འདས་མ་ཉིན་དུ་ཡོངས་སུ་བརྟགས་ལ། ཞབས་བསིལ་དང༌། ཞལ་བསིལ་ལ་སོགས་པ་ཕུལ་ནས་དཀྱིལ་འཁོར་གྱི་ཁང་པར་གཞུག་པར་བྱའོ། །ཤར་དུ་མངོན་པར་ཕྱོགས་པར་བྱས་ནས་ཀུ་ཤའི་ཆུན་པོ་རྣམས་གདན་གྱི་འོག་ཏུ་བྱིན་ལ་དེའི་སྟེང་དུ་འདུག་པར་བྱའོ། །དེའི་རྗེས་སུ་སློབ་དཔོན་གྱིས་ཇི་ལྟ་བར་དཀྱིལ་འཁོར་དུ་ས་བོན་དང་མཚན་མ་ཡོངས་སུ་གྱུར་པ་ལས་སྐད་ཅིག་གིས་ད…

ཞེས་པས་དཀྱིལ་འཁོར་དུ་གཞོན་ནུ་མའི་མཆོད་པ་བྱས་ནས། དེ་ཡི་རྗེས་སུ་བཟའ་དང་བཅའ་དང་འགམ་པ་རྣམས་དང་སྣ་ཚོགས་རོ་མཆོག་རྣམས་དང་བཏུང་བ་དང༌། །གཞི་བ་དང་བལྡག་དང་མེ་ཏོག་སོ་རྩི་རྣམས་དང་དེའི་གོས་རྣམས་དང་གཡོན་རྣམས་རབ་ཏུ་དབུལ་བྱ་སྟེ། །འཁོར་ལོའི་ཁང་པར་འཁོར་ལོ་འོ་དེ་རྗེས་འབྱོར་པས་བཟོ་བོ་འདུས་པ་རྣམས་ཀྱང་ཚིམ་པར་བྱ། །ཕྱི་ནས་ར…

ཕྱི་རོལ་གྱི་དངོས་པོ་ཡོད་པ་ལ་ཡང་བསམ་གཏན་ཁོ་ན་གཙོ་བོ་ཡིན་ནོ། །འཇིག་རྟེན་པས་མཐོང་བས་ན་སྦྱིན་པ་ལ་མངོན་པར་དད་པ་ལ་སོགས་པས་བསོད་ནམས་འཕེལ་བར་བྱ་བའི་ཆད་འབའ་ཞིག་ཏུ་ཕྱིའི་ཆོ་ག་འདོད་དོ། །ཡོ་བྱད་དང་བྲལ་བས་ནི་བསམ་པ་ཁོ་ནས་ཆོ་ག་ཐམས་ཅད་བསྒྲུབ་པར་བྱའོ། །དེའང༌། དངོས་པོ་ཐམས་ཅད་མེད་གྱུར་ན། །བསམ་པ་ཉིད་ཀྱིས་ཡོངས་སུ་བརྟག །…

པར་མཆོད་ནས། མི་བསྐྱོད་རྡོ་རྗེ་ཞེས་པ་ལ་སོགས་པའི་ཚིགས་སུ་བཅད་པ་དྲིལ་བུ་འཁྲོལ་བ་སྔོན་དུ་འགྲོ་བས་བསྟོད་དེ། རང་གི་སྙིང་གའི་ས་བོན་གྱི་འོད་ཟེར་གྱིས་ཁྲོ་བོ་དང་བཅས་པའི་སྲུང་བའི་འཁོར་ལོ་རྩིབས་བཅུ་པའི་ལྟེ་བ་ལ་གནས་པའི་གཞལ་ཡས་ཁང་གི་ནང་ན་བཞུགས་པའི་དཀྱིལ་འཁོར་དང་དབང་པོ་ལ་སོགས་པ་འཁོར་དང་བཅས་པ་དང་ཀླུ་རྣམས་དང་སེམས་ཅན…

