ཡིན་པའི་ཕྱིར་ན། ཤེས་ཀྱིས་ཀྱང་ཤེས་བྱ་བཟློག་ཏུ་མེད་ཅེས་དགོངས་པའོ། །དོགས་པ་ནི་གལ་ཏེ་ཁོང་ནང་ཆུད་ཕྱིར་ན། མ་ཤེས་པ་མ་ཡིན་ནོ་སྙམ་ན། ལན་དུ་ན་རེག་ན་ཞེས་བྱ་བའོ། །འདི་ཉིད་འཆད་པ་ནི། གང་ཞིག་ཅེས་བྱ་བའོ། །ཁོང་པ་ལ་སོགས་པར་ལག་པ་ལ་སོགས་པ་བཅུག་པ་ལས་དེའི་ཁོང་ན་གནས་པའི་སྡུག་བསྔལ་ལ་སོགས་རིག་པར་ཐལ་བར་འགྱུར་རོ། །དེ་ལྟ་ཡང་མ་…

དེས་ན་གཉི་ག་ཡང་བདེ་བ་ཉིད་དུ་མཚུངས་པར་འགྱུར་རོ་ཞེས་བྱ་བའི་དོན་ཏོ། །བདེ་བ་ཉིད་དུ་མཚུངས་བར་ཐལ་བ་སྤོང་བའི་དོགས་པ་བསུ་ནས་བཟློག་པ་ནི་གཞན་གྱིས་ཞེས་བྱ་བའོ། །ཅི་ལྟར་རྣམ་པ་ཐམས་ཅད་ཅེས་བྱ་བ་ནི། ཆ་ཤས་མེད་པས་ན་རྣམ་པ་གཞན་ཉིད་མེད་པའི་ཕྱིར་རོ། །དུ་མ་ཞས་བྱ་བ་ནི་ཆ་ཤས་དང་བཅས་པའོ། །དེ་ལྟ་ཡིན་ན་ཞེས་བྱ་བ་ནི་དུ་མ་ཡིན་ནའོ། …

ཕྲ་རབ་རྣམས་དང་འབྱར་བ་གཞན་གཉིས་ཀྱང༌། འབྱར་བས་རྣམ་པར་དབྱེ་བ་མ་རྟོགས་སོ་ཞེ་ན། འོ་ན་ཞེས་ལེན་འདེབས་སོ། །མ་རྟོགས་འབྱུང་བའི་རྡུལ་ཕྲ་རབ་དག་ལས་རྟོགས་བཞིན་པའི་སེམས་ཐ་དད་པར་འགྱུར་ཏེ། རྟོགས་པ་དང་མ་རྟོགས་པ་དག་ཐ་དད་པའི་ཕྱིར་རོ། །དེ་ལྟར་རྡུལ་ཕྲ་རབ་ཙམ་ཁས་ལེན་པའི་ཕྱོགས་ལ་དེ་དག་ལས་བདེ་བ་ལ་སོགས་པ་ཐ་དད་པ་ཡིན་ནོ་ཞེས་བསྟ…

བསུ་བའོ། །འདི་ནི་བསལ་ཟིན་པ་ཡིན་མོད་ཀྱི། སྐྱོན་ལྷག་པ་བརྗོད་དུ་ཡང་དོགས་པ་བསུ་བར་ཟད་དོ། །དེ་ཉིད་བརྗོད་པ་ནི་ཞེས་བྱ་བ་སྟེ། བདེ་བ་འབྱུང་བ་དེ་ནིའོ། །ཅི་རུང་གིས་རེག་པ་ལ་ཡང་དེ་ལྟར་འབྱུང་བར་འགྱུར་རོ་ཞེས་བྱ་བའི་དོན་ཏོ། །དེ་ཞེས་བྱ་བ་ནི་ཡིད་དུ་འོང་བའོ། །རྒྱུ་ཞེས་བྱ་བ་ནི་སྐབས་ཀྱིས་བདེ་བ་འབྱུང་བའོ། །ཡིད་འོང་འདི་གང…

