དྲིལ་སྒྲོགས་སུ་ཆུག་སྟེ། ལྷ་ཉིད་ཀྱིས་བཀའ་སྩལ་པ། དའི་ཡུལ་ན་གནས་པ་སུས་ཀྱང་ཆུ་ན་རྒྱུ་བའི་འདས་ཆགས་རྣམས་མ་གསད་ཅིག་ཅེས་སྒྲོགས་ཤིག །དེ་རྣམས་ཀྱིས་དྲིལ་བསྒྲགས་སོ། །དགེ་སློང་དག་ཇི་སྙམ་དུ་སེམས། དེའིཚེ་དེའི་དུས་ཀྱི་གང་པའི་དཔོན་པོ་བཞིན་རྒྱས་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་དེའི་ཆུང་མ་གང་ཡིན་པ་དེ…

པའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ནས་ས་གཞན་གྱི་རྒྱལ་པོ་རྣམས་དང་གཡུལ་སྤྲད་པའི་ཕྱིར་སྤགས་ཏེ་བསུའོ། །རྒྱལ་པོ་གད་རྒྱངས་ཅན་གྱིས་ས་གཞན་གྱི་རྒྱལ་པོ་རྣམས་བཅོམ། བྲེད་པར་བྱས། ཐག་བཅུག །པས་པར་བྱས། རྒྱབ་ཀྱིས་བལྟས་པར་བྱས་ཏེ། རང་རང་གི་ཡུལ་དུ་དོང་ངོ་། །དེ་རྣམས་སླར་ཡང་འ…

དག་གིས་ང་ཡོངས་སུ་བཏང་གི་ཀུན་དགའ་བོས་ནི་ཡོངས་སུ་མ་བཏང་ངོ་། །གཞན་ཡང་ཇི་ལྟར་འདི་དག་གིས་ང་ཡོངས་སུ་བཏང་གི་ཀུན་དགའ་བོས་ཡོངས་སུ་མ་བཏང་བ་དེ་ཉོན་ཅིག །དགེ་སློང་དག་སྔོན་བྱུང་བ་བྱང་ཆུབ་སེམས་དཔའ་མ་ངེས་པའི་ཕུང་བོ་ལ་གནས་པ་ན་རིའི་ཕྱོགས་ཤིག་ན་རི་དགས་ཀྱི་དཔོན་པོ་སེང་གེར་གྱུར་ཏེ། དེའི་ལྷག་མ་ཟ་བ་ཝ་ལྔ་བརྒྱ་རྗེས་བཞིན་དུ་…

རྣམས་བཤོར་བའི་ཕྱིར་མཛོལ་དང་། རྙི་དང་། རྙོང་རབ་ཏུ་མང་པོ་དག་བཙུགས་སོ། །རི་དགས་ཀྱི་དཔོན་པོ་དེ་བག་རྐྱོང་ཞིང་གནས་པས་འཁོར་ལྔ་བརྒྱ་དང་རི་དགས་ཀྱི་ནགས་ན་རྒྱུ་ཞིང་དེ་རི་དགས་ཀྱི་ཚོགས་རྣམས་ཀྱི་སྣ་ལ་འགྲོ་བ་ན་རྙིང་ཟིན་ཏོ། །རྙིས་ཟིན་པ་དེ་མཐོང་ནས་རི་དགས་ཐམས་ཅད་ནི་བྲོས་སོ། །རི་དགས་མོ་གཅིག་པུ་ཞིག་ཚོགས་ཀྱི་དཔོན་པོའ་དྲ…

ཁྱིམ་ཐབ་དང་། །ཁྱོད་ནི་ལྷན་ཅིག་འགྲོགས་པར་བྱ། །དེས་ཀྱང་ཚིགས་སུ་བཅད་པས་སྨྲས་པ། ཇི་ལྟར་རྔོན་པ་བདག་དང་ནི། །སྡུག་པའི་ཁྱིམ་ཐབ་དགའ་བ་ལྟར། །དེ་བཞིན་རྔོན་པ་གཉེན་ཀུན་དང་། །ལྷན་ཅིག་ཏུ་ནི་དགར་གྱུར་ཅིག །དེ་ནས་རྔོན་པ་དེ་ལྷག་པར་ཡང་ངོ་མཚར་སྐྱེས་ནས་རི་དགས་དེ་བཀྲོལ་ནས་ལྷན་ཅིག་དོང་ངོ་། །དགེ་སློང་དག་ཇི་སྙམ་དུ་སེམས། དེའི…