བྱའོ། །དེ་རྣམས་ཀྱང་རང་གི་དཀྱིལ་འཁོར་གྱི་བདག་པོ་ནས་བརྩམས་ཏེ་གནོད་མཛེས་ཀྱི་མཐར་ཐུག་པ་རྣམས་དང༌། དེ་ནས་དབང་པོ་ལ་སོགས་པ་འཁོར་དང་བཅས་པ་རྣམས་དང་དེའི་རྗེས་སུ་ཀླུ་རྣམས་དང༌། དེ་ནས་སེམས་ཅན་ཐམས་ཅད་ཀྱི་ལྕེ་ཧཱུཾ་ལས་བྱུང་བའི་རྡོ་རྗེ་རྩེ་གཅིག་པ་དམར་པོ་རྣམས་ཀྱི་འོད་ཟེར་གྱི་སྦུ་གུས་སམ། ཡིད་ཀྱིས་བདུད་རྩི་བཀུག་པ་རྣམས་ཉ…

ལ་སོགས་པའི་གཏོར་མས་སེན་ཐི་ལ་སོགས་པ་བཀང་བ་འམ་ཁམ་ཕོར་རྣམས་སམ་སྙིམ་པས་དབུལ་བར་བྱའོ། །སའི་གོང་བུ་རྣམས་ལས་ཕྱི་རོལ་དུ་སའི་གོང་བུ་བཅོ་ལྔ་དང༌། དེ་དག་མེད་ན་མཎྜལ་རྣམས་ཀྱི་སྟེང་དུ་དབང་པོ་ལ་སོགས་པ་བཅོ་ལྔ་པོ་རྣམས་ལ་སྦྱིན་པར་བྱའོ། །དབང་པོའི་གཡས་ཕྱོགས་སུ་སྒྱུ་མ་རྡོ་རྗེ་སྟེ་ཁྱབ་འཇུག་དང་རྡོ་རྗེ་འཇིགས་བྱེད་ནི་ལུས་ངན་…

གཞལ་ཡས་ཁང་གི་ནང་ན་གནས་པའི་དཀྱིལ་འཁོར་དང་སྲུང་བའི་འཁོར་ལོའི་ཕྱི་རོལ་གྱི་ཕྱི་ཕྱོགས་རྣམས་སུ་དབང་པོ་ལ་སོགས་པ་འཁོར་དང་བཅས་པ་དང་སེམས་ཅན་དཔག་ཏུ་མེད་པ་རྣམས་ཀྱང་ནང་དུ་བཀུག་ནས་དཔྲལ་བའི་དབྱིངས་སུ་འབར་བའི་ཕྱག་རྒྱ་བཅིངས་ཏེ་འགྱིང་བ་དང་བཅས་པས་ཕེཾ་ཞེས་པ་ལན་གསུམ་བརྗོད་ཅིང་མདུན་དུ་དཀྱིལ་འཁོར་སྤྱན་དྲང་ངོ༌། །ཨོཾ་ཀྐཀ་ཌྷ་…

ཡཀྵ་བཛྲ་ཧཱུཾ་ཕཊ། ཨོཾ་བཛྲ་ཀཱ་ལ་བཛྲ་ཧཱུཾ་ཕཊ། ཨོཾ་བཛྲ་མ་ཧཱ་བ་ལ་བཛྲ་ཧཱུཾ་ཕཊ། ཨོཾ་བཛྲ་བྷི་ཥ་ཎ་བཛྲ་ཧཱུཾ་ཕཊ། ཨོཾ་བཛྲ་ཨུཥྞཱི་ཥ་ཙ་ཀྲ་བརྟི་བཛྲ་ཧཱུཾ་ཕཊ། ཨོཾ་བཛྲ་པཱ་ཏ་ལ་བཛྲ་ཧཱུཾ་ཕཊ། ཅེས་བའི་སྔགས་བཅུའི་ཧཱུཾ་ཕཊ་ཅེས་པའི་སྔོན་དུ་ཨི་མཾ་བ་ལིཾ་གྲྀ་ཧྞ་གྲྀཧྞ་གྲྀཧྞ་ཆེ་གེ་མོའི་ཤཱནྟི་ཀུ་རུ་རཀྵ་ཀུ་རུ་ཞེས་པ་བཅུག་ལ། ལན་རེ་བརྗོད་…

