ཤེས་པ་ཞེས་རིགས་ངོ་ཤེས་པ་ནི་འདིར་ཉེ་བར་མཁོ་བ་མ་ཡིན་ནོ། །རིགས་ནི་གཞན་གྱིས་འདོགས་པའམ་བཏགས་པ་ཡིན་ཡང་རུང་སྟེ། གཉི་ག་ལྟར་ཡང་ཤེས་པ་གཅིག་ནི་གསལ་བ་རང་བཞིན་མ་ཡིན་ནོ། །དེས་ན་བུམ་པ་བཞིན་འཁྲུལ་པ་ཇི་ལྟར་འགྱུར། དེས་ན་གསལ་བ་ངོ་ཤེས་པའི་ཕྱོགས་ལ་ལན་གང་ཞིག་ཡིན་སྙམ་ན། དེར་ཡང་ཀ་བས་སྐྱེད་པས་བུམ་པ་ཉིད་གཞན་དུ་མཐོང་བ་མི་འགལ་…

རྟོགས་པ་ཡིན་ནོ་ཞེས་བྱ་བ་ནི་པར་བྱེད་པ་མེད་པའོ། །དེ་ལྟ་མ་ཡིན་ན་ཧ་ཅང་ཐལ་བར་འགྱུར་བཞི་བཟློག་པ་ལ་གནོད་པར་བྱེད་པ་ཡིན་ནོ། །སྔ་མའི་ཤེས་པ་ལ་ནི་ཕྱི་མ་ལ་ཡང་སྔ་མ་ཉིད། སྣང་པ་མ་ཡིན་པའི་ཕྱིར་གཉི་ག་གྲུབ་པས་ན་མ་གྲུབ་པ་ནི་མ་ཡིན་ནོ། །དེའི་རང་བཞིན་ཉིད་ན་ནི་སྔོན་པོ་བཞིན་དུ་དེ་གཉི་ག་སྣང་བ་ན་སྐད་ཅིག་ཙམ་མཐོང་བས་གནས་སྐབས་མཐ…

དེ་ཉིད་ཀྱི་ཕྱིར་འདི་ནི་ཚད་མ་ཉིད་མ་ཡིན་ཞེས་གསུངས་སོ། །ཡང་ན་དྲན་པར་འདོད་པའི་ངོ་ཤེས་པ་འདི་ནི་འདི་ཡིན་ནོ་ཞེས་སྔ་མ་དང་ཕྱི་མ་དག་ལ་འཇུག་པ་ཡིན་ལ། དེས་ན་མངོན་སུམ་གྱིས་བསལ་བའི་ཡུལ་ཅན་ཡིན་པའི་ཕྱིར་འདི་ནི་ཚད་མ་ཉིད་མ་ཡིན་ཞེས་བྱ་བའི་དོན་ཏོ། །འདི་སྙམ་དུ་སྔ་མ་དང་ཕྱི་མའི་མངོན་སུམ་དག་གིས་སོ་སོར་སྔ་མ་ཕྱི་མ་ཉིད་མ་རྟོགས…

དེ་ལྟ་མ་ཡིན་ན་ནི་སྔ་མ་ཉིད་ཀྱང་མི་འགྱུར་རོ། །མེད་པ་ཉིད་མ་ཡིན་ནི་ན་རྣམ་པར་གཅད་པར་གྲུབ་པོ། །དེ་བཞིན་དུ་ཕྱི་མ་ཉིད་ལ་ཡང་བརྗོད་པར་བྱའོ། །འོན་ཏེ་རང་བཞིན་གཉི་ག་ཡང་རྟགས་ཉེ་བར་གནས་པ་ཉིད་ཡིན་ཞིང་མངོན་སུམ་གཉི་གས་མངོན་སུམ་དུ་བྱས་པ་ཉིད་ཡིན་ན་དེ་ལྟ་ན་ཡང་དྲན་པ་ཙམ་གྱིས་རང་བཞིན་ཅན་ངོ་ཤེས་པ་ཉེ་བར་དགོད་པས་ཅི་ཞིག་བྱ་ཞེས…

