སོགས་ཀྱིས་བརྒྱན་བཞིན་སྒྱུར་བའི། །གཤིན་རྗེ་མཐར་མཛད་མགོན་བཏུད་ནས། །དེ་ཡི་སྒྲུབ་ཐབས་བྲི་བར་བྱ། །བདེ་བའི་སྟན་ལ་ལེགས་གནས་ལ། །སྙིང་གའི་ཉི་མར་ཧཱུཾ་གཟུགས་དགོད། །དེ་བྱུང་མཆོད་པའི་ཁྱད་པར་གྱིས། །རྗེ་བོ་གུས་པས་ཡང་དག་མཆོད། །མདུན་ཕྱོགས་སུ་ནི་སྡིག་ལ་སོགས། །བཤགས་པ་ལ་སོགས་དེ་ལ་བྱ། །དེ་ཉིད་དུ་ནི་འཇིག་རྟེན་ཀུན། །རང་བཞ…

ལས་དང་རྗེས་མཐུན་སྐུ་ཡིན་ཏེ། །ཤིན་ཏུ་རྒྱས་འདིར་མ་བརྗོད་པ། །དེ་ཡང་བླ་མའི་གདམས་ངག་དང༌། །རྒྱུད་ལས་འདོད་པ་གྲུབ་པར་འགྱུར། །བརྩོན་པས་ཤེས་བྱ་བློ་ལྡན་གྱིས། །འཁོར་ལོ་དང་གཞན་ཡང་ཀུན་འགྲོ། །གཏོར་མ་གཏང་བའི་སྦྱོར་བ་ནི། །ཐུན་བཞི་ལ་ནི་མཆོག་ཏུ་བྱ། །བཟླས་པའི་སྔགས་ནི། ཨོཾ་ཧྲཱིཿཥྚཱྀཿབི་ཀྲྀ་ཏཱ་ན་ན་ཧཱུཾ་ཧཱུཾ་ཕཊ་ཕཊ་སྭཱ་ཧཱ།…

རྒྱ་གར་སྐད་དུ། ཡ་མཱནྟ་ཀ་སཱ་དྷ་ནཾ། བོད་སྐད་དུ། གཤིན་རྗེ་མཐར་མཛད་ཀྱི་སྒྲུབ་ཐབས། གཤིན་རྗེ་མཐར་མཛད་ལ་ཕྱག་འཚལ་ལོ། །དཔའ་བོ་ཐོད་པའི་ཕྲེད་བ་ཅན། །ཀླུ་སོགས་ཀྱིས་བརྒྱན་བརྒྱན་བཞིན་བསྒྱུར་བའོ། །གཤིན་རྗེ་མཐར་མཛད་མགོན་བཏུང་ནས། །དེ་ཡི་སྒྲུབ་ཐབས་བྲི་བར་བྱ། །བདེ་བའི་སྟན་ལ་ལེགས་གནས་ལ། །སྙིང་གར་ཧཱུཾ་དབྱིབས་མཐིང་ནག་དགོད།…

དུས་མཐའི་མེ་དད་མཚུངས་པར་འབར། །འཁོར་ལོ་རལ་གྲི་དབྱུག་ཏོ་འབར། །ཆུ་གྲི་མདུང་དང་ཞགས་པ་དང༌། །རྣམ་གསལ་བསྐོར་བའི་ལྷ་རྫས་དྲུག །གཡས་དང་གཡོན་གྱི་ཕྱག་ན་བསྣམས། །འཇིགས་པའི་གཟུགས་ལྡན་ཤིན་ཏུ་དྲག །བདུད་རྣམས་འཇོམས་མཛད་གཤིན་རྗེ་གཤེད། །ཧཱུཾ་སྒྲས་གྲེ་བ་རྒྱས་པར་ནི། །འཇིགས་རྣམས་སྤངས་ལ་བསྒོམ་པར་བྱ། །ཉི་ཤུ་ཕྱེད་དང་སྟོང་ཕྲག་…

རྒྱ་གར་སྐད་དུ། ཡ་མཱནྟ་ཀ་སཱ་དྷ་ནཾ། བོད་སྐད་དུ། གཤིན་རྗེ་མཐར་བྱེད་ཀྱི་སྒྲུབ་ཐབས། དང་པོ་གདོང་པའི་གཙང་སྦྲ་ལ་སོགས་པ་བྱས་པའི་སྒོམ་པ་པོས་རང་གི་སྙིང་གར་ཡི་གེ་ཨ་ལས་སྐྱེས་པའི་ཟླ་བ་ལ་ཡི་གེ་ཡི་ནག་པོ་རྣམ་པར་བསྒོམས་ལ། །དེ་ལས་འོད་སྤྲོས་པས་བླ་མ་དང་སངས་རྒྱས་དག་སྤྱན་དྲངས་ཏེ། ལེགས་པར་མཆོད་ཅིང་སྡིག་པ་བཤགས་པ་ལ་སོགས་པ་རྣམ…

