། ཁ་ལོ་སྒྱུར་བ་རས་ཁ་དོག་སྣ་ཚོགས་ལས་བྱས་པའི་བླ་རེ་བྲེས་པ་དང་། ཁྱོགས་ཁྱེར་བ་དང་། མདུན་ན་མེ་ས…

ནས་རྒྱལ་པོ་ཟས་གཙང་གིས་བྱང་ཆུབ་སེམས་དཔའ་ཤཱཀྱ་ཐུབ་པ་ལ་འདོད་པའི་ཡོན་ཏན་ལྔ་ལས་ཕལ་མོ་ཆེ་ཞིག་བྱིན་ནས་ཅི་ནས་ཀྱང་འདི་ལ་དགའ་ཞིང་རབ་ཏུ་འབྱུང་བར་མི་འགྱུར་བར་བྱས་སོ། །འདིར་སྨྲས་པ། གྲོང་ཁྱེར་དམ་པ་དཔལ་ལྡན་ཡིད་འོང་དེར། །ལྷ་ཡི་ལྷར་གྱུར་སྒྲོན་མ་དང་མཚུངས་པ། །འདོད་པའི་ཡོན་ཏན་ལྔ་པོས་ཀུན་དགྱེས་པ། །མིག་སྟོང་དགའ་བའི་ཚལ་ན་…

སྒྱུར་བ་ལ་གསུངས་པ། ཁ་ལོ་སྒྱུར་བ་མི་སྐྲ་བྲེགས་ཤིང་ལག་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་དང་། ཁང་པ་ནས་ཁང་པར་རྒྱུ་ཞིང་འགྲོ་ལ་འདིའི་གོས་ཀྱང་ཁ་དོག་མི་མཚུངས་ཏེ། ཇི་ལྟར་ཡང་མི་གཞན་དག་གི་དང་མི་འདྲ་བ་འདི་ཅི་ཡིན། ལྷ་དེ་ནི་རབ་ཏུ་བྱུང་བ་ཞེས་བགྱིའོ། །ཁ་ལོ་སྒྱུར་བ་རབ་ཏུ་བྱུང་བ་ཞེས་བྱ་བ་འདི་ཅི་ཡིན། ལྷ་རབ་ཏུ་བྱུང་བ་དེ…

སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ལེགས་སོ། །དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པས་ཁ་ལོ་སྒྱུར་བ་ལ་གསུངས་པ། ཁ་ལོ་སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག་ཕོ་བྲང་ཉིད་དུ་འདོང་ངོ་། །འདི་ལྟར་ང་ཕོ་བྲང་དུ་ཕྱིན་ནས་དོན་འདི་ཁོ་ན་…

པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་སྟེ། ལྷ་འདི་ནི་རབ་ཏུ་བྱུང་བ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་དེའི་ཕྱིར་ཤིང་རྟ་འདི་རབ་ཏུ་བྱུང་བ་གང་ན་བ་དེ་ལོགས་སུ་སྒྱུར་ཅིག །ལྷ་བཀའ་བཞིན་འཚལ་ཞེས་བྱང་ཆུབ་སེམས་དཔའ་ཤཱཀྱ་ཐུབ་པའི་ལྟར་མཉན་ནས་ཤིང་རྟ་དེ་རབ་ཏུ་བྱུང་བ་གང་ན་བ་དེ་ལོགས་སུ་བསྒྱུར་བ་དང་། བ…

དག་པར་བདེན་པར་མི་འགྱུར་གྲང་། གཞོན་ནུ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་དུ་འོང་གིས། མ་ལ་བདག་གིས་གཞོན་ནུ་ཞིང་པའི་གྲོང་དུ་བཏང་ལ་ཅི་ནས་ཀྱང་དེ་ལ་སེམས་གཡེངས་པར་འགྱུར་བར་བྱའོ་སྙམ་ནས། གཞོན་ནུ་ཤཱཀྱ་ཐུབ་པ་ལ་འདི་སྐད་ཅེས་སྨྲས་སོ། །གཞོན་ནུ་ཚུར…

