དངོས་རྣམས་སྣ་ཚོགས་ངོ་བོ་ཉིད། །གལ་ཏེ་དེ་ཐ་དད་བྱེད་མིན། །འགྲོ་བའི་ངོ་བོ་གཅིག་ཏུ་འགྱུར། །གལ་ཏེ་ཚོགས་པ་ཐ་དད་པ་ལས་ཐ་དད་པ་ཡིན་ནོ་ཞེས་བྱ་བ་འདི་ག་ལས། ཐ་དད་པ་ནི་རེ་ཞིག་དེ་དམིགས་ན་དེའི་རྒྱུའི་དབྱེ་བས་ཡིན་ནམ། འོན་ཏེ་དེ་ལྟ་མ་ཡིན་ཞེས་བྱ་བ་འདི་ནི་དཔྱོད་པ་གཞན་ཡིན་ནོ་ཞེ་ན། དེ་ནི་མི་རུང་སྟེ། འདི་ལྟར། སྲོག་སོགས་འབྲེལ…

དེར་ཡང་རྗེས་སུ་འགྲོ་བ་ཙམ་འབའ་ཞིག་ལས་ཡིན་ན། དེ་ལྟ་ཡིན་ན་དེ་དག་མེད་པར་གཞན་པ་ལས་ཀྱང་འབྱུང་ངོ་ཞེས་བྱ་བར་འགྱུར་ཏེ། དེ་ལྟ་མ་ཡིན་ན་ལྡོག་པ་ཡང་ཡོད་པར་འགྱུར་རོ། །དེ་ལྟར་ཡིན་དང་དེ་དག་མེད་པར་གཞན་ལས་ཀྱང་འབྱུང་སྟེ། བརྒྱ་བྱིན་གྱི་སྤྱི་བོ་ལ་སོགས་པ་དག་ཀྱང་འབྱུང་བས་ཅི་ལྟར་མེས་བསྐྱེད་པར་བྱ་བ་ཡིན། གཉི་གས་མེད་པར་བྱ་བ་ཡི…

ཡང་རྒྱུ་མ་ཡིན་པས་ན་དེ་ནི་གང་ལས་ཀྱང་རྗེས་སུ་དཔག་པ་མེད་དོ། །དེས་ན། ཚོགས་པའི་ནུས་པ་ཐ་དད་ཕྱིར། །དངོས་རྣམས་སྣ་ཚོགས་ངོ་བོ་ཉིད། །གལ་ཏེ་དེ་ཐ་དད་བྱེད་མིན། །འགྲོ་འདི་ངོ་བོ་གཅིག་ཏུ་འགྱུར། །ངོ་བོ་གཅིག་ཅེས་བྱ་བ་ནི་བླང་བྱ་དང་སྤང་བྱ་མེད་པའམ། སྣང་བ་ཙམ་གཉིས་སུ་མེད་པ་ཞེས་བྱའོ། །འོན་ཏེ་བརྒྱ་བྱིན་གྱི་སྤྱི་བོ་ནི་མེའི་རང…

མེར་ཤེས་ཡན་ལག་གཞན་ལ་ནི། །ལྟོས་པ་ཉིད་ལས་འབྱུང་བའི་ཕྱིར། །དུ་བ་དེ་ལ་འཁྲུལ་མེད་ཅན། །དེ་ལྟར་འབྲས་གཞན་དེ་བཞིན་གྲུབ། །དེ་བཞིན་ཞེས་བྱ་བ་ནི་ཆུ་དང་འོ་མ་བཞིན་ཏེ། ཆུ་དང་འོ་མ་ཐ་དད་ཀྱང་གཤེར་བ་ཉིད་ཀྱིས་དེ་ལས་གཞན་དག་ལས་ལྡོག་པས་ན་གཤེར་བ་ཉིད་དུ་རྟོགས་པའི་གཞི་ཡིན་པ་བཞིན་དུ་མེ་ཐ་དད་ཀྱང་དེ་ལས་གཞན་དག་ལ་ལྡོག་པ་ཉིད་ཀྱིས་མ…