གང་ཡིན་པ་དེ་ཡང་གཞན་གྱིས་མི་རྟོགས་པ་མ་ཡིན་ནོ། །མི་རྟོགས་པ་དེས་ན་གཟུགས་སུ་སྣང་བ་དེ་ནི་རང་རིག་པ་ཉིད་དོ། །འོ་ན་ཏེ་གཞན་གྱི་ལུས་ཀྱི་ནང་དུ་ཆུད་པས་ཞེས་བྱ་བ་ནི་གཟུགས་སུ་སྣང་བ་གཞན་གྱི་ལུས་དང་ཐ་མི་དད་པའོ། །གཞན་གྱི་ལུས་ཀྱང་ཞེས་བྱ་བ་ནི་ལན་ནོ། །དེ་ཅི་ལྟར་གཞན་དུ་དེའི་བདག་ཉིད་དེ་དགག་པ་ལ་སྣང་བ་མི་དམིགས་པ་མེད་པར་ཐལ་བ…

ཡིན་ཡང་ངོ༌། །དེ་ནི་ཤེས་པའིའོ། །དེས་ན་ནི་ལས་རྒྱུ་ཡིན་པས་ནའོ། །དེས་ན་ཞེས་བྱ་བ་ནི་བག་ཆགས་དང་འབྲེལ་པ་མ་ཡིན་པས་སོ། །དེས་ན་ཞེས་བྱ་བ་ནི་འཇིག་རྟེན་འདི་བའི་ཁུ་བ་ལ་སོགས་པ་རྒྱུ་ཡིན་པས་སོ། །དེས་ན་ཞེས་བྱ་བ་ནི་འཇིག་རྟེན་ཕ་རོལ་མེད་པས་སོ། །གལ་ཏེ་ཡིད་ལུས་ཀྱི་འབྲས་བུའམ། ལུས་ཀྱི་བདག་ཉིད་ཡིན་ན། དེའི་ཆེ་ལུས་རྣམ་པར་མ་གྱུ…

ལ་ཞེས་བྱ་བའོ། །གང་གི་ཚེ་ཤེས་པ་གང་ལ་བག་ཆགས་སད་པ་ཉིད་ཀྱི་རྒྱུ་ཡོད་པའི་ཤེས་པ་དེ་ནི་འགའ་ཞིག་ཏུ་འགྱུར་བ་ཡིན་པ་དེའི་ཚེ་སྟེ། གང་དང་དེ་ནི་རྟག་ཏུ་འབྲེལ་པའི་ཕྱིར་རོ། །དེའི་ཚེ་ནི་རྒྱུ་དེས་ན་འགའ་ཞིག་ལ་འགའ་ཞིག་གི་ཚེ་འགའ་ཞིག་ལྟར་འགྱུར་བ་ཡིན་ཏེ། རང་བཞིན་དུ་ནི་མ་ཡིན་ནོ་ཞེས་འབྲེལ་ཏོ། །ཡང་ན་གང་གི་ཚེ་ཤེས་པ་འབའ་ཞིག་སྐྱ…

ནི་རིགས་པ་ཡང་མ་ཡིན་ནོ་ཞེས་བརྗོད་པ་ནི་རྒྱུ་ནི་རྣམ་བརྒྱར་ཞེས་བྱ་བའོ། །རྣམ་པར་ཤེས་པའི་ངོ་བོ་གང་ཞིག་རྣམ་པར་འགྱུར་བའི་ངོ་བོ་ཐ་དད་པ་དེ་ནི་སྔར་ནུས་པའི་གནས་སྐབས་ཀྱི་ཤེས་པ་ལ་མེད་དོ། །དེས་ན་བལྟར་རུང་བའི་ཉེ་བར་ལེན་པ་ནི་བལྟར་རུང་བ་ཉིད་དུ་རྟོགས་པར་འགྱུར་གྱི་གཞན་གྱི་མ་ཡིན་ནོ་ཞེས་བྱ་བའི་དོན་ཏོ། །རྣམ་བརྒྱར་རྣམ་ཕྱེ་…