ནས་དབང་པོ་ལ་སོགས་པ་འོད་གསལ་བར་རབ་ཏུ་ཞུགས་པ་རྣམས་ཤེས་རབ་དང་བཅས་པའི་ཧེ་རུ་ཀའི་གཟུགས་སུ་གྱུར་པར་རྣམ་པར་བསམས་ལ། ཞབས་བསིལ་ལ་སོགས་པ་དབུལ་བ་སྔོན་དུ་འགྲོ་བས་སྔ་མ་བཞིན་དུ་སྦྱངས་པའི་གཏོར་མ་རྣམས། །ཨོཾ་དེ་བ་པི་ཙུ་བཛྲ་ཨི་མཾ་བ་ལིཾ་གྲྀ་ཧྞ་གྲྀ་ཧྞ་ཆེ་གེ་མོའི་ཤཱནྟིཾ་རཀྵཉྩ་ཀུ་རུ་ཀུ་རུ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་པའི་…

སིངྒྷ་ཨཾ་བྷ་ཀཛྫ་སཔྤ། སཱ་ད་ཁནྟི་ཁུ་ཎི་ཕེ་ཌ་ག་ད། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱཱ་ནུཏྤནྣ་ཏྭཱ་ཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། ཞེས་པའི་སྔགས་ཀྱིས་དབང་པོ་ལ་སོགས་པ་རྣམས་ལའོ། །ཨོཾ་ཨིནད་ཞེས་པ་ལ་སོགས་པ་མིང་ནས་འབོད་པ་རྣམས་ནི་རང་རང་གི་ཕྱོགས་ཀྱི་སེམས་ཅན་དཔག་ཏུ་མེད་པ་མཚོན་པར་བྱེད་པའོ། །གཱ་དང་ཞེས་པ་ནི་ལུས་ལའོ། །འདི་ཡ…

གྱིས་ཁྲུས་དང་གཙང་སྦྲ་དང་ཡན་ལག་དྲི་ཞིམ་པོ་དང་ལྡན་པས་ལུས་ལ་གོས་གཙང་མ་བགོས་ཏེ་ཇི་ལྟར་རྙེད་པའི་ཅོད་པན་ལ་སོགས་པས་བརྒྱན་ནས་སྙིང་རྗེ་དང་བྱམས་པ་ལ་ཡོངས་སུ་གནས་པའི་ཡིད་ཀྱིས་པུས་མོ་གཡས་པའི་ལྷ་ང་སའི་གཞི་ལ་བཙུགས་ཏེ་ལག་པ་ཐལ་མོ་སྦྱར་བ་བྱས་ལ། ཤར་རམ་བྱང་དུ་ཁ་བལྟས་ནས་ཆ་གཅིག་གིས་གདོན་རྣམས་མཆོད་པའི་ཆེད་དུ་ཚིགས་སུ་བཅད་པ…

པོ་རྣམས་མཆོད་པའི་ཆེད་དུ་ཚིགས་སུ་བཅད་པ་འདི་རྣམས་བརྗོད་པར་བྱའོ། །དབང་པོ་ཅན་གྱི་ལྟ་ཚོགས་འཁོར་དང་བཅས། །ཁྱད་འཕགས་གཏོར་མ་འདི་ནི་བཞེས་སུ་གསོལ། །མེ་དང་གཤིན་རྗེ་བདེན་བྲལ་ས་ཡི་བདག །ཆུ་བདག་རླུང་དང་ནོར་གྱི་བདག་པོ་དང༌། །དབང་དང་ལྡན་པ་འབྱུང་པོའི་ལྷ་རྣམས་དང༌། །སྟེང་གི་ཉི་ཟླ་ཚངས་པ་ཆེན་པོ་དང༌། །ལྷ་རྣམས་ཀུན་དང་གང་དག་ས…

