དང༌། མཆོག་གི་བདེ་བ་ཆེན་པོའི་འབྲས་བུ་ལ་མངོན་པར་དགའ་བ་རྣམས་ནི་ཉན་ཐོས་བའི་མདོ་སྡེའི་སྤྱོད་པ་དང་ལྡན་པ་མ་ཡིན་ནོ། །གང་གི་ཕྱིར་ཉན་ཐོས་ལ་སོགས་པ་དམན་པ་ལ་མོས་པ་རྣམ་པར་རྟོག་པ་ལ་སྤྱོད་པ། བདག་ཉིད་སྒྲུབ་པ་དང་བྲལ་བ་སྦྱིན་པ་དང་ཚུལ་ཁྲིམས་ལ་སོགས་པ་བྱ་བའི་ལམ་ལ་མི་གནས་པ། དེ་ཁོ་ན་ཉིད་ཤེས་པ་རྣམས་ལ་དད་པ་མེད་པ། ཐར་པ་ལ་རིང་…

ལ་སྤྱོད་པ་ཡང་ཆོས་ཐམས་ཅད་སྐྱུ་མ་ལྟ་བུར་ལྷག་པར་རྟོགས་པས་དུར་སྨྲིག་ཡོངས་སུ་དོར་ཏེ། གཙུག་ཏོར་ལ་སོགས་པ་བྱས་ནས་རིམ་པ་ཇི་ལྟ་བར་ཕྲེང་བ་དང༌། ཆུའི་དབང་གིས་མངོན་པར་དབང་བསྐུར་ཞིང༌། རིག་པ་དང༌། རྡོ་རྗེ་དང༌། སྤྱོད་པ་དང༌། བརྟུལ་ཞུགས་དང༌། ལུང་བསྟན་པ་དང༌། རྗེས་སུ་གནང་བ་དང༌། དབུགས་དབྱུང་བ་ཇི་སྲིད་བ་བྱིན་ནས་རྡོ་རྗེ་འཛི…

ཡང་ཀྱེ་རྡོ་རྗེ་ལས་བྱུང་བ་ཀུ་རུ་ཀུ་ལླེའི་རྟོག་པ་ལས་ཀྱང་གསུངས་པ། གོས་མེད་གཙུག་ཏོར་མེད་པའི་ལུས། །དེ་འདྲ་བླ་མར་མི་བྱ་སྟེ། །ཕྱག་རྒྱའི་དངོས་གྲུབ་རྣམས་ཉམས་འགྱུར། །ཞེས་སོ། །དེའི་ཕྱིར་གང་ཇི་སྲིད་དགེ་སློང་གི་གཟུགས་ཀྱིས་སྔགས་ཀྱི་ཚུལ་གྱི་སྤྱོད་པ་ལ་རབ་ཏུ་ཞུགས་པར་གྱུར་བ་དེ་རྣམས་ཀྱིས་ནི་ཉན་ཐོས་ལ་སོགས་པའི་སྤྱོད་པ་ལ…

རིང་དུ་འཕེལ་ཞིང་སྐྱེ་བར་འགྱུར། །དེ་ནས་ཞི་རྒྱས་ལ་སོགས་ལ། །གཞན་གང་ཞིག་ནི་རྣམ་པར་སྨད། །རྒན་པོ་དམ་ཚིག་ཉམས་པ་དང༌། །བྱ་རོག་སྒྲ་དང་རྣ་ལྡན་ཅན། །སྐམས་པ་ཡན་ལག་མ་ཚང་ལྷག །སྒུར་པོ་མི་ཐུང་འཐིང་པོ་དང༌། །རྣམ་འགྱུར་ཤ་བཀྲ་ཅན་དྲག་པོ། །གཡོན་ཅན་མ་རུངས་ངན་པར་ཞུགས། །སྡིག་ཅན་ནད་པ་ཅུང་ཟད་ཤེས། །ལྷ་ཡི་གྲིབ་ནས་ཉེ་བར་འཚོ། །མགྲི…

