ཡང་རྟགས་ཉིད་ཐ་མི་དད་པའི་ཕྱིར་རོ། །འབྲས་བུའི་རྗེས་སུ་དཔག་པ་ནི་རྟགས་ཅན་གྱི་ཤེས་པ་ཡིན་ནོ་ཞེས་འཆད་དོ། །འདི་ལ་ཁ་ཅིག་ན་རེ་ཞེས་བྱ་བ་ནི་སློབ་དཔོན་ཆོས་མཆོག་ལ་སོགས་པ་ཡིན་ཏེ། དུ་བ་ལ་སོགས་པ་ཞེས་བྱ་བ་ནས་བརྩམས་ནས་གཙོ་བོ་ཉིད་དུ་ཡིན་ནོ་ཞེས་བྱ་བའི་བར་རོ། །རྟགས་ཅན་གྱི་ཤེས་པ་བཞིན་རྟགས་ཀྱི་ཤེས་པ་ཡང་རྟགས་ཅན་གྱི་ཡུལ་ཅན་ཡ…

བརྗོད་པ་ནི། དེ་ལྟ་ཡིན་ན་ཐུག་མེད་འགྱུར། །ཞེས་བྱ་བའོ། །ཇི་ལྟ་ཞེ་ན། དེ་ལའང་ཞེས་གསུངས་ཏེ། རྗེས་སུ་དཔག་པ་ལའོ། །འོན་ཏེ་རྟགས་ནི་ཞེས་བྱ་བ་ལ་སོགས་པས་ནི་ཅི་སྟེ་གོམས་པ་ལས་དེ་མེད་ན་མི་འབྱུང་བའི་རྟགས་ནི་དེ་མེད་ན་མི་འབྱུང་བ་ཉིད་དོ། །རྟོགས་པ་ཡིན་ནོ་ཞེས་བྱ་བའི་དོགས་པ་བསུ་ནས། མངོན་སུམ་དེ་ནི་རྟགས་སྣང་བ་ཁོ་ན་ཡིན་ཏེ། ད…

ཞེས་བསྙད་པའི་ཕྱིར་དུ་བ་ཉིད་དེ་དང་འབྲེལ་པ་ཡིན་ལ། དེ་བཟུང་བ་ཉིད་ཀྱང་དེ་དང་འབྲེལ་པར་བཟུང་བ་ཡིན་ནོ། །དེ་ཉིད་ག་ལས་རྟོགས་སྙམ་ན། དུ་བ་ཉིད་ཀྱང་ངོ་ཤེས་པ་ལས་སོ་ཞེས་བྱ་བའོ། །དེ་ཉིད་རྟགས་ཀྱི་ཤེས་པ་ཡིན་ནོ་ཞེས་ངོ་ཤེས་པ་ལ་ཡང་ཞེས་གསུངས་སོ། །གལ་ཏེ་རྗེས་སུ་དཔག་པ་འདི་ལ་ཡང་དེ་རང་བཞིན་གྱི་རྟགས་ཕྱོགས་ཀྱི་ཆོས་སུ་གྲུབ་པའི་…

ཤེ་ན་དམིགས་པའི་བདག་ཉིད་ཀྱིས་ཚད་གྲུབ་པ་སྟེ། ངེས་པར་སྨྲ་བ་རྣམས་ཀྱི་དོན་གྱིས་ཞེས་བྱ་བ་མེད་པ་རྟོགས་པའི་རྣམ་པ་གཞན་མེད་པའི་ཤུགས་ཀྱིས་སོ། །བཟློག་པ་ཉིད་ལས་ཞེས་བྱ་བ་ཉིད་འཛིན་པར་བྱེད་པའི་ཚད་མ་བཟློག་པ་ལས་སོ། །མི་དམིགས་པ་ཉིད་ལས་འགག་པ་འགྲུབ་པ་ཞེས་བྱ་བ་འདི་ག་ལས་ཤེ་ན། གང་དུ་དངོས་པོའི་ཞེས་བྱ་བའོ། །དངོས་པོ་དེ་དགག་པ་…