རིམ་པ་ལའོ། །རྫོགས་པའི་རིམ་པ་ལ་ནི་ཤེས་རབ་དང་ཐབས་ལས་གཡོ་བ་མེད་པའི་སེམས་ཀྱིས་དགོངས་པར་གསོལ་བ་ཙམ་གྱིས་སྤྱན་དྲངས་པའི་ཤེས་རབ་དང་ཐབས་ཀྱི་རང་བཞིན་ཉིད་དང་འདོད་པའི་དཀྱིལ་འཁོར་གྱི་དབང་ཕྱུག་ལ་སོགས་པའི་ལྷ་དང་བཅས་པའི་དབང་པོ་ལ་སོགས་པ་རྣམས་ལ་ཡེ་ཤེས་ཀྱི་རོ་དང་ཐ་མི་དད་པའི་གཏོར་མ་དབུལ་བ་ནི་གཏོར་མའི་ཆོ་གའོ།། །།གདོན་སོག…

ཕྱོགས་བྲལ་རྣམས་སུའོ་སླར། །རྣམ་པར་རྒྱལ་བའི་འཁོར་ལོ་ནི། །དོན་ཀུན་གྲུབ་པར་བྱེད་པ་སྟེ། །སེམས་ཅན་ཀུན་ལ་ཕན་བལྟས་ནས། །འདི་ནི་ཡེ་ཤེས་རྡོ་རྗེས་བྱ།། །།དེ་ལ་དང་པོར་གཟའ་ཡུམ་གྱི་ཆོ་ག་བྲི་བར་བྱའོ། །དབུས་ཀྱི་ལྟེ་བར་པདྨ་དཀར་པོའི་སྟེང་དུ་གུར་གུམ་གྱི་དྲིའི་མཎྜལ་ལ་ལྷ་ཉི་མ་བསམ་པར་བྱ་སྟེ། །དཀའ་ཐུབ་ཅན་གྱི་གཟུགས་འཛིན་པ་སྐ…

བདུག་སྤོས་ཏེ། ལོ་ཏི་ཏ་ཝརྞ་ནིར་ག་མཱ་ཡ་བྲྀ་ཧ་ས་བཱ་ད་ཡེ་ཨོཾ་ན་མོ་བྷོ་ག་སྤ་དཱ་ཡ་སྭཱ་ཧཱ། མེའི་འདབ་མར་ཙནྡན་གྱི་དྲིའི་མཎྜལ་བ་སངས་ནི་ཕྱུགས་བདག་གི་བརྟུལ་ཞུགས་འཛིན་པ་སྐུ་མདོག་དཀར་པོ་རལ་བའི་ཅོད་པན་ཅན། བགྲང་ཕྲེང་དང་སྤྱི་བླུགས་འཛིན་པའོ། །འདི་ལ་ནི་འོ་ཐུག་གི་བཟའ་བ་དང་ག་བུར་གྱི་བདུག་སྤོས་ཀྱང་དབུལ་བར་བྱ་སྟེ། ཨོཾ་ན་མཿ…

པ་མཛད་པའོ། །བྱང་གི་སྒོར་འཇམ་དཔལ་གཞོན་ནུ་གུར་གུམ་གྱི་མདོག་ཅན་ཆོས་འཆད་ཀྱི་ཕྱག་རྒྱ་མཛད་པའོ། །དབང་ལྡན་དུ་ནི་གཟའ་ཐམས་ཅད་དེ་སྣ་ཚོགས་པའི་མདོག་དང༌། སྣ་ཚོགས་པའི་དབྱིབས་དང་རྣམ་པ་སྣ་ཚོགས་པའི་གཟུགས་ཅན་ནོ། །མེར་ནི་རྒྱུ་སྐར་ཐམས་ཅད་དེ་རང་རང་གི་བཞོན་པ་ལ་ཡང་དག་པར་གནས་ཤིང་ཐམས་ཅད་ཐལ་མོ་ཡང་དག་པར་སྦྱར་བའོ། །བདེན་བྲལ་དུ་…

