མེ་མིན་ལས་ཀྱང་དུ་བ་འབྱུང༌། །ཞེས་བྱ་བའོ། །དེ་ལ་ཞེས་བྱ་བ་ནི་མེ་མ་ཡིན་བ་ལས་བྱུང་བའི་དུ་བ་ལའོ། །རྒྱུ་མེད་པའི་དུ་བ་ལ་ཡང་མཐོང་བའི་སྟོབས་ཀྱི་ཡུལ་ལ་སོགས་པ་མ་ངེས་པར་འགྱུར་བ་ཁོ་ནའོ་ཞེས་བརྗོད་པ་ནི་དངོས་པོ་རྒྱུ་མེད་པ་ལ་ཡང་ཞེས་བྱ་བའོ། །དེར་ཡང་ཞེས་བྱ་བ་ནི་དུ་བ་ལའོ་དེའི་ཕྱིར་དེ་ལྟར་འདོད་ཆགས་ལ་སོགས་པ་ཡད་ཐམས་ཅད་ཀྱི་…

བདག་དང་བདག་གིར་འཛིན་པས་ཆགས་པའི་རྒྱུ་ཅན་དུ་ནི་མ་ཡིན་ནོ་སྙམ་དུ་དོགས་པ་བསུ་ནས། ཅི་ལྟར་འགའ་ཞིག་ཏུ་དུ་བ་མེའི་རྒྱུ་ཅན་དུ་མཐོང་ནས། གཞན་དུ་མེ་མ་མཐོང་ཡང་དེའི་རྒྱུ་ཅན་དུ་རིག་པ་དེ་བཞིན་དུ་འདི་ཡང་བལྟ་བར་བྱ་སྟེ། ངེས་པ་དེ་ལྟར་གནས་པའི་ཕྱིར་རོ་ཞེས་གསུངས་པ་ནི་ཅི་ལྟར་ཞེས་བྱ་བའོ། །སོགས་པའི་སྒྲས་ནི་སྐད་ཅིག་མ་ཉིད་ལ་སོགས…

རྟེན་ཕ་རོལ་ལ་སོགས་པའོ། །རྨོངས་པ་ནི་ཡོད་པར་ལྟ་བའོ། །གལ་ཏེ་མངོན་སུམ་ལས་ཤེས་པ་དང་དོན་དག་གི་རྣམ་པར་དབྱེ་བར་མི་འགྱུར་མོད། སྤང་བྱ་དང་དོར་བྱ་ཉིད་ཀྱིས་ཐ་དད་པ་ནི་དེ་ལས་འགྱུར་རོ་སྙམ་དུ་དོགས་པ་བསུ་ནས་བཤད་པ་ནི། བླང་དང་དོར་བྱ་ཞེས་བྱའོ། །བླང་བྱ་དང་དོར་བྱའི་ཁྱད་པར་ཡང་མངོན་སུམ་ལས་གྲུབ་པ་མ་ཡིན་ནོ་ཞེས་བྱ་བའི་དོན་ཏོ། …

ན་དེ་ནི་ཉེ་བའི་རང་བཞིན་འཛིན་པའི་མངོན་སུམ་གྱིས་མི་མཐོང་ངོ་མངོན་སུམ་དེ་ལས་འཇུག་པར་བྱེད་འདོད་པ་རྣམས་སོ། །མ་མཐོང་བ་དེས་ན་བླང་བྱའི་དངོས་པོ་ཉིད་རིག་མ་ཡིན་ཞེས་འབྲེལ་ཏོ། །ཅི་ལྟར་མངོན་སུམ་གྱིས་མ་མཐོང་སྙམ་ན། མངོན་སུམ་འབྱུང་འགྱུར་ཞེས་གསུངས་སོ། །འདིས་ནི་བླང་བྱ་ཉིད་ཡིན་པའི་ཕྱིར་ཞེས་བྱ་བའི་ཕྱོགས་གསལ་བ་ཡིན་ནོ། །དོ…

