ཡང་མ་ཡིན་ཕྱི་རོལ་ཡང་མ་ཡིན་ཞེས་བྱ་བ་ཤེས་པ་ལས་སམ་ཤེས་བྱ་ལས་ཀྱང་གཞན་དུ་བརྟགས་པ་ཕྱི་རོལ་གྱི་འདྲ་བ་ཉིད་ལས་ཕྱི་རོལ་དུ་སྒྲོ་བཏགས་པ་དང་གཟུང་བའི་རྣམ་པ་ཡང་དེ་ལས་གཞན་མ་ཡིན་ཏེ། མ་ངེས་པའི་ཕྱིར་རྟོག་པ་མ་ཡིན་ནོ། །ཕྱི་རོལ་གྱི་རྣམ་པ་ལས་རང་རིག་པ་ནི་ཕྱི་རོལ་གྱི་རང་གི་མཚན་ཉིད་ཉིད་དུ་ཞེན་པ་ཡིན་གྱི་འདི་ཉིད་ཕྱི་རོལ་མ་ཡིན་…

བརྗོད་ན་གཉིས་ལ་སོགས་པ་མེད་པར་བསྟན་པ་ནི། དེ་ལྟ་མིན་ན་ཞེས་བྱ་བའོ། །བདག་ཐ་དད་མེད་ཕྱིར་ཞེས་བྱ་བ་ནི་དབྱེ་བ་མེད་པའི་ཕྱིར་རོ། །ཆོས་དང་ཆོས་ཅན་དག་ལ་དབྱེ་བ་ཡོད་ན་སྲིད་པ་དང་འཁྲུལ་པ་དག་གིས་རྣམ་པར་བཅད་པར་བྱ་བ་དང་རྣམ་པར་གཅོད་པར་བྱེད་པའི་ངོ་བོས་འབྲལ་པ་ཡིན་ནོ་སྙམ་དུ་སེམས་པ་ལ། ཐ་དད་ཡིན་ན་གཞན་དང་གཞན། །དགག་པ་དང་ནི་སྒྲ…

བྱ་བའོ། །སྔོན་པོ་ཙམ་མཐོང་བའི་རྗེས་སུ་འབྲེང་བའི་ངེས་པ་ནི་སྐད་ཅིག་མ་ཉིད་མ་གཏོགས་པར་ངེས་པ་ཉིད་ནི་ཚད་མའི་བྱེད་པ་ཡིན་ལ། དེས་ན་མཐོང་བ་ཡང་ངེས་པ་དང་ཚུལ་མཚུངས་པ་ཡིན་པའི་ཕྱིར་མཐོང་བ་དང་ལྷན་ཅིག་པའི་ངེས་པ་ནི་སྐད་ཅིག་མ་ཉིད་དང་འགལ་བ་ཅན་མ་ཡིན་གྱི་མཐོང་བ་ཡང་བདག་ཉིད་ཐམས་ཅད་འཛིན་པ་མ་ཡིན་ཏེ་དགོས་པ་ཅན་ལ་ངེས་པ་གཙོ་བོ་ཡི…

པར་མི་ནུས་པ་ནི་བདེན་མོད་ཀྱི་དེ་ལ་བུམ་པ་དང་སྣམ་བུ་བཞིན་དུ་གཞི་མཐུན་པ་མ་ཡིན་ནོ་ཞེས་ཟེར་བ་ནི་འོན་ཏེ་སྔོན་པོ་ལ་སོགས་པ་ཞེས་བྱའོ། །སྒྲའི་ཐ་སྙད་གཞི་མཐུན་པ་ཡིན་ནོ་ཞེས་ཟེར་བ་ནི། སྔོན་པོ་ལ་སོགས་པ་དེ་དག་ནི་ཞེས་བྱ་བ་སྟེ་ཡོན་ཏན་རྣམས་སོ། །སྒྲ་གཞན་སྦྱར་རོ་ཞེས་བྱ་བ་ནི་སྒྲ་དུ་མ་སྦྱོར་བའོ། །སྒྲ་ནི་དངོས་པོའི་ཡུལ་མངོན་…