གདོན་མི་ཟ་བར་འདི་བདག་གི་རྗེས་བཞིན་འོང་ངོ་སྙམ་ནས། དེས་ལམ་བཟུང་ནས་མྱུར་བ་མྱུར་བར་སོང་བ་དང་། ཝས་བསམས་པ། ཚིག་ཙམ་ཁོ་ནས་བདག་གིས་འདི་བཅོམ་པ་ཡིན་ཏེ། དེས་ན་མྱུར་མ་མྱུར་བར་བྲོས་སོ་སྙམ་ནས། །དེའི་རྗེས་བཞིན་རྗེས་བཞིན་འབྲེངས་པ་དང་། གླང་པོ་ཆེས་ཉེ་བར་འོངས་པར་ཤེས་ནས་ཤུགས་དྲག་པོས་དེའི་སྟེང་དུ་རྟུག་པ་བོར་བས་ཕོག་ནས་ཤི་…

རྣམས་ནི་རྨི་ལམ་རྣོ་བ་ཡིན་པས་བདག་ཉིད་ཆེན་པོ་དེས་ཚོགས་ཀྱི་དཔོན་པོ་ཅིག་ཤོས་ལ་སྨྲས་པ། བདག་གིས་རྨིལམ་འདི་འདྲ་བ་རྨིས་ནས་འདོད་ན་གཞན་དུ་འདོང་ངམ། དེ་ཡིད་མ་ཆེས་ནས་སྨྲས་པ། ཅི་རྨི་ལམ་དུ་རྨིས་སོ་ཅོག་བདེན་པར་འགྱུར་རམ། གལ་ཏེ་ཁྱོད་འགྲོ་ན་སོང་ཤིག ཁོ་བོ་ནི་སྦྱོད་ཡུལ་ཆེས་ཡངས་པར་འགྱུར་བས་མི་འགྲོའོ། །དེས་དེ་ཡིད་མཆེས་བར་…

སུ་མཐུན་པར་ཡུར་པ་གང་ཡིན་པ་དེ་དག་ནི་འཁོར་བའི་འཇིགས་པ་ཆེན་པོ་ལས་རབ་ཏུ་ཐར་ཏེ། ལྷ་སྦྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་མ་རུངས་པར་གྱུར་ཏོ། །གཞན་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་བདེ་ལེགས་སུ་དོང་བར་གྱུར་ཅིང་། ལྷ་སྦྱིན་གྱི་ཏ་བའི་རྗེས་སུ་མཐུན་པར་གྱུར་པ་…

ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་བདེ་ལེགས་སུ་འཁོར་བའི་རྒྱ་མཚོ་ཆེན་པོ་ལས་རྒལ་ཏོ། །ལྷ་སྦྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་མ་རུངས་པར་གྱུར་ཏོ། །གང་གི་ཚེ་ལྷ་ས…

བ་ན་བྱི་བ་ལྔ་བརྒྱའི་ཚོགས་ཡོད་པར་ཤེས་ནས། དེ་བྱི་བ་དེ་རྣམས་ཀྱི་ཁུང་བུ་དང་ཧ་ཅང་ཡང་མི་རིང་བ་ཞིག་ཏུ་ངན་གཡོའི་དཀའ་ཐུབ་ཀྱིས་དཀའ་ཐུབ་བྱེད་པ་ན། བྱི་བ་རྣམས་ཕན་ཚུན་འཁྱམས་པས་སྤྱོད་ལམ་ཞི་བས་གནས་པ་དེ་མཐོང་ནས། དེ་རྣམས་ཀྱིས་རྒྱང་རིང་པོར་འདུག་ནས་སྨྲས་པ། ཞང་པོ་ཅི་བྱེད། དེས་སྨྲས་པ། ཁོ་བོ་གཞོན་པའི་གནས་སྐབས་ན་བསོད་ནམས་མ…

རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱི་གཟིགས་པའི་རྗེས་སུ་མཐུན་པར་གྱུར་པ་གང་ལགས་པ་དེ་དག་བདེ་བ་དང་ལེགས་པར་འཁོར་བའི་འབྲོག་དགོན་པ་ལས་རྒལ་ཅིང་། ལྷ་སྦྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ལགས་པ་དེ་དག་ནི་ཚུལ་མ་ལགས་བར་སྡུག་བསྔལ་བར་གྱུ་ར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟ…

གཙོ་བོ་ཅིག་ཤོས་ཁྲོས་ནས་རང་གི་ཚོགས་རྣམས་ལ་སྨྲས་པ། ཤེས་ལྡན་དག་ཟླ་བའི་རྒྱབ་སུས་མཐོང་། །འདི་དག་ཁལ་ཁྱེར་ལ་རག །ཡུ་པུས་ནི་མི་བསྐུར་རོ། །ཇི་ཙམ་མན་ཚོང་པ་རྣམས་ཀྱིས་གླང་རྣམས་གཏད་པར་བརྩམས་པ་ན་གླང་དེ་རྣམས་ཕྱི་ལང་བྱེད་ཅིང་འདུག་པ་དང་། ཚོང་པ་རྣམས་ཀྱིས་མང་དུ་བརྡེགས་ཤིང་ལྕག་གཟེར་བུ་ཅན་གྱིས་གཞུས་པས་ཁྲག་འཛག་ཅིང་ཤིང་རྟ་…

ཁྲོན་པར་ཟླ་བའི་གཟུགས་བརྙན་ཤར་བ་དེ་མཐོང་ནས་ཚོགས་ཀྱི་དཔོན་པོས་སྨྲས་པ། ཤེས་ལྡན་དག་ཟླ་བ་ཁྲོན་པར་ལྷུང་གིས་འཇིག་རྟེན་ཟླ་བ་མེད་པར་བྱ་འམ་ཅི་དབྱུང་ངོ་། །དེ་རྣམས་ཀྱིས་སྨྲས་པ། ལེགས་ཀྱིས་དབྱུང་ངོ་། །དེ་རྣམས་ཀྱིས་གྲོས་བྱ་བར་བརྩམས་པ། དེ་ཇི་ལྟར་དབྱུང་བར་བྱ། གཞན་དག་གིས་སྨྲས་པ། ཅི་མི་ཤེས་སམ། སྤྲེའུ་བརྒྱུས་ལ་དབྱུང་མོ…

ན་དགེ་འདུན་བྱེ་བར་མི་འགྱུར་ཏེ། རེ་ཞིག་དང་པོར་སངས་རྒྱས་འཇིག་རྟེན་དུ་འབྱུང་བའི་ཚེ་དགེ་འདུན་བྱེ་བར་མི་འགྱུར་ཏེ། ཀྱེ་མའོ་གྲོགས་པོ་དག་སངས་རྒྱས་འཇིག་རྟེན་དུ་འབྱུང་ཞེས་གྲག་གོ་ཞེས་བྱ་བའི་འཇིག་རྟེན་དེ་ལ་ཕྱོགས་པས་སོ། །སྟོན་པ་ཡོངས་སུ་མྱ་ངན་ལས་འདས་ནས་དགེ་འདུན་བྱེ་བར་མི་འགྱུར་ཏེ། གང་ལ་ལ་ཞིག་འདི་སྐད་དུ་ང་ཉིད་སྟོན…