གོམས་པ་མངོན་སུམ་འབྱུང་བ་སྟེ་དེ་མེད་དོ། །དོར་བྱ་དང་བླང་བྱ་ནི་མཐོང་བར་བྱ་བ་མ་ཡིན་ནོ་ཞེས་གང་བརྗོད་པ་དེ་སྡུད་པ་ནི། གལ་ཏེ་མངོན་སུམ་ཙམ་ཞེས་བྱ་བའོ། །ཙམ་སྨོས་པ་ནི་མངོན་སུམ་གྱི་རྗེས་ལས་བྱུང་བའི་རྣམ་པར་རྟོག་པ་བསལ་བའི་དོན་དུའོ། །གལ་ཏེ་དོར་བྱའམ་བླང་བྱ་མངོན་སུམ་གྱི་ཡུལ་མ་ཡིན་ན། འོ་ན་ཡུལ་གང་ཡིན་སྙམ་ན། དེ་ནི་ཞེས་ག…

རྣམ་པར་གནས་པ་མ་ཡིན་གྱིས། འོན་ཀྱང་གཉི་ག་ཡང་དགག་པར་བྱ་བ་ཡིན་ནོ། །འཇིག་རྟེན་ཀྱང་ཕན་པ་འགའ་ཞིག་གཉི་ག་ཡང་མེད་དོ་ཞེས་བརྔོད་པ་ན། འཇིག་རྟེན་འདི་ཡང་ཡོད་མིན་ནི། །ཞེས་བྱ་བའོ། །དེས་ནས་ཞེས་བྱ་བ་ནི་ལན་ནོ། །ཐར་པ་ཁས་བླངས་པའི་ཕྱིར་རོ་སྙམ་དུ་དགོངས་པའོ། །གལ་ཏེ་འཇིག་རྟེན་གཉི་ག་ལ་བསྙོན་འདེབས་པ་ནི་ཤིན་ཏུ་ཡང་ཆད་པར་ལྟ་བ་མ་ཡ…

ཡིན། །ཞེས་བྱ་བའི་ཚུལ་གྱིས། གང་གི་ཚེ་རྣམ་པར་རྟོག་པ་ཐོག་མ་དང་ཐ་མ་མེད་པ་ཉིད་དང༌། རང་གི་རིགས་མཐུན་པ་ཙམ་ལས་བྱུང་བར་གྲུབ་པ་དེའི་ཚེ་འཇིག་རྟེན་ཕ་རོལ་གྲུབ་པ་ཁོ་ན་སྟེ། ཐོག་མ་དང་ཐ་མ་མེད་པ་ཉིད་ལ་དེ་སྐད་བརྗོད་པའི་ཕྱིར་ཞེས་བརྗོད་པ་ནི། གལ་ཏེ་ཐོག་མཐའ་ཞེས་བྱ་བའོ། །མང་དུ་སྨྲ་བ་གཞན་གྱིས་ཅི་ཞིག་བྱ་སྟེ། དོན་མེད་པ་ཡིན་པའ…

དེ་ནི་མ་རིག་པ་ལས་བྱུང་བ་ཡིན་ནོ་སྙམ་ན་ནི་གལ་ཏེ་འདི་ནི་ཞེས་བྱ་བའོ། །དེ་ལྟ་ན་ཡང་དོན་མེད་པར་སྨྲ་བཙམ་ཡིན་པའི་དེ་བཞིན་ཁོ་ནར་ཉེས་པར་འགྱུར་རོ་སྙམ་ན། སུ་ཡིས་ལན་ཞེས་སྨྲས་ཏེ། དགོས་པ་མེད་པའི་ཕྱིར་མ་རིག་པ་ཉིད་ཀྱིས་ཉེས་པ་ཡིན་གྱི། ངེད་ཀྱིས་གོ་ཅི་ལན་ཞེས་བྱ་བ་ནི་གཞན་གྱི་བསམ་པའོ། །ལན་དུ་གལ་ཏེ་བསྟན་པར་བྱ་བའི་མ་རིག་པ་ཆ…