ཚོན་དགྱེ་བ་དང༌། བུམ་པ་དགོད་པ་དང༌། དཀྱིལ་འཁོར་བསྒྲུབ་པ་དང༌། དཀྱིལ་འཁོར་གྱི་ལྷ་ཐམས་ཅད་བསྡུས་ཏེ་བསྒོམ་པ་དང༌། སྐུ་གཟུགས་ལ་སོགས་པའི་རབ་ཏུ་གནས་པ་དང༌། བགྲང་ཕྲེང་རབ་ཏུ་གནས་པ་དང༌། བགྲང་ཕྲེང་གི་མཚན་ཉིད་དང༌། རྒྱལ་མཚན་གཟུགས་པ་དང༌། རྫིང་ལ་སོགས་པའི་རབ་ཏུ་གནས་པ་དང༌། ཨ་མྲའི་སྐྱེད་མོས་ཚལ་ལ་སོགས་པའི་རབ་ཏུ་གནས་པ་དང༌། …

དུ་བྱ་བའོ། །དེ་ལས་ཕྱི་མའི་ས་གཉིས་ནི་རྒྱས་པ་དང་དྲག་པོ་དག་སེར་པོ་དང་དཀར་ནག་གི་ཁ་དོག་ལས་ཏེ་གཞན་ཉིད་ནི་མ་ཡིན་ནོ། །འཕེལ་བ་དང༌། ན་བ་དང༌། འཆི་བ་དང༌། མྱ་ངན་དང༌། ནོར་ཉམས་པ་དང༌། འཇིགས་པ་རྣམས་དང༌། གྲོལ་བ་དང༌། གྲུབ་པར་བྱེད་པ་དག་ནི་བརྒྱད་པོ་དག་གཞོལ་བའི་ས་ལས་ཏེ་རིམ་པས་ཤར་ལ་སོགས་པར་ཤེས་པར་བྱའོ། །གལ་ཏེ་གཞོལ་བ་དག་པར…

ལ་སོགས་པས་ཉེ་བར་བྱུག་པ་བྱས་ལ། དེར་དཀྱིལ་འཁོར་གྱི་འཁོར་ལོ་བསྒོམས་ཏེ་ཡང་དག་པར་མཆོད་ཅིང་ཕྱོགས་ཀྱི་གཏོར་མ་བྱིན་ནས་པུས་མོ་གཡས་པའི་ལྷ་ང་སར་བཙུགས་ཏེ་བླ་གོས་ཕྲག་པ་གཅིག་ཏུ་གཟར་ནས་ཐལ་མོ་སྦྱར་ནས་ཕྱོགས་དང་ཕྱོགས་བྲལ་རྣམས་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་རྣམས་དང་འཇིག་རྟེན་སྐྱོང་བ་ལ་སོགས་པ་རྣམས་ལས་བླང་བར་བ…

གྱིས་བརླབ་པར་བྱའོ། །ལག་པ་གཡས་པར་ཟླ་བལ་ཧཱུཾ་བསམས་ཏེ། ལན་གསུམ་བརྗོད་ཅིང་དེའི་འོད་ཟེར་དང་སོར་མོའི་རྩེ་མོས་བསྣུན་པས་དེ་དག་གི་སྒྲ་རྣམས་ཀྱིས་བསྐུལ་བར་གྱུར་པ་ལས་སའི་ལྷ་མོ་སེར་མོ་ལུས་ཕྱེད་དམ་ཐམས་ཅད་འཐོན་པ། ཕྱག་གཉིས་ན་གསེར་གྱི་བུམ་པ་དང༌། མི་འཇིགས་པའི་ཕྱག་རྒྱ་ཅན། མཛེས་པའི་རྒྱན་གྱིས་བརྒྱན་པ་ལ་ཞབས་བསིལ་དང༌། ཞལ་…