སོགས་པ་དེ་ཉིད་ཚད་མ་ཉིད་མེད་པ་སྟེ། མི་དམིགས་པ་སྟོན་པར་བྱེད་པ་ཡིན་ཏེ། དཔོག་པར་བྱེད་པ་ཡིན་ནོ། །འགལ་བ་དང་དམིགས་པ་ལ་སོགས་པའི་སྒོ་ནས་མི་དམིགས་པ་ཉིད་རྗེས་སུ་དཔོག་པ་ཡིན་ནོ་ཞེས་བྱ་བའི་དོན་ཏོ། །འབར་བའི་གཟུགས་མངོན་སུམ་དུ་མཐོང་བས་ནི་ཚོགས་པ་གཅིག་ལ་རག་ལས་པ་ཉིད་ཀྱིས་གྲང་བ་མི་དམིགས་པའི་རང་བཞིན་དྲོ་བའི་རེག་པ་གོ་བར་བ…

བྱ་བའོ། །སྔོན་ཞེས་བྱ་བ་ནི་འགལ་བ་འཛིན་པའི་དུས་སུའོ། །དེའི་རྗེས་སུ་འབྲང་བ་ཉིད་ཀྱིས་ཞེས་བྱ་བ་ནི་སྔོན་ཞུགས་པའི་མི་དམིགས་པའི་རྗེས་སུ་འབྲང་བ་ལས་སོ། །དེ་ཉིད་ཅེས་བྱ་བ་ནི་སྔོན་ཞུགས་པའི་མི་དམིགས་པའོ། །འབྲེལ་བ་འཛིན་པ་ཉིད་ལས་རྗེས་སུ་དཔག་པར་བྱ་བ་འགྲུབ་པས་ན་རྗེས་སུ་དཔག་པར་ཚད་མ་དུས་སུའོ། །དེའི་རྗེས་སུ་འབྲང་བ་ཉིད་ཀ…

སུམ་གྱིས་གྲུབ་པའི་མི་དམིགས་པར་བརྗོད་པ་ཡོད་དམ་ཞེ་ན། གང་འཆད་པར་འགྱུར་རོ་ཞེས་གསུངས་སོ། །གལ་ཏེ་དེ་ལྟ་ན་ཡང་རྗེས་སུ་དཔག་པས་གྲུབ་པ་ཡིན་ནོ་ཞེས་བྱ་བར་ཇི་ལྟར་འགྱུར་སྙམ་ན། འདིར་ཡང་ཞེས་གསུངས་སོ། །མངོན་སུམ་རང་ཉིད་ལས་ཞེས་བྱ་བ་ནི་ཉེ་བར་མཚོན་པ་ཡིན་ནོ་ཞེས་བྱ་བའི་དོན་ཏོ། །འོ་ན་རྒྱུ་འགལ་བ་དམིགས་པར་མི་དམིགས་པ་ལས་དངོས་པ…

ཅེས་ལན་འདེབས་པ་ནི་མེ་ཉིད་ཅེས་བྱ་བའོ། །འོན་ཏེ་ཡང་མེ་ཉིད་ནི་གྲང་བ་མེད་པ་མ་ཡིན་གྱི། འོན་ཀྱང་དེ་ལས་གཞན་ཡིན་ནོ་སྙམ་ན། དྲོ་བས་ཞེས་བྱ་བའོ། །མེ་གྲང་བ་མེད་པའི་རང་བཞིན་ཡིན་ན་ནི་རང་བཞིན་གྱི་གཏན་ཚིགས་ཉིད་དུ་འགྱུར་རོ་ཞེས་དོགས་པ་བསུ་བ་ནི་ཞེས་བྱ་བའོ། །མི་དམིགས་པ་ནི་ཞེས་བྱ་བ་ནི་ལན་ནོ། །ཇི་ལྟར་དམིགས་པ་ལས་མེད་པ་ཉིད་ཐ…