སྭཱ་ཧཱ། ཨོཾ་བི་རའུ་པ་ཀཥཱ་ཡ་སྭཱ་ཧཱ། ཨོཾ་ཀུ་བཻ་རཱ་ཡ་སྭཱ་ཧཱ། འདི་རྣམས་ཐམས་ཅད་ལ་རང་རང་གི་སྔགས་དེ་ཉིད་ཀྱིས་མཆོད་ཡོན་དབུལ་བར་བྱ་སྟེ། དེའང་ཉི་མ་ལ་ནི་ཏིལ་དམར་པོ་དང་ཟངས་དང་ཙནྡན་དམར་པོས་སོ། །ཟླ་བ་ལ་ནི་དངུལ་དང་ཏིལ་དཀར་པོ་དང་ཙནྡན་དཀར་པོས་སོ། །བཀྲ་ཤིས་ལ་ནི་ཟངས་དང་འབྲས་དམར་པོ་དང་ཙནྡན་དམར་པོས་སོ། །གཟའ་ལྷག་ལ་ནི་ནས་…

ཡིག་ལས་ཟླ་བའི་དཀྱིལ་འཁོར་དང༌། སླར་ཡང་དེའི་སྟེང་དུ་བྷྲཱུཾ་ཡིག་ཡོངས་སུ་གྱུར་བ་ལས་རིན་པོ་ཆེའི་རི་བོ་དང་དེའི་སྟེང་དུ་བྷཱུཾ་ཡིག་གི་ས་བོན་ལས་ནོར་རྒྱུན་མ་བསྒོམ་པར་བྱ་སྟེ། སྐུ་མདོག་སེར་པོ་ཞལ་གཅིག་ཕྱག་དྲུག་མ་རོལ་པའི་འདུག་སྟངས་ཀྱིས་བཞུགས་པ། དེ་བཞིན་གཤེགས་པའི་ཅོད་པན་ཅན་ཕྱག་གཡས་ཀྱི་ངང་པོས་མཆོག་སྦྱིན་གྱི་ཕྱག་རྒྱས་…

ནོར་སྦྱིན་མ་དམར་མོ་བུམ་པ་བཟང་པོ་དང་བི་ཛ་པཱུ་ར་ཀའི་ཕྱག་རྒྱ་ཅན་ནོ། །བྱང་དུ་རྣམ་ཐོས་སྲས་སེར་པོ་རིན་པོ་ཆེའི་མྱུ་གུ་དང་བི་ཛ་པཱུ་ར་ཀའི་ཕྱག་རྒྱ་ཅན་ནོ། །ཐམས་ཅད་སེམས་དཔའི་སྐྱིལ་ཀྲུང་ཅན་ཏེ། གང་བཤད་པ་དེ་རྣམས་ནི་གཡས་པ་བི་ཛ་པཱུ་ར་ཀའི་ཕྱག་ཅན་དང༌། གཡོན་པ་བརླ་ལ་བརྟེན་པའོ། །འདི་དག་ནི་ལྷ་རྣམས་དགོད་པའི་རིམ་པའོ། །བཅོམ་…

སམ་ཁང་པའི་མཛོད་མིག་ཏུ་ཙནྡན་གྱི་མཎྜལ་གྲུ་བཞི་པ་བྱས་ལ། བཅོམ་ལྡན་འདས་དེ་བཞིན་གཤེགས་པ་དང་འཕགས་པ་སྤྱན་རས་གཟིགས་དབང་ཕྱུག་དང༌། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་སྔགས་ཀྱི་ལྷ་རྣམས་ཀྱི་སྤྱན་སྔར་ཇི་ལྟར་འབྱོར་པའི་མཆོད་པ་རྒྱ་ཆེན་པོ་བྱས་ཏེ། ཤིན་ཏུ་མཉམ་པར་གཞག་པས་བཅོམ་ལྡན་འདས་མ་དེ་ཉིད་བསྒོམ་པར་བྱ་ཞིང༌། སེམས་རྩ…