བའི་གནོད་བྱེད་མ་ཡིན་པའོ། །སྒྲ་ནི་འབྲེལ་པ་མེད་པའི་ཕྱིར་གནོད་བྱེད་མ་ཡིན་དུ་ཟིན་ཀྱང་རྗེས་སུ་དཔག་པ་ནི་དེ་ལྟ་མ་ཡིན་ནོ་ཞེས་ཟེར་བ་ནི། འོན་ཏེ་རྗེས་སུ་དཔག་པ་ཞེས་བྱ་བའོ། །རྗེས་སུ་དཔག་པ་ལ་ཡང་ཞེས་བྱ་བ་ལ་ཐེ་ཚོམ་ཟ་བ་ཉིད་ཡིན་པར་བསྟན་པ་ནི་མ་ཡིན་ཏེ། དེ་ལ་ཡང་མངོན་སུམ་གྱིས་གནོད་པའི་ཕྱིར་ཏེ་གནོད་པར་བྱེད་པ་ཉིད་དུ་མཐོང་བ…

བ་ཡིན་གྱི་གཞན་ནི་མ་ཡིན་ཏེ། མངོན་སུམ་གྱིས་མ་རྟོགས་པའི་ཕྱིར་རོ་ཞེས་བསྟན་པ་ནི། ཡང་ན་ཐོག་མེད་ཅེས་བྱ་བའོ། །རྣམ་པར་རྟོག་པ་ནི་ཐེ་ཚོམ་ཟ་བའོ། །རྟགས་ཀྱང་ཞེས་བྱ་བ་ནི་ཁྱད་པར་གཅིག་གིས་ངེས་ན་མངོན་སུམ་བཞིན་དུ་བདག་ཉིད་ཐམས་ཅད་ཀྱིས་སོ། །འོན་ཏེ་ཞེས་བྱ་བ་ནི་ཁྱད་པར་གཅིག་ཏུ་རྣམ་པར་བཅད་པ་ཙམ་ཡིན་གྱི་ཁྱད་པར་གཞན་གྱི་ཁྱད་པར་ད…

དོན་དང་ལྡན་པ་ཉིད་ཀྱི་བརྗོད་བྱའོ། །ཁྱད་པར་གཞན་གྱིས་ཅི་བྱ་སྟེ། །ཞེས་བྱ་བ་ནི་དེའི་དོན་ཏེ་ཉིད་ཀྱིས་བརྗོད་པའི་ཕྱིར་རོ། །མི་མཚོན་པའི་མཚོན་པ་ལས་ནི་མཚོན་པ་ཉིད་མེད་ཀྱང་ཁྱད་པར་དང་ལྡན་པ་ཡིན་ནོ་ཞེས་ཟེར་བ་ནི་འོན་ཏེ་ཁྱད་པར་ཞེས་བྱ་བའོ། །ནམ་ཡང་ཞེས་བྱ་བ་ནི་ཐག་རིང་བ་དང་ཉེ་བ་ལ་ཡང་མི་འཛིན་པའི་ཕྱིར་རོ། །རྫས་ལ་བརྟེན་པའི་…

གང་ཡིན་པ་དེ་ལ་མ་བརྟགས་པ་རང་རྟེན་པ་ནི་ཐ་སྙད་པ་རྣམས་སོ། །མི་བདེན་པའི་དོན་ནི་རྟོག་པའི་ཡུལ་ལ་བློས་ཇི་ལྟར་བརྟགས་པ་དེ་བཞིན་དུ་དེ་ལྟ་བུར་ཆོས་ཅན་ལ་གནོད་མི་འགྱུར་ཞེས་བྱ་བར་སྦྱར་རོ། །རྣམ་པར་རྟོག་པ་ལས་བྱུང་བ་རྣམས་ལ་གནོད་པ་ཁོ་ན་ཡིན་ཏེ། ཚད་མ་མི་བཟོད་པའི་ཕྱིར་རོ། །བློ་དེ་ཡང་ཚད་མ་མ་ཡིན་ཏེ། མི་བདེན་པའི་ཡུལ་ཅན་ཡིན་པ…