ནར་འགྱུར་རོ། །དེའི་ཚེ་ནི་ངོ་ཤེས་པའི་གཏམ་ཡང་ག་ལ་ཡོད། ངོ་མ་ཤེས་པ་ནི་རྣམ་པར་རྟོག་པ་ཡིན་ལ། རྣམ་པར་རྟོག་པ་ཡང་དོན་དུ་ལྷག་པར་ཞེན་པ་ཙམ་གྱིས་དངོས་སུ་མྱོང་བ་ནི་མ་ཡིན་ཏེ། དེས་དེའི་ཡུལ་བཀག་ཀྱང་དངོས་པོའི་རང་བཞིན་ཉམས་པ་མེད་དོ། །དངོས་པོ་སྣང་བ་ལ་དངོས་པོ་ཉིད་དུ་རྣམ་པར་འཇོག་པའི་ཕྱིར་རོ། །གལ་ཏེ་རྣམ་པར་རྟོག་པ་ཡང་རྟགས་ཀ…

བླང་བར་བྱ་བ་ཡིན་ཏེ། དེ་ལྟ་མ་ཡིན་ན་ངོ་ཤེས་པའི་ཐ་སྙད་ཉམས་པར་ཐལ་བའི་ཕྱིར་རོ། །གལ་ཏེ་བསལ་བའི་རང་བཞིན་ཡང་ཡིན་ལ་རྣམ་པར་རྟོག་པ་ཡང་ཡིན་པར་ཇི་ལྟར་འགྱུར་ཞེ་ན། འདི་ཡང་འདི་ཉིད་ཀྱི་ཉེས་པ་གཞན་ཡིན་ནོ། །འོན་ཏེ་གནས་སྐབས་ཙམ་དུས་གསུམ་པ་ཉིད་ཡིན་པར་ངེས་ཀྱི། གནས་སྐབས་ནི་མ་ཡིན་ཏེ། དེས་ན་འཇུག་པ་དང་ལྡོག་པ་གནས་སྐབས་དང་འབྲེལ་…

སོ། །གཅིག་ཅེས་བྱ་བ་ནི་སྔར་དང་ཕྱིས་ཀྱི་དུས་དག་ཏུའོ། །ཤེས་པ་བཞིན་དུ་དུས་གཞན་མ་ཁྱབ་པ་མ་ཡིན་ནོ་ཞེས་བྱ་བའི་དོན་ཏོ། །དེས་ཀྱང་ཞེས་བྱ་བ་ནི་བདག་གིས་སོ། །རེ་ཞིག་གང་གི་ལྟར་ན་བདག་མེད་བེམས་པོ་ཡིན་པ་དེའི་ལྟར་ན་ནི། ཇི་ལྟར་བློ་དང་དུ་བ་ལས་རྟོགས་པ་ཡིན་པ་དེ་བཞིན་དུ། མངོན་སུམ་ལ་སོགས་པའི་ཡུལ་མ་ཡིན་པ་ལ་མ་རྟོགས་པ་ཡང་ཡིན་ན…

བྱ་བ་ནི་གཞན་གྱིའོ། །བདག་ནི་ཡིད་དང་སྦྱོར་བར་བྱེད་ལ་ཡིད་ལ་ཡིད་ཀྱང་དབང་པོ་ཞེས་བྱ་བ་ལ་སོགས་པར་དུས་ལ་ལྡོག་པ་ལ་ལྟོས་པ་དང་བཅས་པའི་དངོས་པོ་ཤེས་པ་ནི་བདག་རྟག་པ་མེད་པར་མི་འགྱུར་རོ་སྙམ་དུ་བསམས་པའོ་ཞེས་བྱ་བ་ནི་ཐེ་ཚོམ་དང་ཕྱིན་ཅི་ལོག་ཚོགས་སོ། །འདི་ནི་སྔར་བསྟན་པ་ད་ལྟར་བཤད་པ་ཡིན་ནོ། །མི་སླུ་བ་ལ་ལྟོས་ན་བདག་ལ་བརྟེན་པས…