པ་དང་ཆགས་བ་ལ་སོགས་པ་གོམས་པ་ལས་བྱུང་བ་འདོད་ཆགས་ལ་སོགས་པ་རྣམས་ཀྱི་རྟེན་ཕྱིར་ཏེ། རྟེན་ཡིན་པའི་ཕྱིར་རོ། །ཟག་པ་དང་བཅས་པའི་ཕྱིར་རོ་ཞེས་བྱ་བའི་དོན་ཏོ། །རྒྱུ་ནི་བདག་དང་བདག་གིར་འཛིན་པ་ཡིན་གྱི་རྒྱུ་ཙམ་ནི་མ་ཡིན་ཏེ། སྔ་མ་བཞིན་དུ་ཐལ་བའི་ཕྱིར་རོ། །དེའི་དབང་ནི་དེ་ལ་རག་ལས་པའོ། །དེའི་དངོས་པོ་ནི་ཉིད་དེ་དེའི་ཕྱིར་རོ། …

སྡང་བ་དང་འབད་རྩོལ་དང༌། བདེ་བ་དང་སྡུག་བསྔལ་གྱི་ཤེས་པ་འབྲས་བུར་གྱུར་པ་རྣམས་ནི་རྟེན་དུ་གྱུར་བའི་རྒྱུ་བདག་ཅེས་བྱ་བ་རྟོགས་པར་བྱེད་པ་ཡིན་ནོ། །ཉམས་སུ་མྱོང་བ་དང་དྲན་པ་དང་འདོད་པ་ལ་སོགས་པ་དུས་ཐ་དད་པ་ཅན་རྣམས་ནི་དེའི་དུས་ན་ཡོད་པའི་དངོས་པོ་མེད་པར་འབྱུང་བ་མ་ཡིན་ཏེ། གཞན་གྱི་དྲན་པ་དང་ལོངས་སྤྱོད་ལ་སོགས་པར་ཐལ་བའི་ཕྱི…

བརྗོད་པ་ཅི་ལྟར་དེ་ལ་མི་སྲིད་པར་རྟོགས་སྙམ་ན། རིམ་པ་དང་ལྡན་པ་ནི་ཞེས་གསུངས་སོ། །འོ་ན་རྗེས་སུ་དཔག་པར་རིམ་པ་དང་ལྡན་པ་གཅིག་པ་ཉིད་དུ་རྟོགས་སོ་སྙམ་ན། དེ་མེད་ན་ཞེས་གསུངས་ཏེ། མངོན་སུམ་དེ་མེད་ནའོ། །ཅི་ལྟར་སྙམ་ན། མངོན་སུམ་སྔོན་དུ་འགྲོ་བ་ཅན་ཡིན་པའི་ཕྱིར་རོ་ཞེས་གསུངས་སོ། །འོ་ན་རྗེས་སུ་དཔག་པ་སྔོན་དུ་འགྲོ་བ་ཅན་ཡིན་…

དོགས་པ་སེལ་བས་རྟག་པའང་ཅི་ལྟར་སྐྱེད་བྱེད་ཡིན་ཞེས་བྱ་བ་དེ་འཆད་པ་ནི། གལ་ཏེ་ཕུང་པོ་རྣམས་ཞེས་བྱ་བའོ། །དེའི་ཚེ་ཞེས་ཁོང་ནས་ཕྱུང་ལ། རྟག་པ་ཉིད་དུ་འགྱུར་རོ་ཞེས་སྦྱར་རོ། །རྟག་པ་ཡིན་མོད་ཅི་སྐྱོན་སྙམ་ན། རྟག་པ་ནི་ཞེས་གསུངས་སོ། །སྐྱེད་བྱེད་མ་ཡིན་ན་ཡང་དངོས་པོ་ཉིད་མ་ཡིན་ནོ་ཞེས་བརྗོད་པ་ནི། སྐྱེད་པར་བྱེད་པ་མ་ཡིན་པ་ཡང་…