ཅི་ལྟའི་རང་རྒྱུ་ལ་ལྟོས་ནས། །རང་བཞིན་མེད་ན་མི་འབྱུང་བར། །ཤེས་བྱ་འཇིག་དང་བྱས་པ་ཉིད། །གོང་དུ་ཇི་སྐད་བཤད་པ་བཞིན། །འཇིག་པ་ནི་དངོས་པོ་ཙམ་དང་རྗེས་སུ་འབྲེལ་པ་ཡིན་ནོ་ཞེས་དོན་འདི་སྔར་བསྟན་ཟིན་ཏེ། དེས་ན་ཡང་སྐྱུག་ལྡད་མི་བྱའོ། །དེའི་ཕྱིར་རྒྱུ་དང་འབྲས་བུ་ནི་རྗེས་སུ་འགྲོ་ལྡོག་གི་མཚན་ཉིད་ཁོ་ན་ཡིན་པས་བདག་དང་སྲོག་ལ་ས…

ཚོལ་བ་ཡིན། །དེ་ནི་གཉི་ག་དང་བྲལ་ན། །དེ་དག་ལ་འདིར་ཐེ་ཚོམ་ཅི། །དེ་ལས་ལྡོག་པ་ཉིད་དུ་ངེས་པ་དེ་ཉིད་ལ་ཐེ་ཚོམ་ཟ་བར་མི་སྲིད་དོ། །འོ་ན་ནི་མཉན་བྱ་ཉིད་ཐེ་ཚོམ་གྱི་རྒྱུ་མ་ཡིན་ཏེ། སྒྲ་ཙམ་ཉིད་ལས་ཐེ་ཚོམ་ཟ་བའི་ཕྱིར་རོ་ཞེ་ན། ཅི་སྒྲ་ཉིད་ལས་ཐེ་ཚོམ་ཟ་བས་གཞན་དག་ཀྱང་ཐེ་ཚོམ་གྱི་རྒྱུ་ལ་བརྟེན་པ་མ་ཡིན་པར་འགྱུར་རམ། གལ་ཏེ་གང་ཞིག…

གཉི་ག་ལ་མཐོང་གཞལ་བྱ་ཉིད། །གཉིས་ཀྱིས་ཅི་སྟེ་ངེས་མི་བྱེད། །གཉི་ག་ལ་ནི་མཐོང་ལྡན་པ། །གཉི་ག་ལའང་སྒྲུབ་བྱེད་ཡིན་པར་འགྱུར། །གང་ཞིག་གང་ལ་མཐོང་བས་ན། །དེ་སྒྲུབ་པ་ཉིད་དུ་འགྱུར་གྱི་མེད་དོ་ཞེས་ཆ་གཉིས་པ་ལ་བརྟེན་པ་ག་ལས། འོན་ཏེ་ཕན་ཚུན་འགལ་བ་དང་ལྡན་པ་གཉི་ག་ལ་གཅིག་ལ་ཡོད་པ་ནི་མི་འཐད་དོ་ཞེ་ན། དེ་ལྟ་ན། འོ་ན་ཕྱོགས་ཉིད་ལ་…

ཀྱིས་ཡིན་ནོ། །འདིར་ནི་གཞན་འཕངས་པ་ཅི་ཡང་ཡོད་པ་མ་ཡིན་ཏེ། གཉི་ག་ལས་ལྡོག་པའི་ཕྱིར་རོ། །བྱས་པ་ཉིད་ལས་ནི་རྟག་པ་ལས་ལྡོག་པས་མི་རྟག་པ་འཕེན་པ་ཡིན་ནོ་ཞེ་ན། དེ་བདེན་ཏེ། རྟག་པ་ལོག་ལས་མི་རྟག་པས། །ཉིད་ནི་གཞན་དུ་གྲུབ་པ་མེད། །གང་ཕྱིར་རྗེས་སུ་དཔག་པ་ནི། །གཞན་ལྡོག་ཉིད་ཀྱིས་དོན་བྱས་འགྱུར། །རྗེས་སུ་དཔག་པ་ནི་གཞན་རྟག་པའི་ས…