ལྕགས་ཀྱིས་རྐང་པ་རྨ་བྱུང་ཞིང་། ཁ་དང་སྣ་ནས་ཁ་ཆུ་སྣ་ཆུ་འཛག་ལ་སྤལ་པ་དང་། ཤ་སྦྲང་དང་། སྦྲང་བུ་མཆུ་རིངས་ཀྱིས་ཡོག་པ་རྣམས་གཟིགས་སོ། །གཟིགས་ནས་ཀྱང་ཐོག་མ་མེད་པའི་དུས་ནས་བསོད་ནམས་བསྐྱེད་ཅིང་བསགས་པའི་ཐུགས་རྗེས་ཀུན་ནས་བསྐྱོད་པའི་ཐུགས་ཀྱིས་ཞིང་པ་རྣམས་ལ་འདི་སྐད་ཅེས་གསུངས་སོ། །ཤེས་ལྡན་དག་ཁྱོད་སུའི་ཡིན། དེ་རྣམས་ཀྱིས…

ཉི་མའི་གུང་ཡོལ་ནས་ཤིང་གཞན་རྣམས་ཀྱི་གྲིབ་མ་ཤར་ཕྱོགས་སུ་གཞོལ། ཤར་ཕྱོགས་སུ་འབབ། ཤར་ཕྱོགས་སུ་བབ་པར་གྱུར་ན་ཤིང་འཛམ་བུའི་གྲིབ་མ་ནི་བྱང་ཆུབ་སེམས་དཔའི་སྐུ་མི་གཏོང་བ་མཐོང་ངོ་། །མཐོང་ནས་ཀྱང་དེ་འདི་སྙམ་དུ་སེམས་ཏེ། གཞོན་ནུ་ནི་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། འདི་ལྟར་ད་ལྟ་ཉི་མའི་གུང་ཡོལ་ནས་ཤིང་གཞན་རྣམས་ཀྱི་གྲིབ…

འོན་ཏེ་ས་ནི་སྤངས་ནས་སུ། །བསྙེངས་མེད་ནགས་སུ་བཞུད་ན་ནི། །ཐམས་ཅད་མཁྱེན་པ་ཐོབ་གྱུར་ནས། །འགྲོ་བ་སྒྲོལ་བར་མཛད་པར་འགྱུར། །ཤཱཀྱ་དུས་ལེགས་ཀྱི་བུ་མོ་རི་དགས་སྐྱེས་ཞེས་བྱ་བ་དེ་སྐར་ཁུང་ན་འདུག་པས་བྱང་ཆུབ་སེམས་དཔའ་མཐོང་ནས་ཚིགས་སུ་བཅད་དེ་སྨྲས་པ། ཀྱེ་མ་འདི་ཡི་ཡུམ་བདེ་ཞིང་། །ཡབ་དེ་ཡང་ནི་བདེ་བ་ཡིན། །ཀྱེ་མ་གང་གི་ཁྱིམ་ཐ…

གྱི་གཞིན་བུད་མེད་ཡིད་འཕྲོག་པ་གཟུགས་བཟང་བ་རྣམས་དང་། གར་དང་གླུ་དང་། རོལ་མོ་རྣམས་ཀྱི་སྤྱོད་པས་བསྙེན་བཀུར་བྱེད་དུ་བཅུག་གོ །བློན་པོ་རྣམས་ནི་དཔུང་གི་ཚོགས་ཡན་ལག་བཞི་དང་ལྷན་ཅིག་ར་བའི་ཕྱི་རོལ་ཁོ་ར་ཁོར་ཡུག་ཏུ་གཅན་པ་བྱེད་དུ་བཅུག་གོ། །སྐས་སྤོར་རུང་བ་མི་ལྔ་བརྒྱས་ཚུགས་པ་ཡང་བྱས་སོ། །བཙུན་མོའ་འཁོར་གྱི་སྒོར་ཡང་སྒོ་ཕ…

སྨྲས་པ། སུ་ཞིག་མེལ་ཚེ་བྱེད། སུ་ཞིག་མེལ་ཚེ་བྱེད། ཟས་དཀར་གྱིས་སྨྲས་པ། ཁོ་བོ་མེལ་ཚེ་བྱེད་དོ། །ལྷ་མེལ་ཚེ་མཛོད་ཅིག །མེལ་ཚེ་མཛད་དང་ཁྱོད་ལ་ལེགས་པར་འགྱུར་རོ་ཞེས་སྨྲས་ནས་ཚིགས་སུ་བཅད་དེ་སྨྲས་པ། གཉིད་ལོག་པ་ནི་རྟག་ཏུ་མྱོས། །མྱོས་འགྱུར་བྲེ་བོས་འཐུངས་བ་ཉལ། །དགོན་པའི་ནགས་སུ་ཉལ་བ་འདྲ། །དེ་བས་མ་ཉལ་མེལ་ཚེ་བྱོས། །བྱང་…