བའི་དོན་ཏོ། །དེ་ནི་ཞེས་བྱ་བ་ནི་འབྲས་བུ་སྐྱེ་བ་མེད་པའི་རྒྱུ་རྟག་པ་རྣམས་ལའོ། །དེ་ལྟར་འདིར་ནི་འབྲས་བུ་སྐྱེ་བ་མེད་པ་མ་མཐོང་ངོ༌། །ཅིའི་ཕྱིར་ཞེ་ན། མཚུངས་པ་ཞེས་གསུངས་སོ། །རུང་བའི་ཁྱད་པར་ནི་བག་ཆགས་ཀྱི་ཁྱད་པར་རོ། །གང་གིས་དེ་མེད་པས་ཞེས་བྱ་བ་ནི་རྟག་པ་མེད་པས་འབྲས་བུ་མེད་པར་རོ། །དེས་ན་ཁྱད་པར་བྱེད་བ་དེ་ཙམ་ལས་མི་འ…

འགྲོ་བ་དང་ལྡོག་པ་དང་ལྡན་པའི་ཕྱིར་རོ། །རྟག་པ་ལྟར་མི་རྟག་པ་ཡང་ཅི་ལྟར་རྒྱུ་ཡིན་ཞེས་བྱ་བ་ནི་མི་འཐད་དོ་ཞེས་བརྗོད་པ་ནི། རེས་འགའ་བ་ཉིད་ཡིན་པས་ན་ཞེས་བྱ་བའོ། །རྒྱུ་དང་བཅས་པ་ཉིད་མ་ཡིན་ན། རེས་འགའ་བ་ཉིད་དུ་མི་འཐད་དོ་ཞེས་བརྗོད་བ་ནི། རྒྱུ་མེད་གཞན་ལ་མི་ལྟོས་ཕྱིར། །ཞེས་བྱ་བའོ། །འདི་རང་གྲུབ་བར་བྱ་བའི་དོན་དུ། མེད་པ་ག…

ཀྱིས་རྒྱུ་མེད་པའི་ཕྱིར་ཏེ། དཔེར་ན་ཆོས་ཀྱི་དབྱིངས་རྟག་ཏུ་ཡོད་པ་དེ་བཞིན་དུ་སྡུག་བསྔལ་ཡང་འགྱུར་རོ་ཞེས་བརྗོད་པ་ནི། རང་རིག་པས་ནི་རྟོགས་བྱ་བ། །ཞེས་བྱ་བའོ། །རང་རིག་པས་ཞེས་བྱ་བས་ནི་ཚད་མ་བརྗོད་དོ། །དེས་ན་ཞེས་པ་ནི་སྟོང་པ་ལ་དམིགས་པ་རྣམ་པར་རྟོག་པ་མེད་པ་ཡིན་ཏེ། རྨི་ལམ་བཞིན་ནོ། །རང་གི་ངོ་བོ་ནི་རྨི་ལམ་ན་ཡང་ཚད་མ་ཅན…

སྨྲ་བ་རབ་ཏུ་བརྗོད་དོ། །རང་བཞིན་ཉིད་ཀྱིས་བྱ་བ་ལ་སོགས་པ་ནི་འཕང་མདུང་ཞེས་བྱ་བ་ལ་སོགས་པས་རྣམ་པར་འགྲེལ་ཏོ། །དེ་ལ་ཁྱད་པར་དག་ཀྱང་ཞེས་བྱ་བ་ལ་སོགས་པ་ནི་མགར་བ་ལ་སོགས་པ་མེད་ཀྱང་ཞེས་བྱ་བ་ལ་སོགས་པར་རྣམ་པར་འགྲེལ་ཏོ། །དེ་ལ་དོན་ནི་འདི་ཡིན་ཏེ། འབྱུང་བ་ཆེན་པོའི་རང་བཞིན་ནི་འབྱུང་བ་ཆེན་པོ་ཉིད་ལས་བྱུང་བའི་ཕྱིར་སེམས་པ་དང…