དགོངས་སུ་གསོལ། །རྡོ་རྗེ་ཅན་ཆེན་ཆེ་གེ་བདག །ཆེ་གེའི་མཆོད་ཡོན་དབུལ་བ་ནི། །བགྱིའོ་དེས་ན་ཁྱེད་རྣམས་ཀྱིས། །ཉེ་བར་གནས་པར་མཛད་པའི་རིགས། །ཞེས་ལན་གསུམ་བརྗོད་པར་བྱའོ། །དེ་ནས་འཆད་པར་འགྱུར་བའི་རྣམ་པར་རྒྱལ་བ་ལ་སོགས་པའི་བུམ་པའམ་དེ་དག་མེད་ན་གཞན་གྱི་ཡང་ཉ་གསོན་པོ་ནང་དུ་བཅུག་པ་རྣམས་རིམ་པ་བཞིན་དུ་བཞག་ནས་ལྷག་པར་གནས་པར་བ…

རང་བཞིན་དུ་བསམ་མོ། །ལྟད་མོ་པའི་འཇིག་རྟེན་པ་རྣམས་ཀྱང་སོ་རྩི་དང་མེ་ཏོག་གི་ཕྲེང་བ་དང་ཙནྡན་ལ་སོགས་པས་ཡང་དག་པར་ཚིམ་པར་བྱའོ་ཞེས་པ་གཙུག་ལག་ཁང་ལ་སོགས་པ་བྱ་བའི་དོན་དུ་ས་ཡོངས་སུ་བརྟག་པའི་ཆོ་གའོ།། །།དེ་ནས་ཕུན་སུམ་ཚོགས་པ་མ་ཡིན་པའི་སྐྱོན་ཐམས་ཅད་དང་བྲལ་བར་ཤེས་པའི་སའི་དུམ་བུ་དེར་ནས་བཏབ་སྟེ་སྐྱེས་ནས་སྔོན་པོར་གྱུར་པ…

མཆོག་འགྲོ་ཞིང༌། །རླུང་གི་ཟུར་ལ་སོགས་པར་མཇུག་མ་འགྲོ། །དཔྱིད་ཟླ་ར་བ་འབྲིད་དང་ཐ་མར་དེ། །གནོད་སྦྱིན་བདག་པོའི་ཕྱོགས་སུ་ཁ་བལྟས་ནས། །བདེན་བྲལ་ཟུར་སོགས་ཡན་ལག་མཆོག་འགྲོ་ཞིང༌། །དབང་ལྡན་ཟུར་སོགས་ཆར་ནི་མཇུག་མ་འགྲོ། །དབྱར་ཟླ་ར་བ་འབྲིང་དང་ཐ་མའི་དུས། །དེ་ནི་ཤར་གྱི་ཕྱོགས་སུ་ཁ་བལྟས་གནས། །རླུང་གི་ཟུར་སོགས་ཡན་ལག་མཆོག་…

བརྐོས་ན་ཕ་མ་དང༌། །བུ་མོ་བུ་དང་སྦུན་ཟླ་ཆུང་མ་མནའ་མ་དང༌། །ཕ་ཚན་གཉེན་དང་གྲོགས་པོའི་སྐྱེ་པོ་འཆི་བར་འགྱུར། །གལ་ཏེ་རྒྱབ་ཏུ་བརྐོས་ན་རང་ཉིད་ཉམས་པའམ། །རང་གི་གནས་ལས་གཡོ་བའམ་ཉུང་མིན་ནོར་ཟད་འགྱུར། །མཇུག་མ་ལ་ནི་གླང་བོ་རྟ་དང་མ་ཧེ་ར། །བ་ལ་ད་ཕྱུགས་དང་འཁོར་དང་འབངས་དང་སྟོབས་ཉམས་འགྱུར། །གལ་ཏེ་ཁམ་ལྔ་བརྐོས་སར་ཤིང་དང་གྲོ…