ལ། རྒྱུར་མངོན་པར་འདོད་པའི་དངོས་པོ་སྔ་མ་ལ་ནི་མངོན་སུམ་སྔ་མ་ཚད་མ་ཡིན་ནོ། །གང་གི་ཚེ་སྔ་མ་དང་ཕྱི་མ་ཉིད་ལ་མངོན་སུམ་ཚད་མ་མ་ཡིན་པ་དེའི་ཚེ་ནི་རྗེས་སུ་དཔག་པ་གཞན་ཡང་ཡོད་པ་མ་ཡིན་ཏེ། དེ་ནི་ཁྱབ་པ་འཛིན་པ་ལ་ལྟོས་པའི་ཕྱིར་རོ། །འདི་ལ་ཡང་སྔར་རྗེས་སུ་དཔག་པ་གཞན་ཡོད་པ་མ་ཡིན་ནོ་ཞེས་རྟོགས་པར་བྱེད་ན་ཐུག་པ་མེད་པར་འགྱུར་རོ། …

ཡང་གང་གིས་བཟློག་པ་རྟོགས་པར་བྱ་བ་ཡང་འགྲུབ་པར་འགྱུར་བ་མིག་ལ་སོགས་པའི་བློ་དམིགས་པ་མེད་པ་གང་དུ་མཐོང་ཞེ་ན། །ཟླ་གཉིས་རྣམ་ཅན་ཞེས་བྱ་བའོ། །གང་གི་སྐྱེད་པས་འདི་དམིགས་པར་འགྱུར་བ་ཟླ་བ་གཉིས་ཞེས་བྱ་བའི་དངོས་པོ་འདི་འགའ་ཡང་ཡོད་པ་མ་ཡིན་ནོ། །རེ་ཞིག་ཟླ་བ་གཅིག་ནི་ཡོད་ཅེ་ན་དེས་ཅིར་འགྱུར། ཟླ་བ་གཉིས་ཀྱི་ཤེས་པ་འདི་ནི་དེ་ལ་…

དམིགས་པ་མེད་པར་འགྱུར་གྱི། འོན་ཀྱང་ཕྱི་རོལ་གྱི་དངོས་པོ་ནི་བཟུང་བ་ཉིད་ཀྱིས་དམིགས་པ་ཡིན་ནོ་ཞེས་བྱ་བར་བསམས་པའོ། །ལམ་གྱི་དོན་ནི་འདི་ཡིན་ཏེ། དེས་སྐྱེད་པ་ཉིད་འཕངས་པའི་བཟུང་བའི་དོན་སྣང་བ་ཙམ་མིན་ནམ། མདུན་དུ་གསལ་བར་སྣང་བ་ཡིན་ཏེ། གཉི་ག་ནི་འཁྲུལ་པ་ཁ་ཡང་ཡོད་པ་ཡིན་ནོ། །དོན་ཞེས་བྱ་བ་ལ་སོགས་པ་ལ་དོན་བྱ་བ་སྔོན་པོ་ལ་ས…

ཡོད་པར་བརྗོད་པ་ཡིན། དེ་ནི་རྣམ་པར་ཤེས་པ་ལ་ཡང་ཡོད་པས་ཁོ་བོ་ཅག་གི་རྙེད་པ་ཁོ་ན་ཡིན་ནོ། །དེས་ན་གལ་ཏེ་ཤེས་པ་ནི་བསལ་བ་ཉིད་ལས་ཡོད་པར་བསྙོན་དུ་མེད་པ་ཡིན་མོད་ཀྱི། །དེ་ལྟ་ན་ཡང་དོན་གྱིས་ནུས་པ་ཡང་ཡོད་པ་ཡིན་ཏེ་དེས་ཁྱབ་པར་ན་སྐད་ཅིག་མ་དང་སྡུག་བསྔལ་བ་ལ་སོགས་པར་གྲུབ་པས་ཡོན་ཏན་ཉིད་ཡིན་ནོ། །རྒྱུ་དང་འབྲས་བུའི་དངོས་པོ་གས…