དད་པས་དེ་ལས་ལྡོག་པ་རྣམས་གཞི་མཐུན་པ་ཉིད་ཡིན་ན་ཕན་ཚུན་ཐ་མི་དད་པའི་ཕྱིར་རྣམ་གྲངས་པར་འགྱུར་ཞེས་ཟེར་བ་ནི། གལ་ཏེ་ལྡོག་པ་རྣམས་ཞེས་བྱ་བའོ། །ཐ་དད་པའི་ཕྱིར་རྣམ་གྲངས་མ་ཡིན་ཏེ་ཀུན་རྫོབ་ཏུ་ནི་རྣམ་རྟོག་ལའོ། །སྒྲ་དོན་ཞེས་བྱ་བ་ནི་རྣམ་རྟོག་གི་གོ་ཆའོ།། ཐ་དད་ཐ་དད་མེད་པ་དག་ནི་རྣམ་གྲངས་མ་ཡིན་པ་དང་ཅིག་ཤོས་དག་གི་རྒྱུ་མཚན་…

པ་ཉིད་དུ་མི་ཤེས་པ་སྟེ་མི་སླུ་བ་ལ་དགའ་བས་དེ་ཉིད་དམ་ཅིག་ཤོས་ལ་ལྟོས་པ་མ་ཡིན་ནོ་ཞེས་བྱ་བའི་དོན་ཏོ། །ལྡོག་པ་རྣམས་ཐ་དད་པའི་ཕྱིར་རྣམ་གྲངས་མ་ཡིན་པ་ཉིད་དང་ཉམས་སུ་མྱོང་བ་དང་འབྲེལ་པའི་ཕྱིར་དོན་གྱི་ཡུལ་ཅན་ཡིན་ཏེ་གནོད་པ་མེད་པའི་ཕྱིར་ཐ་སྙད་ཀྱི་རྒྱུ་ཉིད་དང་དེའི་རྒྱུ་མཚན་ཡང་བསྟན་པ་ཡིན་ནོ། །དེ་འབྲས་མེད་པ་ཡང་དེ་བཞིན་…

འགྱུར་ཞེས་བྱ་བ་ནི་མེད་པ་ཉིད་ཀྱིས་སོ། །མཐུན་པའི་ཕྱོགས་མེད་པས་དེ་ལས་གཏན་ཚིགས་མེད་པར་ངེས་པ་ན་མཉན་པར་བྱ་བ་ཉིད་དང་མཚུངས་པར་བསྟན་པ་ཡིན་གྱི་མ་ངེས་པ་ཡིན་ན་ཐེ་ཚོམ་ཟ་བ་ནི་མཐུན་པའི་ཕྱོགས་མ་ཡིན་པ་ལ་འགྱུར་ཏེ། ངོ་བོ་ལས་ཐེ་ཚོམ་ཟ་བའི་ཕྱིར་རོ་ཞེས་བསྟན་པ་ནི། མེད་ལས་ལྡོག་པ་མེད་ན་ཡང༌། །ཞེས་བྱ་བའོ། །གལ་ཏེ་སངས་རྒྱས་པས་ཁས…

ལ་སོགས་པ་ཡོད་པ་ལ་འགལ་བ་ཅི་ཞིག་ཡོད་ཅེས་བསྟན་པ་ནི་དངོས་པོ་ལ་བདག་མེད་པའི་སྲོག་ལ་སོགས་པ་ལ་ཡང་ཐེ་ཚོམ་གང་ལས་ལྡོག་པར་འགྱུར་ཞེས་བྱ་བའོ། །ཅི་ལས་ཤེ་ན། འགལ་པ་མ་མཐོང་ན་ཞེས་བྱ་བ་སྟེ། འགལ་བའི་འབྲས་བུ་མ་མཐོང་ནའོ། །འགལ་བ་ནི་འགལ་བའི་འབྲས་བུའོ། །འགལ་བ་ཁྱབ་པ་ཉིད་ཁོ་ན་སྲོག་ལ་སོགས་པ་དང་འགལ་བ་ཡིན་གྱི་གཞན་མ་ཡིན་པར་བསྟན་པ་…