ངོ་བོ་ཉིད་དང༌། བསྒྲུབ་པར་བྱ་བས་གྱུར་པ་ཐ་སྙད་ཀྱི་ངོ་བོ་ཉིད་ཐ་དད་པ་མེད་པ་དེས་ན་ཁོངས་སུ་འདུས་པ་ཡིན་ནོ་ཞེས་བྱ་བའི་དོན་ཏོ། །དེ་ལ་ཡང་ཞེས་བྱ་བ་ན་འགལ་བའི་འབྲེལ་ལ་ཡང་ངོ༌། །ཇི་ལྟར་རྗེས་སུ་དཔག་པ་ཡིན་ཞེས་དོགས་པ་བསུ་བ་ན། དེས་ནི་འདི་ལྟར་ཡིན་ནོ་ཞེས་བརྗོད་པ་ནི་འདི་ལྟར་ཞེས་བྱ་བའོ། །སྔར་བཤད་ཚུལ་གྱིས་ཞེས་བྱ་བ་ནི་དྲོ་བ…

བཏགས་པས་ན། བལྟར་རུང་བ་ཡིན་པའི་སྐད་ཅིག་སྨྲ་བ་ཉིད་རང་འགལ་བ་ཁོ་ནའོ་ཞེས་དོགས་པའོ། །ཚིག་ནི་ཐམས་ཅད་རིག་པ་དང་འགལ་བ་མ་ཡིན་ཏེ། དེས་ན་དེ་བསྒྲུབ་པས་ནི་དེ་མེད་པ་མ་ཡིན་ནོ་ཞེས་བརྗོད་པ་ནི། སྨྲ་བ་ནི་ཞེས་བྱ་བའོ། །ཅིའི་ཕྱིར་ཞེ་ན། དབང་པོ་ལས་འདས་ཞེས་གསུངས་སོ། །འབྲས་བུས་རྒྱུ་མེད་པར་གོ་བར་བྱེད་པ་ཡང་མི་འཐད་དོ་ཞེས་བརྗོད་པ་…

པ་དེ་ཉིད་ཐམས་ཅད་རིགས་པ་མེད་པར་གྲུབ་པ་ལ་བརྗོད་པར་བྱ་བའི་དེའི་ཁྱད་པར་ཅན་གྱི་སྨྲ་བ་ཉིད་ཀྱིས་ཅི་ཞིག་བྱ། རེ་ཞིག་ཕྱེད་སྔ་མ་འཆད་པ་ནི་དཔེར་ན་ཞེས་བྱ་བའོ། །དེ་མེད་ཀྱང་ནི་རྨོངས་པ་ཉིད་མེད་ཀྱང་ངོ༌། །གང་གི་ཚེ་ཞེ་ན་མཁས་པའི་དུས་སུའོ། །དེ་བཞིན་དུ་གལ་ཏེ་ཞེས་བྱ་བ་ནི་གནས་སུ་ཡང་ཁྱད་པར་དུ་གྱུར་ན་ཞེས་འབྲེལ་ཏོ། །དེའི་ཚེ་ཅི…

པ་གཅིག་གིས་བརྗོད་པས་ནི་དོན་ཀུན་ཞེས་བྱ་བའོ། །བརྗོད་འཇུག་པར་གྱུར་ཏེ། གོམས་པའི་ཕྱིར་རོ་ཞེས་བྱ་བ་ནི་ཕྱོགས་དང་པོ་ལའོ། །སྔོན་གྱི་དུས་ན་ཡོད་པའི་བརྗོད་པར་འདོད་པ་གོམས་པ་ལས་བརྗོད་འཇུག་པ་ཞེས་བྱ་བ་ནི་ཕྱོགས་གཉིས་པ་ལའོ། །དེའི་ཕྱིར་ཐམས་ཅད་མཁྱེན་པ་དེ་ལ་རྣམ་པ་གཉིས་ཀ་ལྟར་ཡང་ཚིག་མེད་པར་ཇི་ལྟར་འགྱུར། །གལ་ཏེ་མཐོང་བའི་དུ…