བྱང་ཆུབ་སེམས་དཔའ་བཙུན་མོ་དང་ལྷན་ཅིག་སྐྱེས་པ་མེད་པ་ན་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་འདི་སྙམ་དུ་དགོངས་ཏེ། བདག་ལ་གཞན་དག་གཞོན་ནུ་ཤཱཀྱ་ཐུབ་པ་ནི་སྐྱེས་པ་མ་ཡིན་ཏེ། གང་གི་ཕྱིར་གྲགས་འཛིན་མ་དང་། ས་འཚོ་མ་དང་། རི་དགས་སྐྱེས་དང་། བུད་མེད་དྲུག་ཁྲི་སྤངས་ནས་རབ་ཏུ་བྱུང་ངོ་ཞེས་གཞི་དེས་ཁ་ཟ…

མདའ་མདུང་དུག་མེ་འདྲ། །རྨི་ལམ་ལྟ་བུ་ཡིན་ཏེ་ཚྭ་ཆུའི་རོ་དང་མཚུངས། །འདོད་པ་ཕུང་བྱེད་རྩོད་དང་སྡིག་པའི་རྒྱུར་གྱུར་པ། །མཐའ་ངན་སྦྲུལ་གྱི་དབང་པོ་ལྟ་བུ་བདག་གིས་སྤང་། །བར་སྐབས་དེར་སྐྱེ་དགུའི་བདག་མོའ་ཆེན་མོའ་རྨི་ལམ་དུ་བཞི་རྨིས་པ། ཟླ་བ་སྒྲ་གཅན་གྱིས་ཟིན་པ་དང་། ཉི་མ་ཤར་ཕྱོགས་ནས་ཤར་ནས་དེ་ཉིད་དུ་ནུབ་པ་དང་། སྐྱེ་བོའ་…

པ་ནས་བྱུང་བ་དང་། ཟླ་བ་སྒྲ་ཅན་གྱིས་ཟིན་པ་དང་། གདུགས་ཤར་ཕྱོགས་ནས་བདལ་ནས་དེ་ཉིད་དུ་ནུབ་པ་རྨིས་ལགས་སོ། །བྱང་ཆུབ་སེམས་དཔས་གྲགས་འཛིན་མའི་ཡིད་མི་བདེ་བ་བསལ་བའི་ཕྱིར་རྨི་ལམ་རྣམས་བཤད་པ། བདག་གི་ཁྱིམ་གྱི་གདུང་ཆག་གོ་ཞེས་སྨྲས་པ་གང་ཡིན་པ་དེ་མི་འདུག་གམ། བདག་གི་བཀྲ་ཤིས་ཀྱི་མལ་ཁྲི་ཆག་གོ་ཞེས་སྨྲས་པ་གང་ཡིན་པ་དེ་ཡང་མ་ཆག…

ཡུལ་རྒྱུ་འདྲ་ཞིང་། །ཡན་པར་འདུག་པའི་རྟེའུ་དང་འདྲ་བའི་ཐུགས། །གལ་ཏེ་འདོད་པའི་ཡོན་ཏན་ལས་བཟློག་ན། །དེ་ནས་ཤིན་ཏུ་གསལ་བའི་སྣང་བ་གཟིགས། །བློ་གྲོས་བཟང་པོ་བཞེངས་ཤིག་བཞེངས། །ས་ནི་སྤངས་ཏེ་བཞུད་མཛོད་ལ། །ཐམས་ཅད་མཁྱེན་ཉིད་བརྙེས་ནས་ནི། །འགྲོ་བ་དག་ནི་བསྒྲལ་བར་མཛོད། །བྱང་ཆུབ་སེམས་དཔས་གསུངས་པ། ཀཽ་ཤི་ཀ་མ་མཐོང་ངམ། ང་ནི་…

ཙམ་ན་འདུན་པ་གཉིད་སྟུག་པོས་ནོན་པར་གཟིགས་ནས་བྱང་ཆུབ་སེམས་དཔས་བསྒྲིམས་ཏེ་བསླང་ནས་ཚིགས་སུ་བཅད་པའི་དབྱངས་ཀྱིས་གསུངས་པ། འདུན་པ་ལོངས་ཀྱེ་ཁྱིམ་ནས་མྱུར་དུ་ནི། །ང་ཡི་རྟ་ཕོ་རིན་ཆེན་བསྔགས་ལྡན་ལོང་། །སྔོན་གྱི་རྒྱལ་བས་ལོངས་སྤྱོད་དཀའ་ཐུབ་ཚལ། །ཐུབ་རྣམས་དགྱེས་པར་མཛད་པར་ང་གཤེགས་སོ། །འདུན་པ་གཉིད་ལོག་པའི་མིག་ཕྱེ་ནས་སྨྲ…