ལ་ཡང་ཡིད་ཆེས་ན། གཞན་གྱི་མྱོང་བ་ལ་ཡང་སྟེ་ཤེས་པ་ལ་སྨོས་སུ་ཅི་ཡོད། གཟུགས་སྣང་བ་ལ་ཐེ་ཚོམ་མི་ཟ་སྟེ་གྲུབ་པའི་ཕྱིར་རོ། །གཞན་ནི་མ་དམིགས་པ་སྤངས་པའི་ཕྱིར་རོ། །འོན་ཏེ་གཟུགས་ཀྱི་ཕྱི་མཐོང་བ་ལས་རེག་པ་དང་ལྷན་ཅིག་རྒྱུ་བ་དང་མི་རྒྱུ་བ་ཐེ་ཚོམ་གྱི་ཡུལ་ཡིན་ཞེ་ན། དེ་ལྟ་ན་ཡང་ཁྱད་པར་རྣམ་པར་གཞག་པ་རེག་པ་ལས་ཡིན་གྱི་གཟུགས་དེ་ཉ…

ཞིག་ལ་རེག་པའི་འབྲས་བུའི་མཐར་ཐུག་པ་མེད་པ་དེ་བཞིན་དུ་རེག་པ་འགའ་ཞིག་ལ་ཡང་མཐོང་བ་ཡོད་པ་མ་ཡིན་པའི་ཕྱིར་མཚུངས་སོ། །དབང་པོའི་སྒོ་ནས་ཁྱད་པར་ཡོད་པ་ཡིན་ནོ་ཞེས་རྣམ་པར་འགྲེལ་པ་བཤད་པ་ནི་ཇི་ལྟར་མིག་གི་རྣམ་པར་ཤེས་པ་ཞེས་བྱ་བའོ། །གལ་ཏེ་མིག་ལ་རབ་རིབ་ལ་སོགས་པ་ཡོད་པ་ལྟར་རེག་པར་བྱེད་པ་ལ་ནི་མ་ཡིན་ཏེ། དེས་ན་མཚུངས་པ་ཇི་ལྟར…

འབྲེལ་པ་གང་གིས་འགྲུབ་ཅེས་བྱ་སྟེ། ཡོངས་སུ་ཚིམ་པའམ་རིགས་པ་ལས་ཡིན་ཞེས་བྱ་བར་བསམས་པའོ། །ཕྱོགས་དང་པོའི་དོགས་པ་བསུ་ནས་ཡོངས་སུ་ཚིམ་པ་དེའི་འབྲེལ་པ་གང་ཡོངས་སུ་ཚིམ་པ་གཞན་ལས་ཡིན་ནོ་ཞེས་ཐུག་པ་མེད་པ་ཉིད་གསལ་བར་བྱས་པ་ཡིན་ནོ། །ཕྱོགས་གཉིས་པ་ལ་ཡོངས་སུ་ཚིམ་པ་མེད་པར་མྱོང་བ་ཉིད་དོན་དང་འབྲེལ་པའི་གྲུབ་པར་བྱེད་པ་ཡིན་པའི་ཕ…

བ་དང་མ་འཁྲུལ་པ་དག་རིམ་གྱིས་འབྱུང་བའི་ངེས་པ་ཡང་མེད་པའི་ཕྱིར། ཕྱིས་རབ་རིབ་ཅན་དུ་གྱུར་པ་བཞིན་ནོ། །འདིས་ནི་གནོད་པར་བྱ་བ་དང༌། གནོད་པར་བྱེད་པའི་དངོས་པོ་སྐབས་སུ་བྱེད་པ་ཡང་གསལ་བ་ཡིན་ནོ། །རྒྱས་པར་ནི་ལེའུ་དང་པོར་བཤད་ཟིན་པའི་ཕྱིར་ན་རེ་ཞིག་གཞག་གོ ། དེས་རྣམ་པ་འདི་ལྟ་བུ་དག་ལ་ནི་ལྷག་པར་མོས་པ་ལ་བརྟེན། གཞན་མད་ཀྱང་དེ…