ཞེས་པ་ན་མེའི་ཕྱོགས་ཀྱི་རྐེད་པ་ཙམ་ན་བོང་བུའི་སེལ་ཡོད་པས་ས་དེར་གནས་པ་རྣམས་ལ་རྒྱལ་པོའི་ཆད་པ་དང་བྲད་འགྲོའི་འཇིགས་པ་དང་མི་མཉམ་པ་བྱེད་དོ། །དྲིས་པའི་ཚེ་ཙ་ཞེས་པ་ན་ལྷོ་ཕྱོགས་ཀྱི་རྐེད་པ་ཙམ་ན་མིའི་སེལ་ཡོད་པས་ས་དེར་གནས་པ་རྣམས་ཀྱི་ཁྱིམ་བདག་འཆི་བ་དེས་པར་བྱེད་དོ། །དྲིས་པའི་ཚེ་ཏ་ཞེས་པ་ན་སྲིན་པོའི་ཕྱོགས་ཀྱི་ཁྲུ་ཕྱེད…

བསྒྲིལ་བ་མདུད་མེད་ལྟེ་བའི་སྟེང་དུ་གནས་པ་དང༌། །བརྟན་པའི་བསམ་གཏན་དང་ལྡན་བླ་མ་དམ་པའི་སྣ་རྩེའི་དབུས་སུ་མིག་ནི་བལྟ་བ་དང༌། །བཀྲ་ཤིས་གླུ་དང་དྲིལ་བུ་དང་ནི་དུང་དང་གླིང་བུའི་སྒྲ་རྣམས་སྒྲོགས་ཤིང་བསྟོད་པས་སོ། །བུད་མེད་བཟོ་མོའི་ལག་པའི་འདབ་མས་བླངས་པའི་ཆུ་དང་བསྲེས་ཤིང་རབ་རྒྱས་འབར་བ་ཡི། །མེ་ཏོག་གསེར་བཟང་དང་མཚུངས་དྲ…

བའི་སྐྱེ་བོ་ཡང་དག་མཐོང་ན་ཆོས་དང་ལྡན། །ས་ལ་ཐིག་རྣམས་གདབ་པའི་ཆོ་ག་རབ་ཏུ་བརྩམས་ནས་ལྷ་རྣམས་ཡང་དག་བཀོད་པ་ན། །དེ་ཚེ་མཆོག་གི་རྟགས་ནི་འདི་དག་ཕན་པ་འཕེལ་བར་བྱེད་པས་ཡོངས་སུ་བརྟག་པར་བྱ། །བཟོ་བོ་སློབ་དཔོན་རྣམ་དཔྱོད་དང་ལྡན་མཛེས་ཤིང་མཁས་བས་མི་དགེ་བ་རྣམས་ཀུན་དུ་སྤངས། །གང་ཞིག་གནས་རྣམས་ཀུན་དུ་གནས་པའི་སྐྱེ་བོ་རྒྱལ་པོ་…

པོའི་ཚངས་སྐུད་ཏིལ་ལ་སོགས་པས་ཀྱང༌། །ཡང་དག་ཚིམ་པར་བྱ་སྟེ་རྩིག་མཁན་བཟོ་བོའི་ཚོགས་ནི་མཁས་པ་རྣམས། །གསེར་གྱི་གདུ་བུ་རྣམས་དང་རྣ་རྒྱན་ལག་པ་ཡི་ནི་སོར་གདུབ་དང༌། །གོས་དང་གསེར་དང་བཟའ་བ་བཏུང་བ་གོ་ཡུ་དང་ནི་མེ་ཏོག་གིས། །ལྟད་མོ་བ་དང་མི་ཡི་བདག་པོའང་ཡང་དག་ཡོངས་སུ་ཚིམ་པར་བྱ། །ཤར་དང་བྱང་དུ་ཁ་ཕྱོགས་དེ་བཞིན་གཤེགས་དང་ཟླ་བ…