སེམས་དཔའ་ཕྱིར་གཤེགས་པའི་ཕྱིར་ལྷའི་བུ་བཞི་པོ་བསྒོ་སྟེ་བཞག་པ། འགྲམ་དང་། ཉེ་འགྲམ་དང་། ལོ་མ་དང་། ལོ་མ་གྱོན་པའོ། །བྱང་ཆུབ་སེམས་དཔས་དེ་རྣམས་ལ་གསུངས་པ། ཤེས་ལྡན་དག་ང་སུས་བཀུར། དེ་རྣམས་ཀྱིས་གསོལ་པ། བདག་ཅག་གིས་བཀུར་ལགས་སོ། །ཁྱེད་ཅག་ལ་སྟོབས་ཇི་ཙམ་ཡོད། གཅིག་གིས་གསོལ་པ། གཞོན་ནུ་བདག་གིས་ནི་སའི་རྡུལ་ཇི་སྙེད་མཆིས་པ…

མཆི་མའི་ཐིགས་པ་རྣམས་ལུས་ལ་བབ་པ་ཡིན་ནོ། །དེ་ནས་འདུན་པ་མིག་མཆི་མས་གང་ཞིང་དབུགས་རིང་པོའ་ཤུགས་ནར་གྱིས་ཕྱུང་ནས་ཅང་མི་སྨྲ་བར་འདུག་གོ །བྱང་ཆུབ་སེམས་དཔའ་སྐུ་ཐམས་ཅད་ཀྱིས་གླང་པོ་ཆེའི་གཟིགས་སྟངས་ཀྱིས་གཡས་ཕྱོགས་སུ་གཟིགས་ཏེ་དགོངས་པ། ང་བུད་མེད་དང་ལྷན་ཅིག་ཁྱིམ་ན་ཉལ་བའི་ཐ་མ་ནི་འདི་ཡིན་ནོ་སྙམ་མོ། །ཡང་དགོངས་པ་གལ་ཏེ་ང…

བསྔལ་མྱོང་བར་གྱུར། །ཞེས་སྨྲས་ནས། དེ་སྔངས་པས་གྲགས་འཛིན་མ་བསླང་སྟེ་སྨྲས་པ། དོན་གྲུབ་འདི་ནི་གཤེགས་གྱུར་གྱིས། །ཁྱིམ་ཐབ་སྡུག་བསྔལ་གྱིས་གདུངས་ནས། །སྡུག་བསྔལ་ཉམ་ཐག་ངུར་འོང་གིས། །ཁྱིམ་ཐབ་སྡུག་པ་དེ་ཟློག་ཤིག །ཁྱོད་ཀྱིས་ཁྱིམ་ཐབ་གཤེགས་འགྱུར་འདི་ནི་མཐོང་དཀའ་སྟེ། །ཁྱོད་ཀྱིས་འདི་ལྟོས་ཁྱིམ་ཐབ་མཐོང་བའི་ཐ་མ་ཡིན། །ཀྱི…

སྒྲ་ཆེན་འབྱིན་བྱེད་ལ། །དགའ་བའི་ཡིད་ཀྱིས་གོས་ཀྱི་གཡབ་མོས་འདེབས་བྱེད་ཅིང་། ཁ་ཅིག་བྱང་ཆུབ་སེམས་དཔའ་ལ་ནི་བསྟོད་བྱེད་དེ། །ནམ་མཁའ་ལ་ནི་སོར་མོ་བརྒྱ་ཕྲག་སྒྱུར་བར་བྱེད། ཁ་ཅིག་དག་ནི་སྒོ་རྣམས་འབྱེད་བྱེད་ཅིང་། །མེ་ཏོག་མན་དཱ་ར་བས་འཐོར་བར་བྱེད། ཁ་ཅིག་དག་ནི་བཅིབས་པའི་རྐང་འཛིན་ཅིང་། །བདེ་བར་གཤེགས་ལ་རྟོག་ཅིང་རྗེས་བཞ…