འགྱུར་ནི་མི་ནུས་སོ། །ངེས་བར་དེའི་འདུ་བྱེད་ཀྱི་རྗེས་སུ་འཇུག་པར་དམིགས་པ་ཡང་མེད་དོ། །དེས་ན་གང་གིས་འཇིག་རྟེན་ཕ་རོལ་མེད་པར་འགྱུར་བ་མ་ལ་སོགས་པའི་ཤེས་པ་ནི་ཉེ་བར་ལེན་པའི་རྒྱུ་མ་ཡིན་ནོ། །འོན་ཏེ་ཞེས་བྱ་བ་ནི་མགོ་གསིག་པའོ། །ཕ་མའི་འདུ་བྱེད་དང་མི་མཐུན་པ་དེ་ནི་མེས་པོ་ལ་སོགས་པའི་ཡིན་ན། ཕ་ཡིན་ཞེས་བྱ་བ་ལས། ས་བོན་ལས་ས…

བྱ་བའོ། །གལ་ཏེ་འཇིག་རྟེན་གཞན་ན་ཡོད་པའི་ངེས་པར་བྱེད་པ་ཁས་མི་ལེན་ན། འབྱུང་བ་ལ་གནས་པ་ཡང་མེད་པ་ངེས་ན་ཅི་ལྟར་ངེས་པར་འབྱུང་ཞེས་བྱ་བ་རྣམ་པར་འགྲེལ་པ་ནི་གལ་ཏེ་འཇིག་རྟེན་ཕ་རོལ་ཞེས་བྱ་བའོ། །ཕ་རོལ་ཡོད་ན་ནི་སྐྱེ་བ་སྔ་མ་ཡོད་པའི་སྲིད་པ་ལ་སོགས་པ་ངེས་པར་བྱེད་པ་ཡིན་པའི་ཕྱིར་ངེས་པ་ཉིད་དུ་འགྱུར་རོ་ཞེས་བརྗོད་པ་ནི་གང་གི་…

ལྷ་མ་ཡིན་ཏེ། དེས་ན་དེ་ཙམ་གྱིས་སྐྱེད་པར་བྱེད་པ་ཁྱད་པར་གྱི་རིམ་པ་དང་ལྡན་པ་རྟོགས་པར་བྱེད་པ་ཡིན་ལ། དེ་ལྟར་རྟོགས་པ་དེ་ཡང་ལུས་ཀྱི་རྣམ་པ་ཅན་གྱི་འབྱུང་བ་དེ་དག་ལ། འདོད་ཆགས་ལ་སོགས་པ་དེ་འབྱུང་བ་ཡོད་པར་འགྱུར་རོ། །ཅིའི་ཕྱིར་སྙམ་ན་ཕུལ་བྱུང་འགྲིབ་ལྡན་པས་ཞེས་གསུངས་ཏེ། འཕེལ་འགྲིབ་ཡོད་པས་སོ། །གང་གི་ཚེ་འགྲིབ་པ་དང་ལྡན་…

ཐ་ཚིག་གོ །གལ་ཏེ་འདི་ནི་འབྱུང་བའི་བདག་ཉིད་ལས་མ་འདས་ཕྱིར་ཞེས་བྱ་བ་ལ་སོགས་པས་དོགས་པ་བསུ་ཟིན་པ་ཉིད་མ་ཡིན་ནམ་ཡིན་ཏེ། སྔར་ནི་འདོད་ཆགས་ལ་འགྲིབ་པའི་ན་རིམས་ཡོད་པའི་ཕྱིར་འགའ་ཞིག་འདོད་ཆགས་དང་བྲལ་བར་ཡང་འགྱུར་རོ་ཞེས་བྱ་བའི་ཐལ་བའི་ལན་དུ་འབྱུང་བའི་བདག་ལས་མ་འདས་ཕྱིར་ཞེས་བྱ་བས་དོགས་པ་བསུ་བ་ཡིན་ལ། ད་ལྟར་ནི་འདོད་ཆགས་ཀ…