ཇི་ལྟར་མཐུན་པའི་ཕྱོགས་ལ་ཡོད་པ་མེད་པ་བཞིན་དུ་སྲོག་ལ་སོགས་པ་ལ་ཡང་ཡིན་པར་བསྟན་པ་ནི་ཇི་ལྟར་མཐུན་པའི་ཕྱོགས་ཞེས་བྱ་བའོ། །གལ་ཏེ་མེད་ན་བདག་མེད་པ་ལྡོག་པ་ཡིན་ཡང་བདག་མེད་པ་ཉིད་ལྡོག་པ་མ་ཡིན་ནོ་ཞེས་བྱ་བའི་ཉེ་བར་བསྡུ་བ་ནི། དེ་ལྟ་ཡིན་ན་གསོན་པོའི་ལུས་ལ་ཞེས་བྱ་བའོ། །དེ་ཞེས་བྱ་བ་ནི་གསོན་པོའི་ལུས་སོ། །གཞན་ཡོད་པ་ཡིས་ཞེ…

དེ་ཙམ་མཐོང་ནས་འདི་ནི་འབྲས་བུ་ཡིན་པ་དང་གཞན་ཞེས་བྱ་བ་ཡང་ངེས་པའི་ཕྱིར་འདི་ལ་སྒྲུབ་བྱེད་ཡིན་ནོ་ཞེས་ཉེས་པར་བཏགས་པ་མཐོང་བ་ལ་ཡང་ངོ་ཞེས་བྱ་བའོ། །མེད་ན་མི་འབྱུང་བ་ཉིད་དུ་ངེས་པ་འགྲུབ་པ་མ་ཡིན་ཏེ་སྒྲུབ་བྱེད་མེད་ན་སྟེ་རྗེས་སུ་འགྲོ་བ་དག་མེད་ནའོ། །སྒྲུབ་པར་བྱེད་པ་ནི་རྟགས་རྒྱུ་མཚན་ཏེ་སྒྲུབ་བྱེད་གཞན་གྱིའམ་ཚད་མའི་དེ་…

ན་གཞན་ལ་ཡང་ཡོད་པ་སྲིད་ན་དེ་ཁོ་ནས་ནུས་པ་ཅན་རྟག་པ་ཁྱབ་བྱེད་ཡོད་ན་འབྱུང་བ་ཁོ་ན་ཡིན་ནོ་ཞེས་བྱ་བར་འགྱུར་ཏེ། ངོ་བོ་ལ་ཁྱད་པར་མེད་པའི་ཕྱིར་རོ། །འདི་ལྟ་བུའི་ནི་བདག་ཁྱབ་བྱེད་ཉིད་ལས་མ་ཡིན་ཏེ། འབྲས་བུ་ཅིག་ཅར་བ་མ་ཡིན་པའི་ཕྱིར་དང་སྲོག་ལ་སོགས་པ་དེ་རྣམས་མེད་པ་མི་སྲིད་པར་འགྱུར་བའི་ཕྱིར་རོ། །གང་གི་ཚེ་ཞེ་ན་རྟག་དུ་ཡོད་…

ཡིན་པ་དེ་དང་འབྲེལ་པའི་ཕྱིར་འདུ་བའི་འབྲེལ་པ་ཇི་ལྟར་ཡིན་པ་བསམ་པར་བྱ་བ་ཡིན་ནོ། །དེ་བསམ་པ་ནི་སྲོག་སོགས་འབྲེལ་པ་ཞེས་བྱ་བའོ། །ངེས་པ་ཞེས་བྱ་བ་ནི་དུས་དང་ཡུལ་ལ་སོགས་པའིའོ། །འབྲེལ་པ་ཅན་མ་ཡིན་པ་ལས་གྲུབ་པ་ངེས་པ་ཅན་གྱི་མ་ཡིན་པར་བསྟན་པ་ནི་ཇི་ལྟར་བདག་ཀྱང་ཞེས་བྱ་བའོ། །འོན་ཏེ་སྲོག་ལ་སོགས་པ་སྐུལ་བར་བྱེད་པ་བསྐུལ་བར་བྱ…