ཅི་སྟེ་ཡང་ཞེས་བྱ་བའོ། །དེ་ཉིད་རྒོལ་བའི་དོགས་པ་བསུ་བ་ནི་ཚད་མ་དང་ཞེས་བྱ་བའོ། །འཇིག་རྟེན་ཞེས་བྱ་བ་ནི་ལན་ནོ། །རྣམ་པར་དབྱེ་བ་འདི་ནི་ཅི་ལྟར་ཤེས་ཞེས་བྱ་བའི་རྒོལ་བའིའོ། །གང་ལས་འཇིག་རྟེན་པའི་དོན་གྱི་ཡུལ་ཅན་ནི་ཚད་མ་ཡིན་ལ། གཞན་ནི་ཚད་མ་མ་ཡིན་ནོ་ཞེས་ངེས་པར་འགྱུར་བ། ཐམས་ཅད་དམིགས་པ་དང་བཅས་པ་ཉིད་ལ་འདི་ནི་འཇིག་རྟེན་…

ཅིའི་ཕྱིར་ཞེ་ན། གང་ཕྱིར་ཐུན་མོང་བ་ལ་སོགས་པ་ལ་མངོན་སུམ་དང་རྗེས་སུ་དཔག་པ་ཡོད་པ་མ་ཡིན་པས་སོ། །འདི་ལ་ཡང་གཏན་ཚིགས་སུ་མངོན་སུམ་གྱིས་ཞེས་བྱ་བའོ། །རྗེས་སུ་དཔག་པ་མི་འཇུག་པའི་རྒྱུ་མཚན་ཡང་འདི་ཉིད་ཡིན་ནོ་ཞེས་གཞུང་ཕྱི་མ་འཆད་པ་ཡིན་ནོ། །རང་དང་གཞན་གྱིས་རིག་པར་བྱ་བ་མངོན་སུམ་གྱིས་མ་བཟུང་བར་བསྟན་ནས་རྗེས་སུ་དཔག་པས་ཀྱང་…

པ་ལས་གཞན་མ་ཡིན་ཏེ། འོན་ཀྱང་དེ་གཅིག་ཏུ་མངོན་པར་ཞེན་པ་དེ་ནི་རིག་པ་སྟེ། ཤེས་པ་ཁོ་ནའོ། །དེ་ནི་རབ་རིབ་ཅན་གྱིས་དམིགས་པའི་སྐྲ་ཤད་ལ་སོགས་པ་ལ་ཡང་ཡོད་པའི་ཕྱིར་དེ་ལས་ཀྱང་ཐུན་མོང་བ་ཉིད་ཀྱང་ཇི་ལྟར་འགྲུབ་སྙམ་ན་དགོངས་པའོ། །ཚིག་ལེའུར་བྱས་པ་འདི་ཉིད་བཤད་པའི་ཕྱིར་དོགས་པ་བསྡུ་བ་གལ་ཏེ་ག་ལ་ཞེས་བྱ་བའོ། །འདི་ནི་ཞེས་བྱ་བ་ནི…

དེ་ནི་དེའི་རང་བཞིན་དུ་རྣམ་པར་གཞག་པར་བྱ་བ་ཡིན་ཏེ། དཔེར་ན་སྔོན་པོ་ལ་སེར་པོའི་རང་བཞིན་བཞིན་ནོ། །སྣང་བ་ཡང་གཞན་གྱིས་དམིགས་པར་བྱ་བ་ཉིད་དུ་དམིགས་པ་མ་ཡིན་ནོ་ཞེས་བྱ་བ་ནི་དམིགས་པའོ། །མ་གྲུབ་པ་ནི་མ་ཡིན་ཏེ། ཆོས་ཅན་སྣང་བ་ལ་གཞན་གྱིས་དམིགས་པར་བྱ་བ་ཉིད་མ་དམིགས་པར་གྲུབ་པའི་ཕྱིར་རོ། །དེས་ན་མེད་པར་ངེས་པ་ཉིད་དུ་དོགས་པ་…