ཞེས་བྱ་བ་ནི་གཏན་ཚིགས་མེད་པ་ལ་འབའ་ཞིག་ཏུ་ནི་མ་ཟད་ཀྱི་འབྱུང་བ་ཙམ་གྱིས་བསྐྱེད་པར་བྱ་བར་འདྲ་བའི་ཕྱིར་མི་ཉམས་པར་ཡང་འགྱུར་རོ། །འདི་ཉིད་ལ་དཔེ་བརྗོད་པའི་ཕྱིར་འདྲི་བ་ནི་ཅིའི་ཕྱིར་ཞེས་བྱ་བའོ། །ལན་དུ་མཚུངས་བདག་ཅེས་བྱ་བ་ལ་སོགས་པའོ། །མཚུངས་པའི་བདག་ཉིད་བ་ལང་ཉིད་དམ། བ་ལང་མ་ཡིན་པ་ལས་ལྡོག་པ་ལས་བྱུང་བའི་བ་ལང་གི་ཤེས་པ…

དེ་བཞིན་དུ་ཞེས་བྱ་བ་ནི་དྲོ་བ་བཞིན་དུའོ། །ཐམས་ཅད་དུ་སྲིད་པ་མེད་པ་ནི་མ་ཡིན་ནོ་ཞེས་བྱ་བའི་དོན་ཏོ། །ལུས་ལས་ཐ་དད་པའི་ཕྱིར་རོ་ཞེས་བྱ་བ་ནི་ལུས་ཡོད་ཀྱང་མེད་པའི་ཕྱིར་རོ། །དེ་ལྟར་མེ་ཡོད་ཀྱང་དྲོ་བ་མེད་པར་མི་འགྱུར་རོ་ཞེས་བརྗོད་པ་ནི་འདིར་ཞེས་བྱ་བ་སྟེ་དཔེ་ལའོ། །ཉིད་ཀྱི་སྒྲ་ནི་རིམ་པ་གཞན་ཡིན་ཏེ། དེ་ཉིད་མེར་མི་འགྱུར…

སྔགས་རྒྱུད་ལ་སོགས་ནུས་པའི་ཞེས་བརྗོད་པ། དྲོ་བ་དང་བྲལ་བའི་འབར་བ་དེ་གང་ཡིན་སྙམ་དུ་དོགས་པ་བསུ་ནས། འབར་བ་མདོག་དང་དབྱིབས་ཡིན་ཏེ་ཞེས་གསུངས་སོ། །མདོག་དང་དབྱིབས་ནི་འབར་བ་ཡིན་ན་མདོག་དང་དབྱིབས་དེ་ཅི་ལྟར་འགྱུར་སྙམ་ན། དེ་ནི་མེ་ཡོད་དང་འབྲལ་འགྱུར། །ཞེས་སྨོས་སོ། །ནི་ཞེས་བྱ་བ་ནི་གང་ཕྱིར་གྱི་དོན་ཏེ་དེའི་ཕྱིར་ན་དྲོ་བ་…

འགྱུར་བ་ཡིན་ཏེ། དེ་ལ་རག་མི་ལས་པའི་ཕྱིར་རོ་ཞེས་བྱ་བའི་དོན་ཏོ། །ཡོད་པའི་ཞེས་བྱ་བ་ཆོས་ཅན་གྱི་ཁྱད་པར་རྣམ་པར་དབྱེ་བ་གཞན་དུ་བསྒྱུར་ནས་ཡོན་ཏན་གྱི་ཁྱད་པར་དུ་ཡང་བསྟན་པ་ནི་གཉི་གར་ཡང་རྟོགས་པར་འགྱུར་རོ་སྙམ་དུ་བསམས་པ་ཡིན་ནོ། །ཅི་སྟེ་དཔེར་ན་དྲོ་བ་ཉིད་མེ་ཡིན་པ་དེ་བཞིན་དུ་དཀར་པོ་ལ་སོགས་པ་ཉིད་སྣམ་བུ་ཡིན་ནོ། །དེས་ན་ད…