དབྱངས་ཀྱི་ཡི་གེ་ཉིས་འགྱུར་གྱི་རང་བཞིན་ཟླ་བའི་དཀྱིལ་འཁོར་ཏེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཡང་དག་པར་འབྱུང་བ་ཤེས་རབ་ཀྱི་ངོ་བོ་ལེགས་པར་བལྟ་བར་བྱ་བའོ། །དེའི་སྟེང་དུ་དཔེ་བྱད་བཟང་པོ་བརྒྱད་ཅུའི་རྣམ་པར་དག་པ་ཌ་ཌྷ་ད་དྷ་ཡ་ལ་རྣམས་ཉིས་འགྱུར་དང་བཅས་པའི་ཀ་ལ་སོགས་པའི་གསལ་བྱེད་རྣམས་ཉིས་འགྱུར་དུ་བྱས་པ་ཡོངས་སུ་གྱ…

མགོ་བོའི་ཕྲེང་བ་དང༌། དེའི་རྗེས་ཐོགས་ལ་ཀཥཾ་ཛྲཾ་ཁཾ་ལཾ་ཥཀཾ་སཾ་གི་ས་བོན་རྣམས་ལས་ལེགས་པར་བྱུང་བའི་སའི་སྙིང་པོ་དང༌། ཕྱག་ན་རྡོ་རྗེ་དང༌། ནམ་མཁའི་སྙིང་པོ་དང༌། འཇིག་རྟེན་དབང་ཕྱུག་དང༌། སྒྲིབ་པ་རྣམས་སེལ་དང༌། ཀུན་དུ་བཟང་པོ་ཞེས་བྱ་བ་རྣམས་མིག་གཉིས་དང༌། རྣབ་གཉིས་དང༌། སྣ་དང༌། ལྕེ་དང༌། ནུ་མ་གཉིས་དང༌། ལྟེ་བ་ལ་བཀོད་དེ།…

རྒྱ་གར་སྐད་དུ། བི་གྷྣཱ་ནྟ་ཀ་སཱ་དྷ་ནཾ། བོད་སྐད་དུ། བགེགས་མཐར་བྱེད་ཀྱི་སྒྲུབ་ཐབས། དང་པོར་རེ་ཞིག་བདེ་པའི་སྟན་ལ་ཉེ་བར་གནས་པའི་སྒྲུབ་པ་པོས་ཡི་གེ་ཨཾ་དམར་པོ་ལས་དེས་གྲུབ་པའི་ཉི་མའི་དཀྱིལ་འཁོར་རང་གི་སྙིང་གར་རྣམ་པར་བསྒོམས་ལ། དེའི་སྟེང་དུ་ཡི་གེ་ཧཱུཾ་མཐིང་ནག་རྣམ་པར་བཀོད་དོ། །ཡི་གེ་ཧཱུཾ་གི་འོད་ཟེར་ལས་བྱུང་བའི་བགེག…

སེམས་དཔའ་རྣམས་ལེགས་པར་དམིགས་ལ། མེ་ཏོག་ལ་སོགས་པས་ཡང་དག་པར་མཆོད་ཅིང༌། ཕྱག་བཙལ་ཏེ། གསུམ་ལ་སྐྱབས་སུ་འགྲོ་བ་ལ་སོགས་པ་བྱ་སྟེ། སྟོང་པ་ཉིད་བསྒོམ་པར་བྱ་བའོ། །ཨོཾ་སྟོང་བ་ཉིད་ཀྱི་ཡེ་ཤེས་ཀྱི་རྡོ་རྗེའི་བདག་ཉིད་ཀྱི་རང་བཞིན་ནི་ང་ཡིན་ནོ། །དེའི་རྗེས་ལ་ཡི་གེ་ཨཾ་དམར་པོ་ལས་བྱུང་བའི་ཉི་མའི་དཀྱིལ་འཁོར་གྱི་སྟེང་དུ་ཡི་གེ་ཧ…