ན་མངོན་སུམ་གྱིས་བཟུང་བ་འམ་འོན་ཏེ་མ་བཟུང༌། གལ་ཏེ་བཟུང་ངོ་ཞེ་ན། ཅི་ལྟར་གཞན་མི་འགོག །དེ་ལ་གཞན་བཀག་པ་ནི་ཁོ་ན་སྟེ། དེ་ཡོངས་སུ་སྤངས་ཏེ། དེ་རང་བཞིན་གཞན་དུ་སྣང་བ་གང་ཡིན་པའོ། །དེ་ལྟ་མ་ཡིན་ན་འཛིངས་པར་རྟོགས་པའི་ཕྱིར་ཐ་སྙད་མེད་པས་ན་ཚད་མ་དོན་མེད་དོ། །འོན་ཏེ་ཚད་མ་གཞན་གྱིས་གཞན་བཀག་པ་ལས་ཐ་སྙད་བྱེད་པ་ཡིན་ནོ་ཞེ་ན། །ད…

རྟག་པ་ལ་ཡོད་པ་དང་མེད་པ་ཉིད་དུ་ངེས་པ་མ་ཡིན་ཏེ། དེས་ན་དོན་དམ་པར་ན་ལོག་པ་མེད་པ་ཉིད་དོ། །དེའི་ཕྱིར་མ་ངེས་པ་ཉིད་དོ། །དེ་ལྟར་ན་རེ་ཞིག་རྩོད་ཕྱིར་ཁྱད་པར་ཞེས་བྱ་བ་བཤད་པ་ཡིན་ནོ། །ད་ནི་སྤྱི་བཤད་པར་བྱའོ། །ཅི་ལྟར་ལྡོག་པ་གཅིག་ཏུ་ངེས་པའི་ལྡོག་པ་ཅན་གོ་བར་བྱེད་པ་མ་ཡིན་པ་དེ་བཞིན་དུ་གཅིག་ཏུ་ངེས་པའི་རྗེས་སུ་འགྲོ་བ་ཅན་ཡ…

སྙད་མི་སླུ་བ་ཉིད་སྒྲུབ་པར་བྱེད་པའི་ཤེས་པས་གཅད་པར་བྱ་བ་ཡིན་པའི་ཕྱིར་དངོས་པོ་མེད་པ་གཞལ་བྱ་ཁོ་ན་ཡིན་པའི་ཕྱིར། གཞལ་བྱ་ཁོ་ན་ཡིན་པའི་ཕྱིར་ཞེས་བྱ་བ་ནི་རྗེས་སུ་འགྲོ་བ་འཁྲུལ་པ་མེད་པ་ཅན་མ་ཡིན་ནོ། །དེ་བས་ན་ཐུན་མོང་པ་ཉིད་ཀྱིས་མ་ངེས་པ་ཡིན་ནོ། །འོན་ཏེ་གཞལ་བྱ་ཉིད་མངོན་སུམ་གྱིས་ཡོངས་སུ་གཅད་པར་བྱ་བ་ལ་བརྗོད་ན་དེ་ལྟ་ཡ…

ལྡོག་པ་ནི་བརྗོད་པ་ལས། །མི་དམིགས་དཔེ་ནི་གྲུབ་པའི་ཕྱིར། །ཐ་དད་པར་ནི་མ་བཤད་དོ། །མི་དམིགས་པའི་དཔེ་ནི་སྨོས་པ་ཉིད་དེ་ལོགས་ཤིག་ཏུ་མ་ཡིན་ཅི་སྟེ་ཞེ་ན། རྒྱུ་དང་ངོ་བོ་ལྡོག་པ་ཉིད་ཀྱི་འབྲས་བུ་དང་རང་བཞིན་གྱི་དོན་ལྡོག་པར་བརྗོད་པའི་ཕྱིར་རོ། །རང་བཞིན་ཉིད་དམ་རྒྱུ་དངོས་ནི། །གྲུབ་ན་ལྡོག་པར་འགྲུབ་པར་འགྱུར། །ཞེས་བྱ་བ་ལ་ས…