མི་འཆད་པ་མ་ཡིན་ནོ། །ཅིའི་ཕྱིར་ཞེ་ན། འཆད་བ་སྲིད་པའི་ཕྱིར་རོ། །འཆད་པ་ནི་མངོན་སུམ་དུ་རྟོགས་པ་ཁོ་ནའོ་ཞེས་དགོངས་པའོ། །གལ་ཏེ་རེས་འགའ་འདོད་ཆགས་ཀྱི་ནུས་པ་ནི་མི་འཆད་པ་ལ་མ་ཡིན་སྙམ་དུ་དོགས་པ་བསུ་བ་ནི་ནུས་པ་ཞེས་བྱ་བའོ། །མ་ཡིན་ཏེ་ཞེས་བྱ་བ་ནི་འགོག་པའོ། །ག་ལས་ཤེ་ན་ནུས་པ་ཞེས་སྨོས་སོ། །ནུས་པ་ནི་འདོད་ཆགས་ལས་དོན་གཞན་ཉ…

བར་འགྱུར་ཞེས་བྱ་བའི་དོན་རྟོགས་པར་དགོངས་ནས། ལུས་དང་ལྷན་ཅིག་སྐྱེ་བར་ཐལ་བའི་ཕྱིར་རོ་ཞེས་བྱ་བ་སྐབས་ཀྱིས་སྐྱེ་བ་ནི་འབྱུང་བ་ཡིན་པས་དེར་ཐལ་བར་འགྱུར་རོ་ཞེས་འཆད་པར་འགྱུར་རོ། །དེ་མེད་ཀྱང་ཞེས་བྱ་བ་ནི་འདོད་ཆགས་ལ་སོགས་པ་མེད་ཀྱང་ངོ༌། །གཟུགས་རོ་ལ་སོགས་པ་མེད་པར་ནི་འབྱུང་བ་རྣམས་ཡོད་པ་མ་ཡིན་ནོ་ཞེས་བྱ་བར་ལྟའོ། །དེས་ན་…

བུད་མེད་དང་སྐྱེས་པ་ལ་སོགས་པ་རྣམ་པར་རྟོག་པས་ཡུལ་དུ་བྱས་པ་རྣམས་ལ་འབྱུང་གི །དམིགས་པ་ཙམ་ལ་ནི་མ་ཡིན་ཏེ། རྣམ་པར་རྟོག་པའི་བག་ཆགས་ལས་འབྱུང་བ་ནི་ཡུལ་གྱི་དབང་གིས་འབྱུང་བ་ཡང་མ་ཡིན་ནོ་ཞེས་ལན་འདེབས་པ་ནི་རྣམ་པར་རྟོག་པ་ཡུལ་ཡིན་ཕྱིར་ཞེས་བྱ་བའོ། །འོ་ན་བདག་དང་བདག་གིར་ལྟ་བའི་སྐྱེ་གནས་ཀྱི་བག་ཆགས་ཏེ་ལུས་དང་ལྷན་ཅིག་པ་ཡིན…

བརྗོད་པ་ནི་དེས་ན་ངེས་པར་ལུས་འདོད་ཆགས་ལ་སོགས་པ་རེ་རེ་དང་ཞེས་བྱ་བའོ། །གཉིས་པ་གསལ་བར་བྱེད་པ་ནི་ཡང་ན་ཞེས་བྱ་བའོ། །ཐམས་ཅད་ཀྱི་ཞེས་བྱ་བ་ནི་འདོད་ཆགས་ལ་སོགས་པ་རེས་འགའ་བར་འགྱུར་བ་ཡིན་ནོ་སྙམ་དུ་དོགས་པ་བསུ་བ་ནི་འོན་ཏེ་གང་གིས་ཞེས་བྱ་བའོ།། ཡོངས་སུ་གྱུར་པའི་ཁྱད་པར་གང་གིས་སོ། །གལ་ཏེ་ཡོངས་སུ་གྱུར་པའི་ཁྱད་པར་ཡང་ལུས་…