དུ་རྩེ་མོའི་མཐར་ཐུག་པའི་རིངས་སུ་ནི་ཆ་གསུམ་གྱི་ཚད་དུ་འགྱུར་ཞིང༌། ཆ་རེ་རེ་ནི་ཆ་ཆེན་པོའོ། །ཀ་བ་དང་ནང་གི་དྲ་བ་ནི་ཆ་ལྔའི་ཆ་གསུམ་དུ་གསུངས་སོ། །ཆ་དང་ཆའི་དུམ་བུ་ཡོངས་སུ་རྫོགས་པའི་ཁོར་ཡུག་གི་ཕྲེང་བར་ཤིང་གི་ལས་ཀ་མཉམ་པའོ། །སྟེགས་བུ་ལ་ལྔ་ཆའི་ཆ་གཉིས་ནི་རྩིག་པ་ཆེན་པོའི་ཞེང་ངོ༌། །རྩིག་པ་དེ་ལ་ཆ་ལྔའི་ཆ་གཉིས་ནི་ཕ་གུའ…

ཅིག་གིས་རྣམ་པར་བསྒོམས་ལ། དེ་རྣམས་ཀྱི་སྙིང་ག་ལ་སོགས་པ་རྣམས་སུ་རྡོ་རྗེ་དང་བཅས་པའི་ལག་པ་གཡས་པས་རེག་ཅིང༌། ཧཱུཾ་ཨཱཿ་ཨོཾ་ཞེས་པས་བྱིན་གྱིས་བརླབ་པར་བྱའོ། །འཆད་པར་འགྱུར་བའི་སྦྱང་བའི་ཆོ་གས་ཤིང་དང་འཇིམ་པ་དང་རྡོ་བ་ལ་སོགས་པའི་རྫས་ཀྱི་དངོས་པོ་གཙང་མ་རྣམས་སྟོང་པ་ཉིད་དང༌། ཕྱི་ནས་སྙིང་གའི་ས་བོན་གྱིས་བྱེད་པར་འགྱུར་བའི…

ལ། །རྩ་བའི་ཆ་ཡིས་ལེགས་བྲི་ཞིང༌། །ཕྱི་ནས་རྩེ་མོས་ཡང་དག་བྲི། །བྲིས་མཁན་ཕན་པར་གཏོགས་པས་སོ། །ཀུ་ལའི་རྒྱབ་ཀྱི་རིམ་པ་ལྟར། །དེ་བཞིན་ཕྲེང་བ་དེ་ཡིས་བྱ། །ཆ་ལྔ་མཉམ་པར་བྱས་ནས་ནི། །གཡས་པ་ལ་ནི་ཆ་གསུམ་དོར། །གཡོན་ལ་ཆ་གཉིས་དོར་བ་ཡི། །དབུས་སུ་བུག་པ་དགེ་བ་ཐོབ། །ཅེས་པ་ནི་བུག་པ་གཅིག་པ་ནི་མཚན་ཉིད་དོ། །ཆ་གསུམ་མཉམ་པར་བྱས་ན…

རྣམ་པར་དག་པའི་སྐུ། །བརྟན་པའི་བདག་ཉིད་ཅན་གྱིས་རྟག་ཏུ་ཡང་དག་མཆོད། །འཁྲུལ་འཁོར་རྣམས་ཀྱིས་བཟོ་བོའི་སྐྱེ་བོས་རྣམ་བསྐྱེད་དེ། །རྡོ་བ་དང་ནི་ས་ཡི་རང་བཞིན་རྙིང་པའི་གཟུགས། །འདི་རྣམས་མུ་སྟེགས་ཅན་གྱི་ཆུ་བོ་རུ་ནི་དོར་བྱ་ཞིང༌། །ཅི་སྟེ་ན་ཡང་རི་ཕུག་ཟབ་མོའི་ནང་སོགས་སུའོ། །གལ་ཏེ་ཤིང་གི་བདག་ཉིད་ཡིན་ན་གོས་གསར་བཅིང༌། །ཏི…