རྒྱ་གར་སྐད་དུ། བ་ལིཾ་བི་དྷིཿ། བོད་སྐད་དུ། གཏོར་མའི་ཆོ་ག །དབང་པོ་ལ་ཧྲཱིཿ་གཤིན་རྗེ་ལ་ཥིཊྲཿ་ཆུ་ལྷ་ལ་བི། ཀུ་བེ་ར་ལ་ཀྲྀ། དབང་ལྡན་ལ་ཏ། མེ་ལྟ་ལ་ཨ། བདེན་བྲལ་ལ་ན། རླུང་ལྟ་ལ་ན། ཟླ་བ་ལ་ཧཱུཾ། ཉི་མ་ལ་ཧཱུཾ། ཚགས་པ་ལ་ཕཊ། ནོར་བདག་ལ་ཕཊ། སྣ་ཚོགས་བཤེགས་གཉེན་ལ་སྭཱ། འབྱུང་བོ་རྣམས་ལ་ཧཱ། ཧི་ཧཱི་ཧཱུཾ་ཧཱུཾ་ཕེཾ་ཕེཾ་སྭཱ་ཧཱ། གཏོ…

གཤིན་རྗེ་གཤེད་ལ་དབུལ་བར་བྱ་བའོ། །གཏོར་མའི་ཆོག་ཨ་བྷ་ཡ་ལས་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །

རྒྱ་གར་སྐད་དུ། བཛྲ་ཧཱུཾ་ཀཱ་ར་སཱ་དྷ་ནཾ། བོད་སྐད་དུ། རྡོ་རྗེ་ཧཱུཾ་མཛད་ཀྱི་སྒྲུབ་ཐབས། སྔར་བཤད་པའི་ཆོ་གའི་རིམ་པས་ནམ་མཁའི་དབྱིངས་སུ་ཡི་གེ་ར་ལས་བྱུང་བའི་ཉི་མ་ལ། ཡི་གེ་ཧཱུཾ་འབར་བའི་འོད་དཔུང་བསྐལ་པའི་མེ་ལྟར་ཤིན་ཏུ་འབར་བ་ཁ་དོག་ནག་པོ་གཟི་བརྗིད་ཆེན་པོས་འཁྲིགས་པའོ། །དེ་བྱུང་དྲག་པོ་ཆེན་པོ་ནི། རྡོ་རྗེ་ཧཱུཾ་མཛད་ཅེས…

རྒྱ་གར་སྐད་དུ། མ་ཧཱ་བ་ལ་སཱ་དྷ་ནཾ། བོད་སྐད་དུ། སྟོབས་པོ་ཆེའི་སྒྲུབ་ཐབས། སྔར་བཤད་པའི་ཆོ་གའི་རིམ་པས་སྟོང་པ་ཉིད་བསྒོམས་པའི་རྗེས་ཐོགས་ལ། པདྨ་དཀར་པོ་དང་ཉི་མ་ལ་ཧཱུཾ་ལས་བྱུང་བའི་སྟོབས་པོ་ཆེ་ཞལ་གཅིག་པ་ཕྱག་བཞི་པ། སྐུ་མདོག་ཐམས་ཅད་དམར་བ། དབུ་སྐྲ་ཁམ་སེར་གྱེན་ལ་འཕྱུར་བ། སྦྲུལ་གྱི་ཐོད་ཀྱིས་བཅིངས་པ་སྟེ། གཡས་པའི་ཕྱག་…

རྒྱ་གར་སྐད་དུ། ཧེ་རུ་ཀ་སཱ་དྷ་ནཾ། བོད་སྐད་དུ། ཧེ་རུ་ཀའི་སྒྲུབ་ཐབས། དུར་ཁྲོད་བརྒྱད་ཀྱི་དབུས་གནས་པའི། །དོགས་བྲལ་དགའ་བའི་ཡིད་ལྡན་པས། །ཐབས་དང་ཤེས་རབ་ཆོག་ཡིས། །ཉི་མ་ཟླ་བའི་སྦྱོར་ལྡན་པས། །ཨ་ཚན་ཀ་ཚན་སྦྱོར་བ་ལས། །ཉི་མའི་དཀྱིལ་འཁོར་བསྒོམ་པར་བྱ། །དེ་ལ་ཧཱུཾ་ཡིག་ལས་བྱུང་བའི། །རྡོ་རྗེ་རྩེ་མོ་ལེགས་ལྡན་པས། །མི་ལྤགས་…