མིན། །མེད་པ་ནི་མི་དམིགས་པ་ལས་གཞན་མ་ཡིན་པ་ཉིད་དོ། །འོན་ཀྱང་མི་དམིགས་པ་ཉིད་ཡིན་ནོ། །གལ་ཏེ་ཤེས་པ་ལྡོག་པ་ནི་མི་དམིགས་པ་ཡིན་ལ། ཡོད་པ་ལྡོག་པ་ནི་དངོས་པོ་མེད་པ་མ་ཡིན་ནམ། ད་ཅི་ལྟར་འདི་གཉིས་དེའི་བདག་ཉིད་ཡིན། ཤེས་པ་ཤེས་བྱ་དག་ཐ་དད་པ་དེ་བཞིན་དུ་དེ་མེད་པ་དག་ཀྱང་ཡིན་ནོ། །ཤེས་པ་ཉིད་དོན་གྱི་ཡོད་པ་ནི་ཡིན་ཏེ། ཤེས་པ་མེ…

ཀྱང་བུམ་པ་མེད་དོ། །ཤིང་རྟ་མེད་དོ་ཞེས་ཁྱད་པར་དངོས་པོ་ཐ་དད་པས་ཐ་དད་པ་ཡིན་ནོ། །དོན་དམ་པར་ནི་དགག་པར་བྱ་བ་ཐ་དད་ཀྱང་དངོས་པོ་མེད་པས་ཐ་དད་པ་མ་ཡིན་ནོ། །གལ་ཏེ་མེད་པ་ཉིད་མི་དམིགས་པས་ཡིན་ན། དེའི་ཚེ་ལོག་པར་རྟོག་པ་མེད་པ་ཉིད་དོ་ཞེ་ན། དེ་ནི་བདེན་ཏེ། འདི་ལྟར། དེ་ཕྱིར་མི་ཤེས་ཤེས་བྱའི་ཕྱིར། །མི་དམིགས་དཔེ་གཅིག་འདོད་པ་ཡ…

དེ་ཡང་མི་རུང་སྟེ། དེ་ཉིད་འདིར་ནི་མ་གྲུབ་སྟེ། །མ་གྲུབ་པ་ཡིས་མ་གྲུབ་པ། །གྲུབ་འགྱུར་མ་ཡིན་འདི་ལ་ནི། །འབྲལ་མེད་དེ་ཕྱིར་དེ་མ་ཡིན། །བསྒྲུབ་པར་བྱ་བ་དང་སྒྲུབ་པར་བྱད་པ་དག་ཐ་དད་པར་འགྱུར་དགོས་སོ་ཞེས་གང་བརྗོད་པ་བསྒྲུབ་པར་བྱ་བ་དང་སྒྲུབ་པར་བྱད་པའི་དངོས་པོ་དེ་ཉིད་འདིར་མ་གྲུབ་པས། དེ་ཅི་ལྟར་དེ་བཞིན་དུ་ཐ་དད་པར་གྲུབ་པ…

སྒྲུབ་པར་མི་རིགས་ཏེ། རྒྱུ་ནི་གདོན་མི་ཟ་བར་དེ་དང་ལྡན་པ་མ་ཡིན་པའི་ཕྱིར་རོ་ཞེ་ན། དེ་མ་ཡིན་ཏེ། འདི་ལྟར་ཐ་སྙད་འདི་ནི་ལྟར་རུང་བ་མ་མཐོང་བའི་རྒྱུ་མཚན་ཅན་དུ་འགྲུབ་པ་ཉིད་དོ། །དེ་ཙམ་གྱི་རྒྱུ་མཚན་གྱིས་མེད་པའི་ཐ་སྙད་དུ་བྱ་བ་རུང་བ་ཉིད་ནི་མི་དམིགས་པའི་རང་བཞིན་ཉིད་ཡིན་ཏེ། རུང་བ་ཉིད་ནི་དོན་གཞན་མ་ཡིན་པའི་ཕྱིར་རོ། །སེ…