སོ། །འགལ་བའི་རང་བཞིན་མ་རྟོགས་པ་ནི་གལ་ཏེ་ཞེས་བྱ་བའོ། །བཟློག་པར་བྱ་བ་ནི་ལན་ནོ། །འགལ་བའི་རང་བཞིན་འདི་ཉིད་སྟོན་པ་ནི་འདི་ལྟར་ཞེས་བྱ་བའོ། །འབྱུང་བ་ཞེས་བྱ་བ་ནི་རྒྱུན་གྱིས་འཇུག་པའོ། །མེད་པར་འགྱུར་བ་ནི་དེའི་ཚེ་དེ་གཉིས་བཟློག་པར་བྱ་བ་དང་ཟློག་པར་བྱེད་པ་ཡིན་པའི་མཚན་ཉིད་ཀྱི་འགལ་བ་དེ་མཐོང་བར་འགྱུར་རོ། །གང་ལ་ཞེ་ན་མ…

འབྲས་བུ་ལྡོག་པར་འགྱུར་བ་ཅི་སྟེ་དེ་མེད་པར་འགྱུར། དེ་མེད་ན་ཡང་འགལ་བ་ཅི་ཡང་ཡོད་པ་མ་ཡིན་ནོ་ཞེས་བརྗོད་པ་ནི། འོན་ཏེ་མ་ཚང་ཞེས་བྱ་བའོ། །དེ་ནི་ཞེས་བྱ་བ་ནི་རྒྱུའི་བདག་ཉིད་དོ། །དེ་མ་ཐག་པའི་ཚིག་ལེའུར་བྱས་པའི་ཕྱེད་སྔ་མ་འཆད་པ་ནི་མ་ཚང་བ་ཞེས་བྱ་བའོ། །ཕྱེད་ཕྱི་མ་འཆད་པ་ནི་དེའི་རྒྱུ་ཞེས་བྱ་བའོ། །དེའི་ཕྱིར་རྣམ་པར་དཔྱད་…

རྣམས་ཀྱི་ནུས་པ་ནི་ཞེས་བྱ་བའོ། །འགལ་བ་དག་ཚོགས་པ་མི་སྲིད་པར་དོགས་པ་ནི་འགལ་བ་ཞེས་བྱ་བའོ། །དེ་ལྟར་ཞེས་བྱ་བ་ནི་ལན་ཏེ། གཅིག་ལ་ཚིག་པ་ཉིད་དུ་གྱུར་པ་ཡིན་ནའོ། །གཞན་དུ་ནི་ཞེས་བྱ་བ་ནི་ཚོགས་པ་ཡིན་པར་རོ། །སྡོད་པའི་ཕྱོགས་ལ་ནི་མེ་དང་གྲང་བ་སྐད་ཅིག་དང་པོར་ཚོགས་པ་གཉིས་མི་འགལ་ལོ་ཞེས་བརྗོད་པ་ནི་སྐད་ཅིག་ཅེས་བྱ་བའོ། །ཇི་ལ…

ཀྱང་ཞིག་གོ་ཞེས་བྱ་བར་ཐ་སྙད་བྱེད་པ་ནི་མ་ཡིན་ནོ། །འོན་ཏེ་ཁྱད་པར་ཅན་གྱི་མ་དམིགས་པ་ཞིག་པ་ཡིན་པ་དེས་ན། ཉེས་པ་འདི་མེད་དོ་སྙམ་པར་དོགས་པ་ནི་གང་ཞིག་སྔར་ཞེས་བྱ་བའོ། །དེ་ཡང་ཞེས་བྱ་བ་ནི་ལན་ཏེ། ཡུལ་གཞན་དུ་སོང་བའི་བུམ་པའོ། །གང་དུ་མཐོང་བ་ཞེས་བྱ་བ་ལ་སོགས་པ་ནི་རྩོད་པའོ། །དེ་ཉིད་ཀྱི་ཚེ་ནི་མཐོང་བ་ཉིད་ཀྱི་ཚེ། དེ་ཉིད་ཀྱ…