རྒྱ་གར་སྐད་དུ། ཧེ་བཛྲ་སཱ་དྷ་ནཾ། བོད་སྐད་དུ། དགྱེས་པའི་རྡོ་རྗེའི་སྒྲུབ་ཐབས། འཇིག་རྟེན་གསུམ་སྐྱོང་ཧེ་རུ་ཀ །བླ་མ་མགོན་ལ་ཕྱག་འཚལ་ནས། ཤཱནྟཱི་ཞལ་སྔ་ནས་གསུངས་དེའི། །སྒྲུབ་ཐབས་ཆོ་གར་རྣམ་པར་དབྱེ། །དཔའ་བོ་ཞལ་གཅིག་ཕྱག་གཉིས་པ། །མགུལ་པར་བདག་མེད་མ་ཡིས་འཁྱུད། །འཁོར་ལོ་ལ་སོགས་རྒྱན་དང་ལྡན། །སྤྱན་གསུམ་རྐང་གཉིས་རྒྱལ་པོ…

བྱད་ལྔས་ཡང་དག་པར་མཆོད་དེ། དེའི་སྤྱན་སྔར་སྡིག་པ་བཤགས་པ་དང༌། བསོད་ནམས་ལ་རྗེས་སུ་ཡི་རང་བ་དང༌། གསུམ་ལ་སྐྱབས་སུ་འགྲོ་བ་ཡང་བྱས་ལ་བྱང་ཆུབ་ཆེན་པོའི་སེམས་བསྐྱེད་དེ། སེམས་ཅན་རྣམས་ལ་ལྷ་རྫས་ཀྱི་བདེ་བ་ཉེ་བར་སྒྲུབ་པར་བྱེད་པའི་རྣམ་བའི་བྱམས་པ་དང༌། སྡུག་བསྔལ་ཐམས་ཅད་སྤོང་བར་བྱེད་པའི་སྙིང་རྗེ་དང༌། བདེ་བ་དེ་ཇི་སྲིད་དུ་…

ཀྱི་སྨད་ཀ་དང་ལྡན་པའོ། །སྐྲའི་ཐི་གུའི་དག་བྱེད་ཀྱི་ག་ཤ་དང༌། དཔུང་རྒྱན་དང༌། རྐང་རྒྱན་དང་ལྡན་པ་དབུ་སྐྲ་ཁམ་པ་གྱེན་ལ་ཕྱོགས་པའོ། །ཞལ་གཅིག་ཕྱག་གཉིས་མ། གྲི་གུག་དང་ཐོད་པ་བསྣམས་པའི་བདག་མེད་མ་ལ་ཀུན་ནས་འཁྱུད་པའོ། །དེ་ལྟ་བུར་གྱུར་པར་བདག་ཉིད་རྣམ་པར་བསྒོམ་པར་བྱ་བའོ། །དེ་ནས་འདིར་རྣ་བ་ལ་ནི་བདག་མེད་མའོ། །མིག་ལ་ནི་རྡོ་…

པའི་དམ་ཚིག་གི་རྫས་རྣམས་རྡོ་རྗེ་དང་པདྨ་མཉམ་དུ་སྦྱོར་བས་མེ་སྦར་བར་བྱ་བའོ། །དེས་རྫས་རྣམས་བསྐོལ་བར་བྱའོ། །སྨིན་པ་ན་ཁུ་བར་བྱས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་མཐོང་བར་བྱེད་པའི་ཡེ་ཤེས་ཀྱི་ཉི་མའི་འོད་འབར་བ་དང༌། ཡེ་ཤེས་ཀྱི་ས་བོན་དེ་འབར་བ་དག་གིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་བདུད་རྩི་ཀུན་ནས་དྲངས་ཏེ…

རྒྱ་གར་སྐད་དུ། ནཻ་རཱཏྨ་སཱ་དྷ་ནཾ། བོད་སྐད་དུ། བདག་མེད་པའི་སྒྲུབ་ཐབས། སྔར་བརྗོད་པའི་ཆོ་གས་སྟོང་བ་ཉིད་ཀྱི་རྗེས་ལ་ཟླ་བའི་དཀྱིལ་འཁོར་ལ། ཡི་གེ་ཨཾ་མཐིང་ནག་ལས་བྱུང་བའི་གྲི་གུག་དང༌། ས་བོན་དང༌། སྤྲོ་བ་ལ་སོགས་པ་སྔོན་དུ་འགྲོ་བ་ཡོངས་སུ་གྱུར་པ་ལས་རོའི་སྙིང་གར་ཟླ་བ་ལ་གནས་པའི་སྐྱིལ་ཀྲུང་ཕྱེད་པའི་གར་གྱིས་བཞུགས་པའི་བད…