དེའི་ཕྱིར་རྗེས་སུ་འགྲོ་བ་དང་ལྡོག་པ་དག་ལས་རྒྱུ་དང་འབྲས་བུའི་ཐ་སྙད་སྒྲུབ་པ་ཡིན་ནོ། །འོ་ན་ཇི་ལྟར་དོན་ཐ་དད་མེད་པར་སྒྲ་ཐ་དད་པར་འགྱུར་ཞེ་ན། མ་ཡིན་ཏེ་མཐོང་བ་དང་མ་མཐོང་བ་དེ་དག་ཉིད་ལ་ཐ་སྙད་ཟོར་ཡང་བར་བྱ་བའི་ཕྱིར་འབྲས་བུ་ལ་སོགས་པའི་སྒྲ་སྦྱར་བ་ཡིན་ནོ། །དེས་ན། ནུས་པའི་རྒྱུ་ནི་འབྲས་བུའི་རང་བཞིན་དུ་གྱུར་པ་ཉིད་ཡིན་…

འདི་ནི་གཞན་གྱི་རང་བཞིན་དུ་མ་དམིགས་སོ་ཞེས་བྱ་བ་ཡིན་ན། །འདིར་དོན་ནི། དེའི་རང་བཞིན་དུ་མ་དམིགས་ཏེ། འདི་ནི་དེའི་རང་བཞིན་དུ་མེད་དོ་ཞེས་བྱ་བ་འདི་ཉིད་ཡིན་ནོ། །གལ་ཏེ་བུམ་པ་དེ་འདི་ན་མེད་དོ་ཞེས་ཏེ། འདིའི་རང་བཞིན་དུ་མེད་དོ་ཞེས་བྱ་བར་བསྒྲུབ་པར་བྱ་བ་ཡིན་ནམ། ཅི་ལྟར་ན་བཟློག་སྟེ་བརྗོད་ཅེ་ན། གལ་ཏེ་གཞན་ཡང་འདིའི་ཡང་འདི…

བའི་ཁྱད་པར་རྟོགས་པ་ལ། གལ་ཏེ་རང་རིག་པར་དེའི་རང་བཞིན་གྱིས་མྱོང་བ་ཉམས་སུ་མ་མྱོང་ན་དེའི་ཚེ་ཁྱད་པར་རྟོགས་པར་མི་འགྱུར་རོ། །དངོས་པོ་མེད་པར་རིགས་པས་རྟོགས་སོ་ཞེ་ན། དབྱེ་བ་མེད་པར་མྱོང་བ་ལ་དངོས་པོ་ཆོད་པ་རིག་པར་ནུས་པ་ཡོན་པ་མ་ཡིན་ཏེ། ཚད་མས་བཟུང་བ་གཞན་དུ་བྱ་བར་མི་ནུས་པའི་ཕྱིར་རོ། །འདི་ནི་བསྟན་ཟིན་པས་མི་བརྗོད་དེ། …

མེད་པར་མི་འཇུག་གོ །འགལ་ཟླ་དྲན་པ་ཡང་མངོན་སུམ་གྱིས་ཐ་དད་པར་བཟུང་བ་ལས་འགྱུར་བ་ཡིན་པའི་ཕྱིར་དངོས་པོ་མེད་པར་དོན་མེད་པར་འགྱུར་ཏེ། དེ་ལྟར་ཡང་སྔོན་བཞིན་དུ་མངོན་སུམ་ཉིད་ཀྱིས་ཐ་དད་པར་འཛིན་པའི་ཕྱིར་རོ། །འོན་ཏེ་དེར་ཡང་དངོས་པོ་མེད་པར་ཐ་དད་པ་མ་ཡིན་པས་ན་དངོས་པོ་མེད་པ་དོན་མེད་པ་ཉིད་མ་ཡིན་ནོ་ཞེ་ན། དེ་ལྟ་ཡིན་ན་དེའི་ཚ…