མེད་པ་ཁོ་ནའོ། །ཡོད་ན་ཡང་སྣ་ཚོགས་པ་ཉིད་གཅིག་ཉིད་གཅིག་ཉིད་དང་འགལ་བ་ཡིན་ཏེ། མེ་དང་མེ་མ་ཡིན་པ་ལྟ་བུའོ་ཞེས་བསྟན་པ་ནི་གཅིག་ནི་རང་བཞིན་དུ་མན། །ཞེས་བྱ་བའོ། །མེ་མ་ཡིན་པའི་གྲོག་མཁར་ལ་སོགས་མེའི་ངོ་བོ་ཉིད་ཀྱིས་དུ་བ་སྐྱེད་པ་ཡིན་སྙམ་དུ་སེམས་པ་ལ། དེ་ལྟ་ཉིད་མ་ཡིན་ན་དུ་བ་མེ་མ་ཡིན་པ་ལས་བྱུང་བ་མ་ཡིན་ནོ་ཞེས་བྱ་བ་ནི་འགྲ…

པའོ། །དུ་མ་ལས་ཞེས་བྱ་བ་ནི་ཐ་མི་དད་པ་ལས་སོ། །ཆུས་ཞེས་བྱ་བ་ནི་འབྲས་ལ་སོགས་པ་ཚོས་པ་ནི་འོ་མ་ལས་ཀྱང་འགྱུར་རོ་ཞེས་བྱ་བའི་དོན་ཏོ། །དུ་མ་ནི་མ་ཡིན་ཏེ་འོ་མ་དང་ཆུ་དག་གི་འཇུག་པའི་ནུས་པ་ཐ་མི་དད་པར་བསྟན་པ་ནི་གཤེར་ནུས་ཞེས་བྱ་བའོ། །ཐ་དད་པ་ལས་ནི་ཚོས་པ་མ་ཡིན་ཏེ་འོ་ན་ཅི་ཞེ་ན། མེ་མ་ཡིན་པ་ལས་ལོག་པ་ལས་དུ་བ་བཞིན་དུ་ཞུ་བ་མ…

བྱ་བ་ནི་ཆུ་དང་འོ་མ་ཉིད་ཀྱིས་སོ། །ཐ་དད་ཀྱང་ཞེས་བྱ་བ་ནི་རྩྭ་དང་ལོ་མ་ལ་སོགས་པ་ལས་བྱུང་བ་ཉིད་ཀྱིས་སོ། །མེ་ནི་མ་ཡིན་པ་ལས་ལོག་པས་སྐྱེད་པར་བྱེད་པའི་མེའི་ཤེས་པ་ཐ་དད་པ་གང་ཡིན་སྙམ་དུ་སེམས་པ་ལ་དུ་བས་བུད་ཤིང་གི་འགྱུར་བ་དང༌། ལུས་དྲོ་བ་ཡང་སྟེ་དེ་རྣམས་བྱེད་པའོ། །ཡང་ན་དེ་རྣམས་ཀྱི་ཡན་ལག་སྟེ་དེ་བྱེད་པ་ནི་ཁྱད་པར་རྣམས་…

ལས་ཞེས་བྱ་བ་སྟེ། ལྡོག་པ་ཅན་ཞེས་བྱ་བའི་དོན་ཏོ། །འདིའི་ལྡོག་པ་པ་ན་མ་ཡིན་ཉིད་འཐད་པ་དང་བཅས་པར་བསྟན་པ་ནི་རྟག་པ་དང་མི་རྟག་པ་ཞེས་བྱ་བའོ། །ལྡོག་པ་ལ་ནི་རང་ཉིད་ཀྱིས་མེད་པའི་ཕྱིར་ཐེ་ཚོམ་ཟ་བ་ལ་གཏན་ཚིགས་ཡིན་ཏེ། ཐེ་ཚོམ་ཟ་བ་ལ་སྒྲུབ་པར་བྱེད་པ་མ་ཡིན་ཏེ་མ་ངེས་པའི་ཕྱིར་རོ་ཞེས་བསྟན་པ་ནི། སྒྲ་རྟག་མི་རྟག་ཐེ་ཚོམ་ནི། །ཞེས་…