བཅོམ་ལྡན་འདས་རྒྱལ་པོའ་ཁབ་འོད་མའི་ཚལ་བྱ་ཀ་ལན་ད་ཀ་གནས་པར་དབྱར་བཞུགས་པར་ཞལ་གྱིས་བཞེས་སོ། །དེའི་ཚེ་མུ་གེ་ཉམ་ང་བ་དགོན་བ་སློང་མོ་པས་ཟས་རྙེད་པར་དཀའ་བ་བྱུང་ངོ་། །དེ་ནས་བཅོམལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ད་དབྱར་གྱི་ཟླ་བ་གསུམ་པོ་འདི་ལ་ནང་དུ་ཡང་དག་པར་འཇོག་པར་བཞེད་ཀྱིས། བསོད་སྙོམས་སྟོབས་པ་ད…

སློང་ལྔ་བརྒྱས་ཚུལ་ཤིང་བླངས་ཏེ་ལྷ་སྦྱིན་སྟན་ལས་ལངས་ཏེ་སོང་བའི་རྗེས་བཞིན་རྗེས་བཞིན་དུ་དགེ་སློང་ལྔ་བརྒྱ་འབྲང་ངོ་། །ཚེ་དང་ལྡན་བ་སྒྲ་ཅན་ཟིན་སྒོ་ན་འདུག་པ་དེས་དེ་དག་ལྷ་སྦྱིན་གྱི་རྗེས་བཞིན་རྗེས་བཞིན་དུ་འབྲང་བ་མཐོང་ནས་དེས་སྨྲས་པ། ཚེ་དང་ལྡན་པ་དག་ཅིའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་བའི་སངས་རྒྱས…

སྦྱིན་གྱིས་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་ཕྱེ་བར་མཐོང་ནས་དེ་གཉིས་འདི་སྙམ་དུ་སེམས་ཏེ། སོང་ལ་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་དང་སླར་སྡུམས་བྱའོ་སྙམ་མོ། །དེ་ནས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་ཆེན་པོ་གཉིས་ཀྱིས་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན…

རིའི་བུ་དང་མཽད་གལ་གྱི་བུ་གང་ཟག་བཞི་པོ་འདི་དག་ནི་ཚངས་པའི་བསོད་ནམས་སྐྱེད་པར་འགྱུར་རོ། །བཞི་གང་ཞེ་ན་གང་ཟག་གང་ཞིག་སྔོན་མི་བཞུགས་པའི་ས་ཕྱོགས་སུ། དེ་བཞིན་གཤེགས་པའི་སྐུ་གདུང་གི་མཆོད་རྟེན་གནས་པར་བྱེད་པ་འདི་ནི་ཚངས་པའི་བསོད་ནམས་སྐྱེད་པའི་གང་ཟག་དང་པོ་ཡིན་ཏེ། བསྐལ་པར་མཐོ་རིས་རྣམས་སུ་དགའ་བར་འགྱུར་རོ། །གཞན་ཡང་གང་…

ཀར་རྣམས་ཐམས་ཅད་དང་ལྡན་པའི་འཇིག་རྟེན་འདི་བཏང་སྙོམས་དང་ལྡན་པའི་སེམས་འཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ། རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས་མོས་ཏེ། ཁྱབ་པར་བྱས་ནས་རྫོགས་པར་བྱས་ཏེ། གནས་པ་འདི་ནི་ཚངས་པའི་བསོད་ནམས་སྐྱེད་པའི་གང་ཟག་བཞི་པ་ཡིན་ཏེ། བསྐལ་པར་མཐོ་རིས་རྣམས་སུ་དགའ་བར་འགྱུར་རོ། …

ལུས་གན་རྐྱལ་གྱིས་སྡུར་བའི་སྒྲ་འབྱིན་ཅིང་འདུག་པ་དེ་ལྟ་བུར་བྱིན་གྱིས་བརླབས་སོ། །དེ་ནས་ཚེ་དང་ལྡན་པ་ཤཱ་རིའི་བུས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་སྟོན་པ་ལུས་གན་རྐྱལ་གྱིས་སྡུར་ཅིང་གཉིད་ལོག་པའི་གནས་སྐབས་ལ་ལྟོས། དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །ཚེ་…