གཞན་དུ་མིན་ཏེ་བྱས་པ་ཉིད་ནི་མ་ཡིན་ནོ། །དཔེ་གསུངས་པ་ནི་སྔོན་པོ་ཉིད་དུ་ཞེས་བྱ་བའོ། །དེས་ན་དེ་ཉིད་ཅེས་བྱ་བ་ནི་སྐབས་ཉེ་བར་སྡུད་པའོ། །གཞན་ཞེས་བྱ་བ་ནི་མུན་པ་དང་གྲངས་ལ་སོགས་པའི་སྐད་ཅིག་གོ །ཅི་སྟེ་མི་སྐྱེ་ཞེ་ན། རྒྱུ་མེད་པས་སོ། །དེས་ན་སུས་ཀྱང་སུ་ཡང་གཞིག་པ་མ་ཡིན་གྱི་འོན་ཀྱང་འདི་ནི་ཐ་སྙད་ཙམ་ཡིན་ནོ་ཞེས་མཇུག་སྡུད…

གང་གིས་མི་དམིགས་པ་ཉིད་མི་དམིགས་པ་ཇི་ལྟར་ཡིན་ཞེ་ན། དེ་དག་ནི་ཞེས་གསུངས་སོ། །དབང་པོ་ལས་འདས་པ་ནི་འགའ་ཡང་ལྷན་ཅིག་འགལ་བ་ཡོད་པར་མི་འགྲུབ་པ་དེས་ན་འགལ་བ་དམིགས་པ་སྲིད་པ་ལ་ཡིན་ནོ་ཞེས་བརྗོད་པ་ནི། དབང་པོ་ལས་འདས་པ་ཞེས་བྱ་བའོ། །མི་དམིགས་པ་ཙམ་གྱིས་ཀྱང་མེད་པ་མི་འགྲུབ་པོ་ཞེས་སྦྱར་རོ། དེ་ག་ལས་ཤེ་ན། མ་དམིགས་སོ་ཞེས་བྱ་བ…

བྱེད་པ་ཡིན་པ་ཉིད་དོ། །བརྗོད་པ་ནི་འདིས་ནི་ཞེས་བྱ་བ་སྟེ། དངོས་པོ་ཉིད་སྒྲུབ་པར་བྱེད་པར་བསྟན་པ་ལས་སོ། །སོགས་པའི་མི་མཐུན་པའི་ཕྱོགས་མ་ཡིན་པ་ཉིད་ཀྱི་ཆོས་བསྒྲུབ་པར་བྱ་བ་རྟག་པའམ་མི་རྟག་པ་ཉིད་ཅི་ཡང་རུང་བ་ལ་མི་སྲིད་པའི་ཕྱིར་རོ། །ཅིའི་ཕྱིར་དེ་ལྟར་སྲིད་སྙམ་ན། གང་གི་ཕྱིར་རྟོགས་པས་སྦྱར་བའི་ཆོས་ཡིན་པས་སོ། །དངོས་པོའ…

འོན་ཀྱང་ཁྱབ་པར་བྱེད་པ་ཁོ་ན་མ་ཡིན་ཏེ། དེས་ན་དངོས་པོ་རྣམས་བསྒྲུབས་ལ། །དངོས་ཉིད་སྒྲུབ་པར་བྱེད་པར་འདོད། །ཅེས་བྱ་བ་ཡང་ཐམས་ཅད་ལ་ནི་མ་ཡིན་ནོ་ཞེས་བརྗོད་པར་འགྱུར་རོ། །སྤྱིར་བརྗོད་པ་ཚིགས་སུ་བཅད་པ་སྔ་མའི་དོན་འདིར་བསྡུས་ཏེ་འཛིན་པས་བསྡུ་བ་སྟེ། ཁྱད་པར་དུ་རྣམ་པར་འཇོག་པར་བྱེད་པ་ཞེས་བྱ་བའི་དོན་ཏོ། །རང་བཞིན་མི་དམིགས་…