སུ་བྱེད་པའོ། །དེ་རྣམས་ལ་ཞེས་བྱ་བ་ནི་ཚེར་མའི་རྣོ་བ་ལ་སོགས་པ་དག་ལའོ། །གལ་ཏེ་དེ་ལྟ་ན་ཡང་གང་གིས་སྡུག་བསྔལ་རྒྱུ་དང་བཅས་པར་འགྱུར་བ་ཚོར་བ་ལ་སོགས་པ་རྒྱུ་དང་བཅས་པར་ཅི་ལྟར་འགྱུར་སྙམ་ན། འདི་ལ་བསམ་པ་ནི་ཞེས་བྱ་བའོ།། དེའི་ཚེ་ཞེས་ཁོང་ནས་ཕྱུང་ལ་ཁྱད་པར་དེ་དག་ནི་ཞེས་སྦྱར་བར་བྱའོ། །ཇི་ལྟར་རྒྱུ་མེད་པར་འགྱུར་ཞེ་ན། རྒྱུ་…

པར་སྣང་བར་འདོད་པ་ཡང་མི་བདེན་པར་འགྱུར་ཏེ། མི་བདེན་པ་རྨི་ལམ་གྱི་སྣང་བ་དང་ཁྱད་པར་མེད་པའི་ཕྱིར་རོ་ཞེས་བརྗོད་པ་ནི། ཁྱད་པར་མེད་པ་ཁོ་ནར་ཟད་ཅེས་བྱ་བའོ། །ཇི་ལྟར་ཁྱད་པར་མི་སྲིད་སྙམ་ན། གང་གི་ཕྱིར་ཞེས་བྱ་བའོ། །མཐོང་བ་ཙམ་གྱིས་ཞེས་བྱ་བ་ནི་རང་བཞིན་གསལ་བ་ཙམ་གྱིས་སོ། །དེ་ལྟ་ན་ཡང་ཁྱད་པར་མེད་པ་སྣང་བ་ཙམ་ནི་གཉིས་སུ་མེད་…

ནི་སྐབས་ཡིན་ནོ། །འོ་ན་ཇི་ལྟར་རྒྱུ་ཡིན་སྙམ་ན། འོན་ཀྱང་ཞེས་སྨོས་སོ། །དེ་ལྟར་བསྟན་པར་ནུས་ན་ནི་དེའི་ཚེ་རེག་པ་རྒྱུ་ཉིད་དུ་འགྱུར་རོ། །དེ་ལྟར་ནི་ནུས་པ་མ་ཡིན་ཏེ། །དེས་ན་རྒྱུ་མ་ཡིན་ནོ། །ཡང་ན་བརྒྱུད་ནས་རྒྱུ་ཡིན་པ་ཉིད་དོ་ཞེས་རྩ་བས་ལན་འདེབས་པ་ནི་ཡང་ན་ཞེས་བྱ་བའོ། །ཅི་གང་གིས་མཐོང་བའི་རྒྱུ་མཚན་དུ་འགྱུར་བ། ཇི་ལྟར་ར…

དང་བྲལ་བ་འདི་ཡང༌། དེ་ག་ལས་ཤེ་ན་ཞེས་བྱ་བའི་རྩོད་པ་སྔོན་དུ་འགྲོ་བ་ཅན་གྱིས་གསལ་བར་བྱེད་པ་ནི་ནུས་པ་མེད་པའི་ཕྱིར་རོ་ཞེས་བྱ་བའོ། །དེ་ཉིད་ཀྱི་ཕྱིར་དབང་ཕྱུག་ལ་སོགས་པ་ནི་རབ་ཏུ་སྐྱེ་བ་ཉིད་མ་ཡིན་ནོ་ཞེས་བརྗོད་པ་ནི། རྣམ་པ་གསུམ་པ་རབ་ཏུ་སྐྱེ་བ་ཉིད་མ་ཡིན་ནོ་ཞེས་བྱ་བའོ། །འོ་ན་དེ་སུའི་ཡིན་སྙམ་ན། རྣམ་པ་འདི་ནི་ཞེས་གསུང…